 |
البارت الثامن والثلاثون من الجزء الثاني
خادمتي ولكن
💗💗💗💗💙💙💙💙💚💚💚💚💚
حنان : عبدالله .. كلمت روكا انهارده
عبدالله : هو اليوم يعدى من غير ما أسمع صوتها واطمن عليها هى وحبايبى
حنان : عندك حق .. بيوحشونى والله .. والا حضرة الظابط الا مشرفنا ورافع راسنا فوق فى السما هو والدكتوره .. والله وفلحتى ياروكا
عبدالله : المهندسه روكا طول عمرها جااامده انتى بس الا كنتى حاطه نقرك من نقرها ..
حنان : تعرف يا عبده واحشنى العض فيها ..بتكسف اعضها وهى بقت أم وولادها على وش جواز .. لسا بنتك مستفزه اه والله اسمع منى
عبدالله : هههههه الحاجه الوحيده الا ورثتها منك العض .. سنا سنانها على مازن الغلبان والعيال
حنان بفخر : بنتى حبيبتى .. لسا ها توجع قلبها وتزعق وتجرى بالشبشب .. تمسكهم على طول وتوجب دى همزه الوصل الا بين الام وعيلاها
عبدالله : افكارك متطرفه زيك يا حنان .. قومى ياشيخه محسسانى انك بتفرقى حلويات ..قومى
حنان : يوووه .. خلاص يا راجل ادينى قايمه على طول صادد نفسى ..
*******************
اسلام : بلاش انت يا احمد انا عرفت انك عريس
احمد : ليه بقى .. مش ها اسيبهم لا يمكن
اسلام : انت عريس واخاف عليك تتخرشم كدا والا كدا وشكلك ها يبقى وحش اسمع منى
احمد : سيبها على الله .. دا تأمين عادى احنا افتكرنا حاجه كبيره
اسلام : مش عادى .. ممكن تتعرضو لضرب نار عشان كدا طلبو قوات خاصة تأمن المبنى عليه مشاكل جااامده
كريم : مهما حاولت يا باشا .. مش ها يوافق .. سيبه براحته
طارق : خلينا احنا فى الاماكن المكشوفه وهو جوا فى الأمان
احمد : مع احترامى لخوفكم عليا كلكم .. انا راجل واعرف اتحمل مسئولية نفسى مش عيل صغير خايفين عليه .. وكله بإيد ربنا انتو مش ها تمنعو عنى اى حاجه
اسلام : ونعمه بالله دا المتوقع لانى سمعت عن شغلكم كتيرر .. ولما جت الفرصه قولت لازم اشوف بنفسى .. ومبروك يا عريس مقدما ..
احمد : الله يبارك فيك .. مش ها أقبل من غير نقوط جااامد ..
اسلام : بس كدا .. احلى تحيه عسكريه ..طلقتين فى الهوا .. وكدا وصلك النقوط بتاعك يا عريس
كريم : ههههه كدا انت ها تنقطوه .. مش تنقطه
طارق : خلاص نخليهم اربع طلقات فى الهوا
احمد : بيضربه على ضهره جااامد .. طول عمرك صاحب واجب .. انا ممكن افرغ مسدسى فى راسك ويبقى دا احلى واجب
طارق : بتموت فى هوايااا ..
اسلام : ياله يا بهوووات .. مش ها نقلبها هزار دا تصوير للمبنى بالكامل ومتحدد معاه نقك ارتكازكم والاماكن الا محتاجه تأمين اكبر .. واه اسد العمليات الخاصه ها ينضم ليكو
أحمد : دا بجد والله نفسى اشوفه من كتر ما بسمع عنه
اسلام : ها تشوفه وتقضو التأمين كله مع بعض ياله جهزو نفسكم عشان التحرك بإذن الله انهارده يا ابطال
كلهم : تمام يا فندم .. وخرجو ..
احمد : الحمد لله الموضوع طلع بسيط .. جابونا على السريع ليه طيب
كريم : بيختبرو اعصابك يا عريس
احمد : قرررر .. هو انا ها اسلم من نبركم
طارق : خلاص يابنى .. سيبه يندب على بوذه ويرجع يعيط كمان بنوعيك يا عرررريس
احمد : تصدق انا الا ها اخليكو تعيطو .. وتعالو بقى ..
كريم : اجرى يا مجدى ووصلو مكان التأمين بعد فتره هما والقوات الا معاهم
أسد شاب طول بعرض وباين عليه قوة جسمه جدا بشرته قمحيه وملاحمه رجوليه جذابه
أسد رفع ايده : شباب حمد الله على السلامه
طارق واحمد وكريم قربو عليه والاربعه شالو الاقنعه الا لابسنها على وشهم واتعرفو وسلمو على بعض
طارق : زى ما بيقولو عنك ماشاء الله عليك انا كنت فاكر اننا طوال طلعنا اوزعه جمبك
أسد : 😂😂😂 ما تقولش كدا يا وحش مين العريس فيكو
أحمد : بيلف بجسمه ياااه .. هى الاداره مبقاش يتبل فى بوئها فوله ليه
كلهم : 😂😂😂
أسد : أنت متوصى عليك من اسلام باشا
كريم : وانا محدش موصى عليا والا انا لقيط فى ام الليله دى
أسد : لا أجمد كدا احنا ولا يهمنا .. وبدء يشاور لهم على جميع نقط ارتكازهم وبدئو شغلهم بإحتراف .. الا كان يوميا بيتم فيه مشاكل جااامده وهما بيقدرو سيطرو على الوضع بدون اى خسائر
---------------------------------
مر الاسبوعين بالتمام والكمال بعد ما تم تاجيل فرح احمد اسبوع بسبب التامين و الامور هادئه .. والعريس خلص المأموريه هو واصحابه واخواته .. وبيجهزو لفرحه
---------------------------------
أما حور بعدت تماما عن طريق دينا وما بتحاولش تحتك بيها ..
---------------------------------
و روان ومروان .. عايشين جوا ام وابو العريس .. حاجه جديده ومختلفه مبسوطين جدا .. وبيتمنو ابنهم يعيش فى سعاده هو وعروسته ويكونو متفاهمين زيهم . حياتهم ما تخرجش برا باب اوضتهم .. يزعلو يتصالحو .. يحبو يعيشو جنونهم .. كل الاحاسيس تبقى مشتركه بينهم بمشاعر صادقه .. ومنيره وفتحى طايرين من الفرح .. ودايما يتصلو على ريم تعيش جو الفرح معاهم على الهواء مباشرا ..
---------------------------------
وريم العروسه ..فرحانه وخايفه جدا .. مالحقتش تتعود على احمد وعلى حياته .. وعلى طول بتفكر . ياترى ها تكمل سعادتها معاه .. والا زى ما بتسمع عن كل المتجوزين .. ومشاكلهم
---------------------------------
روان : كله تماما يا روكا والا ناقص حاجه
روكا : تماما التمام .. ياله روان مالك كدا تايهه
روان : انا غرقانه .. مش عارفه ان الموضوع صعب كدا .. فين ميرنا مش باينه هى وسمسمه
روكا : نازلين هزار فى اوضتهم .. وبيقيسو الفاستين الا ها يرحو بيها الفندق والا ها يلبسوها فى الفرح
روان : والشباب مش ظاهرين ..
طارق : نازل وشايل احمد هو كريم .. ومنير بيسقف ويضحك ..
مازن : شريف فين يا طقطق
طارق : بيصالح هدى .. هههههه
مروان : دا وقته ما بيبطلش يصالحها
طارق : امسك الخشب يا عمووو .. وقول يارب كتر مصالحتهم .. عشان انا الا بستفيد ارمى حجز الاساس بس
مازن : وهما يزئلو بعض بيه
طارق : هو دا .. وبيعمل كدا 👍
ميرنا نازله هى وسمسمه ..
منيره وحنان : الله اكبر .. الله اكبر . احلى عروستين نازلين .. وانظار الجميع اتجهت للاتنين الا نازلين ..
احمد : بيصفر .. كدا انا ممكن اتجوز اتنين .. الشرع بيقول اربعه
ميرنا : بصت له بغرور .. وكأنها بتقوله ما كنت قدامك
طارق : سند على كتف كريم واحمد .. وبيكلم احمد .. هشششش انت اتركنت على الرف .. مرونا .. انا باير وعايز اتجوز .. ها أهنيكى وربنا أسمعى منى ولمينى
مازن : ضرب احمد وطارق .. مش مالى عينكم انا . انا ابوها .. اقفو صف ورا بعضه .. وبالدور
منير : زق احمد جااامد .. وطارق . ووقف قدام مازن .. بص يا عمى انا دكتور زيها وبتمنى قربها
ميرنا : بهزار .. قدامى يا سمسم .. وانتو بقى وسعو كدا .. كدا .. وبتشاور بايديها الاتنين بتبعدهم عنها انا لو فكرت اتجوز ها افكر برا الصندوق .. انتو لاء
كريم : بيضحك .. منظركم وحشششش .. يا صناديق .. هى دى أختى الجامده . ومسك ميرنا ياله يا أميرتى
سمسمه : امسك ايدى يا طقطق .. واتجوزنى من بابا ..
كلهم : هههههههههه
طارق : ممكن ياعمى اخد أخرة صبرى .. يمكن ربنا يعوضنى
مروان : انت تطول .. دى سمسمه بردو
سمسمه : خلاص يابابى ما تزعلش منه عشان يرضى يتجوزنى اصلى بحبه
روان : بتضرب على صدرها بايديها بنتى بارت
مازن : خليكو ارغو وضيعو وقت .. اهو البهوات وصلت .. البشوات وصلت ..
شريف ومؤمن ونور وهدى داخلين مع بعض .. السلام عليكم
كلهم وعليكم السلام ..
مروان : اتحركو ياله بسرعه لو سمحتووو .. واتجهو كلهم للفندق الا فيه قاعة الفرح .. والبنات كلها مع بعض والشباب والرجاله مع بعض .. عدى الوقت بسرعه .. وظهر العريس .. منتظر عروسته وملكة ايامه الجايه وكل وقت ..
ريم : جهزت وبقت اجمل عروسه .. تسر العيون برؤيتها .. وحواليها كل واحده لها جمالها الخاص الا يخطف العقول قبل القلوب .. ويأثر القلوب قبل العقول ..
عزيز : مسك ريم باس مقدمة راسها بوسه طويله وعيونه رغرغت بالدموع .. مبروك يا احلى عروسه
ريم : ضماااه قوووى .. الله يبارك فيك يا بابا . ها توحشنى
عزيز : مكانك عندى محدش ها يملاه غيرك .. ولا ها يعوضه غيرك .. خلى بالك على نفسك يا احلى عروسه .. وخلى بالك على جوزك
ريم : بزعل على فراق اهلها .. وانتو كمان خلو بالكم على نفسكم وحضنت مامتها .. جااامد
مازن : بعياط مصطنع .. انتى بتعيطى ليه دلوقتى
روان : بعياط وشنهفه .. مش انا ام العريس .. ولازم اثبت وجودى .. هههههه
مازن : حبكت تثبتى وجودك فى أم الليله دى .. جوزك واقف مش هامه .. تقولش جاى زيه زى المعازيم .. وانتى نازله سح ودح .. لما بوظتى فورمة شعرى .. وبيشاور بايده .. منه .. له .
روان : هو انا كنت بعيط . وبمسح دموعى فى شعرك يا مازن .. وحطت ايديها على شعر مازن وبتنعكشه .. اهووو . اهووو .. وانتى ابعدى جوزك عنى دلوقتى انا فى لحظه ام العريس .. 😂😂😂
مازن : بعصبيه .. ام اربعه واربعين .. شعرى يا حقوده .. ولسا روكا بتطبطب عليه . اوعى كدا ستات تغم . تفرح تسح تزعل تنزل دح
شريف : ههههههه .. رايح فين يا سبع ..
مازن : رايح الحمام .. معاك مرايه وصباع روج
شريف : بيضحك جااامد .. ليه ياقدرى ..
مازن : اصل الفورمه باظت ورايح الزقها .. يا ظريف .. وسابه ومشى ..
نور : مؤمن فين هانى وهيدى
مؤمن : هانى ها تلاقيه بيرازى فى خلق الله .. اما هيدى قاعده مع ميرنا وسمسمه على الترابيزه الا قدام ..
نور : انت سايب هانى كدا يا مؤمن
مؤمن : الحمد لله .. والشكر لله .. هو الا سايبنى مش انا الا سايبه .. أحمدك يارب .
نور : هههههههههه .. مش للدرجه دى يعنى ..
مؤمن : بصى يابنت الحلال .. ابوكى وابويا .. اتصالحوو .. اغضبى انتى بقى واكبسى على نفسهم انتى والعيال .. وسيبى عليهم هانى .. عشان يكفر سيئاتهم .. والا عملوه فينا .. اصلى مش مسامح
نور : لا دا انت مش طبيعى
مؤمن : ايوا .. وروحى من قدامى .. وبهزار امشى
---------------------------------
أحمد : بيقرب على ريم .. ومسك ايديها من ابوها .. وضمها بكل الحب الا فى قلبه .. وقرب باس مقدمة راسها .. وبهمس ..مبررروك يا حبيبتى ..
ريم : بخجل .. الله يبارك فيك
أحمد : ياله يا احلى واجمل عروسه .. نخلص الليله دى ونطير ونبتدى حياتنا
ريم بإحراج : احممم .. هى ماما راحت فين
أحمد : هههههههه لا خلاص ماحدش ها ينفعك غيرى ... واتحركو مع بعض بخطوات بطيئه نوعا ما .. وبتحاوطهم .. زهورنا الجميله بالورود والفساتين البيضه . وفى المقدمه سمسمه الا مبسوطه وطايره بفستانها الابيض وسلة الورد .. وصلو القاعه وسط الطبول .. والمزاميرر .. والبخور الى ان وصلو للكوشه وهدئت الاجواء .. مع اختفاء الثلاثى .. كريم وطارق ومنير ..
أحمد مسك ايد ريم وخدها لعالمهم الرومانسى الخاص بكل عريس وعروسه .. والرقصه الا بتجمعهم .. مع بعض .. بخطوات هاديه .. وعيون تلمع بالحب والرومانسيه والفرح .. ظلو يتحدثون بالغه لا يفهمها الا سواهم .. وبعد وقت
احمد : بيدور بعنيه على اصحابه مش شايف حد
ريم : بتدور عل حاجه
احمد : مش عارف اختفو فين دول ... انطفت الانوار ... واضأت فجأه .. مع ظهور اربعه وليس ثلاثه ..
احمد : ضحك بصوت عالى وبيسقف ويصفر هو و الشباب الا حضرت كلهم ..
مازن : ياولاد اللعيبه .. مش عارفين تاخدونى معاكو
كريم وطارق ومنير وأسد لابسين لبس صعيدى .. وماسكين عصيان الاربعه .. وبيرقصو على اغنية محمد هنيدى الا بيغنوها مع بعض .. ها اتجوز تحت النار ..
كريم بيضرب بالعصايه ..وبيقول عينى اه .. ياعينى على الله .. عينى اه ياعينى على الله ..
طارق : بيظهر فى النص بينهم .. وبيرفع العصيان الا على راسه بقوته .. وبيقول .. ها اتجوز تحت النار .. والدنيا شايفها شرار ..و الليل راح يبقى نهار انا وحش ما بيهموش موش
منير : بيرقص .. ها اتجوز وها اشيل همى .. ولاخر نجطه فى دمى ..
أسد : وها اجول يارب تعنى .. انا وحش ما بيهوش موش موش .. عينى اه .. ياعينى على اه .. عينى اه .. ياعينى على الله ..
نزل احمد فى وسطهم .. وبيغنى .. ها اتجوز تحت النار .. وفى اللحظه دى ظهر اسلام الا مسك طبنجه الصوت .. وبدء يضرب طلقات متتاليه ..
كلهم .. والدنيا شايفها شرار .. انا وحش ما بيهموووش ...
كل الحضور صفرووو جااامد .. وبيسقفو بعد ما الشباب ما خلصت .. والبنات المعزومه .. واقفه ياعينى من الحب والرومانسيه محرومه ههههههه
...............
احمد : بيسلم على اسلام .. وباسه ..وبعدين اسلام راح لمروان ومازن وشريف .. عشان يكمل باقى اليوم معاهم ... وسهرتهم ويرجعو لايام زمان
أسد : قرب على احمد .. مبررروك يا عررريس ..
احمد : الله يبارك فيك يا أسد .. نورتنى
أسد : بنورك يا حبيبى .. وبيبص لريم مبروك يا عروسه
ريم : الله يبارك فيك .
وبعدين انسحب يدور على الا خطفت قلبه وعقله .. الا مراقبها من اول الفرح .. واتاكد انها قاعده حزينه .. والسبب احمد الا عنيها ما اترفعتش عنه .. طلع برا بدون ما حد يشعر .. ولاقائها قاااعده فى جمب ودموعها نازله زى الشلال ...
أسد : حط ايده على كتف ميرنا .. وماسك منديل .. بيديهولها .. خدى امسحى دموعك
مرنا : اتنفضت من مكانها .. ولسا ها تتكلم .. انت
💗💗💗💙💙💚💚💚
للمتابعه اترك تعليق
البارت التاسع والثلاثون من الجزء الثاني
خادمتي ولكن
💗💗💗💗💗💙💙💙💙💚💚💚💚💚
ميرنا : بتمسح دموعها .. انت مين وعايز ايه منى
سامر : قعد قدامها .. ومبتسم .. انا عايز كل خير .. انا مين .. انا الرائد سامر محمود .. فى اخر تأمين لطارق هو وكريم واحمد اتعرفت عليهم لاننا كنا مع بعض فى نفس التأمين .. واول ما عرفت ان كريم واحمد من عيلة السمرى فرحت .. وطبعا عرفت ان كريم اخوكى ..
ميرنا : ايوا انت عايز منى ايه وكنت جاى ليا وعامل نفسك مش معاك حق الكشف
سامر : انا فعلا ماكنش معايا حق الكشف مش عشان مش معايا فى فلوس لاء .. لانى بعد ما وصلت لحضرتك وانا عنيا مجننانى من الوجع ملقتش اى حاجه معايا غير الفلوس الا كانت فى جيبى .. ونسيت كل حاجتى فى مكان سكنى .
ميرنا : دموعها بتنزل لوحدها .. ممكن تسينى لوحدى .. عرفت خلاص ان مش مقصود تيجى ورايا
سامر : كنتى بتحبيه قوى كدا
ميرنا : بصت له بإرتباك .. هو مين
سامر : أحمد أبن عمك
ميرنا : بعصبيه وانت مالك انت .. اوووف .. وبتقوم من قدامه ..
سامر : قام بسرعه واعترض طريقها .. ميرنا ممكن نتكلم
ميرنا : بعياط أكتر .. مش عايزا اتكلم . مش عايزا ..
سامر : بص يمين وشمال .. وشدها غصب عنها على عربيته .. وركبها وركب ..ومشى من المكان كله
ميرنا : بتضربه وهو سايق .. انت مجنون .. نزلنى انا ها اوديك فى داهيه ..
سامر : مسك ايديها .. مرنا اهدى لو سمحت انا مش خاطفك .. كل الا طالبه منك نتكلم وتهدى .. انا صعبان عليا وجعك .. وصعب اشوفك كدا لتانى مره وانتى بتنهارى ... لانى عشت نفس وجعك .. اول ما شوفتك حسيت بكل الا انتى فيه ..
مرنا : بصاله وساكته .. ودموعها رافضه انها تقف
سامر : احمد وعدك بحاجه او كان على علاقه حب بيكى
ميرنا : بتسرع .. لا .. احمد مش كدا .. ولا يمكن يوعد بحاجه ما يعملهاش .. وبتعيط أكتر .. انا الا كنت بحبه قوى .. بس هو لاء .. انا مجرد أخت له
سامر : طلع نفسه الا كان حابسه بهدوء .. وكأن جبل اتشال من على قلبه .. طيب مش تفرحى لاخوكى وتتمنى له السعاده .. وتفكرى فى نفسك .. صعب قوى الحب من طرف واحد
مرنا : بتمناله السعاده وكل خير .. بس صعبان عليا نفسى ..
سامر : ركن بالعربيه على جمب .. وبهزار وصوت عالى .. ليه بايره زيى لسمح الله .. والا مش لاقيه عروسه ترضى بيكى فى الشحططه الا انتى فيها حضرتك وبتتنططى من بلد لبلد لما مقاس رجلك بقى 150
ميرنا : ضحكت من رد فعله وكلامه .. كل دا انت فيه .. ثم كمان فى راجل بيبور البنات بس الا بتبور
سامر : بيضحكو عليكو .. وبيثبتكو بالكلمتين دول . انا عايز اقولك الشاب الا يخلص دراسه وما يتجوزش على طول يبقى باير
ميرنا : يا سلام .. يعنى حتى ما يشتغلش ولا يجيب شقه ويبنى حياته ..
سامر : يبنى ايه . طيب بزمتك .. هو لو حب وخطب ها يعرف يبنى حاجه
ميرنا : بتضحك .. لا مش ها يعرف .. هو يتجوزها على طول اوفر .. وهى وحظها . يا طلع بخيل ومعفن .. يا يهنيها ..
سامر : ايوا بالظبط كدا ..وبيبص لها وعيونه بتلمع بالفرحه .. وساكت .. ابتسامتها فرحته جدا .. تعرفى انك بتعانى زيى بس انا الحمد لله قدرت انسى وابعد لما لاقتها مش مديانى اهتمام وانا ببنى وهم فى حياتى بيخطف اجمل سنين عمرى الا هى عايشها مع حد تانى .. الحب من طرف واحد وهم كبير واكتره فااااشل عمره ما بينجح والا يسيب نفسه له يموت جوا قلعه كبيره بناها لنفسه وبقى هو الوحيد المسجون فيها .. واتنهد انسى وعيشى حياتك وسكت مره واحده
ميرنا : هى كمان سكتت فجأه .. والهدوء هو الا سيطر على المكان .
سامر : بدون اى مقدمات .. ميرنا تتجوزينى
ميرنا : بتسرع وبدون اى تفكير . موافقه . ممكن نرجع عشان محدش يقلق عليا
سامر : بفرحه .. وبينه وبين نفسه .. حلف ينسيها اى حب تانى .. ومش ها يشغل تفكيرها غير حبه هو ومش اى حد تانى .. بس انتى مش ها تسألينى حياتى ظروفى مناسب ليكو والا لاء
ميرنا : مش مهم اى حاجه ..انت عرضت عليا الجواز .. وانا وافقت
سامر : فكرة انى اطلبك فى وقت انتى مجروحه فيه .. غلط .. بس انا متاكد انى ها اقدر انسيكى اى حد ومش ها اخليكى تفكرى فى حد غيرى .. انما تبقى جوازه والسلام .. حتى مش مهتمه انك تعرفى ظروفى او حياتى ماشيه ازاى .. فا دا اهانه ليا انا مش ها اقبلها
ميرنا : مش قصدى الا انت فهمته ..
سامر : قصدك ايه طيب
ميرنا : عيطت تانى .. وحطت ايديها على وشها . مش عارفه .. ومش عارفه انا وافقت ليه .. مش عارفه اى حاجه ..
سامر : شال ايديها .. ومسكهم جااامد .. انتى لازم تبقى اقوى من كدا .. الانسان الضعيف هو الا دايما مستسلم لكل ظروفه مفيش اى تحدى فى حياته .. القلب زى ما بيقدر يحب يقدر ينسى ويموت الحب دا ويحيى غيره حب حقيقى .. بس لو انتى عندك استعداد وبيرفع وشها .. انا مش بستغل وضعك والله .. بس بمجرد ما بصيت فى وشك حسيت انى لقيت نفسى ونصى التانى .. ادى نفسك فرصه تانيه بس معايا جربى وانا كمان ها اجرب معاكى عشان لازم تبقى نفسنا عزيزه ونرمى اوجاعنا وافرحنا بين ايدين الا يستاهلها
ميرنا : بإحراج بتشد ايديها ... ممكن نمشى انا اتاخرت وشوف عايز تكلم بابى امتى .. بس ياريت فى اسرع وقت
سامر : خايفه تغيرى رايك
ميرنا : ايوا .. انا عارفه نفسى
سامر : بكرا ان شاء الله ها اكون عندكم .. لانى مش ها اتخلى عنك .. بس انتى ها تقبلينى بكل ظروفى انا راجل دمى حر ودا لازم تعرفيه ها ناكل عيش حاف نبقى مع بعض وفى بيتنا ها ناكل خروف بردو مع بعض وفى بيتنا
ميرنا : ايوا .. قابله
سامر : مش ها تعيشى فى نفس المستوى
ميرنا : انا قولتلك موافقه .. فجأنى بكل حاجه .. واتفق مع بابى وعمو مروان .. بس كل دا فى اسرع وقت .. لو قولت فرحنا بعد اسبوع انا ها اقولك موافقه
سامر : بتفكير .. تمام واتاكدى انى مش ها استغل وضعك ابدا .. واتحرك بالعربيه رجع القاعه على اخر لحظه .. كان الفرح خلص .. والعريس خد عروسته وطلع فى نفس الفندق الا كان فيه الفرح .. ها يباتو فيه ويسافر الصبح فرنسا يقضو شهر عسلهم هناك
************
أحمد : شايل ريم وبينزلها عند السرير .. ومسك وشها بين ايديه .. وقرب باسها بوسه طويله .. ورفع وشها بيبص فى عيونها .. مبروك يا عروسه
ريم : نزلت راسها .. وبصوت طالع بالعافيه .. الله يبارك فيك ..
أحمد : ضمها لصدره .. ياله عشان تغيرى ونصلى مع بعض .. وبهزار وندعى على الا ها يدايق التانى
ريم : ههههههه من البدايه كدا دعاوى .. ياله
احمد : ايه دا ها تدعى عليا ..مستعجله اوى كدا
ريم : لا انت ادعى وانا اقول أمين ..
احمد : لو كان كدا ماشى .. وكل واحد فيهم خد شاور وغيرو هدومهم .. ووقفو يصلو .. ويدعو ربنا يبارك لهم فى حياتهم ..
ريم : قامت من على السجاده بسرعه .. وراحت على السرير . وبتتغطى وبتترعش جااامد ..
احمد : فى ايه .. مالك .. وبضحك انا لسا مادعتش عليكى
ريم : بتمسك نفسها من الضحك بالعافيه .. مش عارفه .. حاسه ان جسمى مزفزف
أحمد : لا انتى مش مزفزفه .. انتى ابو الرعاش ماسكك ..
ريم : بترتعش أكتر .. وماسكه فى الغطا جااامد كأنه ها يهرب ..
أحمد : بيبص لها بمكر وعارف انها بتتهرب منه .. ودا خوف مش اكتر .. وبيتاوب .. تصدقى انا عايز انام ومش قادر اقعد .. والا اقولك انا ها اقوم اخد شاور عشان افوق واقعد جمبك افردى جرالك حاجه وانا نايم وقام دخل الحمام ..
ريم : قامت ولا كأن فيها حاجه .. وبتقول بهمس .. انا ها اموت من الجوع وهو ها يقعدلى وبتجرى على الاكل .. وبتاكل بسرعه . بسرعه قبل ما أحمد يخرج من الحمام .. واول ما سمعت صوت الباب جريت على السرير وبتتغطى ..
احمد : مراقبها من بعيد .. وبيضحك بصمت .. راح لها على السرير ... عامله ايه يا حبيبتى ..
ريم : بصاله وعيونها بتروح يمين وشمال .. وقافله بوئها ومش عارفه تتكلم بوئها مليان أكل ..
احمد بصوت عالى واندهاش مزيف : ايه .. انتى بقيتى خارسه كمان ..
ريم : بتهز راسها بمعنى لا .. ومره بمعنى اه
أحمد : لا لا لا .. انتى تقومى معايا اكشف عليكى .. وبيشد فيها ..
ريم : بتبلع الاكل كله مره واحده . وجت لها زوغطه ... هئ .. احم... هئ ... مافي.. هئ
احمد : ههههههههههه ... وبيناولها كوباية الميه .. وخد الكوبايه بعد ما شربت .. وقرب عليها .. مسك ايديها الاتنين .. حبيبتى ما تخافيش ممكن تهدى وتخلى الامور بسيطه
ريم : بقلق .. اصل انا خايفه
أحمد : قرب أكتر .. وبهمس جمب ودنها .. حد يخاف من حبيبه .. وبيبوس خدودها برقه .. وقلبه .. وبيقرب على شافيفها .. وعقله الا دايما بيفكر فيه وبيفضله على كل الدنيا .. وغرق معاها وبيها .. ودخلو دنيتهم الجديده الا بتجمعهم بشوق وحب .. وبقت مراته قولا وفعلا وبعد فتره ..
أحمد : منيم ريم على صدره .. وحاطت ايده على خدها وهى بصاله بخجل .. مبسوطه معايا
ريم : ابتسمت وخدودها احمرت .. وبتهز راسها بمعنى اه ..هو انا ممكن اسألك سؤال وما تفهمنيش غلط
أحمد : اى حاجه عايزا تقوليها .. قولى على طول وانتى ها تلاقينى متفاهم جدا ..
ريم : هى مرنا مالها .. فى حاجه بينك وبينها
أحمد : ملامحه جمدت .. ومش باين اى رد فعل عليه ... وبيحاول يكون طبيعى ويشيل الفكره من دماغ ريم عشان ما تشغلش بالها بمرنا وتاخد منها موقف ويعيش فى غيره ومشاكل .. وساعتها مش ها يقدر يبقى طبيعى مع بنت عمه .... ابدا .. ليه بتقولى كدا
ريم : نظارتها ليك .. وموقفها منى .. وحزنها الا كان باين عليها انهارده ..
أحمد : كل دا شوفتيه .. انا متجوز المخابرات بقى .. وبيضحك .. بس مخابرات فاشله .. يا ستى مرنا اختى ومفيش اى حاجه من الا فى دماغك ودا طبعها انطوائيه واخرها سمسمه وكريم اخوها .. وتعالى بقى .. شكلك كدا نصابه وبتتهربى منى واتعدل وبيمثل انه ها يهجم عليها وهى بتضحك .. وبيقول احنا مش ها ننام والا ايه ونام جمبها وشدها فى حضنه
.......... ياله تصبحووو على خيرررررر ........
****************
فى صباح جديد .. مختلف لروان ومروان .. وكل العائله .. الا اتجمعت على الفطار زى عادتها ..
وكل واحد راح شغله ..
ومنيره وفتحى واخدين سمسمه فى حضنهم .. وهما قاعدين .. وبيتكلمو معاها .. اما حنان وعبدالله .. سافرو على طول عشان حماده ابنه تعبان ..
وبعد وقت ... وصلو الفيلا بصحبة شريف وهدى وطارق طبعا مع كريم ... وميرنا خلصت شغلها بدرى ورجعت ... بعد الغدا .. اتفاجئو كلهم بالضيف الا جاااى ومعاه ورد وشيكولاته .. خصوصا كريم وطارق ..
طارق : بيسلم على سامر .. ياه كل دا عشانى .. لحقت اوحشك ..
سامر : هههههه بيزق طارق .. مش عشانك وسعلى كدا
كريم : بيكلم طارق .. ياخى حاشر نفسك فى كل حاجه .. جاى عندنا .. وبيخبطه فى راسه .. افهم يبقى عشانى .. صح يا سموره
سامر : فارد ايده .. ودخل على طول وساب كريم الا فارد ايده هو كمان .. وبيسلم على مازن ..
كريم : ولا شفت المقلب
طارق : هههههههه تحفه
مازن : نورتنا يا بطل
سامر : شكرا ياعمى
مازن : ماسك سامر .. اتفضل يا حبيبى .. ادخل
كريم : بيفرك فى راسه من ورا .. وبيقول بطل ... واتفضل يا حبيبى .. انا متوغوش هى سمسمه ها تتجوز والا ايه 😂😂😂
طارق : ههههههه ... ومسك كريم خدوده .. انتى جايه اشتغلى ايه ..
كريم : كوبرى وبيعمل حركة الكوبرى بايده .... وبيشاور على سامر .. الباشا بيقلشنى لا وضم ابويا لقايمته .. تعالى بقى نعرف حكايتهم ايه دول ...
مروان : منور يا أسد .. صح كدا
سامر : بابتسامته الجميله الا مش بتفارق وشه .. صح
شريف : اشمعنى بقى لقبك اسد ..
كريم : لانه اسد فى ارض المواجهه .. بيدخل بقلب جااامد وما بيهموش قلبه ميت
سامر : تسلم يا وحش على المجامله
طارق : لا مش مجامله .. احنا سمعنا الا اكتر من كدا ودا بشهادة الجميع فى حقك .. دايما بتحب المخاطره ومش بيهمك ..
واتكلمو كلام كتير عنه وعن الشغل ..
سامر : انا جاى انهارده ومش عارف ابتدى الموضوع منين .. طبعا انا فاتحتك امبارح يا عمى .. وجيت انهارده عشان ان شاء الله يبقى رسمى واطلب ايد الانسه ميرنا ..
مازن : بس ليه جاى لوحدك مفيش اى حد معاك
سامر : اخد الموافقه .. وها تلاقينى سافرت الصعيد جبتهم وجتلك على طول ..
مروان : انت صعيدى
سامر : نص ونص .. والدتى صعديه .. ووالدى من القاهره .. بس هو شغله فى الصعيد استقر واتجوز هناك
طارق : بهمس لكريم .. وربنا احنا فينا من النداله ..
كريم : بنفس الهمس .. وربنا ما اعرف حاجه .. اختى ها تتجوز ياجدعان وانا ماعرفش ارجوز البيت انا
شريف : وانت ها تقعد هنا والا فى الصعيد
سامر : هنا ان شاء الله .. انا عندى شقه على قدى وعربيه والحمد لله مبلغ كويس فى البنك
مروان : ياحبيبى عندك الخير كله .. دى حاجه تخصك انت والعروسه لو هى وافقت .. كل دا تعرفه لها هى وهى الا تختار .. شوية اسئله كدا لازم تجاوبنى عليهم بصدق ..
سامر : اتفضل
مروان :انت عصبى لانى ملاحظ انك بتشرب سجاير
سامر : ابدا .. اتعودت على شربها والصراحه مش ها اقدر ابطلها لانى حاولت كتير
مروان : انت قابلت ميرنا تعرفها
سامر : ايوا .. كشفت عندها .. وبعدين عرفت انها اخت كريم .. وقابلتها فى الفرح
روكا : واقفه بتكلم روان .. الحقى يا رورو .. دا بيعصرو فيه
روان : هههههههه.. الا انا مستغربه منه .. العصابه ساكته .. هما مصدومين
روكا : هما دول فى حاجه بتصدمهم .. اكيد بيخططو ها يعملو فيه ايه
هدى : طلعى العصير انتو واقفين تتكلمو
روان : طير انتى .. وانا ها اطلع لمرنا .. اشوفها
روكا : ماشى ... وروان طلعت .. وبعدها مازن طلع لميرنا ..
مازن قاعد وركا الا طلعت بسرعه لها وروان ..
ميرنا : ايه مالكو ..
مازن : فى عريس جاى يتقدم لك .. وعايزين نعرف رايك
ميرنا : موافقه
روان : بأستغراب .. ازاى يعنى مش تعرفيه وتنزلى تشفيه وتقعدى معاه
ميرنا : عارفاه .. سامر زميل كريم وجه كشف عندى قبل كدا
روكا بعد ما طلعت : ميرنا انتى بقيتى متسرعه فى قرارتك .. فكرى احنا مش مستعجلين
ميرنا : انا فكرت وموافقه .. ما تقلقيش يا مامى .. طول عمركم بتقولو انى عارفه مصلحتى .. اطمنو
مازن : طيب مش ها تنزلى تقعدى معاه
ميرنا : لا .. عشان هو كلمنى .. ومفيش حاجه عايزا اتكلم فيها
روان : انتى مقتنعه با الا بتعمليه
ميرنا ؛ ايوا يا طنط. انتو مش عايزين تفرحو بيا زى احمد ..
روان : يا حبيبتى انتى فرحتنا الكبيره
مرنا ؛ شكرا يا طنط ..
مازن : حضن مرنا .. مبررروك يا حبيبتى .. ونزل تحت بلغهم بالموافقه
*******************
مر اسبوع اخر على الجميع .. واحمد عايش كل لحظه مع ريم بشقاوه وحب متبادل .. كل ما يعدى يوم بتحبه أكتر وأكتر .. وبتضحك من قلبها كل ما يحكى لها عن شقاوته وهو وكريم وطارق وهما صغيرين ... وعن المصايب الا بيعملوها فى منير صديقهم من الثانوى وكملومع بعض بس هو دخل طب وهما شرطه
***************
اما طارق وكريم .. فا تم تكليفهم بمهمه جديده .. والاتنين عملو كل الوسائل الا تمنع ان احمد يقطع شهر عسله .. ويرجع عشان المهم دى .. واتحملو المسئوليه كامله ... وطبعا جابو تقرير مفصل عن سامر وحياته كلها من الالف .. للياء ... وبلغو العيله بيه ...
******************
هدى : مش كنت انت اتجوزت ميرنا .. مش ها تلاقى زيها هاديه ومؤدبه
طارق : وهو بيلبس .. يا ماما .. دى اختى .. اختى وكمان انا مش بفكر فى الجواز
هدى : ايه حكاية اختى دى .. حتى روان غلبت مع احمد .. كان ماسك لها اختى .. اختى
طارق : انتو الا ربتونا على اننا اخوات .. جاين تلومو علينا دلوقت
هدى : خلاص كبرتو .. وفهمتو انكو مش اخوات
طارق : المفروض اعمل ايه اروح اخطفها .. اقول لسامر لو سمحت انت بخ .. وانا العو الجديد الا ها ياخد منك ميرنا
هدى : عو فى عينك .. انت مستفز يا طارق .. طيب لسا ماعرفتش حاجه عن حور
طارق : اتشقت الارض وبلعتها الحمد لله
هدى : يا خساره كان نفسى
طارق : بصوت عالى .. ايه تجوزهالى هى كمان
هدى : ليه لاء .. بنت جميله وطيبه
طارق : ناقص تقوليلى هاديه وعاقله
هدى : يا طقطق .. كل بنت فيها حاجه بتميزها .. .
طارق : البنات عندك كلهم جميلات .. مؤدبات .. محترمات .. ولازم يتجوزو طارق .. مش عارف انا طارق دا ها يتجوز مين والا مين
هدى : بتضربه على صدره .. انا غلطانه انى تاعبه نفسى عشانك
طارق : باس ايديها الاتنين .. ارجوكى بطلى تتعبى .. انتى فى يوم ها تلاقينى داخل عليكى بيها وبقولك هى دى الا قلبى عمل عليها زفه بلدى وبيرقص وعايزاها
هدى : اعمل اى زفه .. بس اشوفلك واحده منتظراك لما ترجع بيتك وتاخدها فى حضنك وعيالك يملو عليا البيت دا اليوم الا بتمناه
طارق بنفاذ صبر وديقه وبيغير الموضوع : حاضر .. مفيش بوسه بقى عشان انا ها اطول وها توحشينى
هدى : حضنته وباسته .. خلى بالك على نفسك .. لا إله إلا الله
طارق : محمد رسول الله ... اه ماما ها تسافرو شرم والا الغردقه والا الساحل
هدى : لسا مش عارفه بابا وعمك مروان وعمك مازن ها يقعدو مع بعض ويقررو يروحو فين
طارق : طيب ما تنسيش تبلغينى بكرا بالكتير ان شاء الله عشان ممكن ما اعرفش اكلمك وسلملى على جدو محمود وتيتا فاطمه
هدى : حاضر يا قلبى وضمته جااامد ربنا يحميك وبعد ما نزل دموعها نزلت وقامت تصلى وبتدعيله ربنا يحميه هو وكريم بيوحشها قوووى وبتقلق عليه وبتموت من القلق فى بعده خصوصا لو مكلمهاش واطمنت عليه
💗💗💗💙💙💙💚💚💚
للمتابعه اترك تعليق
البارت الاربعون من الجزء الثاني
خادمتي ولكن
💗💗💗💗💙💙💙💚💚💚💚💚💚💚
مؤمن : قاعد فى مكتبه وقدامه ملفات كتير جدا .. وماسك اللاب الا عليه شغله وبيسجل حسابات
نور : دخلت عليه حبيبى المحتاس .. ايه لسا قدامك كتير
مؤمن : ايوا .. اطلبلى فنجان قهوه ..
نور : رفعت السماعه اتنين قهوه مظبوط يا سالم .. ها.. ايه رايك تاخدنى جمبك .. ونخلص بسرعه ..
مؤمن : والله ما ها اقولك لاء .. وادها ملف .. بسرعه كدا اقرى وانا ها اسجل
نور : بدأت تشارك مؤمن وتساعده فى الشغل .. الاتنين وصلو لمرحله ان فعلا فى إخلاص بينهم ركنو الغيره على جمب .. والفروقات الا ممكن تدخل بين الراجل والست .. فى مشاركه حقيقه فى البيت.. الشغل الحياه عمتا ... الصعب قدام باستطهم مهما كان كبير بيبقى سهل رامين حمولهم على ربنا الاتنين ... بعد وقت
مؤمن : بيرجع ضهره لورا .. وبيتمطع ... وبيبص لنور ... شكرا يانونه
نور : ابتسمت .. على ايه يا حبيبى انا الا المفروض اقولك شكرا على كل حاجه ..
مؤمن : مسك ايديها .. وبيبوسها ... تحبى تتغدى فين انهارده
نور : والولاد يا حبيبى .. اكيد هيدى خلصت باقية الاكل
مؤمن : توء .. انا عازمكم على الغدا وفى المكان الا تحبو تتغدو فيه
نور : مبسوطه جدا .. مش ها تتخانق مع هانى وتعكننو علينا ..
مؤمن : ها احاول اتجنبه .. وربنا يسترها
نور : هههههههههه بحس انه عدوك
مؤمن : دا حبيبى يا نونه .. لو تعب انا الا بتعب وانام جمبه ... بس طولة لسانه موادياه فى داهيه معايا .
نور : أنت ابوه .. وبكرا يفهم ويشيلك فوق راسه
مؤمن : ههههههه قصدك يشلنى
نور : بيتهئ لك لما يكبر ها يهدى ان شاء الله
على فكره هيدى جاى لها عريس وعايز يتقدم لها
مؤمن اتعدل : دا مين دا ان شاء الله الا حاطت عينه على بنتى وانا اخزئها
نور : 😂😂 ايه مش ها اتجوزها
مؤمن : هو انا شبعت منها عشان اديها لغيرى
نور كشرت وشها : يا سلام انت بتتكلم بجد
مؤمن : ايوا واقفلى الموضوع دا انا مش ها اجوز بنتى دلوقتى اديها فرصه تشم نفسها .. عايزا تلبسيها فى مسؤاليه راجل وبيته وعيال خليها تفرح بحياتها
نور : ليه يعنى ما احنا اتجوزنا بعد ما خلصت دراستى على طول ما سبتنيش افرح ليه
مؤمن بزعل : انتى مش مرتاحه معايا او انا اتخليت عنك .. المسؤاليه كبيره وانا مفهمتش دا غير بعد الجواز عشان كدا عايزها تاخد فاصل
نور : انت زعلت منى .. انا لو لفيت الدنيا مش ها الاقى راجل زيك
مؤمن بأبتسامه : تسلمى يا حبيبتى .. ياله عشان ما نتاخرش عليهم وما تحاولش تفتحى موضوع الجواز دلوقتى
نور : حاضر شكلها ها تعنس على ايدك انت وابنك
*************
سامر : عامله ايه يا ميرنا
ميرنا : الحمد لله
سامر : والدى ووالدتى جاين بكرا ان شاء الله .. انا قولت اكلمك ... اسمع صوتك الا وحشنى واتلكك بصراحه واجبها فى الحج والحجه
ميرنا : يعنى انت بتتكلك عشان تسمع صوتى بس
سامر : الصراحه .. ايوا .. يا سلام لو يتفقو على كتب الكتاب بالمره
ميرنا : وليه لاء .. انا قولتك موافقه على اى حاجه ... ولو عندك وقت تيجى تاخدنى حالا تورينى الشقه والا انت ايه رايك
سامر : انتى غمضى عينك قبل ما تفتحيها ها اكون عندك .. بس ها اتصل استأذن من عمى الاول
ميرنا : فى انتظارك .. وها اخلى ماما تجهز نفسها هى وطنط رورو ..
سامر : مش ها اتاخر عليكى ... وبعد وقت وصل الفيلا بعد ما كلم مازن استأذن منه .. وقاعد فى العربيه برا ..
روان : مادخلتش ليه يا سامر .. مش عيب تفضل فى العربيه الوقت دا كله ..
سامر : نزل وبيكلم روان .. عشان تبقو براحتكو اتفضلى اركبى ..
روكا : اركب انت ومرنا وسمسمه .. وانا وروان ها نبقى وراكو بالعربيه
سامر : لا احنا كلنا فى عربيه واحده .. اتفضلو هنا
روكا : خلاص تعالى يا روان وركبو ورا هما وسمسمه .. وميرنا ركبت قدام وما اتكلمتش كلمه واحده من ساعة ما ركبت .. وسامر بيخطف نظرات وقلبه مش مبطل دق وبيسوق بسرعه جنونيه .. تقريبا طاير من على الارض
روكا : اول ما نزلت .. اشهد ان لا إله إلا الله ... ايه يابنى انا قولت خلاص ها تطير بينا
سامر : هههههههه معلش مبعرفش اسوق تاتا ..
ميرنا : بصت له فجأه بتفكر فى احمد الا تقريبا كدا بيسوق بنفس طريقته وبيتكلم زيه ..
سامر : ميرنا ... ميرنا .. وبيشاور قدام وشها .. ايه وصلتى لحد فين
ميرنا : ابتسمت ... لحد هنا .. ما روحتش بعيد وبتبص على العماره .. احنا بقى فى الدور الكام
سامر : التانى .. سلمتين ونص يعنى .. قدامى وقرب عليها وبهمس .. يا حبيبتى
ميرنا : وقفت قدامه .. سامر مش الكلام دا الا ها يحببنى فيك .. انا قولتلك على احمد بس مش معنى كدا ان كلام الحب هو الا ها يقربنى منك
سامر : قرب عليها بجراءه ... الا بحسه بقوله .. والا عايزه بعمله .. وقرب أكتر وبثقه .. يا حبيبتى وبيغمز لها واتفضلى عشان ممكن يعملولى محضر تحرش لاجمل وارق دكتوره
ميرنا : ابتسمت بخجل .. وطلعت ورا روان وروكا .. وسامر فتح الشقه ..
روان : بأستغراب .. ايه دا هى اوضه وصاله
سامر : ههههههههه .. تعالو وريا .. ودخل بيهم من طرقه صغيره جمب الاوضه .. لشقه تانيه اكبر واوسع بكتير .. فيها مطبخ امريكى .. ورسيبشن واوضة اطفال واوضه للضيوف وبراندا كبيره جدا وفيها مورجيحه بسيطه ورقيقه وترابزه وكراسى للقاعده .. لفه حوالين الشقتين ..
روكا : حلوه الفكره دى .. والا عملها فنان اكيد كلفتك كتير ..
سامر : كا شقه لا لان دى هدية والدى ليا .. وكتبها بأسمى .. بس النظام .. انا الا عملته فتحت الشقتين على بعض .. عن طريق الطرقه الصغيره دى ولغيت الباب الكبير وهنا جزء خاص بيا وبيشاور على الشقه الاوضه وصاله ... والجزء التانى لاى حاجه وكل حاجه بس بعيد عنى
روكا : عايز تنعزل انت .. شكلك مش سهل يا سامر
روان : بس البيبى ها تسيبه لوحده هناك حرام
مرنا : ضحكت جامد انتو جوزتونا وبقى سامر المعزول .. وجبنا البيبى وكمان سايبينه لوحده
سامر : ههههههههه ... احنا فى عصر السرعه دا فال حلو .. بس حماتى عندها حق .. انا ليا وقت لايمكن اقبل ان حد يقتحم عزلتى فيه
مرنا : بتحدى .. ها نشوف يا حضرة الظابط
سامر خطف نظره شقيه وبيرد عليها : عمتا انا عايز اشوف مين الا تقدر تغير طبعى
سمسمه : حطت ايديها فى وسطها انا بقى ها انام فين ..
روان : ههههههه احنا نسينا نقولك ان ميرنا عليها هديه لازم تاخدهم مع بعض وبتشاور على سمسمه
سمسمه : ايوا عشان ميرنا بتخاف تنام لوحدها ولازم تنام فى حضنى ونتكلم مع بعض
سامر : بيبص لمرنا بمكر .. طيب ما هى مش ها تخاف معايا .. ما تقلقيش عليها يا سمسمه وايه رايك انتى بقى تختارى الاوضه الا انتى عايزاها ماعنديش مانع
سمسمه : انا مع مرنا هى اختارت اى اوضه ... وكمان بابا وماما وعمو مازن وطنط .. واحمد وكريم وطنط ريم ها ينامو فين ..
سامر : لا كدا انتى داخله غلط حضرتك ... انتى عايزنى اخد العيله كلها .. وراحو على الجزء التانى الا فى الشقه ... تشربو ايه
روكا : قومى يا ميرنا اعملى انتى
ميرنا : بإحراج ماما انا ماعرفش حاجه هنا
سامر : تسمحولى اساعدها .. واطمن على مستقبلى
روكا : اتفضلو .. واعرفو انى مراقباكو
روان : ايوا قاعد معاكو ميكرسكوب وبتشاور على روكا ... ونضاره مكبره وبتشاور على نفسه ... ورادار هههه وبتشاور على سمسمه
سامر : اه شكلى جبته لنفسى .. تعالى ومعانا ربنا ... ودخلو المطبخ مع بعض
ميرنا : بهمس انا فاشله فى المطبخ مابعرفش اعمل شاى حتى وادبست على الهوا
سامر : كتم الضحكه .. يعنى خدت مقلب
ميرنا : بتهز راسها ... اه .. وبتقرب عليه .. فى كل حاجه ميح
سامر : بأندهاش وبيشاور بأيده .. كله كله
ميرنا : ايوا قولى بقى اعمل ايه
سامر : حاليا انا ها اعمل .. وبعدين بقى نشوف ها نعمل ايه معاكى
مرنا : طيب احط السكر فى الكوبيات وانت كمل سامر بتريقه : كدا ها تتعبى
مرنا : بترخم .. لو تعبت ها اقولك .. ها احط براحه على فكره شقتك جميله وذوقك حلو
سامر بمكر : دا مش ذوقى دا ذوق البنت الا كنت بحبها
ميرنا : عارف انا اصلا ماكنتش عايزا احرجك بس ذوق الشقه سورى يعنى مش حلو خالص حتى شكل الحيطه استغفر الله العظيم
سامر : ضحك وبيحاول ما يكنش صوت ضحكه عالى وعمال يضحك مش بيفصل
ميرنا بنفى : على فكره دا مش غيره دا اثبات شخصيه وبتضحك ماما على طول تقولى اثبتى شخصيتك واوعى تتجوزى ابن عمتك
سامر : ايه علاقه الشخصيه بجوازك من ابن عمتك
ميرنا بغرور: لا يا حضرة الظابط كنت فاكره انك اذكى من كدا ولماح
سامر بثقه : كدا ها تضيعى معايا .. مامتك قصدها ان مش كل حاجه توافقى عليها حتى لو كان لأقرب حد ليكى انتى مش عايزا حاجه قولى لاء وخلى عندك موقف وشخصيه
ميرنا : لا كدا اطمن على مستقبلى
سامر : على فكره المشروبات خلصت وبردت .. وعلى فكره بردو الشقه دى كلها على ذوقى وشكرا على المجامله
ميرنا شالت الصنيه وخارجه وهى خارجه بتقوله : منا عارفه انها ذوقك بس بدايقك زى ما بتحاول تدايقنى
سامر ابتسم ولفت نظره انها متكلمه وبتعرف ترواغ على قدها كدا بس بتحاول وطلعو قعدو مع بعص ... وبعدين روحو ....
ميرنا : داخله اوضتها ... لقت الا بيحضنها ويبوسها لفت تشوف مين ..كريم ... اخيرا شرفت
كريم : كنتو فين وبتعملو ايه من ورايا
ميرنا : مسكت ايده .. ودخلت على الاوضه بتاعتها .. تعالا اوريك كنا بنعمل ايه وطلعت تليفونها .. وبتوريه صور الشقه بعد ما صورتها كلها .. ايه رايك فى شقتى
كريم : بيبص لها ورافع حاجب .. ميرنا انتى مقتنعه با الا بتعمليه
ميرنا : مش ها تفرق كتير .. كلها زى بعض يا كريم
كريم : ازاى يعنى .. دا جواز مش لعب عيال .. فى ثانيه ها تبقى المدام .. ودى مفيش فيها راجعه
ميرنا : سامر عارف كل حاجه .. وانا مرتاحه له وكل يوم برتاح أكتر .. انت تعرف عنه حاجه مش كويسه
كريم : انتى غبيه .. ازى تقوليلو انك بتحبى احمد ... انتى كدا بتكرهيه فى احمد وها يسود عيشتك حتى لو خلاص الموضوع انتهى بالنسبه ليكى
ميرنا : هو الا عرف لوحده .. لاحظ انفعالى يوم الفرح ... وكمان هو مش زى ما بتقول على فكره
كريم : مفيش راجل ها يقبل على نفسه يقعد يتفرج على مراته والا كانت بتحبه ... انتى كدا بتبنى بدال السور الف سور
ميرنا : انت مكبر الموضوع
كريم : انتى بتتجوزى عند فى احمد
ميرنا : لا يا كريم ... لا .. بتجوز عشان مش اقعد اتفرج على احمد ومراته وابقى انا الانسان الشرير الا وسطكم ... بتجوز عشان انسى احمد وابطل افكر فيه .. بتجوز عشان انا غبيه .. وعيطت ... كفايه يا كريم كفايه .. انا تعبت والله تعبت واترمت فى حضن اخوها ..
كريم : بيمسد على ضهرها .. ياحبيبتى مش عايزك تتعبى فى حياتك ... تعبك بيوحعنى يا ميرنا ..
ميرنا : اتعدلت وبتضربه فى صدره .. لما تعبى بيوجعك .. ما اقنعتوش ليه .. ليه سيبته يحب ويتجوز غيرى
كريم : مسك راسها بين ايديه .. عشان انتى غاليه .. وما ينفعش ارخصك حتى لو مع ابن عمى ... وادم قلبه دق لايمكن ها يشوفك ولا يحس بيكى ... ساعتها فعلا ها نبقى اشرار فى عيون الكل واحمد ضحيه لنا ... اتقبلى اننا اخوات .. وانسى يا مرنا .. لو مصممه تكملى مع سامر مش ها اسمحلك تفكرى فى غيره هو ملوش ذنب .. مش ها اخلى الجوازه دى تتم
ميرنا : بحاول وطول الوقت بحاول ... الحب دا ابشع حاجه فى الدنيا ... بيحطم قلبك ويقتله حتى لو لسه بينبص
كريم : الحب احلى حاجه فى الدنيا .. انتى الا اتعلقتى فى حبال الهوا الدايبه ومتشعلقه فيها طول الوقت ... بصى على عمو مروان وطنط رورو ... كل واحد فيهم لو طال يخبى التانى جوا قلبه ها يخبيه .. والا بابا .. ما تضحكيش وهو كمان بيضحك هههههه... هما اجمل اتنين شوفتهم فى حياتى عارفه لو ماما بتغضب وبتسيب البيت ها اقولك مش بتحب بابا ... وهو كمان .. رغم كل الا بيعملوه ... ما يعديش ساعه الا وهو واخدها فى حضنه .. وهى كمان .. لقدر الله لو واحد فيهم جراله حاجه التانى يموت ..
وكله كوم ... وعمو شريف وهدهود كوم تانى .. الرواقه .. والهدوء.. وبيضحك ..
شرشر .. انا زعلان يا هدهود .... هدهود : ما تزعلش يا شرشر .. انا اسفه ..
مش بتتكسف حتى لو بهزار انها تدلع جوزها وتعتذر له ... الدنيا يا ميرنا مفيش فيها انسان زى التانى .. بس اختيارك هو الا بيريحك .. واد ايه تكونى متافهمه بأى طريقه ان كانت ... وقمة التفاهم والانسجام والمشاركه دايما بشوفها مع مؤمن ونونه .. بصى على الايجابيه فى الا حواليكى واتعلمى منهم .. مفيش حد فيهم حب حد هو مش حاسس بيه .. ولا كمل لو حس انه غلط راجعى نفسك وقرارتك ... ولو ها تكملى مع سامر .. حبيه وخليه هو حياتك كلها .. ركزى على الحلو الا فيه ... والوحش ولا كانك شايفه .. ومع مرور الوقت .. ها تلاقى كل حاجه فيه حلوه .. وبتحذير بقولك ايه الواد دا ما يغريكيش الهدوء الا هو فيه .. الا سماه اسد ماكدبش ... دا ممكن ياكل اللحمه نيه ويقطع عشره قدامه فى اى مواهجه .. غير انه ما بيعملش غير الا فى راسه
مرنا : الكلام .. اخترق كل جوارحها ... ومس قلبها وبتهزر .. خلاص بعد الا انت قولته انا حبيت سامر وربنا يسترها عليا وما يكلنيش
كريم : ضمها تانى .. ان شاء الله ها تحبيه وتعيشى متهنيه معاه .. انا عارفك انتى كلك بابا فى طيبته وانا بقى شرير لماما ههههههههه ...
مرنا : انا دلوقتى صدقت ان انت ظابط شرطه .. ايه يابنى .. انت مراقب الكل ... لفت نظرى لحاجات ولا عمرى ركزت فيها
كريم : لو اطلقو كلهم .. ها يبقى احنا السبب .. انتى تيجى معايا .. وبيشدها يقومها ونبخرهم كلهم عشان انا استغليت فرصه انى بعمل شوية اوراق مهمه وقولت اجى اشوفكم
*********************
أحمد : قدام برج ايفيل وهو وريم وبيتفرجو عليه مع بعض وبيتصورو سيلفى كتير ..
ريم بهزار : حمودى .. تعالى نطلع فوق البرج ..
احمد : هههههههه ونطير ... واقول الناس انا جاااى
ريم : مش انت ظابط فى القوات الخاصه .. وبتعمل حاجات كتير وتنزل من الطياره وتعبر البحر ..
احمد : اه وبسحف فى الصحرا ... وبشيل الجمل ... واصتاد زواحف بالنبله ههههه
ريم : ههههههه انا مش بهزر
احمد : ولا انا .. بصى تعالى أكلى الحمام .. دا اخرك .. مش تطيرى من فوق البرج متجوزه قرد انتى والا ساحر
ريم : بتهزر اكتر ... طيب ايه رايك شنطتى كبيره .. ناخد كام حمامه من دول واعمل عشا رومنسى .. واخبى الريش فى الفازه
احمد : الريش ها يبلغ عنى وانا مش ها الحق اتعشى لو خرجت تانى معاكى . قدامى يا ريم .. قدامى
ريم : هههههههههه ومسكت دراعه وبتشده ... خلاص والله بهزر ... ايه ريك نركب عجل
أحمد : يااااه اخيرا قولتى حاجه مفيده ... وركبو عجلتين .. وبيتفسحو بيهم .. وطول ما هما ماشين يهزرو ويضحكووو ... نزلو من على العجل ... ودخلو مطعم ...
احمد : تحبى تاكلى ايه
ريم : يا احمد انا بخاف اكل برا انت عارف بيستخدمو خمور فى الاكل ولحوم محرمه علينا
أحمد : ما تقلقيش المطعم دا فى اكل للمسلمين .. والمنيو دا خاص بينا هو بلغنى برا لما لاقكى محجبه
ريم : طيب ايه رايك دا ودا ودا .... وكمان اممممم دا
احمد : بس كدا
ريم : تنحت .. هو مش كفايه كدا ... داكتير
أحمد : ههههههههه انا نسيت اقوله اننا مصرين .. الاكل هنا عينات .. مش ها يشبعك
ريم : خلاص ناكل فى الفندق
أحمد : لا كفايه احنا بقالنا اسبوع ... عايز افسحك وتتفرجى على الدنيا ... وطلب الاكل ..
ريم : يااااه يا احمد لو بلدنا الناس الا فيها يحافظو عليها زى هنا ونعيش بحريه محدش بيتطفل عليك .. تركب عجل. تجرى ... ها تبقى احلى واجمل بكتير
احمد : لو يا ريم ... لو رجعنا لمجدنا من تانى ...ها نبقى احلى من اى بلد فى الدنيا كلها لانها احلى بلد فى الدنيا مهما لفيت مفيش زيها ابدا .. احنا محتاجين نغير سلوك وعقول وثقافه
ريم : تفتكر فى أمل نتغير
أحمد : الامل دايما موجود .. بصى كدا النضافه والالتزام بالقوانين هو الا بيحلى اى بلد حتى لو بسيطه ... بعد كدا كله سهل
ريم : بدئت تاكل هى واحمد ... وبيتكلمو فى كل حاجه .. وهى مركزه قوى معاه ... بيفكر ازاى ..بيحب ايه وما بيحبش ايه بتدرسه كانها لسا بتتعرف عليه خلصو فوسحتهم ... ورجعو الفندق وطلعو للجناح بتاعهم . خدو شاور ... وطلعو ..
احمد : حاطت الفوطه على راسه .. وبينشفها .. ريم قربت عليه .. ومسكت الفوطه وبتقفلها على وشه وتفتحها ... وتقفلها ... وتفتحها ..
أحمد : مبتسم .. ومسك ايديها الاتنين .. وقرب على وشها .. وبيقول بهمس .. شكلك كدا بتغرينى
ريم : مبتسمه هى كمان ... توء .. انا بهزر
أحمد : شالها بين ايديه .. وبيغنى وانا بقى جد واحب الجد .. قولى بجد
ريم بإبتسامه : بجد يا حبيبى .. بحبك يا أحمد قوووى
أحمد بهزار : طيب انتى عايزا ايه دلوقت ما انا اندبيت على بوذى وحبيتك يبقى كدا خالصين
ريم : ايوا يا عم المغرور براحه علينا .. بس انت بقالك كام يوم بتفرك كدا ومش هادى
أحمد : 😂😂😂 الصراحه مش واخد على القاعده دى شغلى واهلى واصحابى كلهم وحشونى قوووى
ريم : انا كمان ماما وبابا وحشونى قووى ما تيجى نكلهم
أحمد : اوكى وجاب التليفون وبيكلهم كلهم
*******************
طارق : قدامك اد ايه يا كريم .. انت عارف لازم اتحرك دلوقت
كريم : 10 دقايق وها ابقى عندك .. سلام .. وقفل وجهز شنتطه وكل الا محتاجه ... ونزل سلم عليهم ومشى ...
طارق : لسا بدرى
كريم : بزعل ... كنت بطمن على ميرنا
طارق : هى لسا بردو متعلقه باحمد
كريم : فوق ما تتخيل ... وها تظلم سامر معاها والمشكله انه عرف
طارق : ميرنا طيبه لدرجة الغباء
كريم : ربنا يستر يا طارق .. اقعد اتكلم مع سامر
طارق : اه عشان يقول بيهددونى من دلوقتى
كريم : انا مش ها استحمل انه يزعلها .. او يجى عليها فى يوم
طارق : سيبها على الله يا كيمووو .. ياله .. بسم الله توكلنا على الله
كريم : بسم الله توكلنا على الله .. وسافرو ...وبعد وقت كبير ... وصلو المكان الا هما رايحينه ...
طارق : خد دى بطاقتك الجديده والورق الا يخصك .. طبعا مش ها نتكلم مع بعض غير بعد يومين زى ما اتفقنا واوعى تعمل حاجه تكشفك يا كريم
كريم : تمام فتح عينك ... وخلى بالك على نفسك واستنى مكلمتى انا ها اكمل لطريقى بقى وانت جهز نفسك وخليك مستعد
طارق : ان شاء الله يا حبيبى ياله سلام وماشى فى طريقه وبيفكر فى العمليه الا داخلين فيها سلاح واثار والموضوع مش سهل ابدا والراجل دا قعدو فتره كبيره لحد ما قدرو يمسكو عليه حاجه ولازم تتم حتى لو ها تكون روحه التمن
***********
سمر : يابنتى خلصى بتعملى ايه ..
حور : سموره .. انا مزاجى رايق على الاخر .. وايه الدنيا وردى فى عيونى
سمر : ها تتكحل وها تبقى كحل لو مخلصتيش الاوضه دلوقتى .. وبتزق حور ..روحى يا بنتى ..
حور : دخلت الاوضه وبتروقها وغيرت الملايه .. وحطاها على كتفها .. وماسكه فرشه ناعمه جدا .. وفتحت الدولاب وواقفه تنضفه .. وسمعت واحد بيقول تامرنى بحاجه تانيه يا فندم .. يادى النيله لو عرفو انى لسا فى الاوضه ها يعملو ليا مشكله .. ودخلت الدولاب وقفلت على نفسها .
النزيل دخل وشال الشنطه حطها قدام الدولاب .. فتحها وجاب حاجته الشخصيه .. وقلع التيشرت والشوز وماسك الفوطه وداخل على الحمام ..
حور : بتبص من فتحه صغيره مالقتش حد .. واول ما خرجت ..اتكعبلت ووقعت .. اه وبتزق الشنطه بإيديها وقتك انتى .. وقايمه بسرعه ..
النزيل : خرج من الحمام بسرعه يشوف مين برا .. لقى بنوته بتجرى .. وضهرها له .. جرى عليها ولف الفوطه حوالين رقابتها .. وشدها عليه بقوته ..
حور : اعاااا .. رقبتنى ها تموتنى
النزيل : انتى ايه الا دخلك هنا .. وبتعملى ايه انطقى
حور : ها اكون بعمل ايه .. بحضر عفاريت سعتك .. عفريت اسمه حوحو .. والتانى جوجو .. مجننى من اوضه لاوضه ..
النزيل : ابتسم .. حوحو وجوجو .. طيب سبينى انا اطلعهملك ... وبهمس ولو تحبى أئدبهم ..
حور : لا تادبهم ولا يأدوبك .. واوعى كدا يا أخ .
النزيل : بيشدها له أكتر .. بقولك كنتى بتعملى ايه .. اخلصى ..
حور : كنت بنضف الاوضه وحضرتك دخلت عليا زى القضا المستعجل .. سبنى بقولك ها تموتنى فى ايدك .. وبينها وبين نفسها الصوت دا مش غريب عليا .. وعايزا ترفع راسها تشوفه .. مش عارفه .
النزيل : انتى ها تكدبى ماكنش فى حد لما دخلت .. ايه كنتى مع حوحو وجوجو .. وظهرتى فجأه .. نزلتى من السقف ..
حور : بدأت تفقد الوعى .. وايديها ارتخت تماما ووقعت ..
النزيل : رمى الفوطه من ايده .. وبيضربها على وشها .. بت .. انتى .. فوقى .. وجاب الميه وبيكب على وشها بالازازه ..
حور : بتشهق .. جااامد .. اهاااا .. وبتفتح عنيها . . وبتوهااان .. طقطق يامصيبتى .. وفقدت الوعى تانى
طارق : تنح .. طقطق .. هو انا مشهور قوى كدا .. وبصوته كله .. قووومى وكمل ازازة الميه عليها .
حور : اعاااا .. انت عايز منى ايه وبتقوم اوعى كدا ..
طارق : تعالى هنا .. تعرفينى منين انتى
حور : قربت على الباب بالخطوه السريعه وفتحته . وطارق قرب منها مسكها بين ايديه .. ولف وشها له
طارق : تعالى هنا .. بقولك .. وبيركز فى ملامح وشها .. ولسا ها يتكلم .. انتى .
دينا : بتضرب على رجليها .. يالهوووى .. انتى بتعملى ايه فى حضن الراجل وهو عريان كدا .. حصلت يا حور تصتادى الزاباين اه يا قليلة الادب
حور بتنقل نظرها بين دينا وبين طارق الا تقريبا حاضنها بصدره العريان ومنظرهم يشكك فيهم اى حد وطارق زود المبله طين وقفل الباب فى وش دينا عليه هو وحور
اللي هيعمل متابعه من هنااااااااا هتوصله باقي الروايه
💗💗💗💙💙💙💚💚?
للمتابعه اترك تعليق
تعليقات
إرسال تعليق