 |
الفصل التاسع وعشرون
كانت عشق صامته فكانت مسحت دموعها عندما خرجت من الشركه واقسمت انها لن تبكي عليه وتمشي بجانب حوريه وتتزكر ما حدث
فلااااش بااااك
دخلت عشق لرعد بابتسامتها المعتاده وجدته منهك في العمل فذهبت وجلست امامه علي المكتب
رعد ببرود : اممم جيتي ليه
عشق : رعد بقالك أسبوع متغير معايا في ايه
رعد : مفيش
عشق بعند : لا فيه رد
رعد بقله صبر : قولت مفيش
عشق : وانا بقول فيه
رعد بعصبيه قام وخبط بشده علي المكتب : ايه اللي جابك جايه تفوري دمي وبس غوري بقي من وشي
عشق انتفضت من مكانها ثم نزلت دموعها : انا
رعد : ايوه انتي انا بجد اتخنقت منك مره بتكرهيني ومره بتحبيني انتي عايزه ايه مني ردي بقي انا بجد كرهتك يا عشق
عشق ودموع تأبي التوقف : كرهتني
رعد : ايوه كرهتك
عشق : بس انا حبيتك ومن اول مره شوفتك وانا متأكده من قبل ما تحبني انت شايفني ساذجه اوي لدرجه اني اترمي في حضن اول ايد تتمدلي لا انا اترميت في حضن واحد حبيته لا عشقته وبقيت مغرمه بيه يوم اما اعترفتلي بحبك انا كنت رافضه فكره الحب عارف ليه لان ماما سابت بابا وهو اتعذب ادامي كان يمسك صورتها ويعيط بدون ماحد يشوفه بس انا كنت بشوفه وعدي اعترف بحبه لجودي وهي رفضت والموت كان هيفرقهم بردك متوقع ايه مني انا رفضت حبك عشان متتألمش لو فرقنا الموت يا رعد بس واللهي العظيم بحبك انما.....
قاطع كلامهم خبط علي الباب ودخول السكرتيرة
عشق بعصبيه : انتي غبيه ايه اللي دخلك كده متخلفه ولا ايه ردي
نورا بخوف : اسف....
رعد بعصبيه شديده : اعتزري يا عشق
عشق بعند : لا
رعد بزعيق : اعتزري
عشق : قولت لا
رعد : لو معتزرتيش هنطلق يا عشق النهارده قبل بكره
نظرت له عشق بصدمه واغمضت اعينها وفتحتهم
عشق : نطلق
رعد : ايوه
عشق بتنهيد : يبقي نطلق يا رعد واعرف اني لو بموت مستحيل اطلب منك تساعدني لان كل شئ انتهي
وتركته وذهبت
باااااك
شعرت بوخذه بقلبها لمجرد فكرة الطلاق لكنها اقسمت بداخلها انها لن تعود وكذلك حوريه التي لم تتوقف دموعها ثم رن فون عشق بجودي فردت
جودي : عشق انتي فين
عشق بحزن : في الدنيا
جودي : مالك وفين حوريه
عشق : خدي بالك من نفسك والبيبي ومتقوليش لرعد اني حامل
جودي : ليه في ايه
عشق : انا ورعد هنطلق
جودي : بتقولي ايه
عشق بصراخ : حوريه انت مين حوريه عااااا ووقع الفون منها
الرجل : دول هما يا باشا......طيب اشتالوهم هنوديهم المخزن......يلا يا رجاله
وقع الفون من يد جودي وصرخت ثم ذهبت لغرفه الاجتماع
**************************
اخبرت السكرتيرة رعد باجتماعه مع ادم وعدي فامرها ان تذهب لعدي وتخبره وعندما كان سيخرج وجد ظرف فأخذه وذهب وبدأ الاجتماع وكان رعد وادم سرحانين بينما عدي فرحان
ظل رعد يفكر في كلامه مع عشق فلم يرد ان يصل لتلك النقطه ثم انتبه للظرف فأخذه وفتحه في نفس وقت دخول جودي فنظر للورقه بزهول ثم لجودي
جودي ببكاء : ع. عدي
عدي : مالك يا حبيبتي
فزع الكل ووقفوا وشعر رعد بغصه في قلبه وعلم ان شيء ما اصاب عشقه
جودي ببكاء : عشق وحوريه اتخطفوا الحقهم ارجوك رعد وادم الصدمه الجمتهم وتذكروا ما حدث بينهم
عدي : مين ممكن يعمل كده جودي احكي اللي حصل
حكت لهم ما سمعت ووجد رعد اتصالات كثيره من السواق
رعد : السواق رن كتير
ادم : اي وعليا انا كمان يمكن يعرفوا حاجه
فنزلوا مسرعين اليهم واخبرهم السواقان بما حدث
رعد : جودي عشق حامل
جودي :......
رعد : جودي ردي بالله عليكي
جودي : ايوه وكانت فرحانه اوي وجايه تقولك عشق بتحبك اوي يا رعد وكانت مبسوطه ان اخيرا فيها جزء منك
اغمض رعد عينه وخبط زجاج السياره بقوه مما جعله ينكسر ونزفت يديه
رعد : غبي انا غبي جرحتها ليه ااااااااه
بعد ساعتين تجمع الكل في قصر رعد وكان الجو يملؤه الصمت لم يكن سوا خطوات رعد واتصالته
رعد : ايوه هشوف كاميرات المراقبة الوقتي افقل
ونظر للكاميرات ورأها وهي تمشي مع حوريه وعلم من وجهها مدي المها وترد علي الفون ثم يكمم احدهم حوريه وعشق فدقق بشده للاشخاص ورأي احدهم في السياره وبان يديه فقط فعرف من هو وقاطع تفكيره صوت فونه فاقترب الكل
.......: رعد الشافعي بوم مفاجأه من شخص مجهول مش كده الله عليا خدت منك اقرب واحده عشقك بس المسكينه التانيه جات بالغلط بس ايه صاروخ الصراحه طول عمرها كده حوريه هي فعلا حوريه
ادم بعصبيه : انت عارف لو شوفتك هولع فيك وحوريه مش هتيجي نحيتها فاهم
.......: تؤتؤ اتكلم علي ادك يا ادم
رعد ببرود : خلصت
.......: يا برودك يا شيخ......شفتي حبيبك مش فارق معاه خطفك اصرخي اطلبي المساعده اتكلمي
عشق بصوت سمعه رعد : لا انت ولا هو تهموني مش عايزه مساعده من حد وبالذات هو
رعد بنبره يملائها الالم والخوف : عشق
.......: ايه ده مش كانت بتعترف بحبك ادام الكل الوقتي ههههههه خلاص هقتلك واريحك منه
رعد : عاصم الشرقاوي عشق محدش هيقرب منها
عاصم بتوتر : عاصم مين
رعد : عيب عليك دانا رعد او الرعد اللي هيدمرلك حياتك وعشق هتكون معايا في ظرف تلات ساعات فاهم الحق افلت بجلدك يا.......عاصم
فقفل عاصم السكه وفي هذا الوقت حدد رعد مكانه عن طريق اللاب الذي كان امامه فقام وذهب معه ادم وعدي وبعد القوات
***************************
كانت عشق تنام علي الارض وبجانبها حوريه ويداهم مربوطتان من الامام فرفع عاصم الشئ الذي علي اعينهم
عاصم : خلاص عرفني الحيوان ده عرفني رعد هسبكم شويه تخلصوا مناحتكم وتودعوا الحياة لاني هقتلكم مستحيل تكوني لغيري يا عشق وحوريه المسكينه جات بالغلط بس يلا الموت مستنيكم
وخرج وتركهم
حوريه : تليفوني في جيبي حاولي تطلعيه
عشق : لا مش فارقه سيبك هيموتني بس
حوريه : تموتي
عشق : سيبك اصلا مش فارقه
حوريه : بتتكلمي جد
فكرت عشق ان لا ذنب لحوريه وانها تريد توديعه اجل تريد سماع صوته
عشق : اقولك هرن علي رعد اودعه وهقوله يجي يساعدك لاني مش عايزه ارجع اصلا
واخرجت التليفون بصعوبه
حوريه : حفظه رقمه
عشق : رقمه بس في حاجات تانيه كتيير.....ورنت عليه وانتظرت الرد
رعد : الو
عشق : بحبك اوي
رعد بخوف : عشق انتي كويسه انا جايلك متقلقيش جايلك انتي وابننا
عشق : جاي عشان اببنا عادي ممكن تتجوز وتجيب غيره رعد لو بتحبني متجيش انا مش عايزه ارجعلك يا رعد عاصم ناوي يموتنا وانا عايزه اموت حتي لو مكنش خطفنا كنت هبعد والوقتي هبعد مش فارقه عارف يعني ايه قلب يعيط قبل العين انا قلبي كده ونفسي ارتاح ومش هرتاح الا اما اموت احنا كده كده هنسيب بعض سواء بالموت او بالطلاق لو ليا خاطر عندك متجيش عشان لو جيت هتلاقي عشقك ماتت يا رعد في الحالتين
رعد بدموع : بس انا بعشقك وانتي عارفه
عشق : بس انا حسيت بكلمة بكرهك اكتر من بحبك انا رنيت مش عشان اقولك انقذني لا رنيت عشان اودعك واقولك بحبك
رعد : عشق ارجوكي انتي بتوجعيني
عشق : اعطي التليفون لادم ارجوك
فاعطاه لادم وهي قربته من حوريه
ادم بقلق : الو
حوريه بدموع : هههههه اخيرا سمعت صوتك قلقان بس علي مين عليا ولا علي مرات شريكك
ادم : حوريه
حوريه : ماتت حوريه ماتت انت عارف انا فرحانه اوي اني هموت واسيبك حاسه ان الدنيا مش سيعاني نفسي اقوم والف واقول هموت واسيبه هسيب معذبي يااااه اد ايه انا فرحانه بالله عليك ماتكسر فرحتي وتيجي
ادم ونزلت دموعه : مش هخليكي تسيبيني
حوريه : عارف طول عمري بكره عاصم عشان بيأذي عشق بس لاول مره هحس ان الكره دا اتشال عشان هيخليني اسيبك
ادم : قلبي بيوجعني اوي لاول مره
حوريه : اخيرا دقت وجع القلب اللي كنت معيشهولي اخيرا لا بجد كتير عليا
قاطع كلامها دخول عاصم فبعدت الفون وشدهم هو اوقفهم
عاصم : ايه جاهزين
عشق : انت عارف لاول مره هتعمل معايا حاجه صح
حوريه : ممكن بسرعه عايزه اقابل امي اصلها وحشتني
عشق : وانا كمان نفسي انام في حضنها زي الاول
لم يعلم عاصم لم نزلت دمعه منه حين ذكرتها بأمها وحنانها عليه
حوريه : ههههه هنروحلهم انا فرحانه اوي يلا يا عاصم اعمل معانا ولو حاجه واحده صح
كان رعد وادم يسمعوا كلامهم ودموعهم تنزل الهذه الدرجه عزبوهم حتي انهم لا يريدوا الحياة
فك عاصم يديهم ثم جلس امامهم علي كرسي وبيده المسدس
عاصم بدموع ترفض التوقف : ابدأ بمين
عشق : بيا انا يمكن يلحقوا حوريه
حوريه : لا انا وياريت بسرعه
عاصم : خنقتوني ليه كارهين الحياة طيب انا ليا اسبابي انتم ايه
عشق : حبيت الموت عارف ليه مفهوش حد يكسر قلب حد ولا حد يتعب حد فيه نوري امي اللي هتخدني من همي وتحضني وتقولي كل حاجه هتبقي كويسه
حوريه : وفيه حور حياتي اللي اول ما اشوفها هنسي كل حاجه هنام ورأسي علي رجلها وتحكيلي حدودته وفي بابا كمان اللي بيجبلي شوكلاته كل يوم وهو جاي من الشغل
نزلت دموعه علي كلامهم
عاصم : ورعد وادم
حوريه : بحبه بس هو بيكرهني
عشق : عشقته بس طلع بيكرهني
وصل رعد وقفل السكه واتجهه بالعساكر للداخل
عاصم : الموت رياحه معاكم حق احسن من عذاب الحب عشق اقسم بالله حبيتك اوي واكتر من اي حد انتي كنتي كل حاجة حتي لو مكنتيش بتحبيني اعملي فيا خدمه ودوري علي ابني او بنتي وقوليله يسامحني اي انا كنت متجوز واحده عرفي وهي حامل بقلها اسبوعين مش اكتر ماشي وقولي ليهم يسامحوني وسامحيني ان قدرتي واعرفي اني بحبك اوي ثم وجهه المسدس نحو رأسه وانتحر فصوتت الفتاتان
عشق ببكاء : عاصم قوم قوم يابن عمي قوم بقي عشان تزعلني وماما تصالحنا وتجبلي شكولاته طيب قوم واضرب الولد اللي ضايقني طيب اضربني عشان مش عاوزه اتجوز مموتنيش ليه رد عليا رد بقي
وظلت تهزه بينما حوريه وضعت يداها علي اذنها وتنظر لها وتحرك رأسها بهستريه
دخل رعد وادم وعدي وبعض القوات بعدما تخلصوا من الرجال من الخارج
جري ادم علي حوريه وحضنها وحملها للخارج وكذلك رعد بينما اخذ الرجال عاصم
وصلوا للمستشفي لكي يطمنوا عليهم
************************************
في غرفه حوريه دخل ادم ودموعه تنزل عليها وهي تنظر للسقف ولا تتكلم ولا تبكي
ادم : حوريه ردي عليا يا قلبي واللهي العظيم بحبك كنت بكابر وبأذيكي عشان اثبت لنفسي اني مش بحبك بس انا بعشقك ورفعها واخذها في حضنه وتكلمت هي
حوريه : استنيتك تقولها من زمان اوي بس الوقتي مش حاسه بيها حساها كلمه عاديه ذي ما بتناديني
ادم : اوعدك اني هحسسهالك بس ارجعيلي
حوريه : ولو رفضت هتخدني غصب
ادم : بحبك يا حوريه افهميني ارجوكي
حوريه : هديك فرصه عشان انا محتجاها اكتر منك
ادم : بعشقك يا حوريتي وقبلها كأنه يخبرها بعشقه
********************************
دخل رعد ونظر لها فرح بشده انها بخير وابنه ايضا فتحت عينها ببطء وتزكرت ما حدث فنظرت له
عشق : ابني كويس
رعد : اي الحمد لله.......عشق
عشق : نعم
رعد : سامحيني
عشق : مفيش مجال للمسامحه انت عايز الولد
رعد : اكيد مش اببنا
عشق : لو عايزه فانا هبعد وهولده وهدهولك ولو لا فهاخده انا وهبعد
نظر لها رعد بصدمه
رعد : بتقولي ايه
عشق : انت اللي قولت هنطلق وانا معنديش اعتراض
رعد : عشق بس انا بحبك وانتي عارفه وعارفه ان قولت كده في لحظه مضايق فيها
عشق : بقولك حاسيتها من قلبك
ذهب اليها وحضنها بقوة ودموعه نزلت علي كتفها فبكت بشده
رعد : واللهي العظيم بحبك وكنت جاي عشانك اببنا لسه مشوفتوش عشان اتعلق بيه بعشقك
عشق وقد بادلته الحضن : وانا كمان بعشقك وبموت فيك
رعد : اوعي تسيبيني او حتي تفكري فاهمه
عشق : فاهمه وانت اوعي تكرهني فاهم
رعد : ههههه فاهم في حياتي مهيقل حبي عشان يوصل للكره
ودخل الكل واطمن على عشق
*****************************
بقلمي / سماء أحمد
************************************
الفصل الأخير من الجزء الأول
مر اسبوع والان الجميع سعداء بفرح ادهم ولارا وجاسر ويارا
في البيوتي سنتر
عشق بأرف : ريحه البيتزا دي مش حلوه
چيلان : ياستي اتلهي دانتي بتعشقي البيتزا
جودي : الله طعمها تحفه
لارا : هههههه مش دي اللي كنتي بتأرفي منها
حوريه : عشق كلي انتي مكالتيش من الصبح ورعد باعتها عشانك
عشق : لا مش واكله
لارا : بس
عشق : مبسش وبعدين مالكم كده
يارا : انا خايفه اوي ومكسوفه وفرحانه وكل حاجة غريبه
لارا : وانا حاسه بكل شعور وعكسه
عشق : هههههه احسن
سيلا : ريلااااكس
لارا : الكلمه دي بتوترني اكتر
جودي : بسم الله ما شاء الله قمر يا بنات
عشق : قمر بالستر
يارا : حد يشتال الزفته دي من ادامي هتموتني
همس : بس يا عشق انا فرحانة اوي يا بنات ان ماما وبابا احمد معانا وهيحضروا معانا
جودي : اي وكمان عموري
همس : احم اي
عشق بغمزه : اي الحوار يا سنجل
همس : بتكلميني انا
عشق : هو في غيرك سنجل
همس : بارده بعدين في سيلا وانا وعمار اخوات عادي
عشق : عادي في المعادي مش عليا دا ياعيني الواد واقع علي بوزه
همس بفرحه : بجد
ضحك الكل عليها
سيلا : بس بقي دانا كنت ناويه اتجوزه
عشق : وكرم باشا
سيلا : احم ماله
عشق بغمزه : بيسلم عليكي
حوريه : بس افصلي الله يكون في عون رعد
عشق : بس يا بتاعة ادم دومي اندومي
***********************
في القصر
كرم : هتقدم لسيلا النهارده يا شباب
رعد : مبروك يا برنس
كرم : الله يبارك فيك
عدي : هتخش القفص
ادم : دا احلي قفص
رعد : بدعي ربنا كل يوم ما يخرجني منه
ادهم : وقعتوه يا عيني عليكم
مالك : دا علي اساس انك موقعتش
ادهم : يابني انا واقع من 21سنه وبحمد ربنا انها شالت من دماغها فكره الجواز بعد التخرج دي
جاسر : واخيرا هتجوز انا مش مصدق
ادم : طيب يلا نروح نجبهم
الكل : يلا
************************
في منزل احمد بالقاهرة
كانت نورهان تقف امام المرأه تجهز نفسها فجاء احمد وحضنها من الخلف فقد اعترفت نورهان بحبها له وهو تقبله
نورهان بحب : مالك يا احمد
احمد مقبلا شعرها : عادي وحشتيني
نورهان : منا معاك
احمد : نورهان هتسامحيني في يوم
نورهان : ليه يا احمد
احمد ونزلت دمعه : اني مقدرتش ابادلك الحب زي مانتي حبتيني
نورهان : يا احمد انا بحبك بس مش شرط تحبني انت حبتني حب عشره ودا كفايه
احمد : مش قادر اشتالها من قلبي او مش بحاول ذكري وافتها قربت وقلبي بيوجعني اوي
التفت نورهان له ومسحت دموعه ودموعها هي نزلت
نورهان : اكيد في يوم ربنا هيجمعك بيها
احمد : كل اما بشوفك حبها هي بيزيد مش عارف بقولك ليه بس مخنوق وعايز احكي وحشتني اوي نفسي ترجع بأي طريقه او اروحلها
نورهان : وولادنا
احمد : مش عارف الشعور دا بيخنوقني
حضنها وبكي وهي بكت
***************************
حضر الجميع للقاعه واحتفلوا وكان الجميع سعداء وانتهي وتقدم كرم لسيلا التي فرحت بشده ووافقت علي الزواج بعد التخرج وعاد كل منهما لمنزله
وفي اليوم التالي عاد احمد المنصوره بعد وداعه لاولاده كان الكل في منزل احمد يودعه
احمد : هتوحشوني اوي
عشق ببكاء : وانت كمان
حضن اولاده الاربعه بهمس ونزلت دموعه
عشق : مخنوقه اوي متمشيش يا بابا
احمد بدموع : لازم امشي
جودي ببكاء : بابا متسبنيش
احمد بلسان نور : حتي لو بعدت عنكم كجسم هفضل جنبكم في قلبكم
وتركهم وذهب مع نورهان وعمار
**************************
مر أسبوع فيه عشق تبكي طوال الوقت وكذلك جودي لا يعرفوا لماذا وكان رعد قلبه يوجعه عليها فقرر اخذها لوالدها ولاجل زكري وفاة نور الثامنه فتزور امها واخبر عدي فأخبره بمجيئه معه واخذوا همس وچيلان
وذهبوا وصلوا وكانوا سعداء علي الرغم من الالم الذي يشعرون به من اجل زكري وفاة نور
عشق بفرحه : ماما وحشتيني
نورهان : وانتي اكتر يا قلب ماما
جودي : فين بابا
نورهان : بيصلي ادخلوا ليه في الاوضه
چيلان : يلا يا بنات
ودخلوا لاحمد وجدوه نائم علي السجاده
عشق : بابا قوم نايم هنا ليه
جودي : بابا رد عليا
وهزوه وجدوه وقع فصرخت چيلان وهمس
عشق بصراخ : بابا قوم بابا متسبنيش رد عليا يا بابا باااااباااا ارجوك
جودي : بابا قوم يا حبيبي يلا قوم متسبنيش زي ماما بتسبونا ليه هو احنا مش كويسين للدرجادي
عشق وجودي بصراخ : بااااااابااااااا
كانت نورهان في حاله صدمه لم تتكلم ولم تبكي بينما الكل يبكي بكاء مرير
ودفن احمد وذهب لعشقه لنوره امنيته ان يذهب لها تحققت والان اكتملت قصة حبه ليحيوا سويا للأبد حب دام لاكثر من عشرين عاما وحكم عليه بالفراق اكتمل حتي لو لم يكتمل في الدنيا فأكتمل في الاخره ليدووووم
********************************
بعد مرور حوالي خمسه اشهر ونصف
في احد المستشفيات كانت چيلان تصرخ وبعد وقت خرجت الممرضه بطفل واعطته لمالك ودخل لها الجميع
عشق : مبروك يا چي چي
چيلان بدموع : كان نفسي اسمعها من بابا اوي
محمد : ربنا يرحمه يا چيلان
جودي بدموع : امين
مالك : هتسميه ايه يا قلبي
چيلان : احمد هسميه احمد يارب يكون فيه حاجه من بابا
عشق ودموعها تنزل : يارب
وفجأءه صرخت متألمه
رعد : عشق مالك
عشق : ااااه شكلي بولد
رعد : بس انتي لسه في السابع
جودي : تبقي ولاد مبكره
ودخلت عشق العمليات واعطت الممرضه طفل لرعد فأذن في اذنه ودخل لعشق قبل جبينها
عشق : هتسميه ايه
رعد : لحقتي تنسي
عشق : عدي رعد الشافعي
رعد : ايوه عيلتنا بدأت تزيد يا عشقي
ودخل الكل وبارك لعشق
*********************************
بعد حوالي شهر
في غرفة ادهم ولارا
لارا بدموع : يعني ايه مش عايز عيال
ادهم بعصبيه : يعني كده وهتنزليه
لارا : بس انا مش هموت ابني
ادهم : لا هيموت غصب عنك
لارا بصراخ : قولت لا افهم بقا يارا متجوزه معايا وحامل في السادس ومبسوطين اشمعنا انا رد مش هنزله فاهم
صفعها ادهم بقوة فوقعت علي الارض اثارها
ادهم بعصبيه : هتنزليه يا لارا والوقتي حالا
وشدها للخارج ولكنه سمع صوت صراخ فكانت جودي تولد ونزل بها عدي
ادهم : تعالي كده كده رايحين المستشفي
واخذها للمستشفي مع الكل وشدها من وسطهم وادخلها للغرفه وامر للدكتوره بأن تنزله فخافت الدكتوره واخذتها للعمليات ودخلت
لارا ببكاء : ابوس ايديك ابني لا
الدكتورة بحزن : واللهي لو بإيدي كنت رفضت
لارا : هربيني ارجوكي
الممرضه بدموع : انا زيك خسرت ابني وعارفه الوجع ده فخدي هدومي البسيها واهربي منه
اومأت لارا وبالفعل قامت لارا ولبست ملابسها ومسكت ورقه وكتبت عليها "بكرهك يا ادهم بكرهك وانا متأكده اللي في بطني هيكرهك زيي"وخلعت خاتمها وخرجت متخفيه
*****************************
خرجت الممرضه وبإيدها طفل واعطته لعدي الذي أذن في اذنه ودموعه نزلت ودخل غرفة جودي واعطه لرعد
عشق : متسمهوش رعد
عدي : خلاص رعد يسميه
رعد : بيبرس
جودي : الله جميل اوي
يارا : بيبرس عدي المهدي....انا ابني او بنتي رعد اللي يسميه
جاسر : اي
رعد : لا انتم هاتوا بنت عشان كدا اكتفينا ولاد مش كده يا ماما
منذ موت احمد ونورهان لا تتكلم وتعيش في القاهره في منزله مع همس وعمار الذي ترك المنصوره واستقر في القاهرة
اومأت برأسها
**********************************
لاحظ ادهم تأخر الوقت فدخل للطبيبه ولم يجد لارا بل وجد الورقه والخاتم فخبط علي المكتب ودموعه نزلت وذهب ليدور عليها ولكنه لم يجدها واخبر رعد ان يساعده ولم يجدوها كأن الارض ابتلعتها
************************************
مر اربع سنوات وادهم يعيش في حزن علي فقدان لارا حبيبته
رعد وعشق معهم الان طفلين عدي واسد الذي يشبه جده احمد وجلال مات بعد احمد بسنه فقط حزنت عشق كثيرا لكن الحياة لا تقف علي احد وما زالت تبحث عن ابن او ابنه عاصم وزوجته ولكنها لم تخبر رعد بعد وهي الان حامل للمره الثالثه
تزوجت هدير وايمان ايضا وانجبوا وسافروا مع ازواجهم لبنان ويوسف سار عنده ولد وبنت توأم وعلاقته بعشق جيده كما هي ويزورها كثيرا
عدي وجودي معهم بيبرس فقط وهو صديق اسد المقرب ويحبه بشده عصبي كأباه ويقال ان الطيور علي اشكالها تقع وهو واسد كذلك لا يتحدثوا كثيرا كباقي الاطفال وحملت مره ولكن ابنها مات في شهره الخامس
جاسر ويارا معهم يعقوب واصروا علي رعد ان يسميه وهو وعدي واحمد اصدقاء ويحيي
لارا لم تشبهم فأصبح لديها طفله جميله جدا اسمتها ماسة فهي كالماسه تعيش بجانبهم ولكنها لا تعطيهم فرصه لرؤيتها
عمار دخل اداره اعمال لكي يصبح مثل رعد مع اصرار نورهان تركهم وسافر امريكا
همس دخلت طب وقررت ان تكون طبيبه نفسيه لان هذا اصعب الالام التي تواجه الانسان ولا يستطع معالجاتها وسافرت مع اصرار نورهان بالرغم من عدم كلامها فاستغربوا لماذا تفعل هذا وتزوجت هي وعمار قبل ذهابهم وهي حامل الان
كرم وسيلا تزوجوا ولكن للأسف لم ينجبوا بعد ولا يعرفوا السبب ممن
نورهان الان اعادت صوتها لتعرضها لحادثه وهي......
*******************************
دخلت لارا علي المرأه التي تعيش معها لتهزها ولكنها لا تجب فجست نبضها ووجدته ضعيف فصرخت بشده ولم تعرف ماذا تفعل رنت علي الطبيب ليأتي فرن الطبيب علي ادهم الذي يعرفه
الطبيب : ادهم بيه
ادهم : اهلا يا دكتور خير في حاجه
الطبيب : السيده الوالده تعبانه اوي وعايز انقلها علي المستشفي وقولت للهانم اللي عايشه معاها تقولك اتوترت ورفضت
ادهم : هانم مين امي مقلتش ان حد عايش معاها
الطبيب : لارا هانم
لم يستوعب او يفهم ماذا يقول هذا المجنون امه او هي مختفيه منذ اربع سنوات عند امه كيف فأخبر الكل ووصلوا وجري لمنزل والدته والكل ورأه بالسيارات خبط بقوه ولم يجب احد فكسر الباب ودخل
وجد لارا تبكي بشده بجانب امه فدخل وهو غير واعي والكل ينظر بزهول اهي هنا من سنين كيف
ثم نظر للارا وشدها وصفعها بقوه فتدخل رعد وعدي وبعدوه
ودخلت من وسطهم فتاة صغيره وجميله بشعرها البني وعيونها الزرقاء
ماسه ببكاء : مش تضلب (تضرب) ماما انت شليل(شرير) بكلهك (بكرهك)
لارا ببكاء : ماسه كده عيب اعتزري
ماسة وهي تمسح دموعها : بث ضلبك (ضربك) يا ماما وثايب تيته نولهان ( نورهان) مش بيثحيها
بعد رعد وعدي وركع ادهم علي ركبته حتي صار بمستواها وحضنها فشدتها لارا منه
ادهم بعصبيه : دي بن....
لارا : اخرس دي مش بنتك دي بنتي انت قتلتني انا وبنتي يوم ما حاولت تموتها
فاقت نورهان بضعف : ماسة
ماسة : تيته الحلوه فاقت هييه اومي يا نونو يلا
عشق : ماما مالك فيكي ايه
نورهان : تعالي يا قلبي جنبي
ذهبت بجانبها
نورهان : عشق احكيلهم
عشق : من اربع سنين اختفت لارا وسابت ادهم وهي حامل وراحت الغردقه بس مواصلات عشان هو ميعرفش يلقاها عن طريق القطر او الباص او الطياره وغيره وبعدين فضلت هناك حوالي سنه ونص ومحدش يعرف حاجه اما انا كنت حامل في اسد علي اخري وقولتلك يا رعد فسحني انت اخدتني انا وماما يومين هناك وشوفنا لارا وهي بتتسوق وعرفنا منها كل حاجه وعن ماسة بنت ادهم اللي كان عاوز يموتها
ماسة ببرأه : ماثه بنت ادهم اللي كان ايه مث عارفة انطقها يا عثق الجميله
عشق : هههههه اما تكبري هقولك
ماسة بهمس : يا بااااالده ( بااااارده)
عشق : بتقولي ايه
ماسة مخرجه لسانها : اما تكبلي(تكبري )هقولك
ضحك الكل بشده بينما نزل رعد لها
رعد : سمعتك قولتلها ايه
ماسة : خليه ثل (سر) بقا
رعد : حاضر انا رعد
ماسة : وانا ماثة اتثلفنا (اتشرفنا)
رعد بضحكه : الشرف ليا
ماسة : عثق الجميله كملي كلامك انا بثمعك
لارا : تعالي هنا وبطلي لماضه
ماسة : اثكتي يا لالا(لارا ) خليكي في حالك وبطلي تبثي(تبصي ) علي عمو الحلو اللي هناك مشيره علي ادهم وانت يا عمو عيب تبثلها كده احتلموني(احترموني) الله
رعد : هههههه عسل اوي
ماسة : وانت ثكل (سكر) يا لعد......كملي يا عثق
عشق : حد ياخد البنت دي من وشي هلقيها منها ولا من يحيي
ماسة : ليلاكث (ريلاكس) ليطقلك علق ( عرق)
عشق : بتسرقي كلامي يا لمضه
ماسة : طب خلثي وقولي الكلمتين
رعد : واللهي البت دي تربيه عشق نسخه طبق الأصل منها
ضحك الكل
عشق : بعدين انا كلمت عمار وهمس انهم لازم يحققوا احلامهم ويسافروا وبالفعل بعد محاوله سافروا وكان مر حوالي شهر جبنا الغلسه دي ولارا يعيشوا م....
ماسة موضعة يديها في وسطها : مين الغلثه دي
عشق : انتي
ماسة : كده يا عثق تثتمي (تشتمي) نفسك لا عيب
عشق : هتموتمي ناقصه عمر
ماسة : ليه هو فيه حد بيموت ناقث عمل
لم يكن احد يتمالك نفسه من الضحك حتي ادهم ولارا ونورهان تضحك بضعف
عشق : وماما رجعت صوتها بسبب ماسه لانها كانت هتقع من علي السطح
ماسة : انا ليقي نثف (ريقي نشف) منك يا عثق انا لاحه اكل واثلب
لارا : استني يا ماسة عشان هنمشي من هنا
ادهم : وتروحي فين تاني
لارا : ملكاش دعوه
ادهم : لا ليا انتي مراتي وهي بنتي
لارا : لا يا ادهم والف لا
ادهم : واللهي لعرفك يا لارا ازاي تسيبيني كل ده وحملها امامهم واخذها ومشي من امامهم
ماسة : هييه عمو اثتال(اشتال) ماما زي البتل (البطل) بث اخدها فين يا بت يا عثق
عشق وقامت تمسكها من ملابسها
عشق : بت يا عشق
ماسة : ثيبيني عثان بليث... بليثت.....اثمه ايه
عشق : برستيجي مش كده
ماسة : ايوه ثطوره
************************************
في غرفه ادهم
دخل هو ولارا وشدها اليه وقبلها بعنف وقوه ثم بعد عنها
ادهم : سبتيني ليه
لارا : واللهي بتسأل
ادهم : كانوا بيهددوني بحياتي خفت اجيب طفل منكم واسيبكم انما قولت لو فضلتي لوحدك لو انا مت هتكملي حياتك عادي انما الطفل هيقيدك
لارا ببكاء : ايه
ادهم : اللي بيحب حد بيتمني يعيش معاه ع طول ويخلف منه وانا كنت بعشقك ازاي هكون مش عايز اخلف منك ولو مش مصدقه بصي في عيني
نظرت له لارا وعلمت بصدقه ثم حضنته بقوه وهو حضنها وحملها ودموعهم سبقاهم
لارا : وحشتني اوي كنت بتعذب وانا شيفاك بتزور مامتك ومش شيفني وكنت بلمحك من بعيد وانت رايح الشركه وارجع اعيط
ادهم : هشش انسي كل حاجه افتكري اني بحبك
لارا : وانا كمان
*********************************
تجمع الكل في قصر رعد حتي امروا السواق انه يجيب كل الاطفال هنا فدخله وجدوا الكل يجلس وطفلة وسطهم
ماسة : بثم الله اللحمن اللحيم مين كل دول
عشق بضحكه وهي تشير اليهم : احمد وعدي وبيبرس ويعقوب واسد ويحيي
ماسة : وانا ماثه اتثلفنا
بيبرس : كلامك بيضحك
ماسه : ثخيف يا بيبيبيب......اثمه ايه
رعد : هههههه بيبرس
ماسة : ايوه هو ده
اسد : مين دي
ماسة : واحده من الناث في اعتلاض
احمد : اتشرفنا يا ماسه انا احمد
يعقوب : وانا يعقوب
عدي : وانا عدي
ماسة : الثلف ليا......عثق
عشق : نعم يا عيوني
ماسة : مفيث بنات خالث
عشق : چيلان حامل فادعي تكون بنت وانا حامل مش عارفة
رعد : انا عن نفسي عايز بنت
عشق : انا عايزه ولد
رعد : لا بنت
عشق : ولد
نورهان : بس لسه اطفال
ضحك رعد وعشق
رعد : اللي يجيبه ربنا كويس
عشق : صح
فحضنها رعد وقبل جبينها
عشق : بحبك
رعد : وانا بعشقك يا عشق الرعد
************************************
دي النهايه بالنسبه لينا بس مش نهايه عشق عشق ورعد ولا حب جودي وعدي
عارفه ان في ناس كتير هتزعل علي موت احمد بس انا كان ليا رأي تاني وهو ان في حب ابدي زي حب احمد لنور علي الرغم ان الموت فرقهم بس هو حبه مامتش نورهان حاولت بس مقدرتش بتمني تكون الروايه عجبتكم وشكرا
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
بقلمي / سماء أحمد
*******************
تعليقات
إرسال تعليق