 |
الفصل السابع وعشرون
مر اليوم وجاء الليل واحتفلوا الفتيات سويا وكذلك الشباب وكان هناك منهم من ينظر لعشق بحقد وكذلك لرعد وبعدما انتهوا بدلت عشق الفستان لبنطلون تلجي وبلوزه سماوي ونزلت وقفت في الحديقه فهي تحب ان تجلس وتنظر للورود ونظرت لورده خضراء واخري زرقاء فكانوا مميزين وابتسمت بدموع فجاء رعد وحضنها وهي مسكت يديه وابتسمت
رعد : عشقي زعلانه ليه
عشق : بالعكس فرحانه اوي اني شوفتهم
رعد : مين دول
عشق : وردتي ووردة ماما الله يرحمها
رعد : اي اتنين
عشق : الخضرا والزرقا
رعد : مميزين اوي
عشق : اي....عادة البنات بتحب الورد الاحمر او الابيض بس ماما بتحب الاخضر فبابا جابها مخصوص ليها وزراعهلها وانا بحب الازرق فجابلي زيها وسمهم عشقي ونوري وجاب واحده بنفسجي وقالي دي اسمها شغفي
رعد : شغفي
عشق : اي قالي ان خلفت بنت اسميها شغف
رعد : شغف عشق نور
عشق : سبت الشباب ليه
رعد : عادي يعني زهقت وكنت بتمشي...لفها اليه ثم امسك يديها وذهب للعشب ونام واخذها في حضنه
عشق : رعد
رعد : اممم
عشق : انت عايش لوحدك ليه يعني اصدي قبل ماجي معندكش اخوات
رعد : لا معنديش انا وحيد بعد اما ماما وبابا ماتوا معرفتش اتأقلم في الصعيد كان عندي حوالي 17سنه فعشت وحيد بحراسه وبقيت ظابط واتعرفت علي عدي واتشاركنا قالي كتير هو وجده وماما كلهم اني اعيش معاهم بس كنت برفض
عشق : صعبه الوحده مش كده
رعد : في الاول بس بعد كده بتتأقلمي ودخلت حياتي واحده مجنونه خلتني مش هعرف ارجع تاني للوحده
عشق : كده هتغر بجد......عارف نفسي في عيلة كبيره اوي ونعيش سوا
رعد : عيلتك هنا كانت كبيره
عشق : غلط عيلتي كانت ماما وبابا واخواتي حتي اعمامي كانوا معظم الوقت مسافرين ومراتتهم يخدوا ولادهم ويروحوا عند قرايبهم وجدي علاقتي بيه شبه معدومه
رعد : تصدقي انا كمان نفسي في عيله عايز اجيب بنات وولاد كتير
عشق : انا عايزه اربع ولاد وبنت
رعد : اشمعنا
عشق : عكسي انا واخواتي احنا كنا اربع بنات وولد
رعد : وهتسميهم ايه
عشق : مفكرتش فكر معايا
رعد : اول ولد ليا هسميه عدي والتاني اسد
عشق : انا التالت والرابع هسميهم فهد ورعد
رعد : رعد
عشق : ايوه.....والبنت هتبقي شغف
رعد : وكده اسرة كبيره
عشق : ويتجوزوا ويملوا البيت احفاد
رعد : اي والعيله اللي مكونه من فردين تبقي كبيره اوي
وجلسوا يخططوا لمستقبل حتي لو كانوا يعلموا انه حلم بعيد لكل بداخلهم يتمنوا تحقيقه
************************************
كانت هدير تقف في مكان في العماره تنظر لرعد وعشق بكل كره فجاء عاصم وقاطع تفكيرها
عاصم : بتحبيه ولا بتكرهيها
هدير : بكرهها ودا ميمنعش اني معجبه بيه نفس اعجابي بعدي
عاصم : انا بكرهه وبحبها هتساعديني نفرقهم كده هتكسري قلبها وانا اكسب
هدير : بصراحه مش ضمناك يمكن تغدر
عاصم : هتخسري حاجه ؟!
هدير : لا.....موافقه
عاصم : هما هيمشوا بعد يومين تلاته بالكتير فلازم نستعجل كله يتنفذ بكره تمام
هدير : تمام
عاصم : ------------
********************************
في مكان اخر كانت همس تمشي مرتديه فستان موڤ قصير وتترك لشعرها العنان فخبطت في عمار
عمار : حاسبي
همس : اسفه
عمار : ايه اللي لابساه ده
همس ببرأه : فستان
عمار : منا عارف انه زفت ماشيه بيه بره كده ليه محدش قالك ان فيه شباب
همس : كنت طالعه اجيب الفون من فوق ومجاش في بالي حاجه
عمار : لاخر مره تمشي كده مفهوم قالها بصوت عالي
همس : انت بتتكلم كده ليه لا مش مفهوم
عمار : همس متعصبنيش
همس : انا احترمتك وقولت زي اخويا بس مش تزعقلي
عمار : انتي اللي استفذتيني
همس : احم اسفه بس دي اللبس العادي بتاعي
عمار : همس بليز ممكن تغيريه
اومأت برأسها وتركته وذهبت وهو ابتسم
*******************************
في صباح يوم جديد استيقظت عشق وجدت نفسها بجانب رعد علي العشب فابتسمت بخفه وهو استيقظ
رعد : صباحك جنه
عشق : صباحك ورد
رعد : ههههه نمنا هنا بجد
عشق : اي الكلام خدنا امبارح
رعد : بس بصراحة نمت كويس
عشق : وانا كمان
فجأة سمعوا صوت ضحكات فنظروا وقاموا مفزوعين
يوسف : ههههههه مسخره يعني انا فرحي النهارده وحضرتكم نايمين
چيلان : يخربيت الرومانسيه
مالك : رعد الشافعي نايم ع العشب
عدي : لولا ما الكل شايف كنت كذبت نظري
جودي : ولا عشق رمز الغرور نايمه كده
احمد : بس بقي قوموا يلا
عمار : لا يا بابا نسيبهم الوقتي ونرجع بعدين
همس : ههههه معاك حق يا عمار
كانت هدير تقف هي وعاصم ينظروا لهم بكل غل بينما جلال وعتمان الذي وصل للتو يقفوا في الشباك ينظروا لهم ويبتسموا
*****************************
كان رعد يقف يرتدي ساعته ويصفف شعره حتي يذهب لعشق وفجأه دخلت عليه هدير وجرت عليه وحضنته واحكمت يديه عليها وكأنها تبعدهم ولكنها تمسكهم حتي لا يبعد
رعد : انتي مجنونه
هدير بخبث : مجنونه بحبك يا رعد
زقها رعد بعنف : انتي واحده زباله انا جوز عشق
هدير بكره : عشق لا انت من حقي قبلها
رعد بعصبية : وقسما بالله لو ماطلعتي لكون قتلك وهنسي انك بنت عم عشق واخت يوسف
خافت هدير فذهبت مسرعه للخارج فرن فونها وردت
هدير : وحشتني
محمود : وانتي كمان بتعملي ايه
هدير : بجهز عشان فرح اخويا
محمود : انتي فين
هدير : في البيت ايمان راحت مع زينه وانا قولت هجهز هنا عشان اساعد ماما ومرات عمي انهم يجهزوا
محمود : طيب عايز اشوفك
هدير : مش هعرف النهارده
محمود بخبث : بس وحشتيني اوي ياديدو تعالي قابليني في ****في نص الحفله كده
هدير : بس
محمود : مبسش يا ديدو وحشتيني
هدير : حاضر
***************************
ذهب رعد مع يوسف والشباب ليأخذوا الفتيات من البيوتي سنتر وكان في قمة عصبيته ووصلوا واخذوهم لمكان الحفله واخذ رعد عشق بعيد عن جده وجدها ووقفوا وهو يحضنها من ظهرها وينظروا ليوسف وزينه
عشق : رعد
رعد : اممم
عشق : فيك ايه شكلك مضايق
رعد : هبقي احكيلك بعدين المهم خلينا في الفرح
فجاءت جودي بفرحه : عشق حياة وحوريه وصلوا
عشق : بجد
جودي : اي يلا نستقبلهم
عشق : ثواني يا رعد وهاجي
رعد : ماشي
وذهبت جودي وعشق باتجاه حوريه وحياة الذين جروا عليهم عند رؤيتهم
حوريه بدموع : وحشتيني يا عشق
عشق : وانتي اكتر يا حوريتي
حياة : وحشتيني اوي يا هاديه
جودي : وانتي اكتر
حياة : اعرفكم ادهم جوزي
حوريه : احم دا ادم جوزي
عشق : اتشرفنا
جاء احمد اليهم فذهبوا الفتاتان وحضنته فتضايق ادم اكثر من ادهم رغم معرفتهم باحمد في الفرح
احمد : ازيكم يا مجانين
حياة : كويسين يا حلو
حوريه : تمام يا ابو حميد
وسلم احمد علي الشباب وادخلهم ليجلسوا علي منضده وجلسوا الاربعه فجاء عدي
جودي : عدي اعرفك حياة وادهم وحوريه وادم
عدي : اتشرفنا
الكل : واحنا كمان
جودي : دا عدي جوزي
فسلموا عليه
عدي : عشق رعد فين
عشق وهي تهم بالوقوف : اوبس كان واقف هناك هروح واجي
حياة : ههههه لسه مجنونه....رعد جوزها صح
جودي : ايوه
****************************
ذهبت عشق له وجدته يشرب عصير ويقف مع بعض الناس يبدو عليهم انهم رجال اعمال فابتسمت وعندما رأها هو استأذن وذهب اليها
عشق : كنت خليك كنت مندمج
رعد بابتسامه : واسيب الجميل ده
عشق : ههههه معاك حق اصلي مغروره وبعترف اني جميله
رعد : احلي جميله كمان واخذها في حضنه
**************************
كانت حياة وحوريه ينظروا اليهم ولاحظ ازواجهم وعدي وجودي ذلك
حوريه : لسه بيكابروا
جودي : للاسف مجانين مش قادرين يخبوا حبهم ولا يظهروه
عدي : مش عارفين انهم بيضيعوا من عمرهم ع الفاضي
حياة : اخيرا المجنونه وقعت في الحب
ادم ببروده المعتاد : دا رعد الشافعي
عدي : انت تعرفه
ادم : اي في صفقه بيني وبينه هو وشريكه من عيلة المهدي بس ناسي اسمه
عدي : عدي المهدي
ادم : انت اهلا وسهلا
ادهم : اتشرفنا
عدي : وانا اكتر وقاطع كلامهم مجئ رعد وعشق
عشق : ارعد بيه
رعد : ارعد
عشق : ايوه اعرفك ادم بيه وزوجته الشريره الخاصه بيا حوريه وادهم بيه وجودي التانيه اصدي حياة زوجته ودا رعد زوجي العزيز
رعد : اتشرفنا واسف علي طريقه تقديمكم ليا بالنيابه عن المجنونه دي
عشق : بقا انا مجنونه
رعد : وطفله كمان
عشق : باااارد بشكل
رعد : عشق
عشق : اوف اسفه متزعلش واللهي مكنتش اقصد
عدي : طيب بطلوا نقاش واقعدوا
حياة : اخيرا حد اكتشف انك مجنونه غيري
حوريه : اسكتي يا حياة دي اعقل العاقلين
عشق : حبيبتي يا حوريتي
عدي : رعد دا ادم وادهم الشناوي في صفقه ما بينا
رعد : اي عرفتهم تقريبا العقد هيتوقع كمان اسبوع
ادم : صح وانا هاجي القاهره عشان نوقعه
رعد : تنور القاهره كلها
عشق : رعد
رعد : اممم
عشق : رعد رد
رعد : نعم يا عشقي
عشق : ايوه كده.....انا عايزه اكل ايس كريم
رعد : نعم الوقتي
عشق : بالله عليك مش عارفة بحب اكله كتير الايام دي
جودي : بس احنا في نص الفرح
عشق : خلاص هقوم ادور علي محلات بره
رعد : استني يا مجنونه هاجي اجبلك عن اذنكم
الكل : اتفضلوا
عشق : احلي رعود في الدنيا
فضحك ومسك ايديها وذهب الي الخارج فأخبرها ان تركب السياره ليذهبوا لعدم وجود محلات قريبه
*******************************
في مكان اخر
هدير : حاضر يا حبيبي هطلع استناك....طيب طلعت اهو...وقفلت السكه وركبت معه في السيارة
رأها رعد وعشق
عشق : هدير ركبت مع مين كده
رعد : مش عارف
عشق : طيب امشي وراهم يا رعد
رعد : والايس كريم
عشق : يا عم دا وقتك
وذهبوا وراهم فجأه توقفت السياره امام احد العمارات ونزلت هدير مع الشاب ويبدو عليها انها ترفض الطلوع وهو يتحدث معها حتي طلعت وهي خائفة فنزل رعد وعشق وسألوا البواب علي الشقه فأخبرهم انها بالسابع فذهبوا حتي الباب وفجأه سمعوا صراخ هدير بشده فكسر رعد الباب وجد الشاب يحاول الاعتداء عليها فضربه بشده اما هدير فجرت وحضنت عشق التي مسدت علي رأسها وبكت مثلها ثم فقد الشاب وعيه وذهب رعد باتجاه الفتيات واخذهم لاسفل امام السيارة
رعد : يا عشق هديها مش تعيطي زيها
عشق ببكاء : لو ملحقنهاش كان هيجرالها حاجه
اما هدير تبكي وتمسك في فستان عشق بقوه
رعد : اسيبكم وامشي يعني عشق اهدي وانتي يا انسه هدير اهدي
بعدت هدير عن عشق ومسحت دموعها وفعلت عشق المثل
هدير : يخربيت طيبتك انتي بتعيطي عليا حتي بعد اللي عملته فيكي والتدبيسه اللي دبستهالك
اقتربت عشق وهمست لها : واللهي احلي تدبيسه انا بعد التدبيسه دي بحبك اوي ومسمحاكي
فابتسمت هدير
رعد : يلا ياختي انتي وهي يعيطوا شويه ويضحكوا شويه
عشق : كلمنا بطريقه احسن من كده
رعد : امشي يا مجنونه انتي قدامي
عشق : هتلنا ايس كريم الاول
رعد : حاضر يا اخر صبري
وذهبوا الثلاثه الي محل واشتري رعد لهم ايس كريم ثم اخذهم للفرح فالمحت جودي وحوريه وحياة هدير وعشق
حوريه : حد يقرصني
حياة : وانا كمان
جودي : حد يصحيني من النوم
عدي : في ايه
حورية : هدير وعشق لا البت دي عندها تطورات من غيري
جاءت عشق مع رعد وتركوا هدير تذهب لاختها
حوريه بانفعال : انتي يا بت كل شويه انصدم منك واعرف اخبارك من جودي وقولت ماشي والوقتي مع هدير لا دانتي عايزه مقلب يرجعك تاني
جلست عشق وكذلك رعد
عشق : اظهر وبان عليك الامان وانا اقول البت اتغيرت بس لا
حياة وجودي : نو كومنت
عشق : اهو دا اللي فالحين فيه....وبعدين انتي اللي عندك الجديد يا شريرتي وغمزت لها
حوريه بتنهيد : هترجعي امته
عشق : بكره بليل....تعاليلي بكره الصبح هنروح لمقهي دا بعد اذن ادم
ادم ببرود : مفيش مشكله
حوريه : طيب
جودي : وانتي يا طيبه
حياة : ادهم
اومأ برأسه
وانتهي الفرح وعاد الكل لمنزله
**********************
في الصباح كان يجلس الكل في شقه جلال يترأس المنضده جلال من جهه وعتمان من اخري وكل واحد امامه زوجته او خطيبته او لا شئ حتي جاء البواب واعطي جمال ظرف فذهب وصفع هدير تحت زهول الكل
******************
بقلمي / سماء أحمد
الفصل الثامن وعشرون
كان الجو شبه مشتعل الكل لا يفهم شئ حتي رمي جمال صور علي ابنته لها ولرعد فذهلت والكل رأها وفي رأسهم الف سؤال
جمال : ايه الصور دي ازاي انتي في حضن جوز اختك
هدير ببكاء : بابا واللهي انت فاهم غلط اللي حص..
عاصم بمكر : الغلط مش عليها يا عمي الغلط علي جوز عشق المحترم
رعد : نقي الفاظك يا زفت
مسكت عشق الصور وبدأت تتحدث
عشق : ليه يا رعد ليه كده انا عملت ايه ومع مين مع هتير يا عم كنت قول وانا انقيلك دا حتي دمها كان تقيل لحد امبارح اودي وشي فين من بيتنا وحديقتنا وورودنا وعربيتنا او ماي جاد قلبي الصغير لا يتحمل اسندوني هضحك اصدي هقع
لم يستطيع البعض مسك نفسه فضحكوا عليها
عاصم بعصبيه : ايه الهبل ده
عشق ببرود : وانت متوقع اني هصدق الصور ومثلا هضرب كل واحد قلم واقوله طلقني واقعد اعيط واقول خاين او استناكم اما تقولوا التار ولا العار ونجوزهالوا وتبقي درتي واقعد اعيط واندب حظي وفي الاخر يبقي مظلوم....واللهي انا عليا تأليف ثم ضحكت بصوت عالي
رعد : بس الصور بجد مش متفبركه
وقفت عشق امامه وقالت انا بثق فيك ثقه عاميه حتي اكتر من نفسي وان شوفتك بنفسي هكذب عيني لاني عرفاك اكتر من نفسك
عاصم : لا يا شيخه وايه الدليل انه مش بيلعب عليكي وعلي هدير
كور رعد يديه بشده حتي ظهرت عروقه وحاول التحكم في غضبه
اما عشق فابتسمت ومسكت يد رعد ورفعتها
عشق : دا الدليل رعد في الصور عامل ايديه كده معناه انه متعصب اما احم بيحضني بيبقي فارد ايديه وتحسه مرتخي انما في الصوره تحسه مشدود ودا هنعرفه منهم
تكلم جلال فكان يستمع فقط : احكي يا هدير ايه اللي حصل
عاصم : بس....قاطعه صفعة هدير
هدير ببكاء : انا كنت بكره عشق اوي بتمني انها تموت ومشوفهاش بحسدها علي حب امها وباباها ليها مش زيي اب مسافر دايما حتي اما امها ماتت ابوها محسسهاش بفرق حتي جودي وچيلان بيخدوا من حنيته حسدتهم عليه انت يا بابا كنت مأثر لدرجه ان ايمان ويوسف قربوا من عمو احمد بس انا كنت بكرهم واما جدي قال ان صاحبه طلب منه ايد حفيدته وهو مش معترف بعشق اصلا عشان امها وانا كنت بحب واحد زميلي في الجامعه فقررت امثل عليه وادبس عشق وفعلا اتجوزت رعد بس رعد طلع عايش في القاهرة وضابط وفيه كل المواصفات اللي تعجب اي بنت بجد زاد كرهي ليها بس طنشتها ونسيت لكن اما رجعت ولقيتها عايشه حياة ولا الاسطوره اتخنقت وفي يوم كنت واقفه بتفرج عليها هي ورعد لقيت ع...
عاصم : اخرسي
جلال : اخرس انت السبب كملي يا هدير
هدير ببكاء : عاصم جيه ليا وقالي انه عايز عشق وانه عارف اني بكرها وقالي اروح لرعد واحضنه وهو هيصورنا بس هيغير وشي وانا الكره كان عاميني فوافقت وفعلا زي ما عشق قالت رعد كان بيحاول يبعد
واكملت بحزن
امبارح بليل الشاب اللي بحبه جيه وحاول يعتدي عليا بس رعد وعشق انقذوني وهي كانت بتعيط عليا طيب ازاي وانا كنت بأزيها هي وجوزها....انت عارف يا جدو الطيبون للطيبات انا مكنتش انفع لرعد ولا عشق تنفع لعاصم
جلال : ومين قالك ان كنت هجوزك لرعد
عشق : يعني ايه
عتمان : يعني انا كنت طالب ايدك انتي مش هدير وقايله بالاسم عايز عشق لرعد وهو كان رافض لسبب وهو ان رعد صعب ومش عايز عشق البيت كله تتبهدل وقالي كمان انه اذي نور بس كان بيحبها يمكن اكتر من احمد ابنة ومش عايزك تتأذي
عاصم بغضب : بس انا قولتلك اني بحبها وعايزها
جلال : انت واحد اناني وغبي كان مستحيل اديك عشق
عشق بصراخ : بس عشق مش سلعة ده عايزها ودا عايزها انت عارف يا جلال بيه لو كنت جيت وطلبت مني بهداوه اتجوز رعد كنت وافقت بس انت اوهمتني اني اتجوز مكان هدير وغير كده خليت عاصم يضربني وعجزت بابا اي عرفت انك هددت بابا عشان يوافق بيا انا واخويا بس انت عارف ايه اللي يغفرلك
جلال بصوت مخنوق : ايه
عشق : اني حبيت رعد لا عشقته انا مش بس عشقه هو كمان عشقي
عاصم : لا انتي ملكي وهخدك غصب عن الكل
كان رعد مصدوم من اعترافها امامهم ولكن غضب عند سماع كلام عاصم فلم يتمالك نفسه وظل يضربه بشده حتي ادمي وجهه
رعد : عشق مش ملك حد دا عشان ضربتها ولكمه ودا عشان حاولت تفرقنا ولكمه ودا اتكلمت عليها ولكمه ودا عشان حبيتها ولكمه ودا عش.......
عشق ببكاء : رعد ابعد رعد بالله عليك
استمع رعد لكلامها وبعد عنه ووقف امامها وهي حضنت رقبته وهو حضنها ودفن وجهه في عنقها وكان الكل ينظر لهم بفرحه الا عاصم الذي صفعه والده وطرده فبعدت عشق عن رعد
هدير ببكاء : انا اسفه سامحوني بجد بس مش بإيدي وانا هسبكم ومعتش هوريكم وشي
عشق : اوفر خالص يخلاثي يا ولاد علي الممثله الفاشله ياختي كميله بتعيطي
ضحك الكل وحتي هدير
احمد : تسيبي مين انتي يا بت حتي لو سبتي بيت باباكي مش هتسيبي بيتي
هدير : بس
عشق : مبسش ويلا نتصور زي الافلام وكله يقول بطيييخ يلهووي نسيت حورية نبقي نقول بطييخ في الصيف اصدي بعدين سلابرتقال يخربيتك يا سيلا مش وقتك وهمت بالخروج فضحكوا عليها بشده
ذهبت عشق مع حوريه الي مقهي وظلوا يتحدثوا وقتا طويلا ثم عادت عشق وجدت رعد انتهي من وضع اغراضه واغراضها في الشنط
عشق : رعد هنمشي
رعد بجمود : اي
عشق : مالك
رعد : مالي منا كويس اهو
عشق : رعد فيك ايه
رعد : مفيش
عشق : فيك او مفكاش هنشوف بس انت ازاي تسمح لهدير تقربلك
رعد : وانتي مالك
عشق : لا مالي ونص انت ملكي وبس وشدته من قميصه وقبلته ثم ذهبت للحمام
وقف مصدوم من فعلتها ولكنه ضحك
رعد : واللهي لعرفك بقي بتحبيني ومتقوليش ماشي يا عشق الشرقاوي لا يا عشق الرعد
************************
عادوا للقاهره ومر اسبوع كان رعد فيه يتفادي التحدث مع عشق مما ضايقها بشده وجعلها تموت غيظا وعلمت بمجئ حوريه مع زوجها فلقد كانوا علي اتصال وذهبت لتلقاها
في احد المطاعم
حوريه : ههههه احسن اخيرا عشت وشفت اليوم اللي عشق تتطنش فيه
عشق : بس يا حوريه مش تنرفزيني
حوريه : مالك كده
عشق : مش عارفة بقالي اسبوعين برجع وقرفانه وسعات باكل بشراسه وتخيلي شربت عصير
حوريه : عشق
عشق : امممم
حوريه : هو ممكن تكوني حامل
عشق : نععععم حامل ازاي
حوريه : انتي هابله يا بت حامل زي الناس مبتحمل
عشق : هو ممكن طيب اعمل ايه
حوريه : تعالي نروح لدكتوره نسا
عشق : تمام تعالي هنسأل
وذهبوا سويا الي دكتورة نسا وفعلت تحليل مستعجل وانتظرت النتيجه
عشق بتوتر : انا خايفه اوي وفرحانه وزعلانه اوف
حوريه : هههههه بس يا مجنونه
عشق : هو هعمل ايه لو طلع افرضي رعد مش عايزه هسيبه ومش هضحي بابني لا بس مقدرش اعيش من غير رعد اووووف
حوريه : هههههههههههه هموت ههههههه هتصل علي جودي تيجي
ورنوا علي جودي التي جاءت بعد نصف ساعة واخبرتها حوريه
جودي : هييه هيبقي عندي ابن اخت كيوت
عشق : هو انتي شايفه النتيجه طلعت يعني اتهدي شويه
جودي : تصدقي وانا كمان هعمل تحليل
حوريه : اي يلا
وفعلت جودي تحليل وانتظروا الاثنين سويا وجاء الخاص بعشق ولم تفتحه الا عندما جاء الخاص بجودي واخبروا حوريه ان تفتح الاثنين ففتحتهم ونظرت للاثنين
حوريه : مبروك يا جودي عشق حامل
نظروا الفتيات لبعضهم وضحكوا بشده
عشق : ههههه مش فاهمة
حوريه : يعني انتم الاتنين حوامل
دمعت اعين الفتيات وحضنوا بعض
عشق : انا مبسوطة اوي اخيرا جوايا حته من رعد انا بعشقه اوي لازم اقوله ضروري
جودي : وانا هقول لعدي اكيد هيفرح
عشق : هو النهارده ايه
حوريه : السبت
عشق : دا معاناه ان رعد في الشركه تعالوا نروح
حوريه : بس ادم
جودي : رني عليه
حوريه : حاضر
*************************
في شركه رعد
رعد : اهلا بادم بيه
ادم : اهلا رعد بيه
رعد : بلاش بيه قولي باشا
ضحك ادم وعدي
رعد : بهزر خليها رعد
ادم : وانت ادم
عدي : وانا عدي وبس تمام
ادم : تمام
رعد : انا عرفت امبارح انك جيت فحضرت ليك مكتب هنا لانك هتطول حوالي اسبوعين فقولت هتيجي تراجع الورق فين وكده
ادم : شكرا يا رعد
رعد : ع ايه انت بقيت زي اخويا
عدي : خلاص روح راجع الاوراق السكرتيرة هتوريك مكتبك....سها يا...
رعد : انت نسيت عشق هانم نقليتها قسم تاني
عدي : والجديده اسمها ايه
رعد : نورا.....نورا
نورا : نعم يا رعد بيه
رعد : خدي ادم بيه لمكتبه
نورا : حاضر
وعندما وصل ادم وجلس رن فونه برقمها
ادم بجمود : نعم
حوريه بحزن : انا مع عشق وجودي
ادم : انتي قولتي فعارف
حوريه : هما عايزين يروحوا الشركه وعا.....
ادم : تعالي انا هنا مش شركة رعد
حوريه : اي
ادم : تمام تعالي
وقفل بدون سماع رد منها
ادم : اكيد مخنوقه وحابسه دموعها سامحيني يا حوريتي علي عذابي ليكي انا كمان قلبي بيوجعني بس مش ادم الشناوي اللي يعترف بحبه لواحده ولا حتي انتي
*************************
بعد حوالي ساعة وصلت الفتيات للشركه وصعدوا لاعلي
حوريه : يا تري ادم في اي مكتب
عشق : انتي يا....
.......:نعم يا عشق هانم
عشق : رعد وعدي وادم بيه فين
.......: كل واحد في مكتبه حتي رعد بيه امر بمكتب لادم بيه
عشق : تمام خدي حوريه هانم لمكتب ادم بيه
حوريه بغمزه : عشق هانم الظاهر انجزاتك سبقاكي
عشق بضحكه : اصلي علمت عليهم
وذهبت كلا منهما لزوجها
*********************
دخلت جودي لعدي الذي وقف وحضنها وقبل وجنتها
عدي : وانا اقول ايه النور دا كله
جودي : اممم ماشي
عدي : بحبك
جودي : تمام
عدي : مالك
جودي : عدي اعتبرني ساحرة وهحققلك امنياتك تتمني ايه
عدي : تكوني جنبي علي طول وللابد
جودي : اعتبرها اتحققت لان مفيش حاجه هتبعدنا الا الموت
عدي : بعيد الشر عنك يا عمري
جودي : وايه كمان
عدي : يبقي عندي نسخه مصغره منك بنت تكون شبهك
جودي : ولو ولد
عدي : اي حاجه المهم يكون منك
جودي : اتحققت
عدي : يعني ايه
جودي : هتكون اب انا حامل
لم يستطيع عدي تمالك نفسه فحملها وظل يدور بها
****************************
اخبرت السكرتيره ادم بقدوم حوريه فأمرها ان تجعلها تدخل فدخلت بهدوء فنظر لها
ادم : انت رحتي كده
حوريه : رحت فين
ادم : مع عشق
حوريه : اي فيها ايه.....فكانت ترتدي بنطلون ضيق ابيض وبلوزه بيضاء كب وتفعل شعرها ظفيره وتضعه جنبا
ادم ذهب اليها ولو زراعها ورأها وجعلها ترتطم بصدره ومسك فكها بقوه مما جعلها تتألم فامتلئت عينها بالدموع ولكنها تحكمت فيها حتي لا تنزل
ادم بعصبيه : اياكي ثم اياكي اشوفك لبسه البلوزه دي تاني وتخرجي بيها فاهمه
حوريه : لا مش فاهمه وسبني
لوا زراعها اكثر فصرخت ودموعها نزلت بغزاره
حوريه ببكاء : فاهمه بس سبني
فتركها
ادم ببرود : شاطره بتفهمي بسرعه
حوريه : انت عارف بكرهك بكره كل حاجه فيك بكره المكان اللي بتبقي فيه بكره حبي ليك اي كنت بحبك بس كرهت نفسي عشان حبتك انت مستحيل تكون انسان انا لو بموت ودوايا فيك يا ادم الشناوي مش عايزاه افتكر حاجه كل اما تشوفني اني ب.ك.ر.ه.ك طلقني يا ادم
وتركته وذهبت وجدت عشق تخرج وتبكي مثلها فنزلوا سويا للسواقين
السواق1 : اتفضلي يا عشق هانم
السواق2 : اتفضلي يا حوريه هانم
عشق بعصبيه : انا مش هانم الهانم دي تبقي مرات صاحب الشركه دي وانا معتش مراته فهمت
حوريه : نفس الكلام ليك انا الوقتي معتش مرات حد حوريه ماتت فهمت يعني ايه ماتت
وذهبوا الاثنين
****************************
ارجو ارأ اللي هيقرأوا
بالمناسبه لسه بارتين والروايه تخلص بتمني تنال اعجابكم
بقلمي / سماء أحمد
****************
تعليقات
إرسال تعليق