 |
الفصل الخامس وعشرون
عشق : هو دا اللي حصل يا جودي والنهارده حرارته نزلت وجيت الجامعه وهو راح شغله
جودي : بس يا عشق هو الوقتي مفكر انه اذاكي
عشق : مهو دا اللي مضايقني مش قادرة اقرب منه ولا قادره ابعد حاسه اني في محيط بعوم فيه بس مش عارفة اوله من اخره
جودي : طيب بصي يا ستي هقولك تعملي ايه معاه بس تنفذي الكلام
عشق : قولي يارب يجيب نتيجه
جودي :............
***********************
في منزل احمد
رن الجرس فذهب ليفتح وتفاجئ بيوسف وزينه
احمد : اهلا اهلا بالحلوين
يوسف : ازيك يا ابو حميد
زينه : ازيك يا حلو انت
احمد : كويس ازيكم انتم
يوسف : احسن منكم احنا المهم عندكم اكل
نورهان : مين يا احمد....يوسف ازيك اتفضل
يوسف : ازيك يا طنط
ودخلوا سويا الي الداخل
يوسف : طبعا حضرتك مش عارفة مين دي دي تبقي زينه خطيبتي وبنت عمي ومكتوب كتابنا
نورهان : اهلا وسهلا
زينه : اهلا بيكي يا طنط.....سبحان الله اما يوسف ورانا صور حضرتك استغربت ومصدقتش نفسي ان في شبه للدرجه دي
احمد : يخلق من الشبه اربعين
يوسف : عمي انا جاي لسبب هنا
احمد : ايه يا يوسف
يوسف : طبعا انا كنت مستني رعد يقوم من الغيبوبه عشان الفرح واما كلمت حضرتك وقولتلي انه فاق فحددناه بعد شهر وقولت لازم اجي بنفسي اقولك واعزم رعد وعدي والعيله
احمد : الف مبروك يا ولاد
نورهان : الف مبروك
زينه ويوسف : الله يبارك فيكم....هنروح نعزم رعد وعدي والعيله
نورهان : اتغدوا معانا الاول وبعدين روحوا
احمد : نورهان معاها حق وممكن نروح سوا هي كده كده كانت ناويه تزورهم
يوسف : مفيش مشكله
*****************************
في مكتب كرم بالجامعه
احدهم خبط فأمره بالدخول
سيلا : هاااي عليكم
كرم : هاااي ورحمة الله وباركته
سيلا : هههههه اشطااا
كرم : يا بنتي انا الدكتور بتاعك يعني المفروض تحترميني وتكلميني بطريقة رسميه
سيلا : يا بابا دكتور ايه بس المهم عايزه أفهم فقره مش فاهماها وانت كنت قايل نجيلك لو وقف علينا حاجه
كرم : ماشي يا سيلا هانم هتيها
وذهبت اليه وشرحها لها
سيلا : لا بجد يا دكتور كركر شرحك حلو اوي
كرم : دكتور ايه ياختي
سيلا : كركر بدلعك
كرم : بتدلعيني ليه ان شاء الله
سيلا : عادي يعني فكك انا همشي عايز حاجة سلابرتقال وتركته وذهبت دون سماع رد منه
كرم : ههههه واللهي مجنونه
****************************
في مبني المخابرات
كان رعد يجلس ويفكر فيما يحدث له ولعشق حتي قاطع تفكيره صوت فونه
رعد : امممم عايز ايه
عدي : باااارد بشكل
رعد : خلص
عدي : تعالي اسهر عندنا النهارده
رعد : لا سلام
عدي : استني بس نورهان واحمد وكمان عمك محمد ومراته جاين النهارده عندنا فهات عشق وتعالوا اكيد هما وحشوها
رعد : مش عارف هقولها كده
عدي : طيب رن وقولي ان كنت هتيجي سلام
رعد : سلام
وقفل ورن علي عشق فردت
رعد : احم ازيك يا عشق
عشق : تمام الحمد لله
رعد : بقولك عدي هزمنا نسهر عندهم واحمد وماما رايحين
عشق : اللي تشوفه
رعد : يعني عايزه تروحي
عشق : مفيش مشكله
رعد : اوكي....اي هاجي اخدك من الجامعه
عشق : ماشي هستناك
رعد : سلام
وقفل السكه وتنهد وفتح ملف القضيه
*****************************
في الجامعه
عشق : يخربيت جمودك يا اخي بس واللهي بحبك
سيلا : بتكلمي نفسك لا دانتي اتهبلتي
عشق : خضتيني يا سيلا الله
سيلا : سلامتك من الخضه اعسل
عشق : هههههه مجنونه
سيلا : فين جودي
عشق : راحت محاضره الدكتور العجوز ابو دم تقيل
سيلا : ههههه باااارده
كرم : والدكتور كرم
سيلا بتلقائيه : ابرد منه....ثم اتسعت عيناها....يا نهار احوس دا صوت دكتور كرم....واستدارت
كرم : ههههههه كنت ناوي اعاقبك بس ضحكتيني
سيلا : ليه يا عم مكتوب علي وشي نكته
عشق : احم سوري يا دكتور خدها علي قد عقلها
سيلا : ليه مجنونه
كرم : فشر دا انتي تقولي للجنون قوم وانا اقعد مكانك
عشق : هههههه مجانين يا ولاد
نظر لها كرم وسيلا فانسحبت بضحكه
كرم : اهدي بس احسن عيونك بطلع نار
سيلا : اوف مستفز وتركته وذهبت وهو ابتسم وذهب
******************************
انهت عشق باقي محاضراتها ورن فونها فخرجت وجدت رعد يقف بكل كبرياء والفتيات يتهامسن وينظرن له فاشتعلت هي وذهبت اليه وقبلته من وجنته ولفت يديها حول رقبته وحضنته هو لم يستطع منع نفسه من حضنها فضمها ورفعها عن الارض قليلا ودفن رأسه في شعرها وهي كانت سعيدة جدا وزادت الهمسات الحاسده علي هذين العاشقان فنزلها وقبل جبينها
رعد : يلا
عشق : هنروح فين
رعد : هنغير هدومنا ونتغدي وبعدين نروح عن عدي واحمد وماما هيقابلونا هناك
عشق : اشطااا يلا
****************************
لم تجد عشق وقتا لتكلم رعد وذهبوا للقصر والتقوا بيوسف وعزمهم علي فرحه وبعد مباركات ذهب جاسر الي غرفته وفي رأسه الف سؤال فاستاذن يوسف وذهب ورأه
يوسف : ممكن ادخل
جاسر : اكيد اتفضل
يوسف : انا عارف انك في دماغك الف سؤال ازاي هتجوز بنت عمي وانا برسم علي يارا....بص يا سيدي انا جيت هنا بفعل فاعل طبعا مش فاهم انا جيت هنا بخطه وهي اني اقربك من يارا وانت ويارا متعرفوش
جاسر : مين اللي جابك
يوسف : لارا وجودي والرأس المدبر عشق
جاسر : هبقي غبي لو قولتلك مش فاهم حاجة؟!
يوسف : هههههه لا....عشق كانت بتحاول تقرب عمي من نورهان وكانت عارفه ان يارا بتحبك تقريبا حكاتلي عن حاجه في يوم قابلت رعد وعشق في مطعم وكنت مع يارا واصحابك مش كده
جاسر : ايوه
يوسف : يومها بعد اما عشق ويارا طلعوا سوزي راحت عندها وهي بتعيط وسمعتها كلام يفور الدم وقالتلها انك متفق مع صاحبك انك تجبله يارا في المقابل يقولك خطه تدخل بيها علي جدك بسوزي ومثلت الدور بطريقه دراميه عاليه
جاسر : ويارا صدقت
يوسف : مش عارف بس عشق قالتلي انها اكيد بتمثل واني لازم اجي واقربكم واسف علي هزاري معاها بس كنت شايفك وكان لازم اعمل كده
جاسر : شكرا يا يوسف بجد خلتني اعرف حبي ليها
يوسف : العفو يا برنس دا اقل واجب اصلي كنت شغال مشعلالاتي معاك ومع عدي
جاسر : واتقنت الدور هوريك وقام من مكانه فشعر يوسف بخطر فجري وضحك جاسر ونزل ورأه
******************************
جودي بهمس : اتكلمتي معاه
عشق بهمس : لسه بس هتكلم
جودي : طيب قومي روحي الحديقه وانا هقول لهمس تبعته
عشق : بجد
جودي : ايوه قومي
وقالت لهمس ان تخبره فأخبرته وذهب اليها
رعد : عشق في ايه عيزاني ليه مكنتي خلينا اما نروح
عشق : مش عشق انا عشقك يا رعد
رعد : ايه جيباني ليه
عشق : انت متغير معايا ليه هاااه اللي حصل بيحصل بين اي زوجين بيحبوا بعض او لا ودا كان برضايا انت مغتصبتنيش عشان تضايق كده فهمت ارجوك يا رعد اقفل الصفحه دي وخلينا نبدأ من جديد او نكمل من ساعة ما كنت عشقك وانت رعود صديقي لو ليا معزه في قلبك ولو صغيره
وبدأت دموعها تهطل
اقترب منها ومسح دموعها وقبل جبينها وحضنها بشده كأنها ستهرب وهي فرحت بشده وحضنته
عشق لنفسها : كان نفسي اقولك بحبك بس كنت ههدم كل اللي انا ببنيه بحبك
يوسف : الله الله ع الرومانسية ايه يا اخ انت والاخت دا احنا حتي في بيوت الناس
عشق : انت مال امك يالا
يوسف : شكلي وحش
رعد : اووووي
يوسف : طب عن اذنكم
فضحكوا عليه ودخلوا للعائله واخبرهم احمد برجوعه للمنصوره
جودي بدموع : هتسبنا تاني
احمد : ليه الدموع بس وبعدين هاجي بس عشان عمار احنا هنا لهمس عيشه معانا ولا عمار وانا اتفقت مع همس هنقلها المنصوره اما تخلص السنه دي
چيلان : اوف متخليك هنا قولي حاجه يا عشق
عشق : اقول ايه وهو مقرر خلاص انت حر يا بابا
احمد : عشق
عشق : نعم
احمد : ممكن تعيطي
ضحك الكل
عشق : لا مش هعيط يا بابا
احمد : طيب قولي مش هعيط يا بو حميد
عشق : لا بردك
وقف احمد من مكانه وذهب لها ومسك وجهها
احمد : عشقي انا مكاني في المنصوره ذكرياتي وحياتي كل حاجه هناك اما قعدت هنا كان لسبب وهو انكم بحاجتي انما الوقتي رعد جنبك واخواتك ومحمد وثناء كمان وبقي عندك عيله كبيره زي ما كنتي بتتمني احنا اي كانت عيلتنا كبيره بس متفرقه وعمار لسه صغير ولوحده هناك ويوسف بقي هنا وبعدين انا كنت سايبه ليوسف ويوسف هيتجوز وايمان هتتجوز وجدك وعارفاه دا غير عاصم
تغيرت ملامحها للخوف فور سماع اسم عاصم ونزلت دموعها
عشق : روح لعمار يا ابو حميد بس اوعدني انك تبعد ماما نورهان عنهم عشان متكونش ماما نور التانيه
احمد : اوعدك ان مستحيل اسمح لنورهان تبقي نور التانيه ولا تتعامل بنفس طبيتها وحضنها
جودي : اوف انا بغير الله
چيلان : وانا اكتر
فوقف احمد وذهبوا الاثنين حضنوه
احمد : دي اخر خلفة المجانين
محمد : انت اللي مدلعهم
احمد : بزمتكم حد يبقي عنده تلات بنات حلوين اوي كده وميدلعهمش
علي : ربنا يخليهم ليك يا احمد
احمد : امين
جاسر : انا عايز اطلب حاجه يا جدي
علي : ايه
جاسر : وعدي كمان
عدي : اخلص
جاسر : احم انا بحب يارا وعايز اتجوزها في اقرب وقت
يوسف : يا راجل قول غير كده
جاسر : الله يخربيتك يا يوسف الكلب انا بقالي ساعة بتشجع وانت في لحظة تبوز كل حاجه
يوسف : واللهي حبيتك من القلب للقلب دا اقل واجب
ادهم : بطلوا تهريج بقي....جدو وعدي وافقوا عشان انا كمان عايز اعمل فرحي انا ولارا
علي : انا عن نفسي معنديش مانع
عدي : ولا انا بس يارا الاهم
جاسر بتوتر : ممكن اكلم يارا شويه
يارا : لا ومش موافقه
جاسر : يارا ارجوكي
نظرت يارا لعدي ثم اومأت برأسها وذهبوا للحديقه
****************************
في الحديقه
جاسر : اديني سبب مقنع يخليكي ترفضي
يارا : مش بحبك
جاسر : كذابه يا يارا
يارا : لا مش بكذب
جاسر : انتي مصدقه كلام سوزي
يارا : كلام مين
جاسر : الكلام اللي هي قالته ليكي انتي وعشق.بصي يا يارا انا بحبك وبحاول اقنعك بكده من فتره مش قليله وواللهي العظيم ما عملت حاجه من اللي سوزي قالتها ولا راهنت عليكي وانتي عارفه اني مش بحلف كذب في اي حال وقدامك حلين الوقتي اما تدخلي وتقولي للكل موافقه ونتجوز واوعدك اني هعيشك احلي ايام حياتك وان رفضتي اوعدك انك في حياتك ما هتشوفيني تاني وهسيبلك مصر كلها فكري يا يارا واعرفي ان بحبك اوي
وكان سيدخل لولا ان اوقفته جملتها
يارا : مصدقتهاش يا جاسر....التفت لها.... انا مش غبيه عشان اصدق سوزي انا اوهمت نفسي اني مصدقاها عشان اكرهك بس مقدرتش حتي لو اوهمت نفسي اني مش بحبك بس مقدرتش اكرهك وبردك مش هقدر اكمل حياتي.....انا هدخل اقولهم قراري ومتزعلش مني يابن عمي
ودخلت وتركته فنزلت دمعه منه ولكن سرعان ما مسحها ودخل ورأها ليخبرهم بأنه سيسافر
يارا بتوتر شديد : احم انا موافقه اتجوز جاسر
نظر لها جاسر بصدمه وفرح
يارا بهمس : مش هقدر اكمل حياتي بدونك مش معاك
جاسر يهمس : هو انا قولتلك بحبك
ابتسمت بخجل فحملها جاسر امامهم ودار بها وقال بحبك يا يارا يا احلي خيارة في حياتي
ضحك الكل
عدي بعصبية مصطنعه : شكلي هرفض لانك مش محترمني
علي : وانا كمان
مالك : صحيح خساره فيك تربيني
جاسر : لا وحياة عيالكم توبه مش هتتكرر المهم حددوا جوازنا
علي : كتب الكتاب وفرحكم انت وادهم بعد شهر ونص
وبارك الكل له وساد الفرح
*******************************
بقلمي / سماء أحمد
الفصل السادس وعشرون
مر شهر بدون احداث تزكر لم تخطوا عشق الخطوه التي ستغير حياتهم بعد وذهبت مع رعد وجودي وعدي وچيلان ومالك ويارا وجاسر وهمس قبل حنة يوسف بيوم الي المنصوره وقرروا المكوث في شقه احمد دون الاختلاط بالباقي وكانت نورهان قد اصرت علي احمد المكوث في منزل عائلته
وصل مالك وجاسر مع يارا وچيلان وهمس في الاول ونزلوا وجدوا الكل في انتظارهم بساحة العماره فسلموا عليهم وعرفهم احمد عليهم وحضنت همس نورهان واحمد بشده ونظرت لعمار فاقترب منها وحضنها وهي ابتسمت بخجل
احمد : فين عدي وجودي ورعد وعشق
مالك : عربية عدي اهي لسه رعد وعشق زمانهم وراهم
نزل عدي بكل كبرياء ومسك يد جودي فنظرت له هدير نظرة اعجاب وسلم عليهم
احمد : نفس السؤال فين عشق ورعد
عدي : عشق طلبت ايس كريم ووقفوا واحنا سبقناهم
عاصم : بجد ليهم وحشة كبير
عدي بنظره اشمئزاز : مهو واضح
جودي : وصلوا اهو
وصل رعد وعشق ونزلوا وارتدي رعد نظارته ومسك يداها وجدوا الكل ينتظرهم فنظرت عشق لهم كلهم وخاصة عاصم وجدها الذي تري الفرحه في عينه والحب لها ولكنها تجاهلته ونظرت لهدير بكره
رعد : سلام عليكم
الكل : وعليكم السلام
يوسف : هاااا قد وصل القمر
عشق : بس انا شمس مش قمر
يوسف : مين ضحك عليكي
رعد : سامع حد بيجيب في سيرتي
يوسف : اهلااا حضره الضابط رعد الشافعي نورتنا يا باشا
رعد : طيب خدلك جنب عشان نسلم
يوسف : انت تأمر
سلم رعد عليهم اما عشق فسلمت علي الكل الا عاصم وهدير وجلال ونظرت لهم نظره تحرق من حدتها
احمد : انتم كلكم ليكم شقه في الدور الاخير لان اوض الاطفال بتاعتكم دي متنفعش اما همس ويارا دول اوضهم عندي في شقتي
يوسف : مالك يا جسوره مضايق ليه يا عيني سنجل وسط ازواج
جاسر : نقطينه بسكاتك يا بيضه فاهم
يوسف : هدي اعضائك يا برنس يلا ندخل
واتوا عند الاسانسير فرفض يوسف دخول عشق ورعد وعدي وجودي والعائله
يوسف : ايه يا جماعه السلم افضل والشقه في السادس مش بعيده ورونا جدعنتكم
عشق : لا مش قادره اطلع
عاصم بخبث : اشتالك يا بنت عمي
رعد بكره : فكره حلوه يا عاصم
فابتسم عاصم بخبث فحملها رعد
عاصم : كنت هشتالها
رعد : فكره حلوه ان اشتالها وبعدين مراتي وبغير عليها بقي
عشق : رعد نزلني دا ست ادوار
رعد بغمزه : امال عضلاتي لازمتها ايه
عدي : وانا بخاف علي مراتي
وحمل جودي
جودي بخجل : عدي مينفعش كده
هدير : لسه زي مانتي مبتفهميش في الرومانسية
عدي : ودا احلي حاجة فيها بتحمر وبس
جودي : نزلني لو سمحت
عدي بهمس : افرضي كان في بيبي اتعبه واتعب امه ميصحش
خجلت اكثر واغمضت اعينها بشده
رعد : يلا يا صاحبي
وطلعوا بزوجاتهم وعاصم وهدير يشتعلوا غيرة اما جلال فاكتفي بالابتسام
*******************************
وصلوا الي الشقه ونزلت عشق في غرفتهم التي اشار لها احمد وذهبت للحمام وظلت تستفرغ ما بباطنها
عشق بدموع : هموت مش عارفة ليه كل شويه كده ااااه بطني ثم مسحت دموعها وخرجت
رعد : مالك يا عشقي
عشق : احم مفيش انت اللي عرقت اوي كان يعني لازم تشتلني
رعد : اسكتي وانتي وزنك زي الطفله ولا حسيت بحاجه
عشق بحزن مصطنع : بتتريق ماشي
رعد : واللهي ما بتريق بجد انتي خاسه اليومين دول اوي
عشق : ههههه دانا حاسه اني تخنت
رعد : اسكتي يا طفلة انتي
****************************
نام الكل يرتاح قليلا ثم بعد وقت طلعوا وجدوا نورهان وايمان يضعوا الطعام
نورهان : صح النوم
عشق : الله اكل انا جعانه اوي
رعد : اقعدي كلي يا عشقي
ايمان : خلصوا يلا عشان هننزل تحت خالص نقعد كلنا نحتفل
جاسر : بس احنا لسه بالنهار
ايمان : ايه يعني نبدأ نحتفل من بدري
جودي : فكره جميله اوي طيب مش هنعمل حفلة بنات
ايمان : اكيد بس بكره والشررتين جاين بعد بكره
عشق بحماس : بجد
اومأت ايمان برأسها
جودي : الله احلي حاجة
ايمان : انا خايفه ع العماره بصراحه لتولعوا فيها
عشق : انتي متعرفيش
ايمان : ايه
عشق : انا توبت
ايمان : هنشوف اما تجمعوا علي حوريه وحياة
جودي : صحيح يا عشق هما اتجوزوا اتنين اخوات ورنوا عزموني بس معرفتش اجي وحاولوا يوصلولك
عشق وجلست ع المائده : اممم كملي كملي
ايمان : وانا هنزل عما تاكلوا
عشق : طيب اقعدي لوغي معايا
ايمان : ميرسي سلاموز
نورهان : وانا كمان هنزل سلام
وجلس الباقي يأكلوا
عشق : بقي يتجوزوا من غيري دانا هشعللها بس اشوف اجوزهم هعيشهم ليلتين سوده حوريه الكلب هي وزفته التانيه
جودي : علي فكرة هما مش ذنبهم حاجه انتي اللي غيرتي رقمك وبعدين حوريه اتاخدت بذنب حياة
عشق : مش فاهمة
جودي : انتي عارفه انهم ولاد عم ومتعلقين ببعض فحياة اتقدملها واحد غني وكده بس كان عنده اخ اكبر منه عصبي ومتجوزش بالعربي صعب اوي
عشق : واكيد حوريه ضربته بالقلم فاتفق يتجوزها ويهددها وشغل الروايات
جودي : لا يا عدله كانوا بيزنوا عليه عشان يتجوز قبل اخوه او حتي معاه والا الصغير مش هيتجوز ام رايح وهما بيتقدموا وقالهم هتجوز دي وكان اول مره يشوفها وادبسوا في شهرين بالضبط كانوا متجوزين حياة عادي انما حوريه الله اعلم هو حكالها بكل برود عن سبب جوازه منها
عشق : ههههه حوريه اتجوزت واحد متعرفوش ومشفتهوش في حياتها وانا كذلك انا متأكده هيكون افضل من اخوه
جودي : يارب
جاسر : افصلوا شويه ايه نازلين دودودودووو
عشق : اسكت ياولا
جاسر : حاضر
وانتهوا من الطعام ونزلوا لاول دور حيث يجتمع الكل فدخلوا وجلسوا
جلال : رعد جدك عتمان هيجي بعد بكره
رعد : يجي بالسلامه
ابراهيم : عشق عامله معاك ايه
رعد : عامله دوشه وصداع
عشق : ابقي خد مسكن
ابراهيم : ههههه وانت يا عدي
عدي : بنصدم ساعات انها قاعده معايا وبحس ان قاعد مع نفسي
جودي : مفيش مشكله ابقي هات حد اقعد معاه
چيلان : واللهي مانت سائل انا ميت فله وطيوبه وهاديه ورقيقه ومبتكلمش كتير ولا اي حاجه
مالك : ممكن سؤال
چيلان : اتفضل
مالك : انتي كنتي بتتكلمي عن مين
الكل : ههههههه
امنيه : يلا يا بنات نطلع فوق وسيبوا الرجاله هنا
عشق : اشطااا يلا
رعد : بلاش تهور اهدي ماشي
عشق : حاضر يا بابا حاجة تانيه
رعد : عشق
عشق : اسفه يا رعود.....وقبلته من وجنته....سلاموز
رعد : مجنونه
عشق : سمعتك وعارفه انت نسيت تقول طفله
وذهبت وضحك الكل ماعدا عاصم الذي ينظر بشر
**********************************
بعد وقت بدأت الدنيا تمطر ورأتها عشق ففرحت
عشق : الله الدنيا بتشتي انا نازله تحت في الساحه
جودي : اقعدي متتهبليش
عشق : هنزل يعني هنزل
زهره : هتتعبي يا عشق
عشق : انا نازله.....وتركتهم ونزلت تستمتع بالمطر ورنت نورهان علي احمد واخبرته
احمد بابتسامه : شوف مراتك يا رعد
رعد : ههههه عملت ايه تاني
احمد : الدنيا بتشتي وهي نزلت في الساحه
رعد : مجنونه عن اذنكم
****************************
كانت تقف تحت المطر تغمض اعينها وتستمتع بالمطر الذي ينزل علي وجهها فجاء احدهم وحاوط خصرها ووضع رأسه علي كتفها
عشق : هتتعب يا رعود
رعد : وانتي ايه
عشق : لا عادي كل سنه كده وبتعب يومين وارجع عادي بس بحب استمتع بالمطر
رعد : طيب نستمتع سوا
ربطت عشق علي يديه واستمتعت بحضنه في المطر ودفن رأسه في شعرها وهي تبتسم بحب وكان المعظم ينظر لهم منهم من ينظر بسعاده والاخر بغيره وكره
جلال : شوفت يا احمد انا اخترت صح
احمد : بس بردك اذيتها
جلال : انا عارف ان رعد ضابط ورجل اعمال كمان واما عتمان قالي كده كنت هجوزه هدير بس عتمان طلب عشق واما اتأكدت من رعد وافقت بس هدير اتسرعت وعملت تمثليه مع انها لو استنت كنت قولت عشق
احمد : اصدك ايه....ان انت وعمي عتمان مختارين...
جلال : بالضبط كده عشق لرعد وبس
,,,,,,,,,,,,,
عاصم لنفسه : عشق ليا انا وبس ومستحيل اسمح للحيوان ده يخدها مني انا اللي فضلت احبها اكتر من عشرين سنة مش هو انا اللي كنت بضرب العيال اما اعرف انهم بيحبوها وهي صغيره يجي رعد ويخدها انا اموته بكل برود
,,,,,,,,,,,,,,
هدير لنفسها : طول عمرها محظوظه حتي ولو كان جدها مش بيحبها بس عندها اب مثالي ام مثاليه والوقتي زوج مثالي بكرهك بمعني الكلمة يا عشق
چيلان : ههههه وبتقولي رعد هيرجعها عن اللي في دماغها اهو وقف معاها
جودي : ربنا يخليهم لبعض
امنيه : امين.....عشق اخدت اللي يستحقها
زهره : ايوه الطيبون للطيبات وعشق طيبه
نورهان : ورعد قلبه ابيض وبيحبها
ايمان : باين علي عشق كمان بتحبه
زينه : ههههه مجانين مش ملاحظين ان الكل بيتفرج عليهم فنظر الكل وضحك
***************************
كان رعد وعشق مستمتعين بالمطر حتي لمحت عشق الكل يراقبهم
عشق بشهقه : ايه دا الكل بيتفرج علينا
رعد : منا مركز من زمان ودفن رأسه اكثر في عنقها
عشق : طب ابعد كده عيب
رعد : لا مش هبعد
عشق : بطل قله ادب وابعد
رعد : انا قليل الأدب
عشق : اي وابعد بقي
بعد رعد عنها ثم انحني وحملها ودار بها فضحكت بشده وتوقف وهو يحملها
عشق : هههههه نزلني بقي
رعد : شايف عجبك اللي حصل
عشق : اوي يا رعد ثم نظرت حولها وجدتهم يضحكوا احمر وجنتيها بشده واختبأت في عنق رعد الذي ذهب بها لاعلي
*****************************
في اليوم التالي
استيقظ رعد ولم يجد عشق في الغرفه ولا حتي في الشقه فأخذ شاور وتوضأ ولبس ملابسه وادي فرضه ورن علي عدي فاخبره انهم بشقه جلال فنزل لهم
كانت عشق تقف بجانب جودي وايمان وچيلان والباقي يجلس وظهرها للباب
احمد : رعد فين
عشق : اوف رعد باشا لسه نايم
عدي : احم طب اسكتي
عشق : دا كسول اوي مقضيها نوم انما لو كنا في القاهرة...وبدأت تقلد صوته....عشقي قومي يا كسلانه اتأخرتي علي الجامعه عشقي ايه ده اخرتيني علي الشغل بسبب الشيبسي بتاعك عشقي فصلتي المنبه ليه عدي هيبدأ يزعق ع التأخير عشقي انتي...
رعد بحده مصطنعه : بتتكلمي كتير اوي
عدي : عمال اقولك اسكتي ايه راديو اشربي بقي
عشق بغيظ : اشوف فيك يوم يا عدي يا ابن ام عدي
جودي : هههه طب ادورك علي مبرر ولا لقيتي
عشق ببرأه مصطنعه : ااااه منك يا بنت ثناء...ثم استدارت...ايه ده رعود انت صحيت امته كنت لسه راحه اصحيك
يوسف : ايه اتحولتي بطه
رعد : احلي بطه صباح الخير ع الكل وذهب وقبل عشق من وجنتها
عشق بابتسامه : صباح السكر
احمد : ايه كل ده نوم
نورهان : يلا يا حبيبي اعملك فطار
رعد : لا مش جعان
عشق : بس انا جعانه
رفع رعد حاجبه
عشق : واللهي مكنش جايلي نفس وقولت استناك عادي في المعادي يعني
ايمان : طيب خلصي عشان بنات البيوتي سنتر جاين
عشق : تمام يلا يا جودي وچيلان نعمل الاكل
رعد : تعالي عايزك
عدي : وانا تقريبا لنفس السبب
مالك : وانا كمان
رعد وعدي : ممنوع مكياج
عشق وجودي : ليه
رعد : انا قولت كده في اعتراض
عشق : اوف بس دي حفلة بنات
رعد : عشق
عشق : خلاص بس هلبس براحتي
رعد : انت عارفه لو حد لمحك هتتعاقبي انك مش هتروحي البيوتي بكره مع البنات
ادت التحية العسكرية وقالت تمام يا فندم اي اوامر
رعد : شطوره يا طفلة
عدي : نيجي للحلوة دي ميكياج لا والا هتلبسي الحجاب وهغير رأيي
جودي : بس انت قايل اقلع الحجاب عادي
عدي : بس مقولتش مكياج
جودي : حاضر
چيلان : هههههه انا شمتانه
مالك : انتي بقي متقلعيش الحجاب اصلا
چيلان : نععععم
جودي وعشق : ههههههه
************************************
تعليقات
إرسال تعليق