مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

بس انا مش هغير ديانتي 

الياس بعصبية: لا هتغيريها احنا مش هنقعد معانا واحده عبرية لو مش هتبقي مسلمه يبقى تمو"تي

رد ابوهم اللي كان من أكبر شيوخ القبا"ئل في سـ. ـينا : الياس سيبها يومين و هترجع لصوابها يا ولدي 

قامت ايرين و وقفت عند الباب : محدش قالكم تخطفوني من إسر" ائيل انا عبر"ية و اصلي عبر"ية و هفضل عبر"ية مهما حصل  

قام الياس وراها و ضر"بها بالقلم و مسكها من شعرها : انتي مكانك هنا وسط بيتك و أهلك انسي اي حاجه اسمها إسر"ائيل وطنك هو مصر 

فضلت تعيط و تتكلم كلام مش مفهوم 

ضر"بها تاني : كلامك كله يبقى عربي لو سمعت اللغة دي تاني مش هبقى رحيم معاكي فاااااهمة 

قام ابوهم و فصل بينهم و حاول ياخدها في حضنه بس هي جريت على جوا قبل ما يلمسها 

- الياس متضر"بهاش تاني مهما كان اللي هي بتقوله  .. دي لسا ١٤ سنه 

اتعصب الياس و رمى الترابيزة اللي قدامه : مش هسمحلها تحط ر"اسنا في الوحل ..و لو فكرت تهرب هق'تل"هالك و ١٤ مش صغيرة 

خرج إلياس و اتصل على اخواته الأربعة الأصغر منه يجوا حالا 

- فضلت ايرين قافله على نفسها وهي بتفتكر الملجأ اللي خطفو"ها منه و أصحابها و حياتها و أن اللغة العربية هي لغة الأع"داء و لازم يتعلموها اجباري زي الانجليزيه 

دخلت الخدامه عليها : الشيخ سليمان مستني حضرتك تحت 

صوتت بأعلى صوتها انا مليش اب انتو من الأ"عداء انا بكر"هكم 

كان الياس و اخواته و ابوة قاعدين على سفره الاكل و لما سمع صوتها رمى الاكل و قام وهو متعصب و طلع على فوق زق الباب برجله و شدها من شعرها و نزل بيها على تحت ر"ماها في الأرض 

و صرخ بأعلى صوته : فتحيييييه حطيلها الاكل في الأرض 

الشيخ سليمان : إلياس ....

بصله الياس بشر : مش عايز كلام هتاكل في الأرض تحت رجلي و لو سمعت صوتها هطخ'ها بالنار 

قامت وقفت و زقته بقوه : انا مش خدامه انا اسرا......

قبل ما تكمل كلامها رفع مسدسه عليها و قام الكل وقف في رعب وهما عارفين أنه هيق"تلها 

قرب منه الشيخ سليمان و قعد يترجاه يسيبها المره دي 

نزل الياس المسدس و خلى الخدامه تحطلها الاكل في الأرض ، نزلت ايرين في الأرض و قعدت وهي مرعوبة و بتعيط و اكلت غصب عنها 

قام الياس من على الاكل ووجه كلامه للخدامه : اكلها ترجعة هي المطبخ و تغسل مكانها و لو معملتش كده هحاسبك انتي 

اترعبت الخدامه و نزلت راسها في الأرض 

دخل اوضته و رزع الباب 

قام ابراهيم و قرب منها : تعالي اقعدي معانا على السفره 

ياسر بخوف : انت بتعمل ايه مسمعتش الياس قال ايه انت مستغني عن عمرك 

الشيخ سليمان: اسكت يا ياسر دي اختك زيها زيكم 

عيطت ايرين من خوفها و قعدت على السفره و جنبها ياسر و ابراهيم و قصادها جلال و رقيه اللي كان سنها ١٦ و متكلمتش مع ايرين ولا كلمه 

- انتهى وقت الغدا و دخلت ايرين مع الخدامه غسلت الاطباق و دخلت أوضتها تعيط 

خرج إلياس من أوضته وهو لابس بدلة زرقا و معاه الشيخ سليمان اللي كانوا رايحين يحضروا فرح و سبقوهم الشباب على هناك 

فتح الياس باب الأوضه على رقيه اللي كانت بتحفظ قرأن و اتخضت : في حاجه يا أبية 

الياس : روحي اقعدي معاها و خلي عينك عليها 

رقيه بعصبية و خوف : مش هقدر ، انا ممكن اضر"بها لو قالت عبر"يه دي تاني 

الياس : قومي اسمعي الكلام و اياكي تلمسيها ، اقولك اقرئي القرأن قدامها حفزيها و خليها تتعلم لبس الحجاب ازاي 

رقيه : لو رفضت اضر"بها زيك 

الياس : لو رفضت روحي اوضتك بس بعد ما تتأكدي ان الباب مقفول عليها فاهمة 

قامت رقيه و خبطت عليها بس مردتش 

كان الياس واقف جنبها و فتح الباب فجأة لقاها نايمه أو يمكن عامله نفسها نايمه 

- شاور لرقيه تدخل برضوا و قفل الباب و خرج مع الشيخ سليمان 

قعدت رقيه تقرأ قرأن بصوت عذب يخلي الروح طايره في السما 

قامت ايرين و بصتلها بح'قد و كلمتها عبر"ي : أخرجي للخارج و اقرئي تلك الأشياء 

مفهمتش رقيه كلامها و كملت 

قامت ايرين و شدت المصحف منها حطته على السرير : اطلعي بره 

رقيه : انتي مجنونة ازاي تاخدي المصحف من ايدي كده 

ايرين باستهزاء : انتي عارفة انا اسمي ايه ؟؟ انا ايرين و بحب اللي يناديني ريتا و عبر"يه ليا د"ين غيرك و بحبه و عمري ما رح غيره ابدا 

رقيه : لو قولتي كده تاني هقول لألياس 

ايرين بتحدي : كلكم محدودين الذكاء و خصوصا اخيكي الهمـ. ـجي 

مسكت رقيه دراعها بقوه : اخرسي 

رفعت ايرين الفازة و ضر"بتها بيها بكل قوتها و جريت .............

لو عجبتكم نكمل يا قمرات وحشتوني جدا 🍓💜

#ابنتي_اليهو"ديه

#سُميه_عامر

#ابنتي_العبرية 🤍🖤✨

تفاعلكم سكر زيكم 💛

خرجت برا البيت بعد ما ضر"بت رقيه جامد بس اتصدمت ب اليأس راجع خافت و دخلت تاني استخبت

- دخل الياس وهو بيتأفف لأنه نسي محفظته كلها و دخل يجيبها من اوضته و كان هيخرج بس صوت رقيه وهي بتتوجع خلاه يروح بسرعة ناحيه اوضه ايرين 

- رقيييييه ...اهدي هتكوني كويسة 

شالها بسرعة والد"م مغرق كل وشها و اتصل على ابراهيم يقول للباقي أنهم رايحين المستشفى 

حطها في العربيه ولكن قبل ما يطلع حس ب حركه في البيت بعد ما اعتقد انها هربت خلاص بس دخل تاني لقاها واقفة ماسكه طاسه و بتبصله بشر 

- اسود ايام حياتك بدأت من هنا 

ايرين باستهزاء : اسوء ايام حياتي بدأت لما شوفتك في الملجأ الاسر" ئيلي سيبني ارجع وإلا مش هتلاقي مني غير كل شر 

قرب منها و رمى الطاسه من ايديها و مسكها من شعرها : القوه و الجبروت دول سلو عيلتنا و احب اقولك كمان أن اللي بتقولي عليهم دول جبناء بيخافوا من الحجارة هما ولا حاجه 

ايرين بتعب : اترك شعري انا مش منكم صدقني انا عبرية مش من حقك تعمل كده 

شدها من شعرها وراه و ركبها العربيه معاهم عشان متهربش و طلع بسرعة على اقرب مستشفى لقى أبوه و اخواته مستنينهم في خوف 

شال ابراهيم رقيه و دخل بيها بسرعة في اللحظه اللي كان الياس بيبص ل ايرين من مرايه العربية بتوعد : لو رقييه حصلها حاجه اعتبري نفسك ميته 

- عيطت من خوفها و جسمها كله بدأ يترعش و فقدت وعييها 

اتخض الياس و شتم في سره و شالها هي كمان و دخل بيها على جوا بسرعة 

اتخض الشيخ سليمان من منظر بناته و قعد في حزن واضح على ملامحه الكبيرة وهو بيفتكر ( لما وقع في حب ام ايرين اللي كانت جايه زيارة ووقعت في حب شيخ القبيله و خلفت منه ، و في يوم صحي لقاها اختفت هي و بنتها لحد ما عرف انها ماتت و بنته في ملجأ ) 

فاق من شروده على الدكتور اللي بيقوله أن بنته رقيه حصلها عاهه في رأسها و مش هتقدر تتكلم تاني 

الياس بعصبية  : بس لازم يكون في حل اعملها اي حاجه ازاي عاهه يعني 

الدكتور : انا هنا مقدرش اعمل حاجه بس لو راحت القاهرة أو حتى سافرت برا ممكن يبقى ليها فرصه في استعادة نفسها مرة تانيه بس طبعا الموضوع بياخد وقت و مجهود 

- رجعوا البيت و الياس بيتوعد ايرين اللي طول الطريق ساكته و مبتتحركش 

اول ما وصلوا البيت كان الياس هيضر"بها بس وقف الشيخ سليمان قدامه بحزن : كفايه يابني كفايه ، ابراهيم خد أية و طلعها اوضتها 

بصت ايرين عليه بصدمه ازاي غير اسمها حتى من غير ما يقولها ..سكتت شويه بس مقدرتش تتكلم ولا تعترض ..نظرات الياس ليها بترهبها 

طلعت اوضتها و قفلت على نفسها 

- انا لازم اعرف دي اختنا ولا لا لازم يتعمل تحليل DNA و محدش يعترض 

ياسر بحقد: لو مش اختنا مو"تها خليها عبره على اللي عملته في رقيه 

الياس : نتأكد الاول 

طلع الياس وراها و رزع الباب وهو ماسك مقص و شدها من شعرها و قص جزء كبير منه تحت صراخها و صويتها 

ابتسم بانتصار بعد ما قعدت على الأرض و انهارت: لو محظوظه هتبقي اختنا انما لو طلعتي غير كده ...

كمل كلامه وهو بيضحك : لو طلعتي غير كده هتتمني الموت تحت ايدي 

بصتله بتعب وحزن : ارجوك كفايه 

نزل الياس تحت : ياسر النتيجة لازم تجيلي في اقرب وقت و متفتحهاش 

.....

عدى يومين و نتيجة التحاليل لسا مظهرتش 

كانت ايرين بتبص من الشباك على البيت اللي ابعد منهم بحاجات بسيطه و شايفاهم بيجهزوا حاجات في عربيتهم ابتسمت بمكر و راحت تلبس الكوتشي بتاعها و فتحت باب الاوضه مكنش في حد في البيت  

جريت ناحيه الباب و فتحته و خرجت بسرعة جريت لحد ما وصلت للبيت التاني اللي كانت بتشوفة من الشباك و ركبت في عربيتهم وهي مرعوبة حد يكشفها 

- اكتشف الياس غيابها لما رجع للبيت في نفس الوقت اللي وصلت فيه نتيجة التحليل اللي أثبت انها مش اختهم ..

دور عليها في كل الاماكن اللي ممكن تكون فيها بس كأن الأرض انشقت و بلعتها .

....

في الاسكندرية .. 

وقفت العربية اللي راكبه فيها ايرين و نزل منها شاب في بدايه العشرينات طويل و عريض شعره بني كثيف و عيونه عسلي غامق و أمه و والده معاه و اتجه ناحيه شنطه العربيه اللي اول ما فتحها لقاها نايمه و اتصدم 

فهد ..يا فهد انت فين !؟

جات أمه تشوفه بس انصدمت لما لقيت البنت : مين دي يا فهد و بتعمل ايه هنا 

فهد بشرود : ها ... مش عارف يا امي انا زيي زيك 

- طب صحيها ولا اقولك شيلها و دخلها جوا لحد ما نشوف مالها و ازاي وصلت في العربيه

شالها فهد و دخلها جوا و نيمها على السرير وهو بيتأمل ملامحها اللطيفة من بياضها لسواد شعرها اللي نصه مقصوص و حواجبها التقيله و شفايفها البارزة 

فتحت ايرين عينيها بهدوء و انتفضت من اللي حوليها 

- انت ..انتو مين ؟؟ 

امال : اهدي يا بنتي انتي ازاي ركبتي العربية و قعدتي في الشنطه المسافة دي كلها ازاي ؟

ايرين بخوف : انا مش عارفة ..مش فاكره 

فهد بشك : انتي قريبة إلياس و الشيخ سليمان ؟.......

اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط

#part 2

#ابنتي_اليهو"ديه

#سُميه_عامر

تكملة الروايه من هناااااا