 |
طفلة الأسد ٢٠
الدكتور........هي ضغطها عالي شويه ومطلوب منها الراحة ودي اوديه تاخدها في معادها ألف سلامة عليها
الشرقاوي بهدوء........ الكل ينزل تحت وانت يا ماجد خليك مع مراتك
الكل نزل تحت
أسد بهدوء رهيب........ ممكن افهم ايه اللي حصل دا
الشرقاوي خاد نفس عميق واتكلم
الشرقاوي.......... طبعا كلكوا عارفين ان سلمي بتحب فؤاد بس فؤاد مش بيحبها فؤاد بيحب واحده تانيه وهو معتبر سلمي اخته زي نسمه وفرح بس سلمي معنده وعايزه تتجوز فؤاد وسلمى لازم تفهم ان الحب مش بالاجبا*ر خالص فأنا خليت فؤاد يتجوز البنت اللي بيحبها اللي هي انجي
أسد بنفس الهدوء.......... وبخصوص ماجد و سلمي
الشرقاوي........ ماجد قالي زمان أنه طالب ايد سلمي وأنا عرفت انه بيحبها سلمي صح محصلتش على فؤاد وهتزعل وهتفكر إننا ظلــ...ــمنها بس ماجد هيكون معاها وهيقف جنبها اللي سلمي حساه تجاه فؤاد مشاعر إعجاب مش اكتر وهي اكيد هتلاقي الحب الحقيقي مع ماجد لانه هو الوحيد اللي هيقدر يطلعها من اللي هي فيه ويقدر ينسيها الو*جع دا وكان لازم سلمي تنحط قدام الأمر الواقع وإنها خلاص مبقتش لفؤاد ولا فؤاد بقى ليها علشان تتقبل الحياة الجديده اللي جايه ليها
الكل سكت مش عارفين يعملوا ايه
نسمه بهدوء...........أنا مع جدي
الكل بص لنسمه
نسمه بهدوء......... الحب عمره ما كان بالاجبا*ر خالص طب خلينا نتخيل لو سلمي اتجوزت فؤاد وهي عارفه وشايفه نظرة الحب في عيونه تجاه انجي يا ترا حياتها هتكون ايه في الحالة دي اكيد هتد*مر بالإضافة لحياة فؤاد كمان لأنه هيكون مجبو*ر على الجوازه دي، بس دلوقتي ماجد مع سلمى وزي ما جدي قال هو بيحبها فأكيد هيعمل المستحيل علشان يرسم الضحكه على وشها لان اللي بيحب هتكون سعادة اللي بيحبه هدف ليه
فرح....... أنا مع كلام نسمه، لو فؤاد كان اتجوز سلمي كانت حياتهم اكيد اد*مرت ومكنش حد فيهم هيعيش بسعاده خالص
معتز................ماجد أنا شوفت في عيونه عشق لسلمى واكيد هيقدر يفرحها وينسيها و*جعها
مراد..............أنا مع كلام نسمه وفرح ومعتز والشرقاوي باشا اللي اتعمل دا كان الصح
زين بهدوء........... كلنا مقطنعين أن دا الصح بس مين اللي هيقنع سلمي ان دا الصح
أسد بهدوء....... أنا اللي هقنعها
الكل بص لاسد
أسد......... فعلا سلمي لو كانت اتجوزت فؤاد مكنتش هتكون مبسوطه لا هي ولا فؤاد
الشرقاوي بهدوء.............. بتمنى الأمور تمشي على خير
سلمي بدأت تفوق ولقت ماجد قاعد قدمها
سلمي بخضة....... انت بتعمل ايه هنا
ماجد بهدوء........... الحمدلله على السلامه
سلمي وافتكرت كل اللي حصل تحت وعيونها دموع
ماجد بهدوء........ سلمي أنا عايز اتكلم معاكي شويه
سلمي بدموع...... مش دلوقتي يا ماجد أنا محتاجه ارتاح
ماجد بهدوء....... ترتاحي ولا تهربي من الواقع دا
سلمي بدموع............ انت عايز تقول ايه
ماجد بهدوء..............سلمي بصي ليا
سلمي كانت دموعها نازله وباصة للأرض
ماجد بصوت عالي نسبيا......... سلمي قولت بصيلي
سلمي خافت وبصت لماجد
ماجد بهدوء.............أنا عارف إنك بتحبي فؤاد
سلمي بدموع...... ماجد أنا
ماجد بهدوء............ سلمي عايز أسألك سؤال لو كنتي اتجوزتي فؤاد وهو بيحب انجي كنتي هتكوني مبسوطه وانتي شايفه نظرة الحب في عيونه بس لواحده غيرك
سلمي هزت رأسها بمعنى لا وكانت بتعيط
ماجد بهدوء.......... حياتك كنتي هتحسي بجمالها وانتي مفر*قه قلبين عن بعض
سلمي هزت رأسها بمعنى لا
ماجد........ سلمي أنا قولتها ليكي مره أنت تريد و أنا أريد والله يفعل ما يريد أنا مش هجـــ...ـبرك على الجوازه دي بالعكس في الوقت اللي انتي هتكوني عايزه تطلقي فيه هكون أنا أول واحد يدعمك بس حاليا أنا هساعدك إنك تعدي المرحله دي من حياتك وتبصي لقدام
سلمي بدموع......... مش هقدر يا ماجد مش هقدر
ماجد راح ليها و وقف قدمها و وقفها قصاده
ماجد........ سلمي بداية الفــ...ــشل إنك توهمي نفسك إنك مش هتقدرى ودا غلط حطي ثقة في ربك وفي نفسك وفيا وصدقيني أنا هساعدك بالكل طاقتي بس الدعم الأكبر ليكي انتي اللي هتمديه لنفسك جاهزه لكدا
سلمي بدموع........ جاهزه يا ماجد.
ماجد وهو بيمسح دموعها بأيده
ماجد بابتسامة.............مينفعش تقولي جاهزه و دموعك نازله هاااا جاهزه يا سلمى
سلمي ومسحت دموعها بايدها
سلمي...............جاهزه يا ماجد جاهزه
ماجد بابتسامه......... ايه رأيك نخرج النهارده نغير جو
سلمي بابتسامة....... تمام يلا أنا هجهز نفسي استناني برا
ماجد بمشاغبه......... طب فيها ايه لو فضلت هنا أنا زي جوزك برده
سلمي بضحك.......... لا مينفعش ويلا بقى
ماجد بضحك....... ماشي يا ست سلمي ماااااااااشي، وطلع برا
سلمي أول ما ماجد طلع سمحت لدموعها إنها تنزل بس مسحتها بسرعة
سلمي بتحدي........ هنساك يا فؤاد هنساك اكيد ودخلت علشان تجهز نفسها
ماجد أول ما طلع سمح دمعه منه انها تنزل دمعه كان مسكها بالعافيه من ساعة لما عرف ان سلمي بتحب فؤاد
ماجد في سره.......... لحد امتى هفضل اتعذ*ب كدا سلمي أنا حبيتك وكنت بطلبك من ربنا في صلاتي بس أنا مش هقدر اجبر*ك تحبيني أنا ايوه هساعدك بس بعد ما تتخطي المرحلة دي هطلقك وهسافر لأني ساعتها طاقتي هتكون خلصت ومسح دمعته ونزل تحت يستنها
الشرقاوي...... ماجد أنا آسف لو
ماجد بابتسامة....... انت بتقول ايه يا جدي انا هز*عل لو اعتذرت مني صدقني
أسد بحزن......... ماجد انت مش مضطر إنك
ماجد بابتسامة.............اسد متكملش انت عارف سلمي غاليه عندي الزاي وسعادتها من أولوياتي دلوقتي ومتخفش سلمي هترجع احسن من الأول بكتير ودا وعد يلا استأذن دلوقتي وطلع ماجد واستني سلمي وسلمى نزلت ليه وماجد ودها مطعم واتعشوا هناك وبعدها ودها الملاهي لانه عارف أنها بتحب الملاهي وفضلت الفرحة مرسومة على وجهه سلمي وماجد كان بيحفظ ملامحها و بيركز على كل لحظة وبيحفرها في ذاكرته
حور بدموع....... ماما مين دول
انجي بدموع....... حور حبيبتي الناس دول بيكونوا أبطال جايين يحموكي على ما ماما تهزم الشر*ير اللي بيخو*فوا حوري، هتروحي معاهم دلوقتي وشاورت ليهم إنهم يجوي ياخدوها
حور بصريخ ودموع............... لا أنا مش عايز اروح ماما بابا، بابا الحقني باباااااااااااااا لااااااااااااااا أنا مش عايزه اروح انا هسمع الكلام ومش هزعل حد بس متسبونيش ماما وفضلت ماسكة في هدوم انجي وفؤاد
انجي بعدت حور عنها وطلعت تجري والدموع مش قادره تتحكم فيها
حور بدموع........ والنبي يا بابا متسبنيش وفضلت ماسكة في هدومه بس في الآخر الأشخاص دول بعدوها عنه وخادوها تحت صريخ و دموع حور
فؤاد كان واقف و بيتحكم في دموعه بالعافيه والكل كان زعلان على تلك الطفله، الشرقاوي راح لفؤاد
الشرقاوي........... معنديش مانع أن يكون عندي حفيده د*مها خفيف وحلو زي د*م حور كدا وتكون قمر زيها روح الحقها يا فؤاد
فؤاد بصله بدموع
الشرقاوي بابتسامه........... دي أقل حاجة ممكن اردها من اللي انت عملته، فؤاد طلع يجري ورا حور علشان يلحقها
الشرقاوي بابتسامة...........نسمه أسد مراد فرح عايز أحلى أوضة في الاوتيل تكون متجهزه لحفيدتي اللي جايه عايز الفرحة تكون مرسومه على وشها
الكل فرح وبدأ يجهز
فؤاد وصل لحور
فؤاد....... استنوا
الأشخاص دول وقفوا حور عــ...ـضت ايد اللي كان ماسكها ونزلت وراحت لفؤاد
فؤاد حضنها و عيونه دمعت وشالها
حور بدموع....... بابا متسينين تاني
فؤاد بدموع........ مش هقدر اسيبك يا روح بابا انتي ،بس انتي عملتي ايه في ايد الراجل ههههههه
حور بغيظ وغضب......... علشان هو بعدني عنك انت وماما انجي وطلعت للراجل دا لسانها 😝😝😝و اتعلقت في رقبه فؤاد اكتر
فؤاد ابتسم وقرر يتبنى حور
وخادها وراحوا علشان يعملوا الإجراءات القانونية الخاصة بالموضوع دا وبعد مده خلصوا وحور بقت بنت فؤاد وانجي وبقت جزء من عيله الشرقاوي
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تعليقات
إرسال تعليق