 |
سكريبت♥️بقلم سولييه نصار♥️
-انا مش عايزة اجيب عيال دلوقتي ...
قالتها لي رضوي بصراحة لما لقيت حبوب منع الحمل معاها ...
-افندم مش عايزة تجيبي اولاد ...وحضرتك بأي حق تاخدي القرار ده لوحدك ...بقالنا تلات سنين متجوزين وانا هم*وت علي طفل وبعدين اكتشف أن مراتي بتاخد حبوب منع حمل من ورايا ...انتي اتجننتي
صرخت فيها فرجعت ورا بخوف وقالت:
-حقي...أنا مش هخسر شغلي وجسمي عشان اجيبلك ولي العهد ...انت فاكر انك استع*بدتني ولا ايه ...عايزني اجيبلك عيال وحياتي تبو*ظ عشان سيادتك تنبسط ...لا يا دكتور ...أنا مهندسة قد الدنيا مش هبوظ حياتي عشان الخرافات دي ...انت متجوز إنسانة مش آلة ولادة ليك ...
بصتلها بصدمة ....مستحيل تكون دي اللي حبيتها واتحديت العالم كله عشان اتجوزها ....لقيت نفسي ببعد عنها وبطلع من البيت ....كنت مخنوق ...مش قادر اصدق ان دي هي اللي حبيتها ...أنا اتخدعت فيها ...
......
بعد ساعة كنت عند صاحبي أمام ...كانت الدنيا بتلف بيا ...مخنوق ومتضايق منها. مقه*ور ...أنا زي اي واحد نفسي في ابن يشيل اسمي ...ليه هي وخداها بالطريقة دي أنا عمري ما وقفت في وش شغلها ...بقول دايما أن ليها حق تشتغل ويكون لها كيانها الخاص ...أنا اللي دعمتها لحد ما كبرت ...دلوقتي بتته*مني اني عايز افش*لها ...
-روق بس يا حسام متعملش في نفسك كده يا راجل ..
قالها أمام صاحبي وهو بيديني كوباية الشاي ...
هزيت راسي وقولت:
-هتجنن يا حسام مش دي البنت اللي حبيتها ...ليه بتتصرف بالطريقة دي ...ليه عايزة تك*سرني كده وتحرمني من حقوقي اني اكون اب !!!
-انت عارف دماغ النسوان مهوية يا صاحبي ...دي ساعة انفعال وهي بذات نفسها هتعرف غلطها ..هما كده بوق علي الفاضي لكن كلمة حلوة منك وهتهدي ...
ضحكت بسخرية وقولت:
-يبقي متعرفش رضوي يا إمام ...دي بتاخد الحبوب من بدري وانا الغب*ي النهاردة اتكشفت وبدل ما تخاف بتبج*ح فيا ...
بصلي إمام بشفقة وقال:
-يبقي مفيش ألا حل واحد بس يا صاحبي
-ايه هو
اتنهد وقال:
-ما يك*سرش الست الا ست زيها ...اتجوز عليها ...
ضحكت علي تفكيره وقولت:
-واظل*م واحدة تانية ...أنا بحب رضوي يا إمام...
-مستعد تض*حي بحلمك انك تكون اب
قالها فجأة ...بصتله وانا برد عليه وبقول:
-لا ...أن نفسي في اطفال ...ده حلمي وهي عارفة كده كويس ...
هز كتفه وقال:
-خلاص يا سيدي اتجوز واحدة تجيبلك اطفال ...
سكت وانا بفكر في كلامه ...ومعرفش ليه جه في دماغي واحدة بس ...فاطمة السكرتيرة في العيادة بتاعتي شابة أرملة صغيرة ...ظروفها مناسبة تماما ليا ...
.......
-اووف بقا.
قالتها رضوي وهي بترمي التليفون ...مر اسبوع وحسام مختفي تماما مش بيرد علي تلفوناته .. سألت أهله بس محدش فيهم رضي يقولها هو فين ...ابتسمت بسخرية وقالت:
-انت فاكر كده انك بتلوي دراعي يا حسام ...لا يا حبيبي مش رضوي عمران اللي يتلوي دراعها في ستين داه*ية
ولسه هتقعد حد فتح الباب بالمفتاح ...
.....
دخلت وانا ماسك ايد فاطمة ...بصيت لوش رضوي كانت مصدومة جدا....ابتسمت وانا بقول :
-اعرفك يا رضوي يا حبيبتي ...فاطمة ضرتك ومراتي هتعيش هنا معانا !!!!
يتبع
#ليس_ملكي
#سولييه_نصار
الجزء التاني♥️شكرا علي تفاعلكم السكر♥️بقلم سولييه نصار♥️
-اتجوزت عليا ...
قالتهالي بصدمة بعدين صرخت وقالت بج*نون:
-انت تتجوز عليا أنا ...أنا يا حسام ...
ابتسمت وانا بشوف معاناتها ...كنت عارف اني جرحت نرج*سيتها ...
قولت ببرود :
-لو حابة تتطلقي معنديش مانع هديكي كل حقوقك وتتطلقي عادي ..
ضحكت بتريقة وقالت:
-وابقي مطلقة ...لا مستحيل ده يحصل ...أنا مش هخلي الناس تقول أن رضوي المهندسة المشهورة جوزها طلقها عشان واحدة زي دي ...انت هتطلق البنت دي يا حسام وانا هتجاوز اللي عملته وهسامحك عليه ومش هتطلقها وبس دي كمان هت*طردها عشان بعد كده متتجرأش بعد كده تبص لحاجة مش بتاعتها ...
ضحكت بذهول ...لا دي اكيد مش طبيعية ...
-للاسف يا حبيبتي ده مش هيحصل ...فاطمة هتبقي مراتي اللي هتجيبلي الابن اللي انا عايزه وانتي بس هتبقي هامش هنا لاما اطلقي براحتك واديكي حقك ...
الغضب كان متجمع في عينيها ...وصرخت في وشي:
-انت يعني بتلوي دراعي عشان اجيبلك عيل
...لا يا حسام انسي قولتلك مش هسمحلك تد*مر مستقبلي المهني عشان غيرتك دي ...اصبر عليا أما خليتك تش*حت في الشوارع مبقاش أنا رضوي ...جايب واحدة ش*حاتة زي دي وبقارنها بيا ...انسي ...واحدة زي دي مش هتقدر تاخد مكانتي عندك ...أنا عارف انك بتحبني وهي عارفة كده كويس بس نعمل ايه الر*خيص هيفضل طول عمره ر*خيص وهي رخ*يصة لما فكرت أنها هتقدر تاخدك مني مستحيل ...
أتوترت فاطمة فزعقت أنا :
-احترمي نفسك ...فاطمة تبقي مراتي زيها زيك وهتعيش هنا وانتي عايزة تتطلقي اتطلقي أو ارضي بالواقع وعيشي هنا يومك زي يومها وحقوقها زي حقوقك فاهمة .؟!!
وبعدين مسكت ايد فاطمة ودخلت بيها الاوضة التانية وانا جسمي بيترعش ...كنت حاسس اني منفعل ...قفلت الباب كويس فقعدت علي السرير ...لثواني حسيت بتأنيب الضمير لاني دخلتها اللعبة دي ...اس*تغليت ظروفها واتجوزتها ...اتنهدت وانا بفتكر من اسبوع تقريبا عرفت أن عمها عايز يجوزها غصب عنها لواحد قد ابوها وعشان كده انا روحت طلبتها منه وبعدين اتفقنا علي كل حاجة وهي عشان تهرب وافقت بشرط اني بعد ما اطلقها احميها من عمها وانا وافقت لاني عرفت ان رغم أن جوزها مات هي لسة عايزة تحافظ علي ذكراه....لسه بتحبه وبصراحة لما عرفت كده حسيت بالغيرة أن واحدة تحب راجل للدرجادي رغم أنه مي*ت من سنتين بس مقدرتش تنساه ولا تشوف غيره حتي لسه لابسة السلسة بتاعته وبتفتكره دايما
...اتمنيت أن رضوي تحبني الحب ده كله ...أنا متخيل اني لو مو*ت رضوي هتبكي عليا ساعتين وتروح تكمل شغلها اللي حرفيا بقيت احس انه اهم مني ...طلعت من شرودي ولقيت فاطمة غيرت ابتسمت برسمية وقالت:
-هنام أنا علي الكنبة اتفضل حضرتك نام علي السرير ...
هزيت دماغي وقولت:
-لا ميصحش ...
اخدت المخدة وروحت علي الكنبة من سكات وانا مقرر انام عليها ...
......
تاني يوم طلعت من اوضتي بدري كانت فاطمة لسه نايمة واتصدمت لما شوفت رضوي واقفة جمب السفرة محضرة الفطار ومبتسمة ليا بحب ....غريبة يعني اول مرة تتنازل وتحضر الفطار بدل ما تكون في شغلها ...قربت مني وحضنتني وقالت:
-صباحية مباركة يا حبيبي ...
-ايه بتودعيني قبل ما تس*ميني ولا ايه ...
ضحكت وهي بتسحب أيدي وقعدتني علي الكرسي وقالت:
-وانا اقدر
وبعدين بدأت تأكلني في بوقي ...اترددت وهي بتتكلم وقالت:
-بصراحة فكرت في اللي حصل امبارح ولقيت عندك حق ...من حقك يكون عندك طفل وبصراحة أنا مش في نيتي اجيب اطفال خالص ...أنا عمري ما شوفت نفسي ام عشان كده فاطمة مثالية جدا عشان تجيبلك ولي العهد ...
كنت ببصلها بصدمة ...افتكرت انها اتعدلت بس مفيش فايدة ...كملت وقالت:
-بس يا حبيبي فكر في وضعي لما يعرفوا أن جوزي انا اتجوز عليا ...اقابل ازاي زمايلي في الشغل عشان كده نخلي جوازك من فاطمة سري ولما تخلف الطفل ناخده منها ونربيه كأنه ابني وهي نديلها قرشين وتغ*ور!!!
يتبع اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
#ليس_ملكي
#سولييه_نصار
تعليقات
إرسال تعليق