 |
البارت الواحد والأربعون من الجزء الثاني
خادمتي ولكن
💗💗💗💗💙💙💙💚💚💚💚💚
دينا : بتضرب على رجليها .. يالهوووى .. انتى بتعملى ايه فى حضن الراجل وهو عريان كدا .. حصلت يا حور تصتادى الزباين ..
حور : بتنقل نظرها بين طارق الا صدره عريان ووضعهم يشكك فيهم اى حد وطارق زود الطين بله وقفل الباب فى وش دينا على عليه هو حور
دينا : نزلت تحت
المدير : مالك فى ايه
دينا : بتنهج .. حضرتك كنت عايز حور وبتدور عليها
المدير : ايوا .. وانتى مين الا قالك
دينا : بتشاور على احد العاملين هو الا قالى اطلعى اوضه 10 نادى حور منها .. ولقتها فى حضن واحد عريان مش لابس غير البنطلون .. يا حسام باشا
حسام : انتى بتخرفى تقولى ايه .. حور مش بتاعت الكلام دا ..
دينا : لو مش مصدقنى تعالى معايا شوفها بنفسك .. وخدت المدير وطالعه على فوق
حور بعصبيه : اوعى ايدى يا طارق .. البنت دى ها تسوء سمعتى ..
طارق : اولا انا هنا مش اسمى طارق زين مغربى .. اوعى تنسى ..وفهمينى انتى بتعملى ايه هنا .. انتى فعلا بتنضفى الاوضه
حور : بعياط .. ايوا .. عايزنى اعمل ايه يا باشا .. ها افضل قاعده منتظره مساعدتك .. والا ادايق مامتك وبابك اكتر لو جاى عشان تنتقم منى .. انا اعتذرت لك ..
طارق : بتفكير . بيقرب عليها لحد ما خبطت فى الحيطه .. ومسك وشها .. اه جااى انتقم .. يا مراتى .. يا ام إصلاح
حسام : دخل هجم على الاوضه .. وقرب على حور شدها جاامد .. انتى بتهببى ايه .. ومين الكلب .... ولسا ما كملش
طارق : مسكه من صدره .. وبيرفعه على الحيطه كلمه زياده .. ها أقطم رقابتك ومش ها يهمنى حد ..
حسام : انت عايزنى اشوفها فى حضنك واسكت احنا فندق محترم ..
حور : بعياط .. ارجوك سيبه .. ارجوك
دينا : عملتى عملتك .. وبتعيطى .. يا بجاحتك
حور : انتى تخرسى .. غورى من هنا ربنا ينتقم منك
طارق : وانتى عايزا ايه انتى التانيه
دنيا : ها اعوز ايه من الا زيكم .. صحيح واحده سايبه لا ليها اهل ولا حد يشكومها
سمر : واقفه بتسمع الكلام .. وشايفه حور الا وشها بدء يصفر ونفسها بيديق جدا .. وبصت لدينا .. انتى ايه مش خايفه من ربنا .. ما تسبيها فى حالها وابعدى عن طريقها
طارق : ساب حسام .. اول ما حور فقدت التوازن .. وقعدت على السرير بإهمال وبتنهج جااامد وراح عندها .. حور مالك ماتخافيش ماحدش هايقدر يعملك حاجه
حسام : شيل ايدك من عليها وقولى انت مين وعايز منها ايه ..
طارق : انا مين .. انا جوزها .. وعايز ايه . عايز مراتى .. عندك انت وهى مانع ..
دنيا : بتشهق وبتحط ايديها على صدرها .. وسمر وقفت اتسمرت مكانها ..
وحسام احلامه كلها ضاعت فى الوقت دا ومش مصدق الا بيحصل
*****************
كريم : يومين وها تلاقيه فى الفندق هنا يا محسن باشا
محسن : انت عارف يعنى ايه ابن المغربى .. يحط ايده فى ايدينا ..
كريم : عارف سعتك .. ما تقلقش دا حبنى قوى .. وقالى اى حاجه تيجى من ناحيتك ها افكر فيها .. بس لما تتم ما تنساش عمولتى يا باشا
محسن : الواد ممدوح لما قالى انك عيل جن .. وممكن تفتح لنا سكه مع اى حد ما صدقتش .. دلوقتى صدقت .. وشكلى ها احبك وها تبقى دراعى اليمين .. بس ايه حكاية مراته الا عطلت الدنيا
كريم : انت عارف مخ الحريم .. الست زعلت .. واختفت من البيت .. ال يعنى مقموصه .. وهو قالب عليها الدنيا .. قالى يومين وها ابقى عندك .. وتقعد وتتعرف وشويه شويه .. ادخل بالشغل التقيل
محسن : ياخى الستات دى عليها عاميل .. مبوظين الدنيا .. راجل عنده الدقيقه من دهب .. الست واقفه حاله .. اللهم احفظنا منهم ومن سيرتهم
كريم : بيتخن صوته .. امين ليك يا باشا .. وبيشاور على نفسه .. انا احبهم .. واخاف من بعدهم
محسن : هههههههه ... منا كمان بحبهم وكل ليله عندهم ..لما قطمو وسطى ..
كريم : امال الدعاوى دى ايه يا باشا .. وبيضحك .. تمويه
محسن : بخاف من الحسد .. انت عارف الراجل مننا سمعه .. وفى ثانيه بيتحسد
كريم : اممدوح .. هات المبخره .. وتعالى
******************
منيره : عامل ايه يا حبيبى دلوقتى
فتحى : بخير يا منيره ما تقليش عليا .. الحمد لله على كل حال
روان : مسكت ايده باستها .. يا حبيبى .. يومين وها نسافر كلنا نغير جووو .. وها تتحسن اكتر
فتحى : عشان خاطرى يا روان .. لو بتعزى ابوكى روحينى انا مش عايز اسافر ولا اروح فى حته
روان : ها تزعلنى يا بابا منك . تعالى شوف يا مروانى انت سايبنى اقنعه لوحدى
مروان : الحج بقت دماغه ناشفه قوى .. وبنتك بتعملى مشاكل
فتحى : يابنى انتو ها تاخدو بالكو منى والا تتفسحو انا ما اعرفش اخرج برا البلد دى .. اموت يا مروان
مروان وروان : بعد الشر
مروان : ايه رايكم بما ان مازن شبطان وكمان شريف .. نصيف هنا .. وكدا عملت الا انت عايزه .. ها تقعد معزز مكرم وبراحتك ... وقدامك البحر يريح اعصابك
فتحى : الا تشوفه يا حبيبى .. مش ها يجيلى قلب ازعلك يا مروان ... انت غالى عندى قوى
روان : اطق انا .. اتركنت على الرف يا فتحى ..
مروان : ضربها على راسها بهزار .. انا ايه وانتى ايه
روان : بتشاور على نفسها .. انا روان .. وانت مروانى وقعدت على رجله .. الجميل يا ناس ومسكاه من خدوده وبتبوسه .. وبتتكلم زى الافراح .. الرجوله .. والادب .. والاخلاق . وانا وانت .. تيرارا .. را .. اه
منيره : هههههههه .. ربنا ما يحرمكم من بعض
مروان : حاوط وسط روان بايده .. وبيضمها اكتر عليه .. يارب يا حماتى .. وقام وهو ماسك روان .. تعالى عشان عمى ياخد راحته ..
روان : عايزين اى حاجه تانيه
منيره : لا يا حبيبتى روحى مع جوزك .
*************
حور : بصت لطارق .. وبتنهج جاامد وعيونها بتنزل دموع لوحدها .. ومش قادره تتكلم ..
طارق : وهو جمبها .. اهدى يا حور .. انا جمبك يا حبيبتى .. مش ها ازعلك تانى ولا اخليكى تسبينى وتمشى
حسام : انت اكيد مجنون .. حور انسه مش مدام .. وبيكلمها .. انطقى وقولى اى حاجه .. انا لسا من يومين عبرتلك عن حبى ليكى وانتى ما قولتيش ليا اى حاجه
دينا : انتى ايه .. بتصتادى .. انا قولت انك واحده مش تمام .. الباشا مصدقنيش
طارق : مسك دينا .. وحسام الاتنين وطلعهم بعنف برا وقفل الباب
سمر : يا باشا البت دى غلبانه مش حمل واحده زى دينا ولا الا سعتك بتعمله
طارق : وانتى مين انتى كمان .. والا معترضه على ايه .
سمر : انا صاحبتها .. وعارفه انها ملهاش اى علاقه بحد وغلبانه .. ها يتقطع عيشها من هنا .. وهى لا لها حته تقعد فيها ولاحد يساعدها
طارق : عندها بيتها وجوزها مش ذنبى انها مش قايله ليكو .. واتفضلى يعنى مش ها ينفع تفضلى معايا .. ولو انا كداب كانت قالت لكم .. هى بس مصدومه من الموقف كله اصلها كانت عايزا تطلق ما اتوقعتش انها تشوفنى هنا .. وماداهاش فرصه للكلام .. اتفضلى . وخرجت .. لقت الشرطه ومعاهم حسام ودينا الا طبعا مش ها تفوت فرصه زى دى ..
حسام : فتح الباب فجأه لقى طارق بيمسح دموع حور الا مستسلمه للموقف تماما .. وساكته . اتفضل يا فندم هما دول
الظابط : مسك طارق وبيكلم العساكر تقوم حور ..
طارق : من فضلك دقيقه على جمب
الظابط : قدامى ومش عايز كلمه
طارق : قرب عليه وبهمس .. ما انت ها تسمعنى والا مش ها يحصلك كويس .. تعالى عايزك . وشد ايده منه .. كلم اسلام الطاحوى باشا .. وانت تفهم .. انا هنا فى مأموريه
الظابط : بأرتباك .. اسلام باشا بنفسه
طارق : هشش.. انا عايز الليله دى تتفض فى خلال دقايق .. وياريت محدش يعرف انى ظابط يا حضرة الملازم .. ايه بقى
الظابط : الملازم مدحت يا فندم
طارق : بيسلم عليه .. تمام يا مدحت .. ممكن بقى الحوار دا يخلص والا برا دى مش ها تقول اكتر من انها مراتى
مدحت : تمام يا باشا وخرج .. اتفضل معايا يا استاذ حسام
حسام : تنح .. ازاى يا حضرة الظابط .. انا مش ها أقبل فى الفندق بتاعى بالكلام الفارغ دا .. لازم تخرجهم من هنا
مدحت : راجل ومراته اخرجهم بأى تهمه
حسام : اشوف القسيمه مش لعب عيال هو
طارق : اكيد طبعا ها اجبلك القسيمه واسجلها كمان هنا .. ما انا ومراتى ها نقضى شهر العسل من جديد .. ويومين واسيب ليكم المكان كله
مدحت : انا مسئول عنه قدام حضرتك .. ممكن بقى تيجى معايا وانا ها افهم حضرتك .. وخرجو مع بعض ...وبعد ما خرجووو .. حور طلعت تجرى ونزلت مش شايفه قدامها .. راحت لاكتر مكان بتهرب فيه وبترتاح فيه .. طارق لبس التيشرت وخد متعلقاته الشخصيه ونزل جرى وراها يتلفت يمين شمال .. اختفت .. رجع الفندق وبيكلم سمر .. هى بتروح فين والا قاعده فين . وبيزعق فيها انطقى
سمر : بخوف .. عند الصخره الا فى ال....
طارق : بعد وقت وقت بسيط .. وصل عند الصخره وواقف فوقها بيدور عليها .. سمع صوت عياط تحت نزل لها ..
حور : حطا ايديها على وشها وبتعيط من قلبها بصوت عالى ..
طارق : خد نفس وقعد جمبها .. ضمها له .. انا اسف انى عملت كدا
حور : زقته .. بتردهالى .. طيب ليه انا الدنيا جبرتنى اتصرف بدون تفكير .. تيجى انت فى لحظه كل الا بحاول احافظ عليه انت تهده .. عارف انت عملت ايه . حطيت رقبتى تحت رجلك ودوست بعزم ما فيك قطمتها .. انت كسرتنى قدام واحده بتتمنى تمسك عليا حاجه وبتحاربنى بكل قذاره
طارق : ما تفهميش غلط يا حور .. انا جيت فى سكتك المره دى بدون قصد .. زى ما انتى جيتى فى سكتى قبل كدا بدون قصد
حور : بمعنى ايه يا حضرة الظابط .. انك مغصوب تعمل كدا زى ما انا عملت .. يا سلام .. شوف الصدف
طارق : ايوا بس مش مغصوب . ظروفى هى الا حطتنى وحطتك فى الوضع دا .. انا هنا فى مأموريه كبيره .. اعتبرى الا ها تعمليه دا مساعده منك ..خدمه قصاد خدمه .. انا لو اتكشفت ها يقتلونى وانتى ظهرتى فى الوقت الصح .. والا حصل كله فى مصلحة العمليه دى ونجاحها
حور : بتعيط أكتر .. وبتشاور على نفسها .. وانا يا طارق .. انا كنت فاكره الدنيا خلاص ها تضحكلى لما استاذ حسام قالى انه بيحبنى وعايز يتقدم ليا قولت ربنا ها ينسينى كل الا فات واعيش من جديد
طارق : بتحبيه يا حور .. لو بتحبيه ها اروح اقوله كل حاجه
حور : ساكته ما بتردش
طارق : بتحبيه .. ها تصدمينى لو قولتيلى بتحبى واحد اد ابوكى
حور : هو انا لازم احبه .. واحد ها يتجوزنى ويرحمنى من الهم والقرف الا انا عايشه فيه .. ها يبقى ليا بيت ما حدش يقدر يطردنى منه .. مش هو احسن واصغر من صاحب البيت المعفن .. على الاقل دا محترم
طارق : ايش عرفك انه محترم .. عشان فى حدود فى التعامل بينكم . مش شرط على فكره .. والا بتعمليه دا مش جواز .. انتى بتبيعى نفسك لليدفع اكتر وان كان على البيت .. انتى لو رجعتى شقتك ها تلاقيها زى ما هى وعفشك رجع والراجل اتلم .. ومحدش ها يقدر يرمش ليكى .. بس انتى بتتصرفى بتسرع ومن غير تفكير غبيه فى تفكيرك
حور بفرحه : بجد يا طارق .. كل حاجتى وحاجه ماما رجعت تانى
طارق : ايوا .. ودورت عليكى كتير عشان ارجعك ومحدش يدايقك ... بس الا حصل
حور : انت الا دفعت فلوس الحاجه
طارق : مش مهم مين ... المهم انتى ها تعملى ايه معايا .. ها تكملى
حور : هو انت مش قلقان منى .. افرد بوظتلك الدنيا والا طلعت انسانه وحشه زى ما كنت بتقول
طارق : مش قلقان منك وانتى مش وحشه بالعكس .. وكمان تفتكرى دخلتى بيتى وكلتى من أكلنا وابويا وامى حبوكى لدرجه انهم عايشين يفكرونى بذنبك وازاى انا اتخليت عنك .. تفتكرى انتى ممكن تضرينى ومركز مع عيونها ... الا أكتشف ان لونهم عسلى فاتح .. ورموشها الطويله .. وبيدرس ملامحها وشكلها كله على بعضه من اول وجديد
حور : احممم .. هما عاملين ايه
طارق : بيميل راسه على جمب .. عاملين كدا ..
حور : هههه .. ميلت راسها عكسه .. كنت فاكراهم كدا ..
طارق : فكيتى يا أم مجد و إصلاح ..
حور : هههههه انت لسا فاكر اساميهم .. انا نسيتهم اصلا ..
طارق : حد ينسى ولاده يا جاحده .. وبيغمز لها .. بس ايه الجمال دا .. ومسك شعرها .. والشعر دا
حور : ضربته على ايده .. ما تتكرش تانى .. والزم حدودك يا باشا ..
طارق : الصراحه العبايه كانت مدمراكى .. يعنى مقاسك لارج .. لابسه عابيه 5 اكس لارج كنتى فعلا شكلك ست
حور : دى الحاجه الوحيده الا وانا لابسها بحس انى مرتاحه .. قولى بقى انا دورى ايه فى شغل المخابرات بتاعك دا
طارق : هههههههه مخابرات مره واحده .. بصى يا ستى .. كل الا عايزك تعمليه انك تكونى مرات رجل الاعمال زين مغربى .. الا هو انا .. وانتى حور زى ما انتى بس ها اغير اسم العيله وكدا .. عقد الجواز ها نعمله من سنتين .. كل دا ها يتم انهارده
حور : يعنى انا متجوزاك من سنتين .. يا زين
طارق : ايوا .. طبعا ها يبقى فى سهرات كتير وكلام مع ناس عايز كل كلمه اتفق معاكى عليها .. تتنفذ بالحرف
حور : ها نقعد اد ايه نمثل
طارق : بضحك .. زى ما تحبى لو عايزا على طول ماعنديش مانع اهو اخلص من زن أمى وابويا .. اتجوز اتجوز
حور : على فكره انا بكلمك بجد
طارق : وانا كمان .. ايه رايك نكمل تمثيل وتفضلى مراتى .. لحد ما أحس كدا انى مؤهل للحب و للجواز
حور : غمضت عنيها لحظات .. وبتقول بينها وبين نفسها .. ياريتنى ما حبيتك .. بقولك يا حضرة الظابط
طارق : قلبتى رسمى ليه .
حور : اسمعنى .. انا معاك لحد ما تتم العمليه بتاعتك على خير .. وبعد كدا ها تنسانى لانى ماعنديش استعداد امثل على ناس انا فعلا حبيتهم من قلبى لا هما ولا غيرهم
طارق : طيب فكرى لسا قدمنا وقت .. وبيمد ايده يمسكها رفضت .. لا انتى لازم تتعاملى على انى جوزك بجد...ممكن احضنك قدام الناس .. ابوسك .. ادلعك وبيرفع ايده استغفر الله سامحنى يارب
حور تنحت : لا طبعا .. التعامل من بعيد لبعيد خايف من المعصيه بتعملها ليه
طارق : والمفروض انهم ها يصدقو كدا انا لازم اعمل كدا .. انا ماعنديش مانع نكتب كتب كتاب حقيقى .. لحد العمليه ما تخلص وبعدين اطلقك ..
حور : ضحكت بصوت عالى جدا .. وبتضحك وتضحك .. وطارق وقف ربع ايده وبيبص لها
طارق : قولت نكته
💗💗💗💙💙💙💚💚💚
للمتابعه اترك تعليق
البارت الثاني والاربعون من الجزء الثاني
خادمتي ولكن
💗💗💗💙💙💙💚💚💚💚💚💚💚
حور : ضحكت بصوت عالى جدا .. وبتضحك وتضحك .. وطارق وقف ربع ايده وبيبص لها .
طارق : قولت نكته
حور : تقريبا .. كدا .. وبتضحك .. اصلك بتفكرنى اد ايه انا نحس .. ها اتجوز واطلق من غير جواز .. وتتحسب عليا جوازه تانيه انا كدا بصتاد على رأى دينا
طارق : ادام مش عايزا تغضبى ربنا ودا انا احترمته فيكى .. ليه لاء .. احنا لازم نبقى طبيعين جدا الموضوع مش سهل يا حور وكبير دى قضية سلاح واثار
حور : لازم يعنى
طارق : لازم عشان تبقى براحتك .. وعلى طبيعتك
حور : بتفكر .. ومش متخليه انها ممكن تتخلى عنه او تعرض حياته للخطر زى ما بيقول .. حتى لو ها تتحسب عليها جوازه .. موافقه يا طارق .. بس ياريت بردو يبقى فى حدود
طارق : اكيد ها يبقى فى حدود .. ما تقلقيش انا مش بفكر فى جواز ولا علاقات .. اطمنى معاكى بطاقتك
حور بتريقه : طبعا انا مطمنه ... بتحط ايديها فى جيب البنطلون .. ايوا معايا وراحو كتبو الكتاب وعمل قسيمه مزوره بأسميهم الجديده .. زين المغربى وحور مكرم .. وبتاريخ قديم .. وراح على محلات ملابس جاب لها فساتين جميله جدا ورقيقه .. وجابت كل حاجه تخصها من السكن وراحو على الفندق ومسك ايديها ودخل بيها قدام الكل ..
حور : ها تعمل ايه فى اسمى انا ورقى وصورة بطاقتى هنا معاهم .. عشان الشغل
طارق : بسيطه ما تقلقيش انا ها اتصرف .. مش ها اديهم فرصه يقرو الاسم كله .. دا شغلى انا كدا كدا حجزت الاوضه ها يشوفو القسيمه يطمنو مش أكتر ...ويومين ها ننتقل لفندق كبير فى شرم مش هنا .. بس لازم ارتب أمورى هنا الاول
حور : طيب خلى بالك
طارق : قولتلك ما تقلقيش اهدى وبطلى توتر ... وعمل كل المطلوب .. تحت نظرات حسام الا ها يتجنن ومش قادر يتكلم .. ودينا الا ها تطق ومش مصدقه وعايزا تعمل اى حاجه تضر بيها حور .. طلعو الاوضه الا تخص طارق .. وبدئو يرصو حاجات بسيطه فى الدولاب والباقى سابوه فى الشنط
*******************
مر يوم اخر ..بعد ما سامر اتفق هو واهله ان كتب كتابه .. والفرح لما كريم وطارق يرجعو بالسلامه .. واحمد كمان من شهر العسل
************
ميرنا خارجه من العياده وبتطلع مفاتيح العربيه من شنتطها وبتبص جوا الشنطه ومره واحده حست ان حد بيحط ايده على بوئها ومكتفها بإيده .. وجرها ركبها عربيه فى مكان قريب ما هى واقفه دخلها بالعافيه وسط مقاومتها وقفل الباب وركب وقاد بسرعه
ميرنا بعياط وتوسل : ارجوك سيبنى انت عايزا ايه خد الشنطه با إلا فيها ومش ها اعمل لك حاجه
الراجل بصوته التخين : اخرسى وبطلى عياط .. انا مش ها اسيبك
ميرنا بعصبيه وعياط طب ليه عملتلك ايه يا عم والله ما بعمل حاجه فى حد
الراجل : مش انتى خطيبة سامر هى دى العمله الوحيده الا انتى عملتيها وبصوته كله فيها .. هو دا واحد واحده تبصله خليه يشرب ويدفع تمن الا عمله
ميرنا : دا طيب والله وما بيعملش حاجه طيب اقف ونتفاهم واشوف هو عملك ايه وبعياط اكتر وانا والله ها ازعقلو
الراجل : ضحك بصوت عالى ... مجنونه يابت دانتى وقعتك سودا عشان تقعى فى واحد زى دا ... لازم اعرفه واخليه يجى راكع تحت رجلى دا لو بيحبك
ميرنا سكتت وعيونها تاهت مره واحده
الراجل : ايه مابيحبيكش وخدت مقلب
ميرنا بصاله وساكته وبتعيط وبس .. ومره واحده هجمت عليه وبتحاول تشيل القناع الا على وشه ..
الراجل زقها جااامد ها تموتينا اقعدى واهدى وبدء يهددها بالسلاح وصل لمكان مهجور وشكله يخوف وبينزلها من العربيه .. وهى بتقاوم وزانقه رجلها فى باب العربيه وراميه جسمها لجوا .. الراجل قرب عليها وحضنها وشدها بالقوه بينزلها من العربيه وشالها على كتفه وسط صراخها وضربها فيه الا زى قلته .. نزلها وطلع شريط من جيبه وربط عيونها وقلع القناع .. ودخلها فى المكان جوا
ميرنا بصوت عالى : ارجوك سيبنى ربنا يخليك ويسامحك سيبنى بقى وعماله تتنطط وهو ماسكها من ايدها وبيدخلها جوا المكان ومره واحده سابها وواقفه لوحدها حطت ايديها على عيونها وشالت الشريط بسرعه واتصدمت من الا شافته وبتلف بجسمها وهى واقفه وبتبص فى المكان برغم انه مهجور إلا انه فى غاية الجمال والروعه من جوا عباره عن قاعده عاليه عن الارض مزينه بالقلوب الحمرا بتنور بأسمها هى وكل قلب مفحور عليه بحبك يا دكتوره .. ولسا ها تنزل على روكبها وهى بتعيط لقت الا بيحضنها وبيمسح دموعها والابتسامه على وشه ولابس بدله كأنه عريس
سامر : ازاى ما جاوبتيش بقلب جااامد وقولتى انه بيحبنى ومش ها يتخلى عنى .. لو انتى لسا تعرفينى من كام يوم انا اعرفك من يوم ما دخلت عيادتك .. وكل يوم براقبك فيه وبشوفك من بعيد .. اتعمدت اروح ليكى متاخر واشوف رد فعلك على فلوس وخطفتى عقلى وقلبى أكتر
ميرنا الصدمه والمفاجأه لجمتها .. بتسمعه وساكته
سامر بيحط ايده على وشها .. ازاى كنتى عايزا تبقى لحد غيرى .. ماتعرفيش ان ربنا دايما بيعوضنا بالاحسن ... وانتى احسن حاجه حصلت فى حياتى
ميرنا بعياط وبتاخد نفس وشبح ابتسامه على وشها يا مجنون .. بتخطفنى
سامر بهمس : بخطفك لقلب تانى مفتوح ليكى وبيوريكى حبه وازاى اتعلق بيكى وضمها جااامد وهى مفهاش اى روح او طاقه للمقاومه سيب روكبها 😂😂😂😂 واتعدل مره واحده
انتى ازاى قاعده فى بيت فيه اتنين من القوات الخاصه وبيتريق عليها والله ها ازعقلو سيبنى والله يسامحك 😂😂😂 كدا بقى قلبه ها يحن ويرق وبالمره تضربينى على ايدى
ميرنا صوت ضحكتها رنت فى المكان : قعدنى مش قادره اقف الله يسامحك
سامر : لا انتى لازم تنشفى وتبقى اقوى من كدا ماينفعنيش الكلام دا
ميرنا بأبتسامه : ايه هاتغير رايك
سامر بنفى : بتحلمى وبيشاور عليها ها اغيرك انتى كلك على بعضك .. خلاص انتى تخصينى ولو انا الاسد برا البيت انتى لازم تبقى الاسد الا ها اسيبه فى البيت واى مكان لازم أطمن عليكى واطمن ان اى حد ها يمسك ها تقطعيه
ميرنا حطت ايدها على كتفه : ايدى على كتفك
سامر مسك ايديها : ايدى فى ايدك عمرها ما هاتبقى على كتفى
ميرنا شدت ايديها : قولى كنت مغير صوتك ازاى
سامر تخن صوته وبيكلمها : دا انتى وقعتك احلى واقعه يا دكتوره والا ايه
ميرنا بفرحه نوعا ما : والا ايه
سامر مد ايده لها وقومها وشغل موسيقى هاديه ولف ايده على وسطها : انهارده ملكى ولازم اعيش جو الفرح بيكى وبخطوبتى الا انتى حرمتينى منها معاكى بس ها يبقى لوحدك عقابا ليكى وبيرقصو مع بعض
ميرنا بإحراج : امممم .. انت شخصيه مجنونه
سامر بأبتسامه : جدا خصوصا معاكى اتعودى على كدا .. المكان دا ماحدش يعرفه غيرك دلوقتى كنت بهرب فيه من اى حاجه .. وكل الا انتى شايفه واسمك وكله كله بدئت اعمله يوم شفتك .. وقررت انه لازم بعد خطوبتنا رسمى اجيبك فيه
ميرنا ضحكت : انت ضيعتنى .. حد يجيب حد بالطريقه دى
سامر بيهز راسه : انا ... كنت عايز اوصلك احساسى والا انتى عملتيه فيا
ميرنا : انا ماعملتش حاجه
سامر : لا عملتى خطفتينى من نفسى وطول الوقت وانا عايش فى صراع معاكى عشان ترجعيها
ميرنا : انا مش قدك ... شكلك كدا بكاش
سامر ضحك : جدا .. تعالى اناعازمك على الغدا
ميرنا : فين دا بقى
سامر جاب شنطه وبدء يفرد الاكل على الارض .. وبيبص لها اقعدى يا دكتوره
ميرنا جتلها هسترية ضحك : يعنى كل الاعامله دا وها نتغدى على الارض
سامر : دى احلى حاجه انا ها اعيشك كل حاجه وعكسها .. وبيخبط بايده على الارض اقعدى ياله .. عيشيها ببساطه وقعدت جمبه واكلو مع بعض .. وطول القاعده بينكش فيها وهى تصده لحد ما روحها بنفسه وسلم على عليتها ومشى وسابها فى صراع جديد من نوعه ومقاومه ومقارنه بعيده تماما عن بعض فى كل شئ
وعيله مروان وحبايبه قررو .. يروحو يقضو اجازتهم فى الساحل الشمالى فى الفيلا الا تخصهم هناك .. وبعد ما وصلو وريحو .. وكلهم مستمتعين بالجو ..
**********
مازن : يا ماندو ارحمنى .. يابنى افهمك ازاى اننا جاين نعوم نصيف وبيعمل حركة العوم بايده .. مش نصتاد سمك
ماندو : هو انا يعنى جايب الصناره ليه .. وبصوت عالى عشان اقعد على صخره وانت تقعد جمبى ونصتاد .. سمك كبير كدا يملى العين
مازن : بعصبيه .. قولى اجيبلك صخره انا منين دلوقتى تترزى عليها
ماندو : ما تتعصبش طيب
مازن : انت تطلع عينى وتقولى ما تتعصبش ..
ماندو : بيشد مازن من ايده وبيوطى راسه يقربها من مازن .. طب تعالى نجيب سمك .. ونعمل اننا اصتدناه ... عشان منظرنا .. هيبتنا ها تضيع
مازن : حط ايده على وشه وبيعيط عياط مصطنع وبيهز كتافه جااامد .. يارب سامحنى على ذنوبى .. انا عارف انى عملت ذنوب كتير .. سامحنى واصرفه عنى ..
ماندو : بزعل .. انت عايز تخلص منى وكشر وشه وسكت مش بيتكلم
مازن : مسك وشه .. وبيهزر .. خراشى يا ناس .. زعلت يابارد .. ليه يا ضينايا .
ماندو : بيغمز لسمسمه ومرنا وشريف وهما جاين من ورا مازن .. ومسكو كل واحد صاروخين ولعوهم وراموهم تحت رجل مازن .. وبدأت الصواريخ تضرب ورا بعض ..
مازن : اعاااااااا .. ونط اتشعلق فى ماندو
ماندو وكلهم : هههههههههههههه
مازن : بيضرب ماندو .. بتلعب بيا يا جزمه .. وماندو سابه ويطلع يجرى .. وبيقوله .. عليك واحد .. عليك واحد ..
مازن : بتريقه عليا واحد يا اهبل .. اعقل بقيت اطول منى .. وهايف
شريف : مسك مازن من خده .. خراشى يا ناس على التافه الا كبر وعايز غيره يعقل
مازن : بيضرب شريف على ايده .. انا عاقل غصب عنك ..
مروان : ايه .. ننطلق .. والا لسا شويه ..
شريف : الا ها يكسب الاتنين التانين الخروج يبقى عليهم
مازن : موافق
مروان : وانا كمان موافق ياله يا ميرنا .. شجعى انتى وسمسمه
سمسمه : بتلف وترقص .. بابى .. بابى .. عمو مازن .. عمو شريف .. وماندو واقف جمبها وبيشجع مازن بحماس
وميرنا : بتهلل مع سمسمه .. وعايشين الاجواء مع بعض ..
التلاته .. نزلو الميه .. وبدئو يسبحو بإحترافيه .. وفى منافسه جااامده بينهم التلاته
مازن : وصل اول واحد على الشط .. وميرنا بتسقف جااامد ومبسوطه هى وماندو وسمسمه ..
شريف ومروان خرجو من الميه .
مروان بينهج : دى مهزله .. ابو كرش هو الا كسب
شريف بنفس النهجه : كرشه نافش على وش الميه .. لا انا لازم ارمى نفسى فى البحر يتوينى من الفضيحه يا أربى كرشى
مازن : بيضحك .. الحقد مالى قلوبهم .. عشان تعرفو ان فى الكرش فوايد كتير ..
مروان : اهمها .. انك كنت بلونه عايمه على وش الميه
شريف : هدى لو عرفت ها تذلنى
مروان : إحمد ربنا .. انا بقى .. روان لو عرفت ها تعمل حفله وفرح لمازن .. مكوش على البيت كله
مازن : الله اكبر وبيخمس فى وشهم .. ومره واحده ضحك جااامد .. رايح فين يا وحش
ماندو : ها اعمل سباق زيكم.. وبينط .. ياله يا سمسمه
فين طرقوعه
سمسمه : حاطه رجليها جوا عوامه بطه كبيره .. وملبسين طرقوعه شمسيه على راسها ومايوه ..
مروان : ههههههههه رايحه فين يا بطه بلدى
سمسمه : ها اعوم يا بابى مع طرقوعه .. مش كنت تجبلها عوامه هى كمان عشان ما تغرقش
مروان مسك ايديها : استنى ها انزل معاكى وطرقوعه ايه الا عايزا لها عوامه دى قرده
شريف : لا دى لبسيها بامبرز ها تقب على وش الميه لوحدها .. وهما الاربعه داخلين على الميه .. ومازن ماشى يرقص وراهم ..
مازن : هى ميرنا دخلت ..
شريف : بيغمز له .. سامر .. مش مديها فرصه تدخل او تخرج .. نازل رغى
وبعد وقت ونروان خرج هو وسمسه وماندو وطقطوقه
مروان ؛ حط ايده على مازن وشريف .. تعالو ندخل ونسيبهم مع بعض ..و نشوف النساء ما طلعوش ليه لحد دلوقت ...
روان : كدا حلو يا هدهود..
هدى : سبيها شويه كمان .. تعالى نعمل السلطه والطحينه .
روكا : بتقلب صنية الكنافه بالقشطه الا بتعملها .. ودخلتها الفرن تانى .
روان : اكيد ها نلاقيهم فى البحر .. مش ها يطلعو منه دلوقتى .. وانا جوعت قوى .. مش كنا جبنا اكل جاهز
هدى : يا رورو ..الجاهز دا خليه فى العشا واحنا بنخرج برا .. عايزين نقضيها مشوى .. جوا البيت احنا مجهزين كل حاجه
روكا : 10 دقايق وصنيه الكنافه الا ريحتها تهبل .. ها تبقى جاهزه ... هاتو الاطباق اطلعها وانتو ورايا بالاكل ..
هدى : اوكى يا قطه .. فى ديلك احنا .. وخرجو ورصو الاكل على السفره .. وروكا : دخلت جابت الكنافه بعد ما حطتها فى طبق كبير وساقتها بالشربات ..
مازن : اول ما شاف روكا وهى شايله صنية الكنافه .. وبيغنى لها وشريف وهدى وروان وروكا بيردو وراه ..
مازن : روكا عملت كنافه
كلهم : نافه نافه ..
مازن : فى الصنيه مش متشافه
كلهم : شافه شافه شافه ..
مازن : تعالى شوف الاختراع .. كنافه تاكلها تجبلك صداع هههه وبيشاور عليها وبيرقص .. دى روكا عملت كنافه ..
كلهم : نافه نافه ..
******************
عز : يعنى ايه يا محمود .. انا بحاول مع هدى وفاطمه يبيعو نصيبهم .. وانت تقولى براحتهم .. ما انت شايف انا الا شايل الحمل كله لوحدى .. يبقى انا اولى بيه
فاطمه : انت بتاخد حقك وزياده يا محمود .. اولى بيه ازاى يعنى .. وغير كدا لو انا جبت حد غريب يمسك نصيبى ونصيب هدى .. ها ترتاح
عز : انا محدش غريب يدخل الشركه بعد العمر دا كله ويعملى فيها صاحب ملك
محمود : انت مفيش اى حل عاجبك يا عز .. ها تخليهم يبيعو بالعافيه .. خلاص لا غريب ولا غيره .. انا ها اتابع انا شغلهم .. عندك مانع فى دى كمان
عز : بزعل براحتكم
منى : انت ومحمود بتعرفو تتفاهمو وها تغشلو الشركه أحسن من فاطمه وهدى
محمود : بيضرب عز على كتفه . افرد بوذك .. انا مش ها اقعد فى وش الخلقه دى طول النهار
عز : بطل هزار يا محمود .. انا مدايق منكم
فاطمه : انت طبعك صعب ياعز .. يا تعمل الا انت عايزه يا تزعل
عز : بنتك وشريف .. شغالين مع مروان .. بيكبروه وسايبين مالهم .. مش لازمهم بقولكم انا اولى .. ايه بقى .. وانتى مع جوزك ولا فى دماغكم .. ومش فارق ايه داخل وخارج
فاطمه : بنتى واخوك شريف .. مع مروان اه .. بس بيشتغلو لانهم شركا معاهم دلوقتى .. يعنى فلوسهم وملكم بردو .. انما انا .. مش عايزا اشتغل .. ها تجبرنى على الشغل .. وحابه انى احافظ على شركة ابويا .. ايه الا يدايقك .. انت الحمد لله مش محتاج
محمود : لو انا قصرت معاك فى الشغل اعمل الا انت عايزه .. وها اخلى هدى وشريف يخصصو وقت يتابعو فيه شغل الشركه بردو .. حاجه تانى
منى : براحتهم ياعز انت عرضت وهما رفضو .. بس من دلوقتى يامحمود انت وفاطمه يوم ما تفكرو تبيعو .. يبقى عز اولى من الغريب
محمود : اتفقنا .. حاجه تانى ياعم
عز : اوعى انت كابس على نفسى ليه .. ما مراتك قدامك اهى
محمود : بيزقه جااامد .. بنى ادم فقر يخربيت معرفتك الا تودى فى داهيه
عز : انت داهيه لوحدك
منى : يالهوووى .. اشتغلو .. قومى يا فاطمه اما اشوف الست صفيه خلصت الغدا والا لاء
***********
أحمد : ماسك ريم من ايديها .. وطلعو من المطار ورايحين الساحل يعملو لاهلهم مفاجأه ..
ريم : تفتكر ها يفرحو لما يلاقونا قطعنا شهر العسل ورايحين لهم
أحمد : أكيد ها يتبسطو .. انتى بقى الا ها تتبسطى والا ها تتدايقى ..
ريم : برومانسيه ومسكت ايده .. اى مكان يجمعنا مع بعض اكيد ها ابقى مبسوطه
أحمد : شال ايد ريم وضمها لصدره .. وانا كمان اى مكان ها يجمعنا ببعض ها اكون مبسوط فيه
*************
طارق واقف فى مكان بعيد جدا وهادى .. مفهوش .اى بنى ادمين .. هو وحور
طارق : حور ركزى .. وبطلى خوف
حور : يا طارق انا بخاف من البتاع دا الشيطان شاطر
طارق : ماسك المسدس .. ها تخافى من ايه منا بعلمك ها يعضك
حور : بخوف .. لاء ها يخلص عليا
طارق : بعصبيه وبيقرب عليها وموجه المسدس عند راسها تصدقى انا الا ها اخلص عليكى .. لو ما اتعدلتيش .. وبعصبيه .. أمسكى ..
حور : بتشد المسدس جااامد .. هات .. بوم ... اعااااا .. وبعياط .. قولتلك ها يخلص عليا اهو بيضرب بومب لوحده زى ما سمر بتقول
طارق : نسى الا حصل .. وعمال يضحك .. بومب .. وهو بيضحك .. والله انتى دماغك دى الا مليانه بومب .. فى حد يشد المسدس ودايس على الزناد .. انتى طبيعيه
حور : ايوا طبيعيه شايفنى نفخ قدامك
طارق : بيزقها .. قدامى يابايره .. دا انتى كلك على بعضك اد عقلة الصباع .. انا عشان اكلمك لازم انزلك 3 متر تحت الارض .. تقولولى نفخ لو نفخوكى ها تبقى شبه الكوره
حور : الاوصر هيبه والطول خبيه ... انت الا طويل اد عمود النور ..
طارق : عارفه لو قصيتى لسانك ها نرتاح .. امسكى وماسك ايديها وبيحط المسدس فى ايديها تانى
حور : خليك ماسكه .. الله يخليك وبترجع لورا بخوف .. الله يخليك
طارق : ما تهدى يا حور .. انتى ها تقعى فى الترعه .. جننتى أمى
حور : طيبه وربنا
طارق : بأستفهام .. مين
حور : أمك هدهود .. طيبه .. انت طالع شرير لمين
طارق : بيحط ايده بنفاذ صبر على وشه .. وبعدين بصلها .. هشششش .. مش عايز أسمع صوتك فاهمه
حور : بتمشى ايديها عند بوئها بمعنى خلاص سكتت
طارق : وقف وراها .. وقرب منها جدا .. ومسك ايديها الاتنين بالمسدس .. وقرب وشه من وشها وبيكلمها .. عينك على الهدف .. والتركيز يبقى عالى عندك.. ولما تضربى .. اضربى من غير خوف وبيبص فى وشها عينه جت على شافيفها
حور : بتهز راسها بمعنى اه .. وما بتنطقش
طارق : بياخد نفس .. وبصوت هااامس ... مش بتردى ليه .. انتى سمعانى
حور : لفت وشها له .. وفى لحظه انفاسهم اختلطت ببعض .. وعيونهم اتقابلت فى نظره طويله .. احممم .. وبصوت مبحوح .. ووشها الا بيحمر كل ما يعدى الوقت وهو حاضنها بين ايديه .. مش ها تعلمنى
طارق : بتوهااان .. هاااه .. احمم اه .. وبارتباك .. ركزى يا حور ... ركزى يا ماما .. هناك .. واول ما لفت وشها . ابتسم بمكر .. وقرب منها أكتر وهى تبعد .. وهو يقرب وهى تبعد ..
طارق : ها تروحى عند القزازه هناك .. ما تثبتى .. اقولك على فكره .. انتى لو حصل اى حاجه جهزى كام طوبه فى شنتطك واحدفى وزى ما تيجى تيجى .
حور : مابعرفش احدف طوب
طارق : وهو تقريبا كدا ساند عليها ومندمجين فى الحديث .. بتعرفى تعملى ايه فى حياتك
حور : بعرف اعمل كل اصناف الاكل .. وادرس للعيال .. دراسات جغرافيه وتاريخ .. اه وكمان بروح الجيم عشان احافظ على رشاقتى وبتشاور على جسمها
طارق : اه احلى حاجه الجيم .. تعرفى لو مش بتروحى الجيم .. كنت شكيت فى نباهتك ... عليكى شوية نباهه تودى فى داهيه
حور : بتضحك .. منا عارفه .. ياله يا حضرت الظابط علمنى والا عجبتك الواقفه على أكتافى .. قربت انزل تحت الارض 3 متر وبتقولها بتريقه .. بسببك
طارق : اه عجبتنى الواقفه يالمضه .. ومسك ايديها يثبتها .. وبدئت تنشن على القرزازه ... وبعدها اتنطتت .. وتلف وتقول هيييه .. هييييه ..
طارق : قعد على صخره وبيتفرج عليها .. ممكن اعرف الفرح الا انتى عملاه دا ليه .. امال لو نشنتى على القزازه .. ها تعملى ايه ها تضربينى انا طلقه وتخلصى
حور : انت قولتلى اضربى وضربت كدا مالكش حاجه عندى
طارق : انتى هبله يا بت انتى .. انتى بتضربى اى حاجه الا الهدف الحول عندك رهيب ياحور عيونك داخله فى مناطق غريبه غير الهدف .. انتى لو معانا فى عمليه ها تخلصى علينا كلنا وها تسيبى هدفك يهرب
حور : قعدت جمبه .. بتمد شافيفها لقدام .. ماهو يا طقطق ..
طارق : بصوت عالى وبيمد الكلمه ... لا .. فوقى .. طقطق دى لهدهود .. ونساء عائله السمرى فقد لا غير
حور : اقولك ايه يعنى طارق حاف
طارق : لا طارق بالجبنه .. بصى قومى قدامى
حور : بتمد ايديها .. ليه كدا طيب . مش ها تعلمنى اضرب العصابه معاااك
طارق : هههههههه .. انتى لازم الواحد يسيبك على عماكى ويصدمك .. وبيرفع ايده لفوق .. يارب يضربوكى طلقه وتبقى شهيده الواجب الواطنى .. وبيقرب على وشها .. اكرم لنا وليكى .. ومسكها من قفاها .. قدامى .. وركب العربيه . ومشى
💗💗💗💙💙💙💚💚💚
للمتابعه اترك تعليق
البارت الثالث والأربعون من الجزء الثاني
خادمتي ولكن
💗💗💗💗💙💙💙💙💙💚💚💚💚💚
بعد السلامات والمباركات لاحمد وريم .. وفرحتهم انهم يقضو شهر عسلهم معاهم ..
*******
مازن : مش تبارك لمبرنا يا أحمد
أحمد : بأستفهام .. مبررروك .. بس على ايه
ميرنا : اتخطبت .. وفرحى لما كريم وطارق يرجعو بالسلامه ..
أحمد بعتاب : وانا يعنى محدش قالى ولا عرفتونى حتى
مروان : محبناش نشغلك وانت مع عروستك .. وكمان مفيش اى حاجه ها تتم من غير وجودك انت وكريم وطارق
أحمد : مين بقى الا ها يخطف قمر العيله بتاعتنا
شريف : سامر زميلكم
أحمد : رفع حاجب .. الكلام دا بجد
روان : طبعا يا حبيبى .. انت عمال تستجوبنا وبتمارس شغلك علينا
احمد : ابتسم .. مش بفهم ..اسيب البيت يومين ارجع الاقى ميرنا ها تسيبنا وتمشى
ريم : مبروك يا ميرنا .. ربنا يتمم على خير
مبرنا : بأبتسامه مصطنعه .. الله يبارك فيكى .. بعد اذنكم .. وبتشاور لسمسمه .. ياله
سمسمه : انا عايزا اقعد مع طنط ريم شويه
ميرنا : طيب بعد اذنكم .. وخرجت على برا ..
أحمد : ها اقوم ابارك لمبرنا شكلها زعلت منى .. وقام وهو بيحاول يدارى ارتباكه قدام ريم . الا اتاكدت ان فى حاجه .. بيجرى ورا ميرنا .. ميرنا استنى
مبرنا : نعم
أحمد : مسك ايديها .. تعالى عايزك .. ومشى بعيد عن المكان الا هما قاعدين فيه .. ايه الجنون الا بتعمليه دا
ميرنا : نعم .. جنون ايه
أحمد : جوازك .. انتى بتعاندى فى قرار مصيرى
ميرنا : سامر كويس جدا وبحبه .. وانت يا احمد بالذات مالكش دخل فى الموضوع دا
أحمد : بيشدها جااامد من دراعها .. حب ايه وزفت ايه .. وانتى ازاى تكلمينى بالطريقه دى
ميرنا : بتشد ايديها .. سيب ايدى .. ايوا بحبه .. وانت مالكش دعوه .. دى حاجه تخصنى لوحدى .. انت شاغل بالك بيا ليه
أحمد : عشان انتى فعلا غبيه .. للدرجه دى ياميرنا بتنكرى اى اخوه بينا .. وبيزق راسها بأيده أفهمى وحطى الكلام دا فى راسك .. انا زى كريم . والا مش ها يعجبنى مش ها يتم .. بمزاجك او غصب عنك ماعنديش استعداد حد يدايقك او تتسرعى فى قرار ها يحكم على حياتك كلها
ميرنا : بعصبيه .. لا والف لاء .. انت مش زى كريم ولا هاتكون زيه .. والا يخصنى انت مش هاتقدر تتحكم فيه .. ومن اللحظه دى انت مالكش دعوه بيا فاهم ..
أحمد : انتى اكيد اتجننتى .. واعيه لكلامك دا عشان ماتزعليش منى بعد كدا
ميرنا : واعيه جدا .. انت لازم تبعد عنى خالص ونهائى .. عايزا اشيلك من حياتى وتفكيرى وكيانى كله .. انت دمرتنى .. ايه الا رجعك .. راجع عشان تدايقنى وتورينى اد ايه بتحب الغندوره بتاعتك
أحمد : ولا كلمه زياده ياميرنا .. بس بكرا تندمى وبيشاور على نفسه لما تعرفى وتفهمى يعنى ايه احمد وكان ايه فى حياتك . وانتى الا خسرتيه .. وانا ها اعتبرك مش موجوده فى حياتى اصلا .. انتى تأمرى وسابها ومشى ..
ميرنا : قعدت مكانها وبتعيط .. وبتأنب نفسها .. ازاى قالت الكلام دا .. وليه لسه متملاكها الغيره للدرجه دى .. رغم ان فعلا بدئت تحس بإرتياح لسامر وبتحسس احساس مختلف تماما عن الا كانت بتحسه تحاه أحمد .. ليه لما شافت ريم عملت كدا
أحمد : رجع لطبيعته عشان محدش يحس بحاجه .. واول ما وصل .. خد ريم وخرجو هما الاتنين ..
وشريف هو كمان خرج مع هدى لوحدهم ..
ومازن عايز يخرج مع مروان .. ومروان رافض
مروان : ما باخدش حد معايا بكرش وبيغمز لهم.. صح يا بنات
البنات كلها صح .
مازن : بيبص لهم .. تصدقو الكرش دا ها يخس وانتو الا ها تخسسوه ودلوقتى
روان : ايه يا مازن ..ها نشفطه
روكا : ذنبنا ايه احنا
مازن : ذنبك انك مراتى ..والمفروض تحافظى عليا
روان : طب هى مراتك .. انا بقى ايه وبتلف ايدها فى الهوا .. ايه يدخلنى بين مراتك وكرشك
مازن : انتى مرات اخويا الرذل .. وانتى الا كل شويه صنف جديد ..دا عصير هوب ادحرج وهاتلى الكوبايه ..هوب اصماله عليك دا العصير طلع ايه ياروان حكايه .. انتى هو بنفس ذات الشخص .. الا هرتينى كنافه بالقشطه ..دا كنافه بالمانجه ..دا قرطياس .. بتقرطسينا ياروان لحد ماكرشت وتقوليلى انا دخلى ايه .. دا كله يخرج منها وانتى تفضلى قاعده
روان : شالله يخليك يا شيخ العرب .. والله مابدى
مازن : لا لا لا .. والله ما حدا بيعملها غيرك خيتى .. انجرى قومى منك لها .. وبيشاور عليهم كلهم .. لها لها لها لها .. له وبيشاور على مروان .. انت خليك قاعد
مروان : بيضحك .. والله مابدى ..ابغى اتفرج على ابو كرش
مازن : كرهتنى فى كرشى وبيشاور عليه الطيب المسالم .. الا قاعد فى بطنى جوا .. مدايقك ليه هو قاعد فى بطنك انت ..
مروان : ههههههه اخرس .. هو قاعد فى بطنك وها يفضل فى بطنك .
مازن : يفضل هو انا شايله على كتفى .. وبعصبيه قدامى انتى وهى ..وقومهم أخرجو برا وانا جايلكم .. ودخل المطبخ جاب طبق فاكه وكوباية عصير وخرج لهم ..
ماندو : قرب عليه وساب طقطوقه .. هو العصير دا ليا
مازن : بيرفع حاجب واحد .. لاء
ماندو : طيب طبق الفاكهه
مازن : بردو لاء .. تعالى ورايا ..
مروان : كدا كملت
مازن : قعد على الارض قدام البسين .. ومقعد روان من ناحيه ومعاها العصير وروكا الناحيه التانيه .. ومعاها الفاكهه .. وسمسمه فوق راسه .. وماندو عند رجله اما مروان قاعد على المورجيحه وجمبه ميرنا وبيتفرجوو ..
مازن : مد ايده لماندو .. انت تشدنى عليك وترجعنى براحه .. عايز تمرين البطن يتعمل بكل نشاط وجديه
ماندو : مسك ايده وفى وضع الاستعداد ..
روان : وانا يا مزاميزو ها اشرب العصير وادعيلك ..
مازن : بصوت عالى لاء .. اول ما اتعدل لفوق تدينى بوق .. وبيكلم روكا .. واول ما انزل على الارض تلحقينى بفاكهيه على طول .. عشان ما أهبطش منكم واروح فى الرجلين وانا بتمرن وبيعيط عياط مصطنع منكم لله .. منكم لله
روكا : بعد الشر يا حبيبى .. بس كدا مش تخسيس ..كدا تسمين
مازن : لاء يا ناصحه .. انا كدا كل الا ها اكله واشربه ها احرق أمه فى ساعتها .. وبكدا أكل الا انا عايزه وبيحط صباع على راسه ياناصحه
روان : انت عبقرى يا مازن بتخدع كرشك .. يا خسارتك فى الشركه .. كان المفروض تبقى مدرب كروش كبير
مازن : هو لسا شاف حاجه انا وراه يا انا ياهو
سمسمه : وانا يا عمو ها اعمل ايه
مازن : ادعيلى يا سمسمه وقولى يارب كرش عمو مازن يخس .. وادعى ان ابوكى الرءل دا يبعد عنى .. ويبقى هو ابو كرش
سمسمه : يارب عمو اللذيذ ابو كرش يخس
مازن : تصدقى انك شبه ابوكى الرذل .. ما تبعدى عنى اشيائك يا روان ..تعبونى .. تعبونى .. وانتى بتكلى ايه ياروكا .. اكلينى انا هبطت .. حتى طبق الباور عينك فيه
روكا : بتاكل مازن .. وماندو وبيشدو من ايده عليه وينيمه تانى ..
روان : مزاميزو .. كفايه كدا انت ها تختفى .. ونقول فين مازن .. فين مازن ... مش ها نلاقى مازن تانى خلاص .. وبترفع صوتها قوى
مازن : لا ياراون .. لاء يارورو .. لازم اتعب .. وبياخد بق عصير .. واتدرب .. وياخد فاكهه .. عشان ارجع رشيق تانى ها ابهوق منكم كدا ومقاسى ها يبقى أكس لارج ههههههه
روكا : بتمسح عرقه الا على وشه .. ياحبيبى انت سيحت اتنين كيلو عصير وفاكهه وبقى مقاسك مديم
سمسمه : عمو .. انادى بابا .. يعملك تمارين
مازن : لو عملتيها مش ها اعرفك تانى ياسمسم خليه يتمرجح ويضحك .. وبعلو صوته .. وبيشاور على بطنه .. يارب يخس .. يارب انا تعبت .. وبيزقهم كفايه كدا كفايه تعبتونى كل دا رجيم وتمارين يارب
***********
كريم كلم طارق وقاله يجهز نفسه ويتحرك
حور : جهزت نفسها .. وطالعه من الحمام .. وبتلف ايه رايك كدا
طارق : بيصفر .. ايه يابت الحلاوه والجمال دا
حور : بكسوف .. ميرسى .. انت كمان شكلك حلو جدا
طارق : مبتسم .. انا عارف .. وحط ايده فى ايديها ونزل على تحت و الشنط بتاعتهم فى العربيه .. وخلص حساب الفندق .. وانطلق
كريم : بيسلم على طارق .. جبت واحده الباشا قالى انك اتصرفت
طارق : مبتسم وبغرور .. انت بتشك فى قدراتى
كريم : وقت غرورك .. فهمتها .. انا فهمت محسن ان سبب المشاكل بينكم الغيره .. بتغير من نفسها عليك
طارق : تمام .. عارف مين الا قايمه بالدور
كريم : مين
طارق : حور الا خبطتها .. فاكرها
كريم : ازاى يابنى انت .. انت بتقول من شكلها افتكرتها ست
طارق : انا ها ابهرك ..وخرج برا .. مسك حور من ايديها وكانت لابسه بنطلون وبلوزه ساده بكم .. ومسيبه شعرها .. وكوتشى عالى ودخل على كريم .. اعرفك حور مراتى
كريم : بصدمه وتنح قدامها
طارق : بيضربه برجله .. مراتى يابنى
كريم : احممم .. اهلا
حور : مبتسمه .. اهلا بحضرتك
طارق : حجزتلى
كريم : ايوا .. اتفضل عشان محدش يشك فينا .. وبيقرب عليه وبهمس جمب ودنه .. يابختك
طارق : غمز له .. وبيضحك وقرب منه .. دا شغل بطل نبر .. وخد حور وطلع على فوق
محسن : ايه يابنى الاخبار
كريم : كله تمام يا باشا قبل دعوتى وشرفنا سعتك وفى الجناح الا انت حجزته هو وحرمه المصون
محسن : هو رجعها .. ها تبوظ لنا كل الا بنرتب له
كريم : ما تقلقش .. هى ايه الا دخلها هى .. اهم حاجه انت ادخل بقلب جاامد
محسن : بتفكير .. لازم ادخل دى صفقة العمر
*********
طارق ؛ دخل الجناح الا محجوز له هو وحور
حور : بتلف حوالين نفسها فى الجناح .. كأنها تايهه
طارق : مسكها من ايديها .. وقربها عليه .. مالك تايهه كدا ليه
حور : بوشها الا أصفر .. خايفه يا طارق .. انا ها ابوظلك الدنيا .. انا حاسه ان قلبى ها يقف
طارق : لف وراها وحضنها من ضهرها .. ووقف بيها قدام المرايه .. وهى بتحاول تبعد عنه مش عارفه .. بصى ياحور على المرايه كدا .. وبيضمها أكتر ومقرب وشه من وشها .. انا ها افضل جمبك طول الوقت كأننا واحد .. اوعى تخافى او تقلقى وبيحاول يطمنها .. زى ما دخلتك فى العمليه دى ها اخرجك منها .. خليكى واثقه فى ربنا ثم فيا
حور : قلبها من شدة الضربات حاسه انه ها يخرج من مكانه عشان يقوله .. ان قربك هو الا تعابنى ..عمرها ما حست الاحساس دا الا فى وجود طارق .. وبتتحول لكائن ضعيف مسلوب الاراده ... وصوت نفسها عليى جدا وصدرها الا بيطلع وينزل بسرعه شديده .. وتر طارق هو كمان .. صحيح مش بيفكر فى اى علاقه .. بس قربه منها .. بيربكه وفى لحظه بيخطفه بيبقى مش فاهم هو عايز ايه ..
طارق : بيمشى وشه على وشها .. وبصوت واطى .. مالك ساكته .. ومش عايز تقوليلى حاجه .. فقد السيطره على نفسه .. لما شاف شافيفها بتجز عليها بسننها من شدة التوتر .. واتعدل بقى وشه فى وشها .. تقريبا كدا انفصل عن كل العالم .. وبقى فى عالمها هى .. ومش شايف غيرها .. وقرب على شافيفها بشوق ولهفه .. ومسك وشها بين ايديه .. باسها بوسه طويله وبيحضنها كأنه بيعصربها بين ايديه .. وبعدين بعد عنها فجأه .. ودخل الحمام .. وبيغسل وشه ..وبيكلم نفسه .. ايه الا انت عملته دا ياغبى .. نشف وشه بالفوطه وخرج لقائها واقفه زى ما هى دموعها نازله لوحدها وحطا ايدها على شافيفها ..
طارق : حور انا مش عارف عملت كدا ازاى .. انسى الا حصل لانى مش عايز الامور تتطور بينا .. انا مش بتاع جواز والقصه دى انا راجل حر ..
حور : مشيت من قدامه بسرعه .. وقعدت على الانتريه .. بتعيط وحاسه بمراره واهانه .. وازاى هى سمحت لنفسها تتجاوب معاه وتسيبه يعمل كدا وهو طول الوقت بيقول ان جوازهم على الورق .. وبعد المهمه ها يطلقها
طارق : قعد جمبها عيطها مدايقه .. وبيحط ايده على ايديها .. شدتها بخوف وعنف .. انا قولتلك مش عارف عملت كدا ازاى ما تزعليش منى مش ها تتكرر تانى
حور : بتمسح دموعها .. ليه هو فى حاجه حصلت .. انا فعلا نسيت لان زى ما انت قولت مش ها تتكرر تانى وبتحذير اوعى تنسى اننا فى مهمه .. وقامت .. خدت شنتطها .. طلعت بجامه ودخلت الحمام قفلت على نفسها .. وبتكمل عياط
****************
أحمد رجع هو وريم والاتنين بينهم وبين نفسهم قررو مايفتحوش موضوع ميرنا .. احمد خاف ريم تفهم غلط لانه فعلا بيحبها جدا انسانه جميله ونضيفه من جواها هى ملهاش اى ذنب تعيش مشاحنات وغيره ومشاكل ... وريم قررت تثق فى أحمد .. وطلعو على اوضتهم
أحمد : حبى تعالى .. انتى يابت
ريم : لا يا احمد اتكسف .. دا كلهم موجودين
احمد : هو احنا بنسرق .. احنا فى اوضتنا ومقفول علينا الباب ..
ريم : قولتلك لاء .. انا مابحبش كدا .. وسابته وطلعت على برا ..
أحمد : ماشى ياريم .. ها نبتديها كدا .. وقفل الباب من جوا زى ما كان بيعمل فيها فى سفرهم .. وقعد مقموص فى الاوضه ..
ريم : راجعه بتفتح الباب .. لقته مقفول .. وبعدين بقى .. انت كل ما تزعل ها تقفلى الباب ودخلت البلكونه بابها مقفول .. نزلت تحت جابت كرسى صغير .. ودخلت على البلكونه الا بتطل عليها الاوضه .. ووقفت على الكرسى وطلعت على الشباك .. وقعدت عليه .. وبصوت عالى نسبيا .. هو سيتك كل ما تزعل تقفلى باب الاوضه .. انت قاعد فى القسم .. وبتأدبنى
أحمد : اتعدل على السرير . وبيكتم الضحكه بالعافيه .
ريم : ايوا ها تفضل تتفرج عليا وانا متشعلقه .. بعد كدا ها اعمل حسابى فى حبلين تلاته .. اتسلق بيهم اوضه النوم .. وهو ساكت مش بيرد . .. قلبتها دلع .. مودى .. مودى .. مودى .. انا جتلك من الشباك . مش ها تنزلنى . بعدين اقع تتكسر رقبتى وذنبى يبقى فى رقبتك
أحمد : ها تتكسر رقبتك من متر واحد .. خليكى متشعلقه كدا .. عشان تسمعى كلام جوزك .. انا جوزك .. فاهمه
ريم : جوزى وانا حره فيه .. وبتتصنع الجديه .. تعالى هنا .. قوم ياله نزلنى
أحمد : قام وهو مبتسم .. وشالها بين ايديه .. وبينزلها .
ريم : بعد مانزلت وبتعدل نفسها .. ايوا كدا رجاله مابتجيش غير بالعين الحمره ..
أحمد : ضربها على راسها من ورا .. انتى ها تعيشى الدور .. وبيشدها عليه .. تعالى هنا .. ما تتكررش تانى
ريم : بتحط ايديها على راسها .. وبتخن صوتها .. حاضر ياباشا .
أحمد : طلعتى ليه .. مش نازله وعملالى فيها شجيع السيما
ريم : بتفرك فى ايديها وبتحرك راسها يمين وشمال .. اصل ياحمودى .. نزلت لقيت صحراء جرداء خاليه من البشر .. غدرو بينا .. وسابوك تفترسنى
أحمد : هههههه .. تصدقى فكره انا لازم افترسك واستغل الفرصه .. وماسكها وبيشدها . قدامى
ريم : اهدى ياعم .. وربنا ما ها أعمل كدا تانى
أحمد : بيزقها بهزار .. حكمتك يارب .. ماكان من الاول
ونزلو على تحت
تعالى بس وماسك ايديها .. ورايح على اللنش بتاعهم ..
ريم : لا يا احمد انت بتسوق بسرعه وانا بخاف
أحمد : بطلى جبن . وخصوصا وانا معاكى .. دا حتى عيب فى حقى
ريم : بتركب .. وعماله تقول يارب استرها . يارب استرها ..
أحمد : حضنها .. يا حبيبتى ما تخافيش .. لو حسيتى بخطر ارمى نفسك فى الميه .. وبيضحك
ريم : مفيش حل تانى انا ممكن اشرب ميه لما ابقى اد البلونه
احمد : بيقرب على شافيفها .. وباسها وبيقول لها توء
ريم : بدلع وبتلف ايديها حوالين راقبته خلاص يا مودى .. الا تشوفه بقى
أحمد : بيبص لها بطرف عينه .. ستات مابتجيش غير بالرشوه ..دلوقتى تصوتيلى بالبلدى .. ومش ها يبقى فى حمودى ولا مودى .. وبدء يتحرك باللنش .. ودخل بيها فى وسط الميه .. وقلع التيشرت الا كان لابسه .. ومسك ايديها .. ياله والا بتغرقى فى شبر ميه
ريم بتشاور على نفسها : بثقه دا البحر لعبتى
أحمد : ها نشوف .. وبيشاور على الميه .. الميه تكدب الغطاس ..
ريم : لا كله الا كدا .. ورمت نفسها فى الميه
أحمد : بيضحك جااامد .. دبشه نزلت الميه ..
ريم : اعاااا .. البحر غويط .. وانا ها اغرق .. واحمد نط لها .. ومسكها .. وبيكلمها .. امال ايه البحر لعبتى .. وهو فى حد بينط فى الميه بجمبه دا نوع جديد نازل السوق
ريم ؛ هههههه .. حركه كدا تمويه .. ها تسابقنى
احمد : مش كنتى بتغرقى من شويه
ريم : بحمسك عشان تنزلى بسرعه .. ايه رايك .. نشوف مين الا ها يوصل للانش الاول
أحمد : وهو ماسكها .. رفع رجل واحده لمس بيها اللنش .. انا وصلت الاول ... المشوار كان بعيد قوى
ريم : ههههههه .. منا اخرى هنا .. ما تحاولش
أحمد : طيب ايه رايك .. بيشاور على مكان بأيده .. لو وصلتى لهناك .. ورجعتى لوحدك .. احلى واشيك خاتم ها يكون عندك انهارده ..
ريم : بس بشرط .. تكون جمبى ..
احمد : ماشى .. ومسكاه من راقبته .. وراكبه على ضهره .. انا كدا بقيت ميكروباص بوصلك ..
ريم : بتضحك .. وبتلف راسها تبوسه من خده .. انا وانت واحد يا مودى وخلصو سباحه وطلعو على اللنش .. نامو جمب بعض واحمد منيم ريم على دراعه وميل عليها بجسمه .. مبسوطه يا حبيبتى والا اديقتى اننا رجعنا لو عايزنا نروح مكان لوحدنا معنديش مانع عشان تكونى براحتك
ريم : بأبتسامة رضا .. لا والله يا احمد .. الحمد لله مبسوطه . انتو عيله جميله حتى عمو شريف وطنط هدى .. مش حاسه بفرق خالص .. ياقاعدين شغالين على اللاب وبيخلصو شغل يا بيهزرو ويضحكو
احمد : مفيش فرق لانهم من عيلتنا .. احنا عيله واحده .. عايزك تفهمى كدا هما فى الشغل كدا والفوسح والهزار محدش ينفاسهم
ريم : فاهمه يا حبيبى .. بس انت بعد ما نزلت الميه احلويت كدا ليه
أحمد : ضحك .. وبيناغشها فى وشها .. انا حلو عشان فى حضن حبيبتى .. وبيضمها له اكتر .. حط راسها على صدرها وفضلو يتكلمو كتير .. وبعدين روحو ..
******************
ميرنا : قعده فى جمب .. بعيد عن اهلها .. وبتتكلم فى التليفون مع الا شغل وقتها كله
سامر : ايه رايك اجى اقضى معاكو اسبوع ... ونتفسح انا وانتى
ميرنا : انت خدت اجازه
سامر : يعنى .. حابه تشوفينى
ميرنا : بخجل وشئ من المكر .. اه عايزا اقعد معاك واعرفك أكتر
سامر : دى خطوه حلوه فى حقى .. كدا انا أطمنت انك ارتحتيلى
ميرنا : يعنى نص ونص .. ساعات بحس انك بتجاملنى كتير
سامر : الحب مفيهوش مجامله .. ومش ذنبى انك خطفتى قلبى .. وسبتينى ومشيتى .
ميرنا : ابتسمت .. وخدودها اتوردت .. لحقت اخطف قلبك
سامر : بهمس .. لو مدتى ايدك حطتيها على قلبى .. ها تلاقى مكانه فاضى
ميرنا : بكسوف .. انت بتجيب الكلام دا منين
سامر : دا مش كلام يا ميرنا .. والله دى مشاعرى الا حساسها تجاهك .. انتى خطفتينى كلى على بعضى .. ابلغ عنك دلوقتى ..
ميرنا : ههههه . وها تسيبهم يحبسونى
سامر : منا الا ها أحبسك .. بس جوا قلبى عشان محدش يشوفك ولا يغرم بيكى غيرى
ميرنا : سامر كفايه انتى الا خطفتنى وضيعتلى روكبى .. كلمنى عن نفسك شويه
سامر : عايزا تعرفى ايه .. انا بالنسبه ليكى كتاب مفتوح
ميرنا : بتعمل ايه وبتحب ايه وبتكره ايه .. ايه نفسك تغيره .. كدا يعنى
سامر : لو مفيش شغل .. بحب اقعد فى البيت وخروجاتى قليله جدا .. اما بالنسبه للاكل .. الحمد لله كل حاجه بحبها .. نفسى اتغير فى شوية طباع كدا .. منهم السجاير لانى تقريبا كدا مدمن
ميرنا : وايه تانى ..
سامر : وعصبى بس نص نص .. فى شغلى اكتر .. فى الطبيعى لا
ميرنا : المفروض انك كدا طمنتنى
سامر : حبيبتى انا لا يمكن اتعصب عليكى .. بس لو لزم الامر .. ممكن اتجنبك مش اكتر من كدا
ميرنا : بتحب اكل البيت
سامر : من كتر ما انا مفتقده .. حبيته .. ها تتعلمى
ميرنا : انا بخاف اقرب جمب النار .. انا جبانه جدا .. احنا نجيب واحده تعمل الاكل .. وتروق الشقه كل اسبوع انا بقى عليا الباقى
سامر : بيضحك .. انتى خليتى فيها باقى
ميرنا : هههه .. انا كدا عامله واجب كبير كمان
سامر : مين الا بيعمل الاكل عندكم واحده بردو
ميرنا : لا يمكن .. بابا وعمو لايمكن ياكلو من ايد واحده غير طنط رورو وماما .. وكمان هدهود .. اتعودو على كدا .. اما الا بينضف الفيلا .. ناس بتيجى تعملها كل اسبوع .. واحنا بنرتبها باقية الاسبوع
سامر : انا لما كلت عندكم قولت الاكل جاهز
ميرنا : ماما وطنط رورو شاطرين جدا .. ايه رايك تسيبها للظروف وبعدين افكر اتعلم
سامر : ان شاء الله
ميرنا : عندك اعتراض على شغلى
سامر : لا يا حبيبتى بالعكس .. انتى لازم تشتغلى لان عندك احساس بالناس هو دا الا وقعنى فى حبك ولفت نظرى ليكى رغم انى كنت قفل
ميرنا : تخيل دى الحاجه الوحيده الا كنت مش ها اقبل الرفض فيها ..
سامر : حقك امال انتى درستى ليه .. طيب انا لازم اتحرك واجيلك لانى مشتقلك جدا ومش عايز اضيع وقت .. عايز اشوفك ماينفعنيش كلام التليفونات
ميرنا : اوكى .. باااى
سامر : وعليكم السلام ورحمة الله وبركاته
مرنا : هههههه .. ماشى ... وبتهزر سلام ياباشا كدا حلووو
سامر : ايوا كدا .. اتعدلى .. باااى ايه بس خلاص انتى سيبى نفسك ليا .. سلام يا قمر
ميرنا نزلت التليفون والابتسامه على وشها من هنا لهنا وطول الوقت فى صراع مع نفسها
*****************
منيره : يالهوووى .. فتحى .. يا حبيبى
اللي عاوز باقي الروايه يعمل متابعه من هناااااااا
💗💗💙💙💚💚
للمتابعه اترك تعليق
تعليقات
إرسال تعليق