مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء التالت♥️شكرا علي تفاعلكم السكر♥️بقلم سولييه نصار♥️

-ببساطة أنا عايزك انتي تيجي وتخطبيلي شهد ...

كنت مستنيها تغضب أو تغير بس ملامحها كلها باردة وقالت:

-,وماله اجي اخطبهالك بس أهلها مش هيعترضوا ...

نبرتها الباردة صدمتني ...أن واحدة من يومين بس تقولي أن كل حياتها وأنها بتحبني دلوقتي تتصرف ببرود علي خبر خطوبتي من واحدة تانية لا وهي كمان اللي هتيجي تخطبلي ...كنت متضا*يق ومخن*وق بس حاولت مبينش وقولت بصوت عادي:

-لا متقلقيش هي عندها مرات اب هتم*وت وتمشيها من البيت باي طريقة يعني مش هتفرق ..

-صحيح وكمان هنقول انك فترة وتطلقني بحيث يطمنوا علي بنتهم اكتر ...

البساطة اللي بتتكلم بيها علي الطلاق  عصبتني منها معرفش أنا ليه كنت متضايق بس احساس اني رخي*ص للدرجادي عندها كدرني بصراحة ...

ابتسمت بهدوء وقالت:

،-امتي هنروح نتقدم؟!

-ايه الحماس بتاعك ده ولا كأن جوزك هيتجوز عليكي؟!

قولتها بعصبية ...بصتلي هي ببرود وقالت:

-بس أنا مش بعتبرك جوزي ...انت مجرد واحد متجوزني فترة عشان كلام الناس وهنتطلق ...وانا حابة اساعدك عشان تتجوز اللي بتحبها عشان لما اطلق منك ربنا يجبر بخاطري ويخليني اقابل اللي يستاهل قلبي.. .

كلامها عن واحد تاني بالبساطة دي قهر*ني اوووي فقولت بعصبية:

-ياريت تحترمي اني جوزك ومتتكلميش عن راجل تاني ...

ملامحها كان فيها حيرة بس انا كنت اتخنقت خلاص وقولت عشان اغي*ظها :

-انا رايح اقابل شهد عشان نتفق اجي امتي تحبي اجيبلك حاجة معايا ...

وشها مبانش عليه اي حاجة وقالت:

-لا شكرا بس سلملي عليها ...

-باردة 

قولتها بعصبية وبعدين مشيت ...

....

بعد ما مشي نزلت دموع ايمان ...بس مسحتها بسرعة وقالت:

-متبكيش عليه ...هو ميستاهلش دموعك دي ...انتي مريتي بالاس*وأ ونجحتي تتخطيه وهتتخطي  عماد ...

قامت وراحت تأكل هي مش هتجوع نفسها عشانه ولازم تفكر في اللي هتعمله لما تتطلق ..تبدأ حياتها من فين ....

.... 

بعد ساعة في الكافية...

مسكت شهد أيدي وقالت:

-بجد يا حبيبي هتيجي تخطبني 

ابتسمت بالعافية وانا بقول بتعب:

-ايوة حددي يوم اجي اقابل اهلك فيه ...

-حاضر يا حبيبي ...بجد أنا فرحانة ...ده احسن يوم في عمري ...

-وانا كمان مبسوط يا حبيبتي ..

قولتها بس مكنتش حاسسها ...كنت هتج*نن أنا مالي بالضبط حاسس حاجة جوايا مانعاني اكمل الجوازة دي بس اتمسكت برأيي ...دي شهد اللي أنا بحبها اكتر من اي حد ...بس برضه أنا حبيت إيمان اكتر من اي حد برضه ...بس دلوقتي ظروفها اختلفت ...عايزة اللي يساعدها وانا مقدرش اتحمل مسئولية بالشكل ده ...

........

رجعت البيت وانا تعبان ...قريبي كلمني وقال إنه عاملي حفلة بمناسبة جوازي وعزمني أنا وإيمان ...كانت قاعدة علي الكنبة بتعزف علي الكمان لما روحت ...وقفت لدقايق وانا بسمع عزفها ...عزفها بقا احلي بكتير ...هي بتعزف كويس جدا ...بس بطلت لما خس*رت نظرها لكن دلوقتي بدأت ترجع تاني تعزف ومعرفش ده معناه ايه ...قربت منها وقولتلها بهدوء علي الحفلة وقالت إنها هتجهز علي الوقت ...مكنتش بتعارضني أو بتكلمني ببرود. ..بحس انها عادية جدا معايا كأني واحد من الشارع متعرفهوش....

...  

بالليل كنت ماسك ايديها واحنا في الحفلة ...كنت مصر أننا نبان أننا مبسوطين...كنت ببصلها كل فترة ...كانت جميلة اووي.   مبتسمة بهدوء. ..سيبتها قررت اروح الحمام ...

. . 

بعد ما راح عماد الحمام ...

-اه 

قالتها ايمان لما حست حد خبط فيها ووقع الموبايل بتاعها ...

نزل مؤيد بسرعة وشال الموبايل ولسه هيدهولها اتجمد مكانه وهو بيشوف اجمل عينين شافهم في حياته ....

-اتفضلي الموبايل 

قالها وهو لسه مذهول من جمالها ...مدت ايديها بعيد عشان تاخد الموبايل وقتها أدرك أنها مبتشوفش ...أداها الموبايل في ايديها وقال :

-عينيكي اجمل عيون شوفتها في حياتي بالمناسبة ...

بصتله ايمان بضيق ولسه هترد جيت أنا من وراها وقولت:

-وانت شكلك متبري من حياتك النهاردة بالمناسبة !!!

يتبع

الجزء الرابع♥️شكرا علي تفاعلكم السكر♥️بقلم سولييه نصار،♥️

-تعالي هنا ...

مسكت ايد ايمان جامد ووديتها ورا ضهري وانا ببصله بضي*ق وقولت:

-اللي بتعاكسها دي تبقي مراتي ...

بصلي الراجل بتوتر وقال بكسوف :

-انا اسف

وبعدين مشي ....

بعد ما مشي مسكت ايد ايمان وزعقت فيها وقولت:

- بتدوري علي راجل من دلوقتي قبل ما نتطلق اومال لو اطلقنا هتعملي ايه ...احترمي طيب جوزك اللي انتي علي ذمته ...

زقتني وقالت والدموع في عينيها :

-انا مش زيك يا استاذ عماد ...مش بقابل في واحد ورايح اخطبه ومتجوزة واحد تاني انا مش رخ*يصة بالشكل ده ..

-بتغيري 

قولتها بسخرية ...ضحكت ببرود وقالت:

-انت انتهيت من حياتي يا عماد خلاص صدق او مصدقش أنا خس*رت الأمان معاك فمستحيل مهما حصل اكمل ...انت من أول مطب رمتن*ي وبقيت بالنسبالك عبئ وخن*تني واحنا مخطوبين وكنت عايز تسيبني يوم فرحنا ...أنا حتي بفتكر لما اتع*ميت بسببك مفكرتش تيجي وتقف جمبي بعدت خالص اتاريك مشغول  مع حبيبة القلب ....بس خلاص هانت هتتقدم لجبيبتك وبعد شهور تطلقني وكده كده انا مش عايزاك خلاص فمش هزعل عليك ...

كلامها عصبني ...حسسني أن ولا حاجة بعد كل اللي عملته عشانها ده ...

-وانا كمان مش مهتم بيكي ولا عايزك أنا اصلا كنت هفشكل الجوازة انتي اللي اترجتيني صح ؟!.

ابتسمت ببرود وقالت:

-عشان اهلي لولاهم مكنتش بصيت عليهم حتي وصدقني لو جتلي را*كع برضه مش هقبلك في حياتي ...ضحكت بذهول وقولت :

-انتي بجد مضحكة اوووي انتي فاكرة اني بحبك ...هو انا لو بحبك اروح اتكلم. عن واحدة تاني ...فوقي انا مبحبش الا شهد ...شهد وبس ...

كنت بكررها بقنع نفسي قبلها ...هي ليه حسستني اني وح*ش اووي كده ...بس كان كمان جوايا خوف خصوصا اني حسيت أن حبها قل ليا ...كنت حاسس انها فعلا فقدت معايا آلامان....بس ده حقي ...حقي اني اعيش مبسوط مع إنسانة طبيعية ...ليه أشيل مسؤولية زي دي وانا في أول جوازي وسعادتي ...هي الحقيقة متعودة تعمل كل حاجة وعمرها ما طلبت مساعدتي قبل الفرح بشهر كانت بتيجي تتدرب ازاي تمشي في البيت وتتصرف فيه ..بس برضه اكيد هتطلب مساعدة اكيد هتحتاجني ...هي مش هتقدر تربي طفل لوحدها ولا هتقدر تغيرله مش هتقدر تذاكرله ولا تهتم بيه ... المنطق بيقول أن من حقي اختار اللي تكون قادرة تدير بيتي وشهد هتعرف تعمل كده ....

قضينا باقية الحفلة ساكتين ...بس من بعيد كنت بشوف الشاب اللي كان بيعاكسها كل شوية يبصلها ...

. .. . 

مرت الايام وجه اليوم اللي هنتقدم لشهد فيه ...راحت معايا ...كنت قاعد بتوتر واهل شهد بيفحصوني أنا ايمان ...اتكلمت أنا وقولت:

-طبعا انتوا عارفين جاي ليه ...أنا بصراحة جاي اطلب ايد آنسة شهد ليا ...وانتوا عارفين ظروفي اكيد وهي حكيتلكم ..

بصلي ابوها وقال:

-ايوة حكيتلنا ورغم أن الوضع مش عاجبنا بس هي مصممة عليك حتي قدرت تميل دماغ مراتي عشان. تيجي ...

بلعت ريقي وحسيت ايمان أتوترت فقال الراجل:

-بص يا ابني من الاخر أنا مقبلش أنك تتجوز بنتي وانت متجوز وكمان ممكن تكون عايزها عشان تخدم مراتك وانا مقبلش بكده ابدا عشان كده أنا موافق تتجوز بنتي بشرط .

-اشرط 

قولتها بهدوء فرد :

-تطلق مراتك !

يتبع

#سارقة_القلوب

#سولييه_نصار

تكملة الروايه من هناااااا