 |
الفصل الأول
حينما يسدل الليل ستائرهُ المظلمة ويكون القمر ضيف من ضيوف السماء، حينها يغلب عليّ النعاس و يظهر هو بطل أحلامي الذي لا يفارقني حتى تعلن الشمس عن بدء يوم جديد مُنذ عدة أشهر و أنا على هذا الحال، حتى أحببتهُ نعم أعشق الليل لأنهُ يأتي بمن أحب
حتى أراه ما أجمل هذا الشعور وهو يقف و يمد ليّ يده ليأخذني معه في عالمنا الخاص بنا،
يحملني بين يديه و نحلق عاليًا في سماء الحب.
حتى أسقط و تصطدم رأسي بالأرض ولأستيقظ علي صوت أمي وهي تنادي بصوت عالي
_ جنة قومي عشان الشغل أتاخرتي، كل يوم يا ربي مفيش تحمل مسئولية ابدا
_ حاضر يا ماما... اه يا راسي كل يوم احلم بيك يا أسمك أيه طب قولي بس أنت فين و أنا اجيلك....
وبعد وقت خرجت جنة من غرفتها و هي تقول
_ صباح الفل يا ست الكل مش كل يوم افوق من النوم علي صوتك... الحلو ده بترعب و أنتِ بتقولي جنة قومي الشغل
_ صباح الهنا يا قلب ماما بس نفسي تعقلي شويه وتبصي لمصلحتك وتشوفي إللي في سنك عندهم أولاد، وأنا في أي وقت ممكن أموت و تبقى لوحدك
جنة : بعد الشر عليك يا جميل أنت وبعدين يا أمي خلاص عملت للأسطوانة دي حفظ في دماغي خلاص، ممكن بقي أروح شغلي عشان مفيش وقت باي
_ جنة مش تفطري أي حاجة قبل ما تمشي
_ سلام يا عسل أنا أفطر في الشغل مع ندى
_ ربنا يوفقك يا حبيبتي و يرزقك بواحد يسعد قلبك و أيامك
*جنة فتاة تبلغ من العمر ٢٣ عام، تمتلك بشرة قمحيه وعينان عسلية فاتحه تميل إلي اللون الأخضر وشعر أسود طويل وهي فتاة محجبة
والدها و والدتها منفصلين تحب الخيال و تتمنى أن تعيش قصة حب مثل القصص الاسطورية•
بعد وقت
و من داخل الشركة التي تعمل بها تحمل ملفات وتضعهم علي مكتب صديقتها ندي و تقول
_ الأستاذ عاصم بيقولك الملفات دي تبقى جاهزة علي بكرة
_ تمام، بس ماله الجميل زعلان ليه
_ مش عارفه... نفس الحلم بتاع كل يوم بكون معاه و فجأة افوق على صوت ماما
ندى ببتسامة
_ طنط هالة دي عسل و يا بنتي ده حلم يعني في عقلك وبس لأنك نفسك تعيش ده
_ يا ندي كأنه حقيقي لأني بعيشه بجد يعني
_ خلاص أنا عندي فكرة بعد الشغل تمام نتكلم
_ ماشي و ربنا يستر من أفكارك
_ كده يا جنة
_ نتقابل بعد الشغل أمشي أنا عشان هولاكو
فكان يقف
_ أنتِ يا انسة إيه اللي بتقوليه ده
لتلتف جنة وراءها فتنظر له
_ نعم أنت مش عارف أنا مين وأزاي بتكلمني كده ومين أنت عشان تدخل في كلام بنات
_ايه كل ده، لا للأسف معرفش، ايه صاحبة الشركة ولا ايه
_ أنا سكرتيرة رئيس مجلس الإدارة
_ أخاف أنا كده
_ أه طبعا خاف لو مش عاوز تنطرد من هنا •تقولها وهي تذهب •
_ مين البلوة يا أنسة ندى
_ حمد لله على السلامة يا فندم دي جنة السكرتيرة الجديدة
_ و مين الغبي اللي جابها هنا
_ أنا حضرتك بس هي بنت ممتارة في شغلها
_ كان كفاية علينا بلوة واحدة راحة تجيبِ صحبتك كمان
_ أنا آسفة بالنيابة عنها ه هي أكيد ما تقصدش هي جديدة هنا من شهور بس
_ بما أنها سكرتيرة عاصم باشا يبقي هولاكو ده والدي
_ صحيح حضرتك
_ شوفي شغلك حسابك معايا بعدين
ويذهب كي يقابل والده وهو يتوعد لها
"فهد صاحب ٢٩ عامًا شاب طويل و يمتلك جسد قوي فهو يحب الملاكمة جدًا وحصل علي العديد من
الجوائز و أيضاً وسيم الوجه بعينه الخضراء وبشرة الخمرية وشعره الداكن •
كانت الأنظار تحيط به حتي واصل إلي مكتب السكرتارية و لكنها كانت مع والده بالداخل
طرق باب المكتب و لم ينتظر الجواب و دلف إلي الغرفة
وكانت هي تحمل بعض الملفات وفي طريقها الي الخارج نظرت له بدهشة وهي تقول
_ ازاي تدخل كده من غير استأذن انت إنسان مش... اتفضل حضرتك بره
لم ينظر له و إقترب من والده و قال
_ وحشتني جدا يا مستر عاصم
_ ايه ده أتفضل من هنا •تقولها بعصبية •
_ حبيبي وحشتني اوي يا فهد وصلت أمتى
تقف هي تبحلق فيهم
ينظر إليه وهو يرفع أحد حاجبيه
_ده مستر فهد يا جنة يدخل في أي وقت بدون استأذان اتفضلي أنتِ... جنة أنت يا بنتي جنة
_نعم يا مستر عاصم
_ أتفضلي ولو سمحتِ اتنين قهوة مضبوطة
فتذهب وهي تنظر إليه حتي صدمت رأسها باب المكتب
فيبتسم فهد بسخرية علي هذه المجنونة
_ عملت ايه في فرع الشركة اللي هناك
_ أنا زهقت من الشغل بره البلد و حابب أستقر هنا
_يا ابني بتقول ايه بس في ناس تحسدك إنك هناك كل الوقت ده وعايش حياتك
_ بابا مش أنت اللي قولت تعالي هنا
_ ايوه أنا محتاجك جانبي أنا تعبت هنا أنا محتاج أسيب كل حاجه و ارتاح
في مكان اخر خارج المكتب تجلس وتضع يدها علي رأسها وتقول
_فهد ابن مستر عاصم يا نهار أبيض أنا أكيد
ها يطردوني النهار ده وترفع الهاتف وتطلب القهوة
وبعد دقائق العامل وفي يده القهوة و يقول
_القهوة يا فندم
_ تفتكر يا عم محمد ممكن يطردوني
_ ليه يا بنتي بس
_ يا راجل يا طيب اللي عايزه أقوله إنك أحسن واحد بتعمل قهوة
_أنا مش فاهم حاجة
_ شكله اخر يوم ليّ هنا يا عم محمد
_ طيب قولي يمكن أساعدك
_مش وقته القهوة تبرد و ساعتها انطرد بجد
وبعد قليل تدخل وتحمل القهوة ويديها ترتعش من الخوف
_ القهوة يا مستر عاصم
_ شكرا يا جنة
_القهوة يا فندم تضعها أمامه وهي تقترب منه فيقول بصوت منخفض
_ اسمك يجنن
يهتز الفنجان منها ويقع عليه
_ ايه اللي عملتيه ده يعني مش بتعرفي تتكلمي ولا تشتغلي
_ اي يا بنتي ده
_ والله يا فندم غصب عني أستاذ فهد هو
_فهد ايه بس أمشي من وشي
تذهب إلي خارج المكتب و تحمل حقيبتها و تذهب تراها ندى صديقتها وهي تذهب
_ في ايه بس بتجري ليه و وشك عامل كده ليه
_مفيش بس سبيني لو سمحتِ لازم اروح على البيت
_ أزاي يعني اسيبك و أنتِ في الحالة دي
_ و حياتي يا ندي سبيني امشي
_حاضر نتكلم لما اروح البيت
وتذهب هي إلي بيتها وبعد وقت تذهب إلي غرفتها حتي تبكي
فلا أحد يستطيع أن يفعل هذا بي كيف تجرأ أنت تقول هذا الكلام ليّ أنا هذا ما كانت تردده مع نفسها
ومن كثرة البكاء ذهبت في سبات عميق
حتي رأته يتسلل إلي أحلامها و كان الصورة شبه واضحه
فكانت تدقق فيه وعندما اقتربت أكثر قالت...
يلا بقاااااا تفاااعل عشان الرواية تكمل
تعليقات
إرسال تعليق