 |
الفصل الثاني
و من كثرة البكاء ذهبت في غفوة و رأته يتسلل إلي أحلامها
كانت تراقبه حتى أقترب نظرت إليه بتمعن لتعلم إين رأت هذه الملامح من قبل ، و لكن للأسف باتت محاولتها بالفشل مثل كل مرة، تراه أمامها ولا تستطيع معرفته،
و مثل كل يوم يأخذها بعيدًا و يحلق في كل مكان، و تستمتع بوجوده ولا شعر بالأمان مع أحد بقدر ما شعرت معهُ و بين ذراعيه
و كأنها تلجأ لعالم الخيال التي تمنت يوم أن يكون واقع و هو جزء منه مش مجرد خيال يُرسم داخل عقلها.
و عندما فتحت عيناها الصغيرتين وجدت أمامها من يُعطي له الشعوربالأمان في الحياة هالة (والدتها)
_ مالك يا جنة... راجعة من الشغل بدري ليه
_ لا يا ماما مفيش حاجة مجهدة شوية
_ ارتاحِ يا حبيبتي لحد ما أحضر الأكل
_ ماما عايزة أقولك حاجة.... أنا تقريبًا سِبت الشغل أو بمعني أوضح ها نطرد
_ نعم ليه شكلك عملتِ مصيبة صح!
_ ليه يا أمي أنتِ تعرفي عني كده... أنا مش بحب المشاكل
_ طبعا... يا قلب ماما يعني طالعة لحد غريب
_ لو سمحتِ يا ماما بلاش نتكلم في الموضوع ده
_ طيب اروح أنا أحضر الأكل
•في اللحظة التي سمعتِ فيها طرقات الباب •
_ أستنى يا ماما أنا أفتح الباب و جايه اساعدك
_ أنتِ تاني..!
_ أنتم حد يعرفكم غيري يا ماما
_ الحقيقة لا
_ في ريحة حاجة بحبها أوعي كده طنط هالة أنتِ فين
_ أدخلي... بحس أنك كائن عايش عشان يأكل و بس يا ندى
_ و هو في أحسن الأكل في الدنيا
_ أقولك حاجة يا طنط هالة أنتِ بتعملي أكل أحسن من ماما
_ أنا هاقول لمامتك يا ندى
_ أنا صديقة عمرك يا جنة
فتضحك هالة على هذا الحوار و تقول
_ أنتِ حبيبتي يا ندى جهزوا السفرة أنتِ و هي
_ حاضر يا ماما
_ اه صح مستر عاصم سأل عليكِ
_ ندى أوعي تكوني بعتِ صاحبة عمرك
_ دلوقت صاحبة عمرك... ماشي يا سيتي قولتله والدتها مريضه
_ حرام عليكِ يا بنتي أمي ذنبها ايه!
_ أنك بنتها.... ايه بقى اللي حصل
هالة بصوت عالي من الداخل
_ بلاش الرغي ده و اخلصوا
_ نفسي أعرف مستحمله صوت أمك ده أزاي
_ يا ماما سمعه ندي بتقول ايه
_ كده يا جنة اسكتِ والله أمك تطردني و بعدين مش أنا صديقة عمرك ينفع تخلي الأكل الحلو ده يروح عليا
_ ماشي نعديها المرة دي عشان طلعتِ جدعة بس
وفي مكان أخر
يرقد هو على فراشه مغمض العينان قليلًا فيأتي طيفها و هي تهدده
يبتسم علي براءته و تمردها و غباءها حينما صدمت رأسها و عندما اربكها كلامه فوقعت منها القهوة عليه وهو كان متعمد ذلك ليفتح عيناه ويقول لنفسه •أكيد مش البنت دي اللي تشغل تفكيري •
و يبدل ملابسه كي يلتقي ببعض من أصدقاءه
يدخل والده بعد إن طرق الباب
_ ايه الشياكة دي رايح على فين كده
_ أنت اللي بتتكلم عن الشياكة يا عاصم باشا
أنا بتعلم منك
عاصم بابتسامة
_ ماشي يا سيدي أنت و بكل فخر ابني
مش تقولي رايح فين
_ خارج شويه اشوف أصحابي
_ براحتك يا حبيبي بس لازم نعمل حفلة عشان المنافسين يعرفوا أن ابني رجع
بالسلامه
_ مع اني مش بحب الأجواء دي بس اللي تحبه
_ ماشي يا حبيبي
وفي مكان اخر
و بعد أن تناولوا الغداء و قصت جنة ما حدث صباحًا
_ بجد القهوة وقعت عليه؟!
_ يا بنتي هو أنا بهزر معاكِ... انا خايفة يطردني و أنا تعبت في الشغل ده
_قلبي معاكِ أنتِ أوعي تخافي هو أكيد ها يطردك بكره و ها يطردني معاكِ
_ده بني أدم رخم و مغرور
_ حرام عليكِ ده جان كده و قمر
_ فين هو القمر... ده مستفز جدًا
_ أنا امشي دلوقت و أشوفك الصبح تمام
_ تمام أنا بقرأ في روايةرومانسية ها كمل قراءة الرواية
_ قراءة و رومانسية ايه يا بنتي أنتِ فاضية
_ القراءة أحلي حاجة يا أم جهل أنتِ
_ ماشي يا سيتي سِبت ليكِ الثقافة نلتقي غدًا يا أختاه عربية فصحى اهووه عشان أم جهل دي، باي يا طنط هالة
_ كده فصحى ربنا يصبرني
_باي سلامي لماما يا ندى. •تقولها هالة و هي تتابع الأخبار في التلفزيون •
_ يوصل يا عسل أنتَ و شكرًا علي الأكل الحلو ده
و تخرج وتغلق الباب خلفها و تترك جنة و هي تقول
_ ماما أنا أدخل اقرأ شويه
_ براحتك يا حبيبتي
و هي على فراشها تقرأ وتقلب صفحات الكتاب و تتذكر نظراته الحاده التي تشبه نظرات أمير الأحلام
غلب عليها النعاس لتلتقي به فقد حان موعد لقاء الحبيب.
تشرق الشمس تعلن عن بدء يوم جديد
و في الصباح الباكر
ذهب كل منهم إلي العمل ما عدا جنة فكانت خائفة من ردة فعله و أنه من الممكن أن يقوم بطردها فقررت عدم الذهاب و الإنتظار لما يحدث
أما هو و من داخل الشركة و بخطوات كلها ثقة يذهب إلى مكتب والده حتى وصل إلي مكتب جنة و لم تكون هناك
يدخل إلي المكتب و هو غاضب من قلة أحترام مواعيد العمل
يدلف إلى مكتبه و يحمل الهاتف
و بعد وقت تطرق الباب و يسمح لطارق بالدخول
_تعالي يا أنسة ندى
_ صباح الخير يا فندم تؤمر بأي حاجة
_صباح الخير كُنت محتاج أعرف تفاصيل كل الصفقات و أسماء العملاء
_تؤمر يا فندم بس أنسة جنة ها تفيد حضرتك أكتر
_ و هي فين بقى حضرة السكرتيرة أنا وصلت و هي لسه، ايه الإهمال والامبالاة دي
_دقايق يا فندم و تكون وصلت أنا أروح أتصل بيها
_كلميها هنا و حالا و خلي الصوت عالي عايز أسمع
_ بتقول ايه يا فندم
_ كلامي يتنفذ من غير نقاش يا أنسة
•ترفع ندى الهاتف لتحدث صديقتها أمامها•
_ الو... أنتِ فين يا جنة
_ في حد يتكلم كده على الصبح قولي صباح الخير مش ها قولك حلمت بايه
_جنة مش وقته... اتأخرتِ على الشغل ليه
_ مش جايه الشغل ده
_ جنة بلاش دلع مستر فهد في الشركة
_ يا بنتي هو أنا أخلص من هولاكو يطلع ابنه ابو لهب
_أسكتِ يا جنة هي ما تقصدش يا فندم
يحمل الهاتف
_ نصف ساعة و تكوني هنا فاهمة
_مين بيتكلم...
_ أبو لهب.. يا جنة هانم
قذف الهاتف علي مكتبه
و هو يقول بصوت عالي
_ لما توصل الهانم دي عندي هنا اتفضلي على مكتبك
تفتكروا ايه ممكن يحصل 🤔🤔
تفااااعل عشان الفصل اللي بعده ينزل اليوم +متابعة لو سمحتوا ليصلك الفصل الجاي
تعليقات
إرسال تعليق