 |
سكريبت ♥️بقلم سولييه نصار♥️
-حلمت أنك بتخو-ني ..
-اه احنا هنبدأ فقرة النكد ولا ايه ...افتكرت ان نكدك بيخلص قبل المغرب انتي شغالة فترة ليلية الايام دي يا غادة...
قولتها وانا بهزر فزعقت هي :
-جمال أنا مبهزرش !!قولي مين دي اللي كنت بتخو*ني معاها في الحلم ...
حطيت ايدي علي وشي وقولت:
-يا حبيبتي انتي مصحياني تلاتة الفجر عشان تسأليني السؤال السخيف ده ؟!!
عيونها دمعت وقالت:
-سخيف؟!!خيا*نتك ليا بقت سخافة!!
ضر*بت كل علي كف وانا بقول :
-يارب الرحمة من عندك ...يا حبيبتي أنا خن*تك امتي حابب افهم...انتي من كتر شك*ك فيا بتهلوسي اني بخو*نك ..أنا اصلا معنديش وقت ليكي هجيب من فين وقت للتانية...
-بس أنا حلمت...
ضر*بتها علي كتفها وقولت:
-نامي ربنا ياخدك يوميا فز*عاني ومنكدة عليا عيشتي أنا راجل جذ*مة اني اتجوزت ...كان مالي ومال الجواز يا ربي ...
-خلاص يا حبيبي متزعلش ...
قالتها وهي بتطبطب عليا فقولت:
-ابعدي ايدك يا ست انتي وكملي نومك يمكن تعرفي خن*تك مع مين يمكن تعرفي اسمها ايه ...
ولسه هنام خب*طتني علي كتفي وقالت:
-نعم يا اخويا وانت عايز تعرف اسمها ليه؟!!
بصتلها وقولت وانا بغيظها:
-عشان لو كانت واحدة حلوة تجيبي رقم تليفونها واهو يبقي الحلم حقيقة ...
وضحكت وانا بكمل نومي ...يارب عوض عليا عوض الصابرين اتجوزت واحدة مجن*ونة ...بس بحبها أعمل ايه ...
.......
تاني يوم صحيت وروحت الشغل قبل ما هي تصحي ...وفطرت نفسي عشان لو صحيتها هتنكد عليا وانا مش ناقص ...
......
صحيت غادة وقامت روقت البيت بسرعة وفكرت هتجهز ايه للغدا ...بس برضه موضوع جمال شاغل بالها ...متعرفش ليه في احساس جواها بيقول انه بيخو*نها ...هي بصراحة مبتثقش فيه وبصراحة متعرفش ليه !رغم ان جمال عمره ما خا*نها ...ده حتي ميعرفش أشكال صاحباتها ايه ...رجل متدين وفي حاله حتي شغله مش مختلط بالستات ومن الشغل للبيت للجامع وهكذا ...بس بصراحة مفيش راجل مثالي كده ...هو أكيد ممثل كويس ...ضر*بت علي صدرها وقالت:
-يا لهوووي ليكون فعلا بيخ*وني ومخبي وانا اللي هب*لة اللي بصدقه ...لا ده دحلاب مش هثق فيه بسهولة !!!
وبعدين راحت اتصلت باللي ممكن يساعدها ...
.....
-يا غادة طيب انتي ايه بتبكي دلوقتي
قالتها ميار صاحبتها وهي بتحضنها ...
فقالت غادة؛
-اكيد بيخو*ني يا ميار وانا زي اله*بلة بطبخله وبغسله ..
-مسكتي عليه دليل
-لا ...
-طب سمعتيه بيكلم حد
-لا
-طيب الفيس بتاعه او الواتس عليه بنات ..
مسحت عادة دموعها وقالت:
-هو بصراحة أنا معايا الفيس والواتس بتاعه ولا مش بيكلم الا اخواته البنات ...
اتعصبت ميار وقالت:
-اومال يا حبيبتي هيخو*نك ازاي ...في الحلم مثلا ..
بكت غادة وقالت:
-الرجالة ملهمش امان...انتي ذات نفسك قولتي كده يا ميار ...
بان في عيون ميار الحزن وقالت:
-عشان أنا قفشت جوزي كذا مرة بيخو*نني لحد ما اتطلقت منه ...لكن انتي جوزك ما شاء الله بيحبك وبيصونك ..فمتخر*بيش علي نفسك يا حبيبتي ..
-بس أنا مش مطمنة
اتنهدت ميار وقالت:
-طيب عايزة تعملي ايه ..
بصتلها غادة وقالت بحماس:
-ايه رأيك تكلميه انتي كانك واحدة معجبة بيه وتحاولي توقعيه وهو كده كده مشافكيش قبل كده !!!
#زوجي_المحب
الجزء التاني♥️شكرا علي تفاعلكم السكر♥️بقلم سولييه نصار♥️
-اعقلي يا غادة ايه اللي انتي بتقوليه ده عايزة تخر*بي علي نفسك؟!!
قالتها ميار بعصبية لكن غادة اصرت عليها ...كانت لازم تتاكد ان جوزها مش خا*ين والا مش هترتاح ...فضلت غادة تقنع في ميار اللي كانت رافضة واخر ما زهقت ميار وافقت علي جنا*نها وهي بتدعي ان ربنا يسترها ...
.......
مر يومين وغادة راضية عني اوووي لدرجة انها اللي بتقوم وتفطرني من غير أي نكد ...يارب استر أنا همو*ت ولا ايه ...غادة بجلالة قدرها تتخلي عن النوم وتقوم تحضرلي فطار...لا ده كرم أنا مقدرش عليه بصراحة ...غادة اخرها تحر*ق دمي ...تنكد عليا...تكر*هني في صنف الستات ..بفضلها فعلا مش بخو*نها لاني مش متخيل ان بعد المرار اللي انا شايفه معاها هبص لست غيرها ...
في يوم كنت قاعد علي الفيس بقلب فيه عادي لما جالي طلب مراسلة ...فتحته ولقيت واحدة اسمها ميار طالبة تتعرف عليا ...من غير ما افكر عملت بلوك ..لا شكرا يا ميار عندي واحدة عملالي صداع مش عايز صداع تاني ...وبعدين قومت عشان أنام...
.....
-بقولك عملي بلوك ...جوزك راجل يا بت امسكي فيه ...ده أنا بحس*دك عليه يا منيلة متبقيش عبي*طة ...
قالتهالها ميار لكن غادة كانت مصرة ان ميار تحاول مرة واتنين وتلاتة ..
وفعلا حاولت ميار مرة تانية لحد ما قدرت تخليه يقبل الطلب وفضل يتكلم معاها وطبعا ده كله كان بيوصل لغادة اللي انهارت وفضلت تبكي ...بس الكلام كان عادي هي استنت انه يغلط عشان وقتها تقدر تطر*بقها علي دماغه الخا*ين ده ...
....
في يوم كنت قاعد علي السفرة مستني الاكل لقيت غادة داخلة بوش مكشر وهي بتحط طبق العدس قدامي لحد ما كان هيتكب علي وشي ...بصيتلها وانا ببتسم وقولت؛
-حبيبتي مش قصدي اتب*طر علي النعمة بس بقالنا اسبوع بناكل عدس هو مفيش غيره في التلاجة أنا كنت شايف عندنا تلات كياس لحمة مفرومة وورق كرنب متخزن مش ناوية تعمليه ...
-دوول مخزناهم لرمضان ..
قالتها ببرود فابتسمت وانا بحاول احافظ علي اعصابي بس بصراحة كنت من جوايا بحسبن فيها روحي يا بنت نوال الهي تنس*خطي خرتيت...
-مش مشكلة يا روحي اعمليهم واجبلك تاني لرمضان اللي تقريبا بعد ست شهور .. هو أنا قصرت؟!
خبطت علي الترابيزة بعصبية وقالت:
-انت هتتب*طر علي النعمة كمان مش كفاية عملتلك اكل ...
هزيت راسي بخو*ف وقولت:
-لا يا حبيبتي هو أنا اقدر ...هاكل...هاكل...
طبعا مرضتش أعمل مشاكل وبدأت اكل وانا ساكت...بس ليه طعم الاكل وحش كده كأنه بايت كنت هسألها بس لقيتها ماسكة الس*كينة وبتقطع البصلة فقولت الطيب احسن وسكتت ...
......
تاني يوم ...
كانت غادة بتعيط وهي بتشوف الاسكرينات اللي بعتتها ليها ميار بمحادثات بينها وبين جوزها
..محادثات كلها حب وغرام ...والبيه امبارح بس طلب منه يتجوزها ...
دخلت البيت واتصدمت لما لقيت غادة بتعيط فقولت:
-مالك يا غادة ؟!
بصتلي بق*هر وقربت مني وهي بترمي التليفون في وشي وبتقول :
-طلقني يا خا*ين وروحلها!!!
يتبع
#زوجي_المحب
الجزء التالت♥️شكرا علي تفاعلكم السكر♥️بقلم سولييه نصار♥️
-غادة ....
-اخ*رس مش عايزة اسمع صوتك ...طلقني بهدوء وروح للي كنت بتع*ك معاها ...
كانت بتتكلم وهي منه*ارة بس وقتها أنا كان باين عليا البرود لاني تعبت من شكها ...تعبت من الن*كد اللي معيشاني فيه. ..لقيت نفسي بزعق ولأول مرة :
-كفاية جنان بقا أنا قر*فت منك !!!..
ضحكت وهي بتبكي وبتقول:
-بعد ما خن*تني جاي ترمي اللوم عليا !
-هو أنا امتي خن*تك حابب افهم؟!!
فتحت الموبايل وادتني الرسايل ...فضلت اقرا في الرسايل وبعدين بصتلها ببرود وقولت:
-ده مش أنا ...
-يا سلام يعني صاحبتي هتك*ذب ...
ربعت أيدي وقولت:
-يعني هتثقي فيا أنا ولا في صاحبتك ...
فضلت ساكتة لثواني بعدين بصتلي وقالت:
-انا مسكت عليك دليل يبقي هثق في صاحبتي ...طلقني يا جمال ...
بصتلها بإحباط وعرفت أن طول الشهور اللي كنت مخلص فيها راحت في الهوا ...محاولتي دايما اني اطمنها خلاص فش*لت ...محستش بنفسي الا وانا بدخل وبلم هدومي من الدولاب ...كنت مق*هور حرفيا أنها وثقت في صاحبتها وانا لا ...بشوية محادثات مش بتاعتي اصلا صدقت أني خا*ين. ..وقتها قررت أني خلاص مش مضطر اتحمل الحزن ده ...طلعت بشنطة هدومي وانا غضبان منها ...هي كانت لسه بتبكي بصيت لها وقولت:
-ورقة طلاقك هتوصلك قريب مدام بتثقي في اصحابك اكتر مني ...
وبعدين سيبتها ومشيت ...
فضلت الف بالشوارع في العربية وانا حزين ومك*سور...قد ايه اتحملت منها وهي مفكرتش حتي تثق فيا ...خلت حياتي جح*يم بسبب شكها ومر*ضها ...أنا استحملت لاني كنت عارف ظروفها ...عارف ان ابوها خا*ن امها كذا مرة لحد ما امها انت*حرت. ده سببلها عقد*ة ...حاولت كتير اني اعالجها عند دكتور وحجزت كذا مرة عند دكتور كويس بس هي كانت بترفض تيجي معايا ...كانت مصرة أنها تخرجني عن طوري! ورغم كده استحملت وصبرت ...وبدأت اخد شكو*كها فيا علي سبيل الهزار ورغم كده متعدلتش ...بس خلاص أنا مش مضطر اتحمل ....روحت فندق وحجزت هناك وقررت خلاص أن اللي بيننا انتهي بس قبل كده قررت اعمل حاجة اخيرة !!!طلعت تليفوني وبدأت اطلب الرقم ! .
.....
مرت الايام وانا بعيد عنها ... كانت صحيح بتوحشني لكن خلاص مكنتش قادر استحملها خلاص ...فاض بيا ...عارف انها مري*ضة بالش*ك بس انا حاولت اساعدها كتير بس فش*لت للاسف ...
.......
في يوم طلبت غادة تشوفني ضروري وروحت عندها ولقيت صاحبتها ميار اللي حاطه وشها في الأرض ...أول ما شافتني حضنتني وقالت:
-انا اسفة يا حبيبي أنا اسفة ...
بعدها عني فقالت
-ميار قالتلي علي كل حاجة ....قالتلي انها ضعفت وحاولت تفرق بينها لانها لما شافت حبك ليا واصرارك انك متخ*ونيش بعد ما عملتلها بلوك كذا مرة وعشان كده فبر*كت محادثات وبعتتهالي ...
بصت لميار بقر*ف وقالت:
-مكنتش اعرف اني دخلت حي*ة بيتي عينيها علي جوزي ..
بعدين ابتسمت وقالت:
-سامحني يا حبيبي وعد مش هش*ك فيك تاني ...
حطيت ايدي علي شعرها وقولت:
-غادة حبيبتي انتي طالق!
يتبع اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
#زوجي_المحب
#سولييه_نصار
تعليقات
إرسال تعليق