 |
البارت السادس والعشرون + السابع والعشرون من الجزء الثاني
خادمتي ولكن
💗💗 💗💗💙💙💙💙💙💚💚💚💚💚
احمد : قبل ما يروح شغله بلغ مروان وهو خارج انه ها يبات فى الشغل .. و قرر يروح لريم الا عرف عنها كل حاجه ويصارحها بمشاعره .. دخل الصيدليه ..
ريم : قاعده ساكته وهاديه وحاطه رجل على رجل .. وبتبص له
أحمد : ها تفضلى تبصيلى كتيررر ... ممكن اتكلم معاكى
ريم : انت مين وعايز منى ايه
أحمد : انا مين وعايز ايه ... عايزا قاعده كدا وكوبيتن لمون .. ونتكلم فى كل حاجه ..
ريم : وانا ما بشربش لمون مع حد غريب . وخصوصا انت ..
أحمد : طيب ايه رايك كيسين فوار من الصيدليه وكوبيتين ونعمل جو شاعرى مفيش بعده .. وسيبى مشاعرك
ريم : اسيبها لايه
أحمد : سبيها يمكن تفووور .. ادام معترضه على اللمون
ريم : ابتسمت .. ولفت وشها
احمد : ادام ابتسمتى .. يبقى نقعد وراح قعد على الكرسى الا قدام المكتب .. بصى انا معجب بيكى ومحبش اللف والدوران
ريم : والا انت عملته دا كان ايه
احمد : كان فضول اعرف الشخصيه دى عن قرب .. يعنى سميه زى ما تسميه .. انا يا ستى نقيب احمد مروان السمرى .. وزى ما قولتلك معجب بيكى وان شاء الله ها افاتح والدى واتقدم على طول .. بس بعد ما اخلص القضيه الا فى ايدى ان شاء الله .. وحابب اعرف اذا كان فى قبول والا لاء من نحايتك قبل ما اتقدم ليكى ..
ريم : لما تتقدم ها تعرف رأى
أحمد : طيب اسيبك انا بقى واشوفك ان شاء الله فى قراية الفاتحه بتاعتنا
ريم : ايه الثقه دى مش للدرجه يعنى
احمد : بيغمز لها ..وممكن يبقى كتب كتاب على طول . وابتسم لها .. ومشى . راح لكريم
ريم : قاعده وريحت ضهرها لورا وابتسمت .. ومش مصدقه من تطور الاحداث ومن قلبها الا بيدق بعنف من ساعة ما احمد دخل الصيدليه وبتحاول تبان متماسكه لحد ما خرج منها . سرحت فيه وفى كلامه وافعاله . وكل حاجه من اول يوم شافته لحد ما جه وقال لها واعترف انه معجب بيها ... وضحكت جااامد لما خد سندوتشتها.. ومصمم انها تاكل منها . ويقول لها انتى قطمه وانا قطمه وبتفكر ليه ادام معحب بيها عمل دا كله لازم تعرف
*****************
طارق فضل جمب حور وكلم أحمد وكريم وبلغهم بكل الا حصل وطمنهم ان كله تمام .. وخطتهم ماشيه كويس .. عدى وقت كبير وهو قاعد قدام سريرها
منير : ها تفضل كدا .. قوم روح واول ما تفوف ها أكلمك
طارق : لا طبعا .. افرد الست عندها اطفال جوزها اهلها أكيد ميتين من القلق عليها ..
منير : ها نعمل ايه يعنى أكتر من الا عملناه هى طبيا كويسه ومفهاش اى حاجه ولا كسور ولا أى شئ غير كدمات بسيطه يا طارق
طارق : مسك ايديها وبيهز فيها جااامد ما تفوقى بقى وقوليلنا انتى مين
حور : فتحت عنيها .. واول ما شافت طارق ابتسمت انت جيت يا حبيبى 😂😂
طارق : رمى ايديها .. حبيبك وبيبص وراه مفيش حد ومنير واقف يضحك .. بيشاور على نفسه وتنح انا حبيبك والا بتخرفى والا ايه 😂😂
حور : ايوا حبيبى وقلبى وروحى .. انا عارفه انك زعلان منى .. خلاص يا طارق مش ازعلك تانى
😂😂😂
منير بيزق طارق : انت بتأفلم عليا وبتقول ماعرفش مين دى .. عاملى علاقه مع واحده اد أمك
طارق بعصبيه : والله ما اعرفها .. انتى مين انتى وتعرفينى منين .
حور : انا مراتك يا حبيبى .. كل ما نزعل مع بعض لازم تعمل فيا كدا .. ومسكت فيه وشدته عليها .. وبتغنيها حقك عليا .. حقك عليا 😂😂😂
طارق : متنح .. وبيشد نفسه منها .. اوعى يا ست انتى . ايه الجنان دا وضرب منير الا واقف يضحك .. ما تعمل حاجه شوف مالها دى ..السلوك ضربت عندها
منير : ماهى قدامك زى الفل .. وكمان عارفه اسمك ولو حلفتلى على الميه تجمد مش ها اصدق انك ما تعرفهاش .. اتفضل بقى خدها وأمشى .. ولو شوفت وشك بمصيبه من بتوعك تانى .. ها اشتكيك للمركز .. لا للمدريه عشان تلمك
طارق : ضرب منير برجله .. تصدق انك دكتور فاشل .. يا فاشل . ولسا طالع على برا وسايب حور
منير جرى وراه ومسكه : رايح فين انت .. تعالى هنا .. قومى يا ست روحى مع جوزك
حور : قايمه بتعب .. ومسكت دراع طارق وسندت عليه براسها .. ياله يا قلبى عشان العيال .. انت وحشتهم
طارق : بصوت عالى وبيشاور بأيده هو انا عندى عيال كمان 😂😂😂
حور : عيالنا الا ياما حلمنا بيهم .. وبندعى كل يوم ربنا يرزقنا بمجد وإصلاح
طارق بيهز راسه : اه لسا بنحلم نجيب مجد ومين ياختى .. إصلاح وتهذيب ودا والا ايه .. انتى شكلك مجنونه او بتشتغلينى انتى مين يا ست .
حور : الله يا طارق .. مراتك يا راجل ..
منير : الله ما قالتلك مراتك .. روح ياعم حل بلاويك برا .. خلينى اشوف الا ورايا ..
طارق : خدها ونزل ومش عارف يعمل ايه ولا يروح فين باليل بيها يحبسها بتهمة ايه .. طب مجنونه طب الخبطه هى الا عملت فيها كدا وسمعت اسمه اول ما فاقت وهو بيكلم منير .. مش فاهم حاجه وخايف يظلمها .. خدها ومشى بيها بعربية منير الا خد مفتحها منه قبل ما يمشى
*****************
نور : عايزا ايه يا هيدى .. مالك كدا ..
هايدى : نونه انتى ناسينى ليه كدا
نور : تعالى ساعدى نونه بدال رغيك
هانى : دى زى قلتها فى البيت يا قاعده على التليفون .. يا عامله نفسها بتذاكر وقاعده على التليفون بردو ... بنات اخر زمن
هيدى : وانت ايه مابتسيبش التليفون من ايدك بردو
نور : بابا تعبان ومريح شويه بطلو خناق .. والتليفونات دى بعد كدا بمعاد مش اى وقت ها تقعدو عليها . بقيتو شبه المدمنين
هانى : زق هايدى حلو كدا .. ارتاحتى
هيدى : انت السبب يارخم ..
نور : ياله لو سمحت روح ذاكر وانتى قدامى ساعدينى فى تحضير العشا .. قدامى ..
************************
أحمد : ههههههه ايه الا بسمعه دا .. دى عصابه مهزئه
كريم : بيضحك جااامد .. خدت بالك من الواد الا أسمه اوبح ..
أحمد : ودا ها نشيله والا نقبض عليه ههههه طارق لو يعرف وهو بيحط الكاميرات واجهزة التسجيل فى المخزن اساميهم ايه كان طلع الرشاش وخلص عليهم كلهم ..
كريم : استنى .. ركز فى الا داخل عليهم دا .. أكيد الا مشغلهم ..
أحمد : بدء يركز .. الصوت مش واضح
كريم : استنى .. استنى .. بيقول لهم اننا عايزين 10 اطفال .. وشابين
أحمد : يا ولاد ال.... الناس بالنسبه لهم تجاره طيب الاطفال بيشحتو بيهم الشابين ايه
كريم : قطع غيار .. ربنا يقطعهم
أحمد : يارب ... انت ها تفضل كدا .. تعالى نريح شويه انا تعبت
كريم : طيب انت ها تدخل عليهم ازاى .. لازم نبقى وسطهم قبل ما يجيبو الاطفال
أحمد : بفكر فى حاجه كدا .. وان شاء الله بكرا ننفذ ..بس طارق ماجاش لحد دلوقتى وانا محتاجه هى الست الا خبطها لسا ما فاقتش
كريم : مش عارف بتصل عليه تليفونه مقفول
أحمد : طلع تليفونه .. ها اتصل على منير .. وها نعرف كل حاجه ..
منير : فى بلوه تانيه
أحمد : اهدى علينا ياعم الحمقى .. فين طارق
منير : غار بالمصيبه الا جايبها .. بطلو قرف بقى
أحمد : منير اهدى وقول هديت بدال ما اجيلك اوريك المصيبه على حقيقتها ... فى ايه قولى
منير : قص كل ما حدث .. بس يا سيدى ..
أحمد : بيضحك بهستريه هو وكريم الا سامع كل حاجه من الاسبيكر الا احمد فاتحه .. انت بتتكلم جد يالا .
منير : دكتور محترم بتقوله يالا .. اه جد
أحمد : طيب أسيبك دلوقتى يا فاشل .. وقفل الخط
منير : والله لوريكو يا شلة الخراب انتو .
*******************
كل العيله متجمعه ماعدا الشباب .. بيتعشو مع بعض ..
روكا : انا نفسى افهم انتو سايبن الولاد ليه كدا بقو عندهم 26 سنه .. مش ها يتجوزو بقى ..
روان : ايوا انا عايزا افرح با أحمد بقى
ميرنا : اول ما سمعت الكلام .. خدت نفس طويل واتخنقت .. وبتسمع لهم وساكته ..
مروان : هما احرار .. ومن حقهم يختارو .. ولسا صغيرين
مازن : ايوا .. مروان متجوز بعد التلاتين هو وشريف .. الدنيا ما اتهدتش .. وكمان دول ما بيعجبهمش العجب .. لما قلبهم يدق .. ها يدخلوو فى الحيطه زيى ..
روكا : انت دايما كدا لا بتحمد ولا بتشكر ربنا على النعمه الا ادهالك .. انت كنت تحلم تتجوزنى ..
مازن : لا بقى دا انتى لازم تفوقى .. افتكرى كدا البنات هى الا كانت بتجرى ورايا ..
روكا : ما انت طفص و عينك زايغه ..
روان : يالهوووى .. ما بتزهقووش
مازن بيشاور على روكا : هى الا دايما تعكنن عليا
روكا بتشاور على نفسها : انا يا مازن .. وبتضربه فى كتفه دى اخرتها .. ماشى يا مازن
مروان : انتو عارفين انتو بتتخانقو كام مره فى اليوم .. اعدلكم كميه الهبل الا انا عايش فيها معاكو ..
روكا : مش انا هووو
مازن : ولا انا ..
روان : بعلو صوتها .. يبقى انا مفيش غيرى هنا ..انا لازم اتربى
مازن : لا وربنا .. دا اسمه كلام
روان : والله ابدا .. وبتبص لمروان ربينى يمكن اتهد
مروان : هههههههه مسك ايديها وبيضربها براحه .. ما تعمليش كدا تانى ..
مازن : مسك سكينه .. انت بتعمل ايه خد دى وخلص
روان : بتشهق جااامد .. عايز تخلص منى يا مازن ..
مازن : بملامح اندهاش مزيفه .. ابدا دا هووو
روان : هو مين دا انت وقعتك زبندق بالابندق
مازن : ههههههههههه تانى كدا يمكن القطها
سمسمه : لاندق با إلا بالابندق
مازن : انتى متسلطه عليا انتى وأمك .. الست الا عمر ما يطلع من بوقها كلمه مفهومه .. بتكلم فضائين مش بنى ادمين ..
كلهم : ههههههههههههههههه
مروان : قام وخد مرنا فى ايده .. مالك يا حبيبتى .. ساكته وشكلك مدايقه من حاجه .
مرنا : ابدا يا عمووو
مروان : طب العياده عامله ايه يا دكتوره
مرنا : والله ياعمو مش شغاله خالص .. وكل فين وفين لما يجى واحد بالكتير قوى يكشف ..
مروان : دا الا مدايقك
مرنا : لا عادى .. ان شاء الله لما الناس تعرفنى ها تيجى
مروان : ان شاء الله ما تحملش هم الموضوع دا .. وانا فى الشركه ها نرشح اسمك للعاملين فيها
مرنا : انا مش عايزا حد يجيلى عشانكو يا عمو .. عايزا اثبت انى شاطره وفاهمه كويس
مروان : لو راحو اول مره عشانا .. تانى مره ها يرحو عشان انتى شاطره وفعلا كشفك بيجيب نتيجه وبتشخصى صح .. اوكى
مرنا : اوكى ... هو كريم واحمد وطارق ها يفضلو كدا بنشفهم بالصدفه ياعمو
مروان : ظروف شغلهم كدا .. وهما مرتاحين فيه
مرنا : ربنا معاهم يارب ..
مروان : يارب يا حبيبتى .. ومسك دقنها .. قومى وفوكى ياله
مرنا : حاضر .. وقامت
💗💗💗💙💙💙💚💚💚
خادمتى ولكن ! 27
💗💗💗💗💙💙💙💙💚💚💚💚💚
طارق : انا بلف بيكى بقالى ساعتين .. فين بقى شقتنا مش انا جوزك ولينا شقه ..
حور : اهئ اهئ .. اهئ اهئ .. مش فاكره فين انا مش عارفه ايه جرالى ..
طارق : بعصبيه سيبى دراعى سيبى عارفه لو الموضوع كله مش صدفه كنت شكيت فيكى .. وقولت حد زقك عليا وطلعت روحك فى ايدى
حور : انت كدا .. تعبتنى .. كل ما تزعل تعملى حكايه وتتبرى منى .. وبتمسك فيه أكتر بس انا مش ها أسيبك .. ها نعيش سوا ونموت سوا ..
طارق : موته لما تاخدك .. انا مش عايز أغلط فيكى وانتى اد أمى ..
حور : بتعيط عياط مصطنع .. اد أمك ايه .. انا لسا صغيره .. بس يا خاين تجيب عربيه من ورايا .. وبتحسس على كرسى العربيه .. بس ايه جميله ..
طارق : استغفر الله العظيم وبعصبيه دى مش عربيتى .. عربية الدكتور منير .. حوجتينى له على اخر الزمن ... ووصل الفيلا وداخل بالعربيه
حور : بتبص بعنيها وقاعده فى العربيه مش عايزا تنزل
طارق : ما تنزلى .. ها تفضلى هنا .. خلصى خلينى اروح اودى العربيه وارجع شغلى
حور : انت جايبنى عند مين
طارق : ازاى جوزك ومش عارفه انتى عند مين عند أمى وابويا .. وعارفه لو هبلتى جوا .. ها اقتلك وبصوته كله فاهمه ..
حور : نزلت جرى .. وراحت على باب الفيلا وبتخبط جااامد ههههههههههه
طارق : بيجرى وراها .. يخربيتك .. انتى بتهببى ايه ..
حور : عايزا اشوف حماتى وحمايا وحشونى قوى ..
طارق : بجنون وحشوكى ايه .. انتى تعرفيهم يا ست انتى
شريف : فتح الباب .. وواقف متنح وساكت وطارق ماسك فى خناق حور ..
هدى : طلعت وراه وماسكه فى دراعه مين دى يا شريف وطارق واقف بيتخانق معاها ليه ..
شريف : بصوته كله .. ممكن افهم فى ايه
حور : لفت له .. حمايا .. وحشتنى وبتسلم عليه .. وشريف تنح وبرق وبيبص لأيده وبيردد الكلمه .. حمايا يادى النصيبه .. انا حمايا .. وراحت على هدى حماتى يا حبيبتى .. وبتحضنها وتبوسها .. كل دا ما بتسئليش عليا فيها ايه يعنى اتاخرت فى الخلفه شويا .. تعملو فيا كدا وتقاطعونى .. اه يا نصيبك الاسود يا حور .. يا مظلومه يا حور .. يا ومكملتش ..
طارق : طلع الطبنجه بتاعته .. يا الا روحك ها تطلع للخلقك يا حور .. وبيجرى وراها بالطبنجه .. وشريف بيجرى وراه .. وهدى بتتنطط فى النص اول ما شافت الطبنجه الا طارق ماسكها .
حور : بتجرى وبتستخبى ورا هدى .. وبتغنى بيحبنى بيحبنى .. بيحبنى بيحبنى
طارق : دا انا اول مره فى حياتى اندم انى عملت خيرر .. انا المفروض بعد ما خبطتك بالمتوسيكل كنت سوايتك بالاسفلت .. وشريف جه من وراه ولفف ايده على وسط طارق وماسكه وبيشده عليه ..
شريف : اهدى يخربيتك كدا .. وفهمنى انت عمرك ما بتدخل عليا بحاجه تفرح
طارق : بعصبيه .. مش لما انا أفهم .. افهم وبعدين افهمك ..
هدى : مسكت حور بنفس طريقه شريف لطارق .. وبتشدها .. ما تتهدى بقى فرهدتينى .. انتى مين
حور : انا مراته يا حماتى .. حتى انتى ها تتبرى منى وها تعملى زيه ..
شريف : اتجوزت يالا .. ارتحت ياعين أمك .. رايح تتجوز حجه اد أمك ..
طارق : انت مصدق يا شريف .. دى جننت أمى . انا معرفهاش .. كل الا عملته فيها .. خبطها ودتها المستشفى بتاعت سى زفت الا كل ما اشوف وشه اليوم بيعدى بمصيبه .. مسكت فى رقبتى جوزى جوزى ..
هدى : وهى لسا بتشد فيها عشان تبعدها عن طارق .. يابنتى اهدى .. افتكرى كدا وقوليلى انتى مين وجوزك دا فين ..وعرفتى منين انى امه وهو ابوه
حور : هو جوزى هو .. انا مش ها اتوه عن جوزى ..وبتبص لهدى ولا عنك يا حماتى ياقمر ابنك طالعلك وبصت لطارق... فاكر لما كنت بتجرى ورايا عشان بوسه .. بوسه وانا اقولك ابدا .. لا يمكن غير فى الحلال ..
شريف : بيبص لطارق .. دا أكبر اثبات انك جوزها .. محدش مدمن بوس غيرك يا سافل .. بتتجوز من ورايا .. دى اخرتها يا طفص ..
طارق : ضحك غصب عنه .. وبيشاور بصباعه .. مش انا والله .. انا مظلوم المره دى مظلوم .. واوعى كدا بقى يا وحش .. وسابهم وخارج ..
حور بتعمله باااى : ها استناك يا حبيبى .. ها استناك ياقلبى ..
طارق : ماسك الباب وبيبص لها ومتنح .. وبيهز فى راسه .. وبيقول أكيد انا بحلم .. وقفل الباب ومشى ..
هدى : هو رايح فين دا وسايبها ها نعمل ايه يا شريف
شريف : انا عارف يا هدى .. اخرة ابنك وعمايله السودا فينا ..يرمى البلوه ويمشى
هدى : سابت حور وراحت قعدت على الكنبه وشريف قعد جمبها وسند براسه على كتفها .. وحور راحت جمبها من الناحيه التانيه وسندت هى كمان على كتفها ...
هدى : الكلام دا بجد يا شريف .
شريف : بيبص لحور .. اه بجد والله بجد .. دى كأنها تعرفنا من سنين
**************************
أحمد : كل دا تأخير .. ايه يابنى انت بطل اهمال وقرف
طارق : بزهق .. سبنى فى حالى ..
كريم ؛ جه من ورا طارق .. وبيخبطه على كتفه وبيضحك .. انا سمعت انك اتجوزت واحده اد امك
طارق : اكيد بلوه الاقالك .. مفيش غيره انا لازم اقطع علاقتى بالواد دا ..
أحمد : انت كل سنه بتقطع علاقتك بيه .. وترجع زى الجزمه .. فا لم الدور .. لا منير ها يستغنى عننا ولا احنا كمان .. انت وهو بس الا مصيبتين مع بعض ..
طارق : بيبص لاحمد المره دى الخبطه جااامده .. انا سايبها مع هدى وشريف وربنا يستر لما اروح
كريم : ايه الحكايه بقى
طارق : قص لهم كل ما حدث
احمد وكريم وطارق : 😂😂😂😂😂 ...
طارق : بيزقهم الاتنين .. خلاص بقى انت وهو اعمل ايه فى المصيبه دى
كريم : انت شاكك فيها
طارق : الا حصل كله عل بعضه بعيد عن الشك .. وغير كدا انا كنت بهرب يعنى بدخل فى اى مكان لو حد مترصد ليا وبيعمل نمره .. ها يعملها فى خط سيرى الطبيعى والمعروف .. مش ها ينزلوها بهليكوبتر قدامى .. يعنى
احمد : بس وراها حوار .. ممكن ما يخصكش انت
كريم : او زى ما انت ما بتقول حصل لها حاجه من الخبطه .. وسمعت اسمك .. وركبت حياتها الطبيعيه عليك انت ..
طارق : مش عارف بس لازم اعرف عنها كل حاجه .. لما اخلص القضيه الا فى ايدى الاول
احمد : وها تفضل سايبها عندكم .. لتكون حراميه
طارق : لا شكلها مش من النوع دا ابدا وحتى لو هى كدا مش ها اسيبها انا نبهت على الحراسه يفتحو عنيهم ويبلغونى با الا بيحصل على طول .. المهم كله تمام ..
احمد : تمام قوووى .. تحب تتفرج وتسمع .. وعرفنا حاجات كتير .. تسلم يا بطل .. انت ظبطت الاماكن صح
طارق : طب ورينى كدا .. وقعد قدام الجهاز يسمع ويشوف ..
**********************
منيره : فتحى .. فى حاجه تعابك تانى ..
فتحى : الحمد لله .. مفيش . انا بخير .. ريم فين ومنه .
منيره : راحت لحماتها يا حبيبى وجايه على طول .. ريح على ما تيجى
فتحى : افتحى الدولاب وطلعى الشنطه الا كنت عاينها لهم وهاتيها .
منيره : راحت جابت الشنطه من الدولاب وحطتها على السرير قدام فتحى .. وفتحتها ..
فتحى : مد ايده طلع صور ليهم مع بعض هو وبناته وجدهم وامهم .. ومبروزها بطريقه جميله .. وعلبه صغيره .. فيها دهب ريم وهى صغيره .. وعمل زيهم بالظبط ونفس الشكل عموله .. لمنه ولريم بس على مقاسهم .. وحاطتهم لكل واحده فى علبه .. واول فستان ريم لبسته ... واول كراسه كتبت فيها .. وكتب مذكره بكل مواقفهم الحلوه معاه ومع جدهم لما كانو صغيرين بيفكرهم بيها .. وجامع كل دا فى صندوق خشب عمله على ايده باحترافيه وجميل جدا وكاتب عليه صندوق الذكريات مع احلى بنات
💗💗💗💙💙💙💚💚💚
للمتابعه اترك تعليق
البارت الثامن والعشرون + التاسع والعشرون من الجزء الثاني
خادمتي ولكن
💗💗💗💙💙💙💙💚💚💚💚💚💚
فتحى عمل نفس الصندوق لروان .. وبنفس الطريقه
منيره : الله يا فتحى .. ومخبى عليا يا راجل كل دا .. وانا فين يا فتحى ..
فتحى : شال علبه صغيره فيها سلسله عليها صورته هو واحفاده وريم وروان ومنيره .. وعلقها فى رقبة منيره .. هى دى حاجتك يا حبيبتى .. وبيبوس راسها .. انتى الاصل يا منيره .. لازم كلنا نبقى معاكى على طول
منيره : بحب .. ربنا ما يحرمنى منك ..
فتحى : يارب يا حبيبتى .. الواحد كل ما يكبر .. لو جاله شوية برد بيحس انه قريب من الموت .. وبيخبط على بابه ..
منيره : كل واحد وله عمره .. شيل من دماغك وسيبها على الله .. ارضى ربك وبس
فتحى : ونعمه بالله .. ربنا يرضى عنا جميعا
**********************
انتهى اليوم وبدء يوم جديد بشمس تشرق بانوار ذهبيه .. ونسائم هواء تتمايل معها الاشجار وتزقزق لتميلاها العصافير
*******************
مروان : صباح الخير يا شريف .. خير بتتصل على الصبح ليه .. انتو بخير
شريف : مش قوى يا مروان .. انا مانمتش انا وهدى من امبارح .
مروان : فى ايه يا شريف قلقتنى
مازن : واقف بيشاور له .. فى ايه
شريف : قص لمروان كل ما حدث .. بس يا سيدى .. والاستاذ محدش شاف وشه من امبارح .. والابله الا جابها مطلعه عينى انا وهدى من امبارح يادوب لسا مخموده دلوقتى .. وهدى فصلت ياعينى عليها . وانا مش ها اقدر اسيبها مع الست والا البنت دى واروح الشغل .. او حتى انا شربت 300 فنجان قهوه
مروان : ابنك بيهزر .. وازى يعنى يسيبها معاكو كدا
شريف : والله يا مروان هى شكلها غلبانه قوى .. لدرجه انها ماسكه فى هدى ولا كأنها أمها .. نفسى افهم حكايتها ايه .. وابنى دا مش جديد عليه بلوه ورا بلوه لما ها يجيب اجلى
مروان : بردو الامر ما يسلمش ياشريف .. خلى بالك على نفسك .. وطمنى عليك .. وقفل
مازن : ايه فى ايه
مروان : مش وقته .. بعدين ها اقولك .. ومسك التليفوم بيتصل على احمد مقفول كريم مقفول طارق مقفول .. بصوت عالى بنى ادمين يتفات لها بلاد الاستهتار فى دمهم انا زهرقت
روان : لابسه ونازله معاها سمسمه .. وروكا وراها هى وميرنا ..
مروان : جاهزين
كلهم : ايوا ..
مروان : ياله .. هو خد روان وسمسمه وهيثم خدهم وراح على الشركه ..
مازن : ركب مع ماندو .. هو وروكا .. وميرنا ركبت عربيتها وراحت على عيادتها ..
مروان : ايمن لو سمحت هاتلى ورق فرع اسكندريه
ايمن : حاضر يا مروان بيه ..
روان : ماسكه سمسمه وداخله ورا مروان .. فى ايه يا مروان .. مالك .
مروان : زهقت من عمايل الاستاذه امتى يكبرو ويبطلو يرمو الحمل كله علينا
روان : طول عمرك شايل حمل الكل .. جاى تزهق دلوقتى
مروان : ما توصلش لدرجه اننا نحط اهلنا فى خطر يا روان ازاى بيفكرو دول
روان : فى ايه قلقتنى
مروان : قص لها كل ما حدث
روان : بتخبط على رجلها جااامد . وبتضحك لدرجه ان مروان ضحك على ضحكها
مازن : دخل عليهم .. ضحكونى معاكووو .
روان : شريف وهدى بيتعمل معاهم الصح ..
مازن : من غيرى .. لا كدا فيها قاعده .. اعرف كله
روان : قصت كل شئ
كله
مازن : ههههههههه والله ووقعت فى شر اعمالك يا شرشر انا لازم اتفرج ...
مروان : حلو حكاوى القهاوى دى ..
سمسمه : بابى .. هو طارق اتجوز على طنط هدى
كلهم : 😂😂😂
مازن : هدى امه .. انتى فاهمه الجواز غلط
سمسمه : مين دى الا عايزا تبوس طارق
مروان : عيب يا سمسمه .. ما ينفعش نتدخل فى كلام الكبار
سمسمه : يابابى انتو الا بتقولو قدامى
مروان : عندك حق احنا غلط .. وبيبص لروان ومازن .. افصلو بقى .. مش اى كلام نتكلم فيه عااادى كدا قدام الاطفال ..
مازن : سامسيمو ياولا
سمسمه : عمووو مزاميزو اللذيذ
مازن : ورايا ياله .. نجيب تسالى .
روان : كفايه يا مازن .. البنت بقت بتاكل كتير بسببك
سمسمه : وانتى يا مامى بتاكلى معانا
مازن : بيتكو من القزاز بتحدفونا بالطوب ليه .
مروان : اتكل ياله ..و بيبص لسمسمه .. مع عمووو وما تاكليش كتير اوكى
سمسمه : حاضر يا بابى .. وبتبعتلوو بوسه فى الهوا .. اموووه .. وبتبص لروان .. اموووه وخرجت ..
روان : ها تعمل ايه .. ها نروح لشريف
مروان : طبعا .. لو البهاوات ما ظهروش انهارده .. ها اروح له ونسهر معاهم او اقوله يجبها ويجى يقعد معانا
روان : ربنا يستر يا حبيبى ان شاء الله خير .
مروان : يارب
*******************
عدى وقت .. وهدى نايمه جمب حور الا ماسكه فيها زى الاطفال .. وفاقت على كلام حور وهى نايمه ..
حور بتتنفس بصوت عالى وعرقانه جدا وبتتحرك وهى نايمه : ماما .. ماما .. ما تسبينيش .. انتى بترمينى للدنيا وقساوتها . ماما حاسبى اوعى تقعى . وبتصرخ واتنفضت من مكانها . وبعلو صوتها ماما . وبتنهج جااامد وعرقانه ..
هدى : بتطبط عليها مالك فيكى ايه
شريف سمع صوت صرختها دخل عليهم : فى ايه يا هدى ..
هدى : مفيش يا حبيبى شكلها كانت بتحلم بكابوس ..
شريف : بيبص لهدى باصة اطمئنان عليها . وهدى طمنته وخرج ..
هدى : قومى خدى شاور وها اجيبلك هدوم من عندى وغيرى العبايه دى
حور : مسكت العبايه لا العبايه لا .
هدى : ابقى اغسليها والبسيها تانى . قومى ياله
حور : قامت ودخلت الحمام .. قعدت على البانيوو وفضلت تعيط كتيرر
هدى : حور .. حور
حور : بتمسح دموعها .. نعم
هدى : افتحى خدى الهدوم دى وشوفى ها تنفعك والا لاء
حور : فتحت فاتحه صغيره .. وخدت الهدوم وقفلت ايوا ها تنفعنى شكرا
هدى : ابتسمت الشكر لله ونزلت تحت
حور : ملت البانيوو ميه . ونزلت فيه .. وكل شويه تاخد نفس وتغطس وشها فيه وترجع تانى
شريف : اطلعى شوفى هى اتاخرت ليه فوق .
هدى : حاضر .. طلعت ودخلت الاوضه فاضيه .. خبطت على باب الحمام ..
حور : ايوا
هدى : انتى محتاجه حاجه .
حور : بتفتح الباب ولابسه البجامه الا هدى ادهلها وشعرها سايب .. طويل جدا جدا وشكلها صغر 30 سنه .. جميله ورقيقه وجسمها متناسق
هدى : حطت ايديها على بقها وبتشهق .. ايه دا .. وماسكها وبتلفها .. انتى صغيره قووى .. طب ليه لابسه كدا .. مش بتلبسى حاجه تبين سنك الحقيقى ليه .
حور هزت راسها : طارق يا حماتى بيغير موووت .. ودايما يشترلى عبايات كبيره .. ويقولى عشان محدش يشوف جسمك يا حور
هدى : بتهز راسها اه طالع لابوه شرشر
حور : اقوله يا طروقتى .. حرام عليك كبرتنى اهئ اهئ .. انا لسا صغيره .. يقولى ا.ب.د.ااااا العبايه دى تلبسيها حتى قدام أمى
هدى : قليل الادب .. انا أمه .. وبعدين بتبص لحور .. انتى لسا مصممه انه جوزك ..😂😂
حور : جوزى .. وقلبى وروحى . ياما دلعنى ياما
هدى : طيب انزلى عشان تفطرى ..
حور : لا لايمكن .. انزل كدا .. اول ما العبايه تنشف ها البسها وانزل
هدى : براحتك وسابتها ونزلت ..
حور : واقفه فى وسط الاوضه ولفت نظرها انها اوضة طارق .. فتحت الدرج الا فى المكتب لقت البوم صور له هو واحمد وكريم .. الالبوم كله يضحك .. والصور جميله .. وبعدين صوارهم وهما فى كلية الشرطه .. حطت ايديها على الصور وبتمشى ايديها على وش طارق وسرحت شويه .. فاقت من شرودها وراحت على الدولاب فتحته وبتتفرج على هدومه وبتقلب فيها .. ومستمتعه جدا .. وبعدين راحت على التسريحه .. وبتشم برفانته كلها وبتشوف نوعهم ايه .. كل حاجه عنده مميزه وذوقه راقى جدا .. وعلى مستوى ..
*********************
طارق : نايم على الكرسى ورافع رجله على كرسى تانى ..
أحمد : بينشف راسه .. وبيزق طارق فوق كدا .. كريم زمانه جايب الفطار وجاااى
طارق : بنوم .. سبنى شويه
أحمد : فوق يابنى .. انت الساعه 11 .. خلينا نشوف ها نعمل ايه مفيش وقت للراحه .. وكريم دخل ومعاه سندوتشات .. وطارق قام اتوضى وصلى .. وقعد يفطر .. وقعدو التلاته قدام الشاشه الا بيراقبو منها .. عشان بعد وقت يبدئو يتحركو .. ويشوفو كريم ها يدخل وسطهم ازاى هو واحمد وطارق يستمر فى المراقبه ... لانهم باليل ما ظهروش فى المخزن خالص
...
احد افراد العصابه : واد يا بوئى .. بوئى .. .
كريم : هههه الحق بينادى على بوئه
أحمد : ههههه .. شكله عامل دماااغ .. وهربانه منه ..
احد افراد العصابه : واد يا أسفوخس انت يالا
طارق : أسفوخس على دى عصابه من اول بوئها .. لحد سنجه ومضارب ...
أحمد : 😂😂😂 نسى شمه واوبح .. هو راح فين
أسفوخس : ايوا يا سرنجه هو احنا ما ورناااش غيرك
انت ومحلول ..
طارق : احنا فين هنا ... مستشفى التعافى من الادمان ...
احمد : إدينى الحقنه بسرعه
كريم : ها تاخدها فى محلول .. والا أفضيها فى بوئك ههههههه واخلى اوبح يشيلك
طارق : اوبح يشيلهم كلهم .. وسرنجه يقوم بالواجب ..
سرنجه : جهز الواد اوبح ومضارب وبوئى وشمه عشان لازم نعمل طالعه انهارده ..
اسفوخس : طيب مش نعرف مين الا كان بيتجسس علينا امبارح لنروح فى داهيه
سرنجه : مالحقش يابنى .. احنا فى الامان
اسفوخس : الطالعه منين انهارده مأمنين على حد
سرنجه : لا مش مأمنين .. ها ننزل عند ال...... وهناك نصتاد
اسفوخس : ماشى .. ها أكد على الرجاله تجهز نفسها .. على اخر النهار
💗💗💗💙💙💚💚💚
خادمتى ولكن ! 29
💗💗💗💗💗💗💙💙💙💙💚💚💚💚
بعد مرور الوقت وبدأت الشمس فى الغروب
مؤمن : ياله جهزتو كل حاجه
نور : كله تماما .. ياله يا هانى نزل الشنط انت وهيدى
هيدى : ما هو ينزلها
هانى : بيزقها ليه ان شاء الله اتكسحتى شيلى معايا
مؤمن : مسك هانى من قفاااه .. وبيهزه جااامد .. يابنى لم لسانك .. وخلى عندك دم
هانى : ماهى الا مستفزه .. اد الحيطه وعايزانى اشيل لوحدى ..
مؤمن : ادله بالرجل .. وطلع يجرى وراه .. يا مفور دمى .. انت ايه يالا لسانك المبرد دا جايبه منين .
هانى : خلقة ربنا .. اعملكم ايه يعنى .. وواقف فوق الكنبه
نور : ابوس ايديكم انتو الاتنين .. ياله كفايه خناق .. وشالت شبشب من الارض ورشقته فى راس هانى
هانى : اه .. انتى بتنشنى .. طب اضربيها هى .. المدلعه الا ملهاش لازمه دى
مؤمن : نزل هانى ..وماسكه من قفاه .. قدامى شيل الشنطه دى ..
نور : اتفضلى شيلى الشنطه دى انا وبابا ها ننزل الباقى .. خلينا كدا كل نفس نعمل عليه فلم ومشكله ونزلو ركبو العربيه .. واتحركووو
مؤمن : بابا بيتصل عليا ..
نور : خير .. رد عليه ليكون فى حاجه مش طبيعته يعنى
مؤمن : الله يسلمك يا حج ... ايه .. ليه طيب .. اهدى ملوش لازمه الغلط .. انا مسافر اجازه انا والولاد نغير جو .. لازم يا بابا .. حاضر اهدى طيب
نور : فى ايه
مؤمن : ابوكى وابويا ماسكين فى بعض ومبهدلين الدنيا ..
نور : دا وقته يعنى .. هما مش ها يعقلو بقى
مؤمن : احنا لازم نسافر لهم الموضوع كبير وضربو بعض
هانى : يعنى مش ها نروح الغردقه ... احنا مالنا احنا
نور : ها نعمل ايه يعنى نسيبهم يعملو حاجه فى بعض عشان تتفسح .. تتعوض مره تانيه
هيدى : ياماما .. احنا ما صدقنا بابا خد اجازه .. والله حرام كدا .. هما الكبار الا بيحلو مشاكل الصغيرين والا الصغيرين الا بيحلو مشاكل الكبار ..
نور : خلاص انت وهى .. ربنا يحلها على طول ونسافر يومين بابا واخد اسبوع اجازه ..
مؤمن : بزعل بيسوق وبيفكر امتى يخلص وينتهى من كل المشاكل دى ضغط نفسى وقرف ومأثر مع ولاده
***********************
احمد وكريم بعد ما نفذو خطتهم الا ها تدخلهم وسط المجرمين خاطفى الاطفال
المعلم : تبع مين انت وهو ياد ..
احمد : احنا مش تبع حد يا معلم .. احنا شغل حر
المعلم : حر دا عند امك .. مش هنا .. الا ايده تتمد على حاجه مش بتاعته نقطعهالو
كريم : يا معلم .. احنا لقينا لنا كبير وقولنا لا
المعلم : وبتصرفو بضاعتكم ازاى .. بتسرحو بيهم والا بتبيعو على طول
أحمد : يا معلم .. احنا ما بنسرحش .. بنبيع على طول .. واحد اجنبى اتفق معانا وادينا بنجرب
المعلم : وبتاخدو كام فى الحته ..
كريم : 20 الف
المعلم : بيضحكو عليكو .. واجنبى طلع بيفهم اكتر منكو .. فين الاخضر
احمد : دا لسا اول عمليه لينا يا معلم ..
المعلم : لساك غشيم .. والشغلانه دى عايزا المفتحين وقت اللزوم والعبيط بردة وقت اللزوم ..
كريم : يعنى ها تشغلنا يا معلم معاك .. والا ها نفضل كدا بطولنا ينضحك علينا ..
المعلم : هو الشغل بالساهل كدا .. مش لازم يبقى ملفكو عندى .. سوابق .. نضاف .. تبع حد وبتشتغلونى ..
احمد : احنا ولا سابقه واحده ولا تبع حد يا معلم .. واتاكد براحتك ..
اسفوخس : العيال دى ايديها حلوه يا سيد المعلمين .. لولا احنا اتدخلنا .. كان زمانهم شاقطين الواد وكاتو ..
المعلم : اساميكو ايه
أحمد : انا سيد وهو كرم
اسفوخس : ايه الاسامى الهشتك بشتك دى ياد انت وهو ..
احمد : بينه وبين نفسه .. هشتك بشتك ..اسفوخس عليك والف اسفوخس .. هههههههه
كريم : عايزنا نغيره .. نغيره ..
المعلم : محدش بيشتغل بأسمه ياغشيم منك له .. شهرتك ايه انت وهو ..
كريم : ملناش يا معلم ..
اسفوخس : بيشاور على احمد .. دا ملقاط .. ايده ايه فله سحب الواد من البت وسابه اول ما لمحنا .. ودا بقى
كريم : ايه حواجبه ..
المعلم : حلوووه ياد .. لا انت الحنين .. يا حنين
كريم واحمد بيضحكو ضحك مصطنع .. واسفوخس والمعلم بيضحكو برزلاه
************************
طارق : بيتواصل معاهم .. ايه الاخبار
احمد : بصوت واطى .. كله تمام .. ها ندرس المكان كويس قوى .. عشان لو بيعملو اى حاجه تانيه ونشوف بيودو الاطفال فين وبيتعاملو مع مين . وها ابلغك
القائد : ركزو .. وما تحاواش تتكلم لو فى خطر عليكم فاهم .. بكرا بالكتير قوى كل قرارهم يبقى عندى
احمد : تمام يا فندم .. لما ادى الاشاره الاولى .. يبقى فى استعداد .. والاشاره التانيه بالهجوم على كل الاماكن الا ها ابلغ عنها ..
طارق : تمام .. احنا على اتم الاستعداد .. وجاهزين فى اى وقت تدينا الاشاره فيه .. وقفل معاه
******************
مؤمن ونور وصلو بعد وقت عند اهلهم .. وقاعدين والدنيا شايطه على الاخر ...
نور : يا بابا اهدى ماينفعش كدا .. انتو اخوات .
والدها : اخوات ايه وزفت ايه .. اخويا ياكل حقى ومدوخنى بقالى سنين .. واخرتها يمد ايده عليه
والد مؤمن : واكسر دماغك كمان .. انا اخوك الكبير يا جزمه .. وانت راجل ما بتفهمش .. دا حقى كل دا حقى مين الا اشتغل مع ابوه .. مش انا .
مؤمن : هو معنى انك اشتغلت مع ابوك يبقى دا حقك .. حرام يا بابا كدا .. الشغل دا كنت بتاخد اجرته .. ودا ميراث .. حق ربنا ولازم يتقسم بشرع ربنا .. انت ياما صرفت وعملت كل الا نفسك فيه فى حياة جدى .. خدت حقك تالت و متلت ..
والد نور : قوله .. الا الجشع ملى قلبه . عايز يكوش على الدنيا ..عمرك ما ها تشبع .. ياما الناس حذرتنى منك وقالتلى اخوك ها ياكلك .. اخوك ما يستهلش .. ياريتنى سمعت كلامهم ..
والد مؤمن : وانا ياما قالولى عليك .. ها ينسى تعبك وشائك مع ابوك ويجى يقسم زيك زيه . ناس تتعب وناس تشيل على الجاهز .. بيزق مؤمن انت معايا والا معاه .. هو عشان ضحك عليك هو وبنته بتبيع ابوك
مؤمن : ماتدخلش نور فى النص .. الحق حق . ربنا ها يسئلك عليه .. انت بتقول انك تعبت .. مش لوحدك .. انا شغال فى شركه برا وبتعب فيها وباخد أجر حق تعبى .. ها اروح اقول لهم انا ليا فى الشركه انا الا اتعبت فيها .. انت اشتغلت وخدت حقك واجرك .. وياما جدى اشتكى منك وقال انه شايل الشغل لوحده .. جدى مات .. والا موجود دلوقتى ميراث .. يتقسم بشرع ربنا ..
نور : عمى ارجوك كفايه خلافات كفايه احنا تعبنا .. ها تقابلو ربنا ازاى وانتو كدا ها تقولو ايه
والد نور : ها اقوله انا واخويا خصوم .. اخويا استحل حقى وانا مش مسامحه ..
والد مؤمن : لسا ها يتكلم .. هانى وقف فى النص بينهم .. وبعلو صوته .. انا بكرهكم ..
كلهم سكتو وبصو على هانى .. والصدمه لجمتهم ..
هانى : بتبصولى ليه .. ايوا انا بكرهكم ..
مؤمن : قايم يضربه والد مؤمن مسكه .. وبيبص لهانى .. دى اخرتها .. بتكرهنا احنا ليه دا احنا بنحبك
هانى : انتو عايزنى احبكم وانتو ما بتحبوش بعض .. ليه .. على طول تشتمو ماما وبابا .. وكل ما تعملو حاجه فى بعض تقلبو عليهم .. ها تعملو ايه بالفلوس .. ها تموتو وها تسبوها لينا زى جدك وبيبص لابوه .. بس بعد ايه بعد ما كرهتونا فى بعضنا .. وبدال ما نبقى عيله بتحب وتود بعض ..لا ها نكره اى شئ يخصنا وبنتمنى الموت لكل واحد فينا . انتو اوحش ناس شوفتها فى حياتى .
مؤمن : فلت من ابوه وضرب هانى بالقلم . وبعلو صوته غور على برا ..
هانى : بعياط وعصبيه .. انت وماما خايفين تقولو لهم انكو زهقتو من مشاكلهم .. خايفين تقولو انكو مش عايزين منهم فلوس ولا ميراث .. وبيبص لهم كلهم وعيونه بتنزل دموع كتير .. بابا وماما ها يعلمكو الحب الحقيقى ياريتكو انتو كمان تحبو بعض وتبطلو تعكننو علينا حياتنا .. وخرج على برا نزل الشارع وقاعد على الباسطه بتاعت البيت .. هيدى نزلت قعدت جمبه وحضناه وبتعيط على عياطه
والد نور : حلو كدا يا اخويا .. هو دا مش حفيدى وحفيدك .. بدال ما نلعب معاهم ونتمتع بيهم ويشوفنا قدوتهم .. بقو بيكرهونا .. وبيكرهو اليوم الا شافونا فيه
والد مؤمن : انت السبب مش روحت لابن عمك وبتقوله انا مش ها اخليه يتهنى على قرش .. وها اذله لما اجوز بنتى لابنه واخلى نور تضحك على مؤمن
والد نور : ما حصلش .. وجاب المصحف .. وحلف عليه .. والله ما حصل كداب وهاته وانا اجيب الجزمه اضربه بيها قدامك لو قال غير كدا .. انا يابنتى عمرى قسيتك على جوزك والا قولتلك خدى منه حاجه
نور : لا ما حصلش وانا ومؤمن خرجنا نفسنا وحياتنا برا كل دا .. ياعمى مؤمن قبل ما يكون ابن عمى هو حبيبى الا بتمنى له الرضا يرضى
مؤمن : لو الا ها يريحكم انتو الاتنين اننا تنازل عن كل حاجه تخصنا فيكو ها نتنازل وها نفضل نودكم ونزوركم .. انا كرهت اليوم الا جدى مات فيه وساب لكم فلوس .. كان ساب ليكم الضهر والسند والاخوه .. احسن من الفلوس والكره والحقد الا دخل بينكم ..
والد مؤمن : انا بحبه .. وعايز الا بينا يخلص .. وياما وصلنى انه بيغلط فيا
والد نور : وانا كمان .. نفسى ترجع اخوايا بتاع زمان وتحبنى .. وبردو ياما وصلنى انك بتكرهنى
مؤمن : ايه المانع .. بيبص لابوه .. ها ترضى بحكم الازهر هو الا يفصل بينك وبين اخوك فى موضوع الميراث .. ومفيش اى حد يتدخل بينكم تانى .. عمرهم ما بيحلو بيزودو على الكلمه عشره والموضوع يكبر
والد مؤمن : ها ارضى .. مش عايز احفادى يكرهونى ويقولو عليا انى وحش وباكل حق اخويا زى ما بتقولو
مؤمن : راضى ياعمى ..
والد نور : راضى يابنى .. كل أمر الله انا راضى بيه فين الولاد
نور : بتعيط .. وحضنت مؤمن
مؤمن : ضمها جااامد .. خلاص يا نور .. ربنا يهديهم
نور : هات الولاد يا مؤمن .. الولاد مقهوره ..
مؤمن : سابها ونزل يدور عليهم . لاقهم قاعدين بيعيطو .. حضنهم .. وقرب هانى ومسك وشه وبيمسح دموعه .. حقك عليا يا حبيبى .. كلامك جرئ ويزعل يا هانى .. عيب دا جدك ودا جدك .. عيب
هانى : انا زعلان منهم يا بابا .. امتى ها نعيش فى امان من غير خناق
مؤمن : قريب ان شاء الله يا حبيبى .. خلاص ها نصالحهم ان شاء الله .. تعالى ياله اعتذر ليهم .. عرفهم انك بتحبهم وخد هانى وطلع لهم فوووق
*************************
مروان لم عيلته ماعدا ميرنا الا رفضت تروح وخدت سمسمه .. والباقى كله راح لشريف .. دخلو واتصدمو من منظر شريف وهدى .. وخصوصا شريف باين عليه التعب وقلة النوم .. قعدو كلهم جوا الفيلا ..
مازن بيبص يمين وشمال : هى فين يالا
شريف ساند على كتف مازن وبينام وبيشاور بتقل .. فوووق الهى ما تنزل 😂😂😂
مروان : هدى اطلعى ناديها عشان اقعد معاها يمكن نوصل لحاجه
هدى بتسرع وماسكه دماغها : لا سيبها الله يخليك
روان : 😂😂😂😂 ياعينى للدرجه دى
شريف وصوته طالع بالعافيه : وأكتر .. انتى كنتى بلسم وانتى قمر
مازن : 😂😂😂 هى وصلت لقمر
روكا : انتو حالتكم صعبه قوووى يعينى .. وبصو كلهم للسلم لقو حور نازله جررررى
حور بعلو صوتها : حماااتى مش تقولى ان عندك ضيووووف .. دا طروقه ها يزعل منى وياخد على خاطره عشان مارحبتش بيهم
شريف : ابوووس ايدك كفايه ترحيب هما مش عايزين حد يرحب بيهم
حور : لا يا حمايا اوعى تقول كدا وحطت ايديها على الترابيزه يالهوووى تراب .. وشهقت جااامد دا طروقه بيحب النضافه يا فضحتى وجريت من قدامهم ..
كلهم بيبصو لبعض وانفجرو فى الضحك
مازن حط ايده وبيمسح الترابيزه بايده وعمال يبص عليها وبصوت عالى فين ام التراب فين دا مخها الا مترب شكله
مروان : دى مش طبيعيه يا شريف
شريف بعياط ومصطنع وبيمسك فى مازن اكتر : انا تعبت انقذونى ياناس وبيقلد روان منه له .. وكلهم تنحو لما شافو حور جايبه فوطه حاطها على كتفها والجردل والشرشوبه ورابطه العبايه على وسطها ولابسه بنطلون البجامه والطرحه على شكل فيونكه على راسها
هدى : رفعت ايديها لاء كفايه يا حور كفايه
حور ماسكه الفوطه وتيجى جمب كل واحد وتنفض : ابدا يا حماتى الضيوف تقول ايه مرات طارق مش نضيفه
روكا : ودى تيجى .. امسحى امسحى ربنا يعينك
روان : اساعدك يا حبيبتى
حور بصوت عاااالى : عسل يا نااااااس .. وبتبص لمروان مراتك دى يا استاذ اصلك مكلبش فيها زى ما طارق بيكلبش فيا وبتضحك 😂😂😂😂
مروان بيضحك : ايوا مراتى شكله بيحبك طارق وانتى بتحبيه
حور : ياسلام دا احلى حب بيجمع وبيرفرف فى كل حته فى البيت وبتشاور بايدها عليهم وتقرب على كل واحد هنا .. وهنا .. وبتقرب على مازن وهنا
مازن بيهز راسه ومتنح : لا هنا محجوز لروكا امشى يخربيتك دا انتى مورستان
حور : بتمسح وبدات تقوم كل واحد فيهم من مكانه وكل ما يروحو فى حته تقوهم وتمسح مكانها
شريف : كفايه نضفت وربنا نضفت
حور : لا يا حمايا عشان الدبان والحشرات المتنقله قوم .. قوم .. وزهقتهم طول القاعده وجننتهم وطلعت عنيهم
*********************
أحمد : وانت أسمك سرنجه ليه بقى
سرنجه : عشان محسوبك الا بكيفهم .. واى عيل بيجى وها نسرح بيه .. بديله حقنه تنيمه يومين تلاته .. والبت الا ها تسرح بيه تنيمه وتغطى وشه عشان محدش يعرفه وعشان هو ما يزنش ويفضحنا على شوية مكركرو وكام كيس من بتوع الدم .. وتلم احلى لم
كريم : سابكينها انتو يا قرود .. وشمه بيشممهم ايه بقى
سرنجه : لا الواد شمه دا مدمن شم .. بيشملك أى حد يعرف ابن وزير والا ابن غفير .. عفريت وشمام درجه اولى
أحمد : انت ها تقولى من ساعة ما جينا هو عمال يحوم حوالينا زى الكلبه البلدى .. ونازل شم
كريم : 😂إلا اوبح .. مصمم يشلنى .. وانا اقوله ابدا .. يقولى دى التحيه ..بتاعتنا
سرنجه : بس انتو ايه لقطو كل دول فى ثانيه .. صدق لما قال عليك ملقاط .. وانت الحنين
احمد : لازم نبقى مفتحين يا سرنجه .. والا ها نضيع
سرنجه : دايما اسفوخس يقولى فتح عينك يا سرنجه واضرب الحقنه فى العضل ..
كريم : اه ايه حكاية اسفوخس بقى
سرنجه : دا ياسيدى .. مابيشوفش حاجه غير لما يقول اسفوخس .. يعمل كل عمليه .. وبعد ما يخلصها يقولك اسفوخس على دى عمليه ..
كريم : اسفوخس على دا راجل نتن .. دا ريحته جايبه لاخر الشارع ..
سرنجه : 😂 شمه كل ما يشوفه يقوله اسفوخس عليك وعلى ريحتك
*******
طارق : قاعد ومراقب الوضع كله .. وبيسمع كل كلمه .. وبيسجل للمعلم بتاعهم ..
العقيد حاتم : ايه الاخبار يا طارق
طارق : لحد دلوقتى تمام وماحدش شك فى كريم واحمد ... ها نتحرك امتى .. اول ما نفهم التعامل مع مين بالظبط .. والاطفال دى كلها بيشحتو بيها بس والا وراهم حاجه تانيه
حاتم : وراهم كتير .. طبعا ... دا شغل كبير وفى ناس مهمه متورطه مع الناس دى ومعنى انه بيقول لاحمد ان بينضحك عليهم وفين الاخضر .. يبقى ليهم شغل خارجى ..
طارق : ايوا فعلا .. بص يا فندم على الشاشه كدا .. ها تلاقى .. المعلم جمال كل فتره يدخل الاوضه الا فى الزاويه اليمين هناك .. ويقفل على نفسه .. لازم اتواصل مع احمد او كريم يشوفو ايه حكاية الاوضه دى كمان
حاتم : بيشاور على الشاشه .. كريم بيستخبى وداخل وراه .. هو خد باله .. كويس قوى . الا بيعحبنى فيكو انتو التلاته فى اى عمليه عينكم على كل حاجه وقوة التركيز عندكم هايله لو قاعدين بتكلمو 10 رجاله .. ربنا يحميكو
طارق : يارب يا فندم وبعدين انتبه للشاشه تانى .. ولقى كريم طلع من الاوضه وبيقفلها وبيخبى سونكى فى جمبه .. وجهاز التواصل بينهم بدء يرن لطارق
كريم : بصوت هااامس .. لازم يبقى فى تحرك فورى
طارق : فى ايه والا ايه غير خطتنا كدا هى الاوضه دى فيها ايه
كريم : فيها مصيبه
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
💗💗💗💙💙💙💚💚💚
للمتابعه اترك تعليق
تعليقات
إرسال تعليق