 |
سكريبت♥️بقلم سولييه نصار♥️
-انا مش هقدر اتجوزك
قولتها بإيمان اللي اتصدمت ...عيونها دمعت وهي بتقرب ليا بخوف ....بتمد ايديها عشان توصلي ...اخيرا قدرت تمسك أيدي وقالت:
-عماد انت بتهزر صح ... النهاردة كتب كتابنا ...وانا لابسة الفستان ...اكيد مش هتك*سرني بالطريقة دي !!!
بلعت ريقي وانا حاسس ان ضميري واج*عني ...صحيح أنا اختارت التوقيت الغلط بس كده افضل ...لازم تعرف الحقيقة...
-انا اسف
قولتها بحزن
-اسف علي ايه ...اسف انك ناوي تفض*حني يوم فرحنا ...عماد متعملش كده ابوس ايديك ابويا ممكن يحصله حاجة ده مريض....انا عملت ايه لده كله ...
بصتلها وحاولت ابرر...
-وضعك يا ايمان ...
-ماله وضعي ...عشان فجأة خ*سرت نظري عشان مبقتش قادرة اشوف ...انت عايز تسيبني للسبب ده ؟!عايز تد*مر فرحتي بسبب كده ...انت ازاي كده يا عماد ...أنا بفستان فرحي دلوقتي واحنا اخيرا هنتجوز بعد سنتين خطوبة انت قولت انك مستني اليوم ده بفارغ الصبر جاي دلوقتي تك*سرني وتسيبني ...حرام عليك ..مفكرتش فيا هواجه الناس ازاي ...مفكرتش في ابويا التعبان ...
-افهميني أنا مقدرش اكمل حياتي معاكي ...مقدرش ..
-بس أنا خسرت نظري بسببك ...نسيت انك اللي عملت حادثة بينا ...ورغم كده سامحتك ومحاولتش احملك ذنبي ...
ابتسمت بسخرية وقولت:
-بس انتي اهو بتحاولي تخليني احس بتأنيب الضمير ...
دموعها بدأت تنزل فقولت:
-بصراحة أنا حبيت واحدة تانية ...
حسيتها اتصدمت وبدأت تبكي اكتر فاتنهدت وقولت:
-بس أنا مش خس*يس زي ما انتي فاكراني ...أنا هتجوزك عشان كلام الناس بس مش هنكمل مع بعض يا ايمان لازم تفهمي كده ...وكمان هيبقي حقي اتجوز البنت اللي انا عايزها ...
كانت مصدومة ومش بتنطق ...ساعتها حسيت بالذنب انا مكنتش قاصد اجر*حها يمكن صراحتي للاسف بتبان جار*حة بس ما اتعودتش اذوق في الكلام ...أنا فعلا مش هقدر اعيش معاها وفي التلات شهور اللي تعبت فيهم بسبب الحادثة انا بدأت اتقرب من زميلة ليا في الشغل وكنت جاي ومقرر اني انهي كل حاجة بس لما فكرت في وضعها لقيت اني مقدرش اسيبها كده ...عشان كلام الناس ...اتنهدت وانا بقول بجدية:
-ها يا ايمان موافقة اني اتجوزك مؤقتا وبعدين اطلقك عشان بس كلام الناس ولا لا ...ده الحل الوحيد اللي اقدر اقدمهولك ...أنا مقدرش اعيش معاكي...
مسحت دموعها ورفعت راسها وقالت:
-متقلقش أنا اللي مش هقدر اكمل معاك بعد كلامك ده ...احنا هنتمم الفرح عشان شكل اهلي مش اكتر وعشان بابا تعبان الفترة دي وفي اقرب فرصة لما احس انه بقا كويس هنتطلق ...
-تمام...
قولتها بهدوء فهزت رأسها وقالت:
-اطلع دلوقتي انت وانزل تحت ...وابعتلي اختي عشان تضبطلي الميكب ...
طلعت بسرعة من الاوضة وانا حاسس اني مخ*نوق ...مش مشكلة ...مفرقتش كام شهر ...شهد اكيد هتتفهم الموضوع ...
....
بعد ساعات كان الفرح خلص وتم زواجنا ... دخلنا البيت بتاعنا حاولت امسك ايد ايمان عشان اوديها اوضتها...بعدت ايديها وقالت:
-متلمسنيش ...وطول الفترة اللي هنقضيها مع بعض إياك تفكر تقرب اعمل اللي عايز تعمله بس بعيد عني ...أنا أقدر الاقي طريقي كويس ...
وفعلا قدام عيني بدأت تتحسس طريقها وده كان سهل لأن فستانها كان بسيط وخفيف لحد ما وصلت الاوضة اللي هتنام فيها وقفلت الباب ...
....
اتنهدت بعد ما دخلت ...هي ليه بتحسسني اني واطي!رن تليفوني ولقيت شهد رديت بسرعة لقيتها بتزعق:
-اتجوزت يا عماد ....خد*عتني واتجوزت ...خلاص اعتبر اللي بيننا انتهي ..
-اسمعيني بس يا حبيبتي
-لا مش هسمع ...انت ازاي تعمل فيا كده ...قولي ازاي تتجوزها ..حرام عليك حر*قت قلبي
غمضت عيني بحزن وقولت؛
-مقدرتش احطها في الموقف ده بس فهمتها أن جوازنا مؤقت وهطلقها وبعدين اتجوزك ...
-وانا مش واثقة فيك يا عماد..
زعقت في التليفون فقولت عشان أراضيها
-طيب قوليلي اعمل ايه ؟!
-تيجي تتقدملي بكرة ونتجوز !!
يتبع
#سارقة_القلوب
#سولييه_نصار
الجزء التاني♥️شكرا علي تفاعلكم السكر♥️بقلم سولييه نصار♥️
-اتجوزك ازاي يا شهد انتي بتقولي ايه ...أنا كان فرحي النهاردة ..
زعقت فيها فزعقت هي كمان وقالت:
-مش مشكلتي يا حبيبي ...انت عايز ته*رب مني ....اقنعتني انك بتحبني ودلوقتي اتجوزت واحدة تاني ...حرام عليك أنا عملتلك ايه عشان تك*سر قلبي بالشكل ده ....بس لا يا عماد مش انا اللي اتضحك عليها ....
اتعصبت منها وقولت:
-وانا مضحكتش عليكي ...أنا بحبك انتي مش هي والله بحبك انتي ...بس مكنتش اقدر اسيبها يوم الفرح ...ابوها تعبان وكان ممكن يحصله حاجة !...اسمعيني كويس يا شهد والله جوازنا مش هيطول...يدوب كام شهر ونتطلق وابقي معاكي علطول ... صدقيني...
-بص يا استاذ عماد واسمعني كويس لو مجيتش في أقرب فرصة تتجوزني هوافق علي اول عريس يجيلي وانت حر بقا ابقي مع العامية دي فاهم....
وبعدين قفلت السكة في وشي ...نفخت بضيق ...ياربي اعمل ايه في الورطة دي ...شهد ممكن تنفذ كلامها وانا بحبها ومقدرش اعيش من غيرها ....دخلت اوضتي وقولت أن بكرة هفكر في حل في الموضوع . ...
غيرت هدومي ونومت علطول ....
في الاوضة التانية كانت أيمان بتب*كي انها مش قادرة تفك سوستة الفستان ...وكان الحاجة البسيطة دي ادتها مبرر تبكي علي اللي حصلها ...من قبل تلات شهور كانت مبسوطة وسعيدة....كانت بتلمع لأنها هتتجوز اللي بتحبه فجأة حياتها اتقلبت بسبب حا*دثة عربية ...كانت مع اخوها وعماد راجعين من فرح قرايبهم لما عماد عمل حاد*ثة ...اخوها وعماد طلعوا بخير الحمدلله بس هي خسرت عينيها ...ساعتها انها*رت بس مفكرتش تحمل عماد الذ*نب ...ووقتها هو كمل معاها متخلاش عنها بس النهاردة كان عايز يقت*لها بسك*ين بارد ....بس خلاص هي هتكمل شهورها علي خير ولو حصل ايه مش هترجعله تاني كفاية اللي عمله ...اخيرا قدرت توصل لسوستة الفستان وقدرت بعد مجهود تقلعه ...لبست بيجامة ليها ونامت من التعب ....
.....
تاني يوم اهلي واهلها جولنا البيت عشان يباركولنا ...هي كانت هادية تماما موجهتليش اي كلام وحاولت تكون طبيعية ....
بعد شوية اختها اخدتها ودخلت الاوضة معاها وانا قعدت مع باقية العيلة ...بس كنت متوتر انها تقول لاختها...عملت نفسي هشرب وروحت وقفت لقيتهم بيتكلموا عني اختها كانت بتقول:
-طيب ما تحاولي يا ايمان انك تقربي منه ...حاولي انك ...
-بس يا رضوي متكمليش مستحيل خلاص عماد باللي عمله ملوش فرص عندي انا مستنية الشهور تعدي بفارغ الصبر عشان أطلق منه وأشوف حياتي ...
كنت متضايق منها ...بقا دي هي اللي كنت مقدر مشاعرها وخاطرت اني اخ*سر شهد اللي بحبها....بس انا غلطان اني فعلا قدرت مشاعرها ...بسيطة أنا هوريكي يا ايمان كويس الوش التاني ...روحت قعدت مع العيلة وانا مخ*نوق ...هي فاكرة نفسها ايه يعني ...ماشي يا ايمان ....
....
العيلة اخيرا مشيت فقامت ايمان عشان تروح اوضتها
-استني حابب اتكلم معاكي
قولتها ببرود ...
-اتفضل قالتها بنفس البرود ...
ربعت أيدي وقولت :
-انا هتجوز
-اتجوز اعملك ايه يعني متقولش انك مستني موافقتي !
اتغاظت وانا ببصلها فقولت:
-لا أنا عايزك انتي اللي تروحي معايا عشان أخطب اللي بحبها!
يتبع
#سارقة_القلوب
#سولييه_نصار
تفاعل عالي عشان انزل كمان بارت♥️
تعليقات
إرسال تعليق