 |
الفصل السابع عشر
دخلت يارا القصر تضحك وتغني جاءت همس
همس : هههههه انتي بتقولي ايه
يارا : بقول اغنيه بتضحك يوسف حفظهالي بس تحفه انا هسمع الفيلم كله عشان الاغنيه
همس : قوليها كده
يارا : انا عاصر على نفسي لمونه مستحمل وبقول مجنونه هههههه
همس : هههههه عارفه الفيلم هبقي اسمعهولك
يارا : اشطااا وقول اما يقول حاجة متعجبنيش يقولي مش عجبك طلقني فطسني من الضحك يا همس
جاسر : مين ده
يارا : انت مالك
جاسر : همس علي اوضتك فذهبت همس...كنتي مع مين
يارا : انت مالك
جاسر وشدها من شعرها : بتقولي ايه مسمعتش
يارا : ااااه انت مالك
جاسر : اللي اسمه يوسف ده مشوفكيش معاه فاهمه
يارا : لا مش فاهمه
جاسر : هتفهمي غصب عنك وشدها اكثر
يارا بدموع : انت عايز مني ايه ارحمني بقي مش كفايه رحت عملت رهان مع صاحبك عشان تخدني ليه وهو يدورلك علي خطه تدخل بيها سوزي لجدك
جاسر : بتقولي ايه
يارا : بقول اللي سوزي قالته ليا حتي اسأل عشق هي شاهده ونفضت ايد جاسر... انا لا بكرهك ولا بحبك انت عارف ليه دول مشاعر وانا مبحس نحيتك بحاجه غير الندم اني حبيتك في يوم...وتركته وذهبت وهو لم يستوعب اي شئ
************************************
وصلت نورهان القصر وهي تفكر في احمد وتحزن كلما تذكرت مدي حبه لنور وتمنت كثيرا لو تكون هي نور دخلت لغرفتها ونامت وهي تتذكر حوارهم ولا تعرف لماذا دموعها آآ لانها احبته وتغير من نور ام لانها حزينه علي حزنه
************************************
نظر عدي لجودي التي كانت نائمه وذهب اليها وقبل وجنتها وهي فاقت
جودي بابتسامه : خلصت
عدي : اي
جودي : من زمان
عدي : لا....يلا نمشي
جودي : يلا....صحيح جدي جيه من السفر امبارح لارا قالتلي وعازم رعد وعشق وبابا احمد وبابا محمد عشان خبر مهم بعد يومين
عدي : اه ماهو رن وقالي
جودي : يارب يقدم فرح مالك وچيلان عشان تخلص
عدي لنفسه : مستحيل تخلصي مني لانك روحي وقال يلا نروح لرعد ونمشي
جودي : يلا
وذهبوا لمكتب رعد ودخلوا وجدوه يجلس علي الكرسي وعشق علي المكتب امامه
جودي : ههههه انتي عارفه لو كنت دخلت وملقتكيش قاعده كده كنت قولت اكيد انتي مش عشق بنت ماما نور
عشق : سبنالك انتي الكراسي يا اختي
رعد : اقعدوا سبكم من المجنونه دي
عشق : انا مجنونه يا رعد
رعد : اسف يا عشق الرعد
عدي : احم نحن هنا
رعد : عادي امشي
عدي : تصدق انك بارد وهقعد
رعد : ايه رأيكم نتغد سوا
عشق : بابا وايمي وعمار صحيح عمار فين مشوفتوش
عمار : انا اهو
عشق : كنت فين
رعد : كله تمام يا بطل
عمار : عيب عليك الشحنه اتسلمت وانا عملت كل اللي قولته
جودي : شحنه ايه
رعد : عمار بقي شريكنا ولازم يهتم بالشغل
عدي : صح وراح استلم الشحنه مكانا لان كان ورانا اجتماعات
عشق : بس دا صغير لسه في تالته ثانوي
رعد : بس راجل......المهم انا اصلا قولت للداده تحضر الغدا فتعالوا نتغدا كلنا سوا
عدي : لا احنا هنروح لان جدك وصل امبارح وانتم معزومين عندنا بعد يومين
رعد : اتغدوا وروحوا تمام
وتوجهوا الي القصر وجدوا احمد ويوسف وايمان فدخلوا وامروا الداده بوضع الطعام وجلسوا واكلوا سويا
جودي : بابا ممكن قبل مامشي تكملي
احمد : يابنتي كل سنه بحكلكم مش بتزهقوا
عشق : لا يا بابا
يوسف : وانا كمان فاتني امبارح
ايمان : بليييز يا عمو
عمار : يلا يا بابا
عدي : انا ورعد هنخلص شويه شغل عشان هو رايح المركز بكره عن اذنكم
وذهب هو ورعد
احمد : احلي حاجة في نور جنونها
فلاااش بااااك
نور : احمد
فاطمه : تعالي يا بنتي اقعدي جنبي
ذهبت نور وهي في غايه توترها
فاطمه : ست صفاء احنا جاين نطلب ايد نور بنتك لاحمد ابني
صفاء : بس نور لسه صغيره دي لسه مكملتش 19 سنه
فاطمه : احمد مش كبير هو عنده 21 سنه وفي نفس الكليه والسنه دي هيخلصها ويتجوز نور واما هيخلص هيساعدها ومش معني ان ابني هيخلص يبقي يطلع بنتك من الكليه
صفاء : واللهي مش عارفة اقول ايه
فاطمه : قولي موافقه
صفاء : الرأي رأي نور....قولتي ايه يا نور
نور ودموعها تظهر : اسفه يا طنط انا مش موافقه
احمد : ليه يا نور
نور : عشان مش بح...
احمد : نور انا وانتي عارفين انك بتحبيني وانا كمان بحبك وانك هربتي اما قولتلك اني بحبك عشان محدش يقول انك بتجري ورا فلوسي بس انا بحبك وانا مش عيل عشان ماعرفش ان كنتي بتحبيني انا ولا فلوسي
لم تجد نور حلا سوا البكاء
ثناء بمرح : ايه دا نور عندها دموع زينا
فاطمه : هههههه ليه مبتعيطش
ثناء : نور مبتعرفش الدموع
نور وهي تمسح دموعها كالأطفال : بس يا ثناء يا بنت صفاء
صفاء بحده : بس يا بت كده عيب....معلش يا فاطمه هي مسحوبه من لسانه شويه
ثناء : لا قوي يا ماما
فاطمه : هههههه واللهي عسل
ثناء : احمد انت زميلي وهادي قوي عشان كده فكر ميت مره قبل ما تاخد الازعاج ده
احمد : وهو ايه اللي محببني فيها غير الازعاج
وبعد وقت ضحك ذهبوا ورجعت نور وامها للمنصوره وداومت في الكليه واصر احمد علي كتب الكتاب وبالفعل تم بعد الخطوبه بشهر كان جلال دائما يقول لاحمد انه يختار خطأ واحمد يصر علي نور وانتهت السنه وجاء وقت جواز احمد ونور وفي نفس الوقت تقدم محمد لثناء واتفق مع امها انه سيتزوجها في الاجازه وعنده شقه والديه وتزوج احمد ونور وبعد خمس اشهر جاء لهم خبر
كان احمد في شركه والده يتدري ونور في جامعتها فتعبت كثيرا في الكليه وذهبت للطبيبه واخبرتها انها حامل فكانت سعيده جدا وذهبت للمنزل وانتظرت احمد فجاء
احمد : نوري
نور : احمد وحشتني
احمد : وانت اكتر ياقلبي ايه مستنياني ليه
نور : عندي ليك خبر
احمد : وحش متقوليش اصل اخبار النهارده كلها حلوه ومش عاي...
نور : انا حامل
احمد : انتي ايه
نور : هيجيلنا بيبي
فرح احمد كثيرا وحملها وظل يدور وهي تضحك ثم نزلها وظل يقبلها في كل جزء في وجهها
نور : احمد
احمد : نعم يا عمر وروح احمد
نور : بحبك اوي
احمد : وانا بعشقك يا نوري
وحضنها بشده وبعد خمسة أشهر تزوج محمد وثناء وكانوا الاربعه سعداء وبعد شهر جاء اسوأ خبر وهو وفاة والده احمد حزن احمد بشده وكانت نور بجانبه لم تبكي امامه حتي لا تضعفه ولكنها كانت تبكي من ورأه وهو علم ورأها ذات مره فعلم انها خير الزوجه ومن كتر حزنها تعبت مره واخذوها للمستشفي وولدت لكن ابنها كان ضعيف وتوفي ودخل احمد لها
احمد : نور
نور : ابننا فين
احمد : ابننا مات
نور بابتسامه ودموع : مات الله يرحمه عندي طلب يا احمد
احمد : ايه يا نوري
نور ودموعها تنزل من جديد : اشوفه دا اول فرحه ليا
احمد : حاضر وجري عليها وحضنها وبكوا سويا علي ابنهم
وبعد شهر حملت ثناء وفرحت نور لاختها وبعد اربعة اشهر حملت نور وولدت ثناء في التاسع فتاتان توأم فحملتهم نور
نور : ربنا يبارك فيهم شوف يا احمد جمال ازاي واحده عينيها زرقا زي ثناء والتانيه خضرا زي محمد دا بس الفرق
احمد : اي بسم الله ما شاء الله ربنا يخليهم
ثناء : سميهم يا نور
نور : ام عيون زرقا جودي وام عيون خضرا جايدا
محمد : الله يا نور اسماء جميله اوي
وبعد شهرين تعبت نور كثيرا واخذوها للمستشفي فخافت بشده ان يموت مثل اخوه ولكنها كانت مؤمنه بربها واعطاهم الله بنت
نور : ربنا ادانا ايه
احمد : بنت
نور : الله يا احمد جميله اوي بس مخدتش عيونك ليه
احمد : الحمد لله انها اخدت العيون اللي اسروني انا بحب عيونك اوي يا نور وبحبك
نور : وانا بعشقك وبعشق عيونك....هتسميها ايه
احمد : عشق دي هتكون عشق احمد لنور وعشق نور لاحمد
بااااك
عشق بصراخ : وااااااو انا عشقكم
جودي بصراخ : وااااو ماما نور هي اللي سمتني
نزل عدي ورعد علي صوتهم
ايمان : طيب ايه اللي جاب جودي ليكم يا عمي
احمد : كانت ثناء بتتعب اوي من جودي وجايدا ومحمد كان في الشغل دايما انما انا كنت بساعد نور وفي يوم كنا بنزورهم وعشق كان عندها شهرين عرفنا انها حامل وحرام تنزل اللي في بطنها فنور قالت هتاخد واحده من التؤام وثناء وافقت وكانت كل يوم نور تاخد جودي تشوف ثناء
يوسف : طيب ليه مأخدتش جايدا
احمد : لان جايدا كانت مش بتسكت الا مع ثناء انما جودي كانت بتسكت معايا او مع نور واما ولدت چيلان نور اخدتها فترة لان كانت جايدا تعبانه وبقوا عندنا معظم الوقت فتربوا علي كلمه بابا احمد وماما نور حتي كنت بجبلهم هديا سوا وكل حاجه وجيه عمار فثناء اخدت التلت بنات عشان نور كانت تعبانه قوي واما ولدت عمار كانوا جودي وعشق متعلقين بنور فرجعوا وفضلت چيلان مع جايدا وبعدين جمعناهم الخمسه وفي يوم كانت عشق وجودي عندهم خمس سنين اخد محمد وثناء جايدا وچيلان وجودي لعيلتة من بعيد في القاهرة وجايدا......
جودي بدموع : تاهت وقولته ماتت واكتشف انها مش ميته من 15 سنه لا من سنه بس
احمد : عرفتي منين انها تاهت
جودي : اهو عرفت....ونظرت وجدت عدي....ممكن نمشي يا عدي
احمد : جودي
جودي : اختي ماتت يا بابا توأمي ماتت خلاص مش عايزه افتح الموضوع
وتركتهم وذهبت هي وعدي وهم كل واحد ذهب لغرفته
*******************
بعدما صلي رعد هو وعشق العشاء بدلوا ملابسهم وارتدت هي برمود للركبه وبلوزه كت وهو برموده رمادي ايضا وتيشرت ابيض واخذها في حضنه واستلقا علي السرير
رعد : عشقي انتي صاحيه
عشق : اي يا رعود انت منمتش ليه
رعد : مش جايلي نوم.....ممكن اسأل سؤال
عشق : اكيد
رعد : هو انتي ليه مش بتلبسي الحجاب زي جودي وچيلان وبنات عمك
عشق : اونكل محمد هو اللي اقنع خالتو ثناء بالحجاب انما بابا مقالش لماما او الاصح مش اصر عليها فهي مش لبسته وانا اتربيت اشوف ماما من غيره فرفضت البسه اما كبرت واما كان حد يعلق بابا كان يقول انه عايزني البسه عن اقناع مش عشان حد بس...... لو احم انت عايزني البسه هلبسه
رعد مقبلا جبينها : لا عايزك تلبسيه عن اقناع يا قلبي
عشق : عارف يا رعد انت هديه من ربنا ليا مش عارفة انا عملت ايه عشان ربنا يجازيني بيك
رعد : لا يا عشقي ربنا هو اللي جازاني بيكي بطفله ههههه
عشق بطفوليه : انا طفله بس انا كبيره
رعد : هههههه ماشي يا ست الكبيره نامي
عشق : حاضر يا بابا.......رعود عايزه اسأل سؤال غلس
رعد : امممم قولي
عشق بغيره : انت ليه بتحضن همس علي طول وكل اما تشوفك هي كمان بتحضنك
رعد : عشان هي زي اختي
عشق بغيظ : بس ممكن تتجوزها لانك مش اكبر منها بكتير
رعد : عشق انتي سخنه همس مستحيل تكون اكتر من اختي
عشق : يوووه معتش تحضنها كتير او معتش تحضنها اصلا وبس لانها مش اختك وانت ممكن تحبها
رعد بحده : انتي اتجننتي ولو انا بحبها كنت وافقت اتجوزك
عشق بدموع : بس انا اتفرضت عليك
رعد بعصبيه وهو يبعد ويقوم : لا انت زودتيها اوي
وذهب الي غرفه الرياضه الخاصه به
عشق بدموع تنزل : اوف مش قادرة مغيرش عليك بحبك اوي يا رعد ووقفت وذهبت الي غرفته وجدته يمارس الرياضه بعصبيه كأنه يفرغ غيظه فذهبت ووقفت بجانبه فنظر لها واكمل ما يفعل
عشق : ممكن تقف شويه
رعد بحده : روحي نامي
عشق : ارجوك اوقف
وقف وكان ينوي ان يقسي عليها ولكنها فاجئته عندما حضنته ودفنت وجهها بصدره
عشق : انا اسفه مش هقول كده تاني سامح عشقك يا رعود
ابتسم علي هذه الطفله ولف يده حولها وقبل جبينها فابتسمت
رعد : انت مستحيل تكوني مفروضه عليا يا عشقي رعد الشافعي ميتفرضش عليه حاجة انتي طفلتي اللي لقيتها ومستحيل اتخلي عنها
عشق : وانت اماني اللي مستحيل اتخلي عنه
واكملوا بهمس لا يسمعه الاخر بحبك يا رعد بعشقك يا عشق ثم بعدها وذهبوا لغرفتهم واخذ شاور ثم نام بجانبها واخذها بحضنه فلفت يداها حول خصره ودفنت رأسها في صدره واغمضت عيونها بينما هو حاوطها اكثر وغط في نوم عميق
************************************
كان احمد في مكان يشع نور من جهه بحر به اسماك ومن جهه حديقه ممتليئه بالورود والاشجار فوجد فتاه تجلس ومستمتعه بالخضرا علم من هي فهي التي عشقها
احمد : نور
التفت نور وابتسمت
نور : عرفتني ازاي وانت لسه مكنتش شوفتني
احمد : قلبي حاسك.....وحشتيني اوي
نور : ازاي وانا في كل نفس بتتنفسه
احمد بابتسامه : بتوحشيني وانتي في حضني
نور : بتحبني يا احمد
احمد : الحب كلمه صغيره اوي يا نور علي اللي بحسه اتجاهك
نور : لو طلبت منك طلب توافق
احمد : روحي وعيوني
نور : احمد كمل حياتك واتجوز
احمد : مقدرش مفيش واحده تقدر تاخد مكانك
نور : احمد كمل حكايتنا لبنتنا خليني امشي واتجوز وانا هستناك اكيد هنتجمع في الآخرة بس حقق امنيتي يا احمد
احمد : نور بس انا...
نور : وحياة حبنا يا احمد....بص جبتلك مين
نظر احمد وجد نورهان فنظر لهم الاثنين ثم قام مفزوع علي صوت الاذان في فونه
فقام وصلي ثم فتح المصحف وظل يقرأ للصبح
************************************
بقلم / سماء أحمد
الفصل الثامن عشر
في الليل جاءت جودي مع عدي ومروا علي چيلان وذهبوا لاحمد عند عشق واستقبلهم رعد وجلسوا سويا وكان احمد يفكر في الحلم
عدي : عمي جدي عزمك بكره علي العشا انت والباقي
احمد : اكيد يشرفني....انا عايز اقولكم حاجه
عشق : خير يا بابا
احمد : انا اشتريت فيلا بعد القصر بشارعين وهنقل بكره وبعد كام يوم هرجع المنصوره
رعد : ليه يا عمي القاعده معجبتكش
احمد : لا يا رعد بس انا كده هرتاح
جودي : سيبه يا رعد طيب هترجع ليه بالسرعه دي
چيلان : هتسيبنا تاني
احمد بابتسامه : انتم اللي سبتوني وبعدين نور وحشتني اوي
عمار : يخربيت الرومانسية ااااه ياني
احمد : يابني انا حبيتكم كلكم لانك قبل ما تكونوا ولادي انتم ولاد نور وحته منها
يوسف : دا الحب
احمد : دا العشق
عشق : وفي الاخر تتفرقوا مش كده
احمد : مين قالك كده انا كل نفس بتنفسه بحس بنور جنبي وفيه
رعد : دا اسطورة روميو وجوليت
عدي : دا ضعف يا عمي مفيش حب من النوع ده مستحيل اتعلق بحد للدرجادي
احمد : لما تحسوا ان اللي بتحبوهم هتخسروهم هتعرفوا العشق
عشق : انا العشق اهو عارفيني
چيلان : يخربيت الفصلان
ايمان : كملنا بعد موت جايدا او توهنها
جودي بتنهيد : كمل يا بابا
احمد بابتسامه حزينه ودموع : ايه هو الحب ؟
ايمان : الحب هو شعور جميل من نحية شخص اول ما تشوفه تحس انك مالك الدنيا
عشق : الله عليكي يا بتاعة سولم
يوسف : الحب بيبقي نحية شخص يخليه يسيطر علي تفكيرك وقلبك
جودي : الحب هو ضعف بتحسه اتجاه شخص بيخليك تضحي حتي لو بحياتك عشانه واصعب حاجه لو هيبقي من نصيب غيرك بيخليك تموت في كل لحظة وممكن يأدي لموتك للابد جروحه مش بتداوي
ابتسم احمد ودمعه نزلت فمسحها
عشق : الحب فرح وحزن خوف وامان داء ودواء شعور متناقض اهم حاجة تضحيه واخره الموت وبس
احمد : عدي ورعد وعمار
عمار : الحب هو نور واحمد
عدي : هو جودي
رعد : مش عارف يمكن انا عشقت مره واحده
التفتت له عشق ونزلت دمعه فمسحتها
احمد بدموع : عشقتها اوي
فلااااش باااك
مر علي جوازنا حوالي 12 سنه علي ولادة عشق وهم عايشين في سعاده
انا بعشقك يا احمد
كتبتها نور في مذكراتها
خرجت نور وجدت جلال
نور : بابا اعملك اكل
جلال : مش عايز من خلقتك حاجه
نور بدموع : بابا حضرتك بتكرهني ليه
جلال : عشان مكنتش عايزك مرات ابني
نور : انا بحب احمد مش فلوسه
جلال : بردك فقيره وعيزك تبعدي عن ابني
نور : اطلب اللي عايزها الا ابعد عن احمد
جلال : اي حاجه
نور : ايوه
فجاء احمد ورأي نور فاخذها لغرفتهم وكانت اربع عيون تشاهد الموقف من اوله اجل جودي وعشق
احمد : نور سيبك منه
نور : بس ده باباك
احمد : بس بيضايقك وانتي حياتي
فرأي جودي وعشق يبكون ويقفوا عند الباب
احمد : تعالوا مالكم
عشق : ماما كانت زعلانه يا بابا فحنا زعلانين
احمد : فين عمار وچي چي
جودي : في الجنينه يا بابا
احمد : ايه رأيكم نلعب معاهم
عشق : هيه بجد يا بابا....بس هات ماما معانا
نور : لا يا عشقي مش جيلي مزاج
جودي : بلييز يا ماما
نور : جودتي قولت لا
احمد : وانا بقول اي
نور : لا يعني لا
اقترب احمد منها وحملها وسط ضحكات بناته وذهب لاسفل كان عمار وچيلان يتشاكلوا علي من يسقي الزرع وعند رؤيه احمد مسكه عمار ورشت عليهم وذهبت چيلان وجابت الكاميرا كان احمد يضحك هو والبنات انما نور عصبيه فنزلها احمد وشدها من خصرها وقبل جبينها فاحمرت بشده وضحكوا الفتيات
احمد بهمس : لو مهدتيش ولعبتي هبوسك بوسه قليله الادب قدام الولاد
نور بخجل وهمس : احمد الله
احمد : عيون وروح وقلب احمد
ولعبوا سويا وضحكوا ثم اخذت نور الاولاد يبدلوا ملابسهم وانتهت وذهبت بملابسها المببله لاحمد
نور : احمد هتتعب انت قاعد بهدومك مبلوله ليه
احمد : زيك
نور : بس انت هتتعب
احمد : زيك
نور : مش بتهتم بنفسك ليه
احمد : زيك
نور : انت واخد كرس في زيك ولا ايه بتكلم بجد هتتعب وانا هزعل وهعيط كتير زي كل مره
احمد : مانتي هتتعبي وانا هزعل
نور : دماغك ناشفه
احمد : بس بحبك
نور : بعشقك
وبدلوا ملابسهم ونامت في حضنه مثل كل يوم حتي غطوا في نوم عميق
بااااااك
احمد بتنهيد : جرعه الحب كانت زياده انما لو عايزين حزن فجاي
ايمان : كمل يا عمو
رعد : فضولي ذاد ممكن تكمل
عدي : وانا كمان
احمد : عشق وجودي جاهزين
عشق بدموع تظهر : اي
جودي بتنهيد : اي
احمد بدموع : اكتر حته هتأذيكم
فلااااش باااك
دموع تنزل دم ينزل من فمها وانفها انها نور فقررت ان تذهب لدكتوره وخرجت رأت جلال
نور : بابا
جلال : عايزه ايه
نور : حضرتك كنت قولت هتطلب طلب فاطلب
جلال : جاهزه
نور : ايوه قول
جلال : قولي لاحمد يتجوز عليكي بنت واحد صاحبي اثبتيلي انك تستحقي ابني
لم تتمكن نور من منع دموعها فنزلت بغزاره
جلال : ههههه لو تقدري نفذي
نور : حاضر
استغرب جمال بشده وسمعته جودي التي بكت بشده ولم تعرف ماذا تفعل اما نور ذهبت للدكتوره التي امرتها بعمل التحاليل وعلمت بعدها بيومين انها مريضه كانسر ربما يمكنها علاجه لكن ليس اكيد وايضا ليس في مصر ومكلف للغايه فبكت بشده وذهبت لاحمد الذي كان في مكتبه وحضنته من الخلف
نور : بعشقك يا احمد
احمد : وانا بموت فيكي والتفت لها واخذها في حضنه
نور : عايزه منك طلب
احمد : عيوني
نور : اتجوز عليا
احمد لاول مره يتعصب عليها : نور انتي بتهزري
نور : لا
احمد : انا بعشقك فاهمه ومستحيل اتجوز عليكي
ظلوا سبعه اشهر تطلب منه ان يتجوز عليها وهو يرفض وجلال يري هذا وفي يوم جاءت له جودي
جودي : بابا اقولك سر
احمد : قولي يا روح بابا
جودي بدموع : خايفه اكون فتانه
احمد : لو فيه خير يبقي مش فتنه
جودي : هيمنع شكلك انت وماما
احمد : قولي يا روحي
جودي : انا سمعت جدو جلال بيقول لماما لو عايزه ميضيقش منها تخليك تتجوز بنت صاحبه
وصل احمد لقمة عصبيته وود لو يحرق العالم
احمد بهدوء عكس ما بداخله : عشق وماما فين
جودي : في الجنينه
احمد : طيب روحيلهم
وذهبت جودي لهم ونادت لها نور
نور : انا بحبكم اوي كان نفسى اشوفكم بفساتين فرحكم انا كل يوم بجمعكم واقولكم حكمه النهارده هقولكم عيشوا وحبوا واعرفوا اني لو مش معاكم بجسمي فانا في قلبكم
عشق : احنا بنحبك قوي يا ماما
نور : وانا بحبكم اوي
وحضنتهم وجاءت چيلان وعمار فحضنتهم وقبلتهم وذهبت وجدت احمد سيدخل لاباه شقته فشدته من ذراعه وكان سيتكلم فوضعت يداها علي فمه وقبلت وجنته ثم حضنته ودموعها تنزل وهمست في اذانه خلي بالك من بناتنا بعشقك يا احمد ثم بعدت وبعدت يداها وقبلته من شفايفه فاستغرب وتركته وذهبت وهو نظر لها ولم يعلم لما شعر ان قلبه انقبض ودخل لاباه
جلال : احمد
احمد بعصبية : اسكت خالص انت مستحيل تكون اب افهم بقي انا بعشق نور بعشقها بموت فيها مستحيل اتجوز عليها لولا ما جودي قالتلي كنا فضلنا كده في تعاسه وانت شايفني انا ومراتي بنتخانق لاول مره من 15 سنه يا شيخ اتقي ربنا فيا وفيها ارجوك ارحمنا انا هروح الوقتي واخدها هي وولادي ونبعد ع طول عشان مش تستغل طيبتها اكتر من كده
وتركه وذهب لنور كي يخبرها انه لن يتزوج عليها وانها سيأخذها ويمشي فدخل للغرفه وجدها نائمه باسدالها والسجاده مفروده والمصحف عليها فاستغرب بشده وذهب اليها
احمد : نور يا نوري قومي واعرفي اني مش هتجوز عليكي فاهمه انا بعشقك وهنمشي من البيت ده قومي بقا.....نور....وهز وجد جسمها بارد فبدأ يصرخ.....نور قومي نوووووور قومي بالله عليكي متسبنيش ارجوكي نوووور
وبدأ في البكاء وتجمع كل من في العماره كله حتي الخدم ودخلت عشق وجودي
جودي ببكاء : قومي يا ماما ماااامااااا قومي
احمد ببكاء : نور قومي عشان ولادنا قومي يا عشقي وحب عمري انا بحبك واللهي متسبنيش وحضنها وبكي بصوت عالي
اما عشق فكانت تقف كالصنم تنظر لامها واباها ومن حولها يبكي فلم تنزل دمعه واحده
وتم العزاء وجاءت الطبيبه واخبرت احمد بمرضها فحزن بشده وذهب لقبرها وبكي وقال ليه يا نور ليه تعملي كده
وبعد ستة أشهر من عذاب احمد مابين فراق حبيبته وسكوت ابنته كان يمشي في الطريق يجلب لهم ايس كريم حتي يفرح عشق فتركهم وكانت عربيه تأتي بسرعه فرأتها عشق وصرخت
عشق : بااااااباااااا
واحدهم بعد احمد ونظر لعشق وحضنها وهي بكت بشده
بااااك
اعاد احمد رأسه للوراء ودموعه تنزل بينما عشق صامته كالعاده فهي عندما تحزن بشده لا تبكي ولا تتكلم وجودي دموعها تنزل
حزن الكل عليهم فقال يوسف
يوسف : احم جودي فاكره اما عمو وطنط راحوا يقدملكم في المدرسه انتي وعشق
بتلقائيه ضحكت جودي واحمد
ايمان : طنط نور شدت المدرسه من شعرها عشان قالت علي عمو حلو
عشق : ههههههه امي دي فظيعة تسكت تسكت بعدين تنفجر
چيلان : زيك كده ميغركاش يا رعد هدوء ورقة عشق لا دي كانت دوشة المدرسه
رعد : هههههه عارف انها دوشه
عشق : رعد الله
چيلان : عدي بقي لا جودي هاديه بس مشكلتها بتحط جواها يمكن اقل حاجه وبتفرح وتنسي من اقل حاجه بردك
عدي : متأكده هتنسي اي حاجه
جودي : اي بنسي اي حاجة واي حد....ايه مش هنمشي
احمد : جودي جايدا فين
چيلان : جايدا اختي
جودي : احم لا هو مفيش غيرها الله يرحمها اسمها جايدا
چيلان : امال مين
عدي : دي سكرتيرتي واحمد كان بيسأل جودي عشان اوراق اصلنا هنتشارك
چيلان بعدم اقتناع : ماشي......مش هنمشي
عدي : اي يلا...متناس يا احمد بكره معزومين عندنا
يوسف : اكلكم حلو
عدي : هههههه جرب
وذهب عدي وجودي وچيلان
رعد : يلا عشان تنامي
عشق : هقعد شويه
احمد : الوقت اتأخر قومي يلا
عشق : لا هقعد
يوسف : انا هدخل انام
رعد : يلا يا عشق
عشق : لا الله
رعد : مصممه
عشق : اي
ذهب رعد لها وحملها وسط ضحكاتهم وصراخها ونزلها في الغرفه
عشق : ايه الجنان ده انت ايه مش مكسوف تشيلني كده ادامهم منظري كان وحش اوي اوف انت بارد وغلس وسقع....... قاطع كلامها قبلة رعد لها
رعد : افصلي شويه يلا عشان تنامي ودخل الحمام وهي وقفت مصدومه
عشق واضعه يداها علي شفايفها واحمرت خجلا
ذهب احمد لغرفته ونام وحلم بنور تنظر له ببكاء وتقول له كمل حياتك يا احمد ارجوك وحياة حبنا
************************************
بقلمي / سماء أحمد
تكملة الروايه من هنااااااا
تعليقات
إرسال تعليق