 |
الفصل الواحد وعشرون
جاءت الاسعاف واخذت عشق وركب رعد معها ثم وصلوا للمستشفي ودخلت عشق للعمليات بينما خلع رعد جاكته وجلس علي الارض وقميصه الابيض ملطخ بدم عشق سند رأسه علي الحائط يتذكر كل شيء معها منذ اول لقاء حتي تركته وتمني ان تظل تكرهه ولكن لا تتركه قاطع تفكيره صوت فونه برقم عدي فاجاب عليه واخبره عن عشق وعن المستشفى
وبعد نصف ساعة وصل عدي والعائله وحزنوا من منظر رعد فهم يعرفوا عنه القوه لا الانكسار فذهب عدي لجانب رفيقه بينما جلست جودي في زاويه تبكي وتوأنب نفسها
عدي : رعد
رعد : ......
عدي : هتقوم يا صاحبي صدقني ان مكنش عشان نفسها يبقي عشانك
رعد : انت عارف يا عدي اول مره شوفتها كانت شبه الملاك جميله اوي حبيتها انا دايما كنت اقول مش هحب بس حبتها من اول نظره محستش بنفسي الا وانا بعتبرها بنتي قبل مراتي بخاف علي زعلها بحب ضحكتها وكل حاجه فيها واما اعترفتلها النهارده يمكن كسرت قلبي بس متجيش حاجه في كسرت قلبي لما بشوف دموعها ياريت يا عدي تقوم حتي لو هتفضل كارهاني طول عمرها
عدي بدموع تنزل علي رفيقه : صدقني ان شاء الله هتقوم لانها عشق الرعد فهمت
رعد : يارب
وبعد ساعتين خرجت الممرضه
رعد : عشق عامله ايه
الممرضه : للاسف حالتها خطره اوي بسبب الحادثه واحنا عايزين دم لان فصيلتها نادره وفقدت كميه كبيره اوي من دمها
رعد : فصيلتها ايه
الممرضه : o سالب
رعد : دي فصيلتي
الممرضه : اتفضل معايا
وذهب رعد مع الممرضه الي غرفه وبدأوا يسحبوا منه الدم
الممرضه : خلاص حضرتك معتش ينفع نسحب اكتر من كده
رعد : ليه
الممرضه : احنا سحبنا كميه كبيره وللاسف نزيف المريضه مش بيوقف وعايزين دم اكتر
رعد : خدي كل دمي
الممرضه : مينفعش حضرتك ممكن تتأذي وتدخل في غيبوبه
رعد بحده : اسحبي بقولك
الممرضه : مينفعش
رعد بزعيق : قولت اسحبي
جاء الدكتور علي صوته
الدكتور : في ايه
الممرضه : الاستاذ مراته في العمليات وخدنا منه دم بس مش مكفي وفصيلتها نادره والاستاذ عايز يتبرع بدم اكتر بس ممكن يموت فيها وانا برفض بس هو مصر
الدكتور : مينفعش يا استاذ
رعد : وينفع هي تموت
ثم قام رعد وسحب الابره ثم مسك الدكتور من ملابسه
رعد : وقسما بالله لو منفذت اللي قولته لكون مولع فيك وفي المستشفي فهمت قالها بصراخ
الدكتور بخوف : اسحبي منه بس الاول يمضي اقرار لاخلاء المسئوليه عن المستشفي في حاله حصل حاجه
اومأت الممرضه ومضي رعد علي اقرار وبدأت الممرضه تسحب من دمه حتي اقترب علي فقد الوعي فأخبرت من بالخارج
رعد : عشق
الممرضه : استاذ رعد انت كويس
رعد : عشق
دخل عدي وادهم له
عدي : رعد
رعد : عشق
ادهم : عشق تخطت مرحله الخطر
رعد : خلوا بالكم منها وقوللها اني بحبها
بدأوا كل شيء يسود امامه وفقد وعيه
ادهم بصراخ : رعد فوق رعد
عدي : رعد نادوا للدكتور
الممرضه : حاضر
وذهبت وجاء الدكتور
الدكتور : اتسحب منه دم كتير ونظرا لقوة جسده دخل في غيبوبه بس لكن لو حد مكانه كان مات الافضل تتسرفوا في دم ليه والوقتي هيتحول للعنايه المركزه مقدرش اقولكم هيفوق تاني ولا لا
ونقلوا رعد للعنايه وخرج عدي وجلس علي كرسي ووضع رأسه بين يديه ودموعه نزلت ويفكر في صديقه الذي لا يعلم ما ان سيفوق وحبيبته المريضه ولا يعلم ما ان ستعيش ام لا وعشق الفتاه التي تحب الحياه وهي الان في طريقها للموت
اما جودي فتتذكر كل شيء وما كانت تقدمه لها عشق بينما هي رفضت طلبها الوحيد وفي لحظه ستفقدها
***********************************
مر اسبوعان رعد وعشق في غيبوبه وجودي لا تتحدث مع احد تذهب للمنزل تبدل ملابسها وترجع تاني بدون كلمه
علم احمد بما حدث لابنته واخبره عمار بما حدث من اول مشكلتها مع جودي فلم يتحدث مع جودي ولم يعاتبها ونورهان بجانبه لحظه بلحظه بينما علمت چيلان لتوها فجاءت مسرعه مع زوجها
چيلان ببكاء : بابا ايه اللي حصل لعشق
احمد :.......
چيلان : بابا رد ارجوك
مالك : چيلان اهدي
چيلان بصراخ وبكاء : اهدي ازاي اختي بين الحياة والموت وتقولي اهدي وانتم مخبين عليا ليه وانتي يا جودي مش كنتوا بتقولوا اننا مثلث انتم هديتوا المثلث ده جودي ردي وظلت تهز فيها وجودي دموعها تنزل بصمت ردي ارجوكي ردي
وبعد بكاء مرير
جودي بصراخ : انا اللي موت عشق يا چيلان انا اللي قتلتها هي ايه ذنبها كانت عايزه تنقذني من مرضي بس انا خدعتها وقولتلها اني هتعالج بس رفضت وهي اديقت وذعقت وصرخت وانا طنشتها وسبتها تمشي مشت ومرجعتش
چيلان : مرضك
جودي : اي انا اللي قتلتها بسبب مرضي انا عندي كانسر
نظرت لها چيلان ثم بعدت وجلست في زاويه وضمت ارجلها وبكت في صمت بينما نظر احمد لبناته وابنه الذي يبكي وينظر لاخته عبر الزجاج فدخل لعشق وظل معها وقت ثم خرج
احمد : جودي لاخر مره هسألك هتعملي العمليه ولا لاء
جودي : مش عايزه اعملها
عدي : يعني ايه مش عايزه
جودي : اعملها واعيش لمين هاااه رد امي وماتت وعشق وبت... وبابا في حياته وچيلان في حياتها وبابا وماما جنب بعض معتش ليا حد
عدي : وانا
جودي : انت انت ايه رد تعرف يا عدي يوم ماعرفت بالمرض كنت ناويه اقولك ويومها اعترفتلي بحبك مره تانيه وكنت مبسوطه لما قولت ان ليا مفاجأه بس الصدمه ان كان كله خدعه عارف كنت ناويه اقولك اني مريضه ولو فيه علاج هتعالج عشانك وان مكنش فيه هعيش معاك الباقي لحظه بلحظه
عدي : بس انا الوقتي بحبك
جودي : وانا بكره حبك ليا
احمد : جودي هتعملي العمليه والمره دي مش عشانك لا عشان عدي واعرفي حاجه مفيش اصعب من فراق الحبيب حطي نفسك للحظه مكان عدي
فكرت جودي قليلا وقالت انا هعملها بس مش عشان عدي عشان عشق عشق وبس
احمد : عدي سافر انت وجودي عشان تعمل العمليه
تفاجؤا بدخول الدكتور لغرفه رعد سريعا وبعد اثنين والممرضات تجري وبعد وقت خرج الدكتور
عدي : في ايه
الدكتور : انا اسف بس حالته صعبه اوي وفي اي لحظه ممكن
ادهم : ممكن ايه
الدكتور : يموت فادعوله
وتركهم وذهبت بينما دخل احمد لعشق
احمد بدموع : قومي يا عشق مش هقول عشاني لا عشان رعد رعد بيموت يا عشق انا عارف انك بتحبيه قومي عشانه
وبدأت الاجهزه تصفر فخاف احمد وناد علي الدكتور فجاء وبعد وقت خرج
الدكتور : الحمد لله كانت هتروح فيها بس كويس هي فاقت هتفضل تحت الملاحظه 24ساعه بعدين ننقلها لاوضه عاديه
احمد : شكرا يا دكتور ممكن نشوفها
الدكتور : بس مش كلكم اكيد
فدخل احمد وجودي ونورهان وچيلان وعمار وثناء فقط
نظرت عشق لهم كلهم ثم نزلت دمعه ولم تتكلم
احمد : عشق انتي كويسه
عشق : ايوه
جودي : حمد لله علي سلامتك
نظرت لها عشق ولم تجب
عشق : عايزه ارتاح ممكن تطلعوا بره
نورهان : اكيد وخرجوا كلهم وجلست جودي تبكي
جودي ببكاء : مستحيل تسامحني هي بتكرهني
چيلان : متوقعه تخدك بالاحضان استحملي بقي
احمد : اهدي هي هتكون كويسه
عند عشق
بعد خروجهم بكت
عشق : متوقعه ايه هيكون معاهم مستنيكي دا ان مكنش سابك خالص بحبك اوي يا رعد يا رب اشوفه ولو للحظه
مر اسبوع تغير فيه اشياء كثيره سافرت جودي لامريكا مع عدي ويارا وجاسر لم تعلم عشق شئ عن رعد ولم تسأل حتي بينما لم يخبرها احمد شئ وامر العائله بفعل ذلك وهي لم تبدي اي رده فعل بمعرفتها بسفر جودي ورعد كما هو في غيبوبه
كان الكل عند عشق بعدما تحسنت كثيرا جدا
لارا : حمد لله علي سلامتك يا حلوه انتي
عشق : الله يسلمك يا لارا
مالك : ايه شعورك حاليا
عشق : ولا اي حاجه والحمد لله...چيلان مالك
چيلان :احم مفيش
عشق : چيلان
عمار : زعلانه منك ومن جودي
عشق : خلاص بقي قلبك ابيض
عمار : ليه هي عندها قلب
چيلان : امال كوز دره ذيك
عمار : الله يسلمك يا اختشي
علي : ههههه يخربيت لماضت عيالك يا احمد بيضحكوني من اقل حاجه
احمد : دول مجانين واطفال
عشق : حتي انا يا ابو حميد
احمد : وانتي اولهم يا عشقي
نورهان : كده هنزودها عليها يا احمد تعالوا نسيبها ترتاح
عشق : لا اقعدوا معايا كفايه مشفتش رع.... همس مالك
همس : مالي منا كويسه
عشق : في ايه يا همس
نورهان بتوتر : مفيش هي بس زعلانه عليكي وعلي رع اصدي جودي
عشق وقد لمحت توترها : رعد فين حد يرد هو سابني مش كده
لارا : انتي بتهزري ازاي هيسيبك وهو بيعشقك اصلا
عشق : امال فين رعد
لم يجب احد
عشق بصراخ : بقولكم فين رعد
لم يجب احد
عشق بصراخ اشد : رعد فين
احمد : اهدي يا عشق هقولك
عشق : قول يا بابا
حكي لها ما حدث له فاغمضت عينها ووضعت يداها علي وجهها وبكت ثم قامت وسحبت الكانيولا
نورهان : عشق انتي تعبانه
عشق : عايزه رعد يا ماما
احمد : تعالي هوديكي ليه
وذهبت لرعد في غرفته ووجدت الكثير من الاجهزه موصلة اليه
عشق ببكاء مرير : رعد قوم يا حبيبي انا اسفه واللهي العظيم بحبك قوم عشان خاطري مقدرش اعيش من غيرك ثم اكملت بصراخ قوم يا رعد متسبنيش قوم بقي
احمد : عشق
عشق بصراخ : سيبوني لوحدي
فخرج احمد والكل وقفلوا الباب وتركوها فاقتربت منه وبكت اكثر واكملت بصوت ضعيف
عشق : رعد حبيبي قوم يلا خلينا نروح لبيتنا انا اسفه انا جرحتك سامحني انا بحبك لا بعشقك وبموت فيك من زمان بس كنت خايفه سامحني يا رعد
ظلت بجانبه ما يقارب ساعه حتي قلق احمد ودخل وجدها مغمي عليها ويداها تنزف فحملها وذهب لغرفتها وناد للدكتور حتي فاقت
************************************
مر ثلاثة اشهر اصعب ثلاثة اشهر عليها تبكي بشده بجانبه
نجحت عمليه جودي وعادت مع عدي الذي رفض ان يطلقها مما جعلها تتضايق ولا تتحدث معه وتحاول مررا التحدث مع عشق ولكنها لا تعطيها اي اهتمام وبدأوا الحضور في الجامعة ومن يراهم يقول ان ليس لهم صله والشئ المشترك هو چيلان التي علمت بحملها وفرح الكل
جاسر اخبر يارا بحبه وهي رفضته لسبب لا يفهم منه شئ
لارا ذهبت لتعيش مع عشق التي رفضت ترك قصرها هي ورعد وذود عدي الحراسه عليهم
عدي يحاول مع جودي حتي تسامحه ولكنها ترفض التحدث معه ولا تشعر بمعاناته من اجلها واجل رفيقه
رفض يوسف الزواج بعدما تحدد وقرر تأجيله من اجل رعد
نورهان تقف بجانب احمد لمساعدة ابنتهم وتحاول دائما جعل مكان في قلبه لها ولكنه كمن قفل قلبه بقفل وضاع مفتاحه
************************************
استيقظت عشق من نومها ودخلت الحمام وأخذت شاور وتوضأت وارتدت ملابسها وادت فريضتها واخذت السياره ركبتها وخرجت متجهه للمستشفى
عشق : صباحك عشق يا رعود وقبلته من وجنته عارف وحشتني قد ايه عارفه من امبارح بليل للنهارده كام ساعه بس المستشفي البارده دي مش بتسمحلي ببيات يلا فكك هروح انا الجامعه مش هتأخر وهاجي اعملك ازعاج بحبك يا رعدي وقبلته وذهبت الي كليتها وصلت وكان الدكتور دخل
عشق : سوري يا دكتور
الدكتور : حضرتك اتأخرتي ليه المفروض انك تكوني قبلي هنا
عشق : والمفروض ان المحاضره بدأه من عشر دقايق وحضرتك داخل ادامي على طول يعني ذي ماليك حقوق عليك واجبات
الدكتور : احم اتفضلي ومعتيش تتأخري.
عشق : وحضرتك كمان وتركته ودخلت وجدت جودي لم تعيرها انتباه لا هي ولا حتي البنات الذين يحسدونها علي جمالها والشباب الذين ينظرون نظره اعجاب
وانتهت المحاضره وخرجت عشق ولكن اوفقها صوت ما
************************************
بقلمي / سماء أحمد
الفصل الثاني وعشرون
ذهب عدي لرعد قبل ذهابه لشركته
عدي : ازيك يا صاحبي انا تمام والشغل تمام ايه دا الورد اتغير يبقي عشق جات اه دي بتعشقك سيبك انت عامل انا مقولتلكش مش شركتنا بقت مشهوره جدا وبتتحدي الوقتي مجموعة شركات المهدي هههههههه شفت حد بيتحدي نفسه اهو انا بقي عارف اني اتكلمت كتير هروح الشغل وابقي امر عليك سلام
**********************************
جودي : عشق
توقفت للحظه ثم اكملت طريقها فذهبت الي المقهي وجلست وطلبت بيبسي وكالعاده منذ فراق رعد لا تشربه جاءت چيلان اليها مقبله وجنتها وجلست
چيلان : عشقي عامله ايه
عشق : عادي وانتي والبوب الصغير
چيلان : كويسين الحمد لله.....رعد عامل ايه
عشق : مفيش جديد
چيلان : ان شاء الله هيبقي كويس انا ورايا محاضره هبقي اقابلك بعدها
عشق : اوكي
فجاءت صديقة لها تدعي سيلا
(سيلا محمود 20 سنه عيون كالزمرد وبشره خمريه شعر اسود طويل متوسطه الطول جميله جدا)
سيلا : عشق هانم ازي حضرتك اتمني تكون ضيافتنا عجبت حضرتك وتطنيشك ليا
نظرت لها عشق بكل هدوء وقالت اقعدي
سيلا : يخربيت البرود تلاجه يا خواتي طب ابتسمي يا شللي
عشق : تشربي حاجه اطلبها
سيلا : اشطاا ماشي هقوم اجيب محاضره امبارح وهاجي عايزه حاجه سلابرتقال وتركتها وذهبت
عشق : مجنونه
جاء احد الشباب اليها
الشاب : هاااي انا كرم
عشق : افندم
كرم : طيب قولي اقعد ع العموم هقعد.
عشق بعصبيه : تعرف تمشي من وشي
كرم : اهدي بس انا بصراحة شدتني شخصيتك يعني بتيجي ساعة المحاضره وتمشي علي طول بتقعدي في المقهي وتطلبي بيبسي ومش بتشربيه في بنت محجبه بتنادي عليكي بتطنشيها البنت اللي ماشيه من شويه بتقعد خمس دقايق وتمشي وصديقه تانيه بس مش اكتر
عشق : انت مالك بكل ده وبتراقبني بتاع ايه
كرم : مش عارف شخصيتك شدتني
عشق : خلصت مبدئياً كده انت افورت وانا اللي هسبلك المكان وملكش دعوه بيا مفهوم
وتركته وذهبت واوقفتها جودي ممسكه بيديها
جودي بدموع : عشق
عشق : سيبي ايدي
جودي : سامحيني
عشق : اسامحك انتي مين اصلا عشان اسامحك
جودي : انا اختك
عشق : كنت اختي قبل ما تخدعني كنت اختي قبل ما تخليني اجبر بابا علي حاجه كنت اختي قبل ما تخليني احققلك امنياتك وترفضي طلبي....عارفه انا كل اللي قهرني رعد واللي حصله اوعي تكوني هبله ومفكره اني مبحبوش لا انا بعشقه ومن زمان كمان من اول ما شوفته حبيته وعشقته بعد اما عاملني زي بابا
جودي : وانتي عملتي كده ليه
عشق بدموع : عشان كنت خايفه لاخسره زي ماما بابا خسر ماما وزي ما عدي هيخسرك متوقعه ايه من واحده كل العلاقات اللي قدامها فاشله ونهايتها الموت لازم معلقوش بيا عشان ميتألمش
وبدأت في البكاء ووضعت يداها علي فمها لمنع شهقاتها وتركتها وذهبت الي المحاضره وجودي بكت بشده وذهبت ورأها وجدتها تجلس وتنظر الي الفون وتمسح دموعها التي تنزل ولكنها لا تتوقف وبجانبها سيلا فجلست بعيد عنها تنظر لها ودخل الدكتور وكان شاب في اواخر العشرينات يبدو عليه القوه والوسامه يتميز بعيونه السوداء وبشرته البيضاء وشعره البني وغمزاته التي تظهر طويل القامه جسمه رياضي
الدكتور : انا دكتور كرم جيت مكان دكتور معتز وهدرسلكم الماده دي بتمني ان محدش يتأخر عن محاضرتي والاهمال ممنوع اعتبروني اخوكم واللي يقف عليه حاجه يجي علي مكتبي حد عنده اسئله.....تمام انتي اتفضلي اقفي
خبطت سيلا عشق في زراعها لتنتبه
كرم : اتفضلي قومي انا مش بكلم نفسي عشان حضرتك تبصي للتليفون وتعيطي
وقفت عشق وقالت بكل برود وحضرتك معصب نفسك ليه اهدي لطقلك عرق
لم تستطع سيلا منع ضحكتها فضحكت علي برود صديقتها
كرم : انتي اللي جنبها
سيلا بضحكه : انا
كرم : اي انتي وهيا بره
عشق : هدي اعضائك هنطلع
سيلا : بجد شكرا يا دكتور انا من زمان نفسي اتطرد وحضرتك حققت امنيتي ميرسي
كرم : استنوا قولوا اسمائكم وبعد المحاضره تعالوا ع المكتب
عشق : عشق احمد
سيلا : سيلا محمود
جودي : جودي محمد خد اسمي انا كمان عشان مستحيل اقعد في مكان اختي مطروده منه
نظرت لها عشق ولم تجب
كرم : انتم التلاته انتي مرات عدي المهدي
جودي : اي
كرم : طيب تعرفي مرات رعد صاحبه
عشق : يلا يا جودي
فهمت انها لا تريد ان يعرف فقالت حضرتك اسأل عليها وتركته وذهبت مع الفتيات
سيلا : مقولتيش ليه انك مرات رعد
عشق : كده مش عايزه حد يبص ليا بصة شفقه
جودي : عشق انا اسفه ارجوكي
عشق : انا تعبت اوي ومعتش قادره هسامحك لو سامحتي عدي
جودي : مسامحاه سامحيني بقي
عشق : اكيد يا مجنونه مستحيل افضل كتير زعلانه كنت بطنشك عشان لو كلمتيني مقدرش اسكت
جودي : الله عليكي يا عشقي وحضنتها
سيلا : يلا بقي نحتفل برجوع الاخوه
عشق : لا مش جايلي مزاج رعد واحشني وعايزه اروحله
سيلا : استني اما الغلس اللي جوه يخلص عشان نروحله المكتب
عشق : اممم اسكتي يا بت دانا افهمك من نظرتك دانتي كنتي هتكليه بعينك
سيلا : اتكشفت يعني
جودي : دا عشق يا بنتي
وبعد وقت خرج كرم وورأه الفتيات وذهبوا للمكتب
كرم : انتم عارفين ممكن ارفدكم الوقتي
عشق ببرود : بالنسبالي عادي
كرم : اكيد منتي زمانك من بتوع الوسطات وبتعدي بمقبول
سيلا : ههههه ومن سمعك دي بتنجح بامتياز ودايما الاولي ع الدفعه
كرم : ليه جايلنا منين
سيلا : من المنصوره هيا وجودي
كرم : وحضرتك
سيلا : لا انا من إسكندريه
عشق : ياريت تكون خلصت اصلي مش فاضيه
فرن فون جودي ووجدت انه عدي فعلمت انه بالخارج
جودي : احم وانا كمان
سيلا : لا انا ممكن اقعد عادي اشطااا مشيهم بقي اصلهم واحده كأيبه والتانيه بتتكلم بظروفها
كرم : هههههه طيب تقدروا تمشوا وارجعوا تاني احضروا فذهبوا الاثنين وبقت سيلا
سيلا : عادي ممكن اقعد موريش حاجه
كرم : واهلك
سيلا وبدأت تظهر دموعها : ماتوا ومليش حد
كرم : انا اسف
سيلا : عادي ولا يهمك اطلب حاجه بقي اشربها
استغرب كرم من طريقتها اتبكي وتمزح في وقت واحد
************************************
ذهبت عشق لسيارتها واخذتها وذهبت الي المستشفى
بينما ذهبت جودي لعدي ووجدته يقف امام سيارته فذهبت وقبلته من وجنته فاستغرب بشده من طريقتها
عدي : جودي
جودي : بحبك
عدي : ايه
جودي : بقولك بحبك
عدي : سامحتيني
اومأت برأسها بابتسامه فضحك وحملها ولف بها
جودي : نزلي يا مجنون
عدي : انا مجنون بحبك
جودي : انا اسفه يا عدي علي اللي حصل في اخر فتره
عدي : هو ايه اللي حصل انا مش فاكر غير اني بحببببك
جودي : هههههه بس فضحتنا في الشارع
واخذها وذهبوا الي القصر
****************************
كانت يارا تخرج من جامعتها وجدت جاسر فتضايقت ولم تنظر اليه
جاسر : يارا
يارا : نعم
جاسر : بحبك
يارا : وانا لا
جاسر : يارا ايه اللي غيرك
يارا : واللهي فكر كويس
جاسر : من يوم المقهي وانتي مش طايقاني يبقي في حاجه حصلت
يارا : بتقولي ليه عن اذنك وتركته وذهبت
*******************************
ذهبت عشق لرعد وقبلت وجنته ونزلت دمعه منها علي عينه
عشق : وحشتني اوي قوم بقي النهارده حصل حاجات كتير چيلان جات قعدت معايا في المقهي ومشت وبعدين سيلا اللي كنت حكتلك عنها ومشت وبعدين جيه واحد اسمه كرم شباب وقعد يحكيلي بعمل ايه في يومي وانا اتنرفرت وسبته وجات جودي انبتها شويه لاول مره مش عارفة ليه وبعدين دخلنا المحاضره وانا بعيط ولحظي يبقي الدكتور الجديد كرم ده وزعقلي وانا كلمته ببرود تقوم سيلا تضحك فطردنا الاتنين وجودي طلعت معانا وسامحتها بس الغريب انه عارفك انت وعدي ما علينا
اتكلمت كتير النهارده عارفه استني هتوضي وهاجي اصلي واقرأ في المصحف اشطااا بحبك وقبلته من وجنته ودخلت وجلست معه حتي حل الليل ورجعت للقصر وجدت لارا تضع الطعام مع الداده فأكلوا وجلسوا سويا ثم ناموا
************************************
في صباح يوم جديد استيقظت عشق ودخلت الحمام اخذت شاور وتوضأت لبست ملابسها وادت فريضتها ونزلت وجدت لارا قد حضرت الفطار
لارا : ايه الجمال ده
عشق : مش عارفة بس مبسوطه النهارده اوي مش عارفة ليه بس حاسه بحاجه جميله محستهاش من ساعه اللي حصل لرعد
لارا : ان شاء الله خير
عشق : يارب.....يلا ناكل عشان اروح لرعد واحشني اوي
لارا : يلا
وذهبت الي رعد ودخلت قبلته من وجنته
عشق : ازيك يا رعود وحشتني اوي بابا رن امبارح وقال انه زارك امبارح هو وماما وعمار وهمس مش تقولي انا حاسه بحاجة جميله النهارده مش عارفة ليه هروح الجامعه وهبقي اجي النهارده هتأخر شويه تمام وذهبت وقبلته من شفايفه هذه المره وقالت بعشقك يا عشق عشق وذهبت الي الجامعه
************************************
وصل عدي جودي للجامعه ثم تركها وذهب لرعد وعندما وصل وجد الاطباء عنده فخاف بشده ودخل اليه
عدي : في ايه
الدكتور : اخرج مينفعش تفضل هنا
عدي بعصبية : قولي صاحبي ماله
الدكتور : بيفوق من الغيبوبه
عدي بفرحه : بجد
الدكتور : ايوه
عدي سمعه يهمس باسم ما فاقترب وجده يقول عشق وفاق رعد وجد عدي فقط فقلق
رعد بصوت خافت : عشق فين يا عدي
عدي : متقلقش عشق كويسه وخرجت من غيبوبتها بعد الحادثه باسبوعين
رعد : هي فين
عدي : في الجامعه بتيجي الصبح قبل ماتروح تجبلك ورد من الجنينه وتحطه وتتكلم معاك وبعدين تحضر المحاضرات وتيجي تتكلم معاك وتصلي وتقرأ في المصحف لحد بليل وتروح وتيجي تاني يوم كده انا باجي الصبح اما اقابلها او القيها جات ومشت وباجي بعد الشغل القيها كده بردك
رعد : عايز اشوفها
عدي : هرن عليها
رعد : لا هروحلها انا ساعدني يا عدي
عدي : مينفعش
رعد : ارجوك يا عدي
عدي : حاضر بس هجبلك هدوم ادخل خد انت شاور
رعد : تمام
************************************
في الجامعه تجلس سيلا وعشق وجودي وچيلان
سيلا : كرهته في عيشته امبارح وقعدت اتكلم كتير اوي
جودي : هههههه عسل اوي
عشق : بارده
چيلان : عشق النهارده غريبه مش منعزله
عشق : حاسه بحاجه حلوه النهارده
چيلان : يارب دايما
سيلا : اتأخرنا علي المحاضره
جودي : يلا
وذهبوا حضروا اول محاضره واخدوا رست ثم دخلوا محاضره كرم
سيلا : ايه ده مش كان عندنا امبارح
عشق : يعني انا ناقصه تعكير مزاج
جودي : سيبكم يلا ندخل
كرم : اتأخرتوا دقيقتين ليه
سيلا : ياراجل قول وغير دقيقتين بحالهم
عشق بانبهار : سيلا انتي عارفه يعني ايه دقيقتين يعني 120ثانيه انتي متخيله مدي تأخيرنا
الكل : ههههههههه
كرم : ايه ده عشق هانم بتتكلم بدون برود
جودي : وبتهزر كمان
كرم : طيب اتفضلوا يا ثلاثي يا مرح
ودخلوا الفتيات جلسوا سويا وفي منتصف المحاضره شعر كرم برن فونه كثيرا فاضطر علي الرد عندما علم بأنه عدي
ونظر باتجاه جودي وشعرت الفتيات بشئ ثم انهي مكالمته واتصل بشخص
كرم : مدام جودي
وقفت جودي وهي قلقه
جودي : نعم يا دكتور
كرم : مين مرات رعد الشافعي
جودي : ليه
كرم : عايزها في شئ بيخصه عدي مقاليش اسمها
وقفت عشق ودموعها ظهرت
عشق : رعد فيه ايه
كرم : انتي مراته
عشق ببكاء : بقولك رعد فيه ايه رد
كرم : احم ر...
جرت عشق للخارج وجدت الكثير من المكالمات من الدكتور فوقفت في منتصف الجامعه ورنت علي الدكتور
كرم : سيلا جودي روحوا قوللها ان رعد فاق
جودي ببكاء وفرحه : بجد فاق
كرم : اي وعدي قال انهم عايزين ازن يدخلوا
فخرجوا الفتيات
كرم : المحاضره انتهت النهارده
*********************************
بقلمي : سماء أحمد
فين البارت 23و 24 اللى نازل بعد كده 25 و 26 يا ريت نحافظ على تسلسل الاحداث
ردحذف