 |
الفصل الحادي عشر
وصل برق وجمان ودخلوا فناد علي الداده
الداده : ازيك يا برق يابني
برق : تمام الحمد لله اذيك انتي ياداده
الداده : كويسه يابني....دي مراتك
برق : ايوه جمان
الداده : اذيك يابنتي
جمان بابتسامه : كويسه الحمد لله
برق : رعد وعشق فين
الداده : عشق هانم كانت في الجنينه ورعد بيه راحلها ثواني هندلهم
برق : لا يا داده هنروح احنا عن اذنك
وذهبوا لرعد وعشق وقف برق وفمه يكاد يصل للأرض اهذا رعد صديقه يضحك وبشده
كان رعد يحمل عشق ويضحك ويدور بها حتي لمحوا برق وجمان فخجلت عشق وبشده بينما ذهب رعد لهم وهو مازال يحملها
رعد : اذيك يا جمان
جمان بضحكه : تمام....اذيك يا عشق
عشق وهي تدفن رأسها بعنق رعد وتغمض اعينها بقوه قالت بهمس : نزلني
برق : روحوا غيروا هتتعبوا يا بني وبعدين عشق هتموت ووشها بقي نار
ضحك رعد بشده : طبعا البيت بيتك ثواني وجاين
واخذ عشق وصعد لغرفتهم ونزلها
عشق : هنزل ازاي قدامهم تاني اه يا كسفتي
رعد : ههههه الله واحده وبتهزر هي وجوزها
عشق : والله يقوموا يلعبوا بالميه وهو يشتالها
رعد : ايه يا بنتي وفيها ايه يلا عشان مينفعش نسيبهم
بدلوا ملابسهم ونزلوا مره اخري وسلمت عشق علي جمان وجلسوا سويا يتبادلوا الحديث ويضحكوا
جمان : متلعبيش بالميه كتير لتتعبي
عشق : اسكتي يا بنت ثناء احسنلك
رعد : الفاظك كده عيب
عشق : اسفين يا ريس
وسهروا سويا ثم ذهب برق وجمان
مرت الايام وجمان وعشق يزورون بعضهم
*****************
تقف جمان امام المرأه ودموعها تنزل لتذكرها كلام الدكتوره
فلاش بااااك
ذهبت جمان مع لارا للدكتوره لاجل نتائج التحاليل وكانت قد طلبت منهم اشعات
لارا : خير يا دكتوره ليه القلق ده كله
الدكتوره : يؤسفني اقولكم مدام جمان عندها كانسر وقدامها ست شهور بس
نزلت دموع جمان
لارا : اكيد في حل او علاج
الدكتورة : للاسف لا
لارا بعصبيه ودموع : العلم اتطور هنسفرها
الدكتورة : مش عارفة اقولك ايه بس مفيش.....خدي الحبوب دي هتمنع الوجع
جمان بدموع : قدر الله وماشاء فعل وانا معنديش اعتراض......يلا يا لارا.....شكرا يا دكتوره
واخذت لارا وذهبت
بااااك
مسحت دموعها واغمضت عيناها ووجدت يحاوط خصرها
برق : الجميل بيفكر في ايه
جمان : اكيد فيك
برق : ايه الرومانسية دي
جمان : مش عجباك
برق : عجبني ونص وقبل وجنتها
جمان : برق بحبك اوي
برق : وانا كمان بعشقك......جهزي نفسك لاني عايز بليل نروح مشوار
جمان : امرك ياباشا
برق : ههههه شطوره
وتركها وذهب وهي ذهبت للارا وجدتها تبكي في غرفتها
جمان : برق قال ان ادهم جاي النهارده
لارا : انا خايفه
جمان : هيراجع افكاره وهترجعوا كويسين وهيردك عادي
لارا ببكاء : جمان متسبنيش واحتضنتها
جمان : هشش عايزاكي توعديني بحاجه
لارا : ايه
جمان : متقوليش لحد
لارا : انتي مش هتقولي لبرق
جمان : برق عازمني على العشا وهقوله وهقوله اني بحبه ومش هعمل غلطة ماما نور وهعيشهم معاه ثانيه بثانيه
لارا : وجع الفراق صعب
جمان : عشان كده عيشي مع ادهم كل لحظة بلحظة يمكن الموت يفرقكم بلحظه ياستي دا ربنا بيسامح يبقي انتي مش هتسامحي
لارا : معاكي حق
وتركتها وذهبت بعدما وعدتها
************************************
ذهب ادهم للقصر ودلف الي المكتب
ادهم : اوف ضروري جدي يسافر ويسيب الشغل كله على دماغي انا
ونظر امامه وجد يارا تدخل وتقفل المكتب
ادهم : عايزه ايه يا لارا
لارا بدموع : عايزه ادهم حبيبي
ادهم : وهو مش عاوز حد
لارا ودموعها تنزل : ولا حتي لارا حبيبتك
ادهم : لارا حبيبتي سابتني وطلبت الطلاق
لارا بصوت مخنوق : تقوم تطلقها
ادهم : دا كان طلبها
لارا ببكاء : وطلبها الوقتي ترجعلها
ادهم بعصبيه : هي لعبه ايه اللي غير رأيك
لارا : خايفه نضيع وقتنا في مشاكل والموت يفرقنا
جري عليها ادهم ومسك وجهها بيديه ومسح دموعها
ادهم : مالك يا قلبي
لارا : خايفه يا ادهم اوعي تسيبني طول مافيا نفس
ادهم : مستحيل اسيبك ياروح ادهم
وحضنها وبكت اكثر وتشبثت به
********************************
استيقظ رعد من النوم ولم يجد عشق بجانبه فعلم انها بمرسمها وذهب اليها وجدها تقف ترتدي برموده بعد الركبه بقليل بيضاء وبلوزه بيضاء عليهم بعض الالوان وتلم شعرها بعشوائيه وبعد الخصلات متمرده فكانت رائعه فدخل ووقف ورأها
رعد : في واحده عاقله ترسم وهي لابسه ابيض
عشق : وفي واحد عاقل يدخل مرسم بالابيض
رعد : بقا انا مش عاقل طيب
واخد الالوان وملأ جميع ملابسها بالالوان وهي جرت ورأه وملأت تيشيرته الابيض وظلوا يمرحوا كالاطفال حتي تعبوا ووصلوا للغرفه وناموا علي السرير وظلوا يضحكوا
رعد : يخربيت كدا رجعتيني 20سنه بالضبط
عشق : ههههه وانت رجعتيني 13سنه بالضبط
رعد : رسمك حلو طالعه لمين
عشق : لبابا
رعد : طيب مامتك مفيش غير الشكل
عشق : لا الصوت
رعد : وبتغني كمان
عشق : اهااا
رعد : ههههه
قاطع كلامهم رن هاتف رعد
رعد : ازيك يا ماما
نورهان : كويسه ازيك انت وازي مراتك
رعد : بخير الحمد لله
نورهان : رنيت عشان اعزمك على الغدا بكره انت وعشق
رعد : هشوف كدا
نورهان : مفيش حاجه اسمها هشوف هتيجي يعني هتيجي واصلا چيلان جايه بس عيلتها رفضوا
رعد : حاضر بس هقول لعشق الاول
نورهان : قولها انا معاك
رعد : عشق معزومين ع الغدا بكرا
عشق : لو اكل مضر معنديش مانع
رعد : بتقولك يا ماما لو اكل مضر مفيش مانع
نورهان : ههههه هستناكوا
رعد : تمام سلام
وقفل مع نورهان
رعد : عشقي
عشق : نعم
رعد : تعالي ناكل بره
عشق بفرحه : بجد
رعد : ههههه ايوه روحي غيري
قبلت وجنته وذهبت مسرعه فضحك بشده
************************************
في المساء
ذهبت جمان مع برق الي مكان شبه الحديقه مزين بطريقه جميله جدا
جمان بفرحه : الله يا برق المكان دا جميل اوي
برق : عجبك.....مبسوطه
جمان : ايوه اوي انا بعشقك
برق بفحيح : وانا بكرهك وبقرف منك ومن امثالك
(ما شعور الشخص عندما يكون في سابع سما وفجأه وبدون مقدمات يسقط لسابع ارض)
لم تجب جمان فقط نظراتها كفيله بقتله
برق : ايه خرستي.....انتي مفكره اني برق المهدي هيبص لوحده زيك هههههه بتحلمي يا حلوه انتي عباره عن سلعه رخيصه واحده عجبتني والصراحه بحب البنات الشرسه جدا وكسرتك وانتهيت منك خلاص..... انتي سلمتي نفسك لواحد وعارفه انه عايز ينتقم منها ودي غلطتك...... الصراحه برق المهدي مبيزعلش علي حد واللي عايزها غصب عنها تيجي تحت رجليه تمام
ظهرت دموع جمان التي ظهرت وغطت الرؤيه وترفض النزول كمن بين الجنه والنار......فشدها من حجابها بقوه ولكن سيقارن هذا بوجع قلبها
برق : عايزه تعرفي ايه اللي الكل عايز يقوله ليكي
جمان بصوت يكاد يكون مسموع : متفرقش
برق : هههههه متفرقش بس هقولك عايزين يقولوا ليكي ان برق غدار بيغدر بكل اللي حواليه ذي الحيايه بيتسحب ويقرص ومتأمنيش ليه وابعدي علي قد ما تقدري وانك لازم تتأكدي من حبه والا في هيغيرك ذي هدومه وهيسيبك بس انا هعمل بأصلي وهستني لما مازن يتجوز چيلان وهرميكي هسيبك
ضحكت جمان بشده مما اذهل برق من رده فعلها
جمان : هتسيبني هههههههه طيب متقلقش خلص انتقام اكتر علي اقل من مهلك وبعدها قولي وطلقني ومتشلش هم مازن وچيلان ملهمش دعوه
ونظرت له وركز في اعينها ليجد تلك الحب الذي كان يوجد من دقائق فقد اختفي وتركته وذهبت مع قلبها الذي تحطم لاشلاء
************************************
كانت لارا تجلس تنتظر جمان بجانب غرفتها لكي تخبرها بما حدث معها ومع ادهم
وبعد وقت وصلت جمان فجرت اليها لارا وبدأت تتحدث ولكنها صدمت من منظر جمان فظلت تهز فيها
لارا : جمان ردي.......فيكي ايه.....برق عمل ايه
جمان : طلع بينتقم مني طلع مبيحبنيش وهيطلقتي بعد شهرين هههههه يعني جات على اربع شهور هعيشهم لوحدي هههههه وانا اللي قولت هيضايق لما يعرف اني هموت واختفي من حياته طلع ناوي يخفيني بعد شهرين هههههه مش مصدقه نفسي حاسه اني في حلم لا كابوس انتي عارفه لو عذبني كان ارحم هو انا عملت ايه لكل ده ردي عليا هاااه ردي يا لارا
لم تجد لارا رد سوا الدموع الدموع فقط
جمان : صدمتين صدمتين يا لارا اكتشف اني هاموت وحبيبي بيخدعني بس انتي عارفه حاسه ان دموعي اتحجرت في سكاكين بتقطع في قلبي
لارا : اطلبي من ربنا يريحك
ذهبت جمان وظلت تصلي وتصلي وتدعو من الله ان يريحها
وذهبت لارا لغرفتها ودخلت الحمام وقفلت علي نفسها وشغلت الماء وجلست تحته بملابسها وبكت كثيرا
********************
كانت نورهان وادهم ويارا وجاسر ومازن وهمس يجلسون سويا
ادهم : يارا لارا فين
نورهان : وجمان كمان
يارا : معرفش
جاسر : روحي يا يارا نادي لجمان وانتي يا همس نادي للارا
همس : اوكي
وذهبوا لينادوا لهما ونزلت جمان ولكن لم تأتي همس فذهبت يارا لها ووجدتها تنادي علي لارا ولكنها لا تجب فذهبت لهم مسرعه
يارا : لارا قافله علي نفسها الحمام وبنادي ومش بترد
نورهان : انت اتشاكلت معاها يا ادهم
ادهم : لا احنا لسه متصالحين النهارده
وذهبوا لها ونادوا ولم تجب فأمر ادهم الشباب بالخروج وكسر الباب وجدها تجلس وتضم ارجلها وتبكي بشدها والماء ينساب عليها ونظرت لارا اليهم ووجدت جمان فذهبت وحضنتها وبكت اكثر ولكن جمان لم تبكي فقط مسدت علي ظهرها
وبعد وقت ذهب الجميع لغرفته وبقي ادهم مع لارا ورفض تركها وذهبت جمان وابدلت ثيابها ونامت علي السرير
وصل برق وتوقع عدم بقائها ولكنها انصدم من بقائها وفرح في نفس الوقت فنادي عليها بصوت عالي
برق : جمان
استيقظت جمان من النوم
جمان : نعم
برق بحده : مين قالك تنامي ع السرير
جمان : انت كنت قايلي
برق : دا كان زمان انما الوقتي تنامي ع الارض
جمان : حاضر
برق : غريبه يعني مشفتلكيش دمعه يمكن متعوده علي كده ولا حتي سيبتي القصر شكلك اتعودتي ع الرفاهيه
جمان : احيانا الاخبار بتبقي صدمه لدرجه ان دموعك بتتحجر.......الرفاهيه اللي بجد بتبقي وسط الناس اللي بنحبهم وبيحبونا وانا فضلت عشان تكمل انتقامك براحتك واما تخلص همشي على طول
برق : ليه كل ده بقي
جمان : لاني اما قولتلك بحبك كان من قلبي مش بمثل زيك
تألم قلب برق كثيرا لانه فعلا يحبها اجل يحبها ومع كل كلمه احبك كانت من قلبه
قامت جمان من السرير ووضعت المخده ونامت علي الارض
******************************
كانت يارا تمشي في الممر ورأت جاسر يذهب
يارا : جاسر
جاسر : نعم يا يارا
يارا : ايه رايح فين الوقت ده
جاسر : رايح اسهر مع اصحابي
يارا : وفي بنات
جاسر : اي وسوزي كمان
يارا : حبيبتك
جاسر : اي....بفكر اقول لجدي عشان نتخطب
يارا بخنقه : بتحبها
جاسر : اكيد
يارا : ربنا يخليكم لبعض
جاسر : امين
كانت يارا ستذهب ولكن مسكها جاسر
جاسر : ايه رأيك تيجي معايا
يارا : ديسكو اكيد لا
جاسر : مش ديسكو دا مطعم عادي
يارا : هغير هدومي
جاسر : هستناكي تحت
ذهبت يارا وارتدت فستان ابيض قصير ضيق من المنتصف بكت عريض ووضعت شعرها مفرود علي الجنب وارتدت حذاء كعب فضي مع سلسله وانسيل فضي ونزلت له ووقف مصدوم من جمالها
يارا : انا مقولتش لبرق
جاسر : عادي هقوله اني اخدت لعشا اما نرجع
يارا : تمام يلا
ووصلوا الي المطعم ودخلوا سويا وانبهر الكثير بيارا وجمالها
سوزي : ازيك ياحبيبي
جاسر : تمام ازيك يا سوزي
سوزي : كويسه.....ايه دا دي اختك
يارا : لا انا بنت عمه
سوزي بتكبر : اممم اتشرفنا
يارا : وانا كمان
وذهبوا وجلسوا مع اصدقاء جاسر المكونون من خمس شباب بجاسر وثلاثه فتيات
جاسر : اهلا يا شباب
حسام : اهلا بالبرنس مين القمر
خجلت يارا كثيرا من غزله الصريح
جاسر : حسام لم الدور بدل مامشي
امير : بيهزر ياجاسر
جاسر : ميهزرش مع يارا
سوزي : ليه يا بيبي عندها حبيب وخايف ليسمعك
جاسر : يارا مميزه مبتحبش حد
حسام : طيب اديلها فرصه وانا اخليها تحب
جاسر : حسام
حسام : خلاص ياعم.....اتشرفنا ياانسه يارا
يارا : الشرف ليا
وجلسوا وتحدثوا كثيرا وملت يارا فوجدوا اصدقاء جاسر شاب وفتاه وظلوا يتغزلوا بالفتاة ولم يراها جاسر فنظرت لها يارا وابتسمت واستأذنت وذهبت ووضعت يداها علي اعينه
************************************
كدة الفصل الحادي عشر خلص
بقلمي / جميله احمد
الفصل الثاني عشر
نظر جاسر لها واشتعلت نيران بداخله فكيف لها ان تذهب لاخر وتضع يدها علي اعين رجل
يارا محاوله تغير صوتها : انا مين
رعد : انت اللي بحبه انا.....امممم خياره لا لا حماره
يارا وقد بعدت ايديها : بقي كده
رعد : حد ميعرفش اخته يا هبله
عند جاسر
سوزي : ايه ده هي دي المميزه
هانيا : بس الصراحة الشاب عسول اخر حاجه
قام جاسر وهو يشعر بنيران وشدها من ذراعها
رعد : براحه شويه ع البت مش قدك يا هضبه
عشق : دانت برج ايفيل تقول عليه هضبه
جاسر : دا انت يعني انتي كنتي بتغمي رعد
رعد بغمزه : وهو في حد غيري تقدر تعمله كدا
عشق مخرجه لسانها : اه انا ابقي غميني يا يارا
رعد : هههههه مجنونه.....اقعد يا بني بدل ماقومت البت
يارا بدموع : دراعي ياجاسر
جاسر : اسف يايارا......متيجوا تقعدوا مع صحابي
عشق : اما اكل انا جعانه
رعد : حاضر يامفجوعه
عشق : ولااا
جاسر بزهول : ولاااا
رعد : قولتي ايه
عشق بتوتر : اصدي ع الجرسون اصلي بنادي عليه ومش بيرد
رعد بجديه : حسابنا في البيت ياعشق
عشق بدموع : والله طلعت كده غصب يارعد اسفه
رعد : عقاب هتقومي ترقصي معايا سلو
يارا : احلي عقاب دا ولا ايه
جاسر : وانتي نفس العقاب عشان قومتي وقعدتي هنا
يارا : اشطاا
وقاموا ورقصوا اربعتهم
ظلت عشق ترقص مع رعد وتستمتع بحضنه وهي تعتقد انها قد لا تأتي هذه اللحظة ثانية
عشق لنفسها : بعشقك يا رعد
رعد لنفسه : بعشقك يا عشق
كانت يارا ترقص مع جاسر وتتمني الا يتركها لكنه تعلم انه يحب تلك سوزي لكنها تحبه سرا
اصحاب جاسر
حسام : يعني كنا مفكرينه هيزعق لبنت عمه راح رقص معاه في وسط المطعم لوحدهم واخد معاه الشاب ده
رغد : بس الاربعه ليقين علي بعض
امير : بصراحه اصحابهم دول صواريخ.....رغد دول بيشعللوا ايه رأيك نرقص
رغد : معنديش اعتراض
وذهبوا للرقص واشتعلت سوزي ووقفت متجهه لجاسر
سوزي : ممكن ارقص مع حبيبي يا اسمك ايه
يارا بدموع : اكيد.......وتركت يد جاسر فمسكها جاسر بقوه
جاسر : انا برقص الوقتي مع بنت عمي ومسمحش لحد يقطعنا
سوزي : اختك يعني
يارا : مش اخته
سوزي : اوه يبقي بتحبيه
جاسر : انتي مجنونه
سوزي : انت اللي مجنون واضح اوي انها بتحبك والا ازاي هتسمح لنفسها تجي مع واحد في الوقت ده الا اذا كانت واحده......
صفعها جاسر بقوه : اخرسي خالص وعلاقتنا انتهت
تركته يارا وذهبت للخارج جري ولحقتها عشق بينما اخذ رعد جاسر وجلسوا سويا حتي هدأ وخرج اخذ يارا وذهبوا وكذلك رعد
************************************
في اليوم التالي ذهب رعد وعشق للقصر وتقابلوا مع چيلان ودخلوا وجلسوا الفتيات سويا والشباب في المكتب
نورهان : منورين والله
همس : دا نور چيلان
عشق : لا دا نور النجف
چيلان : شطشط نار
عشق : انا ياام لسان ونص
چيلان : ايه يابو طويله
عشق : موديل واحلي منك
چيلان : احلي من مين دانا الجمال الاجنبي
عشق : وانا الجمال الطبيعي
جمان بصراخ : بس فصلتونا ايه ناقر ونقير اخرسوا
عشق : جمان هي اللي بدأت
چيلان : مهو واضح ياغلاسه
عشق : باااارده تلج ياولاد
چيلان : زيك
عشق : الله يسلمك
چيلان : مستفزه
عشق : منا عارفه
جمان بضيق : بس بقي خنقتوني نفسي اشوفكوا مره مش بتتشاكلوا قبل ما اموت
عشق وچيلان : شطشط ناااار
جمان : ياربي هموت منكم
عشق ببرود : مالك معصبه نفسك ليه دا حتي چي چي عسوله
چيلان : مش عارفة يا عشقي معصبه نفسها ليه دا حتي انتي وحشتيني تعالي جنبي ياروحي
وذهبت الي جنبها وحضنوا بعضهم ونظروا للكل وجدوا من ينظر بزهول ومن يضحك
يارا : هههههه دماغي منكم ازاي جمان كانت مستحمله
چيلان : مهي مره صوتت في نص الجامعه ومره في الشارع ومره في بيت عشق وعريسي خرج هو وماما من الاوضه وماما قالت لنا متعصبوش جمان ام عريسي قايلهم جمان نور ريلاكس خلاهم كانوا هيموتونا
جمان : ههههههه فاكره يومها جرينا في الحديقه وانا وماما غرقناكم بخراطيم الميه وبابا قالها بعشقك يا نور فتكسفت وسابت الخرطوم
عشق : ههههه وكسبنا عليكم
يارا : يعني مامتك كانت بتتكسف من باباكي حتي بعد الجواز بسنين
چيلان : وهو مكنش بيحرم يعاكسها قدامنا
لارا : وااااو ايه الرومانسية دي
چيلان : فاكرين التغفيلات
عشق : هما فين يا جمان
جودي : معايا كلهم وبتاعة الميه وغمزت
نورهان : يلا ع الاكل
عشق بهمس لجمان : اختي في قلبها الم لعالم كامل وعيزاها تشاركني
جمان بهمس : بلاش المره دي
عشق : جمان
جمان : المي صعب اوي ياعشق
عشق : اصدك المنا انتي نسيا اننا اخوات
جمان : حاضر
وذهبوا واكل الكل سويا واخذت جمان عشق لغرفتها وحكت لها كل شيء من اول تزوجها من برق حتي الان
جمان : اتكلمي ياعشق متسكتيش
عشق : ........
جمان : عشق بالله عليكي
قاطع حديثها همس
همس : ماما والبنات بيقولولكوا انزلوا نقعد سوا
جمان : جايين اه....
قامت عشق وذهبت ونظرت لها جمان ونزلت بعدها
************************
كانوا الفتيات يجلسون في غرفه يمزحون ويضحكوا مع چيلان وجمان تضحك وتنظر لعشق امامها التي كانت متجمده الملامح وفجأه فرت منها دمعه ثم قامت وذهبت لعشق ومسكت اكتفها وبكت بصوت عالي
جمان ببكاء : عشق اتكلمي بقي......والنبي ردي عليا... عشق......ياعشق ردي......
نظرت الفتيات لها بزهول وبكوا علي طريقه جمان وترجيها
جمان : بالله عليكي ردي......متموتنيش.....نظرت لها عشق نظرة تفهمها جمان فحضنتها وبكت وصرخت ثم بعدتها وجدتها مغمي عليها فصرخت...... عشق
سمع الشباب صوتها وجروا والفتيات التفوا حولهم ودخل رعد كالمجنون لسماعه اسم عشق وجد عشق مغمي عليها فشدها لحضنه وظل يخبط علي وجهها ولكن لا حياة لمن تنادي
رعد : مازن اتصل بالدكتور بسرعه......وحمل عشق لغرفة لارا وجلس بجانبها حتي جاء الدكتور
كانت جمان تجلس في حضن لارا التي علمت منها انها اخبرتها وتبكي بشده وتقول اسم عشق
كانت چيلان تجلس في جانب كالعاده وتبكي فهي عندما تحزن تجلس في زاويه وتبكي ومازن ينظر لها من بعيد
كانت يارا تقف حزينه ودموعها تنزل فاصبحت عشق صديقتها المقربه وجاسر يود الذهاب لها لكنه لا يقدر بعد تلك المشكله
ونورهان تتألم علي تلك الفتاه المرحه وكذلك همس
كان رعد يجول المكان ذهابا وايابا ولا احد يقدر علي تهدئته
خرج الدكتور واخبرهم انها صدمه سببت لها ذلك وعليهم جعلها تتكلم والا ستتوقف عن الكلام
دخل رعد وحملها وسط ذهولهم واوقفته جمان
جمان : رعد اختي اتألمت بسببي ارجوك عايزه اسمع شكوتها
اومأ رعد برأسه وتركها وذهب
************************************
استيقظت عشق وجدت نفسها نائمه بالسياره ورعد يقف ويعطي ظهره لها في الخارج فنزلت ووقفت بجانبه
رعد : انتي عارفه اما اكون متضايق اجي هنا واصرخ واشتكي اعملي كده يا عشق وهترتاحي
نظرت له عشق
رعد : جربي يا عشقي
ورن علي جمان
عشق بصراخ : ماما......ردي ياماما.......ياماما..... انتي قولتيلي انك بتحبيني طيب ليه ليه هتاخدي جمان وتسيبيني ياماما ردي بالله عليكي......متسبونيش لوحدي انا بموت بالبطئ من يوم ما موتي وجمان اللي مصبرناي طيب انا مين يصبرني الوقتي بابا بعيد عني وانا وحيده.......ياماما ردي......يا جمان هتسيبيني ليه ردي.....يا جمان......انتم بتكرهوني ليه هو انا مش كويسه عشان كده هتسبوني انتم للدرجادي بتكرهوني.......ثم زاد صرخها.....ماما جمان ردوا......ووقعت علي ركبتها وبكت فجأ رعد ومسكها من اكتفها ورفعها ثم حضنها وهي دفنت راسها في صدره حيث يوجد امانها
وبعد وقت هدأت فأخذها الي القصر ودخل وهو حملها ووضعها علي السرير فتشبثت به فخلع حذائه ونام ورفعها لتنام علي صدره كأنها طفلته وحضنها وغطا في نوم عميق
************************************
عند جمان
كانت تجلس مع العائله ووجدت فونها يرن برقم غريب تذكرت انه نفس الرقم الذي رنت منه عشق اجل فهو رقم رعد فستأذنت وذهبت للحديقه وسمعت كلام عشق ووقعت علي الارض وبكت فجاءت لارا لها وسمعت بعض كلام عشق مثلها فحضنتها وبكوا سويا تحت انظار متخفيه وقلب يتألم لرؤيتها هكذا اجل برق
وبعد وقت هدأت وذهبت الي غرفتها لتلتقي ببرق
برق : كنتي بتعيطي ليه
جمان : ليه اهمك
برق : لا
جمان : خلاص متدخلش في اللي ملكش فيه انا هنا عشان تعذبني مش تسألني بعيط ليه فهمت
شدها برق من حجابها ونزعه وشدها من شعرها
برق : لا هسأل علي كل حاجه وانتي تردي فهمتي
جمان : لا مفهمتش يا برق ومعتش بفهم فهمت وسيبني في حالي......سيب بنت انت وهمتها بالحب واخدت منها كل حاجه في حالها.......سيب بنت سلمتك كل حاجه وانت بالمقابل بتعذبها في حالها......سيب بنت بتم... برق سيبني في حالي
برق : اسيبك هههههه بتحلمي يا جمان انتي بقيتي جزء مهم شئ بتسلي بيه
جمان : هتخسر يا برق والشئ دي مش هيفضل ملكك ع طول وهيكون ملك لغيرك
برق بعصبية : لا هيكون ملكي دايما ومستحيل يكون لغيري فهمتي وهثبتلك........واقترب منها وقبلها ثم....................
*****************************
كانت يارا تمشي ولكن اوقفها صوت
جاسر : يارا
يارا : نعم
جاسر : انتي مطنشاني ليه من امبارح
يارا : اطنشك ليه
جاسر : عشان اللي.....
يارا : اللي حصل امبارح يضيقني في حاله واحده ان كان سوزي تهمني لكن هي متهمنيش وتقدر ترجعلها عادي ميهمنيش
جاسر : انتي ليه بتكلميني كده
يارا : بكلمك ازاي منا بكلمك عدل اهو
جاسر : يارا كلام سوزي ملوش علاقه بالحقيقه
يارا : وليه ميكونش الحقيقه كلها
جاسر : اصدك ايه
يارا : اصدي اني كنت بحبك لغاية امبارح بس الوقتي لا
جاسر : بتقولي ايه
يارا : بقول كنت بحبك زي ما سوزي قالت
صدم جاسر كثيرا ولم يتكلم وتركته يارا وذهبت وكل تفكيره في كنت بحبك ولكن ماذا حدث
************************************
استيقظ برق من النوم وجمان في حضنه فلم ينكر فرحته وظل ينظر لها ويفكر في عشقه لها وماذا سيحدث قاطع تفكيره صوت جمان
جمان : بتفكر في ايه....بتفكر في الخطه التانيه لتدميري هههههه ممكن اساعدك مثلا ان نقطه ضعفي هي عيلتي وعشق واني بخاف من الضلمه والاماكن المغلقه بتخنقني واما حد يقول كلمه صغيره علي ماما نور وحشه او حلوه بتخنق وبعيط واني بكره الخداع والكذب والمخادعين اوبس نسيت انك هددتني بأهلي وخدعتني وكذبت بس بفكر في ايه هيكون شعورك لو قومت من النوم وملقتنيش في الدنيا كلها
وضع يده علي فمها ولاول مره تراه يبكي
جمان لنفسها : يا الله بيعيط لمجرد الفكره ميعرفش الحقيقه
برق : انتي ملكي ملكي وبس ومستحيل اسيبك
جمان : قبل شهرين مش كده يا برق باشا
وبعدته وتركته وقامت ودخلت الحمام وأخذت شاور وتوضأت وظلت تصلي ودموعها تنساب
************************************
كدة الفصل الثاني عشر خلص
بقلمي / جميله احمد
تعليقات
إرسال تعليق