 |
البارت الرابع والاربعون من الجزء الثاني
خادمتي ولكن
💗💗💗💗💗💙💙💙💙💚💚💚💚💚
فتحى : ايه يا منيره .. خضتينى
منيره : هههههه .. بتعمل ايه يا راجل
فتحى : بينط .. وبيفرد ايده ويطلعها وينزلها .. بجرى الدمويه شويه .. انا حاسس ان الحمد لله بقيت بومب
منيره : طيب كنت سيبنا نروح مع روان الا غلبت معاك هى وجوزها .. نتفسح ونغير جو
فتحى : انا زى السمك يامنيره ما يطلعش من ميته ابدا .. اقعد شهر برا البيت .. ابدا . هى كل يوم بتكلمنا ..وبنفتح الكاميرا وبنشوفها هى جوزها وسمسمه .. ودا كفايه عندى .. اهوو ولاد حلال .. ايه دا .. دا ريم .. وبيفتح .. عامله ايه ياحبيبتى
ريم : الحمد لله يابابا .. انت وماما عاملين ايه انا لسا قافله مع روان
فتحى : احنا تمام .. عروستنا الحلوه فين
منه : بتشاور .. انا اهووو يا جدو عامل ايه وحشتنى
فتحى : وانتى كمان ياقلب جدك .. اقول ايه على امك وابوكى الا معندهمش دم
محمد : قرب على الكاميرا وبيضحك . شكرا ياعمى .. والله واحشنى
فتحى : عجابك الغربه
محمد : زى الفل .. مش ها تيجى تزورنى
فتحى : انا اركب طياره .. ليه مستغنى عن نفسى .
محمد : بصوت عالى .. عامله ايه ياحماتى
منيره : الحمد لله بخير ياحبيبى .. خلى بالك على البنات واوعى تزعلهم يامحمد
محمد : قوليلها هى الكلام دا ووصيها عليا .. كل يوم تنيمنى زعلان
ريم : هههههههه .. ايوا يا ماما .. بضربه قبل النوم .. وبعد ما يقوم .. وسع كدا
محمد : شايفه البلطجه .. ولو اتجوزنا .. تزعلو
منيره : انت تقدر .. دى ريم مفيش زيها فى الدنيا . اوعى يا منه تخلى بابا يعمل حاجه كدا والا كدا
منه : ابدا يا تيتا بابا بيحبنا ومش بيعمل حاجه .. وعلى طول واخد ماما فى حضنه
منيره : ايوا كدا .. ربنا مايحرمكم من بعض .. وقفلو معاهم
***********
نور : هانى .. يا هانى .. انت يا ولد
هانى بتأفف : نعم ياماما .. فى ايه
نور : ما بتردش عليا ليه .. وبتعمل ايه دا كله ورينى التليفون دا
هانى : ياماما .. ما انا قدامك اهو .. فى ايه بقى
نور : بتشد التليفون .. بقولك ورينى
هانى : ياماما سيبى التليفون .. هاتى
مؤمن : هو احنا مش ها نرتاح فى البيت دا بسببك
هانى : يابابا .. خليها تدينى التليفون وانت مش ها تسمع صوتى .. انتو تنكشونى .. وبعدين تقولوى عامل مشاكل
مؤمن : عايزا ايه من التليفون يا نونه ما تسبيه يغور
هانى : بيهز راسه .. ماتسبيه يغور يا نونه .. هاتى بقى
نور : بتشهق .. الحق يا مؤمن . بص قليل الادب
مؤمن : رايح عليها .. ورينى كدا يا نونه .. بحب اشوف الحاجات دى
هانى : انت بتحقق احلامك على حسابى يابابا .. ماتجيبو التليفون دى حاجات خاصه
مؤمن : مركز فى التليفون .. وفى الرسايل بتاعت الفيس .. ايه دا يالا انت ها تتجوز
هانى : ههههه .. دا هزار
مؤمن : كل البلاوى دى هزار .. عايزا شبكه بكام .. ها نجيب كام اوضه .. ها نخلف كام عيل .. انت دخلت على العيال ..
نور : بتشب تبص على التليفون .. ها يخلف من باب القصيرين والا الطوال يا مؤمن
مؤمن : ههههههه من باب قلة الادب .. بتقولى ايه انتى كمان .
هانى : انا مش عارف الناس الا بتتدخل فى حيات كل الناس
مؤمن : ضربه على راسه واداله بالرجل . بقينا ناس وبنتدخل فى حياتك
هانى : طيب ينفع اخد تليفونك وافتش فيه
مؤمن : لا .. أمك الا تفتش بس
هانى : ينفع اخطف من ايدك التليفون وكمان اقول انك بتاع مشاكل
مؤمن : لا أمك بس هى الا بتخطف منى التليفون . وحط ايده على كتف هانى .. وماشى بيه . وبتعمل معايا كل مشكله ومشكله . مش عايز اقولك دا انا اتخنقت وربنا .. 😂😂😂
نور : بعلو صوتها .. مؤمن .. هى مين دى
مؤمن : بيضرب هانى على قفاه ... ياخى جايبلى الكلام .. وبيتوه الموضوع .. مين دى يالا .. الا عايز تتجوزها من دلوقت مش لما تتنيل تتعلم الاول
هانى : دى واحده اتعرفت عليها على الفيس.. بس ايه يا بابا . جميله جمال
مؤمن : بيضحك .. قول وربنا .. ملهاش أخت
نور : بتصوت .. يالهوووى .. انتو مجانين
مؤمن : انت مجنون ياغبى .. انت عايز تجوزنى .. وببراءه .. وامك الست الا ملهاش زى دى تروح فين .. تروح بيت ابوها عشان انا اتجوز هنا .. حصلت تفكر التفكير دا
هانى : هههههههه انت بتجبها فيا وبتطربقها على دماغى انا
مؤمن : بيشاور على نفسه . يرضيك يعنى تتطربق على دماغى انا .. ماعندكش دم .. وماسكه من قفاه .. قدامى خلينا نشوف حكايتكم وساب نور واقفه لوحدها متنحه .. دخلت لهيدى .. وقعدت جمبها .. حضنتها وباستها . عروستى الجميله عامله ايه
هيدى : تمام ياماما .. بردو بتتخانقو مع هانى
نور : ربنا يهديه .. انا مش عارفه هانى اخوكى دا طالع لمين
هيدى : هههه اكيد بابا كان شقى زيه
نور : الصراحه انا الا كنت شقيه .. وبعاكس ابوكى .. لحد ما وقعته فى حبى
هيدى : كدا ها اقلدك .. بس اوقع مين
نور : اوعى اقطع رقبتك .. احنا جيل .. مهما كنا نعمل كان فى ادب واخلاق .. انما دلوقتى لا فى ادب ولا اخلاق .. وممكن ينضحك عليكى بسهوله . الا عايزك ها يجى يخبط على بابنا .. وانتى لسا صغيره ماتفكريش فى الكلام دا
هيدى : بأبتسامه .. حاضر ياماما .. ها تغدينا ايه
نور : مكرونه وفراخ وسلطه
*****************
طارق : رايح جاى فى الاوضه .. رايح جاااى ..وبعدين راح على المرايه بيظبط البدله بتاعته .. ورش رشتين برفن . ايه دا كله ما تخلصى ياحور
حور : طالعه لابسه فستان احمر مجسم من على الوسط .. ونازل على واسع .. ولما شعرها لفوق .. وخجلانه وحطا وشها فى الارض ..
طارق : واقف ما اتحركش من مكانه .. مش مستوعب انها بالجمال دا كله .. مجرد حاجات بسيطه جدا بتبرز جمالها أكتر وأكتر .. انتى ها تنزلى كدا
حور : ايه وحش ..
طارق : بتحفظ وغيره انتى مش شايفه فتحت الضهر اد ايه .. كان لازم دا يعنى
حور : كلهم كدا .. اعمل ايه .
طارق : قرب عليها .. تعملى كدا .. ومسك شعرها .. نزله على ضهرها .. بعد كدا تشوفى فستان غير دا .. ياله قدامى ..
حور : بفرح غير ظاهر .. وبينها وبين نفسها . بيغير عليا .. ابتسمت وبثقه .. ياله ومسكت فى ايده بتملك
طارق : بص لها بطرف عينه .. وابتسم نص ابتسامه . ونزلو مع بعض الاتنين ..
كريم : اهو وصل يا محسن باشا
محسن : اوبااا .. دى مراته يا اشرف .. دى فرسه يابنى حد يزعل الفرسه بردو
كريم : ملناش فيه ياباشا عشان هو حمقى .. احنا شغل وبس ..
محسن : على رايك .. بس مايمنعش انها فرسه بردو .. والا ايه يا ممدوح
ممدوح بسرحان : هاااه
محسن : فوق يلا .. سرحت من دلوقت
ممدوح : شايف يا باشا .. دى ملكه جمال .. دا كفايه شعرها
طارق : اشرف .. ايه يا راجل انا قولت انتو بتصورونا من بعيد
كريم : زين باشا .. دا انا بعرفهم على سعتك .. اعرفك .. محسن بيه الا حكتلك عنه .. ودا ممدوح المساعد الخاص بتاعه
طارق : بيمد ايده يسلم عليه .
محسن : اهلا وسهلا .. وبيمد ايده يسلم على حور
طارق : مد ايده تانى .. معلش هى مابتحبش تسلم على حد
محسن : ضحك نص ضحكه .. اه ..اتفضلى نورتينا انتى وزين باشا
حور : متشكره وقعدو كلهم .. بيتكلمو فى حاجات كتير .
حور : بتقرب على طارق .. وطارق حاوط وسطها بأيده .. ممكن اقوم شويه
طارق : ها تروحى فين
حور : شويه انا تعبت من القاعده
كريم : ياباشا لو فى حاجه انا ممكن اقوم بالخدمه دى
طارق : معلش يا اشرف ها اتعبك .. ممكن تطلع برا مع المدام .. عشان عايزا تعمل تليفون وتتكلم براحتها
كريم : امرك ياباشا .. اتفضلى يا هانم .. وبيغمز لمحسن انه يتكلم مع طارق . وطلع هو وحور برا المكان .. .
حور : انا اسفه
كريم : بأبتسامة أعجاب .. على ايه انا فى الخدمه .. انا وطارق واحد
حور : واضح انك قريب منه جدا .. اتفرجت على صواركم مع بعض .. وعمو شريف حكلى عنكم
كريم : كدا اتفضحنا
حور : ابتسمت .. يعنى نص نص .
كريم : بجراءه .. بس انتى طلعتى جميله جدا وجامده .. ازاى الواد دا ماخدش باله من دا كله
حور : بإحراج .. احممم .. ياله ندخل
كريم : انتى اتكسفتى ليه .. عشان بقول انك جميله .. اكيد دى مش اول مره تسمعيها
حور : على فكره انا مرات صاحبك
كريم : مراته ازاى .. دى لعبه
حور : لاء .. احنا كتبنا كتب الكتاب حقيقى .. برا اللعبه .. فا ياريت يبقى فى حدود
كريم : بعدم تصديق ونفى .. لايمكن طارق اتجوز .. ما اصدقش طبعا
حور : دا ليه بقى
كريم : عشان هو رافض الفكره نهائى .. يتجوز بالسهوله دى
حور : ايوا ايه سبب رافضه للجواز
كريم : ازاى مراته .. وازاى ما تعرفيش
حور : ماجتش مناسبه نتكلم فى حاجه زى كدا
كريم : انتو ازاى تتجوزو .. واهله طنط هدى وعمو شريف دا ها تبقى كارثه لما يعرفو
حور : حست انها غلطت لما قالت لكريم .. احممم .. الصراحه انا بكدب عليك .. عشان انت جرئ
كريم : بص لها .. وسكت وبيشاور بأيده على جوا .. قدامى .. ودخلو قعدو تانى .. وطارق خد باله من نظرات كريم لحور .. الا تقريبا كدا ها يأكلها بعنيه وكمان محسن وممدوح الا مش قاعدين على بعضهم .. خلصو سهرتهم وطلعو على الجناح تانى
******************
طارق دخل هو وحور الجناح بتاعهم بعد سهره طويله جدا .. هى اتهربت منه ودخلت غيرت على طول .. وبعدين هو دخل خد.شاور ولبس بنطلون كحلى وتيشرت مجسم كحلى بردو .. راح على السرير .. مش هاتنامى
حور : ها انام هنا على الكنبه
طارق : كنبة ايه احنا ممكن يراقبونا .. تعالى هنا جمبى ماتخافيش انا جعان نوم والسرير كبير
حور : راحت نامت على طرف السرير .. وقلبها زى العاده بيعلن الحرب عليها ..غمضت عنيها خافت لطارق يسألها على كريم وعملت نفسها نايمه ..
طارق : اتكلمتى فى ايه انتى وكريم
حور : اخخخخخ تششش
طارق : حور .. وبيزقها .. ايه ظابطه ابو النوام على الحته دى .. وقلب نفسه .. وحط ايده الاتنين تحت راسه وباصص للسقف .. وكل ما يفتكر نظرات كريم ومحسن وممدوح لحور يدايق أكتر .. وبعدين يقول لنفسه .. انا مالى هى حره ..فضل على الوضع دا لحد ما نام .. شقشق الصباح .. وبيفتح عيونه .. لقى نفسه فى حضن حور ورامى جسمه كله عليها .. رافع راسه من على صدرها .. وبيبص فى وشها وابتسم رجع راسه على صدرها تانى وبياخد نفس ومسك ايديها شبك صوابعه فى صوابعها .. وبيقول بصوت هامس .. اوزعه وصوابعك اوزعه زيك .. وبيضحك من غير صوت .. بس حلوه
حور : حاسه بكل حاجه وقافله عيونها جااامد .. ومش قادره تفتح عنيها .. ومبسوطه انه فى حضنها
طارق : حط ايده عند قلبها .. ايه يابنتى .. قلبك بيضرب شواكيش مش بيدق . وبيفوقها ومقرب على وشها .. وقرب أكتر .. وبيبوس شافيفها برقه وبصوت هااامس .. حور .. حور
حور : بتتصنع انها نايمه . وبتفرد ايديها لفوق وبتتعدل انت بتعمل ايه
طارق : ايه بتمرن على البوس هههه .. قصدى بصحيكى .. انتى بتصحى ليه دلوقت انا قولتلك اصحى .. وبيغمى عنيها .. نامى
حور : اوعى كدا .. وابعد شويه
طارق : لا سورى بقى .. الشرع بيقول ايه .. انا نصيبى اد نصيبك مرتين
حور : انت نايم والا بتوزع التركه .. لازق فيا وتقولى نصيبى مرتين
طارق بتأكيد : ايوا .. انا تلتين السرير .. الا هما لحد هنا .. وبيحط ايده على وسط حور .. وانتى بقى حرف السرير كله لوحدك .. انا ماحبش الظلم
حور : يا سلام .. وبتبعد عنه شويه .. وقعت تحت .. نزل راسه لها وبيضحك .. شوفتى حايش عنك بلاوى
حور : بتقوم بعصبيه .. راسها اتخبطت فى راس طارق .. اعااااا .. وماسكه راسها .. اه راسى .. راسى
طارق : نزل جمبها .. وبأستهبال .. ماسك راسها بيبوسها .. حقك عليا .. واهو عشان ماتزعليش وبيبوس خدها
حور : اوعى ياطارق
طارق : وهو ماسك وشها بين ايديه .. مش هاتقوليلى ياطقطق .. وبيقرب على شافيفها .. وبهمس قولى
حور : زقته جااامد ونزلت وشها .. وقامت بسرعه .. وهو فضل قاعد مكانه .. وحاطت ايده ورا ضهره .. ونظره عليها .. لحد ما دخلت الحمام ... حط ايده ورا ضهره وهو قاعد .. وبيفكر .. وبعد وقت وبصوت مسموع لتفهمنى غلط
حور : طالعه وبتنشف وشها .. هى مين الا ها تفهمك غلط
طارق : بمكر ويقصد كل كلمه .. اصل حبيبتى شافتنا مع بعض .. وبقنعها انه شغل .. وخايف هى تفهم غلط
حور : جمدت مكانها .. وصوتها غشلق وطالع بالعافيه .. مش قولتلى انك ما بتحبش حد .. وبعدين افتكرت كلام كريم .. وفهمت انه عايز يبعد عن تفكيرها اى علاقه بينهم ..
طارق : اصل هدى وشريف مش ها يوافقو بيها .. ولازم اعمل كدا عشان لما اقول هى دى .. يبفى هى دى .. فهمتى انا مخبى ليه .. ايه رايك نخرج
حور : ياريت .. اصلى حاسه انى مخنوقه
طارق : قام دخل الحمام خد شاور وخرج بالفوطه
حور : بإحراج .. دخلت البلكونه على ما يخلص لبس .. وخرجت لما نادى عليها . ممكن تجبيلى قميص على البنطلون الا انا لابسه دا
حور : فتحت الدولاب وبتختار قميص .. وطلعت القميص وبتلبسه لطارق .. وبتقفلو الزراير .. وكل ما ترفع راسه بايديها ينزلها تانى .. ترفعا ينزلها تانى ... الله ما ترفع راسك بقى
طارق : بيضحك .. هى راسك انتى
حور : بطل رخامه .. وبترفع راسه بعنف .. وبتزرر القميص وجهزو نفسهم ونزلو مع بعض ... وهما ماشين .. طارق استنى هنا
طارق : ها تعملى ايه فى محل ادوات منزليه
حور : فى طقم طاسات .. ها اجيبه .. استنى بقى
طارق : انتى هبله .. ازاى يعنى رجل اعمال ومراته بيشترو صاسات .
حور : بطفوليه .. مليش دعوه .. انا من ساعة ما جيت الغردقه وانا بحوش فى حقهم ما صدقت شوفت زيهم هنا .. ولازم اجيبهم . ها نخبيهم ونحطهم فى شنطة هدايا
طارق : بزهق واستسلام .. اتفضلى انا عارف انى ها اتكشف على ايدك .. طاسات يا ام دماغ مفوته .. قدامى .. ودخلو جابو الطاسات وطارق اصر انه هو الا يحاسب ..
حور : قاعده فى العربيه جمب طارق وفرحانه زى الاطفال .. وفتحت الطقم .. ومطلعه اصغر طاسه فيهم .. الا تقريبا كدا بيتعمل فيها بيضه واحده .. بص يا طارق جومال قوى ازاى
طارق : بيضحك .. اه قوى . قمر 14 ممكن يتعاكسو لو سبناهم لوحدهم .
حور : ماسكه الطاسه الصغيره .. بص خلاثى جميله خالص
طارق : مسكها .. ودا بقى الفقس بتاعهم .. كانت بيضه وفقست طاسه
حور : هههه لا دى البيبى الصغتوت ..
طارق : ابنهم يعنى .. حاسبى .. حاسبى
حور : بخضه ... ايه فى ايه
طارق : براحه ها تصحيها .. وانا مش عايز زن ناقصه وجع دماغ كفايه انتى
حور : ضربته على كتفه .. وبتضحك .. دمك تقيل
طارق : بثقه وبيبص لها بطرف عينه .. كدابه . ودخلو الفندق .. وطلعو على اوضتهم
حور : بتلف حوالين نفسها . وراحه جايه .. راحه جايه
طارق : اخلصى تاويهم فى اى حته . لان شكلى ها اتاويكى معاهم
حور : خلاص لقتها . ودخلت الدولاب من تحت .. وبتحطهم فيه
طارق : بيشدها يطلعها . ها تنامى جمبهم .. اخلصى خلينا ننزل وتليفونه رن .. ايوا
كريم : دقيقه واحده وتخلع انت وحور احنا اتكشفنا
طارق : انت بتقول ايه احنا لحقنا
كريم : مش وقته .. بسرعه يا طارق
طارق: مسك ايد حور ولسا ها يخرج سمع صوتهم على الباب .. دخل حور الدولاب .. وقال لها ما تطلعش نفس .. وخمسه دخلو الاوضه هجمو على طارق .. وكتفوه وسط مقاومته القليله خوفا على حور مجرد بيضيع وقت
حور : ها تموت من الرعب على طارق وبتفكر تعمل ايه
واحد من الرجاله .. البت فين .. شوفها يا ممدوح اكيد هنا
💗💗💗💙💙💙💚💚💚
للمتابعه اترك تعليق
البارت الخامس والاربعون من الجزء الثاني
خادمتي ولكن
💗💗💗💗💙💙💙💙💚💚💚💚💚
أحمد : منور يا سامر
سامر : بأبتسامه .. بوجودك يا ابو حميد .. مبروك ياحبيبى
أحمد : الله يبارك فيك .. وربنا يتملك على خير . مش كنت قعدت معانا هنا .
سامر : انت عارف انه مش ها ينفع . انا قاعد فى شقه قريبه من هنا .. وبيبص لمرنا .. عشان اعرف اشوفكم وابقى معاكو .
مازن : نورتنا يا حبيبى .. ما تجيبى عصير يا مرنا لسامر
ميرنا : حاضر .. جابت العصير .. ومقربه عليه بإرتباك واحمد قاعد جمبه .. واعصابها كلها سايبه وهى شيفاهم الاتنين جمب بعض . وبتقرب منه .. لبست سامر العصير فى وشه وعلى هدومه .
مازن : بيضحك جااامد ومسك ايد سامر ها تكتب الكتاب أمتى .. دا ختم الجواز بتاعنا .. وكلهم سايحين على نفسهم من الضحك . ماعدا سامر الا مش فاهم حاجه
مروان : خد سامر يا احمد .. وطلعلو طقم من عندك .. وخليه يغير .. واحمد خده وطلعو على فوق ..
ميرنا : بزعل . انتو بتقولولى انا ليه
روكا : انتى العروسه .. ولازم تدلوقيه عليه انتى كدا بنتى واطمنت عليكى
روان : ههههه خلاص يا مرونا .. بكرا تضحكى على الايام دى
ريم : انا لازم افهم يا رورو . ايه الحكايه
روان : على رواقه كدا واحنا قاعدين ها نحكيلك وماسكه وش ريم انتى تأمرى يا حبيبة رورو
ميرنا : بزعل وبتدبدب فى الارض . انا تعبت من البيت دا وماشيه بعيد
روان : راحت وراها .. ومسكتها من ناحيه .. وهدى من ناحيه ... يا تعبانه فى بيت ابوكى بكرا ترتاحى فى بيت جوزك وتهنى الا جابوكى ..
هدى : بتضحك وبتكمل كلام روان ... عكسك يا متهنيه يا إلا بتأكلى صوباع موز وترمى ميه .. لما تروحى لجوزك ها يرفع عليكو قضيه ... وانتى ها تقولى يارب تعبت من الجوازه دياااا 😂😂😂
ميرنا : هههههههه انتو متفقين مع بعض ..
هدى : عندك شك
ميرنا : ابدا .
شريف : يابنى بطل جنان .. انت ها تطلعه على الغلبان دا
مازن : شفت بنتى وهى بتنشن زى أمها والله الواد دا صعبان عليا .. صحيح الا خلف مامتش .. ماكذبوش
مروان : اهو نازل .. خليه يقعد وهو مرنا مع بعض لوحدهم .. بس نبقى قريبين منهم .. عشان يقدرو يتكلمو مع بعض
مازن : انت عايز تبوظ اخلاق بنتى .. القطه المغمضه
شريف : بيزقه اسكت .. تعالى يا سامر
مازن : ايه رايك فى العصير
سامر : بيضحك .. جميل جدا ..احلى عصير لبس فى وشى .. فى حياتى كلها
مازن : طيب قوم صالح مرنا ..حد يعمل عملتك دى
سامر : ههههه لا محدش انا بس الا بعمل كدا .. وبيندمج معاهم .. وفعلا حاسس انه فرد منهم .. حتى أحمد .. بيتعامل معاه بطبيعته .. ومش شايل منه خالص .. وخرج وقاعد هو وميرنا
ميرنا : بتفرك فى ايديها جااامد . ومش عارفه تقول ايه
سامر : بنظرات سريعه حواليه واتاكد انهم مش متابعينه . مسك ايديها .. ومرنا شدتها بسرعه .. وحشتينى
ميرنا : ربنا يخليك .. انا اسفه
سامر : بهزار .. عارفه انتى لو مراتى وعملتى كدا ماكنتش ها اسكت .. انما انا ساكت ومش قادر اتكلم عشان لسا خاطبتى
مرنا : بتبص له .. ها تعمل ايه يعنى .
سامر : بحب ها اخدك فى حضنى .. وها ابوس ايدك الاتنين .. عشان اى حاجه منك .. دى احلى حاجه بتحصلى
ميرنا : ضربته على رجله بطل بقى
سامر : بس قوليلى بقى انتو كلكو ضحكتو ليه وابوكى باركلى
مرنا : وشها إحمر .. وبدئت تحكيلو على مواقف مامتها .. كلها
سامر : هههههههههه . يعنى انا كدا أطمن انى ها اتجوزك
مرنا : تقريبا كدا
*****************
طارق : متكتف ايد ورجل ومش فاهم ايه الا كشفهم .. وخايف على حور هى بردو لا مدربه ولا عندها خبره والفندق ملغم بالتيران الا تخصهم
واحد من رجالة محسن : اخرجو انتو اقلبو الفندق على البت دى .. وانا ها افضل معاه هنا .. وكلهم خرجوو
حور : مسكت أكبر طاسطين بعد ما كلهم خرجو وبتقول انا اهووو مين عايزنى .. وبتلف بالطاسطين جااامد .. وخبطت الراجل فى دماغه كذا خبطه ورا بعض ما اداتوش فرصه يفلفص منها .. ووقع على الارض .. وهى لسا عماله تقول اعااا .. وتلف وتنط ..
طارق : كفايه يا رامبووو .. وعدى الجثث .. الراجل ها يفوق .. اخلصى هاتى الكلبش الا تحت الهدوم وكلبشى ايده بسرعه
حور : حاضر وجابت الكلبش .. وبعد ما كلبشت ايد الراجل .. وقاعده فوق راسه .. وهو فاق بتوهان وبيبص لها .. قول صاصا
الراجل : صاصا ..
حور : اضرب دماغك بالطاسه .. تخ ضربته
طارق : 😂😂😂 قومى فوكينى
حور : استنى يا طقطق .. لازم اربيه الحيوان .. قول حوحو
الراجل بعياط .. مش قايل
حور : بتحذير ها تقول والا مش ها تقول
الراجل : بصوت أعلى .. مش قايل
طارق : وربنا لو ماقومتى فكتينى .. لاها اديكى حتة علقة ..
الراجل : قومى واتشطرى عليه الا ها يضربك
حور : طب قول ماما ..
طارق : بعصبيه .. يخربيتك .. جاتك مووو .. قومى يامجنونه بقولك
حور : قامت وفكت طارق .. ياله ياطقطق .. نهرب بسرعه قبل ما يمسكونا ..
طارق : مسكها من قفاها .. قولى صاصا
حور : بتبربش بعيونها صاصا
طارق : أضرب دماغك رصاصه . حسابك معايا بعدين .. وبيقوم الراجل الا على الارض ودخله الدولاب وقفل عليه .. وطلب دعم .. وطلع من الجناح بسرعه ومعاه حور .. وبيدور على كريم ..
كريم : بسسس .. طارق
طارق : بيلف .. ومسك ايد حور وجرى عليه .. هو فين
كريم : انا رابطه فى الاوضه .. بس العيال كتير مش ها نقدر عليهم انا وانت بس .. انا نفدت بأعجوبه
طارق : بيشاور على حور .. لا احنا مش لوحدنا .. معانا شجيع السيما .. رامبو عصره واوانه .. وبيتريق .. قول صاصا
كريم : متنح ..وبيردد الكلمه صاصا !
طارق : اضرب راسك بالطاسه .. وبيشد ايديها الا مخبيها ورا ضهرها .. وماسكه فيها طاستين .
كريم : ههههههههه دا سلاح ربات البويات المتنقل
حور : شوفت بيفهم فى الاسلحه ازاى ..
طارق : انت معاك سلاح
كريم : ايوا .
طارق : خليكى هنا .. اوعى تتحركى
حور : مسكت دراع طارق .. مش ها اسيبك
طارق : مش وقتك .. اوعى تتحركى واتحرك هو وكريم رايحين الاوضه وبدئو يتعاملو مع الولاد الا واقفه حراسه وحصل ضرب نار كبير بينهم .. وحور من خوفها على طارق دخلت وماسكه فى كل ايد طاسه .. وبتضرب يمين وشمال وفوق الحزام وتحت الحزام هههه.. وكانت ها تتصاب لولا طارق لحقها على اخر لحظه ووصل الدعم .. واتعاملو هما معاهم وتم القبض عليهم كلهم .. واتشمع الفندق
طارق : افهم بقى عرف منين
كريم : طلع ورق حور الا كان فى الفندق التانى .. من دا . ازاى راحت عليك
طارق : هو جابه منين .. وبيبص لحور مش انا قولتلك اخفى الورق دا
حور : ماهو .. ماهو .. ماهو
طارق : انطقى انتى ها تتنهنهى
حور : اصلى نسيته فى الاوضه تحت المخده
طارق : بيرفع ايد وبيكمش صوابعه على بعضها ..وهى نزلت وشها لتحت .. وحطا ايديها على راسها .. انتى عارفه بعملتك دى .. ضيعتى مننا فرصه . اننا وقع أكبر تاجر اسلحه
كريم : بيخبط على ضهر طارق .. ما تقلقش انا جبت كل الاوراق الا فيها بلاويه واتسجل الحوار الا بينك وبينه كله وبالصفقات الا عايز يدخلها
طارق : بعصبيه .. احمدى ربنا انها تمت على خير عشان دى كانت ها تبقى اول عمليه نفشل فيها وانتى السبب ..
كريم : خلاص ياطارق .. براحه عليها . هى تعرف ايه فى شغلنا انت الا غلطان
طارق : انا معرفها
حور : عيطت .. انا قولتلك .. ممكن ابوظلك الدنيا . مش ذنبى .. انا مش هيرو زيك .. ومشيت من قدامه
كريم : ليه كدا .. ايه المعامله دى يا جدع
طارق : بعصبيه .. انا عارف بقى كانت ها تروح فيها الغبيه .. الواد كان ها يقتلها قدام عينى وكل الا فارق معاها ازاى ضربها طلقه وجت فى الطاسه واتخرمت وعماله تزن ونازله ضرب فى راس الواد لما خرمتها زى ما خرم الطاسه تقولش قريبتها الطاسه دى 😂😂😂
كريم : 😂😂😂انت فعلا اتجوزتها
طارق : هى الا قالتلك صح
كريم : وها تعمل ايه
طارق : ها اخلص بيها من زن ابويا وأمى
كريم : وهى موافقه
طارق : لا .. المفروض انى اطلقها ادام العمليه خلصت
كريم : الا بتعمله ها يكسر قلبها .. شكلها بتحبك
طارق : وانت عارف ومتاكد انى مش ها احب ولا ها اتجوز .. ياله عشان المجنونه دى ... وخلصو مهمتهم بسلام .. وخدو كل حاجه .. ورايحين على الساحل بس ما يعرفوش ان أحمد هو كمان هناك ..
حور : مع طارق فى عربيه .. وكريم فى عربيه لوحده .. انت قولتلى بعد العمليه ها تطلقنى
طارق : بيهز راسه وهو سايق .. وبيبص على الطريق وهو لابس نضارة الشمس .. اه وبعدين
حور : طلقنى وسبنى اروح لحالى
طارق : يعنى مش كفايه كنتى ها تضيعينا .. وانا عديت الموضوع كدا عااادى .. مش تكملى جميلك وتعملى حاجه صح
حور : بعصبيه . اه الا هو ايه .. اضحك على ابوك وامك عشان تتجوز الهانم الا انت بتحبها
طارق : بالظبط كدا
حور : بتضربه فى كتفه .. انت ايه ما بتحسش .. نزلنى .. نزلنى وارمى عليا اليمين
طارق : مسك ايديها .. وضرب فرامل وبعصبيه .. اهدى واسكتى . انتى لحد دلوقتى ما شوفتيش وشى التانى .. واحمدى ربنا
حور : بعياط .. انا مش عايز اضحك على هدى وشريف .. هما ما يستهلوش .. سبنى بقى وارحمنى .. ارحمنى انا تعبت من حياتى كلها .. وبصوت عالى وعياط .. مش فارق عندى الموت من الحيا .. موتنى خلينى اروح لأمى اقول لها سبتينى ليه لوحدى .. ليه عملتى فيا كدا وسايبه الناس كلها تنهش فيا كل واحد عايز يخطف حته وبصوت موجوع قوووى .. اه يارب ريحنى واكتبلى حاجه حلوه فى حياتى .. مش بدوق غير طعم المر من ساعة ماسابونى لوحدى . واتكومت على الكرسى وسكتت خالص ..
طارق : حس بوجع فظيع جوا قلبه .. بص للطريق بشرود ... وبعدين طلع بعربيته من غير اى كلام .. حاسس ان فى حمل جبال على صدره .. ومش عارف هو متمسك بيها ليه عشان امه وكلامها واد ايه اتعذبت وشاف امه فى حور .. مش بيحبها ومش ها يحبها .. ومش ها يخلى الجواز حقيقه .. خايف يسيبها للناس تنهش فيها زى ما بتقول .. خايف عليها تتمرمط وتترمى فى الشارع .. وفعلا حاسس بمسؤليه ناحيتها وقرر . انه مش ها يسبها وهى تفهم الا تفهمه
*****************
كريم : ماشى بالعربيه .. وسابق طارق بشويه .. وفى عربيه بتزنق عليه .. وبعدين بقى فى الحمار الا سايق دا .. دا ناقص يجى يقعد على رجلى .. وحول الطريق لساحة سباق وداخل فى تحدى مع العربيه السودا المتفيمه ..
بنوته جميله راكبه العربيه : نزلت القزاز .. وقربت على كريم .. ما بتعرفش تسوق .. اقعد فى بيتكم
كريم : بص لها من فوق لتحت .. الكلام دا تقوليه للفاهمه انها راكبه عربيه كارو ... ناقصلك حبل وتقولى شى يا حمار
البننوته : بتكسر عليه .. وهو خد جمب الطريق بسرعه . وطلع قدامها .. ومقفل عليها طول الطريق وخنقها طول السكه
كريم : ها نشوف من الا ها يقعد فى البيت .. يا زكيبه هانم .. وكانت ها تعمل حادثه بسببه وبسبب رخامته
...............
وصلو الشباب الساحل .. ومكانهم المفضل ..
كريم : نزل من العربيه .. وبيبص على طارق . الا نازل هو كمان .. وبينزل حور غصب عنها .. طارق سيبها ليا ممكن
طارق : اتصرف معاها .. وفهمها ان عصبيتى وحشه وانا مش عايز ازعلها
كريم : ماشى .. نزل الشنط انت بس ... ايه يا ست حور .. مش لاقيه غير طقطق وتعملى معاه مشاكل .. دا مجنون وربنا ما بيتفاهمش
حور : انا مش عايزا اعمل الا هو عايزه يا كريم
كريم : ها اقولك على سر .. بس عارفه لو بعتينى ذنبى فى رقبتك .. وحسبى الله ونعمه الوكيل
حور : هههههه
كريم : قشطه كدا اتحلت .. قدامى ياله
حور : ايه والسر
كريم : بيتصنع البراءه .. لازم يعنى ما احنا اتصالحنا
حور : ههههههه .. ايوا لازم انت كدا بتضحك عليا
كريم : هو قالى على كل حاجه . وانا عارف انه اتجوزك فعلا .. اسمعى كلامى واستمرى هو مش ها يجى غير كدا عافيه ... ومع الوقت حببيه فيكى
حور : هو بيحب واحده وها يتجوزها
كريم : كداب .. وربنا ما يعرف حد احنا شله عملنا كل الشقاوه الا تتخيليها .. بس بعدنا عن الطريق دا تماما .. من ساعة ماعمى مروان خد علينا احنا التلاته عهد نبعد عن سكة البنات من الثانوى . وفعلا بعدنا .
حور : ظهرت ابتسامه على وشها .. يعنى هو ملوش اى علاقه بحد
كريم : لا ملوش .. وابقى افتنى عليا عشان تلاقيه بيخلص عليا
حور : بتوطى صوتها .. ما تقلقش سرك فى بير
كريم : هههههه دا الساحل كله سمعنا .. ياله يا شيخه دا فى كارثه لسا ها تحصل جوا وربنا يستر
حور : هو مين الا هنا
كريم : العيله كلها يعنى فضيحه وبلاوى ها تشوفيها والعيله كلها كوم وابويا وأمى كوم تانى
حور : 😂😂😂 يعنى انا راحه فى داهيه
كريم بيشاور على نفسه : رايحين كلنا ولو أحمد موجود كان اتاخد فى الرجلين وبيبص على طارق الا جاى عليهم ماهو الباش يعملها واحنا كلنا نلبسها
طارق : لسا الحلفه ما خلصتش
كريم : بيزوقه وبيطلع على كتفه بأيده .. ياله ياعم الحمقى ..
💗💗💗💙💙💙💚💚💚
للمتابعه اترك تعليق
البارت السادس والاربعون من الجزء الثاني
خادمتي ولكن
💗💗💗💗💗💙💙💙💚💚💚💚💚
طارق خد حور على جمب
حور بتشد ايديها : ايه يا طارق فى ايه براحه
طارق : حور ما تغدريش بيا اياكى تتكلمى فى حاجه او الاتفاق الا بينى وبينك
حور بتبصله بغيظ : ولو قولت ها تعمل ايه يعنى
طارق : ماتعصبنيش عليكى قولتلك انا بخلص من زن امى وابويا
حور : ولما تطلقنى ها يبطلو زن .. ولما يعرفو اننا متجوزين ايه ذنبهم تكسر فرحتهم بيك دا غير صدمتهم سواء فيا او فيك
طارق : لا ما تقليش ابويا وأمى طيبين فوق ما تتخيلى وعمتا لو فى رد فعل فا ها يبقى تجاهى انا لوحدى .. انتى لاء وبيقول بتردد اصلهم واخدين عنى فكره إنى متهور
حور بتعلى صوتها : واخدين ايه ياحبيبى .. دانت التهور بذات نفسه دا التهور يقوم ويقف لك تبجل وإحترام ويقولك ياعمى
طارق حط ايده على بوئها وبالايد التانيه ماسك راسها وبيهزها جااامد اخرسى باروده وانفجرت فى وشى جاتك ضربه
حور زقت ايده وبتعدل شعرها وبتبص له بغرور من فوق لتحت ... طارق زقها بإيده
طارق : ايه يابت العنجهيه الا فيكى دى لسا ها تفتح بوئها رفع ايده لفوق وربنا لو فتحتى بوئك قرب عليها وابتسم .. لهقفله بس بطريقتى وبيحط صباع على بوئه وبيقول هشششش اخرسى ما اسمعش صوتك قدامى جاتك ضربه فى لسانك
******
أحمد : ماسك ايد ريم .. ولسا خارج بيها شاف طارق وكريم .. ساب ريم .. وبينط ويجرى عليهم .. يا ولاد اللذينه ليكو واحشه .. وكل الا كان جوا طلعو على صوتهم التلاته
كريم وطارق طلعو متعلقاتهم الشخصيه وسابوها لحور وطارو ورا بعض . وبيضحكو جااامد .. وراحو شالو احمد من مكانه .. وبيجرو بيه على البحر بهدومهم .. وبيقولو هيله هوبا .. هيله هوبا .. هيله هوبا .. هيله هوبا ..
احمد : وربنا ها ازعل .. انت يالا .. ولاااااا وراموه فى الميه .. ونطو عليه ..
طارق اتعدل وبعلو صوته : ايوا يا عريس ويصفر .. ما قدرش على بعدنا ..
كريم : مسك الميه وبيطرطش أحمد .. اهو البحر لمنا ..
أحمد ؛ نط عليهم نزلهم جوا الميه .. ليكو واحشه يا كلاب يا كلاب .. ماقدرتش ابعد وجيت جرى .
كلهم ؛ واقفين يضحكو عليهم التلاته .. وشريف ومازن بيصفرو .. .. والبنات واقفه فرحانه خصوصا ريم وحور لانهم اول مره يشوفو تجماعتهم مع بعض ما يعرفوش ان الثلاثى دا خاص من نوعه .. لايمكن يقدرو يبعدو عن بعض ابدا
كريم : بيضحك .. عملت ايه يا نمس .. ضحكت على البنيه بكام يوم وجيت
طارق : شربتها حاجه اصفرا .. والا اخضرا ..
احمد : زقهم وقعهم فى الميه .. حاجه احمرا يا ظريف انت وهو .. وطلعو من الميه التلاته ورا بعض .. وسط ضحكتهم الجميله .. سلمو على اهلهم وطلعو غيرو هدومهم
وفجأه الكل خد باله من حور الا واقفه على جمب بعيد .. ومعاها كل حاجات طارق وكريم الشخصيه . وفى ايديها 3 طاسات واحده فيها تعويجات باينه قوى والتانيه مخرومه والصغيره مفهاش حاجه
هدى : حور .. هى حور .. وجريت عليها وحضنتها جااامد .. انتى واقفه كدا ليه .. تعالى يا حبيبتى .. اخير طارق جابك .. وقعدت فى وسط البنات .. وروكا وروان وريم رحبو بيها جدا .. وهى قاعده تايهه مش عارفه تقول ايه او تعمل ايه
مازن : شرشر .. قول وربنا دى الا طلعت عنينا غسيل ومسيح ودبان 😂😂😂
شريف : وربنا هى والله وحشتنى كانت عامله للبيت حس
مازن : هى جايبه ادوات المطبخ ليه ناويه تطبخ وتشتغلنا تانى
شريف رفع كتفه : مش عارف لا والطاسه مخرومه والتانيه معوجه
مازن : تقريبا دا خرم الاوزون
شريف : 😂😂😂😂 ياخوفى يا بدران للخرم دا يخرملى نفوخى وانا مش ناقص وربنا بقيت بخاف من ابنى دا خوف
مروان : على فكره فى حاجه .. البنت قاعده تايهه وخايفه
شريف : هو الا يجى مع طارق يبقى طبيعى .. يالهوووى .. دا خد البت الاوضه باليل . نزلت الصبح عاقله . كان ناقص تقولى يا اونكل
مازن : ماتديلو روكا انا بقالى 25 سنه نفسى اعقلها مش عارف 😂😂
مروان : 😂😂😂 .. طيب اصبر انت وهو عشان انا حاسس ان طقطق ها يفجر مفاجأه .. ها تطلع من نفوخك يا شريف
شريف : طيب ادخل انت عليا وفهمنى عشان ما اتعبش .. اخد الصدمه على مراحل انا عارف ان فى صدمه دا شئ طبيعى واساسى فى حياتى
مروان : اصبر ثانيه واحده .. وها تعرف الثلاثى نازل وروسهم فى روس بعض .. ودى البشاير بتاعتهم
احمد : انت ها تقول ايه والا ها تجبها ازاى عملتك دى يالا انا خايف على ابوك
كريم : يقول على طول .. دا بجح ومابيهموش
طارق : اداله بكوعه فى صدره .. ياخى اتلم .. انا ها اعمل ايه فى الحفله دى كلها ..
احمد : خد ابوك .. وقوله وزى ما تيجى تيجى بس براحه عليه الله يسترك
طارق : انت صح .. انا استفرد بشريف وزى ما تيجى تيجى وكمان هدهود
كريم : اه والنبى واتوصى بهدهود .. اصلها هاديه زياده عن اللزوم لدرجه لا يتخيلها عقل وخصوصا معاك
طارق : اصلى انا بلسم .. ماحسوش بيا .. انتو ايه شطا ناررر وبيرفع ايده لفوق وبينزلها بحركه كانها نار . اووووه وسعو كدا بقى خلينى ادخل على الباشا ابويا عشان هو قاعد مستنى وانا مش عايز اقلقه اكتر من كدا ... وراح على شريف .. بابا
شريف : انا مش ابوك روح الله يسهلك
طارق : 😂😂😂 .. شرشر
شريف : لو جايلى فى مصيبه انا خارج نطاق الخدمه ارجوك ارحمنى
طارق : خلاص ها اروح لهدى .. ها تفهمنى وتقف جمبى وبيلف . شريف مسك دراعه .. لاء .. هدى لاء .. مش ها اعرف اصالحها المره دى
طارق : بإصرار ..الموضوع ما يستناش وربنا دى حيات ناس
شريف : وغوشتنى .. وحط ايده على كتفه وبيشده من رقبته تعالى ..
طارق : هدهود
شريف : لاء .. كفايه انا انت عايز تجلطنا احنا الاتنين
هدى : ايه ياحبيبى
طارق : تعالى عندى ليكى خبر حلووو انتى الوحيده الا مستنياه .. ها تفرحى ودخلو اوضه منفصله عن الصاله
هدى : ضحكت .. ايه . قولى بسرعه
شريف : مستعجله ليه ياهدى .. هو دا بيجى من وراه خير .. خش عليا بس واحده واحده
طارق : انا اتجوزت
شريف : بيضربه على راسه ..بقولك واحده واحده .. وحط ايده على قلبه واترمى على صدر طارق .. اه قلبى . قلبى 😂😂😂
هدى : شرشر .. يا حبيبى . مالك .
شريف : بيهز راسه .. ابنك اتجوز ياهدى يا مصيبتى يامصيبتى
طارق : هو انا بقولك عملت حاجه وحشه .. انا اتجوزت حور زى ما ماما قالتلى
شريف : بيفتح عين واحده وهو نايم على صدر طارق .. حور الهبله .. وطارق المجنون . فينك يا اما تشوفى ابنك بيتعمل فيه ايه
هدى : خلاص يا شرشر .. ها يعمل ايه يعنى . اهم حاجه اتجوز . ونعملو فرح كبير وبفرحه اخيرا يا حبيبى
طارق : بيهز راسه .. اه اهم حاجه انى اتجوزت دا بدال ما تفرحلى
شريف : قام وبدء يجيب كل الحاجات الا فى الاوضه .. ويحدف بيها طارق بغل .. وطارق طار على برا ومازن دخلو جرى
كريم واحمد : ههههههههههه ومسكو طارق الا طالع يجرى
شريف : سبنى يا مازن .. لازم اربيه الواد لو سيبته اكتر من كدا ها يموتنى مقهور
مازن : فهمنى طيب فى ايه
شريف : البيه اتجوز .. الحلو طارق الا طقطق حياتى ومفاصلى بمصايبه دا بينتقم منى انا لو مرات ابوه مش ها يعمل فيا كدا وبيعلى صوته البيه اتجوز
مازن : وربنا .. الف مبررروك يا حبيبى وبيبوس شريف ويحضنه وشريف بصله وتنح
احمد : بيحضن طارق .. مبروك يا وحش
طارق : بيضحك .. الله يبارك فيك
كريم : مش تقول يا راجل عشان نباركلك .. وبيحضنه ويبوسه .. وشريف متنح لهم كلهم .. ومروان واقف يضحك عليهم كلهم وبس والبنات بتبارك لهدى .. وهدى مبسوطه . وعادى . وبتحضن فى حور .
هدى : يا مرات ابنى اخيرا اتجوزتو .. الفرح أمتى بقى عشان نحضر معاكو 😂😂😂.. ودى الكلمه الا كملت على شريف ووقعته من طوله وهو بيقول يا ولاد المجانين
طارق : بابا .. وكلهم اتجمعو حواليه .. وداخلوه الاوضه وبيفوقو فيه .. وبعد ما فاق .. ماسك راسه
شريف : اه يا راسى ها تموتونى .. وكل ما طارق يقرب منه يزقه .. ابعد عنى . ابعد يا جاحد دا انا عشان اتجوز .. كان ناقص اخد موافقة الجيران والختم الجمهورى انت من غير أهل يالا
ماندو : الف سلامه يا باشا .. ومبروك لطقطق باشا عمنا .. والحكومه والا منها سعتك
طارق : بأبتسامه .. عقبالك يا ماندو
شريف : عارف لو اتجوزت من ورايا يا ماندو ها اقتلك وبيلقح كلام على طارق فاهم اه منا اعرف أمشى كلامى عليك وبيبص لطارق بطرف عينه
ماندو : انا اقدر .. انت لو عايزنى اخد موافقه طرقوعه هانم سعتك .. ها اخد موافقتها
مروان : ادخلى ياحور ما تتكسفيش
حور : احممم .. الف سلامه ياعمووو
شريف : بحنيه .. تعالى جمبى
حور : راحت جمبه .. الف سلامه عليك .. ما تزعلش من طارق كان غصب عنه لما لقى الناس بترخم عليا
هدى : يا حبيبى يا طقطق .. طول عمرك انسان
شريف : بعلو صوته .. دا قتال قتله ها يخلص عليا بالسكته القلبيه
طارق : بيحضنه ويبوسه وراكب فوقه .. خلاص بقى باركلى وخلى قلبك ابيض ويبوس فيه ..
شريف ؛ كفايه .. مبروك غور من هنا .. قوم
طارق : قام .. كدا انا اطمنت .. وطلع هو والشباب على برا ..
...............
مروان : قاعد وكلهم حوالين شريف .. الكبار والبنات وسمسمه .. فى حضن أحمد مش عايزا تسيبه هو وكريم وطارق .. وميرنا خرجت هى وسامر قبل ما الشباب يوصلو او يشوفوهم
مروان : ممكن نعرف الحقيقه منك انتو فعلا متجوزين
حور : بصت لهدى وشريف .. انا اصلا مش ناويه اخبى عليكم حاجه .. وقولت لازم تعرفو كل الا حصل .. وقصت لهم كل ما حدث .. بس مفيش اكتر من كدا .. والمفروض انه ها يطلقنى وباين على وشها الحزن
ريم بزعل : ليه كدا .. انتو لايقين على بعض قوى
هدى : اعمل حاجه يا شريف ها تسيبه يطلقها
شريف : يعنى يتجوز بمزاجه ويطلق بمزاجه .. طب يورينى نفسه .. جوازكم على الورق بس
حور هزت راسها بإحراج بمعنى ايوا
شريف : مفيش طلاق ويبقى يورينى نفسه
مازن : احنا لازم نخطط له
روكا وروان : ايوا نخطط
مروان : اتفقتو على الواد .. ماكنت بتموت من شويه بسبب الصدمه
شريف : قولت يمكن يحس ما بيحسش الله يرحمك ياعمى .. كان مقويه علينا كلنا ودايما ماشى بدماغه
هدى : مازن انت تتكتك كدا وتفوق لازم يتجوزها ويشيل فكرة الطلاق من دماغه زى ما جوزتنى انا وشريف انا مش عارفه ليه رافض يتجوز
مازن : اصبرى انا ها العبه على الشناكل وبيحط ايده .. وكلهم حطو ايديهم على ايد مازن ورفعهم لفوق ونزلهم لتحت ... وبيقول كيلو باميه
كلهم : 😂😂😂
مروان : الساحه فضيتلك يا ابو كرش انا عارف انه ها يغرقكم
مازن : بيبص لهم وبيضحك .. متغاظ .. متغاظ
****************
سامر : مركز مع ميرنا وعيونه بترقص من الفرحه .. مبسوطه
ميرنا : ابتسمت .. الحمد لله . وكمان انا بدئت ارتحلك قوى
سامر : بضحك .. كل دا مش مرتحالى ياشماتة الاعداء فيا
ميرنا : هههههههههه .. وبتقوم .. كفايه كدا احنا اتأخرنا
سامر : هاتصدقينى لو قولتلك ان الوقت بيعدى من غير ما أحس بيه وانا معاكى
ميرنا : ايوا ها اصدقك .. لانى بردو مش بحس بالوقت وانا معاك
سامر : بيرفع ايده لفوق بفرحه .. الله اكبر . كدا كفايه عليا انهارده .. لازم نقوم دلوقتى ونخلى ختامها مسك .. وقامو مشيو ..
كريم : قاعد برا هو واحمد وطارق .. اول ما شاف ميرنا .. قام من مكانه هو وطارق .. جرى خدها فى حضنه .. وحشتينى ..كدا عم الاسد خطفك مننا
سامر : بأبتسامه خليك محضر خير
كريم : سموره انت هنا ..مش تدى اشاره ياجدع .. وسلم عليه
ميرنا : كيمووو ايه المفاجأه الجامده دى .. وكمان طقطق .. لا كدا كتير
طارق : الكتير جاااى ورا ..ادخلى جوا عشان تتصدمى .. ووحيات العيش والملح الا بينا لتقوللى بيخططو ليا والا لاء
ميرنا : يابنى ارحمهم من مصايبك .. لاصغير هادى ولا كبير عاتق
طارق : بيفرد ايده .. دنيا ياست مرنا .. ولازم نظبطكم فيها .. والا ايه يا ابو سمره
سامر : ههههههه شكلك مظبطهم فعلا .. طب انتو قاعدين كدا ليه مطرودين
طارق : بيحط ايده على كتف سامر .. تاكد يا سموره ادام انا موجود الاتنين دول بينطردو على طول .. وانت لو انضميت للعصابه .. مش ها يبطلو طرد فيك
سامر : 😂😂😂😂 لا انا كدا حلو قوووى .. والا ايه يا ابو حميد .. سرحان فى ايه
أحمد : حبيبى يا أسد .. وبضحك .. بفكر ها ادخل تانى جوا ازاى 😂😂
سامر : انتو بتتكلمو بجد
كريم : وربنا انت ها تشوف بلاوى ... بس بقولك ايه سكتم بكتوم ..
سامر : بيشاور بأيده على بوقه كانه ساكت .. وبيهز راسه بالموافقه .. ودخل جوا وسابهم
وبعد فتره صغيره سامر طالع هو وميرنا .. وقعدو جمب بعض .. تحت نظر الثلاثى
طارق بيبص لكريم وبيغمز له وبيضحك
كريم قام وبيزقه : ماتوزنيش وانا اصلا ها اولع اول مره اشوفها قاعده مع حد
أحمد : 😂😂😂 شيطان وربنا انت عيل يتفاتلك بلاد وبيغمز له
طارق : اه يالهووووى على البرود منظرك ضاااع يابارد
كريم : ماتبعتنيش
طارق : يا جبله اثبت وجودك
كريم قام وهو بيبرطم .. وراح عند سامر وميرنا وقعد فى النص .. وبيبص لسامر برخامه منور يا أسد
سامر : بوجودك يا حبيبى
كريم بيقرب عليه ولازق فيه وحاضنه بإيده وبيبوسه .. مش عارف ليه انا حبيتك
سامر : 😂😂😂 وبيمشى ايده على صدره وبيبص له بنص عين مش مرتاح لحبك
ميرنا : مالك يا كريم
سامر : عايز ينام وشكله ها ينام على رجلى .. عايز تنام ياحبيبى على رجلى
كريم قام وقعد على رجل سامر وحط راسه على كتفه ياااه كنت فين من زمان والله حاسس بيا
ميرنا : 😂😂😂 اتجننت يا كريم شكلك كدا
سامر قرب من ودن كريم وبهمس : قوم وبطل رخامه بدال ما اقطمك حتتين
كريم : لا انا مرتاح كدا انا مبسوط هنا
سامر : بيطبط عليه وبهزار وبعلو صوته جبته لنفسك وقام وشال كريم رافعه لفوووق .. وكريم بعلو صوته الحقونى يا كلاب دا مابيتفاهمش
طارق جاااى جرى عليه هو وأحمد وبيضحكو بصوت عالى وسلكو كريم من سامر بأعجوبه بعد هزارهم التلاته الاربع التقيل جدا
كريم ماسك وسطه وضرب طارق بالرجل : حلو كدا ارتحت منظرى بقى حلووو
طارق بيضحك بهستريه هو واحمد بعد ما بعدو عن سامر وسابوه فى حاله هو وميرنا ..
أحمد : جاييه لنفسك حد يمشى ورا دا وبيشاور على طارق
طارق وهو بيكمل ضحك : ايوا حد يمشى ورايا .. ولا ايده تقيله وربنا دا لو ميرنا خدت قلم ها تروح فيها
كريم بيرفع ايده لفوق : يارب استرها عليها يارب
******************
عدى ثلاث ايام من حيات ابطالنا وطارق نازل وز فى كريم الا كل يوم يرخم على سامر لما طهقه فى عيشته .. وسامر طلب يتمم جوازه من ميرنا فى وجودهم زى ما وعدوه .. واتفقو معاه .. وهما وافقو وطلبو اسبوع يكملو اجازتهم .. وينزلو يزبطو ويرتبو للفرح .
اما مؤمن ونور .. واخدين بالهم من الشركه فى غيابهم كانها شركتهم بالظبط . ومحمود وفاطمه .. بدئو يشتغلو مع بعض فى شركه بهاء .. وشركة محمود .. عشان العبئ مايبقاش كبير على محمود لوحده .
****************
كريم : طالع من القريه الا هما فيها وركب عربيته لقائها فى وشه .. وبيركز قوى .. ايوا هيا زكيبه هانم
البنت : ماشيه بتعدى الطريق وماسكه مج ورقى كبير فى ايديها فيه قهوه سريعه .. كريم قرب بسرعه وضرب كلاكس عالى .. اتنفضت من مكانها .. واتنطر المج على العربيه واتكب على القرزاز .. وهدومها . وبعصبيه ياغبى
كريم : نزل من عربيته .. يعنى ما بتعرفيش تسوقى وسكتنا .. كمان عندك ابو الرعاش ومش عارفه تمسكى المج زى البنى ادمين
البنت : هو انت .. والله لاوريك
كريم : بيزقها بأيده .. اجرى العبى بعيد ياقطه ها تورى مين انتى
بنت تانيه : فى ايه يا سوزى .. وماله دا
كريم : تنح مكانه .. وبيبص لسوزى .. مالك يا سوزى حصل خير فداكى اى حاجه
سوزى : نعم
كريم : ياشيخه قلقتينى عليكى والله .. وبيمد ايده للبنت التانيه .. النقيب كريم السمرى
البنت : مدت ايديها سلمت .. سما عزت .. وبتبص لاختها مش تقولى انك تعرفيه
كريم : هى سوزى كدا .. لازم تحرجنى .. اتشرفت بمعرفتك يا سما والله وبأبتسامه ها اشوفكم تانى امتى ..عشان اطمن على سوزى شكلها تعبانه وبتخبى عليا
سما : احنا فى القريه هنا .. جمب ال.... على طول
كريم : بيضحك على طول .. طيب اسيبكم انا بقى .. وبيبص لسوزى .. وخلى بالك على نفسك يا شقيه .. وركب عربيته وماشى وبيعمل لهم باااى
سما : كدا كنتى ها تحرجينى معاه مش تقولى انك عارفاه
سوزى : متنحه .. وربنا ما اعرفه
سما : نعم .. امال ايه الا عمله دا
سوزى : دا مجنون .. هو دا بتاع العربيه الا كان بيزنق عليا وقولتلك عليه
سما : يا ابن اللذينه وبتعلى صوتها .. وانتى واقفه متنحه ما تقولى ان هو .. قدامى يا ابله ناقصه هى
**********
ميرنا استغلت ان الكل مشغول مع حور حتى ريم .. وخرجت ورا أحمد .. احمد احمد
أحمد : بيبص وراه لقى مرنا جايه جرى على عربيته وركبت جمبه
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
💗💗💗💙💙💚💚💚
للمتابعه اترك تعليق
تعليقات
إرسال تعليق