 |
البارت السابع والاربعون من الجزء الثاني
خادمتي ولكن
💗💗💗💗💙💙💙💙💙💚💚💚💚💚
أحمد : وجه نظره لقدام .. وبيرد ببرود .. نعم
ميرنا : انت رايح فين
أحمد : ملكيش دعوه ياميرنا طلعت من حياتك زى ما طلبتى عايزا ايه
ميرنا : عايزا اتكلم معاك .. واعتبرها اخر مره ها اديقك ولو ها تفضل كدا
احمد : اتفضلى قولى الا عندك عشان أمشى
ميرنا : طيب تعالى نروح اى مكان نقعد فيه ونتكلم .. من مره واحده كلمتك كدا مش طايقنى ولا طايق كلمه منى وانت ياما عملت فيا
أحمد : بصوت مخنوق .. الصبر من عندك يارب .. وطلع بالعربيه بعصبيه واضحه فى سواقته جدا ونزلو قعدو فى مكان نوعا ما هااادى ... تشربى ايه
ميرنا : انت عارف انا بشرب ايه
أحمد : شاور بايده .. لو سمحت واحد قهوه مظبوط .. وعصير مانجه
ميرنا : ابتسمت لسا عارف عصيرى المفضل
أحمد : ايه يا ميرنا جو الابيض والاسود دا .. دا احنا متربين فى بيت واحد . المهم فى ايه تانى
ميرنا : انا اسفه على كل الا قولتهولك انا أكتشفت انى لايمكن ها استغنى عنك ابدا .. وانك فعلا اخويا قبل ماتكون ابن عمى وكل مشاعرى كان عندك حق فيها لانى اكتشفت ان الحب حاجه تانيه خالص غير الا كنت بحسه ناحيتك
أحمد : انتى متاكده من كلامك والا بعد ساعه الاقيكى بتقوليلى مش عايزا اعرفك وابعد عن حياتى
ميرنا : انا كنت مجروحه قوى يا احمد .. صعب تبقى عايش فى حلم جميل طول الوقت ومره واحده يبعد عنك ويروح لغيرك بمنتهى السهوله .. والاصعب ان الا كنت فاكر انك بتحبه يبقى قدامك وبيحب غيرك وعايش حياته وانت ولا حاجه
أحمد : ايه الا اتغير
ميرنا : كل حاجه وجود سامر فى حياتى غيرنى كتير كل الا كان نفسى اعيشه معاك فجأه لقيت حد بيخطفنى وبيدينى كل الحب الا اتمنيته وأكتر وغير ومختلف وطبعا مش ها ارد له حبه بالاهانه او التجاهل
أحمد : انتى واثقه من مشاعرك والا مجرد حب بدل مش أكتر
ميرنا : لا والله يا احمد فعلا بدئت احس انى يومى وحش من غيره .. زى ما قلبك دق لريم واتجوزتها .. انا كمان قلبى دق لسامر .. ويعنى وبتفرك فى ايدها وعايزا نتجوز وكدا وريم انسانه جميله قوى وبدأت احبها كان عندك حق
احمد ابتسم : ربنا يسعدك يا ميرنا واتاكدى انى فى ضهرك دايما لانك غاليه عندى قوى من غلاوة سمسمه والا يمسك يمسنى .. ويارب عم سامر ما ياخدش موقف منى بعد الا عرفه والا يمنعك عننا
ميرنا بنفى : لا سامر مش كدا خالص . هو حد طيب وغلبان قوى وبيحب كل الا حواليه وكمان رمانسى
احمد : بيشاور بايده قدام وش ميرنا هياااااى .. سرحتى وشارخه على فين انتى
ميرنا : ضحكت بصوت عالى واتكسفت من نفسها .. خلاص بقى يا احمد والله انت رخم انت عارف انى بتكلم معاك انت وكريم وطارق براحتى مش غير خوف
أحمد : 😂😂😂 مش عارف البنات ما بتصدق بس مش تفتح قلبها لا تفتح بوئها ..ركزى يا ماما مش اى كلام يتقال عشان ما خرشمهوش وانتى تبقى السبب لحق كل عقلك
ميرنا : بتكشر وشها .. يا سلام انت تقدر .. دا قوووى جدا واسد يابنى
احمد : على نفسه مش عليااا .. وبيشاور بايده قومى انا مش فاضيلك انتى وسامر افندى
ميرنا : ماسكه العصير والعصير يا احمد
احمد : مد ايده مسك كوباية العصير شربها مره واحده ..كدا تمام ياله قدامى
ميرنا بتذمر وزعل : انت شربته
احمد : انا وانتى واحد يا مرنا لسا ها استنى تاخدى بوء بوء .. انا وفرت عليكى ... ليكى فى ذمتى واحد مانجه وبيضحك انتى وسموره عشان خلاص بقى حبيبى ادام حبتيه .. واتحركو ووصل ميرنا الشاليه بتاعهم واتحرك تانى راح لكريم وطارق الا مستنين احمد
**************
منيره : اتفضلى يا أم محمد
ام محمد : دخلت .. وقعدت وبعدين عيطت
منيره : بقلق مالك فى حاجه حصلت والا ايه
ام محمد : انتى عاجبك غربتهم .. مش حرام كدا وحشونى يا منيره .. ومنه وحشتنى وابنى وبنتك ماعندهمش دم .. خليهم يرجعو هنا بقى وكفايه كدا
منيره : ها نعمل ايه لهم تانى الواحد غلب معاهم كلام .. حتى اختها روان عملت البدع عشات تأثر عليها ماسكه محمد مرتاح هناك وانا ها اعمل الا يريح جوزى
ام محمد : بعياط خلى فتحى يكلمه .. وفتحى خارج من الاوضه لسا صاحى من النوم عشان يلحق صلاة العصر فى الجامع . مالك يا ست يا طيبه
منيره : عايزاك تكلم ريم ومحمد ويرجعو هنا ويبطلو يسافرو
فتحى : قعد ..انتى شفتى بنفسك اننا مش قادرين عليهم ..وعمتا ها اكلمهم تانى وها اشوف
ام محمد : انا كلمته دلوقتى وزعقتله وقولتله ماعدش يتصل بيا ولا يكلمنى تانى لو مش ناوى يرجع من الغربه وسط اهله وحبايبه هنا
منيره : مش كدا نحاول مره واتنين وتلاته لحد ما يرجعو
فتحى : احسن يا منيره سبيها وانا كمان ها اعمل كدا معاهم .. ما شبعوش غربه ايه العيال دى قلوبها حجر هى الفلوس اغلى مننا
ام محمد : ايوا خلاص الفلوس بقت كل حاجه اغلى من الاهل والام والاب .. بقت اغلى من الوطن يا استاذ فتحى
فتحى : ربنا يهديهم .. ياريتهم بيسافرو ويجيو من وقت للتانى يطمنو علينا ونحس بوجودهم حوالينا بنتى ماجتش ولا جابت حفيدتى غير لما قولتلها انا بموت .. مستنين دفنتنا وفى منهم حتى الدفنه فى الا مش بيحضرها بيقول خلاص ها ننزل نعمل ايه
ام محمد : انا عارفه انى بتقل عليكم بس ريم دايما بتمشى على هواه مابتسمعش غير كلامه
منيره : ربنا يهديهم لبعض ويهمنيهم يا ام محمد .. وان شاء الله يرجعو وسطنا من تانى حتى ينزلو كل فتره وسطنا ويرجعو تانى ربنا يحميهم ويحرسهم فى غربتهم
فتحى وام محمد : يارب
****************
ريم : قاعده تايهه وبتفكر
سمسمه : طنط ريم مالك انتى مش عايزا تقعدى معايا
ريم : بتمشى ايدها على راس سمسمه .. لا يا حبيبتى .. انا بس تعبانه شويه وها اطلع انام
سمسمه : خليكى شويه يا طنط عشان خاطرى
ريم : معلش يا سمسم سبينى دلوقتى .. وطلعت على فوق وحور شافتها وطلعت وراها خصوصا لما ندهت عليها وريم ما ردتش
حور : ايه يابنتى الا واخد عقلك
ريم : بتمسح دموعها .. ابدا وبتوهان اصل انا
حور كشرت وشها : مالك ياريم انتى زعلانه مع احمد
ريم : لا ابدا مش زعلانه ولا حاجه بس انا مخنوقه
حور : تحبى تتكلمى معايا والا اسيبك شويه
ريم : مسكت ايد حور .. معلش ياحور سبينى شويه انا لما احس انى عايزا اتكلم ها اتكلم
حور : بأبتسامه ماشى يا حبيبتى .. وريم دخلت اوضتها وقفلت على نفسها وعيطت بصوت مسموع .. وبتفتكر لما شافت ميرنا وهى راحه ورا احمد وركبت معاه ومشى بالعربيه وحست ان قلبها موجوع
روان شافت حور وهى نازله .. فين ريم مانزلتش معاكى ليه
حور : مش عارفه يا رورو شكلها مدايقه من حاجه وكانت بتعيط
مروان : حد زعلها فى حاجه
حور : كلنا كنا مع بعض ومفيش اى حاجه هى خرجت ورا احمد ورجعت كدا
روان : انا ها اطلع اشوفها مالها
مروان : ما تضغطيش عليها فى الكلام براحتها تتكلم او لاء
روان : حاضر .. وطلعت خبطت على ريم .. وريم فتحت الباب ..مسكت وشها .. ماله الجميل مقلضم ومبوذ
ريم بابتسامه : اتفضلى يا ماما
روان دخلت جوا وقعدو على السرير قدام بعض ... مالك بقى انا ملاحظه ان فى حاجه بينك وبين احمد بس مش عايزا اتكلم وسايبكم تحلو مشاكلكم مع بعض وواضح كدا انى غلطانه
ريم : ابدا ياماما مفيش اى مشاكل الحمد لله وعيطت .. بس انا حاسه بحاجه كدا وخايفه يكون احساسى صح
روان : ايه قوليلى يمكن اقدر اساعدك
ريم : بس اوعى تفهمينى غلط
روان : اتكلمى براحتك ياريم .. الا ممكن يعمل مشكله بينك وبين احمد وانا اقدر اوضح ليكى الامور فيه .. ما تتردتيش واحكى ليا على طول
ريم : انا حاسه ان فى حاجه بين ميرنا واحمد .. يعنى بيحبو بعض واتاكدت من دا لما خدها بعربيته انهارده ومشى بسرعه وكذا موقف كدا حصل
روان بتفهم : وبصت فى عيون ريم احمد متغير معاكى
ريم : لا بالعكس دا كويس جدا وبحس انه بيحبنى قوى
روان : طيب عشان تكونى فاهمه حاجه .. ميرنا واحمد .. اخوات واخوات قريبين من بعض جدا زى كريم بالظبط .. حتى مع طارق ها تلاقيها بتتكلم معاه وقريبه منه زيى انا ومازن وشريف احنا عيله مع بعض بس طبعا فى حدود فى التعامل لان مش ها نكدب على بعض ونسيب الامور كلها سايبه ونقول اخوات لا .. ولو فى حاجه بينها وبين احمد كان اتجوزها هى هو مش مجبور يتجوزك والا انتى عندك رأى تانى
ريم : افهمينى يا ماما .. فعلا الاتنين تصرفاتهم غريبه وخصوصا ميرنا طيب انتى مش ملاحظه انها متجنبانى دايما وبتعد عن اى مكان اكون انا فيه ولما احمد بيخرج بتخرج وراه يا هو الا بيخرج وراها واخر مره لسا دلوقتى وركبت معاه ومشى بعربيته رغم انه قايل انه خارج هو وكريم
روان : انتى عارفه بتتكلمى عن جوزك وواحده مخطوبه وفعلا فى مقام اخته .. وكدا انتى بتتهميهم فى اخلاقهم الاتنين ولو دا حاسه احمد منك ها يتجنبك وياخد منك موقف ... ممكن تسأليه بس ما تظهريش طريقه تفكيرك دى ويبقى السؤال مباشر لانه ها يزعل قوى .. بس انا متاكده من ميرنا قبل احمد وحتى لو هى زى ما انتى متخيله فى مشاعره او حب تجاه احمد عندها .. لايمكن ها تقبل تهد بيته او تعمل محاولات كدا تشغل احمد عنك واو تستغل انسان زى سامر .. وبتطمنها اتاكدى ان كل دى اوهام وان شاء الله هو يثبت دا بنفسه ليكى
ريم عيطت اكتر : ماتزعليش منى يا ماما
روان : ضمتها بحب لايمكن ها ازعل منك مشاعرك طبيعيه جدا اى واحده بتحب جوزها بتغير عليه وبتاخد بالها من تصرفاته .. بس خلى فى ثقه موجوده عشان الغيره الزياده ماتهدهوش .. وياله بقى ننزل لحور الا لايصه تحت دى .. والا انتى عايزا تجربى خططت مازن .. رغم لو عرف الا فيها ها يخنقك
ريم بضحكه وبتمسح دموعها : لا كفايه طارق حرام اجنن احمد زيه .. بصراحه انتو قعدتكم مع بعض مسليه وجميله
روان : طيب ياله انتى عارفه حور دايما عايزاكى جمبها
********
كريم قبل ما يروح المكان الا اتفق عليه هو واحمد .. راح مكان ما قاعده سما يمكن يشوفها .. وماشى بعربيته لقى سما ماشيه وماسكه التليفون وبتلعب فيها ومندمجه قوى وهو ماشى جمبها بالعربيه
كريم : كدا خطر عليكى
سما بصت جمبها لقته كريم .. ووقفت هو انت
كريم : لحقتى تاخدى موقف منى بسرعه كدا
سما : مشيت بالخطوه السريعه وتجاهلت كريم .. وركزت فى التليفون تانى
كريم : بيضحك التقل حلووو بردو بس مش معايا .. تعالى نتكلم يمكن اعجبك
سما : بعصبيه انت لو ما احترمتش نفسك انا ها اخلى بابى يبهدلك
كريم : بموت فى البهدله .. ووقف العربيه ونزل ها اهون عليكى ابوكى يبهدلنى وانتى واقفه تتفرجى دا اسمه كلام يا سماء مصر العاليه
سما : لا دا انت شكلك لازقه
كريم : خطف التليفون من ايدها وهى بتحاول تاخده ... ورن على نفسه وادها التليفون تانى ... كدا بقى نعرف نتفاهم
سما : بتضربه على صدره وهو بيرجع ورا والابتسامه على وشه ... انت فاكر نفسك ايه وتضربه لا لو فاكرنى سهله يبقى تفوووق مره تدايق اختى وتعاكسها .. ومره انا وشكلك واحد فاضى ومقاضيها
كريم : مسك ايدها بايد واحده والايد التانيه نزل النضاره النظر الا هى لابساها وقرب على ودنها وبهمس مش انا يا ابله نظيره الا اعاكس دى ودى .. ياله اسيبك دلوقتى ونتكلم فووون .. ها توحشينى ونزل ايدها براحه وطبع وبوسه على ايده وعمل لها بااااى
سما متنحه من جرائته وازاى بيتعامل بالطريقه دى مشيت وهى بتكلم نفسها .. بقى انا ابله نظيره يا قليل الادب .. وبتشاور على نفسها وبعصبيه انا نظيره وداخله الشاليه عندهم وهى لسا بتكلم فى نفسها
سوزى : هياااى ايه قطر داخل
سما زقتها وسعى كدا انا مش طايقه نفسى .. ولقت رساله من رقم غريب فتحت وبتقراها
كريم : وحشتينى يا ابله نظيره .. ارجوكى بلاش تنزلى النضاره عند مناخيرك لتحت بتبقى خانفه 😂😂😂😂
سما : بصوت عالى يا وقح والله لاوريك
سوزى : بتضحك .. اختى اتجننت يا جدعان
************
مازن : صحصحو كدا قبل ما يحصل الاتنين الا وزعانهم بالعافيه انتو عارفين دول لازقين فى بعض بغرا وعشان احنا كمان ها نمشى والبنات بس الا تفضل زى ما انتو عايزين ومش ها نرجع الا لما ترنو علينا وتقولو الدنيا تمام والواد اتظبط
شريف : بيشاور على حور البت دى ها تغرق وذنبها ها يبقى فى رقابتنا ورقبة المجنون دا
مازن : مش انا المره دى الا ها اغرقها ابنك حاله مصتعصيه والستات اتفقت عليه وانا خرجت منها كله تخطيط الستات
هدى : ركز يا مازن مش عايزين خساير الله يسترك المره دى علينا لو مجابتش نتيجه يبقى الجايه عليك
مازن : حور فهمتى ها تعملى ايه
حور بإحراج : ايوا
مروان : ماتسمعيش كلامهم اخر مره ها اقولهالك امشى معاه بالعقل وسيبك منهم
حور : اخر مره ياعمو
مروان : انتو حرين .. ياله يا بهوات وبيبص للبنات ابدعو طلعو مهاراتكم كلها وبيشاور على حور اصل دى ها تكمل باقى الطقم الا فى العيله
سمسمه خارجه ولابسه مايوه .. بابى انا ها اعمل اغراء لطارق زى حور 😂😂😂
💗💗💙💙💙💚💚
للمتابعه اترك تعليق
البارت الثامن والاربعون من الجزء الثاني
خادمتي ولكن
💗💗💗💗💙💙💙💙💙💙💚💚💚💚
فتحى بيكلم ريم بنته عشان خاطر أم محمد الا هاتموت عشان ابنها يبقى جمبها
ريم : يا بابا انا كنت لسا عندكم ونزلت عشان خاطرك
فتحى : حرام عليكى الست كل يوم تيجى تعيط ارحمونا وارحمو نفسكم من الغربه
محمد : ياعمى انا مش عايز ازعلكم وبحاول ارضيكم .. انا مرتاح انا ومراتى وبنتى هنا ننزل عندكم نعمل ايه
فتحى : اعمل مشروع فى بلدك واقعد جمب امك واهلك .. هو ايه ياخى قلبى على ولدى انفطر وقلب ولدى عليا حجر عيب يا محمد هو عشان احنا ساكتين خلاص .. اتغربت وشبعت من الغربه كفايه بقى
محمد : ها اشوف يا عمى بس ياريت ما تضغطوش علينا أكتر من كدا قدرنا ننزل ونستقر ها ننزل ماقدرناش خلاص
فتحى : ادينى منه اكلمها انت ومراتك تعلو الضغط
منه بعياط : وحشتنى يا جدو
فتحى : بتعيطى ليه يا حبيبة جدو
منه : عشان انت زعلان وتيتا كريمه زعلانه مننا وببراءه والله انا قولت لبابا عايزا اعيش معاكو
فتحى : ها تعيشى يا حبيبتى معانا وها نفرح بيكى وانتى عروسه وسطنا
منيره : قمرى وعروستى الجميله بطلى عياط عشان خاطر تيتا
منه : حاضر يا تيتا .. بس اوعو تقطعو الاتصال انا بستنى الوقت الا ها اكلمكم انتو وتيتا كريمه وخالتو روان واحمد وسمسمه وعمو مروان كمان
منيره : احنا نقدر .. على طول ها نكلمك خلى بالك على نفسك
منه : حاضر يا تيتا وبتشاور لهم بااااى وبتبعت بوسه اموووه
فتحى قفل هو ومنيره وباين عليهم الزعل جدا ولعنو الغربه الا بتفرق الاحباب والاولاد وبيدعو ربنا انهم يغيرو رأيهم صحيح ساعات الظروف بتبقى اقوى وغصب عنهم بس دا ما يمنعش انهم يسألو على اهاليهم ويودوهم من وقت للتانى لان زى ما الجرى ورا الفلوس بيسرق العمر كمان ممكن تسرق احلى الاوقات مع الاهل وخصوصا الاب والام الا مش بيعوضهم سفر ولا فلوس الدنيا
**************
عبدالله بيتكلم فى التليفون .. حماده مش عايز حجج ها تجهز نفسك وها نسافر اخر الاسبوع اختك كلمتك وكلمتنى عشان ميرنا وفرحها
حماده : سافر انت وماما وانا ها اجى على الفرح
عبدالله بعصبيه : دا بدال ما انت الا تقولى اروح لاختى انا ومراتى واساعدها هى وجوزها انت جبله ليه كدا يالا .. انا لو موت من بكرا اختك مش ها يبقى لها حد
حماده : ربنا يخليك لينا ياحج ثم كمان روكا مش محتاجه حد جمبها كل الحبايب عندها ها تعمل بيا ايه
عبدالله : ها تعمل كتير هو فى حد يستغنى عن اخوه لو جمبه مين .. اتسميتو سند لبعض ليه مش عشان فى الفرح تبقو فى ضهر بعض وفى الحزن تلاقى الا يوقفك وبيسندك عشان تصلب طولك قدام الناس .. بطل برود وتقصير فى حق اختك دا جوزها اجدع منك
حماده ببرود : ربنا يخليهولها .. ها اشوف يا حج عشان الشغل بس
عبدالله : وادى التليفون اهو وقفل الخط فى وش حماده عيل رخم
حنان : براحه يا عبدو ربنا يهديه يا راجل
عبدالله : الا زي ابنك جبله مابيحسش وبيشاور عل نفسه عمرك شوفتينى مقصر مع اخواتى البنات فى اى مناسبه ودايما اودهم واعرفهم انى مكان ابويا الله يرحمه لزمتنا ايه .. ربنا سبحانه وتعالى قال الرجال قوامون على النساء ليه .. مش عشان احنا الحمايه والضهر والسند ليكم مش عشان نقاطعهم ونفترى عليهم . البنت تبقى فى بيت جوزها بتفتخر لما اهلها واخواتها بيدخلو عليها مش قاعده كانها مقطوعه من شجره عيب
حنان بزعل : عندك حق ياعبده ... فكرتنى بنفسى وقلبت عليا المواجع وعيطت
عبده : معلش يا حنان بكرا ربنا ها يسئلهم عليكى بس انا عمرى يا بنت الناس ما حسستك انى مدايق ولا عايرتك
حنان : عيطت أكتر هو انا ليا غيرك .. ربنا مايحرمنى منك ويجعل يومى قبل يومك ياعبده
عبدالله : بعد الشر يا وليه . تعالى شكلك واحشك العض وبتعيطى نفسك تؤرمى حد ياريت الجبله هنا وانا كنت خليتك هارتيه عض
حنان : 😂😂😂 اه والله بس انا ماحبش اعض غيرها روكا بنتى حبيبتى
عبدالله ضحك : سبحان مغير الاحوال
*****************
مروان بزعل : وربنا عيب تتكلمو قدام طفله زى دى فى الكلام الفارغ بتاعكم دا وبيبص لمازن انت عامل المهزله دى وازى يجيلك الجراءه تتكلم مع الستات فى الكلام دا
مازن رفع ايده مش افكارى .. افكارهم هما انا طلعت منها وربنا وما اعرف هما مرتبين لإيه برئ يا بيه
سمسمه : لا يابابى مش عمو مازن .. بص وبتمشى قدامه وبتتمايل انا ها امشى كدا زى ما ماما قالت لطنط حور واعمل كدا وبتنزل حمالة المايوه زى ما طنط روكا قالت لحور ولسا ها تتكلم مازن جرى شالها وحط ايده على بوئها
مازن : 😂😂😂😂 وربنا ما انتى مكمله كدا ها يتجوزك انتى واحنا ها نروح فى داهيه وبيهرزها ايه يا جباره مفيش حاجه بتفوتيها
شريف بيقرب على هدى وبيضحك : وانتى قولتى ايه لحور
هدى : بتوطى صوتها ومقربه على شريف قولتلها بوسيه واستغلى الفرصه وماتديهوش فرصه هو بيحب البوس 😂😂😂
شريف : 😂😂😂 وبيبص لقى مروان واقف ها ينفجر فيهم كلهم اتسحب وخرج على برا لماندو الا قاعد فى العربيه ومازن انسحب بهدوء .. ومران بص لروان بصات تحذريه وقبل ما يمشى فهمها انه ادايق منها بسبب سمسمه انهم يتكلمو بالجراءه دى قدامها من غير فهم انها لسا صغيره وبتقلد بدون وعى ان دا غلط وعيب خصوصا لو الكبار بيعملو كدا وانسحب هو كمان ..
روان : خدت سمسمه وقعدتها على رجلها تعالى يا حبيبتى
سمسمه : نعم يا مامى
روان : انا زعلانه قوى يا سمسم .. يرضيكى كدا وكمان بابا زعلان عشان عيب الكلام الا بتقوليه دا
سمسمه بعفويه : مش انتو الا بتقولو انا بعمل زى ما بتقولو بالظبط عشان بحب طارق
روان : انتى كنتى فين وسمعتينا أمتى
سمسمه : كنت واقفه فى الشباك ورا الستاره بتفرج على البحر وسمعت كل حاجه
روان بتفرد ايديها وتطلعا وتنزلها كله كله
سمسمه : كله كله يا ماما
روان : طيب الكلام دا ما يتكررش تانى لو بتحبى مامى ولما يبقى فى مكان فيه ناس كبيره ماتقعديش فيه
سمسمه مدت شافيفها لقدم : طيب اروح لمين يا مامى انا صغيره ولوحدى
روان : قوليلى وانا ها اتصرف اوكى
سمسمه : اوكى يا مامى
روان : بابتسامه بوسة لماما والحضن بتاعها .. وياله نطلع على فوق
سمسمه ماشى يا مامى وباستها وحضنتها وفضلت متشعلقه فى رقبة روان والبنات كلها طلعت ..
ميرنا : حور تعالى انا معايا مايوه جديد
حور : انا مش عارفه انا ها اعمل كدا ازاى
ريم : ها تتكسفى فى الاول بس بعد كدا عادى دا جوزك وكمان حبيبك اعملى الا تقدرى عليه عشان تخافظى عليه
ميرنا لاول مره توجه كلام لريم : ابتسمت وخبطت على كتف ريم هو دا يابنتى شايفه الناس العاقله الا بتفكر .. استخدمى اسلاحتك الفتاكه الشاليه بقى خالى من جميع الرجاله واحنا وبتضحك ها نراقب من بعيد لبعيد لا تقلقى
ريم بتكمل هزار واندمجت مع ميرنا : اخوووفى يابدران تغرقنا كلنا ونصبح فى خبر كان
حور : والنبى انتو رايقين وانا خلاص مش قادره يا بشر دا سمسمه سيحتلى قدام البشريه كلها
ميرنا : خلصى يا حور قبل ما طارق يصحى ويفشل كل الا احنا بنعمله
حور : هاتى اما اشوف اخرتها
ريم : اخرتها فل بالصلاة على النبى والواد ها يدبس
حور : يارب ياختى يارب وميرنا جابت المايوه وبشهقه يالهوووى انا ها البس دا .. دا ممكن يلبسنى عفريت لو شافنى بيه وبصوت واطى صحيح هو قليل الادب بس بيحب الحشمه
ريم : 😂😂😂 دا الا هو ازاى وزقتها خلصى ياحور بقى ما قولناك جوزك يابنتى ومفيش حد خدى راحتك
حور : قامت ولبست المايوه وكل ما تطلع تدخل جوا جرى تانى
ميرنا : 😂😂😂 دى لازم نلبسها جلبيه تعوم بيها
ريم بعصبيه : يابنتى اخرجى
حور : طيب ارجوكم ما تبصوش عليا كلكم وخلينى انزل بسرعه
ريم : وها تستخبى من طارق هو كمان فين
حور : فى الميه .. ها استخبى فى الميه هى بتاوى اى جته يادى النيله عليكى ياحور
ميرنا : والله مجنونه وخدت ريم ونزلت وحور نزلت جرى راحت عند الشط وبعدت شويه
هدى : بتخبط على طارق
طارق بنوم : ادخل
هدى دخلت وقعدت جمبه .. ياحبيبى حور مش لاقينها
طارق اتعدل مره واحده وبيحاول يستوعب معقول مشيت : يعنى ايه
هدى : مش ظاهره بقالها فتره وقلبنا عليها الشاليه كله ماحدش شافها لتكون زعلت منك عشان معملتك الجافه يا طارق وكمان عشان صممت انها تقعد معاك فى اوضه واحده من غير فرح ومشيت
طارق قام من مكانه ولبس تيشرت على الشورت الا لابسه .. ونزل من غير ولا كلمه .. والبنات كلها اتجمعت وبتضحك وطلعو ورا بعض يقفو فوق ويتفرجو عليهم الاتنين
حور : ماشيه وعماله تحط ايدها على جسمها وبتقول يا فضحتى يا فضحتى دا مايوه والا فضيحه
طارق بيبص بعنيه لاقى واحده ماشيه بمايوه وهو عارف ان المنطقه دى لايمكن حد غيرهم يبقى موجود فيها وبيركز قوووى .. هو دا شعرها . يخربيتك وبيت جنانك .. وبينادى عليها يتاكد من بعيد ورايح عندها حوررر
حور : اول ما سمعت صوت طارق اتنفضت وبتحاول تمسك نفسها .. بتعمل زى ما قالو لها .. وماشيه بتغنى وبتتمايل وبمايصه .. طار فى الهوا شاشى .. وانت ما تدراشى .. وبتنزل بجسمها وبتقول يا جدع
طارق تنح وبيقول يا جدع .. وبصوت عالى هو مين شاشك الا طار فى الهوا يا أم شاش أنتى وايه الا انتى مهببابه فى نفسك دا وبصوت اعلى دا الشاليه كله رجاله يا مصيبه هانم دا انا ممكن احفر فى الرمله واتاوى جتتك
حور بخضه مصطنعه : يالهوى طقطق انت هنا
طارق بيشاور بايده لا هناك .. وخيالى الا قدامك
حور : بتحط ايديها على عيونه طيب ما تبصش
طارق بيزق ايدها : دا الساحل كله بص عليكى يا اوزعه .. وبيزعق لابسلى مايوه يا مؤدبه .. وبيلف وشه وبيقلدها ومرفع صوته انا بتكسف يا طقطق .. انت قليل الادب يا طقطق .. دا انتى وقعتك سوده يا مرات طقطق ... وماسكها من حمالة المايوه وبيلفها منه وايه المايوه الا انتى واقعه فيه دا يابت
حور بخوف : وربنا هو الا وقع فيا
طارق بيضحك ضحكه مسرسعه : انتى ها تقوليلى كله بيتكعبل وبيقع فيكى عايزا تنزلى البحر بمايوه وتعرى جسمك قوليلى وانا ارميكى فى حته مقطوعه محدش يشوفك فيها والا فى محمية الحيتان عشان يأكلوكى وأخلص منك
حور : ابتسمت وبدلع ماهوو مقطوعه اهو ومحدش هنا وبتفرك فى ايدها وقولت يعنى استغل الفرصه واخد غوتص
طارق : مين قالك وبالنسبه للرجاله الا معانا دى وبيشاور قدام وشها هوا .. هوا بالنسبالك.. كل البنات والستات هنا قاعده بإحترامها والحجاب بتاعها مش بتفارقها وعلى قد ما احنا واخدين على بعض إلا إن كل واحد له حدود مع التانى مش سايبه هى .. حتى الشاليه انتى شايفه متقسم ازاى عشان كل عيله تاخد راحتها مفيش غير السلم والقاعده الا تحت هى الا بتجمعنا
حور بتعلى صوتها خلاص يا طقطق الله انا عملت جريمه أما إنك راحل خنيق
طارق بيشاور على نفسه : بتعلى صوتك عليا ... مش انا بقولك اخرتك على ايدى وبدء يجرى وراها وهى جريت دخلت على الميه .. والشله واقفه بتتفرج وسايحين على نفسهم من الضحك
حور : خلاص مش ها اعمل كدا تانى . مش ها اعمل كدا تانى شالله يخليك ما تقلبش
طارق : رمى الشبشب الا فى رجله وقلع التيشرت ونازل الميه وراها .. اطلعى يا هبله لو غرقتى يا اوزعه البحر ها يتاويكى ومش هانعرف نجيبك
حور : واقفه جوا فى الميه وبتشاور بايدها لبرا ولجوا .. ماهو كدا موته وكدا موته يبقى خلينى فى البحر احسن وبتدخل جوا
طارق فى ثانيه كان وصل لها ومسكها : وبيشدها عليه وبعصبيه انتى بتعرفى تعومى ها تغرقى
حور بعياط مصطنع : ايوا منا ها اغرق واقول شوبروبروم
طارق : شا ايه ياختى
حور بصوت طالع بالعافيه وهو حاضنها ومتبت عليها .. شوبروبروم يمكن حد يلحقنى الله يسامحهم غرقونى وسابونى
طارق رفع وشها له : ليه كدا يا حور
حور فى اللحظه دى بصتله بنظرات كلها حب عيونها بتنطق وبتقوله كفايه انا بحبك وانت ولا انت هنا
طارق : بترجى وهى حاضن حور بين ايديه .. ارجوكى ياحور كفايه . انا تعبت وبيمشى ايده على وشها انتى تستهلى حد احسن منى بكتير انا مش ليكى متصعبيش عليا الامور
حور دموعها نزلت : انت الا بتصعبها عليا وعلى نفسك
طارق بجمود نوعا ما : انا بحب واحده تانيه صدقينى انا صارحتك من البدايه
حور : انت كداب يا طارق
طارق : ها اثبتلك انى مش كداب وها اجبهالك تشوفيها بنفسك
حور عيطها زاد وزقت ايده وسع كدا ما تخفش عليا بعرف اعوم احسن منك .. وطلعت على برا وجريت ناحية الشاليه على جوا
طارق : من شدة خنقته مش قادر ومش عايز يدخل جوا طلع من الميه وفضل على الشط ما دخلش والبنات اول ما شافو حور بتعيط وبتجرى على فوق فهمو ان الموضوع بردو فشل .. وبعد شويه لقو طارق داخل الشاليه .. وبيبص لهم كلهم وهما واقفين ورا بعض
هدى : انت زعلت حور
طارق : ولا زعلتها ولا جيت جمبها ثم كمان هو انتو فى الشاليه لوحدكو
روان : ايوا كلهم خرجو
طارق هز راسه وسابهم وطلع على فوق لقى حور خارجه من الحمام ولابسه برمودا وبتشف شعرها قلع التيشرت ورماه بزهق ودخل على الحمام بعد ماخد الفوطه وهدوم يلبسها
حور قعدت قدام المرايه وبتبص لنفسها وبتسرح شعرها ودموعها بتنزل لوحدها .. وسرحانه وبتفكر فى كل الا بتعمله هو طارق يستاهل تعمل كدا عشانه طيب ليه كانت رفضه تقرب محمد لها وكان جوزها بردو ووصفته بالوقح .. وهى دلوقتى بتتمنى طارق يقول لها بس انه بيحبها وها يكمل معاها لو ها تعمل ايه عشانه .. ليه الحب بيكسر الكبرياء وبيكسر المبادئ واى شئ ممكن يكون حاجز او مانع بينها وبين حبيبها فاقت من شرودها على لمسة ايده على وشها بيمسح دموعها وقاعد قدامها
طارق : بياخد نفس وبيطلعه براحه وبيبص لحور الا قاعده مسهمه قدامه ودموعها بتنزل من غير قيود .. حور انتى كويسه
حور بابتسامه ونزلت ايده : جدا انا فى اسعد حالاتى تعرف ساعات بحس ان عندك انفصام فى الشخصيه
طارق وبيهز راسه بتأكيد : معاكى بس و مسك ايديها الاتنين .. طيب انتى ايه الا يريحك انا فعلا تعبت ونفسى اشوفك مبسوطه
حور : انا مبسوطه ما تشغلش بالك يا طارق .. انا اساسا حاسه انى بقيت حمل عليك سامحنى
طارق بدون تفكير : رفع ايدها باسها .. وبيبص فى عيونها .. اوعى تقولى كدا وعشان خاطرى سامحينى لانى بعكها معاكى كتير .. كان نفسى اقدم ليكى اكتر بس صعب لان قلبك مع حد تانى
حور ضحكت بوجع كبيررر : ومسكت وشه بين ايديها وعيونها بتلمع بالدموع الا مخنوقه فيها فى لحظه دموعها رفضت النزول .. ربنا يسعدك انا بتمنالك كل خير وقامت بسرعه من قدامه قبل ما تنهار كفايه عليها كدا ها تحب اطلع ليك طقم عشان تروح لكريم وأحمد
طارق : خنقته بتزيد من بتقل ما بقاش فاهم يعمل ايه او يتصرف ازاى معاها وليه اصلا دبس نفسه وحياته فى حوار زى دا .. ماشى طلعى انتى عارفه ان ذوقك بيعجبنى
حور وهى وشها للدولاب : عارفه ومتاكده وفتحت الدولاب وطلعت له طقم وساعدته فى لبسه وعشان تخفف التوتر .. وبعدين شدت الفرشه من ايده تناغشه لا انا يطقطق
طارق : يووواه يا حور مابحبش حد يعملى شعرى
حور : مخبيه الفرشه ورا ضهرها .. قولتلك انا ها اسرحلك على ذوقى انت اصلا بتعمله حلووو زياده عن اللزوم .. وهات دى كمان وشدت السلسه من ايده
طارق : انتى عايزانى امشى اهبل ثم كمان السلسه مدايقاكى فى ايه
حور : هو فى راجل بيلبس سلسله عيب وبتزقه فى صدره انت كبرت على الكلام دا
طارق : اه كل الا فى الشرطه والجيش بيلبوسها واتعودنا عليها خلاص .. و انا عارف انتى مش بتيجى بالذوق تعالى بقى وحضنها جااامد ومسك ايدها الا ورا وبيقرب من وشها بجراءه وباسها وتوها وتاااه هو كمان معاها ومره واحده بعد عنها وهو بيضحك وماسك الفرشه والسلسه ..ما بتحرميش انتى ياحور .. وخلص ورش البرفن بتاعه الا ريحته ملت المكان وخارج وبيبص لحور وهو مبتسم وبيغمز لها .. اشوفك باليل يا قطه .. ونزل لاقهم كلهم قاعدين جمب بعض كمل ضحك وخرج على برا تحت نظارتهم كلهم .. وبيبصو على السلم لاقو الا نازله من فوووق تتمختر والابتسامه على وشها من هنا لهنا وسرحانه
روان : انتو فاهمين حاجه
كلهم بيهزو راسهم بالنفى .. وهجمو على حور وقاعدين يقررو فيها
**********
طارق كلم احمد وعرف مكانهم وراح لهم الرجاله كلهت متجمعه فى مكان مع بعص وبيتكلمو
مازن : ابتسم .. ايه يلا البياض والحلاوه والدمويه دى يا نمس
طارق : 😂😂 انا اصلا حلوو وابيض من زمان .. انتو بعتونى وخرجتو ليه
ماندو بياكل : عشان نلحق نتغدى
احمد : ايوا اصل الغدا كان ها يفوتنا بسببك
مروان : اقعد يا طارق تتغدى ايه
طارق : غريبه إنكو بتتغدو من غير البنات
شريف : عادى هما باعوو القضيه وقالو اتغدو برا وهما ها يخرجو مع بعض يتغدو
طارق : قعد .. منور يا سموره
سامر : بوجودك يا وحش
مروان : شكلكم اجازه طويله
كريم : والله يا عمى فى أى وقت ها يستدعونا فيه بنروح على طول
مروان : ربنا معاكم ويحميكم مش ناوى انت كمان نطمن عليك
كريم بيبص لمازن : ناااوى جدا
مازن : مستنى ايه قدامك واحده
كريم : بسئل عليها وعلى اهلها وها اجيبلك المفيد
شريف : بيلقح كلام على طارق متربى وتعرف الاصول مش واخد الدنيا فتونه وعافيه
طارق ضحك وبيرفع ايده بالتحيه : الله يخليك ياحج ما استغناش بردو
مروان : انت مقتنع با الا عملته
طارق : ظرف ياعمى واتحطيت فيه غصب عنى وكمان حور مش وحشه
شريف : ماحدش قال انها وحشه مهما كبرت عمرك ماتمشى على مزاجك ولا كيفك وتقول انا حر نفسى وتعمل الا انت عايزه
طارق : انا عارف انك زعلان منى ومدايق من الا حصل بس كان لازم اكتب عليها وبمكر اصلهم فهمونا غلط واحنا فى الفندق
مازن بيشهق : يادى النيله عليك واد ما بتسترش انت اتقفشت يالا وربنا عيب فى حقنا
كلهم : 😂😂😂😂
طارق : يوووواه بقى انا عمال اعكها ليه كدا وربنا ماكان فى حاجه انا شوفتها فى الفندق لانها شغاله فيه وكانت مفاجأه ومسكتها بتاكد انها حور وكنت فى الاوضه الا انا حاجزها وكان منظرى يشكك فينا اى حد دخلت علينا بنت من الا شغالين وسيحت لنا فى المكان وجت الشرطه ويالهوووى كانت ليله اعمل ايه اتجوزتها ظلم وربنا ظلم ... وبيكمل اه يا بلد
شريف : اه منك يا بنى دا البلد غلبت منك ومن عمايلك
سامر : شهادة حق بقى ... طارق مثال للاخلاص فى شغله هو واحمد وكريم التلاته بيطلبو فى المهمات الصعبه بالاسم
ماندو بوئه مليان أكل بشوووات مصر وربنا
احمد وطارق وكريم : حابيبنا يا ماندو
مروان : هى دى احلى حاجه بحبهم فيها وبحمد ربنا انهم ما طلعوووش شبه ناس اعرفهم وقت الشغل مايفرقش عن وقت اللعب لازم يبقى فى توازن شغلك يبقى صح وحياتك بردو تتمتع بيها صح
مازن : الله الله وبيضرب شريف فى ضهره دا بيلقح علينا دا والا ايه
شريف بيهز راسه : الله يسامحه كدا احنا خدنا حسناته كلها
كلهم : 😂😂😂
طارق : ثانيه واحده وجاى وقام بسرعه طلع برا المكان .. سسسس ايه الحلاوه دى كلها طول عمرك متألقه
البنت بفرحه : طاااارق انت هنا
طارق بأبتسامه : اه هنا شفتى الصدف الا بتجمع الناس الحلوه ببعض
جومانا : شفت واحلى صدفه كمان .. حد معاك
طارق العيله كلها بالاصدقاء
جومانا : طيب روح لهم
طارق : بقى دا اسمه كلام مش قبل ما نقعد مع بعض واعزمك على حاجه تشربيها كمان ونتكلم
جومانا : بتضحك لازم نتكلم انا ما صدقت شفتك تااانى ياله بينا
💗💗💙💙💚💚💚
للمتابعه اترك تعليق
البارت التاسع والاربعون من الجزء الثاني
خادمتي ولكن
💗💗💗💗💙💙💙💙💚💚💚💚💚💚
نور : مؤمن لو سمحت انت قولت لمحمد انه يروح المصنع ويسلم الجزء التانى من الطلبيه
مؤمن : ايوا يا حبيبتى .. ادام خلصت الحمد لله ملوش لزوم نستنى
نور : اتصل على مروان قوله الاول .. احنا مش عايزين نعمل حاجه من دماغنا
مؤمن : ها اريحك عشان عارفك بتقلقى من نفسك
نور : لازم اقلق دى امانه كبيره وفى رقابتنا احنا الاتنين صحيح مروان معانا طول الوقت وشريف ومازن .. بس بردو القرارت دى هما الا ياخدوها
مؤمن : هو سايبلى كامل التصرف فى كل امور الشركه
نور : بردو دا ما يمنعش اننا ناخد رأيه وهو يبقى صاحب القرار مش احنا
مؤمن رجع بضهره لور وطلع التليفون واتصل على مروان ... وبعد مكالمه طويله قفل وبيبص لنور سمعتى بنفسك
نور ابتسمت : كدا انا اطمنت ياله بقى اسيبك دلوقتى واروح اشوف شغلى
مؤمن اتعدل : خدى هنا يا بنت .. ازى تمشى ومديرك مأزنش ليكى تمشى
نور بتمشى زى البطريق وقربت عليه ووطت باسته : احلى مدير والا ايه
مؤمن بابتسامه : والا ايه ياله روحى اصلك احلوتى مره واحده وانا ممكن انور اللمبه الحمرا واسوء سمعة الشركه
نور : 😂😂😂 لا أمشى بسرعه .. وخرجت وقفلت المكتب
ايمن : استاذه نور
نور : نعم يا ايمن
ايمن : معلش كنت عايز طلب من حضرتك
نور بإهتمام اتفضل قول الا انت عايزه
ايمن : طلبت من الاستاذ مؤمن اجازه اسبوع قبل رجوع مروان بيه ورفض
نور : ليه رفض
ايمن : عشان مروان بيه رافض اى اجازه خصوصا اليومين دول
نور : طيب يا راجل مروان بيه رافض تقوم تخلينا احنا نوافق
ايمن : هو مش بيرفض ليكو طلب
نور : مين قالك كدا .. مروان بيه فى الشغل ما بيعترفش بأى مجاملات لاى حد إن كان .. كان ريح اخوه او صحابه الا قبل مننا بكتير
ايمن : مراتى مش صابره عليا .. وعايزا اجازه باى طريقه والا ها تسيب البيت وتمشى اعمل ايه
نور : ازاى مراتك بتفكر كدا انت فى شغلك مش بتلعب وهانت خلاص وبعد تسليم الطلبيه الا عايز ياخد اجازه ها ياخد انت عارف اننا فعلا مضغوطين جدا
ايمن : ماهو البشوات كلها فى اجازه واجازه طويله اشمعنا احنا
نور : بذمتك فاكر اخر اجازه خدوها امتى
ايمن سكت ما ردش
نور : هااا بتفكر من امتى .. سنتين وهما ما خدوش غير الاجازات الرسميه واحنا واخدين راحتنا وبناخد حقنا تالت ومتلت .. يبقى نحمد ربنا يا ايمن وما نتبطرش على النعمه وقول لمراتك تعيش هى احسن من غيرها ويبقى عندها صبر كل حاحه لها وقتها
ايمن هز راسه : حاضر يا استاذه نور
نور ابتسمت : ما تزعلش منى بس بجد مش ها اقدر اساعدك فى حاجه زى كدا فى اى حاجه تانيه انا تحت امرك
ايمن : تسلمى يا ست الكل وراحت نور لمكتبها وسابت ايمن الا قاعد بيفكر ها يعمل ايه مع مراته او يقول لها ايه
****************
كريم : طيب بعد اذنكم سهوووه
شريف : واحد سهوه وراح ما رجعش . وانت كمان سهوووه .. وبيبص لاحمد وانت مش عايز هفوه
احمد : ياريت اعرف اروح هفوه كدا والا كدا
مروان : ما تروح تاخد عروستك وتخرج . هو انت ايه الا رجعك من برا
كلهم : فقرى
احمد : اه وربنا ماكنا فى شهر العسل ايه الا رجعنى
سامر : شكلك زى السمك
احمد : للاسف يابنى والبنت دى ظلمتها بجد
كريم طيب اسيبكم انا بقى وانسحب وطلع برا طلع الفون وبيتصل على سما ... ماردتش .. اتصل تانى وتالت .. لحد ما ردت
سما بغيظ : انت عايز ايه يابنى انت
كريم : دا بدال ما تقوليلى وحشتنى نفسى اطير واجيلك الحياه وحشه من غيرك
سما بنرفزه : انت مجنون .. انا اعرفك اصلا
كريم : يوووواه يا سوزنا يووواه قولتلك ارفعى النضاره لفوووق بتبقى خانفه يا ماما ومش لايق عليكى
سما بتحول بعيونها تبص على النضاره ورافعتها : انت مالك انت
كريم : كدا انتى مطيعه وانا بحب البنات المطيعه
سما بعفويه : اه ما انت مأضيها وعايش فى دور الظابط بتاع البنات
كريم ابتسم : وربنا اول مره نفسى تفتح واكلم بنت واحبها وحاسس انها خطفت قلبى هو انتى وبيوطى صوته يا شقيه ما تقلقيش مليش فى جو الهرى انا ها اتجوز على طول
سما بإحراج وصوتها بيحشرج : انت عايز ايه انا مش بتاعت الكلام دا
كريم : بيضحك وبيكمل انا طول عمرى جااامده .. بقولك بحبك وما بكلمش بنات وواد كدا حتة سكر بيسمع الكلام ومطيييع من ايدك دى لايدك دى
سما ابتسمت وساكته بتسمعه : خلاص فى ايه ممكن ما تتصلش تااانى
كريم : طيب انا لازم أقفل وها اكلمك تانى واسمع صوت الكروان الا بيخطف قلبى ها تووووحشينى باااى يا حب وقفل وهو مبسوط لانه حاسس انها نوعا ما مستجيبه معاه بس بتبين عكس كدا وقرر يجيب التقرير عنها وعن عيلتها ويتقدم على طول
*************
طارق : خلاص بقى يا جومانا ها نقضى القاعده كلها لوم وعتاب
جومانا : ماهو ساعتك لما تبقى عايز حاجه اه بلسم غير كدا تلبسنا فى الحيطه
طارق : براحتك انا مش ها اتاقل عليكى اكتر من كدا
جومانا : توء بقى انت عارف ان زعلك غالى عليا ما تستغلش الموضوع لصالحك والا عشان انا ساكته
طارق : انا مش بستغل وعارف كل حاجه وانتى عارفه انه غصب عنى ووضع اتنيلت ودبست نفسى فيه تقفى جمبى والا تبعينى
جومانا : ماقدرش ابيعك طبعا انت بتقول ايه بطل بقى وقامو وهو راح للشباب كملوو قعدتهم واتصلو على البنات عشان لو قاعدين براحتهم .. يعرفو انهم راجعين الشاليه وقضو بقية اليوم عااادى جدا وطبيعى وكل واحد واخد حبيبه فى حضنه و نام وفى الا بيفكر ازاى ها تبقى حياته مع نصه التانى ياترى ها تبقى سهله وبسيطه والا عقد ومستحيله ... ذهب الليل بظلامه واتى النهار بنور مختلف يضئ حيااتهم من جديد ..
************
أحمد نايم وريم فى حضنه بيفتح عيونه لاقاها صاحيه وباصله وساكته .. مالك يا حبيبى حد زعلك
ريم بأبتسامه : أنت الا مزعلنى
أحمد اتعدل وسند ضهره وعدلها وخدها فى حضنه: ياله سامعك قولى كل الا مزعلك
ريم خدت نفس وبتتنهد براحه : عايزا اعرف مدى علاقتك بمرنا يعنى واصلين لحد فين اصلى حاسه كدا انى عزول موجود وسطكم
أحمد هز راسه وحط ايده على وش ريم وبصوت هامس تفتكرى انا بتاع علاقات .. طيب ليه ماعملتش علاقه معاكى واتجوزتك على طول
ريم : ماتفهمنيش غلط بس انا مخنوقه انا بحبك يا أحمد وما اتخيلتش ان الفتره البسيطه الا بينا دى احبك كدا
أحمد : قلب أحمد ايه الصح وانا افهمه زى ما انتى عايزا شوفتى ايه بانيتى عليه انى على علاقه ببنت عمى
ريم حكت كل الا فى قلبها وهى بتتكلم دموعها نزلت
أحمد : ضمها أكتر .. اوعى فى يوم من الايام تترجمى ان كلامى او خروجى مع ميرنا علاقه ممكن يكون فى حاجه او مشكله خاصه بيها وحبت انا الا احلها او سوء تفاهم بينى وبينها وهى ماحبتش انه يكبر بس علاقه لاء ساعتها انا الا ها ازعل لان ميرنا انسانه نضيفه جدا وكمان مرتبطه يعنى مش مهم تشكى فيا بس هى لاء
ريم : طيب قولى فى ايه وريحنى
أحمد : الا عايزانى اقوله دا حاجه تخصها هى وامانه لو عايزانى اخون الامانه ها احكيلك على كل حاجه بس خليكى واثقه ان لا فى علاقات ولا غيره انا حبيتك انتى وبس .. ومسك ايدها حطها على قلبه دا خلاص ملكك انتى
ريم : لا انا مش عايزاك خاين للامانه بس اوعدنى انك ما تتغيرش معايا ولا تفكر فى غيرى ارجوك طمنى
أحمد بأبتسامه وحب ظاهر فى عيونه اوعدك وضمعا بشوق أكتر وبيسحبها لحضنه أكتر وأكتر وعاااشو لحظات كلها رومانسيه نسيو فيها كل الا ممكن يعكر صفو حياتهم ما حبش يثير غيرتها طول الوقت من ميرنا او يبنى بينهم اسوار كل كلمه او نفس ها تكبر أكتر وأكتر عايزا كل حاجه طبيعيه مفيش حساسيه فى التعامل خصوصا بعد ما ميرنا فاقت لنفسها وبدات تحي الحياه وتعيشها
************
محمود : هى بنتك ها تفضل سايبنا كدا مش ترجع بقى وحشتنى هى وطارق
فاطمه : نسيت انت مرات طارق
محمود : مش ناسى بس طارق بيستهبل والموضوع كله مش داخل دماغى هو مش ها يرحمنا من فصوله الا تودى فى داهيه انا ربيت راجلين ماحستش بيهم زى طارق الله يكون فى عون هدى وشريف
فاطمه : طارق دا عسل مهما يعمل كل الا بيعمله بيدخل قلبى على طول وابتسمت مش عارفه ليه ببقى مبسوطه طول ماهو بيضحك وفاتح دراعه للحياه مش مقفلها وفى نفس الوقت ببقى زعلانه ان هدى بنتى ربنا ما اردش انها تجيب اطفال غيره
محمود : اه منكو يا ستات .. انتو كدا من زمان ماتحبوش غير الا يدوخكو انما الغلبان الا زيى لا ازى يطلع هو عينه
فاطمه ضحكت بصوت عالى : تصدق لسا واخده بالى ان طارق مش جايبه من برا جده وابوووه الاتنين كانو أجن منه .. سبحان الله كما تدين تدان الا دوقتوه لاهاليكو طارق بيرده ليكو تالت ومتلت وعلى قلبكم زى العسل
محمود بتفكير : وربنا شكلك كدا ها يطلع عندك حق .. خد من ابوه شاقوته وخد منى الجواز الا من ورا العيله بس دا ايه بالصلاه على النبى مبلطج ومحدش قادر عليه
فاطمه : الله اكبر ايه يا محمود ها تحسد الواد الا حيلتنا
محمود : 😂😂 ساعات بحس انى مش محسوب عليكو فى ايه يا فاطمه دا انا جدو بردو
فاطمه : ما يحسد المال إلا أصحابه قوم ياله خلينا نروح لمنى وعز نقضى اليوم معاهم
محمود : لازم الرذل لازم احنا حلوين قاااعدين مع بعضينا والا انتى عايزا تخلصى منى
فاطمه بتشده وتضحك : بالظبط كدا لازم الواحد يرميك لعز ويسيبك
محمود قادم وبيخبط على رجله بايده : أمرى لله شكلى فعلا مليش غيره
فاطمه : بتزقه عرفت الا فيها قدامى
*************
طارق فى الاوضه مع حور وقاعد يتكلم معاها
حور : يعنى انت ها تجيبها انهارده
طارق : ايوا عشان تتاكدى انى مش بضحك عليكى وتصدقينى
حور بعدم تصديق طيب البس عشان تنزل ونفطر كلنا
طارق بيبص لها بطرف عينه ايه مش مصدقه وبتقفلى على الكلام
حور : لا ابدا .. مش انت قولت ها تجيب حبيبتك عشان اشوفها خلاص انت حر بس صدقنى لو فاض بيا خلاص ها استسلم وانت حر برضو
طارق : ها تستسلمى لايه انا وعدتك بحاجه .. قولتلك إنى ممكن اكمل معاكى فى يوم .. فهمينى
حور : اتفجرت فى وشه ما قولتش بس كل حاجه فيك بتقول انت بتكابر مش أكتر .. انسان عايش طول حياته بيعمل الا هو عايزه حتى لو غصب .. ما بتفكرش فى مشاعر الا حواليك او ايه ممكن يوجعهم . انت بتوجعنا وبتتعبنا كلنا .. خليك مره واحده بس عندك استعداد تتنازل عن كبريائك وغرورك
طارق بصدمه وزعل : رفع ايده وشدها عليه وعيونهم بتواجه بعض لاول مره فى عتاب واضح وصريح .. انتى شيفانى كدا . انا فى نظرك انسان مغرور ومتكبر ومش براعى شعور الناس الا حواليا .. طيب بجملة الا واخداه او فاكراه عنى وبيتكى على دراعها والكلمه قووووى .. حبيبتى جايه انهارده وها اعرفها على اهلى عشان نتجوز لان مش فى طبعى الغدر وانا لا وعدتك ولا غدرت بيكى ودورك قرب ينتهى فى حياتى والمسلسل خلاص بح ها يخلص وسابها وشد الفوطه بعصبيته المعتاده ودخل الحمام قفل الباب على نفسه بياخد نفسه مش قادر مخنوق الدنيا بتدوس عليه بقوتها ومحدش فاهم حاجه وخنقته بتزيد رفع راسه لفوووق وكانه بيشكى وجعه لربنا بس وجوده فى الحمام مانعه يتكلم او حتى يتألم .. وحور مابين نارين .. نار تكمل زى ما بيقولو لها وكريم طول الوقت بيقول لها ما تسيبهوش هو بيحبك بس بيكابر .. ومابين خلاص فاض بيها مش ها تتحمل الاهانه او جرح تانى . معقول فى واحده تانيه فى حياته معقول كل الا عايشاه وهم قامت وهى مش حاسه بنفسها ومش عارفه ها تعمل ايه ياترى ها تقدر تواجه حبيبته والا لاء وايه الا جاااى وممكن تواجهه ازاى ؟
💗💗💗💙💙💙💚💚
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
للمتابعه اترك تعليق
تعليقات
إرسال تعليق