 |
رغبة ملعونة
الجزء الرابع
بعدما الباشمهندس الي بشتغل عنده فقد الوعي..
واخدة شهاب بيه جاره علي المستشفي
بقيت لوحدي في الشقة
وفي اليوم ده
سمعت صوت خبط....
واستغاثة جاية من ناحية الباب المقفول
فا قررت اخالف تعليمات الباشمهندس
وافتح الباب المقفول
وبالفعل..
فتحت باب الاوضة المتحرمة عليا
وفي اللحظة دي
اتفاجئت...
بشخص مشوة تاني
لكن المره دي
كانت... (واحدة ست)
وكانت .ملامح وشها يصعب تحديدها ..
من شدة التشوهات الي فيها
حتي عنيها..كانت وارمة وعين منهم بايظة خالص
فا قلت لنفسي
هو ايه حكاية الناس المشوهة في البيت هنا؟
من كام يوم انا لسة شايفة راجل مشوة برضوا..
واختفي فجاءة
هو في ايه؟...
وفضلت واقفة ابصلها
وانا مرعوبة ....
ولفت نظري ان الست رجلها مربوطة بجنزير
في عامود حديد
وقاعدة في الارض
وكان...وجنبها اكل ومية
في اطباق بلاستيك
وكانها كلب.... او قطة
وقفت ابصلها وانا متسمرة في مكاني
وكنت بفكر ارجع تاني
اقفل الباب عليها
و اهرب من المنظر البشع ده
لكن لاحظت
انها بتطلب مساعدتي
فا وقفت اشوف مين دي؟ وحكايتها ايه؟
فا سالتها
وقلت...انتي مين ؟
و ايه الي ربطك بالجنزير كده؟
ومين الي جايبك هنا اصلا.
وفضلت منتظرة رد منها علي اسالتي
لكن...للاسف
كان واضح...
ان عندها مشكلة في النطق ومش بتتكلم
لانها حاولت تكلمني لكن مقدرتش
وحاولت تحرك لسانها ومكنتش عارفة تتكلم
فكانت بتشاورلي
وبتحاول تفهمني بلغة الاشارة
بس للاسف
مفهمتش منها حاجة برضوا
لكن بعدما فكرت شوية
قلت..
كويس انها بتسمع
ولقيت ان احسن حل
هو اني....
اسالها... وهي تشاورلي
باه.... او لا؟
وفعلا
قلتلها..اسمعي
انا هسالك
وانتي شاوري باه او لا
فا هزت راسها بالايجاب
ووافقت
فسالتها
قلت..الباشمهندس هو الي جايبك هنا؟
فا هزت راسها بالايجاب يعني
ايوه
فسالتها تاني
قلت...هو خطفك؟
هزت راسها بالنفي (لا)
فسالتها
انتي تقربيلة؟
هزت راسها بالايجاب( ايوه)
فحاولت اعرف ....
ان كانت عايزاني اساعدها علي الهرب من هنا
قلت...
انتي عايزاني اساعدك
هزت راسها بالايجاب (ايوه)
قلت...طيب استني لما اشوف مفتاح القفل
الي في رجلك
عشان احررك وتقدري تهربي
وفي اللحظة دي
لقيتها بتشاور بالنفي
وبتبعد ايدي عن القفل الي في رجلها
وفهمت انها مش عايزاني افكها
فسالتها
قلت..
انتي مش عايزة تهربي؟
هزت راسها بالنفي (لا)
فا استغربت من رد فعلها
وقلت لنفسي
لما هي مش عايزاني اهربها
امال عايزاني
اساعدها ازاي؟
فسالتها تاني
قلت..طيب عايزاني ابلغ البوليس؟
شاورت ب..لا
فا قلتلها..
طيب عايزاني اعرف الجيران بوجودك هنا؟
كانت اشارتها بالنفي
وقالت...لا
فا فضلت ابصلها وانا محتارة
ومبقتش فاهمة هي عايزاني اساعدها ازاي؟
فسالتها
قلت..طيب عايزاني اساعدك ازاي؟
فضلت تشاورلي علي بره الاوضة
فسالتها
عايزة تخرجي بره الاوضة
شاورتلي وقالت..لا
فا قلت في نفسي
مش معقولة تكون جعانة ولا عطشانة؟
لان كان جنبها اكل ومية وعصير
وفضلت واقفة وحاسة اني
عاجزة عن فهمها
فا قلتلها..
انا مش فاهمة انتي عايزة ايه؟
فا حطت صبعها علي بوقها
وكانها بتقولي..هشششش
اسكتي شوية
وفعلا سكت وهي سكتت
وساد الصمت شوية
لغاية ما سمعنا صوت
( ابن الباشمهندس)
وهو بيعيط
وفي اللحظة دي
لقيتها بتشاورلي علي الصوت
وهي بتعمل بايدها حركة البنت الي بتحضن بيبي صغير
فا فهمت انها بتتكلم عن الولد الصغير
فا سالتها
قلت...انتي تقصدي الولد الصغير؟
هزت راسها ب ايوه
وشاورتلي انها عايزة ترضعة
فا خوفت لا تكون مريضة نفسيا
وممكن تاذي الولد
لكن بصيت علي هدومها من عند صدرها لقيتها مبلولة
وده معناه
انها بترضع فعلا
فا روحت جيبت الولد عندها في الاوضة الي هي فيها
وانا مش عارفة
ان كان الي بعملة ده صح ولا غلط
بس الغريبة
ان الولد كان بيصرخ
واول ما قربتة من حضنها هدي
وبعد ما رضع سكت
وفضلت هي تملس علي شعر الولد الصغير
وهي حضناه بحنان اوي
وعمالة تشم ريحتة
وفي اللحظة دي
اتاكدت انها ام الولد فعلا
وفضلت واقفة ابصلها وانا محتارة
وبسال نفسي
واقول..
معني ..ان الست دي تبقي ام الواد؟
تبقي دي مراة الباشمهندس
لكن ...
ليه هو حابس مراتة ام ابنة؟
ولية عامل فيها كده؟
ورجعت اقول لنفسي
مش يمكن الواد مش ابنة؟
يلهوووي...
معقولة يكون الباش مهندس يكون
مش بيخلف
وخاطف ابن الست دي ؟
وعشان كده حبسها؟
فسالتها
قلت...هو الولد ده يبقي
ابن الباشمهندس؟
هزت راسها بالايجاب
وقالت..ايوه
فا رجعت لحيرتي تاني
ولما هو ابنة؟
يبقي ليه الباشمهندس حابسها كده؟
واية الي شوة وشها كده؟
تكونش زوجة خاينة عشان كدة بيعاقبها؟
فسالتها
..قلت...هو انتي في بينك وبين جوزك مشاكل ؟
هزت راسها بالنفي(لا)
فا قلتلها...
صارحيني؟
عشان لو في بينكم مشاكل..
وعايزة تاخدي ابنك و تهربي منه انا ممكن اساعدك واهربك؟
فا رجعت هزت راسها تاني بالنفي
وقالت..لا
وفي اللحظة دي
وقفت ابصلها ....
وانا حاسة....
اني مش قادرة افهم اي حاجة من الي بيحصل
وفضلت اتامل فيها هي وابنها وانا ساكتة
لغاية..
ما لقيتها بتديني الولد
عشان ارجعة لسريرة
وفعلا اخدت الولد ونيمتة في سريرة
وبعدما رجعتلها
سالتها...
عايزة حاجة تاني؟
فا لقيتها هزت راسها بالايجاب
بمعني... ايوه
قلت..عايزة ايه؟
فضلت تعمل اشارات بايديها
والي فهمتة منها
انها بتتكلم عن واحدة ست
بس طبعا انا مفهمتش هي تقصد ايه ؟
ولا ست مين الي بتحاول تكلمني عنها؟
لان البيت هنا مفيهوش ستات خالص
فا قولتلها اني مش فاهمة هي بتتكلم عن مين
وسالتها
وقلت...
نفسي اعرف؟
انتي ايه الي مصبرك ع الوضع الي انتي فيه ده؟
فا لقيتها دمعت وفضلت تعيط
فا بصيتلها بشفقة...
وعرضت عليها اني تاني اهربها لو عايزة؟
لكن هي رفضت تاني برضوا
فا سالتها
قلت..طيب انتي هتعرفي الباشمهندس
بعدما يخرج من المستشفي اني دخلت عندك الاوضة هنا؟
هزت راسها بالنفي(لا)
قلت...
طيب علي العموم
انا كمان مش هقولة
اني عرفت عنك حاجة
وهاخد المفتاح بتاع الاوضة وهعمل عليه نسخة علية
عشان لما الباشمهندس يخرج لشغلة
ابقي ادخل اشوف طلياتك
فا هزت راسها بامتنان وكانها بتشكرني
وفضلت تشاولي علي ابنها
وفهمت انها...
بتوصيني اخد بالي منه
فا قلتلها..
حاضر ابنك في عنيا
المهم..
بعدما خرجت من عندها
نزلت بسرعة
عشان اطلع نسخة علي مفتاح بتاع الاوضة
ولما رجعت البيت
رجعت المفتاح مكانة في
سلسلة المفاتيح
وكاني معرفتش حاجة
وبعد شوية
رجع الباشمهندس للبيت مع شهاب بيه
الي كان بيساعدة علي المشي
لغاية ما دخلة لاوضتة
وبعدها..
خرج شهاب بيه من عنده
وجالي المطبخ
ولقيتة بيقولي
اسمعي يا..؟؟؟
وسالني
انتي اسمك ايه؟
قلت..اسمي صابرين
قال..انتي بتعرفي تقرائ يا صابرين؟
قلت..ايوه بعرف اقراء عربي....
وبعرف اتهجي انجليزي
كمان
فا بصلي شهاب بيه
وقال..كويس اوي...
لانك انتي الي هتبقي مسؤالة
انك تعطي الدواء للباشمهندس في مواعيدة
وكمان هتعمليلة الاكل الي نصح بيه الدكتور
قلت...ايوه طبعا مفهوم
لكن...
طمني يا بية والنبي
هو الباشمهندس بقي كويس؟
رد شهاب بية
وقال..
هو اتعرض لوعكة صحية
شديدة شوية
بس لو اهتمينا بعلاجة هيبقي كويس
وطبعا مش محتاج اعيد عليكي تاني
واقولك ...
ان الباشمهندس تعبان جدا
ولازم له رعاية واهتمام بمواعيد الدواء
قلت..حاضر
قال...
خلاص اعمليلة شوية شوربة خضار
ودخليهالة قبل ما ياخد الدواء
وانا هبقي امر اطمن عليه
في اللحظة دي
حسيت اد ايه شهاب بيه ده انسان طيب ....وشهم
وكنت زعلانة انه واخد عني فكرة غلط
واثناء ما كنت واقفة افكر ازاي اصلح فكرتة عني
لقيتة بيسالني
وقال..
لو حصل اي حاجة
تعالي عرفيني فورا
فا هزيت راسي
وقلت...حاضر
وبعد ما شهاب بية اداني ظهرة عشان يرجع للباشمهندس
ناديت عليه
وقلت..
شهاب بيه
قال..نعم؟
قلت..والله العظيم يا بية حضرتك ظالمني
وانا عمري ما كنت بالصورة الي حضرتك واخدها عني
قال..انا مش فاهم انتي بتتكلمي عن ايه؟
قلت..
اقصد علي اليوم الي حضرتك شوفتني فيه علي السلم
الموضوع وما فيه
اني يومها حسيت بحرامي في الشقة
وعشان كده
جريت... وخرجت بالبس الي حضرتك شوفتني بيه
فا رد شهاب بية
وسالني
وقال..
ومين الراجل الي كان معاكي ع السلم؟
اوعي تقوليلي انه الحرامي؟
قلت...لا لا لا
الراجل الي كان ع السلم ده
يبقي (اخويا)...
رد شهاب بية بسخرية
وقال..اكيد اخوكي ساكن معانا في العمارة هنا
عشان كده جالك بالسرعة دي؟
قلت...لا طبعا
اخويا مش ساكن هنا
بس هو يومها كان في الشارع الي جنبنا
اصل اخويا بيشتغل دليفري
ولما اتصلت بيه
عشان يلحقني جه بسرعة لانة كان جنبنا بالصدفة
...وللاسف لما حضرتك شوفتة معايا....
فهمت الوضع غلط
فضل شهاب بيه يسمعني
وبعدما خلصت كلامي
ابتسم.... وهمس في ودني
وقالي...
بطلي كدب يا صابرين
لان...
الباشمهندس دردش معايا واحنا جايين من المستشفي
وقالي انك كنتي عايشة في بلد في الفلاحين
ومقطوعة من شجرة
يعني ملكيش اخوات
فا بصيت لشهاب بية ...
وانا حاسة اني مبلولة
وقلت...
حضرتك برضوا فاهم غلط
رد شهاب بيه
وقالي...
ايوه فعلا انا كنت واخد فكرة واحدة غلط
لما كنت فاهم انك
( بنت شمال )
لكن دلوقتي
عرفت انك
بنت شمال... وكداية كمان
وبصلي شهاب بية
وقالي..
ها عايزة تضيفلي عنك فكرة كمان
ولا كفاية كدة؟
بصيتلة بيأس
وقلت...لا كفاية كدة
وسابني شهاب بية ومشي
وهو واخد عني فكرتين اسؤ من بعض
ولقيتني بكلم نفسي
بزهق
وبقول...
ما يفهم غلط ولا يغور في داهية
بقي انا هعملة اية يعني؟
المهم
بعدما دخلت عملت شوربة الخضار...
ودخلت بيها للباشمهندس
لقيتة لوحده وكان صاحي في السرير
لكن باين علي وشة التعب
فا قلتلة..
الف سلامة عليك
يا باشمهندس
فا رد وهو في منتهي الوهن والضعف
وسالني
الولد عامل ايه يا صابرين؟
وقبل ما ارد علي
الباشمهندس
قربت منه
عشان اخلية يقعد ويسند ظهرة واكلة
شوربة الخضار
ولما بدء ياكل
قلتلة...
الولد كويس جدا
وكل حاجة تمام
و انا عايزة حضرتك تتطمن...
اهم حاجة بس ان حضرتك تسترد صحتك ..وتقوم بالسلامة
فا بصلي الباشمهندس بطريقة غريبة
وكانة بيشوفني لاول مره
ولقيتة بيقولي...
سامحيني يا صابرين
قلت..ليه حضرتك بتقول كده؟
رد الباشمهندس
وقال..
اصلي بصراحة...
مكنتش فاكر انك هتحافظي علي البيت في غيابي
وخصوصا انك مكنتش متاكدة ان كنت هرجع من المستشفي ولا هموت هناك
ابتسمت
وقلت...حضرتك معذور
لانك مكنتش تعرفني كويس
بس والله يا باشمهندس انا كنت بدعي لحضرتك
طول منتا في المستشفي
ابتسم الباشمهندس
وقالي..
متشكر يا صابرين
ومن اليوم ده
حسيت ان في بذرة ثقة اتغرست في نفس الباشمهندس من ناحيتي
ومش كده وبس
ده طول فترة العلاج كان مستسلملي تماما
وكانة بيسمع كلام امة
الي ميقدرش يخالف تعليماتها
وفي نفس الوقت
كنت بنتهز الفترة الي بينام فيها
وبدخل اكل ومية لزوجتة المحبوسة
وكنت بدخلها ابنها ترضعة
كمان
لان الباشمهندس مكنش بيقدر يقف علي رجلة...
ولا بيقدر يدخلها
وبعد يومين
بدات الاخظ انه كان بيتحامل علي نفسة
وبيحاول يقوم يقف
عشان يدخلها
اكل ومية
وكنت بشوفة وهو بياخد معاه اكل من الثلاجة
لكن كنت بعمل نفسي مش واخده بالي...
وبطلت ادخل عندها بعدما هو رجع يدخلها
والي فهمتة كمان
ان في باب مشترك بين غرفتة وبين الغرفة المقفولة
المهم..
بعد مرور اسبوع
من الرعاية والاهتمام بمواعيد الدواء
كان جسم الباشمهندس استجاب للعلاج
فعلا وبدء يسترد صحتة
ويتمشي في الشقة كمان
وكانة مفيهوش اي حاجة
وبصراحة ....
شهاب بية كان بيجي كل يوم
يطمن علي الباشمهندس
وكنت ملاحظة ... ان شهاب بيه كان بيرمقني بنظرات غريبة
بس انا فسرتها بانها نظرات سخرية
لانه كان بيسخر من البنت الشغالة
الي شتمها وقالها انها
شمال ....وكدابة
عشان كده
مكنتش بحاول اركز معاه
وكنت متجاهلة نظراتة
المهم...
بعد مرور اكتر من اسبوع
وبعدما الباشمهندس بقي كويس
لقيتة بينادي عليا
ولما روحتلة
اتفاجئت
انه بيدفعلي الراتب بتاعي
فا استغربت
وقلتلة...بس انا لسة مكملتش شهر
رد الباشمهندس
وقالي...
انتي نعبتي معايا
وكان لازم تاخدي اوفر تايم كمان
فا فرحت جدا باول قبض لبا
وقررت اخرج
عشان اشتري الي كان نفسي فية
وفعلا...
خرحت.. وعملت شعري
وجيبت طقمين...واشتريت مكياج
وحاجات كتير
كنت محتاجاها
م الاخر ...
رجعت واحدة تانية
وعلي راي المثل
الي بيقول
لبس البوصة تبقي عروسة
بس انا مكنتش بوصة اوي يعني
واول مره
كنت اشوف نفسي حلوه بصراحة
و فعلا كنت حاسة اني عروسة
والدنيا حلوه في عنيا
وكنت راجعة تقريبا برقص م الفرحة
لكن بمجرد ما دخلت العمارة
كل ده اتغير
بمجرد ما شوفت مراة شهاب بية
وكانت نازلة مسندة واحدة ست كبيرة
باين عليها تعبانة
وكان باين علي مراة شهاب بية ضاربة لخمة
ومش عارفة تتصرف
لوحدها...
فا روحت بسرعة عشان اساعدها
لان زوجها كان زوق معانا
واول ما قربت من الست الكبيرة
وشوفت وجهها
اتفاجئت
انها خالتي نعيمة
ولقيت نفسي
بقولها...
ازيك يا خالتي نعيمة الحمد لله انك بخير
بصتلي خالتي وهي بتدقق في ملامحي
وسالتني
قالت...مين؟
قلتلها...
انا صابرين بنت اختك يا خالتي
وفي اللحظة دي
صرخت خالتي ودمعت من الفرحة
وقالتلي....معقولة؟
انتي صابرين ؟
تعالي في حضني يا غالية يا بتت الغالية
وفضلت خالتي واخداني في حضنها وهي بتعيط
فا قلتلها ..
انا اول ما جيت وسالت عنك هنا
قالولي..
مفيش واحده هنا اسمها نعيمة
قالت...ايوه يا حبيبتي
اصلي انا هنا الناس كلهم
بينادوني( مدام ناني)
وفي اللحظة دي
بصتلي مراة شهاب بية من فوق لتحت
وهي متدايقة جدا
ولقيتها بتقول لخالتي
استحالة دي تكون قريبتنا
فا ردت خالتي
وقالت لبنتها
عيب كده يا بسنت
صابرين تبقي بنت اختي
يعني قريبتنا غصب عني وعنك
فا ردت بسنت بنبرة مليانة غل
وقالت...
انتي فرحانة ان ليكي قرايب
بيشتغلوا في البيوت يا مامي؟
ردت خالتي
وقالتلي...
متزعليش يا قلب خالتك
بسنت لسة متعرفكيش
وكمان مخضوضة عشان انا تعبانة
وعشان كده
تلاقي اعصابها تعبانة ومش عارفة بتقول ايه
فا رديت...عليها
وقلت...
علي العموم انا بحمد ربنا اني شوفتك
واطمنت عليكي يا خالتي
وبعد اذنك هروح استاذن من صاحب الشغل
وبعدين هاجي معاكي وانتي بتكشفي
وهنا ردت عليا خالتي بلهجة صارمة
وقالتلي..
اسمعي يا صابرين
انتي من دلوقتي تنسي حكاية الشغل ده خالص
وانا بنفسي هتصل بصاحب الشغل
وهقولة انك مش هتروحي الشغل عنده تاني
قلت...لكن يا خالتي؟
قالت ...مفيش لكن
بنت اختي مينفعش تشتغل في بيوت حد
انتي فاهمة؟
واعملي حسابك هترجعي معايا وتعيشي في بيت خالتك
وفي اللخظة دي
صرخت فيها بسنت بنت خالتي
وقالت...يا سلام
وشهاب جوزي؟
الي عارف انها كانت خدامة ده هنقولة ايه؟
انا استحالة اقدر اقولة ان دي بنت خالتي
سامعة؟ استحالة
وهنا صرخت خالتي فيها
وفضلت تقولها اخرصي بقي واتهدي
دي بنت اختي وانا استحالة اتبري منها....
وبعدها مسكت خالتي قلبها
وكان باين عليها تعبانة اوي
فا اخدناها انا وبنتها وكشفنا عليها
...وعرفت انها مريضة قلب
والانفعال غلط عليها ....
وبعدما مشينا من عيادة الدكتور
فضلت خالتي ماسكة فيا
لغاية ما رجعت معاهم البيت عند خالتي
واول ما شهاب بية شافني داخلة معاهم
استغرب وسالني
وقال...في حاجة يا صابرين؟
فا استعدت خالتي
عشان تعرفني علي شهاب بية
علي اني بنت اختها
لكن ...
بسنت سبقتها في الكلام
وقالت...
مفيش يا شهاب
ماما كانت محتاجة شغالة جديدة
واحنا قررنا اننا نجيب صابرين
تشتغل عندنا
وعايزينك تقول لجارنا
العازب
ان صابرين مش هتروح عنده تاني
فا بصلي شهاب بية بدهشة
وسالني
وقال..وانتي يا صابرين موافقة تشتغلي عندنا؟
فا بصيت لخالتي الي كانت بتعيط ....
ولشهاب بية الي كان منتظر ردي
وقلت....
تكملة الروايه بعد عمل متابعه من هناااااااا
الباقي
ردحذف