مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#روايه_كبرياء_اسيا_وغرور_اسر

#البارت_17

#بقلم_بسمله_صالح

اسر بصدمه :معقول هلا ده حسابها ثقيل ليغلق اسر الفون وهو في قمه غضبه ويقول بتوعد لن ارحمك يا هلا اسيا حبيبتي كانت تموت بسببك كانت بين الحياه والموت ليذهب مسرعا  ويركب سيارته ويسوق بسرعه جنونيه متجا الى فيله النمر.

في فيلا النمر استيقظت هلا ولبست شورت جينز وعليه بادي  قد قصير لونه ابيض وعملت شعرها ذيل حصان ووضعت بعد المكياج ثم نادت على الخادمه وقالت بصوت عالي: لطيفه يا لطيفه

لتأتي لطيفه بسرعه وتقول: نعم يا هانم 

هلا :بغرور انت جهزت شنط سفري

تقول لطيفه :طبعا يا هانم وهي دلوقتي في السياره الخاصه بحضرتك لان برلي هانم امرتنا بكده لتشير هلا بيديها بمعنى اخرجي ثم تنزل الخادمه

وتنزل خلفها هلا لها لتجد جاسر وباري ولدتها يجلسون على سفره و وينتظرونها لتقترب هلا وتجلس على كرسي السفره : وتقول صباح الخير.

الكل بصوت واحد: صباح النور 

وتقول الام :يلا يا حبيبتي افطري بسرعه علشان تلحقي ميعاد الطياره 

ثم يقول لها جاسر :هلا انت هتسافري ليه

باري بسرعه :يا جاسر هلا نفسيتها وحشه وعايزه تغير جو

هلا بتوتر :اه فعلا باري معاها حق 

جاسر بشك: تماما.

الام: طيب انجزوا يلا وافطري كويس عشان تلحقي هلا :

حاضر وبدات هلا ان تاكل والجميع ياكل وبعد انتهاء الفطور وودعت هلا الجميع  وتحضن الام هلا وتقول: خلي بالك من نفسك يا حبيبتي انا قلبي مقبوض حاسه ان حاجه هتحصل.

هلا ما تقلقيش يا ماما ان شاء الله خير. 

وجاسر يحضنها ويقول خلي بالك من نفسك ولو احتاجت اي حاجه كلميني.

وفجأه يسمعون صوت صادر من الخارج والصوت يعلو  واسر يقول :ي هلا انتي ي هلا ليدخل اسر وهو

في قمه غضبه ويقول :انت ازاي تدبري حادثه لاسيا ها فهميني 

هلا بانكار :ايه اللي انت بتقوله ده وحادثه ايه

واسيا مين انا مش فاهمه حاجه من اللي انت بتقوله ده في ايه يا اسر

الام وجاسر بصوت واحد: في ايه ي اسر فهمنا

اسر :شوفوا هلا عملت ايه ده انا هاوديكي في ستين داهيه اسيا خط احمر اي حد يقرب منها هاقتله .

الام فهميني يا هلا وهلا لم تتكلم

جاسر: لو سمحت يا اسر اهدي وفهمنا في ايه بس وايه اللي حصل

اسر: هلا اختك كلمت شخص مجرم ودفعت له فلوس في مقابل انه يقتل اسيا ويموتها وبالفعل المجرم خبط اسيا واسيا كانت محتاجه الدم ولو ما كانش سيف جاء واتبرع لها كان زمان ااسيا دلوقت ولم يستطيع ان ينطق هذه الكلمه

ثم اكمل وقال :ودي محاوله قتل وهتدخلي السجن وانا هابلغ عنك بس انا عايز اعرف حاجه قبل ما تدخلي السجن اسيا عملت لك ايه علشان تعملي فيها كده  .

هلا بغضب: ايوه انا اللي خبطت اسيا عشان اقتلها وانا اللي خططت كل ده وانا كمان اللي خططت وبعثت الشباب علشان يغتصبوا بس هي طلعت قويه وضربت الشباب وانت جئت زي البطل وضربتهم واخذتها بسيارتك كمان ووصلتها لغايه بيتها وانا كنت السبب انها تدخل السجن لان انا بكيت اللي خالتو منى وانا صعبت على خالتو وخالتو اقترحت خطه علشان نوادي اسيا في 60 داهيه واتهمناها انها

سرقت مليون جنيه وهافضل اؤذيها ثاني وثالث ثم تبكي وتمسك لياقه قميص اسر وتقول لان اسيا سرقتك مني سرقت حبي  انا باحبك يا اسر انت ليه مش حاسس بيا انت ليه دائما بترفضني

ليدفع اسر هلا بيده ويصفعها كف قوي ويقول يدك الوس"خه دي ما تلمسنيش ثاني فاهمه قسما بالله اذا انت حاولتي انك تأذي اسيا او تلمسي شعر ه من اسيا هانسى انك بنت خالتي وهدفنك حيا فاهمه 

لتمسك الام هلا وتصفعها وتقول: لما بنتي تغلط لازم اضربها عشان تفوق انت مجرمه ايه الحقد والغل اللي مليكي دا

هلا بكره: انت تضربوني علشان مين علشان اسيا البنت البسيطه دي دي ما تستاهلش اي حاجه قبل ان تكمل الكلام يصفعها اسر مجددا ويقول اي كلمه غلط في حق اسيا مش هيحصل لك خير ويمسكها من زراعيها ويقول: يلا معي هتجيي المستشفى وتعتذري لي اسيا .

هلا:مش هاعتذر وسيب يدي لي يشدد اسر على ذراع هلا

لتقول هلا بألم: اه 

باري بغضب اسر سيب هلا يا اسر

نظر اسر لباري نظره غضب ونظره حاده وعينه حمراء جدا ويرفع اصبعه في وجهها لتخاف باري وترجع للخلف

وتنظر هلا لي باري وتقول: دلوقتي خوفتي ورجعت لوراء وانت دائما بتشجعيني على الشر وان انتقم من اي احد يقف عقبه في طريقي شكرا لك يا باري لانك خليتيني مجرمه 

ثم ينظر جاسر الى باري ويصفعها على وجهها بقوه ويقول: انت ايه يا شيخه عقرب ولا شيطانه 

انت السبب في الي هلا وصلته انت اللي خليتها مغروره وخلتيها تلبس لبس متحرر ودلعتيها وده اخر دلعك فيها انت دمرت اختك احنا مربيين في بيتنا شيطانه حرام عليكي يا باري .

باري: انت وقبل ان تكمل كلامها يقاطعها جاسر ويقول اطلعي على غرفتك فورا يا باري علشان ما اضمنش نفسي  وتطلع هلا غرفتها وهي غاضبه

.الام تبكي على حال اولادها يمسك اسر يد هلا ويركبها سيارته متجها الى مستشفى السيوفي كان في الطريق يقول اسر بنظره تحذير: ان لم تعتذر لاسيا هدفعك التمن غالي وكان يقود السياره وبعد مرور بضعه دقائق 

كانت عائله اسيا وملك ومراد وسيف ورانا في غرفه اسيا في المستشفى وصل اسر الى المستشفى وتحديدا في غرفه اسيا ليلقي اسر هلا على الارض ويقول اعتذري فورا

لتقف هلا وهي تنظر لاسيا بحقد وغل وتقول :انا اسفه

تقول اسيا بعدم فهم  تتأسفي على ايه 

ليقول اسر: هلا حاولت تقتلك هي اللي ارسلت لك شخص يخبطك في السياره وهي اللي اتهمتك بالسرقه وكانت السبب في كل حاجه حصلت لك وهي اللي جعلت الشباب يتعرضون لك

صدمت اسيا  والجميع بصدمه معقول كل ده يطلع منك ي هلا 

اسيا بصدمه اكبر لي هلا: ليه تعملي فيا كده انا اذيتك في ايه انا اساسا ما اعرفكيش ولا تكلمت معك قبل كده ليه كل الغل والحقد والشر اللي فيكي ده تجاهي فهميني انا عايزه سبب للي انت عملتيه 

هلا بغل وشر: كل اللي عملتيه ومش عارفه انت عملتي ايه انت بجد ممثله انت مكانك مش هنا يا دكتوره انت مكانك تبقي في مسرح 

ثم تكمل وتقول: ايوه انا عملت كده ومش ندمانه اخذتي مني اسر 

اسر وقع في حبك وما حبنيش اسر كان بيحبني بس انت بقيتي حبيبته.

وخطفتيه مني ي  اسيا ثم تقول  هلا بوجع ودموع بس يفيد بي ايه الحب وقلب الشخص اللي بتحبه متعلق باحد ثاني ما لهوش لازمه الحب الحب بيكسر القلب صدقت هذه المقوله لا تحب كثيرا ولا تهتم كثيرا فهذا الكثير سيؤذيك كثير

وانا دلوقتي اتأذيت صدمت اسيا والجميع من كلام هلا ليقف معتز ويرفع يده لكي يضرب هلا ويقول حقيره

يمسك اسر يده ويقول: مش انت اللي هتعاقبها الشرطه الي هتعقبها 

صدمت هلا عندما سمعت هذه الكلمه من اسر لانها لم تتوقع ان حبيبها سيقول هذا الكلام ثم قال اسر انا باحبك حب اخو ومش اكثر بس انا دلوقتي باكرهك وانت مش بتحبيني ي هلا انت حبيتي الشخص المغرور اللي ملابسه انيقه وشيك في نفسه اللي عنده معجبين كثير اللي كل البنات بتتمنى نظره واحده منه وانت تحديتي الجميع انك تحصلي علي وان انا ابقى ملكك بس الحب مش بالعافيه انت بتحبيني حب امتلاك

وانا البنت اللي باحبها هي اسيا 

اسيا ما بصتش الي  انا عندي فلوس ولا ان انا شخص لي معجبين كثير اسيا غيرتني من انسان مغرور لانسان متواضع عرفت معنى الحب على يد اسيا  اسيا من افضل الشخصيات اللي قابلتها في حياتي شخصيه طيبه بتساعد الناس ما فيش حقد ولا غل في قلبها عمرها ما اذت احد وتقدر تحمي نفسها بنفسها كافحت طول حياتها علشان توصل لهدفها لغايه ما بقيت الدكتوره شاطره ومن اكفئ دكاتره عندنا في المستشفى لكن انت بنت مغروره قلبك كله حقد وغل وعندك انانيه دائما مدلعه بتحب كل حاجه انت اللي تمتلكيها 

وانا باقول لك يا اسيا ا امام الجميع بحبك  ثم يوجه نظره الى هلا ويقول اللي بيحب احد بيضحي عشانه وانت عارفه ان انا باحب اسيا وحاولتي تقتليه ده يبقى مش حب ده اسمه حب تملك عايزه تمتلكيني باي طريقه بس انت مريضه مريضه لازم تتعالجي عند دكتور نفساني لانك بقيتي مجرمه مستعده تدمري اي حد عشان تحصلي على اللي انت عايزاه لازم تفهمي ان مش بحبك نزلت كل هذا الكلام على هلا كصاعقه 

وقعت على الارض تبكي وتقول: دلوقتي بقيت وحشه الكل شايفني وحشه بس انا مش مريضه ولا مجنونه واخذ ترددت هذه الكلمه انا مش مريضه حبي لك يبقى مرض انا مش مريضه يا اسر واخذت تبكي.

وصلت الشرطه وقال اسر دي المتهمه يا حضره الضابط يا ريت تقبض عليها هي اللي خبطت اسيا واسيا كانت بين الحياه والموت لتنظر هلا الى اسر بدموع ولن تتكلم ليقول الضابط يا عسكري اقبض على المتهمه ولبسها الكالبشات وبالفعل تلبس هلا الكاابشات ويجذبها العسكري من الكلبشات وتذهب هلا وتركب البوكس سياره الشرطه 

وفي المستشفى  تقول ملك:معقول كل المشاكل

اللي حصلت لك دي يا اسيا تطلع من وراء السوسه  الحربايه دي حسبي الله ونعم الوكيل

 اسيا :شكرا لك ي اسر و اسيا ونظرت له نظره مطوله وابتسمت واسر نظرا لها وابتسم وطلاقت اعينهم لاحظت الام وعائله اسيا وكل الموجود بالمستشفى نظرات اسيا واسر لتقول  رقيه بمرح : احمممم نحن هنا.

يضحك الجميع وبعد مرور بعد الوقت تصل سياره الشرطه الى قسم الشرطه ويلقوا هلا داخل السجن

 لتقول هلا بدموع: ارجوك اسمح لي كلم عائلتي لتخرج وتتكلم جاسر وتقول هلا بدموع :جاسر

 جاسر بصدمه وخوف هلا في ايه يا روحي مالك اسر اعمل لك ايه

 هلا :انا انا في السجن يا جاسر تعالى طلعني

 جاسر :بس انت لازم تتعاقبي ي هلا انت كنت هتموتي بنت مسكينه لازم تحسي بالندم وتتغيري 

 وما تخافيش مش هيحصل لك حاجه في السجن بس انت حبستي اسيا مره وظلمتيها ولازم انت كمان تتحبسي زيها و

الدنيا دواره واللي هتعمليه في اي حد هيترد لك ويتعمل لك سواء ان كان خير او شر وانا بكره هاجيء لك بس انت لازم تحسي باللي انت حسستيه لاسيا وانا لو مش خائف عليكي ما كنتش عملت كده انا باحبك يا هلا وعايزك تتغيري وتبقى كويسه لان الشر اللي جواك هياذيكي يا حبيبتي تغلق هلا الفون وهي تبكي  والعسكري يدخل هلا السجن ويفك من يديها الكلبشات اللي تدخل وتبكي وتقول في نفسها معقول انا وحشه كده انا انانيه قوي ثم تاكله بصوت عالي: انا لازم اتغير.

لتقول سيده في السجن  طويله وعريضه وبشرتها قمحاويه وشكلها مخيف ويوجد علامات على بشرتها توضح انها كانت مضروبه ومجرمه لتقول لهابصوت خشن: في ايه يا قطه انت بتكلمي نفسك ولا ايه لا يا حبيبتي فوقي ده سجن مش مستشفى المجانين وانا خلقي ضيق وبلاش قرف ده بيننا مرار طفح .

لتقول هلا  بقرف:انت يا ست انت شكلك عامل كده ليه شكلك ومنظرك مقرف قوي ابعدي عني كده وريحتك وحشه ايه القرف ده .

لتكون السيده بغضب: قرف ايه يا بنت الك"لب تعالي هنا؛ ده انت تلاقيك يا معفنه داخله في قضيه سرقه هو انت علشان كشفلنا نصف جسمك تبقى غنيه واللبس اللي انت لابساه تبقى غنيه وتهزقيني وتقولي لي مقرفه لا اهدي على نفسك يا قطه ده انا لمعلمه توحه الكل هنا بيعمل لي الف حساب تيجي واحده مغروره زيك وتقول لي كده وتقوم المعلمه توحه وتجيب هلاه من شعرها وتصفعها على وجهها وتقطع شعرها بيديها وهلا تصرخ بشده وتقول: خلاص بالله عليك سيبيني يا معلمخ انا اسفه

 المعلمه توحه :لا علشان ما حدش يتجرأ ويقول لي كده ثاني وتكمل وتضربها على جسدها وصفعات متتاليه وتقول ما عاش ولا كان اللي يسب المعلمه توحه   لتتدخل العساكر وتفض الاشتباك وتقول هلا بدموع: دي مش طريقه  ليه بتبهدلوني كده حرام عليكم 

وتدخل هلا سجن منفرد وتبكي هلا وتمسك شعرها وتقول شعري وتبكي وتضع يديها على خدها مكان الضرب وتقول اكيد اسيا حصل فيها كده ده عقاب من ربنا ليا وانا انانيه جدا سامحني يا رب بس انا لازم اتغير واعتذر من اسيا وبابقى انسانه كويسه انا حاسه بالندم تجاه اسيا معقول حقدي  يوصلني لكدا وادخل السجن وكنت هادمر مستقبل اسيا وهي ما اذتنيش يا رب سامحني يا رب بس انا هتغير ولا لازم اصلح اخطائي

 وفي مستشفى  السيوفي تشرب الام اسيا شوربه خضار واسيا تقول: كفايه يا ماما بقى معدتي وجعتني من كثر شرب الشوربه حرام عليكي

 اسر: اسيا طنط معاها حق لازم تتغذي كويس عشان تخفي بسرعه  نظرت اسيا لي اسر باهتمام وتشرب الشوربه وتاخذ العلاج وفجأه تيجي مكالمه في تليفون لمراد ليقول مراد بصدمه: ايه طب انا جاي حالا .......استوب 

يا ترى ايه هي المكالمه اللي جات له مراد ويا ترى هلا فعلا هتتغير  توقعاتكم ايه.... 

هنطلع النهارده بمعلومه حلوه. الجميع يفكر في تغيير المجتمع ولكن لا احد يفكر في تغيير نفسه لكي نصلح  المجتمع يجب ان نتغير اولا ونصلح من انفسنا ابدا بتغيير نفسك اولا. مش عيب ان الانسان يغلط العيب ان يكرر غلطه مرتين.❤️ عايزه اقول لكم حاجه ان الغيره ما بتقتلش غير صاحبها وان الحقد زي النار بتشتغل بالغيره ومش بتنطفي الا بالتسامح والحب 🤍🤟🌹

اولا باعتذر عن التاخير بس فعلا التفاعل بتاعكم بدا يقل جدا وده بيحبطني بس انا بنزل عشان خاطر اللي بيدعموني وكل اللي بيدعموني فوق راسي وبشكركم جدا يا حبايبي على التفاعل القمر بتاعكم وتشجيعكم لي

البارت بتاع النهارده قصير بس انا كنت في فرح صحبتي  النهارده  فبعتذر جدا بس ان شاء الله هاعوضكم في بارت عايزه اقول لك ولو لقيت تفاعل كبير هانزل لكم بارت بكره باذن الله.

دمتم في رعايه الله 

#روايه_كبرياء_اسيا_وغرور_اسر

#بقلم_بسمله_صالح

#يتبع

تكملة الروايه من هنااااااا