 |
الفصل التاسع عشر
في يوم جديد ذهب الكل الي قصر المهدي لهذا العشاء العائلي
في غرفة عدي
عدي : رعد جيه
جودي : كلمت عشق وعلي وصول او يمكن وصلوا تحت
عدي : وباباكي
جودي : هما كمان جاين معاهم
عدي : فكرك جدي جمعنا ليه
جودي : يمكن يكون حدد فرح چيلان ومالك....تنهدت عدي اكيد هنتطلق
عدي : انتي عايزه ايه
جودي : هههه ليه هتفرق.... ع العموم يكون احسن
عدي : ولو مطلقتكيش
جودي : مش هتفرق...خلصت انتقامك
عدي : انا مبدأتش عشان اخلصه
جودي : لا بدأت.....لما خلتني زوجتك قدام ربنا دا انتقام وانتي مش بتحبني....كل كلمه بحبك مش من قلبك انتقام....جعزتك ليا تاني يوم الدخله دا انتقام... كسرك لقلبي وانك عيشتني في كذبه دا انتقام... والاكبر لما خبيت سبب جوازك عني.... ولما قولتلي ان اختي ميته من سنه مش من 15سنه...ثم ابتسمت وقالت دا مش كفاية
عدي : في يوم هتسامحيني علي كل ده
جودي بابتسامه : انا مزعلتش منك عشان اسامحك انت عارف ليه لاني بعشقك ولو بجد حسيت اتجاهي ولو بشفقه طلقني بعد جواز اختي وتركته وذهبت
عدي : ياربي البنت دي ايه اسرتيني يا جودي
************************************
نزلت جودي وجدت الكل وصل واستقبلهم علي وسلمت عليهم وجلسوا سويا ثم توجههوا للطعام وانتهوا وجلسوا مره اخري
علي : انا متأكد انكم مستغربين من جمعتي ليكم
عدي : في ايه
علي : چيلان انتي تحت اي ضغط في قبولك لمالك يعني جد جبرك علي الجواز
چيلان : احم لا يا جدي بابا بيهموا سعادتي دايما ولو هو جابرني ففي بابا احمد بيحميني فانا مش مجبوره
علي : وانت يا مالك لاخر مره هسألك
مالك : لا انا بجد عايز چيلان
علي : خلاص فرحكم بعد أسبوع من الوقتي طبعا بعد موافقه محمد واحمد
محمد : انا معنديش مانع بس اهم حاجة احمد لانه اللي مربيها
احمد : بس انا مش موافق اجوز عروستي لحد غيري
جودي : اوبس ونسيب مالك لمين
احمد : صعب عليا خلاص انا موافق
چيلان : بتبعني اعريسي
احمد : وانا اقدر خلاص مش موافق
مالك : احياة عيالك سيبك منها
احمد : تمام موافق
اخذت جودي عشق ولارا للجنينه
************************
لارا : هنعمل ايه يا بنات
عشق : مش عارفة
جودي : لازم نلاقي خطه قبل ما بابا يرجع
عشق : بابا لازم يتجوز ماما نورهان قبل ما يرجع المنصوره نهائي وقتها مش هنعرف نعمل حاجه
جودي : لازم نعمل خطه وقويه كمان عشان يتجوزوا باسرع وقت انا عايزه بابا يتجوز طنط نورهان قبل ما....
احمد بعصبية : انتوا بتقولوا ايه
عشق بخضه : بابا احنا
احمد بعصبية : بس اسكتوا انتم بتتكلموا في ايه انا مستحيل اتجوز غير نور افهموا بقي استوعبوا انا عشقتها ومستحيل اعشق غيرها...والتفت ليذهب ولكن اوقفه جمله كانت كالجمر الذي وقع علي قلبه
جودي : وان قولتلك دي اخر امنيه ليا قبل ما اموت
التفت لها ونظر لها بعدم تصديق
جودي بدموع : بابا اتجوز نورهان قبل ما اموت عشان اموت مرتاحه
احمد : انتي بتقولي ايه
جودي : انا مريضة كانسر...عشان خاطري اتجوز
توقف احمد عن الحركه والتفكير والكلام فقط جلس علي الكرسي افكار كثيره تداهمه فاقتربت منه جودي وجلست علي ركبتها ونظرت له بأعين كلها دموع بينما تركتهم عشق ولارا
جودي بدموع : بابا انا بحبك اوي وفوق ما تتصور نفسي اشوفك سعيد زي الاول عارفه ان من يوم ما ماما سابتك وانت قلبك مكسور ونورهان مش وحشه فوق انها نسخه من ماما وكمان عندها من طيبتها انا في حياتي ما طلبت منك حاجه بس بطلب منك النهارده ارجوك ده بس ووضعت رأسها علي ارجله وبكت بشده وهو دموعه نزلت ثم رفعها وحضنها واخذها للداخل
دخلت لارا وعشق التي تشعر بضيق نفسها ووقفت بجانب رعد الذي كان يقف في جانب فالتفت لها ووجدها هكذا
رعد : عشق مالك
عشق : مخنوقه اوي ونفسي مش قادره اخده
رعد حضنها امامهم : اهدي يا قلبي
عشق : رعد هموت
رعد : هشش اوعي تقولي كده
قاطع كلامهم دخول احمد وفي حضنه جودي
احمد : علي بيه عايز حضرتك في موضوع
علي : اتفضل يابني
احمد بتنهيد : انا طالب ايد مدام نورهان
علي : واللهي فجأتني بس انا معنديش مشكله اذا نورهان وافقت
حضنته جودي بشده وبكت وضحكت وجرت عليه عشق وفعلت المثل
چيلان : اشمعنا انا وجرت عليه
عمار : انا هغير من الحلوين دول وذهب لاباه وحضنه مع اخواته
احمد : ههههه اربع مجانين
جودي بهمس : شكرا يا بابا
وبعدوا عنه وجودي في حضنه
احمد : نورهان انا مستوعب دهشتك بس فيكي تسألي ولادك وتاخدي رأيهم ولو معندكيش مانع فرحنا يبقي مع چيلان ومالك
ادهم : احم ماما انا معنديش مانع انتي لسه صغيره واحنا كبرناكي قبل اوانك وتقدري تكملي حياتك
كانت لارا بجانبه فقالت بهمس انا بجد فخوره بيك وبحسد نفسي عليك يا ادهم انا بحبك اوي فابتسم لها وقال وانا بعشقك
همس : وانا يا ماما كمان معنديش مانع يبقي عندي اب عسول كده
احمد : ههههه وانا كمان معنديش مانع يبقي عندي بنت عسوله كده وبعدين انا بحب البنات اوي وخلفتهم
عمار : اصدك ايه يا سيه بابا
احمد : انت السند يا عموري
عشق : ههههههه اخرتك يا عموري
رعد : انا الابن التالت ليكي وبقولك مفيش احسن من احمد بصراحه
عشق : وانا كالبنت الرابعة هقولك ابو حميد مفيش منه اتنين مش عشان هو اب كويس لا هو اب وزوج وابن وصديق واخ وكل حاجه كويس انت عارفه ليه يا ماما لانه كان كل دول قدامي وفي حياته ما جيه علي حد عشان حد
ايمان : بصراحه هو اقرب ليا من بابا
نورهان : ايه كل ده
احمد : سيبك منهم بصي انا شرير وبعذب وبضرب وبموت ورئيس عصابه كمان وشغال في مافيا موافقه نقرا الفاتحه
نورهان : احم موافقه
وفرح الكل وقرأوا الفاتحه
احمد : هسافر بكره المنصوره اقول لبابا وهاجي علي اخر الاسبوع.....نورهان عايزه تعيشي فين انا ممكن اشتريلك بيت في المنصورة وعندي فيله هنا لو عايزه
نورهان : انت مش هتقعد مع اهلك
احمد : انا مش هقع في الغلط مرتين لا هنقعد بعمار وهمس في بيت لوحدنا
نورهان : براحتك هنا او هناك
جودي : بابا خليك جنبي معتش تسبني بالله عليك
لم تتحكم عشق في دموعها فتركتهم وخرجت للجنينه ورأها رعد فذهب ورأها
عشق بدموع : ماما بتمني تكوني فرحانه ببناتك وحشتيني اوي يا نوري نفسي اجيلك اوي يااااه يا ماما نفسي تخديني في حضنك زي زمان وتقولي برافوا عليكي يا عشقي وبكت ووجدت من يحضنها
رعد : هشش بتعيطي ليه
عشق وهي تحضنه بقوه وتبكي : ماما وحشتني اوي انا بحاجتها عايزه اقولها اللي في قلبي
رعد : قوليلي يا عشقي انا موجود جنبك
عشق : مقدرش لانك ممكن تدمر كل حاجه لانك صاحب عدي
رعد : خلاص اعتبريني رعد صديقك مش رعد صاحب عدي واوعدك ان رعد صاحبك هيكتم سرك
عشق ببكاء : جودي بتموت يا رعد
رعد بصدمه : ايه
عشق : ممكن نمشي من هنا
رعد : اوكي يلا
وذهبوا للكل في الداخل
احمد : عشقي بتعيطي
عشق : لا دي دموع الفرح اخيرا العسل ده هيتجوز
چيلان : اي واللهي يا عشق السكر ده هيتجوز السناجل يعملوا ميتم
ثناء : مبرووووك ياابو حميد
احمد : الله يبارك فيكي يا ثناء
محمد : مبروك يا صاحبي
احمد : الله يبارك فيك يا محمد...مش يلا نمشي
جودي ودموعها تنزل : هترجع بكره
احمد مسك وشها بين يديه ومسح دموعها : اي هرجع عشان ارجع اميرتي ام عيون زرق جانبي على طول
جودي : اميرتك حبه تروح للملكه لانها وحشتها
احمد : وتسيبيني
جودي : هي سابتك
احمد وقد فهم اصدها علي نور : لا ولا تقدر
جودي : وانا كده
احمد : لا مش كده يا اميرتي وقبل جبينها انتي واخواتك روحي فاهمه ولا حياة بدون روح
عشق : احم بابا يلا بقي
كان الكل يقف ولا يفهم ما يقصدون
قبلت جودي احمد من وجنته وذهبت لعشق وحضنتها ولكنها لم تبادلها
جودي : يمكن يكون اخر مره يابت متضعيش من عمرنا
حضنتها عشق بشده ودمعه نزلت ثم تركتها وذهبت مع رعد وابيها وبعد وقت استأذن محمد واخذ اسرته وذهب وبقي عائله عدي
علي : عدي عايزك علي مكتبي
عدي : حاضر
وذهب لجده
مالك : مبروك يا عمتو
نورهان : الله يبارك فيك يا قلبي
لارا : مبروك يا ماما مبروك يا مالك
نورهان ومالك : الله يبارك فيكي
لارا : جودي مالك
جودي بتعب : ولا حاجه هطلع ارتاح
يارا : اساعدك
جودي : ها لا
وطلعت الي غرفتها اخذت المسكن وجلست تبكي علي حالها وانها ستتطلق بعد أسبوع
************************************
في مكتب علي
عدي : حضرتك عايزني في حاجه
علي : اي
عدي : ايه
علي : انا عارف انت اتجوزت جودي ليه
عدي ببرود : ليه
علي : عشان جايدا السكرتيرة
عدي ببرود : طيب وايه المشكله الكل هنا عارف
علي : يخربيت برودك يا شيخ انت ايه انت شيطان اتجوزت اخت تنتقم منها عشان حبيت اختها ومثلت عليك انها بتحبك
عدي : وايه كمان
علي : انا اما طلبت جودي كان لاسباب يا تري عرفت ليه
عدي : لا ومسألتش ولا عايز اعرف
علي : مش عايز تعرف هي عارفه الحقيقة ولا لا ولا حتي انها مضت علي ورق بدون تفكير مش عايز تعرف ورق ايه ده
عدي : بس هي مجبتش سيره امضة ورق
علي : انا طلبت جودي يومها وعرفتها ان عارف انك متجوزها غصب وقولتها مش حابه تعرفي السبب توقع قالت ايه
عدي : ايه
علي : قالتلي انا بحب عدي من اول مره شفته وان كان جوازه انتقام فسيبه ينتقم هو عارف انه مش معرفني يبقي بيعزبني وبينتقم فسيبه ينتقم براحته لو ده هيريحه......انا قولتلها تمضي على ورق يقول انها مش هتاخد اي فلوس مننا لو اتطلقت انت عارف عملت ايه
عدي : ايه
علي : ههههه هبله مفكرتش للحظه انها متمضيش عارف اما سألتها قالتلي ايه......قالتلي الظاهر انك مصدقتش اني بحب عدي بجد....انا موافقتش چيلان تتجوز مالك الا اما اتأكدت من تربيت ابوهم ليهم مع اني متأكد ان جودي مفيش منها اتنين عدي اياك ثم اياك تخسر مراتك جودي
تركه عدي وذهب الي غرفته ونظر لجودي النائمه ودموعه نزلت ثم مسحها وشدها الي حضنه فاستيقظت وذهلت من طريقته
جودي : عدي
عدي : قلبي
جودي : ابعد
فبعد ونظر لعيونها الزرقاء
عدي : جودي انا بحبك
لاول مره تشعر جودي انه لا يمثل فحاولت منع دموعها وقالت بجمود
جودي : بجد
عدي : وقسما بالله بحبك لا بعشقك وبموت فيكي
جودي : وانا مقدرش انسي اللي حصل حاسه انك هتطلع كذاب زي المره اللي فاتت ومستحيل اثق فيك وهطلق منك بعد أسبوع وهكمل حياتي وهنساك زي ما حبيتك فهمت
عدي : بتقولي ايه
جودي بجمود : بقول بكرهك يا عدي بكرهك اوي
عدي : جودي بس انا بحبك
جودي : هههههه منا كنت بحبك كنت مستعده اكمل معاك لحد ما......سيبك المهم انتقامك خلص ولو عندك ذره مشاعر نحيتي طلقني
عدي : .......
************************************
بقلمي / سماء أحمد
الفصل العشرون
مر أسبوع بدون احداث تذكر سوا رفض جلال حضور فرح احمد هو والعائله
واخبار عشق كل شئ لرعد وهو قرر اخبارها بحبه حتي لا يخسرها مثل احمد وعدي
ومحاوله عدي لتصليح الامور بينه وبين جودي التي تكسر قلبه باستمرار
وجاسر الذي قرر مصارحة يارا بمشاعره
*************************
في البيوتي سنتر
تجمع الفتيات في المركز وتجهزوا بافضل الطرق فاكتفي احمد بكتب كتاب بسيط فكانت نورهان ترتدي فستان اوف وايت بسيط ينسدل بطريقه جميله وفعلت تسريحه جميله بينما يارا فارتدت فستان احمر قصير ورفعت شعرها لاعلي اما لارا فارتدت فستان اسود قصير وتركت لشعرها العنان وهمس ارتدت فستان قصير ابيض وجودي ارتدت فستان سماوي بسيط مع حجاب وعشق ارتدت فستان بينك يضيق حتي الركبه وينزل باتساع وتركت لشعرها العنان وچيلان تألقت بفستانها الابيض وحجابها الرائع
وجاء الشباب واصطحب كل منهما زوجته وذهب الي القاعه وتم كتب كتاب احمد ونورهان وبدأ الاحتفال بفرح مالك وچيلان وبعد وقت اخذ عدي جودي لمكان ما كان مزين بطريقه جميله واغمي اعيونها
جودي بعصبيه : انت بتعمل ايه اشتال البتاع ده
عدي : استني بس
جودي : عدي
عدي : خلاص وفك الرباط من علي اعينها ايه رأيك
جودي بابتسامه حزن : روعه تحفه بجد بيفكرني بالضبط بيوم جرحك ليا
عدي بحزن : جودي
جودي : طلقني
عدي : ايه
جودي : طلقني يا عدي انا قررت النهارده هرجع مع بابا
عدي : مستحيل اطلقك
جودي : وانا مستحيل افضل علي ذمتك انت اللي انتقمت مني لسبب اوبس صحيح معرفش انت اللي هددتني بأختي واهلي بكرهك افهم بقي
عدي : وانا بعشقك افهمي
جودي : ليه انت تعرف الحب عشان تعرف العشق انت انسان اناني وبس....وتركته وذهبت ووقف هو مكانه
*************************
في القاعة انتهي الفرح واخذ احمد نورهان وكذلك مالك وذهبوا وتركوا عمار وهمس وكان العائله يبحثوا عن لارا وجودي وعشق وعدي
في مكان خارج القاعه
عشق : لارا عملتي ايه في موضوع جودي
لارا بفرحه : لقيت العلاج
عشق : ايه
لارا : بعت التحاليل لدكتور مختص في امريكا وقال المفروض تعمل العمليه في اسرع وقت وفي امل
عشق بفرحه : بجد مش مصدقه
لارا : انا هموت من الفرحه حاولت اقولك من الصبح بس معرفتش عشان العيله وكده
عشق : اهم حاجة قولتي....التكاليف كام
لارا : هي مكلفه شويه
عشق : مش مشكله هتصرف انا في الفلوس
جودي : ومين قالكم اني هسمح لحد فيكم يدفعلي حاجه او اني هعمل العمليه اصلا
عشق : ايه
جودي : انا مش هعمل عمليات انا عايزه اموت معنديش اسباب اني اعيش عشانها
صفعه قويه تلقاتها من عشق
***********************
وصل عدي للعائله وهو حزين مما حدث
يارا : عدي فين جودي
عدي : معرفش
جاسر : وبردك مش عارفين فين عشق ولارا
ادهم : اكيد هنا عشان لارا لو كانت هتمشي كانت هتقولي
رعد : اي وعشق كمان
سمعوا صوت صراخ عشق فذهبوا باتجاه الصوت وجدوا جودي تضع يدها علي وجهها وكأنها تلقت صفعه ودموعها تنزل
عشق بصراخ : انتي ايه مستحيل تكوني بنأدمه انتي مخادعه كلكم مخادعين كل اللي في حياتي كده انتي بتعملي زي امي بتفكروا في نفسكم قبل اللي بيحبوكم موتي يا جودي وريحيني صدقيني مش هعيط عليكي عارفه ليه لانك بنسبالي كذابه ومخادعه
جودي بصراخ : اي انا كده ابعدوا عني بقي سيبوني في حالي انا عايزه كده محدش بيفهمني غير ماما نور وبس انا بكرهكم وبكره نفسي يا رب اموت الدق.
اخذت صفعة اخري من عشق امامهم
عشق : انتي واحده حقيره وزباله وانانيه انتي مستحيل تكوني اختي اختي ماتت خلاص ولا اقولك عشان احرقلك دمك اعتبريني انا اللي مت اي عشق ماتت بس مش هسامحك يمكن سامحت امي بس انتي لا يا جودي وبدأت ترجع للوراء
لارا : عشق
مسكها رعد من يديها
رعد : راحه فين
عشق : في داهيه هو انا اهم حد
رعد : اي
عشق ببكاء : ههههه مين امي اللي ماتت قبل ما تفكر فيا ولا اختي هههههه
رعد : تهميني انا بحبك يا عشق لا بعشقك
عشق بصراخ : متحبنيش انا مبحبش حد انا بكره كل الناس حتي انت يا رعد متحبش عشق انا مبحبكش
رعد بصدمه : ايه
عشق : اي مبحبكش يا رعد انت مجرد صديق وبس انما انا مش بحبك
جودي : بتخسري
عشق : هههههه منا خسرت ومن زمان اوي ههههه بتحبني يا رعد انت بتحب معقده نفسيا احسنلك ابعد عني اقولك طلقني يا رعد معدش ينفع اعيش معاك
جودي بصراخ : غبيه وجبانه
عشق : هههههه وانتي ضعيفه ومخادعه انانيه وكذابه تصدقي اني بقرف منك ومن معرفتك بكره نفسي لانك اختي بكرهك يا جودي وبكره رعد اوي بكرهكم بكل للكلمه من معني
هذه المره صفعتها جودي.....نظرت لهم عشق بدموع تنزل بشده وتركتهم وذهبت تجري
كان الكل يقف لا يفهم شيء
رعد : مكنش المفروض تضربيها يا جودي دي عشقي خايف يجرالها حاجه.....لا
وذهب يجري ورأها
عدي : ممكن افهم في ايه
لارا بدموع : في ان مراتك مخادعه واستغلاليه بتستغلي مين حب اختك ليكي يا شيخه اتقي ربنا دا بتحبك وجات علي باباه عشانك
جودي : محدش ليه دعوه
لارا : فعلا محدش ليه دعوه انتي حره بس لو عشق جرالها حاجه هتكوني السبب يا........جودي هانم
وتركتها وذهبت وذهب الكل بما فيهم جودي
************************************
في فيلا احمد المكونه من طابقين
احمد : احم اتفضلي يا نورهان
نورهان : شكرا يا احمد
احمد : اوضتنا في الطابق التاني
نورهان : اوضتي انا فين
احمد : بتقولي ايه
نورهان : بقول انك انسان كويس جدا وطيب عشان قبلت تتجوز علي مراتك عشان بناتك
احمد : انتي
نورهان : ايوه يا احمد عارفه يوم ماقبلتك سمعت لارا وجودي بيقولوا عارفه انك هتسأل نفسك مقولتش لعدي ليه....لان عدي من حقه يعرف بس من جودي مش مني
احمد : بجد مش عارف اقولك ايه
نورهان بابتسامه : قولي اوضتي فين لاني هموت وانام
احمد : ههههه ماشي تعالي اوريهالك
وذهبوا سويا لاحدي الغرف واخبرا نورهان انها لها وان اوضته بجانبها
**************************
في يخت مالك
چيلان : الله يا مالك اليخت دا جميل اوي
مالك : انتي الاجمل
چيلان بكسوف : شكرا
مالك : چيلان عايز اقولك حاجة مخبيها عليكي من زمان
چيلان : احم ايه
مالك : انا بحبك يا چيلان
چيلان : اممم
مالك : اممم ايه مش هتقولي حاجة
چيلان : هقول ايه
مالك بضيق : ولا حاجه كان سيذهب ولكنها مسكت يديه
چيلان : مالك يا مالك
مالك : مفيش يا چيلان
چيلان : طيب بحبك
مالك : بجد
چيلان : وقسما بالله بحبك
حملها مالك وظل يدور بها وهي تضحك
****************************
خرج رعد وكان خائف علي عشق لم يجدها فركب سيارته وظل ينظر للطريق في امل ان يجدها ووجد ناس متجمعين وسأل احدهم فاخبره بأنها حادثه شديده لفتاه ويبدو ان البنت ماتت
اما عشق فخرجت وهي تجري وتبكي بشده
عشق ببكاء : سامحني يا رعد بحبك اوي بس مقدرش اخسرك او تخسرني زي بابا وماما والوقتي عدي وجودي عارفه اني جبانه وفجأه وهي تجري جاءت سياره بسرعه رهيبه وخبطتها ووقعت عشق وسط دمها
عشق : رعد ثم وجدته يقترب وسط الناس فابتسمت ونامت لكن هل سيكون للابد
دخل رعد وسط الناس وانصدم بوجودها وسط دمها فصرخ بكل ما اوتيه بقوه
رعد بصراخ : عشششق وجلس علي الارض ورفع رأسها عشق قومي يا حبيبتي عشق قومي عشان رعدك عششششق حد يطلب الاسعاف عشششق
*****************************
في قصر المهدي
وصل الكل وتجمعوا في الصالون
علي : جودي مش هسألك علي اللي حصل بينك انتي واختك لان دا شيء خاص بس هنصحك اوعي تخسريها
جودي : للاسف يا جدي كلامك جيه متأخر لاني خسرتها خلاص
لارا : هههههه انتي مش بس خسرتيها انتي خسرتي انكل احمد وباباكي ومامتك واختك واخوكي وحتي انا بغبائك
جودي : لو عملت اللي عايزينه اكون غبيه فعلا
لارا : بتحبي مامتك نور
جودي : ايه
لارا : جاوبي
جودي : لارا عاوزه ايه اكيد بحبها
لارا اقتربت منها وهمست بأذنها : عارفه شعورك اما ماتت كان عند عشق اضعاف لانها امها اللي حملتها في بطنها ونفس الشعور هيرجع لعشق اما انتي تموتي اختك لا اللي بتسميها اختك هتموت للمره التانيه بالبطئ تخيلي كده شعورك لو عشق ماتت الوقتي
وبعدت عنها ودموع جودي انسابت بشده
لارا بدموع : ههههه اتخيلتي لو جالك تليفون الوقتي وقالك كده
ظلت جودي تحرك رأسها علامه الرفض
علي بصراخ : لارا قولتلها ايه
لارا : اسألها وذهبت لغرفتها
ادهم : لارا
لارا ببكاء : ادهم سيبني لوحدي ارجوك
وذهبت بينما جرت جودي علي غرفتها وذهب كل واحد لغرفته واخذ جاسر عمار معه
******************************
في غرفة عدي
كانت جودي تجلس وتبكي وتحاول الاتصال بعشق ولكنها لا تجب
جودي ببكاء : سامحيني يا عشق ارجوكي ردي وهعمل اللي انتي عايزاه
وصل عدي للغرفه ويبدو عليه العصبيه الشديده
عدي بعصبية : عملتي ايه في عشق
جودي : ملكش فيه
تعصب عدي اكتر وذهب شدها من حجابها
عدي : اما اكلمك عدل تردي زي الناس فاهمه
جودي : لا مش فاهمه وفجأه شعرت بألم في رأسها يزيد تدريجي فبعدت يديه وظلت تدور علي المسكن ولكنها لم تجده
عدي : بتعملي ايه تعالي هنا وشدها من زراعها
جودي : سيبني دماغي
عدي : ههههه تمثليه جديده مش هسيبك
جودي ببكاء : هموت دماغي
تركها عدي ونظر لها بقلق
جودي : ااااااه دماغي ومسكته بيداها
عدي : جودي مالك
جودي : دور ع المسكن هموت دماغي
عدي : مسكن ايه
جودي بصراخ : ااااااه شوفه يا عدي ارجوك هموت
ظل عدي يدور علي اي مسكن ولكنه لم يجد شئ وهي تصرخ
عدي : استني هبعت اجيبه بس لايه ماله دماغك
جودي ممسكه برأسها : خلاص اااااه
عدي : جودي لايه
جودي : سرطان عندي سرطان يا عدي هات من لارا عندها اضافي ليا
توقفت الساعه فقط ما يدور بباله هو انها ستموت
جودي : ااااااه
انتبه عدي لصراخها وذهب بسرعه لغرفه لارا
عدي بصراخ جاء لاجله كل العائله : لارا افتحي بسرعه لارا
لارا ببكاء : ايه
عدي : مسكن لجودي دماغها بيوجعها اوي
لارا : ثواني ودخلت جلبت علبه وخرجت مسرعه لغرفتهم وورأها الكل وجدوا جودي تمسك دماغها وتصرخ
لارا : جودي خديه
جودي : لارا دماغي
لارا : خدي بس
عمار ببكاء : جودي مالك
جودي : عمار عايزه عشق
حضنها عمار وقال انا قلقان اوي يا جودي
جودي : قلبي وجعني اوي هاتلي عشق يا عمار
عمار : حاضر هجيبها وبعد واتصل علي عشق كثيرا ولكنها لم تجب وفعلت لارا المثل
جاسر : ردت يا لارا
لارا ببكاء : لا انا خايفه عليها اوي
يارا : جودي في ايه ايه اللي خلاكي كده
جودي : انا عندي كانسر يا يارا
صدم الجميع من كلامها وعدي صامت لم يتكلم نهائي
عمار : زي ماما عشان كده عشق.....
جودي : عدي رن علي رعد
رن عدي علي رعد وبعد محاولات رد
عدي : رعد انت فين مبتردوش ليه....رعد رد.....رعد
رعد بصوت يكاد يكون مسموع : ايه
عدي : انتوا فينكم انت وعشق
رعد : عشق عملت حادثه وبين الحياة والموت
************************************
بقلمي / سماء أحمد
تعليقات
إرسال تعليق