 |
البارت الخمسون من الجزء الثاني
خادمتي ولكن
💗💗💗💗💙💙💙💙💙💚💚💚💚💚
مر الوقت على الجميع وحو قاعده على أعصابها خايفه او ها تموت من الخوف .. معقول النهايه قربت .. ها تسيب طارق الا مش متخيله اليوم من غيره ومن غير منغاشته لها وجنونه .. حبته بجنون لدرجه انها حبت انفصامه تناقضه بيعمل معاها كل حاجه وعكسها .. قاعده ومش مركزه مع حد لقت كريم نازل من فوووق .. راحت عليه
حور : كريم لو سمحت ممكن اتكلم معاك أنت وأحمد
كريم بأبتسامه : طبعا يا مرات أخويا انتى تأمرى وبينادى على أحمد .. وطلعو قعدو برا التلاته .. واستغلت ان طارق فى الاوضه فوووق
أحمد : حور انتى مالك قلقانه وعايشه طول الوقت فى صارع مع نفسك ليه الدنيا أبسط من كدا
حور بنفى : لا مع طارق صعب وانا مش فاهمه انا ايه بالنسبه له .. ومش عندى استعداد او طاقه أكمل فى التنقاض الا هو فيه ساعه يبقى كويس معايا وباقى الوقت لا .. ارجوكم فهمونى هو فعلا بيحب واحده تانيه والا بيمثل عليا عشان ابعد .. ولو مفيش عايز يبعدنى ليه انا عارفه انكو تعرفو عنه كل كبيره وصغيره
أحمد وكريم بصووو لبعض ومش قادرين يفتحو بوئهم بكلمه واحده وفى نفس الوقت حور صعبانه عليهم ولأول مره يبقى الوضع صعب عليهم ومفيش اى خيارات قدامهم ..
كريم : حور انتى
طارق واقف وراهم وظهر نفسه قدام حور وأحمد وكريم ... ايه الا عايزا تعرفيه واعرفيه منى .. الغريبه انى قدامك كتاب مفتوح وما بخبيش حاجه عنك لو سمحتو سبونى معاها
حور بترجى لاحمد وكريم وعيطت : ارجوك جاوبونى انا تعبت وهو مش عايز يرحينى . والله ها أعمل الا ها تقولو عليه
أحمد : حور اهدى
حور بجنون : مش ها أهدى وبصوت عالى جدا .. اشمعنا انا الا بيحصل معايا دا كله .. ايه للدرجه دى انا نحس ومليش حظ مع حد .. للدرجه دى الناس كلها مصممه تفارقنى وبتشاور على طارق وبتضربه فى صدره بغل حتى هو طيب انا ها اسيبه بس أفهم ليه ..قولولى أنتو وبتجرى على كريم عايزا تمسك فيه .. طارق حضنها جااامد وشالها ومش بيها بعيد عن المكان كله ما يعرفش مشى اد ايه بيها .. نزلها وقعد بيها فى مكان معزول عن الكل .. وحضنها بقوته .. وهو بيحضنها وبصوت مكسور .
طارق : سامحينى يا حور .. وجعك بيوجعنى ومش فى ايدى حاجه .. انا ما ضحكتش عليكى وصارحتك من البدايه بكل حاجه .. ما انكرش انى ميال ليكى وفى صراع مع نفسى .. بس انتى عايزنى اخلف وعدى لواحده استحملت منى كتير
حور اتعدلت وبصت فى عيونه : بتحبها
طارق هز راسه بمعنى اه : ايوا رغم انى عارف ان دا ها يدايقك بس حقيقه ما اقدرش انكرها
حور بتمسح دموعه وبصوت ممزوج بالألم : طيب اقولك ايه قولتهالك قبل كدا وها اقولها تانى بتمنالك السعاده حتى لو من غيرى وابتسمت نصيبى كدا ها أعترض خلاص وبترفع ايديها : انا بستسلم
طارق بتردد : متاكده يا حور والا ها تصعبى عليا الامور أكتر من كدا
حور : صحيح انا مش عارف ممكن أعمل ايه لو شفتها قدامى او رد فعلى بس الا أعرفه انى عمرى ما اتمنيت أشوف حد مبسوط زى ما بتمنى أشوفك .. وقامت ياله نروح بقى عشان ما نتاخرش عليهم
طارق قام وبيشدها لحضنه من تانى : اوعدك انى مش ها اتخلى عنك ودايما ها تلاقينى فى ضهرك
حور بعدت عنه وبهزار يوجع اى حد مكانها : لا يا حضرت الظابط كفايه كدا عليا .. على الله تقربلى تانى كفايه عشان على رايك جدتى من خالصه .. ياله ومشيت قدامه راحت على الشاليه على طول
*****************
مر الوقت سريعا .. واتى أخر النهار
نور مريحه جمب مؤمن فى السرير وبتتكلم معاه
مؤمن : وبعدين يا نونه عايزا ايه دلوقتى
نور : يا مؤمن كل ما افتح ارتباط هيدى بأى حد تتعصب هى بنت يا حبيبى ولازم تتجوز ويكون لها بيت واولاد .. ميرنا أصغر منها بسنه واتخطبت انت ايه بقى رافض ليه
مؤمن : سبيها تشم نفسها مسئوليه وهم كبير عايزا ترميه على ضهر بنتك .. تتمتع بشبابها الجواز مش ها يطير
نور : لا ها يطير يا مؤمن انت عايزاها تتجوز كبيره فى السن وتجيب اولاد على ما يكبرو تكون هى عجزت ها تتمتع بيهم أمتى ما تبص علينا كلنا ولادنا ماشاء الله كبرو واحنا لسا شباب زيهم
مؤمن : انتى بتتكلمى على جيل مختلف .. جيل عارف ان فى مسئوليه وزوجه واولاد .. دلوقتى البنات بتنطحن شغل وبيت وزوج الله اعلم عدل والا متنيل على عينه هو قاعد فى البيت وهى مموته نفسها عشان شايله هم مصاريف البيت ولوزمه .. ومرزى على القهوه لا شغله ولا مشغله يا قاعد على النت بيكلم دى ودى وفى الاخر تلاقى لسانه طول كدا وعمال يشتم فى البنات وحلمه يتجوز أجنبيه عشان البومه الا فى البيت وهو غراب ولا بيفهم لان الغربان بتفهم وعندها مبادى واخلاق عنه
نور قعدت على روكابها وبتضحك وبتهتف : مؤمن باشا .. نصير المرأه .. يا يجيب حقها .. يا يقعد بنته جمب امها 😂😂😂
مؤمن : 😂😂 شدها من راسها وقعها جمبه .. ما تتهدى بقى اه ما انتى لاقيتى بختك
نور بأبتسامه : الصراحه اه الحمد لله .. ويارب بنتى يبقى بختها زى بختى .. بس انت وافق الله يسترك وسيبها على الله
مؤمن : لما احس ان الا بيتقدم لها يستاهلها ها اوافق ان شاء الله .. ممكن تقفلى على الموضوع بقى
نور : يالهووووتى .. اطلعلو انت انا مش قايمه
مؤمن بيهز كتفه : ولا انا قايم يكش يجيلو العووو برا خليه واقف على الباب
هانى من برا : يعنى ادخل والا اعمل ايه دلوقتى ردو علينا يا بشر ... يا ماما .. انت يا حج عبرنى
مؤمن من جوا وبصوت واطى : ولا ها أعبرك
نور بنفس الصوت : ولا انا .. انا مالى يجرالى ما يجرالى .. واورح فيها
هانى : يعنى مش عايزين تردو عليا .. طيب انا نازل وها اخد مفاتيح عربيتك أتمشى بيها تحت شويه
مؤمن بينط من مكانه وهو بيقوم وبيعدى من فوووق نور وقع فوقيها على الارض
نور : اه رقبتى راسى .. الهى تتشك
مؤمن بيتعدل وماسك روكبته وقايم بيعرج وبيرفع ايده للسما : يارب ارحمنى يارب انا تعبت من الكائن المتخلف دا وفتح الباب بعصبيه .. خد يالا
هانى : 😂😂😂 ما انتو صاحين اهووو امال ايه بقى
مؤمن : يا ابنى يا حبيبى ارحم الا جابونى . انت عايز تعمل فيا ايه تانى
هانى : يعنى انا غلطان انى نزلت جبت بسبوسه .. وعايزكم تاكلو معايا
مؤمن : جبتها منين دى يالا
هانى : من عند ال.... فى الملف
مؤمن : وايه السرعه دى دا احنا سايبينك من ربع ساعه
هانى : بالعجله يا بابا .. فى ثانيه كنت هنا
نور ماسكه راسها : اه يا اما .. فين الببسوسه عشان أكل وانام
هيدى : ههههههه تعالى يا ماما ناكل انا وانتى دى جميله
نور وهى ماشيه كعبلت هانى وقعته فى الارض وبتبصله : ايه احنا كدا خالصين معلش كل واحد ياخد حقه
مؤمن : تعيش وتاخد غيرها يا مغلبنى قوم الله يسامحك .. ببسوسه .. ها تموتنى انا وامك عشان ببسوسه وسابه ودخل ورا نور وهيدى
هانى : ايه الناس الا لانافع معاها حلووو ولا وحش دى يارب
***************
طارق : انتى اتاخرتى ليه
جومانا : اعمل ايه ياطارق .. غصب عنى وكمان انت مستعجل ليه
طارق : عشان زى ما فهمتك يا جومانا .. انا مش عايز ادبس فى علاقه . وهى شكلها كدا بتحبنى بجنون وها تتعلق بيا اكتر .. مش عايز اخدعها
جومانا : ليه يابنى .. خليك حلو حد يقول للحب لاء وانت عايزنى ادخل أكسر قلب البنيه كدا حرام عليك
طارق : جومانا .. انتى وافقتى .. مفيش رجوع
جومانا : لا مفيش .. ياله الله يسامحنا على الا احنا ها نعمله ... ودخلو جوا
هدى : بتبص لطارق بأستفهام .. مش تعرفنا
طارق : دى جومانا صحبتى
هدى : وشها اتقلب .. وبينها وبين نفسها هو كلامه لحور طلع صح والا ايه .. وبضحكه مصطنعه اهلا .. وسابتهم وطلعت على فوق ..
جومانا : ها تودينى فى داهيه والناس كلها ها تكرهنى
طارق : هشششش .. استنى ها ادخل اشوف حور
هدى : الحقونى .. طارق جايب البنت الا بيحبها تحت
حور : ايه ..وقعدت على السرير .. يعنى بيتكلم بجد
مازن : قومى ولا يهمك .. لو هو شاطر يورينى نفسه بعد الا ها نعمله فيه
شريف : ها نعمل ايه ..مصيبه لو اتجوز الاتنين انا مش ناقص اروح اسلمه للبوليس الواد دا وارتاح منه
مازن : ملهاش حل غير شاديه ورشدى
كلهم تنحووو
روان : ضحكت .. برافووو يا مازن .. ياله كلكم على تحت على ما اجهزها وبتبص لحور دا جوزك انتى ومن حقك اوعى تنفذى الهبل الا فى دماغك وتبعدى انتى اولى بيه .. وانتو ياله ليطلع لنا هنا
مازن : فهمانى يا روروتى ..
مروان : شده من رقبته .. قدامى وملكش دعوه برورتك .. عندك روكا تسد عين الشمس
مازن : هههههه ما بحبش الشمش سبنى يا مروان عايز اتفرج
مروان : بقولك قدامى
ونزلو كلهم مع بعض .. وسلمو على جومانا ..
سمسمه : انتى حبيبه طارق
جومانا : انتى عسوله خالص
سمسمه : بتزق ايديها .. وانتى بتخطفى طارق منى . هو عايز يتجوزنى انا .. انتى مالك
طارق : سمسم .. تعالى ياقمر
سمسمه : وسع كدا انا زعلانه منك .. هى دى اصلا حلوه انا احلى منها
طارق : بيوطى عليها .. مين قالك الكلام دا
سمسمه : انا سمعتهم فوق .. وهما بيقولو دى حبيبتك
مروان : سمسمه تعالى هنا
سمسمه : بزعل نعم يا بابى ..
مروان : خدها وطلع على برا .. مش عيب نسمع الكلام ونقول عليه مش اتفقنا مش ها نعمل كدا تانى
سمسمه بعصبيه : هى بتخطف طارق منى يابابا
مروان : ياحبيبه بابى .. طارق دا اخوكى الكبير .. عيب نقول كدا
سمسمه : يوووواه يا بابى .. وراحت على أحمد الا شالها .. يرضيك كدا ياحمودى .. يخطفو طارق منى
أحمد : هههههه مين الا خطفه
سمسمه : القرده الا قاعده جوا . عايزا تخطف طارق . انا بحبه من قبلها
مروان : واقف مبتسم .. لان بنته واخده من روان وغيرتها كتير .. وبتحب كل الا حواليها
أحمد : انتى على طول بتحبى كدا .. مره عمو مازن . وطقطق وكريم .. وبابا .. وعمو شريف .. مش عاتقه
سمسمه : وبحبك انت كمان .. انا بحبكو كلكو .. ومحدش ها ياخدكو منى
أحمد : حضنها وباسها .. محدش يقدر ياخدنا منك يا سمسم .. دانتى الاصل والباقى تقليد
سمسمه : حضنته .. انا بحبك قوى ياحمودى .. بس وانت مش بتزعل
احمد : يعنى لما ازعل سعتك مش ها تعبرينى يعنى
سمسمه : لا بحبك بردو بس وانت رخم لا
احمد : ههههههه دايما تنيليها كدا كملى جميلك للاخر
سمسمه : هو انت ها تحب واحده زى طارق على طنط ريم وعليا
احمد : لا دا انتى مصممه تلبسينى فى الحيطه .. انا اخرى ريم والحمد لله اخلص معاها بس
سمسمه : خلاص سبنى بقى عشان اقول لطنط انك ها تخلص منها
احمد : ههههههههههه لا دا نتى تطلعى برا وتطلعنى من دماغك
سمسمه : بتمد شافيفها .. هات بوسه
أحمد : باسها بحب اخوى حقيقى .. ياله روحى العبى .. وملكيش دعوه بالكبار .. ايه ياباشا ها تفضل واقف كدا
مروان : مستنى أمك بالخطط بتاعتها هى ومازن ... وبعدين روان نزلت وماسكه ايد حور .. الا بطنها قدامها كأنها فى الشهر التاسع ..
أحمد : ضحك جاااامد .. وبعدين سكت .. وبيبص لمروان .. ايه دا
مروان : هههههههه ... وسع كدا .. وبيفتح الطريق .. اتفضلو انتو مش ها تجبوها البر انتو وابو كرش اخويا ..
حور : داخله وحاطه ايد ورا ضهرها .. وماشيه ماشية الحوامل .. قربت على طارق .. وباسته من خده وهى بتنهج .. حمدالله على السلامه ياحبيبى كنت خايفه اولد وانت مش هنا .
طارق : متنح .. وبيبص عليهم كلهم بنص عين .. وبصوت عالى .. ايه دا انتى عندك انتفاخ .
حور : بتضحك ضحكه مصطنعه .. ياحبيبى على طول تهزر كدا .. مش تعرفنى ياحبيبى ..
أحمد بيكلم كريم : 😂😂😂 تيجى تصيده يصيدك
كريم : طارق عامل زى الكتكوت الا فى القفص
سامر : هو ايه الحاجات الغريبه الا بشوفها عندكم دى يا جدعان .. دى بقت حامل وها تولد مسافة السلم .. طارق دا جبار وربنا
جومانا : بتقوم .. اقعدى ياحبيبتى . انا زميلة طارق
حور : بهزار فى المدرسه
جومانا : لا فى الشغل .. انا فى الاداره
حور : اه .. وانتى بقى مرتبطه
جومانا : بصت لطارق .. الا واقف شايط .. ايوا مرتبطه وخلاص ها اتجوز .. وطبعا ها تحضرى فرحى انتى والبيبى
حور : ان شاء الله ياحبيبى .. دا طارق مستنى البيبى على نار .. كل شويه .. امتى يجى ياحور . نفسى اشيل حته منك ياحور 😂😂
جومانا : قامت ربنا يخليكو لبعض .. هو بيحبك فعلا وعمره ما ها يتخلى عنك.. بعد اذنكم .. ومشيت وطارق لسا ها يطلع وراها .. رفضت وقالتله خليك جمب مراتك
حور : بتتسحب ووراها هدى وروان وروكا . ومازن بيراقب الطريق هو وشريف .. لقو طارق داخل هجم عليهم .. وكل واحد جرى فى ناحيه .. وحور طايره على السلم .. وبعلو صوته . انا عايز حته منك يا اوزعه .. حامل فى دمل
حور : وهى بتجرى مخدتين صغيرين وقعو منها على السلم .. وطارق شالهم .. هما دول ولادى وبيحدفها بالمخدات وحور مسكتهم ولادى يا حبايبى ودخلت قفلت الباب عليها
طارق : بيخبط جااامد على الباب افتحى ياحور
حور : برعب من ورا الباب . مش فاتحه ... العيال عايزا تنام
طارق : بعصبيه .. بقولك افتحى .. دا انا ها انيمك للابد انتى وهما ملكيش كلمه ابدا
حور : مش جيالى نوم دلوقت .. وبعياط مصطنع . هو النوم بالعافيه يا طقطق
طارق : بيجز على سنانه ..وبيخبط بعنف .. بقولك افتحى ..
حور : فتحت الباب وجريت لاخر الاوضه .. اوعى تتهور .. انا وولادك امانه فى رقبتك
طارق : قفل الباب .. انا وولادى .. هما فى فين ولادى ياحور
حور : مسكت الخداتيتن .. اهم وبتحدفهم عليه وبتحاول تخرج
***
هدى : انت ها تسيبه يا شريف .. ممكن يقتلها
شريف : يعنى اموت انا .. ابنك شرانى . والمثل بيقول ابعد عن طارق وغنيله
مازن : لا حول ولا قوة إلا بالله .. انا مش سامع صوتها .. لحق خلص عليها
مروان : البركه فيكو .. اطلع يا شريف نزل ابنك
شريف : انا لا هو صاحب الخطه وهو يطلع ينزلها
روان : انتو ها تتعازمو على بعض . انا ها اطلع انا
هدى بخوف .. وانا كمان بس ها افضل ورا
ريم : ماما .. هو ممكن يعمل لحور حاجه
كريم : محدش يطلع لهم عملتو عملتكو .. ياريت يفضلو لوحدهم .. هما يتفاهمو مع بعض
مازن : انت شايف كدا
كريم : ايوا يمكن الامور تتحل بينهم لوحدهم
****************
طارق : انتى مش هاتبطلى جنان
حور : لاء .. انت جوزى
طارق : انتى صدقتى .. دا على الورق .. فاهمه على الورق وكلامنا الصبح ايه اتبخر
حور : بمزاجك او غصب عنك جوزى .. انا مليش غيرك ومش ها اتنازل عنك لاى حد
طارق : حور افهمى .. انا مش بتاع جواز .. مش انا
حور : خلاص خلينى على ذمتك .. ما طلقنيش انا عايزا ابقى معاك انت
طارق : ليه ياحور .. ماتسمعيش كلامهم . انا مفيش منى رجا ..انتى بتخسرى حياتك وعمرك كله لو فضلتى جمبى .. من الاخر انا لا ليكى ولا لغيرك والطلاق هايتم لان اظاهر كدا قولتليهم واتفقتى عليا . ريحى نفسك وبوجع ظاهر عليه ..كله وهم
حور : دموعها نزلت . طيب ليه كنت بتقرب منى . وحاولت تبوسنى اكتر من مره .. طب لمسة ايدك ونظراتك ليا كل دا وهم .. وقلبى ياطارق الا بيحبك من يوم ماشافك بردو دا وهم . انا مش ها اذل نفسى أكتر من كدا ليك ..عايز تطلقنى طلقنى .. الدنيا مش ها تقف عليك ياطارق زى ما هى ما وقفتش على الا قبلك عايز تقولها دلوقتى قول وبتقرب عليه .. قول لو انت قدها ومش فارق معاك
طارق : اه مش فارق معايا .. ومش هاتكسرنى دموعك .. وانتى
💗💗💙💙💚💚
للمتابعه اترك تعليق
البارت الواحد والخمسون من الجزء الثاني
خادمتي ولكن
💗💗💗💙💙💙💙💚💚💚💚💚💚💚
طارق : اه مش فارق معايا .. ومش هاتكسرنى دموعك .. وانتى طالق ياحور .. وسابها ونزل على تحت
حور : حطت ايديها على قلبها بعد ما حست بوجع فيه لا يطاق الكلمه نزلت زى السكينه على قلبها قبل ما تسمعها بودانها .. ودموعها بتنزل ورا بعض بألم وقهر .. شايفه الدنيا وحشه وقاسيه وكل حاجه بتظلمها دايما الدنيا بتسرق فرحتها .. قامت لمت هدومها ونازله على تحت
هدى : فى ايه ياحور .. عملك ايه .. ضربك
حور : اترمت فى حضنها .. محتاجه لحد يحتويها ويضمها .. وبتعيط بمراره .. طارق طلقنى ياماما سابنى خلاص
كلهم اتنفضو من مكانهم
مازن : هو راح فين لسا فوق
حور : بتهز راسها بمعنى لا
مروان : شوفه فين يا أحمد انت وكريم وهاتوه
شريف : وانتى واخده شنتطك وراحه فين . ايه قرار الجواز من دماغكو .. والطلاق . وتسيبو البيت كله من دماغكو . ملكوش كبير
روان : شريف مش وقته هى فى ايه والا ايه
شريف : هى شجعته على الغلط لما وافقت تتجوزه منها لنفسها والله لو كانت جتلى لكنت انا بقيت كبيرها ووقفت له .. وادم بتحبه والا حصل حصل ماتهربيش وتسيبه لأوهامه الغبيه . انتى عارفه عشان اتجوز هدى الا قدامك دى انا عملت ايه .. كتير اتبهدلت .. بس بعد كدا قيمتها زادات اكتر عندى وانا قيمتى زادات عندها عشان شاريها
حور : انت ياعمو الا جريت وراها وتعبت عشان تتجوزها .. وبتشاور على نفسها .. انا لاء .. هو مش عايزنى .. والا قبله لما رفضت حقارته .. طلقنى .. انا عباره عن كوبرى للجميع بيعدو للبر الا يريحهم هما ما تزعلوش نفسكو .. عشان انا كمان خلاص مش ها ازعل تانى .. ولا ها أفكر تانى فى الا بيوجعنى بعد اذنكم .. وحاولو يوقفوها .. ماقدروش عليها
حور : راكبه الباص .. وعيونها على الطريق بشرود .. بتفكر فى كل كلامها مع طارق .. افعاله معاها . منغشته و فى لحظه تبتسم وسط عياطها بصمت قاتل بينهش فى عمرها الا بيتسرق منها .. عدى وقت كبير وهى مش حاسه
احد الركاب : انسه .. يا انسه .. خلاص الباص وصل
حور : بتبص له بتوهان .. وقامت خدت الشنط .. ونزلت ركبت تاكسى وراحت على شقتها بعد ما خدت المفتاح من جارتها .. يااااه اد ايه واحشاااها .. بتبص لكل حاجه فيها بشوق .. حاسه ان حيطان الشقه بتحضنها وبتقول لها وحشتينى فيها عمرها وحياتها مع امها الا فى لحظه انتهت دخلت اوضة مامتها نامت مكانها وبتضم رجلها على صدرها قووى وماسكه المخده بتدارى وشها فيها وبتعيط بحرقه على كل الوجع الا هى حاسه بيه .. خلاص فاقت من حلمها الجميل الا كان نفسها تكمله ..
********
طارق : قاعد فى العربيه بعد ما طلع بيها ومشى مسافه كبيره هو مش حاسبها .. دخل فى مكان صحرا .. دموعه لاول مره تنزل عامله زى الحجر بتألمه .. قلبه بينبض بس المره دى نبضه لمين .. لقراره الغبى والا لها هى مراته الامش مراته .. وحبيبته الا مش حبيبته .. هى كل حاجه جوووواه وعكسها .. بيفكر ياترى ها يحط عينه فى عنيها تانى ازاى .. طيب ها يقدر يواجه شريف وهدى الا حطم احلامها
عشان تشوفه جمب مراته ..طب عمو مازن وعمو مروان .. وجده محمود يعرف هو وجدته فاطمه .. الدنيا اتكركبت قدام عيوانه .. وبتديق بقت اقل من خرم الابره ..
**********
احمد : مش لاقيه
كريم : قلبنا عليه الساحل
هدى : بتعيط وبس .. على حال حور وطارق وقلقاها عليه زى اى أم
روان : بتمسد على ضهرها .. اهدى ياهدى . هايرجع ان شاء الله
مروان : بعصبيه .. انتو كلكو قرارتكو غلط .. انتو فاكرين لعب العيال الا كنتو بتعملوه زمان ها ينفع مع دول وبيشاور على كريم واحمد .. لا هما زينا ولا علقهم وحياتهم شباهنا هما مش جيلنا الا لو عمل حاجه له كبير وله حد يوقفه تفكيرنا غير تفكيرهم الحريه عندهم بقت اكبر فى كل حاجه اتعاملو معاهم بطريقتهم هما مش بطريقتكم انتو اغرسو فيهم القيم وما تفرضوش عليهم الا انتو عايزينه دا الا ياما قولته ليكو زمان لما كان دا ينفع.. بس الواحد بيكلم مين.. ارتحتو لما البنت اطلقت والباشا ساب الدنيا تتطربق وهرب .. وسابهم وطلع على برا مخنوق جدا على حور وعلى طارق الا تصرفاته غريبه هو شاف انه بيحبها ولايمكن احساسه يخيب
أحمد : بيبص على ريم لقائها منهاره .. خدها فى حضنه وطلع اوضته .. انا اسف ان شهر عسلك يبقى كدا
ريم : مش مهم يا أحمد .. بس اعمل اى حاجه ورجع طارق لعقله .. حرام البنت تتعذب كدا
أحمد : طارق مخه صعب ياريم .. ولما بياخد قرار .. مش من السهل ترجعيه عن قراره الا لما هو يكون عايز كدا
ريم : وحور خلاص كدا .. انا حبيتها قوى وبقت أخت ليا
أحمد : ربنا معاها ياريم .. واحنا مش ها نسيبها ما تقلقيش محدش فينا ها يتخلى عنها هى خلاص دخلت عيلتنا والا بيدخل فيها عمره مايخرج مهما حصل
ريم : بتحضن أحمد جااامد بحبك .. انت قلبك طيب
أحمد : قوووى .. بس ماتخديش على كدا ..عشان انا لوقلبت
ريم : ضحكت وسط دموعها .. هاتقفل باب الاوضه .. وها انام قدام الباب
أحمد : ايوووا كدا .. انتى كدا عرفتى الا فيها .. ياله عايزك جااامده كدا واقفى جمبهم تحت . وانا ها انزل ادور عليه تانى يمكن الاقيه
ريم : بتمسح دموعها .. حاضر
أحمد : مسك ايدها باسها .. وقرب على مقدمة راسها باسها بوسه طويله .. وقومها ونزلو
شريف : انا جاى معاكو
أحمد : عمى ارجوك سيبنا احنا نتعامل معاه .. انت عارفه لما بيعند او بيكون مدايق
شريف : يعنى ايه ها افضل طول حياتى اتعامل معاه بحذر
مروان : انت الا غلطان .. جاى تفكر بعد ما كبر وبقى راجل ومسئول ها تتعامل معاه ازاى .. اتفضلو ماترجعوش غير وهو معاكو .. كريم
كريم : نعم ياعمى
مروان : اتصل على حور اطمن عليها .. وابعت حد من طرفنا يشوف هى فين واعمل كل الا ممكن تحتاجه .. وانتو جهزو نفسكو عشان اول ما يوصلو بطارق نرجع ملوش لزوم نفضل هنا والمسكينه دى لوحدها هناك .. وبيبص لاحمد عايز تفضل هنا انت وعروستك خليك
ريم : لاء ياعمو انا معاكو مش ها افضل هنا بعد اذنك يا أحمد
أحمد : قرب عليها حضنها وباسها .. براحتك ياحبيبتى
مرنا : بتبص لاحمد وابتسمت .. وسامر خد باله ومراقب تصرفاتها بدون ما تشعر ودا نوعا ما طمنه .. انسحبت بهدوء وبعدت عنهم .. اتصلت على طارق .. وانتظرت انه يرد عليها ... بس لارد
احمد وكريم بيلفو على طارق وطلعو على الصحرواى اخر أمل ليهم .. وشافو عربيته .. ودخلو له فى المكان الا هو فيه
كريم : قعد جمبه بهدوء هو واحمد... ودا يزقه من ناحيه ودا يزقه من ناحيه
طارق : يوووواه ..ايه الا جابكم ورايا
أحمد : عارفين انك ممكن تفرقع لو فضلت لوحدك قولنا نيجى نلحقك
كريم : بيشد شفايف طارق .. بوزك مترين ياجدع وعايزنا نسيبك .. مفيش دم
طارق : سند براسه على أحمد .. وبيتكلم بخنقه ..انا عايز افضل لوحدى
أحمد : وبعدين ياطارق ها تفضل حارم نفسك وخايف لحد أمتى . قول لها وهى تختار
طارق : انت عايزنى اذل نفسى ..ابقى صغير فى عنيها واكسر قلب أمى وابويا .. دا ممكن يموتو بحصرتهم عليا
كريم : ايه الا يصغرك هو دا بأيدك .. قولى مين فينا كامل .. عيش حياتك وسيبها على الله دا ابتلاء من ربنا
طارق : بعصبيه وبعد ما أعيش .. أقضى حياتى زن زن ..زن .. مره من ابويا وامى وجدى وجدتى .. وهى نفسها هاتزهق منى ها تتخنق وها تقول انا ليه عملت فى نفسى كدا .. كدا احسن لها وليا انا كمان وليهم كلهم
كريم : بيشده عليه جااامد .. وبيخنقه بايده بهزار يعنى ماضحكتش على حور انا عارفك ديب كبير
طارق : ابتسم بحزن .. لا والله
أحمد بذهول : خالص وبيزقه قول كلام غير دا
طارق : بيلف ايده .. يعنى كنت بستهبل
كريم : بقى دا اسمه كلام .. يعنى لما انت تستهبل هى تعمل ايه ياقاسى
طارق : بيضحك . . تستهبل هى كمان ياجدع
أحمد : انت ملكش غير واحد غتت زيك هو الا بيعرف يحرق دمك .. وبيتصل على منير من رقم جديد معاه
طارق : بلاش .. مش ناقصه
احمد : اول ما منير رد فتح الاسبيكر لطارق وبيضحك بصمت وبيغمز له
طارق : بصوت بيرفع صوته ..مونمن ياحياتى
منير : مين معايا
طارق : لحقت .. نسيتنى يا وحش
منير : معلش اصلى مش مركز . مين معايا
طارق : انا حبيبتك يافاشل
منير : بعصبيه .. هو انت
طارق : تعبان قرصك يامونمون
منير : ماتقوليش يامونمون ولم نفسك ..انت فين يابنى ادم
طارق : هههههه وحشتك يا دكتور والا ايه
منير : ياخى لو شفتك دلوقتى ها امسك فى رقبتك اطلع روحك يابارد
طارق : اهون عليك يا كلبه انتى واحمد وكريم سايحين على نفسهم من الضحك
منير : قول لجوز الخيل الا جمبك ليكو واحشه
طارق : بيتكلم بجديه .. عامل ايه
منير : لسا عامل عمليه حالا وخارج منها ياحقود
طارق : اكيد فشلت وطردوك من العمليات وقالولك مش عايزين نشوف وشك تانى
منير : مالك يالا .. صوتك متغير ليه كدا
طارق : طلقت حور يامنير دلوقتى وزمانها بتقول عليا ندل واتخليت عنها تانى
منير : انت اتجوزتها امتى وطلقتها امتى وبقلق انت فين ياطارق
طارق : لسا عايش ماتقلقش عليا
منير : انا قولتلك كام مره عيد التحليل ..مش عايز تسمع كلامى
طارق : مش ها تفرق كتير .. اجرى واعمل تحاليل ليه ما انتو قولتلو مفيش علاج
منير : اسمع كلامى انت خدت راى دكتور واحد وماسمعتش لحد ..حتى التحاليل وكل حاجه خدتها ما ادتنيش فرصه اعرضها على مختصين غيره
طارق : بخنقه خلاص يامنير خد احمد
احمد : ايوا ياحبيبى
منير : هاته وتعالى يا احمد .. دا واحد مجنون ومابيتفاهمش ولا بيسمع غير نفسه
احمد : ها يروق شويه وها اجيبه عشان احنا كلنا فى الساحل
منير انتبه : انت ايه الا جابك من شهر العسل
احمد : نصيبى عشان اشوف اشكالكم وتدايقونى .. مابقتش عريس
منير : انت ها تغلب .. بكرا نلاقيك سارح فى اى حته وتعيش فيها زى مروان وروان
احمد : الله اكبر .. الله اكبر انت راشق بالصلاة على النبى فى حياتنا وعاملى فيها دكتور
منير : انا راشق فى اى حاجه انتو فيها .. ياله ما تتأخروش عليا واقنع الباشا يعيد التحليل إلا عامله من سنتين والدنيا وقفت عنده على كدا
***************
سوزى : انتى مالك مش على بعضك كدا ليه
سما: ما اتصلش عليا خالص انهارده وبتصل عليه ما بيردش
سوزى : انتى غلطانه انك خدتى رقمه اصلا
سما : سوزى ياتقولى حاجه كويسه ياتسكتى
سوزى : هو انا قولت حاجه دا المفروض الا تسمعيه يعنى ايه واحد يقولك هاتى نمرتك تديلو نمرتك
سما : انا لا اديته ولا نيله .. هو الا خد التليفون من ايدى ونا بعلب فيه ورن على نفسه
سوزى : كنتى اضربيه وخدى تليفونك .. وكمان لحقتى اتعلقتى بيه
سما : ماسكه راسها بفكر فيه كتير قوووى .. مش قادره اشيله من تفكيرى وهو محاوطنى مش قادره اهرب منه ومش عايزا وبتطلع اختها برا الاوضه .. وقاعده اتصال ورا اتصال .. جت لها رساله منه .. فتحتها بالهفه .. انا مش ها اقدر اكلمك دلوقتى .. هديت شويه وقاعده بتفكر ممكن كريم يكون فعلا اتعلق بيها زى ما اتعلقت بيه والا لاء .. وبتفتكر لما قابلها وهى ماشيه وقاعده سرحانه وهيمانه فيه
*****************
مر أكثر من اسبوعين وهدوء تام من كل الاطراف .. ومتجنبين الكلام مع طارق لانهم حسو فعلا انه محتاج هدنه مع نفسه وخايفين الكلام يجيب نتيجه عكسيه معاه وتقريبا كدا كلهم بيطمنو على حور وبيروحو لها برغم من انشغالهم مع ميرنا وفرحها الا ها يبقى اليوم وساعات وتدخل عيش الزوجيه ... وكريم وفى بوعده مع سوزنا وراح خطبها رسمى هو وعيلته وعيلتها رحبو بيه جدا وكتبو الكتاب بعد الخطوبه بيومين على اساس يحددو الفرح على طول
**************
نور : هيدى ياحبيبتى خليكى مع ميرنا
هيدى : حاضر ياماما
روان حضنت هيدى وباستها ..عقوبالك ياقلبى .. ومسكت هانى من وشه .. وانت كمان ياهنون
هانى : بيضحك يارب ياطنط يارب
نور : انا مش عارفه مين الا ها تستحملك ربنا يكون فى عونها
هانى : هى واحده بس الا هاتستحملنى وتفهمنى
روان : ودى مين ياشقى
هانى : سمسمه بنتك ياطنط
روان بصت لنور والاتنين اتفجرو فى الضحك .
نور : عينى عينك كدا طنط مش ها تدخلك هنا تانى
روان : حضنت نور بإيدها ....ليه يا نونه هو يكبر ويبقى الدكتور هانى وانا اقنع سمسمه على طول .. تكون هى كبرت شويه
هانى : شفتى الكلام الا يفتح النفس
نور : وانا بسد نفسك طب ياله هواينا شوف الرجاله بتعمل ايه واعمل زيهم ..
وهانى خرج برا يشوف ابوه فين
مؤمن : بيستخبى ورا مازن وماندو
مازن : مالك يابنى شفت عفريت
هانى : عمو مازن شفت بابا .
ماندو : بعد عن مازن ومسك مؤمن .. اهووو ابوك
مؤمن : بيضحك برخامه لماندو .. ايه يالا الذكاء دا يلا .. جايبه منين
مازن : 😂😂😂 دا أقل حاجه عنده
ماندو : ايوا انا اصلا جبار
مؤمن : اداله بالكوع فى بطنه .. انت تسكت خالص .. وبيبص لهانى وبيخبط ايد على ايد نعم .. افندم
هانى : هو انا مدايانك بفلوس وكل ماتشوف وشى تتلبش
مؤمن : بيكلم مازن الا بيضحك بصوت عالى .. طيب ثانيه وراجعالك .. ومسك هانى حاوط راقبته بإيده وبيشده عليه وماشى .. هو انا ياحبيبى عملت فيك حاجه
هانى : لاء
مؤمن : شوفت منى حاجه وحشه
هانى : لاء
مؤمن : امال انت بتعمل فيا كدا ليه نفسى اتهنى على ساعه واحده من غير مناهده ووجع قلب
هانى : زعل طيب انا ها أمشى اشوف حد اقعد معاه
مؤمن : قرب منه وحضنه .. ماتزعلش بس ما ترخمش عليا
هانى : ابتسم من طيبة ابوه .. حاضر انت اصلا احلى اب فى الدنيا
مؤمن : برغم انى مش مرتحالك بس انت احلى ابن فى الدنيا بردو
****************
سما اول ما وصلت هى وعيلتها .. كريم خطفها لمكان هادى بعيد عن الدوشه ..
كريم : وحشتينى
سما بخجل : وانت كمان وحشتنى .. انت على طول تفاجئنى كدا
كريم : انا نفسى افاجئك واقولك فرحنا بكرا
سما : ضحكت بصوت عالى وكريم حط ايده على بوئها بسرعه .. وهو مبتسم وهى حطت ايدها على ايده تنزلها .. لقته بيقرب منها ومحاوطها بعيونه وبايد
كريم : قولتلك كام مره صوت ضحتك محدش يسمعها غيرى
سما : بتوتر .. ماهو مفيش حد غيرك
كريم : مش ملاحظه ان صوت ضحتك عالى والا انتى عايزنى اعمل فيكى ايه .. وبيهزر وانا بتكلك .. اتلكك دلوقتى
سما : بتوتر اكتر .. ابعد شويه خلينى اروح لبابا وماما
كريم : انسى .. انا خاطفك انهارده يعنى انتى مقبوض عليكى
سما : كيمو .. بطل هزارك دا بقى ووسعلى كدا
كريم : انا روحت اتقدمت وكتبت الكتاب فى يومين .. وبقالى اسبوعين مش عارف اخطف لحظات معاكى وبيقرب على شافيفها واتمتع بيكى .. وبهمس ومعاكى .. اتجنن انا دلوقتى
سما : بتزق صدره بإيدها .. وايديها بتترعش مش قادره تتمالك نفسها ..
كريم : مسك ايدها الاتنين ورا ضهرها .. وبقت حبيسه حضنه وشوقه لها .. بيغمض عيونه وبيستمتع باللحظه الا انفاسهم اختلطت ببعض .. وسافرو الاتنين فى دنيا تانيه لها مذاقها الخاص ..
طارق : بيدور على كريم مش لاقيه .. ومش عارف يقعد مع احمد الا مشغول مع ريم جدا .. وبيلف فى الجنينه من ورا .. واتفاجى بكريم وسما مع بعض .. انسحب بهدوء عشان ما يحرجش سما .. وخرج برا المكان كله زى عادته ركب عربيته تحت نظرات شريف وهدى الا مقهورين على حاله وفاطمه ومحمود الا غلبو معاه .. بقى وضعه صعب حتى الكلام مابقاش بيتكلم وعلى طول لوحده .. بيتعذبو على عذابه هو وحور الا تقريبا كدا روحها اتعلقت بروحه .. وزهدت كل حاجه حتى الضحكه وعلى طول لابسه عبايات مامتها السودا .. بقو محتارين ومش لاقين حل ليهم الاتنين .. ومش فاهمين ايه سبب رفض طارق وكرامة حور الا مناعها تنزل من نفسها تانى عشانه حتى لو هاتموت
طارق : لقى نفسه واقف بالعربيه قدام بيت حور .. وباصص على الدور الا هى ساكنه فيه .. نفسه يشوفها او حتى تطلع ويلمح برائتها وجمالها الخاص .. بنت عاديه جدا اتحولت لملكة جمال بخفة دمها وروحها الحلوه وتمسكها انه ما يقربش حتى لو تمثيل الا لما تكون مراته وعلى ذمته .. وجسمها الا محافظه عليه وشعرها الطويل الا بيزيد انوثتها ... نزل ومشاعره هى الا بتقود المره دى .. طلع فوق عندها .. فتح الباب بطريقته وداخل بهدوء وقفل الباب براحه قرر انه يشوفها ويمشى وبيدور عليها فى الشقه سمع صوت عياطها فى اوضة النوم .. قرب بحذر ويا دوب شايفها من ضى نور الشباك الا منور الاوضه زى الشموع .. نايمه ولابسه اسود .. وبتعيط وعماله تبرطم قرب من غير وعى ازاى يشوفها كدا ويسيبها بقى اضعف مما تتخيلو .. مجرد ما بيفتكرها او بيمسع اسمها قلبه بيثور عليه وروحه بتنهار فى بعدها .. قعد قدامها على السرير وهى اتفزعت واتعدلت بسرعه
طارق : حور اهدى انا طارق .. وقام فتح النور
حور : بتنهج جااامد .. كأنها كانت فى سباق وقلبها من الخضه كان ها يقف .. انت دخلت ازاى
طارق : اول مابص فى وشها ضحك بأعلى صوت وبيمسح شافيفها بايده .. ايه دا يا حور
حور : بإنكار وبتحول بعنيها عشان تشوف بقها .. ايه فى حاجه
طارق : استنى كدا وبيمد ايده تحت المخده وطلع من تحتها كمية ورق شيكولاته كتيرر .. وماسكهم ايه دا ياحور .. انتى زعلانه وبتاكلى انتى منهم
حور : بترفع ايديها الاتنين .. انا معرفش عنهم حاجه
طارق : بتريقه تختنى يا اوزعه من كتر الهم ياعينى عليكى .. بتاكلى شيكولاته وانتى بتعيطى ياحور
حور : لا يا طقطق .. دا مش أكل
طارق : ايه مسح زور .. اه ما انتى مقاضيها نوم وأكل صح
حور : اصلى .. اصلى .. ومره واحده انت جاااى ليه ودخلى عاملى فيها رئيس عصابه وبتقتحم عليا الشقه
طارق : بيقرب منها وهى بتبعد لورا بجسمها .. جاى اقتحم عليكى الشقه عندك مانع
حور : عايز منى ايه تانى اوعى تكون جايلى فى مهمه جديده يا حضرة الظابط
طارق : ايوا بالظبط كدا .. قومى البسى واتشيكى عشان تروحى فرح مرنا معايا
حور : بمعنى
طارق : هى لها معنى .. ها تروحى فرح لناس بتحبك .. ها ترفضى
حور : بخيبة أمل وبينها وبين نفسها يعنى مش جاى عشانى .. معلش انا تعبانه ومش قادره اروح فى حته
طارق : بيشدها من السرير يقومها قومى اقلعلى الاسود دا وبطلى كأبه مش لايق عليكى الا انتى عملاه عيشى سنك
حور : ملكش دعوه بيا سبنى اعيش زى ما انا عايزه
طارق : بصوت عالى نسبيا .. انتى عايشه .. هاه دا منظر واحده عايشه زعلانه ليه عشان ماكملتش معاكى وسيبتك وقولتلك شوفى حياتك وبيشدها من العبايه خلاص دى بقت حياتك دافنه نفسك فيها مامتك لو عايشه ها تسمحلك تعملى فى نفسك كدا دا منظرك يقتلها الف مره لما تشوف بنتها الا مكملتش 26 سنه بمنظر واحده عندها 50 سنه
حور : حطت ايدها على بوقه وعيطت .. وبصوت مكسور اسكت ياطارق
طارق : مسك ايدها وباسها وهو بيغمض عيونه .. مش جاى ازعلك انا كنت ناوى اشوفك وأمشى بس مش قادر اسيبك كدا تعالى افرحى معاهم وانسى الا انتى فيه
حور : ازاى تطلب منى انساك انت وقربت عليه وسمحت لنفسها تنهار فى حضنه انا عايزك اوعى تسيبنى
طارق بادلها الحضن بحراره الدنيا وحشه فى بعدك عنى ..ولأول مره بحبك ياحور وبجنون بحبك .. بحبك ومش قادر على البعد استسلمت ومسك وشها وقرب لشافيفها انا ليكى انتى وبس خدينى فى حضنك اوعى تسيبنى تانى اضيع من غيرك
حور : حاسه انها فى حلم كبير عليها وخايفه تفتح عيونها تضيع تانى .. رفعت ايديها تمسك وشه خايفه يكون وهم او سراب .. هو الا بين ايديها هو طارق
طارق : بص لها .. ورجع لوعيه فاق مسك ايدها .. حور لازم تعرفى ايه الا بعدنى عنك وتختارى من دلوقتى بس اوعدينى انك ما تقوليش لاى حد
حور : بتسمعه بأهتمام .. سمعاك يا طارق .. واعرف ان مفيش اى حاجه ها تبعدنى عنك
طارق : انا انا ..
💗💗💗💙💙💚💚💚
للمتابعه اترك تعليق
البارت الثاني والخمسون + الثالث والخمسون من الجزء الثاني
خادمتي ولكن
💗💗💗💗💙💙💙💙💙💚💚💚💚💚
حور : بتسمعه بأهتمام .. سمعاك يا طارق .. واعرف ان مفيش اى حاجه ها تبعدنى عنك
طارق : انا انا ..
واحد غريب : بيخبط على قزاز العربيه .. يا استاذ استاذ
طارق بتوهان معقول كان حلم بيبص حواليه .. معقول وهز راسه للراجل الا بيكلمه وبدء يتحرك بالعربيه ويطلع من الشارع كله لان فى ناس تانيه عايزا تعدى والشارع صغير .. ووصل كان الكل جهزو واتحركو على القاعه ولقى رنات كتير من كل العيله
محمود : كنت فين يا طارق دا كله
طارق بأبتسامه مزيفه : كنت بشوف واحد غالى عليا بعد اذنك يا جدى .. وداخل على جوا
محمود شده وحضنه جااامد وماسك فيه وطارق دافس راسه فى كتف محمود ودموعه بتنزل بصمت .. يا حبيبى قولى مالك
طارق مسح دموعه بسرعه : مفيش يا باشا . ايه مش ها نفرح بميرنا والا ايه سيبنى بقى خلينى ألحق أوجب مع الاسد
محمود : ليا قاعده معاك ولازم اعرف مالك وليه مش عايز ترجع حور رغم انك ها تموت عليها احنا سايبينك براحتك وكفايه كدا
طارق بيهز راسه وساب جدو ودخل على القاعه لقى كريم وأحمد ومنير منتظرينه
ميرنا بقى تقريبا كدا بقت واحده تانيه .. طول الفرح بترقص وجنونها ظهر مع سامر والهدوء اتبخر وكل العيله فرحانه بيها خصوصا كريم الا اتاكد انها اتخطت حبها لأحمد وقلبها دق بجد بحب حقيقى لسامر .. وبدئت الرقصه المفضله لكل العرسان الا بتجمعهم لوحدهم
طارق بيبص لكريم وبيضحك وبيغمز له
منير : يابنى أعتق الناس لوجه الله .. نفسى حد يردلك كل بلاويك دى
أحمد ضحك بصوت عالى : وربنا انت عيل ما ليك حل
كريم : انت الشيطان بتاعى الا نازل وسوسه والواد دا وبيشاور على سامر ها يقطع علاقته بيا وانت السبب
طارق : 😂😂😂 يالهوووى خلاص ها يرقص يا جبله
كريم قام وراح ناحية سامر وميرنا ومسك ايد ميرنا : بعد اذنك يا أسد الراقصه دى بتاعتى انا وأختى
ميرنا : 😂😂😂 انت رخم
سامر : يابنى ابعد عن طريقى دا انت لو وقعت معايا فى اى عمليه ها أخرشمك
كريم : 😂😂😂😂 لا معلش انا اخوها وانا احق بيها فى اللحظه دى وبيزق سامر وماسك ميرنا بيرقص هو معاها وكلهم بيضحكو عليهم ..
سامر زق كريم : ياخى دا انت أخ لازقه ورخم ومسك ميرنا وبيرقص معاها
كريم لسا ها يسيبهم طارق بصله فا رجع تانى وحضن سامر وميرنا خلاص احنا نرقص كلنا ماهو الفرح فرحنا وبيصفر للشباب .. الا اتجمعت كلها وبدئو يرقصو ويرخمو على سامر وكل ما يجى يرقص مع ميرنا كريم يبعده لحد ما مازن طرده من الفرح .. والتلاته خرجو وراه وهما بيضحكو بهستريه
كريم : 😂😂😂 حلو كدا ارتحت
طارق بيهز راسه وبيضحك : ليه الغيره الا ماليه قلبك دى ماتسيب العروسه والعريس فى حالهم يا رخم
كريم : انا مش عارف بسمع كلامك ليه ها اروح فى داهيه بسببك
منير : 😂😂 انت عارف انا مش ها اعزمك يوم فرحى
طارق : جاتك نيله احنا عارفين ليك راس من رجل دكتور على ماتفرج
منير : اخرس دا انا لما اتقدم لأى واحده ها يفتحو دراعهم ليا على طول
أحمد : 😂😂😂 جننت الواد الله يسامحك انت هو وبيبصو على باب القاعه لقى سامر خارج وجاى على كريم مباشرا
كريم بخوف مصطنع وبيضحك : والله ما ها أعمل كدا تانى
سامر : 😂😂😂 تعالى يا رذل .. وحضن كريم وكريم بادله الحضن .. يابنى لازم اردهالك بس أصبر عليا ياله انتو ها تفضلو هنا
طارق : احنا مطرودين
سامر : لا خلاص ختو إفراج .. وبدئو يحضنو فيه ويباركله من قلبهم أحمد وطارق ومنير .. ودخلو جوا كملو الفرح .. وسامر خطف ميرنا وهرب بيها لعش الزوجيه الا قررو هما الاتنين يبدئو فيه وصلو الشقه وعملو كل المعتاد الاتنين مع بعض
سامر حضن ميرنا من ضهرها ودفس راسه فى رقبتها وبيبوسها : مبررروك ياقمرى
ميرنا بخجل : الله يبارك فيك .. هو احنا مش ها ناكل اصلى جعانه
سامر بهزار : تصدقى بالله خايف اخرج برا الاقى اخوكى كريم قاعد على السفره
ميرنا : 😂😂😂 مش للدرجه دى وعلى فكره كريم مش رخم كدا انا مش عارفه ايه جراله
سامر شالها بحركه فجائيه بين ايديه : نعرف بعدين ايه جراله .. تعالى عشان ناكل ونشهيص يا عروسه
ميرنا حاوطت راقبته بإيديها : ها تأكلنى ايه
سامر قرب وشه من وشها وبيناغشها : حزرى فزرى
ميرنا : امممم .. حمام وكدا يعنى
سامر : دا كلام قديم سيبك منه الحمام بقى تانى يوم الفرح اول يوم بقى فول وطعميه وبتنجان
ميرنا : 😂😂😂😂 دا الجديد حضرتك .. دا مصر كلها قايمه نايمه عليه مش بنكتفى بيه واجبه واحده فى اليوم .. لا اتنين
سامر : خليهم تلاته .. ويبقى اكل الافراح الرسمى للمعازيم كل واحد حاجه ساقعه ورغيف طعميه يا فول عايز سلطه فى بيتهم بقى ها يدوشنا ليه
ميرنا : طيب ايه مش ها تأكلنى انا جوووعت
سامر : يعنى موافقه تاكلى فول وطمعيه
ميرنا : موافقه اى حاجه بطنى بتنونو
سامر : 😂 ياعينى على الرقيق لما ينونو .. ومشى بيها راح عن السفره وبدء يكشف الاكل
ميرنا : الله ارانب انا بحبها قووى
سامر : وهى كمان بتحبك .. وادى يا ستى الحمام عشان ما تزعليش ويبقى زينا زى العرسان
ميرنا : تمام كدا يا حضرة الظابط الاصول أصول بردو
سامر قاعد وبيأكل ميرنا بايده
ميرنا بأبتسامه : انت مش ها تاكل
سامر : اصلى مستنى تعملى اى حركه كدا ولا كدا مفيش
ميرنا قطعت الارنب وبتأكله بحب ظاهر عليها وبتهز راسها وبتخن صوتها : ها بقى كلت الارنوب طعمه حلووو
سامر : حلوته الارنوووب والا بتأكلنى الارنوب
ميرنا : سموره
سامر : عيونه
ميرنا : انا حبيتك قوووى لدرجة انى مش متخيله يومى يعدى من غيرك خليك دايما واثق فيا واوعى تخلى حياتنا مليانه غيره وشك
سامر : ابقى راجل أهبل لو عكننت عليا حياتى بإيدى وانا ما شوفتش منك غير كل خير .. عشان تعرفى يوم ما احس ان قلبك مش معايا مش ها أكمل ابدا عشان ماعنديش استعداد اعيش فى غيره وشك .. انا بثق فيكى وفى أحمد جدا على فكره . لانه محترم وخارج من بيت ناس محترمين فا طمنى قلبك لان العمر مش ها يتكرر مرتين عشان أعيشه معاكى انا بخرج من أى عمليه وانا عارف ومتاكد انى ممكن ما ارجعش اسيبك وانتى كارهانى وبتدعى عليا والا أسيبك وانتى بتحبينى وبتدعيلى
ميرنا بخوف ولهفه : بعد الشر يا حبيبى ربنا يبارك فى عمرك وما يحرمنى منك وقامت وقالتله ثوووانى .. دخلت الحمام خدت شاور وغيرت هدومها ولبست فستان سهره فوق الركبه رقيق جدا ورافعه شعرها لفوووق وحطا روج خفيف وخرجت
سامر اول ما شافها طار عقله من جمالها كان لابس بجامه غيرها هو كمان ولبس البدله وشدها لحضنه وشغل أغنيه رومانسيه جدا .. وبدئو يرقصو مع بعض الاتنين .. شال ايدها باسها .. وقرب من شافيفها وغرق معاها فى بحور ملهاش أخر طول ما فى حب عاشو اجمل لحظات عمرهم فى حب متبادل من غير خوف ولا قيووود .. وبقت مراته قولا وفعلا
****************
كريم : عمى لو سمحت انا ها اروح سما وأجى وراكم بالعربيه
عزت : ماشى ياحبيبى .. ربنا يسهل ونخلص منكم انتو كمان
مازن : يا مسهل يارب .. اصله دواشى كلمه كلمه .. انت ناوى أمتى
عزت : لا يا حبيبى سيبك من شغل البيزنس دا وتعالى اقعد فى بيتى ونحدد لا انا عندى مانع ولا انتو يبقى نستنى ليه
كريم بيهز راسه : ليه بقى نستنى ونخلل جمبكم انا ورايا مستقبل وعيال عايز أجيبها يدوب كدا انا مفيش وقت
مازن : مسافر والا ايه
كريم : تقريبا كدا .. بالاذن انا بقى ها نتمشى واحده واحده على ما تخلصو
كريم مسك ايد سما وماشى
سوزى بتخبط على كتف كريم : استنى يا اخ انا جايه معاكو
كريم بيفرد ايده : الله بقى الا بنعمله فى الناس ها يطلع علينا والا ايه
سوزى بتضحك : بالظبط كدا قدامى انتى وهو
سما بعصبيه : اتفضلى حضرتك .. وراحو ركبو العربيه مع بعض ..كريم بيسوق وسما جمبه وسوزى ورا
كريم بيبص فى المرايه وبيكلم سوزى : ايه يا عم ظنهار .. مش عايزا تريحى شويه
سوزى : لا دا انا قاعدلكم
سما : منوره يا حبيبتى بس من ورا قلبى
كريم : خليتى قلوبنا سودا من ناحيتك اسلكى لله
سوزى : اسلك انت .. انا عارفه اختى غلبانه وانت بتضحك عليها وكمان لازم اردلك الا عملته فى سامر وميرنا
كريم بيضحك : عاااش يا وحش
سما ضحكت جااامد : الصراحه انت رخم قوووى ليه بتعمل فيه كدا
كريم : 😂😂😂 الله يسامحه طارق ما بيبطلش وز عليه وطول الوقت بيسخنى وبينى وبينك عشان اول مره اشوف أختى مع واحد كنت بتغاظ
سما : كدا بقى سوزى عندها حق
كريم : بعذورها الصراحه .. بقولك ايه احنا ها نقضى اليوم عليهم .. وحشتينى .. وحشتينى
سما بتفرك فى ايديها : وانت كمان خلاص هانت وها نتجوز
سوزى : هاااا مين هناك
كريم : افصلى انتى بالنسبه ليا هوااا
سوزى : لازم أفصل مش ها أخلص معاك
كريم : شطوره ياناس وعارفه الا فيها وبيبص لسما ان شاء الله تحبى احدد المعاد على أمتى
سما : ايه رايك اول الشهر
كريم : تمام على بركة الله ومسك ايدها .. وسايق وبيتكلم معاها طول الطريق هى وسوزى الاجننتهم
*********
منير واحمد وطارق واقفين مع بعض بعد الفرح فى الفيلا على جمب ... ومروان ومؤمن ومازن وشريف وعز ومحمود بردو لسا مع بعض والبنات .. وكل واحد بيتكلم فى حاجه
منير : يابنى خليك جدع .. وتعالى نكلم ابوها
طارق : ها تدفع كام اصلى الصراحه مستخصرها فيك
منير ضربه على كتفه وبيزق أحمد : ما تتكلم انت التانى وخليه يبطل رذلا عليا .. البنت كلت دماغى طول الفرح وانا عمال الف وراها من هنا لهنا .. والمصيبه جاااى تلاته يسألو عليها بنت مين عشان يتقدمو
طارق : 😂😂😂 فقر يوم ما تفكر فى واحده تبقى ولى امرها
أحمد بيزق منير : ايه يالا الثبات الانفعالى دا .. وبيغمز لطارق .. لا لازم نقف جمبك تعالى انا ها اكلم عموو مؤمن بنفسى .. ومشيو التلاته مع بعض وراحو وسط الرجاله
طارق : عمى وبيغمز له انا طالب ايد بنتك
كلهم بصاله وتنحو .. ومنير وشه جاب الوان
منير بيشاور على نفسه : لا ياعمى قصده انا الا طالب ايد بنتك
أحمد : لا وربنا بقى كدا فى غدر ... اصلا انا الا طالب ايد بنتك
كلهم : 😂😂😂😂
مازن : ياولاد المجانين .. مين الا طالب فيكو
التلاته رفعو ايديهم مع بعض
منير : ياعمى ما تصدقهمش انا الا بتقدم لحضرتك .. بص انا دكتور وشاطر ومتميز فى شغلى وبيرفع ايده حتى اسئلهم وبيبص لهم
💗💗💙💙💚💚
خادمتى ولكن ! 53
💗💗💗💗💙💙💙💙💙💚💚💚💚
وليا أسمى وللاسف الشديد دول يبقو اصدقاء ليا
طارق : يالهوووى يا عمو دا فاشل وها يدوخ بنتك اسمع منى كل يوم والتانى اروح ادخله المستفشى بعد ما يطردوه منها
أحمد بيرفع ايده : على يدى ... وانا اخد قوه من القسم واطلع ورا طارق
مؤمن : 😂😂😂 بيكمل هزار معاهم .. طيب مش قد الطب سيبه لغيرك
منير زقهم الاتنين : وربنا كدابين حتى اسأل عنى عمى شريف
شريف : ما اعرفوش الصراحه يا مؤمن
منير تنح : بص اصلا هو ابوه ها يقول ايه غير كدا طيب اسأل عمو مازن عنى
مازن : الصراحه يا مؤمن انت تديلو بنتك واحنا مش مسئولين عنه
كلهم : 😂😂😂
منير بيهز راسه بغيظ وبيمد ايده يسلم على مؤمن : طيب فرصه سعيده يافندم معاك الكاميرا الخفيه
مؤمن بأبتسامه : تعالى يا دكتور كنا بنهزر معاك
طارق حضن منير : وربنا بقولك اديلو بنتك وانت مغمض .. دا مؤدب ودول قوليلين قوى فى الزمن دا
منير بأبتسامه : حبيبى ياطروقه وبيبص لاحمد مش ناوى تقول حاجه تتردلك فى صحتك
أحمد : 😂😂😂 ها اقول أطمن .. بص ياعمى بنتك خلاص بقت مرات الواد دا وقولو ان شاء الله
كلهم ان شاء الله
مروان : خلاص يا مؤمن الشباب كدا اتفقت عليك
مؤمن : وانا موافق يتفقو .. بس فى بيتنا هناااك واهله يشرفونى
منير بفرحه : طبعا .. طبعا .. وهجم على مؤمن حضنه وباسه كانه ادالو الموافقه
عز : يا بنى اتقل لسا بدرى
محمود : لسا الشاى والقهوه .. واحممم بعد اذنك ياعمى انا طالب ايد بنتك المصون ليله يابنى
منير بضحكه : مش مهم ان شاء الله كله ها يتم وبدئو كل واحد ياخد الا له .. ويمشى
*****************
طارق خارج لوحده ركب عربيته ومشى وجده محمود ركب عربيته وماشى وراه من بعيد .. لاقاه داخل المقابر عند جده بهاء .. حارس المقبره فتحها
الحارس بنوم : خير يابيه الوقت متاخر قووى
طارق : معلش عايز تقفل اقفل انا ها ابات هنا
الحارس : اشيلك فوق راسى يا بيه .. وطارق دخل ومحمود دخل وراه وشاور للحارس يسكت ويقفل زى ما طلب منه ودخل وراه بصمت ... لقى طارق قعد على الارض بإهمال وكانه بيرمى نفسه او جسمه تقيل مش شايله ..
طارق بدء يعيط زى الاطفال : وحشتنى قوووى يا جدو بهاء .. كان نفسى تبقى جمبى فى الايام الصعبه والتقيله دى .. انت الوحيد الا كنت بتحس بوجعى قبل ما اقوله حتى لو ضحكتى من هنا لهنا .. فاكر لما قولتلى يا طارق انا مخلفتش ولاد وانت ابنى الا الفيلا دى ها تفضل مفتوحه بحسه وحس ولادك .. كنت زعلان وبتقول مفيش حد من صلبى يورثنى ويخلد أسمى بين الناس .. يشاء القدر ان بنتى تظهر ولها بنت اميره وملكة جمال على قلبى وتبقى انت ابنها من ابن اخويا ويفضل الا فاتح الفيلا وها يقعد فيها حته من قلبى ومن نسلنا وعيلتنا .. وما أحب عليا اديلو ثروتى كلها .. انت يا طارق وولادك من بعدك .. وبيعيط بحرقه .. مش ها يبقى ليا ولاد يا جدو ربنا مش كتبهالى .. وفى اللحظه دى اترمى محمود عليه الا واقف وراه بيسمع وجعه كله .. وطارق كان فى دنيا تانيه
طارق رمى نفسه جوا حضن محمود الا بيعيط على عياطه .. ومحمود بيضمه نفسه يطمنه ويدخلو جوا قلبه يقولو ويعرفو اد ايه بيحبوه وفداه كل شئ فى سبيل ابتسامته ..
محمود : حضن راس طارق اه يا حبيب جدك كل دا شايله لوحدك .. وعدل راسه بإيده .. صدقنى يا حبيبى انت زى الفل مين قالك انك مش ها تخلف .. انت كلك طاقه وحيويه .. وبيبتسم وسط دموعه وشقى وغلبتنا بشقوتك
طارق : ارجوك يا جدو اوعا تقول لابويا وأمى .. جرحهم وصدمتهم بعد صدمه حور وحرمانى منها ها تقتلنى
محمود : بعد الشر عنك .. قوم واصلب طولك هما عايزينك انت مش عايزين العيال انا ها اسافر بيك والف العالم كله وها تتعالج بإذن الله بس قولى انت عرفت منين .. وقوم طارق بعد ما قرو الفاتحه لبهاء وخرجو من المكان وراحو قعدو فى مكان هادى وبيتكلمو مع بعض ..
محمود : تشرب لمون معايا
طارق هز راسه بالموافقه ومحمود طلب اللمون
محمود : احكيلى كل حاجه بالتفصيل
طارق بيتنهد بصوت عالى : من سنتين انا والشباب كنا بدئنا نفكر فى الجواز وكدا .. منير بحكم انه دكتور ومش بيعترف غير بالطب .. قال تعالو نعمل تحليل ما قبل الزواج ونطمن على نفسنا اننا ماعندناش اى موانع له او مشاكل صحيه قعدنا نتريق عليه فى الاول وبعدين أقتنعنا بالفكره و روحنا عملنا التحاليل كلنا مع بعض ظهرت النتيجه وعرفت الا فيها والصدمه الاكبر ان مليش علاج كل تفكيرى فى الوقت دا ابعد عن الجواز وعن البنات خالص واظهر لأمى وابويا انى رافض اتجوز قولت دا ها يبقى اهون كتير لما يعرفو ان ابنهم الوحيد عمره ما ها يفرحهم بعيل وطول الوقت اشوف نظرات الشفقه من الجميع لحد ما قابلتها ... وبدء يتخنق .وياريتنى ما قابلتها حظها وحش وعشان حظها وحش وقعت فيا وانا وقعت معاها الوحيده الا حسستنى بعجزى وضعفى وانا ها اموت عليها وكل ما اقرب اخاف وابعد وطول الوقت خايف اسيبها خلاص قلبى أعلن الحرب عليا هو كمان زى ما الدنيا اعلنتها عليا قبل كدا كنت فاهم انها ممكن تتقبل فكرة الجواز على الورق وأفضل جمبها بأى طريقه بس الصراحه عذبتها أكتر وعذبت نفسى معاها لان كلمة بحبها قوليله عليها قوووى وجعتها غصب عنى كان نفسى تشاركنى وجعى بس خوفت تزهق منى او أئل فى نظرها وتحس بالنقص والحرمان لما تشوف اطفال دا ودا
محمود مسك ايده : انت لو شفتها دلوقتى ها تعرف انها باعت الدنيا الا فيها واشترتك انت وحبك وبس .. بس خلاص سيبك من دا كله انا ها اجهز اوراق سافرنا انا وانت ومحدش ها يعرف اطمن احنا مسافرين ليه ونعمل الا علينا وزى ما ربنا عايز ها يكون ... دايما قول اللهم لا اعتراض وارضى عشان ربنا يرضيك
طارق بأبتسامه : ربنا هو بس الوحيد الا عارف انى راضى ومش معترض .. اوعا تقلق بالعكس يمكن حصل كدا عشان أقرب من ربنا واصلى وما اسيبش فرض واحد لان لقيت راحتى وانا بين ايدين ربنا وكله بالنسبه ليا بيعدى ومفيش اى حاجه مأثره على حياتى الحمد لله كل خوفى من أمى وابويا
محمود : ربنا يكرمك يا حبيبى .. قوم ياواد واملى الدنيا بضحتك من تانى .. وبهزار وبطل تتراذل على الخلق ارحمهم
طارق ضحك بصوت عالى : ما اوعدكش يا حودا يا عسل دا بيجرى فى دمى
محمود : ايوا كدا ياحبيبى وانا ها اتراذل معاك وخده تحت دراعه وحاسب ومشى وصلو بعد الفجر على الفيلا والكل قاعد فى انتظارهم
فاطمه : ايه بايعين القضيه معانا ليه كدا
طارق جرى فى حضنها وهى ضمته : احنا نقدر يا فطوم
محمود : إجمد ياد لازم نيبعها معاهم ونسافر انا وانت .. عشان انا عايز اجدد شبابى واعيش الشقاوه معاك بقى
طارق بيبص لفاطمه الا حاضنه ومبتسمه وبيهز راسه : ايوا احنا شكلنا ها نيبعها سبونا نعيش أجدعان
شريف : لعبت فى دماغ عمى وبيخبط على رجله عليه العوض فيه
هدى : وانا يا طقطق مش ها تاخدنى معاك
طارق : لا والف لا .. دى رحله خاصه من نوع تانى مش عايزا ناس رقيقه زيك يا هدهود الباشا يخطفك كدا مع نفسه وسبينى انا اخطف حودا العسل
فاطمه بصت لطارق : وحور يا طارق ها تسيبها كدا يابنى
طارق اتعدل : اوعدك يافطوم ها افكر بس بعد ما نرجع من برا لانى دلوقتى متلخبط
محمود : اقفلو الموضوع دا وسيبوه عليا .. ياله انتو ايه مش عايزين تنامو .. ومدهمش فرصه وقامو كلهم .. طارق اول ما طلع اوضته ... دخل خد شاور ولبس بجامته وفرد المصليه وصلى الفجر وبعدين فضل كتير يصلى ويترجى ربنا يجبر بخاطره وخاطر حور ومايحرموش منها تحت اى ظرف وراح على سريره بيفكر فيها لحد ما غلبه النوم ونام
*****************
مروان قام الصبح بهدوء .. وصحى روان ولبسو الاتنين وخدها ونزل من غير ما يقول لحد حاجه وصلو شقة حور وطلعو على فوق اول ما رنو الجرس حور فتحت الباب وفرحت جدا اول ما شافتهم
روان : كدا ما تجيش فرح ميرنا
حور بكسوف : معلش اصلى تعبانه شويه
مروان : وعامله ايه دلوقتى
حور : بخير الحمد لله .. عمو شريف وهدهود كانو عندى باليل بعد الفرح وصممو انى اروح معاهم بس رفضت
مروان : شاطره .. قومى بقى جهزى حاجتك عشان انتى ها تروحى معايا انا
حور : انا مش عايزا اسيب شقة ماما مرتاحه قوووى هنا
روان : بقولك ايه دا فى كلام وحودايت كتير بينا لازم نتكلم فيها .. قومى كدا وفوقى لعمك مروان عشان هو دماغه ناشفه ومش ها يسيبك .. ارتحتى بما فيه الكفايه ياله
مروان : عرفتى الا فيها خلصى لانى ابوكى من انهارده وروان امك وبيضحك وشبهك فى كل حاجه .. وان كان على الواد طارق انا ها اربيه بس اصبرى
حور ابتسمت وروان شدتها قومتها .. وبدئو يجهزو حاجتهم مع بعض ونزلو راحو الفيلا .. واكل اتفاجئ بيها خصوصا أحمد وكريم الا قررو يكلمو طارق ويطمنو على حور ووجودها وسطهم
كريم فارد ايده : يا مراحب يا مراحب
حور ابتسمت : يا مراحب بيك يا كيمووو
كريم : ضاعت هيباتنا وسط البشر
أحمد : منوره يا حور
حور : بوجودكم كلكم ها تنور
ريم بتقلد مازن : اخيرا رضيت عننا بنت سلطح ملطح باشا
حور : 😂😂 ايوا اخير
مازن وروكا : قربو وسلمو عليها .. وقعدو كلهم يفطرو مع بعض
كريم خرج برا وبيتصل على طارق
طارق وهو على السرير بيرد : يا فتاح ياعليم .. عايز ايه على الصبح
كريم : باشا ليك امانه عندنا تعالى استلمها ولم الدور عشان مروان باشا حطك فى دماغه ودى مصيبه
طارق اتعدل : حور هى الامانه
كريم بيهز راسه : ايووون .. وليلتك زى وشك
طارق : 😂😂 بالصلاه على النبى كدا فى حوارت بتم من ورا ضهرى
كريم : هى بنفس ذات الايون
طارق : انا ها اسافر وانا جدو محمود برا
كريم انتبه للكلام : انت قولتله
طارق : ايوا عرف كل حاجه
كريم : اخيرا خدت خطوه ايجابيه .. ان شاء الله يا حبيبى ترجع وانت زى الفل وما تقلقش على حور
طارق : انا مش قلقان .. انا مرعوب عمو مروان صعب وشكله ها يزبطنى
كريم بيعلى صوته : تستاهل والا متستاهلش
طارق ضحك : وربنا استاهل .. ياله مش خساره فيا .. ظبطلى الدنيا عشان اجى اشوفها
كريم : حبيب هارتى البنت اعتبرها تحت ايدك واسترها علينا يارب
طارق : 😂😂 وربنا لو حصل حاجه ما اعرفك وها تلبسها انت
كريم : طول ما انا عارفك وانا لابس فى اى حيطه .. ياله اهو نكسب فيك وفيها ثواب ويقعدلى فى سما سلام يا طقطق يا حياتى
طارق : كيمو كونو حبيب قلبى بالسلامه
احمد بيضحك : ما بتضيعيش وقت انت . البنت بتقول لمروان يا بابا .. دا وقعته سودا
كريم : الامر اتطور وخرج من ايدى
أحمد بالهفه : راح فين . فين
كريم بيضحك بصوت عالى : فى ايدى التانيه .. بقولك ايه لو هو مروان باشا احنا العصابه
أحمد : انت صح
مروان وراهم : والعصابه ناويه تعمل ايه
الاتنين بصو له بصدمه
كريم : عمى
أحمد : بابا
💗💗💙💙💚💚
للمتابعه اترك تعليق
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تعليقات
إرسال تعليق