 |
البارت الرابع والخمسون + الخامس والخمسون من الجزء الثاني
خادمتي ولكن
💗💗💗💗💙💙💙💙💙💙💚💚💚💚
مروان : ايوا والعصابه ناويه على ايه
احمد وكريم اتصدمو
كريم : عمى
أحمد : بابا
مروان : تعالو يا بهوات عشان انا نفسى اقرر العصابه من زمان وجه الاوان
كريم : ليه يا عمى كدا دا احنا غلابه
مروان : ايوا طبعا عارف تعالو نقعد فى المكتب جوا
أحمد بيقرب على كريم : وقعتنا سودا انت وصاحبك دا ها يدخلينا المكتب
مروان ماشى قدامهم وابتسم لما سمع أحمد ودخل المكتب على طول وهما وراه وقفلو الباب عليهم قعدو قدامه فى ترقب
مروان بيفرد ايده : ها وبعدين معاكو انتو التلاته
أحمد : ايه الا مزعلك يا باشا احنا زى الفل اهووو
مروان : انت بالذات تسكت .. انا مش عارف رجعت من برا بعروستك ليه واقحمتها فى مشاكلنا وحياتنا بدرى بدرى ..
أحمد : عندك حق بس لا انا ولا هى كنا عايزين نفضل برا .. وانا ها اعوضها عن دا كله ان شاء الله
مروان : ماشى ايه حكايه طارق وايه المشكله الا بيواجها وانتو مخبين علينا
الاتنين بصو لبعض وساكتين ازاى ها يقولو سر طارق لحد مهما كان
مروان : انا عارف طبعا انكو معتبرين اى كلام بينكم اسرار حربيه .. بس لما يأذى نفسه والا حواليه وواحده حبيته يبقى مش سر ومحتاج الا يساعده
أحمد بنفى : لا هو اكتر واحد مأذى ومحدش اتأذى غيره انت عارف اننا مش بنخبى عليك حاجه يا باشا بس دى حاجه تخصه هو لوحده
كريم : عمى ارجوك ما تتضغطش علينا فى حاجه زى دى وهو لو حب يكلمك ويقولك هو حر
مروان بيهز راسه ومشبك صوابعه فى بعضها وبيتكلم بمكر : حتى لو كنت عارف ان المشكله طبيه
كريم واحمد بصو لبعض فى لحظه ودا اكد لمروان شكه فعلا
أحمد : بابا اعفينا احنا من الموضوع دا
مروان : انا فعلا ها اعفيكم لانى الا عايز اعرفه عرفته بس حاجه ليك انت وهو ... انتو عارفين انى لايمكن ها اقول لشريف حاجه ادام هو خايف عليه وعلى هدى قوى كدا .. لان مهما كان الا بيعانى منه بحكم تجاربنا فى الحياه كنا نقدر نساعده او انا اساعده وكنت ها أحافظ على سره ولا يمكن يتعرض لحاجه تدايقه وتجرحه بطريق غير مباشر انتو لسا بتشكو ان طارق ابنى ووجعه بيوجعنى وممكن اعمل المستحيل عشان يبقى فى احسن حااال .. انتو التلاته رجالتنا وها تكملو من بعدنا فا لو مفيش ثقه فينا يبقى عليه العوض
كريم بنفى : ابدا يا عمى والله احنا رجالتكم وها نفضل ولايمكن ابدا نطلعكو من حياتنا تحت اى ظرف زى ما فهمت بس هو له عذره واحنا مفيش فى ايدينا حاجه
مروان : تمام ..على العموم انا جبت حور وما اتكلمتش معاكو فى اى حاجه حور من الساعه الا دخلت فيها البيت دا بقت بنتى وأخت ليكو التعامل ها يبقى على الاساس دا
أحمد ابتسم هو وكريم
كريم : يا سلام عليك ياعمى هو دا الكلام .. بس الله يسترك بلاش طارق يطلع عينه
أحمد بيهز ايده : كفايه عليه حور هى ها تطلع عليه القديم والجديد
مروان وهو عارف ومتاكد ان كل الكلام ها يوصل لطارق : لا معلش دى بنتى وحياتها تخصنى زى اسرراكم مع بعص تخصكم وانا احترمتها فا الا عايز بنتى فى حياته لازم اديهلو وانا مطمن مش قلقان منه
أحمد : عليه العوض فيك يا طقطق
كريم : يعنى مفيش امل نصلح الامور
مروان : الامور تمام .. ياله يا بهوات روحو شوفو وراكو ايه .. وبيبص لاحمد اطلع لعروستك واستغل الاجازه عشان لما ترجع شغلك مش ها تشوفك غير بالصدفه
أحمد وكريم قامو ورا بعض وخرجو على برا
ومروان قاعد بيفكر فى طارق حور لما حكتاله وقالت انه قال لها انا لا ليكى ولا لغيرك ريحى نفسك اتاكد انه بيعانى من حاجه تمنعه انه يتجوز او هو الا منع نفسه واتاكد لما قعد مع أحمد وكريم الا مهما كبرو وبقو مسئولين بيتكشف امرهم دايما قدامه والموضوع عمتا أثر فيه وزعله جدا شريف وهدى وحتى طارق انسان وشاب لسا فى بداية حياته لما يعيش محروم او حارم نفسه وحاسس بإنكسار شئ صعب لازم يفهمه ان كل انسان ناقص حاجه فى حياته ولا يمكن تكون حياته كامله وما ينفعش طول الوقت يبقى هو عايش ويفكر نفسه بالنقص دا ويكسر الثقه الا موجوده بينه وبين أى حد او حب .. لان حب شئ راقى زى ما بياخد بيدى والحبيب بجد دايما بيشوف الا قدامه بيكمله ومش بينقصه حاجه وبيكتفى بيه هو .. هو وبس ولازم الشعور والاحساس يبقى متبادل فى كل شئ لان الحب مايعرفش انانيه ابدا
*************
نور : مؤمن اوعى تتاخر علينا
مؤمن : مش ها اتاخر ان شاء الله عايزا اى حاجه اجيبها وانا جاى
نور : اه جاتو وحلويات
مؤمن : حاجه تانيه
نور : فى ايه مالك كدا افردها بقى والله منير كويس قوووى انا عارفه روان حكتلى عنه كل حاجه ومؤدب زى ما انت عايز وبيشتغل ومعتمد على نفسه ودكتور ايه تانى بقى
مؤمن ؛ مفيش يا نور ادام هيدى مرتاحه وموافقه ها اقول ايه انا .. ربنا يسعدها ويطمنى عليها
نور : يارب يا حبيبى
هانى : 😂😂😂 هى هيدى ها تتجوز
مؤمن : بيضحك برخامه عندك مانع وايه الا يضحك فى كدا
هانى : مش المفروض اتجوز انا قبلها مش راجل البيت
نور : وبالنسه لابوك وبتشاور قدام وشه هوووا قدامك
هانى : لا انا عليا الدور فى الجواز انا راجل مش ذنبى انكو لسا شايفنى صغير انا فى الكليه دلوقتى وعندى 20 سنه والا انتى عايزا تجوزى بابا تانى وتعملى بالشرع
نور : بقولك ايه شيلنى من دماغك على الصبح وماشيه تبرطم ال اجوزه أل .. مجنون دا والا ايه دا انا كنت حنقته هو وهى
مؤمن بيعلى صوته : انا مالى انا وضرب هانى على راسه نفسى اشوف وشك من غير ما تعملى مشكله وسابه ونزل
هانى : هى الستات بتزعل ليه دا شرع يا جدعااان .. هو احسن حاجه اتجوز الاربعه مع بعض لسا ها اوجع قلبى مع دى ومع دى موافقين نشيلهم مره واحده
نور بصوت عالى من وراه : اربع عفريت يطلعو على جتتك الا قضى والا مضى ومسكاه من قفاه انت ايه يابنى .. دماغك دى ايه بتفكر ازاى انت
هانى : 😂😂 اهدى يا ماما
نور : هو الا يعرفك يعرف هدوء والا راحه قدامى عشان تساعدنى انا وأختك
هانى : انا مالى هو انا الا ها اتجوز
نور بتزقه : بقولك قدامى
هانى : ماما ممكن اسألك سؤال محيرنى ومطير النوم من عينى
نور بتضرب ايد على ايد : اتفضل قول
هانى : ليه طنط روان كل ما تشوفنى تقولى شد حيلك عشان تدخل طب هو الزمن وقف عندها فى الثانويه العايمه بتاعتكو انا فى فنون جميله وانتى بتجاريها
نور : ثانويه عايمه
هانى بتاكيد : ايوا وبيرقص اهى دى الا ينطبق عليها .. عايم فى البحر الغدر .. وبيرفع ايده لفوووق ابقى فاكر نفسى فووووق والاقى نفسى فى فنون جميله فى الاخر .. والكل الذاكره وقفت عنده معايا عليها ليه بقى
نور : هى عارفه بس بنحب ننكشك شكلك طفولى ربى اى حاجه شنب دقن خفيفه اى حاجه توحى انك عديت مرحلة الغدر ودخلت فى النداله
هانى ضحك بأعلى صوت ونور معاه وبيشاور عليها : انتى صح يا نونه وربنا
هيدى : هو احنا مفيش ورانا غيرك فى البيت وبتشاور على نفسها فى عروسه فى البيت يابنى اتركن انت على الرف بقى
هانى : اهلا بالاذاعه والتلفزيون .. والله وطلعلك صوت
هيدى : من زمان يابنى بس انت مغطى على الكل بمصايبك
هانى : قوليلى يا اوختى هو الطب بيتفق مع الاذاعه
هيدى : يابنى الطب بيتفق مع اى حد بص اديلو المشرط وسيبه
نور : الله .. الله دا المواضيع جد بقى
هيدى : جدا يا نونه والله اصلك مش عارفه وتعالى اما اقولك وخدت نور وداخله الاوضه وبتغيظ هانى وهى ماشيه
هانى بيضرب كف على كف : خلاص عليه العوض ماعتش فى بنات مغمضه الحيا أختفى من البلد يا رجاله .. انا اتجوز سمسمه وهى عندها 10 سنين واربيها على ايدى دى أضمن حاجه
******************
سامر وميرنا قايمين بدرى بهمه ونشاط وفطرو وقاعدين فى البلكونه على المورجيحه الاتنين
سامر : منوره دنيتى يا حبيبتى
ميرنا بأبتسامه : تسلم وتعيش ياعم الحج
سامر رفع ايده : ايوا يا معلم ... على طول يقولو البنات بتقلب وانا ماكنتش بصدق .. بس شكلى ها اصدق
ميرنا : 😂 لا بقولك ايه زى ما انت صريح معايا لازم ابقى صريحه معاك
سامر بيشاور بايده ويضحك : خشى عليا
ميرنا : العصابه عارفه انى مش رقيقه .. وعشان أهلى ومامى وبابى بالذات فا بحاول اتصنع الرقه والبراءه .. بس كدا
سامر : بيهز راسه قولى وربنا
ميرنا بتاكيد : وربنا
سامر : كنت ها ازعل قوووى يا ميرنا لو طلعتى رقيقه وكيوت
ميرنا : ليه بقى
سامر : ها احس انى مش فى مصر يا ماما .. احنا ستتنا مخلصه بالصلاه على النبى وبيتخن صوته والا ايه
ميرنا : والا ايه يا باشا انت مش ناوى تفسحنى وتجرى ورايا فى الشارع
سامر : واجرى وراكى فى الشارع وافرج على نفسى الناس ليه اجرى وراكى فى البيت ونفرج الجيران هما أحق من الغريب
ميرنا : 😂 لا بقولك ايه يا سموره يا حبيبى .. انا عايزا اعيش جووو العرسان كدا واخرج واتنطط واركب على كتفك واحنا ماشين
سامر : بتقزئزى لب وكدا والاقى وشى مليان قشر لب والا ها تركبى بأدبك
ميرنا : لا بأدبى والله عيب عليك
سامر : قومى اقفى احلامك اوامر
ميرنا بتذمر : مش هنا يا سامر فى الشارع تحت ونتصور وانزلها على الفيس
سامر : وربنا عيب فى حقى وحقك .. دول تافهين يا ماما الا بيعملو كدا ... احنا عندنا ملعب اهووو ونعمل فيه الا احنا عايزينه .. جو الفيس والصور احبوووش يا ميرنا عيب
ميرنا : طيب استنى تعالى قرب عشان ما اقعش
سامر قرب بضهره عليها ووطى شويه وهى قعدت على كتفه وماسكه فى راسه وعماله تصوت وهو داخل بيها جوا
سامر : كفايه صويت دا لو مفيش ستاره فى البلكونه كنا اتفضحنا
ميرنا ماسكه وش سامر جامد ومره تشده من بوئه ومره تحط ايديها على عيونه وتقريبا كدا بتخزئهم 😂 .. اعااااا .. ها اقع .. ها اقع
سامر : راكبه متوسكل . ما تهدى يا ميرنا خزئتى عنيا
ميرنا : استنى اوعى تتحرك وطلعت تليفونها من جيب البجامه وبتتصور سيلفى ونص وش شامر مش باين وعين مفتوحه والتانيه ميرنا ماسكه منها وبتتصور برعب ومنظر سامر ومنظرها مضحك جدا ... خلصت وميل بجسمه لقدام ونزلها وهى بتتشلقب وماسكها بين ايديه
سامر : ادى اخرة الا يمشى ورا مراته 😂 حلو كدا الفضايح والمهازل الا حصلت من البلكونه للصاله
ميرنا بتضحك جااامد : شكلك تحفه
سامر : كنتى عايزانى اعمل المهزله دى فى الشارع والله الحيطان دى بتدارى بلاوى
ميرنا : بقولك ايه
سامر بعصبيه مصطنعه : وربنا ما انتى قايله انا عينى بتنور دلوقت
ميرنا : 😂 لا بقولك ايه انا لسا عروسه يعنى سايسنى وخدنى على قد عقلى
سامر لف ايده على رقبتها وشدها على صدره وبيكلمها ومتخن صوته : عايزا ايه تانى
ميرنا : اكلم كريم وابعتله الصوره
سامر بصوت عالى : كريم لا مش عايزا اسمع اسمه طول شهر عسلى
ميرنا : لا انت بتقول ايه تعالى بس وقعدو جمب بعض .. وسامر طلع تليفونه وبيصل فديو على كريم لانه بيهزر مع ميرنا
كريم : بذمتك فى عريس يتصل فى الوقت دا شكلك عريس مش مسيطر
سامر : 😂😂 مين قال انى عريس اصلا .. اختك ناقص تقولى هات كريم يقعد معانا يومين ونيمه فى النص
كريم : والله ماعندى مانع .. وحشتينى يا مرونا .. كدا البيت فضى علينا
ميرنا : كيمو يا قلبى انت الا وحشتنى قوووى .. بص الصوره الا ها ابعتهالك من تليفونى دى وبتبعتها وهى فرحانه وكريم شافها وبيضحك بهستريه وهما بيضحكو معاه
كريم : هى فين الصوره دى
سامر بتريقه : فى جزر الباهاما جمب عمود النور
كريم : ربنا يسعدك يا مرونا انتى والاسد بس بلاش عمود النور
ميرنا : انت فين يا كيمووو برا البيت
كريم : ايوا .. براقب حور 😂😂 اصلها خارجه وواخده فى وشها من غير ما تقول لحد
سامر : وانت بتراقبها والا بتكلمنا
كريم : احمد سايق العربيه وانا قاعد جمبه ..
أحمد بصوت عالى : صباحيه مباركه يا عريس انت والعروسه
سامر : الله يبارك فيك يا حبيبى
ميرنا : انتو اتفقتو على البنيه وايه الا وداكو عندها
كريم : هى قاعده عندنا حاليا
ميرنا بفرحه : بجد احسن حاجه عملتوها اعملو حسنات فى حياتكو بقى
كريم : انتو محسسنا اننا ناس جاحده ... ياله اقفلو بقى دانتو ناس فاضيه .. وقفلو معاه
أحمد : لما هى جايه المقابر رافضه حد يروح معاها ليه
كريم : الله أعلم يمكن بتحب تزور اهلها لوحدها اقف هنا بقى .. وانا ها أمشى وراها براحه على ما طارق يجى لها اشوفها ها تتدخل فين بالظبط
أحمد : فى الانجاز عشان ريم شكلها زعلانه وانا شكلى ها اخدها واسافر بجد
كريم : يبقى احسن والله انتى غلطان انك رجعت على رأى عنى ونزل مشى ورا حور .. ودخل جوا لقائها قاعده على صخره قدام مقبره ورافعه ايديها بتقرا الفاتحه .. وبيلف لقى طارق فى ضهره
💗💗💗💙💙💚💚
خادمتى ولكن ! 55
💗💗💗💗💙💙💙💙💙💚💚💚💚💚
طارق : طير انت
كريم بعت بوسه فى الهوا : اسيبك انا وصلح الامور ما تنيلهاش مروان باشا مش ناوى خير
طارق : ماشى كله على الله وبيلف من ورا المقبره بحيث حور مش تشوفه وقاعد وراها وبيسمع كل كلامها وليه بتيجى وتطول هنا قوى لانها قالتلو قبل كدا بس ما وضحتش بتقول ايه او بتقعد عند قبر مامتها كتير ليه
حور بعد ما قرات الفاتحه مبتسمه : وحشتينى قوى يا ماما المكان بحس فيه بالراحه والامان وانا جمبك .. وحشتينى قوى يا ماما صحيح بكلمك وانتى مش بتردى عليا بس برتاح قوووى عايزا اقولك انى بحبك قوووى وكل يوم حبك فى قلبى بيزيد ..فاكره طارق الا حكتلك عنه وبتتكلم كأنها بتتكلم مع حد بجد وبياخد ويدى معاها .. الواد العسل اه اهووو ابو عيون خضرا
طارق ابتسم وقاعد بيسمع بإهتمام ومش عامل اى صوت
حور : مش احنا اتجوزنا صحيح اتاخرت عليكى وماجتش قولتلك ولا استأذنتك بس كان غصب عنى .. اصله غصبنى على الجواز اصل دماغه ناشفه
طارق بيشاور بايده قدام داقنه وبيقول بهمس : ها نبتدى الكدب اشتغلى وبيشاور بنفى قدام المقبره ما تصدقهاش يا حجه الله يرحمك بقى ويسامحها 😂😂
حور : هو مش غصبنى انا كنت موافقه ومش موافقه يعنى بين البنين
طارق بيهز راسه وبيتكلم بنفس الهمس : انتى ها تقوليلى
حور : وبعدين يا ماما عشت معاه أجمل قصة حب كان بيموت فيا مش محمد الغبى دا اعوذ بالله انا طروقه مهما اقوله ابعد ما بيبعدش اصله لازقه وبغل واضح عارفه يا ماما لو شفته ها اديلو علقه موووت انا وراه والزمن طويل هو فاكر نفسه مين جاتو الارف فى حلاوته اصل هو كمان مابيفهمش
طارق ابتسم وبهمس : اصبرى عليا يا اوزعه وانا إلا ها اعلمك الادب واقص لسانك
حور بزعل : تعرفى انه طلقنى يا ماما وسابنى لوحدى اصله انانى مش بيفكر غير نفسه .. وعمو مروان .. ايه بتقولى مروان مين .. مروان دا يبقى عمه قعد معايا وخدنى عنده فى بيته وحلف يأدبه ويدوخه
طارق بيهز راسه وبيقول بهمس : ايوا .. ايوا هاتى الشريط من الاول .. الواحد عرف يخليكى تعترفى لوحدك ازاى ها نجيبك هنا وانتى ها تجيبى من الاخر
حور : قالى مهما عمل عشان يشوفك اوعى تقابليه ومتخليش احمد وكريم يأثرو عليكى ابدا .. ولما يجى وعايز يردك .. يجيلى انا .. انا ابوكى وها يرجعك بشروطى والا مش ها ترجعيلو وبتكمل بزعل اصله تعبنى قوووى يا ماما .. على قد ما حبيته على قد ما تعبت
طارق نسى نفسه واتكلم بصوت مسموع : مش جايز بيحبك وغصب عنه
حور بترد ومش واخده بالها : لا يا ماما هو اصلا وما كملتش الكلمه وبرقت وتنحت وبتبص وراها بخوووف وجمبها . وقامت تجرى وبتقول عفريت .. عفريت
طارق خرج من ورا المقبره وبيبص عليها وهى بتجرى : هبله واوزعه انا مش عارف .. وما كملش الكلمه لقى قطه سودا واقفه تبصله .. جرى وراها وبيقلدها وبيقول عفريت .. عفريت 😂😂😂 حصلها ومسكها من دراعها
حور نطت من مكانها وادته بالشنطه فى وشه ونازله فيه ضرب وبتقوله مش ها تلبسنى
طارق : اه .. يا مجنونه اهدى هو العفريت ها يستأذنك يلبسك والا لاء
حور وهى بتترعش : انت هو والا مش هو
طارق : انا هو يا قدرى .. افصلى يا اوزعه واهدى
حور حطت ايدها على صدها وبتاخد نفسها : اه يبقى انت .. وبصوت عالى انت عرفت منين انى هنا وايه الا جابك
طارق حط ايده على بوئها : اقفلى اعوذ بالله ومسك ايديها تعالى عايزك
حور نطرت ايدها : لا مش جايه ومش عايزا اسمع منك اى حاجه فاهم انا ليا كيانى وشخصيتى فاهم
طارق : لا مش فاهم .. خوفت انا والمفروض اجرى واسيبك صح .. قدامى ومش عايز اسمع صوتك
حور بعصبيه : حاضر بس ما تزعقش ايه دا ياربى وماشيه قدامه وبتفرد نفسها وبترفع راسها لفوق
طارق : ما كان من الاول . عليكى شخصيه مودياكى فى داهيه .. وركبها عربيته بعد ما نفض هدومه .. وهو وركب وخرج من المكان كله ركن العربيه وفضل فيها ما نزلش منها ولف بجسمه بيبص لها .. وحشتينى
حور بفرحه من جواها مش قادره تظهرها : اه وبعدين اعمل ايه يعنى
طارق بنفس الهمس والاحساس : بقولك وحشتينى
حور لفت بجسمها على الكرسى وبتبص له وبترجى : مش قبل ما تقولى ايه الا انت مخبيه عليا ومش ها استحمل تكدب عليا تانى
طارق : كل الا عايزك تعرفيه دلوقتى انى بحبك .. وما حبتش غيرك ووحشتينى .. وكل الا حصل غصب عنى .. والسبب ها تعرفيه لما ارجع من سفرى . امورى تمت على خير ها اقولك ما تمتش بردو ها اقولك وها اسيب القرار كله فى ايدك انتى
حور دموعها نزلت : رايح فين وها تسيبنى تانى
طارق مسك ايدها : مش سايبك . وطول ما انتى عند عمى مروان انا مطمن عليكى ومرتاح
حور بتاخد نفس : تعبتنى وكل يوم بشوفك او لاء بتتعبنى
طارق : ان شاء الله اوعدك انك ها ترتاحى من كل الحيره والحواجز الا بينى وبينك مش طالب غير شوية صبر عليا
حور : ها تقعد اد ايه مسافر
طارق : مش عارف يا حور الله أعلم
حور : ها تكلمنى وتطمنى عليك
طارق : كل يوم بس الله يسترك عمى مروان ما يعرفش انى شوفتك ولا بكلمك
حور : أطمن مفيش حد ها يعرف
طارق : اه انتى ها تقوليلى
حور : صدقنى
طارق بيشاور بصباعه بنفى : لا وربنا ما مصدق وشدها من ايدها عليها وقرب على خدها باسها برومانسيه ظاهره عليه وجمب ودونها .. بحبك وها تاخدى قلبى وعقلى معاكى وها اسافر من غيرهم يا حبيبتى
حور بكسوف وقلبها بيدق بطريقه رهيبه رغم انه مش اول مره يقرب منها شدت ايديها وبعدته : احممم . انا مش مراتك وحرام وعيب وكمان فى العربيه
طارق : محدش شايفنا القزاز متفيم .. وانا جوزك وها أفضل جوزك بس قولى ان شاء الله
حور : انت طلقتنى
طارق : ها اروح الازهر واحكى لهم على كل الا حصل والا ها يأمرو بيه ها اعمله بس بعد روجعى زى ما اتفقنا واتحرك بالعربيه ووصلها عند الفيلا وقبل ما تنزل
طارق : ادعيلى يا حور ربنا يجبر بخاطرى
حور قلبها وجعها وماقدرتش تقول حاجه وخوفها بيزيد ومش ها تتحمل اى بعد تحت اى ظرف خلاص مهما كان .. ها استنى ترجعلى بالسلامه عشان مهما كان الحاجز الا بينى وبينك عمره ما ها يفرقنا الا لو انت الا عايز كدا
طارق ابتسم وحاسس بطاقه ايجابيه وأمل مجرد كلمتين غيرو نفسيته .. لف بالعربيه ومش وهو مبسوط وتقريبا كدا مش فارق معاه حاجه
****************
أحمد :ايه رايك فى الفكره
ريم : الا يريحك يا أحمد انا ماعنديش مانع قولتلك انا الا يهمنى اكون جمبك فين بقى مش مهم
أحمد : انا قولت لبابا عشان ما يزعلش منى وهو قالى دى حياتك ولازم تبقى فى اى مكان مرتاح .. وانا شايف اننا مش ها نبقى براحتنا هنا . الفيلا خليها للمتنا مع بعض وحياتنا تبقى منفصله عشان يبقى فى حريه وبردو ما تحسيش انك متكتفه ومش قاعده براحتك تلبسى الا انتى عايزاه فى اى وقت وتقعدى بحريه
ريم بأبتسامه : دا الا محببنى فيك بتاخد بالك من التفاصيل .. رغم ان عيلتك ماشاء الله جميله ومحدش يزهق منهم بس فعلا مش ببقى على راحتى طول الوقت وببقى مكسوفه لو هما كلهم متجمعين وانا مش موجوده وسطهم يعنى شوية امور خاصه كدا
أحمد : تمام قوووى تحبى تروحى شقتك أمتى لو عايزا انهارده ياله قوووى جهزى هدومنا ونطير على هناك وعلى فكره هى قريبه من هنا مش ها نبعد كتير
ريم قامت وحضنته : بحبك يا حمودى
أحمد : وحمودى كمان بيحبك وبينى وبينك كدا عايز اطردك من الاوضه براحتى
ريم : ايوا .. ايوا اظهر وبان عليك الامان
أحمد : الواحد لازم يكون صريح حتى مع نفسه وقرب عليها وحضنها وبيناغشها فى وشها انتى بتجرينى ليه هاااا
ريم : انت مش محتاج حد يجرك
أحمد : على فكره بقى فى مفاجأه كمان .. وضبت ليكى أحلى صيدليه تحت الشقه على طول وكل الا يخصك فى الصيدليه التانيه بيتنقل حاليا هناك
ريم بفرحه أكبر : انت تستاهل 100 بوسه وبتحضنه وبتبوسه فى وشه كتير .. وهو بيضحك .. وضمها أكتر لحياته قدر فعلا يوصل لنقطه مشتركه بينهم ومرحله انهم يبقو متفاهمين وبيوصلو لأى شئ بالنقاش بينهم والمناسب بيعملوه الا بيرحهم هما وبيسهل حياتهم ادام مش ها يقصرو فى حق اهاليهم
*****************
كريم : يا ماما اسمعينى وافهمى وجهة نظرى اولا انا قولتلك ما تروحوش الشغل انهارده عشان نروح نحدد فرحى انا وسما ونعرفهم اننا ها نعيش منفصلين عنكم بعيد عن الفيلا
روكا : من اولها عايز تبعد ما احمد اهووو معانا ووسطنا دايقناه والا حصل حاجه زعلتهم
كريم : أحمد كمان ماشى يا ماما كل واحد له حياته وعايز يعيشها بحريه
مازن : انتى زعلانه وعامله ثوره ليه اهدى يا روكا
روكا : يعنى البيت ها يفضى علينا ما انا وروان عيشنا مع بعض لا فى يوم زعلنا ولا حسينا زى ما بيقول اننا مش براحتنا
مازن : احنا فتحنا الفيلا وقعدنا فيها انا واخويا عشان تبقى بيت العيله .. مكان يتجمع فيه ولادنا ويلاقو بيت مفتوح لهم فى اى وقت مش عشان نجبرهم يقعدو معانا .. هو حر ويعيش زى ما يرتاح
روكا بصوت عالى : اه قول ان انت الا مالى دماغهم ما انت كنت بتستفرد بيا فى الشقه زمان .. فاكر .. فاكر
مازن : يخربيت سواد قلبك ومسك دماغها وبيهرها جااامد انتى حاشيها ايه جووووا من قاعد وبيلعب فيها طول الوقت
كريم : يالهوووى .. ارجوك يا حج يا اهدى
مازن بعصبيه : ابعد عنى دلوقتى الست دى لازم تتربى
روكا بتشهق جااامد وبتضرب على صدرها : انت بتغلط فيا .. اخرتها بتغلط فيا
مازن : لا يا روكا مش بغلط انا عايز اتوبك
روكا : نهارك ملو لو .. يا مازن
كريم : 😂😂 والله انا الا واد ملو لو عشان باخد رايكم المفروض كنت صدرت عمى وخلصت من ام الحوار دا
روكا : انت تخرس خالص ... وبتشاور قدام وش مازن ما انت طالعله متسلط زيه
مازن مسك ايدها وعضها بغل : اقعدى بقى واتفاهى بطلى غباوه وروكا هجمت عليه وكريم فى النص بينهم
كريم خلاص ياروكا حقك عليا
روكا عضنى العضاض سيبنى عليه وانا انقرشه
مازن : اه ما انتى خبره فى النقرشه متجوز الفك المفترس
كريم : طيب اوعى كدا يا وحش .. اعملو الا انتو عايزينه بقى
مازن : ابنك باعنى يا روكا
روكا : ولا تزعل نفسك يا حبيبى احنا ملناش غير بعض
كريم بص لهم وتنح وضحك بأعلى الصوت : طيب بتتخانقو وتزهقونا فى عشيتنا ليه
مازن حط ايده على كتف روكا : دى الشطه يا اهبل اتكل ياله خلينى اصالح أمك عشان عايز أعضها براحتى
****************
مر يومين فى سلام وامان واستقرار للجميع .... احمد اتنقل شقته هو وريم .. وكريم اتفق على فرحه .. ومنير مؤمن وافق عليه وقرو الفاتحه واتفقو ان الشبكه وكتب الكتاب فى يوووم واحد وطارق سافر هو ومحمود وشريف وهدى قلقنين وحاسين ان فى حاجه هما مخبينها عليهم .. وخفة دم طارق كانت بتنسيهم قلقهم نوعا ما وفرحو انه فك شويه
************
طارق ومحمود بعد ما ريحو راحو على المستشفى والدكتور الاخصائى الا محمود سأل عليه وعرف انه دكتور ناجح جدا .. واسمه مايكل وكبير فى السن مش صغير ..
محمود ماسك ايد طارق الا بدء يبان عليه القلق والتوتر وبيطمنه ... دخلو للدكتور
((الحوار مترجم ))
محمود : مرحبا دكتور مايكل
مايكل : مرحبا بك .. تفضل
محمود : ثانيه واحده وبيشد طارق يدخله
طارق داخل بتردد وبيبص على الدكتور والدكتور اول ما شافه قام من مكانه بزهول وقرب على طارق وطارق بيرجع لورا وبيبص لمحمود بأستفهام
مايكل : أوووووه حبيبى وبيحضن طاااارق جااامد
طارق تنح وبيبص لمحمود الا واقف يضحك ومستعجب : لا انا محجوز مش فاضى كفايه حور ارجوك 😂😂😂
مايكل : مسك وش طارق بين ايديه وبيبص له وعيونه دمعت معقول ؟!
💗💗💙💙💚💚💚
للمتابعه اترك تعليق
البارت السادس والخمسون من الجزء الثاني
خادمتي ولكن
💗💗💗💗💙💙💙💙💙💚💚💚💚💚
((الحوار مترجم ))
مايكل : اووووه حبيبى لقد عودت اخيرا
طارق بيهز راسه : اه عدت من مصر لهنا عشان اتعالج مش عشان اتحب وبيبص لمحمود ما تتكلم يا حودا وشوف حكاية الراجل دا ايه
محمود : من فضلك اتركه
مايكل بصوت عالى : لا .. لا .. انه ماكس ابن ابنتى انه حفيدى ماكس وبيشده وماسك فيه
محمود مسك طارق : لا لا دا ماكس ابن بنتى انا .. يعنى حفيدى انا سيب بقولك
طارق : يادى النيله عليا .. ماكس مين يا حودا يا راجل انا طارق وجاااى اتنيل اتعالج
مايكل : لا ماكس انت بخير يابنى .. وماسك وشه مازلت بجمالك وبيحط ايده على شعره وشعرك مازال كما هووو جميل ومثير
طارق : ايوا هو شعرى دا مودينى فى داهيه فى ايه يا جدعان ما تلحقنى يا جدى فى أم الليله دى
محمود : نحن الحاله الاتيه إليك من مصر للعلاج
مايكل بإعتراض شديد : لا انت واضح عليك انك فقدت الذاكره .. وهؤلاء اخذوك ماكس
طارق بيرفع حواجبه : قول وربنا يعنى انا مش أبن هدى وشريف اتصرف يا جدى دى هربانه منه هو نصيبى واقع فى المجانين ليه خرجنى من هنا
محمود بيشد طارق من ايد ومايكل من ايد : اتركه انه لى
مايكل : لا انه لى انا وبنتى ليزا
محمود : لا انه لى انا وبنتى هدى
طارق بيعيط عياط مصطنع : اتركونى انتم الاثنين انا لحور منها لله هى السبب وبيشد نفسه من الاتنين وخرج برا بسرعه ومايكل بيجرى وراه ومحمود بيجرى وراه
محمود : استنى يا طارق رايح فين
طارق : فى داهيه انا ناقص جنان ادى إلا خدناه من الجواز والخلفه دانا لو خلفت ها اضربه بالجزمه
محمود : 😂😂😂 ما انت الا فقر وليك فى كل خرابه عفريت استنى
مايكل : ماكس ارجوك توقف ارجوك
طارق وقف فى الشارع وبيكلم مايكل : ارجوك انت توقف انا مش ماكس ابن بنتك انا شاب مصرى أسمه طارق . وبيشاور على محمود ودا جدى محمود ابو أمى الا معرفش غيرها واتربيت معاها ووسطهم واكيد ماكس لو شبهى مش ها يبقى للدرجه دى فى حاجه بتميزنا عن بعض
مايكل طلع صوره من جيبه مش بتفارقه : انظر لهذه الصوره جيدا .. وقرب طارق ومحمود واتصدمو من الشبه لا مش شبه دا كأنهم توأم فوله واتقسمت نصين ومحمود بينقل نظره بين الصوره وبين طارق بذهول معقول
طارق : ايوا بس انا مش هو بردو مايكل .. ارجوك توقف
مايكل برجاء : ليزا فى حاله سيئه جدا ارجوك اتركها تنظر اليك وتلمسك ولو لمره واحده انت الان تفعل عمل انسانى
محمود بينفخ بنفاذ صبر : انت عايز تعلق بنتك بحد غريب مش ابنها احنا ها نعالجه ونسافر
مايكل : لا عندما تروها ساتغيرون رايكم .. ماكس منذ سنه لا نعرف عنه اى شئ اختفى من حياتنا ارجوكم سوف اقدم لكم كل ما تتمنوه
طارق : يعنى انت خلاص شيلت فكره انى ابن بنتك
مايكل قرب عليه وحضنه : رغم انك تخترق قلبى ولكن لن ازعجك .. كل ما اريد قوله اننى احببتك كثيرا واتمنى عودة ماكس ولكن انت أملى الوحيد فى ان استرد ليزا ابنتى من جديد
محمود : ايه يا طارق ها تعمل ايه
طارق : ها اعمل ايه يا حودا نصيبى كدا اخرج من نقره اسمها حور أقع فى حفره اسمها ليزا .. ها اروح معاه وبيكلم مايكل بشرط محمود ها يبقى معايا
مايكل : موافق بكل ما تريده .. ارجوك انتظر هنا . وطلع بسرعه جاب حاجته وخد طارق ومحمود ومشى من المكان وصل قدام بيت له جنينه صغيره ودخلو ورا مايكل .. فتح الباب ودخل
البيت هادى جدا وفى ست كبيره فى السن قاعده بتعمل تيشرت رجالى من خيوط الصوف اول ما بصت على الباب الابر وقعت من ايدها فى الارض وفاتحه بوئها ومش بتتكلم .. قامت من مكانها فى اتجاه طارق .. وقربت وحضنته وقعدت تعيط المشاعر لجمتهم واتعاطفو معاهم جدا ..
مايكل : اهدئى سندرا اريد ان اخبرك شئ
سندرا ماسكه فى طارق مش عايزا تسيبه : اتركنى لقد رجع ماكس من جديد كما هو جميل مثل ليزا تماما
طارق بيبص لمحمود ومش عارف يعمل ايه ولا قادر يبادلهم نفس المشاعر ولا قادر يهرب ويسيبهم وكأن حاله من الصدمه اتملكت منه هو ومحمود الا سافريتهم اتقلبت تماما ومشيت فى اتجاه هما مش عارفينه
مايكل خد سندرا وبعد عنهم ووقف فهمها كل الا حصل
سندرا بدات تعيط وتمسك فى ايد مايكل : ارجوك قل غير هذا الكلام انه ماكس بجماله وشقاوته التى تظهر عليه دائما سوف نقتل ليزا من جديد عندنا يغادر مايكل انه هووو ماكس لن اتوه عنه
مايكل بيمسح دموعه : هذه محاوله لبقاء ليزا معانا .. ماكس لم يرجع انه اختفى تماما سندرا اصدقائه الذين ذهبو معه الرحله قد رحلو وهو أختفى معنى ذلك انه رحل هو الاخر
سندرا بتهز ايدها وبتقول : لا تقول هذا حفيدى سوف يعود لن اتركه .. لكنى اشم رائحته فى هذا الولد اشعر انه ماكس .. قلبى يقول هذا
مايكل : انه مصرى يعرف جذوره جيدا يتكلم العربيه بطلاقه اتى للعلاج عندى ليس هو ولكن اخترق قلبى سندرا وكأننى اشعر حقا بوجود ماكس
سندرا بأستسلم : ماذا سا تفعل عندما يغادر مع ليزا
مايكل : لا يهم الان .. الاهم ان تراه وتحضنه وترجع لها الحياه مره أخرى الرب بعت هذا الشاب لينقذ ليزا من الموت قلبها فى حاله سيئه
سندرا بزعل : نعم ابنتى تموت وانا غير قادره على فعل أى شئ .. وبالهفه .. خذه لها انا لا اتحمل ارجوك مايكل لا تتركها
مايكل بيمسح دموعه وراح لطارق الا واقف هو ومحمود ما اتحركوش من مكانهم .. مسك ايده بحب وابتسامه وطارق ابتسم له .. ارجوك تجاوب معاها
طارق بيهز راسه : حاضر مايكل
مايكل : أنت ولد جميل .. ودخل عند ليزا ومحمود واقف على باب الاوضه ما دخلش بيبص من بعيد لبعيد .. طارق بيعيد الزمن من جديد بشكل مختلف . بيت مليان فتور وحزن وكأبه وكان محمود السبب اتقلب عليه المواجع بدون قصد شاف حزن بهاء الحقيقى الا ماكنش شايفه ولا حاسه دا حال ناس من فقدان ابنهم سنه واحده .. بهاء اتحمل 24 سنه من غير بنته ازاى معقول كان مجرم فى حقه للدرجه دى
طارق داخل بحذر فى اوضه مضلمه وواحده نايمه على السرير متعلق لها محاليل وضعيفه جدا . جدا
مايكل فتح نور الاوضه : ليزا ابنتى العزيزه .. ان الاوان ان ترجعى لحياتك من جديد ومسك ايد طارق حطها فى ايد ليزا الا دفسه راسها فى المخده .. انتبهت للمسة الايد وبتلف راسها براحه وخوف واول ما عيونها جت فى عيون طارق اتعدلت براحه وألم اترمت فى حضنه بضعف شديد .. وطارق بادلها الحضن بحراره مش عارف ليه .. لانه فعلا شاف جسد بلا روح
ليزا بعياط ضعيف : ماكس بنى لماذا تركتنى انا امك التى تحبك كثيرا
طارق : ارجوكى لا ترهقى نفسك كثيرا لماذا انتى بهذا السوء والضعف
ليزا اتعدلت : لاننى بدونك بنى .. رحل ابيك وانت رحلت من بعده لن اتحمل كثيرا فسقطت فاقده للحياه بدونكم
طارق بأبتسامه ودموعه نزلت غصب عنه : ارجعى لحياتك من جديد انا أمامك
ليزا : لن تتركنى مره أخرى
طارق : للاسف سوف اتركك لكنى ساكون دائما على تواصل بكى من حين لاخر
ليزا : ارجوك خذنى معك لن اتحمل عدم وجودك مره أخرى
طارق : لا يوجد مانع عندى بشرط ان تعودى ليزا كما فى السابق
ليزا بتقوم وبتشيل المحاليل من ايدها وبتتسند على طارق : نعم سوف اعود.. انا جائعه كثيرا واريد انا اكل من يدك كما كنت تفعل فى السابق
مايكل دموعه بتنزل وحس بفرح رهيب خرج لسندرا بسرعه وهو فرحان : انها تطلب الطعام واتيه إلى هنا . اسرعى سندرا تعالى معى لنعد لها طعاما ودخلو المطبخ وجهزو الاكل وخرجو لطارق وليزا الا نايمه على كتف طارق بضعف شديد ومبتسمه ومحمود قاعد قصادهم بصمت
****************
سمسمه : عمو هيثم جاب تيتا وجدو فتحى يا ماما
روان : يا قهلن يا قهلن .. تعالى يا حور امسكى الحجه وانا ها امسك الحج
حور : حاضر يا رورو . وخرجت معاها مسكت منيره وروان فتحى ونزلوهم من العربيه ودخلوهم جوا .. منوره يا تيتا
منيره : بوجودك يا حبيبتى .. تعالى يا سمسم وخدتها فى حضنها .
حور : جدو فتحى سمعت عنك كتير يا راجل يا طيب
فتحى : تسلمى وتعيشى يا حبيبتى .. روان كل ما تكلمنى تقولى انا عندى بنتين يا بابا وانت عندك اربع احفاد من تلاته
حور بابتسامه : دا شرف ليا
مازن وروكا نزلو سلمو عليهم وكريم اما أحمد مش موجود معاهم مع عروسته فى شقته الجديده .. قعدو قعدتهم ومنيره وفتحى طلعو يريحو على ما مروان يرجع من شغله عشان يتغدو مع بعض كلهم . والبنات دخلت مع بعض تعمل الاكل
سمسمه : مامى ممكن أغسل الخضار بتاع السلطه
روان : ممكن طبعا يا قمرى
سمسمه : ماما انا عايزا اعمل قمرين زيك انا خارجه اجيب حاجه وجايه كملى انتى يا حور
حور : عيونى
روكا وروان ضحكو بصوت عالى جدا
حور : تعمل قمرين ازاى يعنى
روكا : دا روان حكايتها حكايه يا بنتى ازاى ما تعرفيش طقطق ما قالش ليكى حاجه
حور بنفى : هو طقطق دا حد يخرج منه بمعلومه
روان قربت عليها وبهمس : مروان قالى اتاكدى منها ان ما حصلش بينكم اى حاجه لانه شاكك فى الموضوع دا لو حصل من حقه يردك عادى انما لو كتب كتاب بس .. فا ليكى حق يتقدم من الاول وليكى مهر وشبكه ويكتب كتابه من الاول
حور بتاكيد : لا ما حصلش حاجه .. وبجد ها يتقدم ليا من الاول وجديد
روان : ايوا لو عايزك لازم يتقدم هى سايبه والا ايه مروان لازم يضمن حقك من كله وكووويس قوى انه ما حصلش حاجه بينكم ❤
حور بابتسامه : انا عايزاه هو ومش مهم اى حاجه فى الدنيا .. بجد حياتى من غيره ملهاش اى طعم
روكا : بكرا يبقى لها طعم اتقلى واسألينى انا .. اصل طارق شبه مازن مجنن الا حواليه
روان : والله انتى الا مجننا الراجل وجننتونا معاكو
روكا : يا رورو الرجاله انواع .. ونوع مازن دا لازم حد يجننه ويشغله طول الوقت ميدلوش فرصه يفكر ولا يروح يمين وشمال
حور : وانتى قررتى تشتغليه .. بس على فكره طارق غير عمو مازن خالص فى كل حاجه .. طارق شخصيته قويه جدا ومش سهل التأثير عليه ودايما بيحاول يبان فى مركز قوه مش ضعف حتى لو على حساب سعادته
روان بهيام : مروان بقى غيرررر خالص .. شخصيه شديده وقويه بس عند اللزوم .. عنده حنيه تكفى بلد ودايما شايل مسئوليه الكل كانهم ولاده .. رومانسى جدا جدا جدا بس معايا انا بس
روكا : الله أكبر الحجه شرخت
روان : 😂😂😂
حور : انتو كنتو بتحبو بعض
روان : احنا كنا بنحب بعض بقناع قمرين وريحه غرام الافاعى والحربايه ورومانسيه روان ومروان
حور : دى فزوره والمفروض احلها
روان وهى بتعمل الاكل هى وروكا بدات تحكى لحور قصتها مع مروان ومازن وشريف
حور ماسكه بطنها وبتضحك جااامد
روكا : عرفتى ليه كلهم كانو بيقولو انك شبه روان فى كل حاجه
حور : عرفت .. وانتى بقى مفيش قصة حب
روكا : فى بلاوى بعيد عنك .. اول مره شوفنا بعض فيها اتخانقنا وبهدلنا الدنيا .. وقصت لحور كل شئ ... هدى داخله عليهم .. اتاخرت والا حاجه
روان بتبوسه : حبيبتى يا هدهود .. جيتى فى الوقت المناسب شريف مروان برا
هدى : ايوا .. جينا من الشغل على هنا .. تعالى يا قلبى فى حضنى
حور قربت وحضنت هدى جااامد
هدى : امتى بقى ابنى يعقل وتتلمو انتو الاتنين وتملو علينا الفيلا وتجيبو ليا اطفال كتيررر العب معاها انا وشريف ونعوض الا فات
روكا : ان شاء الله يا هدى مش ها يبطلو خلفه وبيت جدو بهاء يتملى اطفال زى ماكان بيتمنى
هدى من قلبها : يا رب يا روكا .. انتى مكسوفه ليه .. صدقينى انا ها تتجوزى ومش ها يخلف من غيرك الواد بيحبك واعراض الحب ظاهره عليه اولهم الاكتئاب الحاد
حور بأبتسامه : يارب يا ماما .. انا كمان بحبه وبتفرد ايدها وسعولى كدا انا لازم اكمل الاكل انتو ادتونى دافعه للامام
روان : انطلقى محدش ها يقولك لاء
مروان حاضن سمسمه : خلصتى واجابتك
سمسمه : كل حاجه يابابى فى التمام .. وعمو هيثم حاب تيتا وجدو
مروان : طيب تمام .. انتى راحه فين
سمسمه : ها اشوف طقطوقه ودهلز ومجانص عندهم اكل والا لاء .. عمو شريف هو طارق راجع أمتى
شريف : الله أعلم .. سفريه غريبه ولا نعرف فيها اى حاجه
سمسمه : مش خايف يتجوز هناك تانى
شريف : انا بترعب يا سمسم لا وهو وعمى محمود ربنا يستر
مروان ومازن : 😂😂😂
مازن : محمود راجع بواحده وطارق بواحده
شريف : قلبى بيقول كدا والله ها تروح انهارده لعزت تحدد المعاد
مازن : ان شاء الله امال انا اكدت عليك تيجى ليه مع مروان
مروان : كريم فين
مازن : هو دا بيضيع وقت .. ها تلاقيه راح لها ما بيصدق بيقولى انا راجع الشغل سيبنى فى حالى
شريف : حقه يا جدع .. ما احنا كنا بنستغل كل ثانيه
مروان ابتسم وسرح بخياله لزمن فااات كان مليان ضحك طول الوقت وبنوته جننته اسمها قمرين خطفت قلبه
مازن : وصلت لحد فين
مروان : معاكو .. ها اروح فين انا طالع أغير وطلع وسابهم .. طلع البوم ذكرياته كلها وطول فرجته على الصور يضحك وخصوصا صورة قمرين طول الوقت شايف روان شقيه وزى ما هى عمره ماحس بالتغير ابدا لامنه ولا منها بالعكس بيتمسكو ببعض أكتر والحب بيكبر أكتر وأكتر
********************
كريم واقف قدام شقة سما وشايل بوكيه ورد وشيكولاته وبيرن الجرس
سوزى فتحت : لا احنا ما اتفقناش على كدا ايه الا جابك دلوقتى انا لسا بروق الشقه
كريم : حبكت تروقى انهارده .. ثم كمان انا اجى براحتى والوقت الا يعجبنى
سوزى مدت ايديها : هااات الورد والشيكولاته دى وخدتهم .. ولسا ها تقفل الباب كريم حط رجله وزق الباب فتحه وقرب على سوزى مسكها من قفاها تعالى بقى انتى الا جبتيه لنفسك .. وخرجها برا ودخل هو وقفل الباب .. 😂😂
سوزى بتخبط : افتح يا أخ عيب عليك كدا ماعتش مروئه
كريم من ورا الباب خليها تنفعك اقعدى على السلم يا حقوده
سما : ايه دا كريم امال فين سوزى
كريم شدها على الباب : سيبك منها دى لازقه انا وزعتها
سوزى بتخبط جااامد
سما : اوعى يا كريم .. انت سايبها برا
كريم : اه ولسا ها يبوسها
عزت : سما
كريم زق سما .. يا سما بطلى بقى عيب حد يطرد اخته
سما متنحه وبتشاور على نفسها : انا
كريم : ايوا انتى لسا ها تفكرى ازيك يا عمى وبيفتح الباب لسوزى .. وداخله والشر ماليها وبتبص لهم بنص عين
كريم : خلاص يا سوزى انا عرفتها غلطها
عزت : تعالى يا كريم يابنى ها تفضل واقف على الباب هما هزارهم على طول كدا
كريم : وراك اهو يا عمى وبيبص لهم ليه الهزار دا وبيكلم سوزى مش قد الهزار ما تهزروش
سوزى بترفع ايديها ولسا ها تتكلم
سما : خلاص يا سوزى الله يخليكى ما تخليش بابا يقلب
كريم : اخرسى الهى الشيكولاته الا كلتيها برا تقف فى زورك ونخلص منك
سوزى بتبص لهم : اه يابلد طول عمر الشقاوه فيكى قلة ادب وماشيه قدامهم وبتفتح فى الشيكولاته وبتاكل فيها كريم قرب عليها وضربها على راسها يا شيخه روحى وبيكلم سما
كريم : ايه يابنتى الكائن دا انتو مش خايفين ينتشر
سما : 😂😂😂 دى العسل بتاعنا . ياله عشان بابا مستنى جوا
كريم بيغمز لها : انا مش عايز بابا .. انا عايز بنت بابا ممكن
سما بتضحك : يابنى بطل شويه .. ادخل ياله اعملك ايه تشربه
كريم : شربات يا عروسه وادخلى عليا
سما ماشيه : اوكى واحد قهوه مظبوط وشاى لبابا
كريم بيلف ايده عند ودنه : العيله كلها ضاربه بقولها شربات تقولى قهوه ودخل جوا سلم على حماه وقعد
عزت : منور يا حبيبى
كريم : بوجودك يا عمى
عزت : والدك جاى دلوقتى
كريم : لا ها يجى فى معاده ان شاء الله انا قولت اجى اسلم على حضرتك واستأذنك اقعد مع سما عشان لو لها طلبات والا حاجه اظبط الدنيا معاهم قبل ما يجو
عزت : كلك ذوق ومفهوميه يا حبيبى
سما داخله وشايله الصنيه وقدمت القهوه والشاى وقعدت ومامتها خرجت سلمت على كريم ورجعت تانى تكمل الا بتعمله
عزت : انا ها اخد الشاى .. وانتو اقعدو براحكتو وخرج لسا كريم ها يقرب على سما لقى سوزى داخله بعلبة الشيكولاته
سوزى : كيمووو انت جايب الشيكولاته دى منين وبتاكل اصلها حلوه قوووى
كريم : يابنتى ابعدى عن طريقى
سوزى : انا بعيده اهووو انت على الكنبه لازق فى اختى الا على نيتها .. وانا قاعده على الكرسى باكل الشيكولاته الا انت جايبها طلعت بتفهم والله
كريم : دا انا ها اطلع عينك لما تتخطبى بس اصبرى ها اطفشهم .. وبيكلم سما اتعاملى انتى بدال ما اقوم ارميها برا واقفل الباب
سما : سوزى عيب كدا
كريم : وربنا .. طيب قولى كلام غير دا وبعصبيه كام مره قولتلك ارفعى النضاره من على مناخيرك . واحده يتفات لها بلاد وبيشاور على سوزى والتانيه خانفه
سوزى : اهدى يا كيمووو .. احنا لسا فى اول اليوم .. اقولك على فكره عشان ما ارخمش عليك
كريم : ارغى
سوزى : اقعد فى البلكونه بحرى كدا والا رايح والا جاااى تقرييا قاعد معاكو فا انا ها ابقى مطمنه على اوختى
كريم : قومى يا سما ودينى البلكونه الواحد يقعد فى الشارع ارحم من القاعده معاها .. ودخلو البلكونه وقاعدين جمب بعض مسك ايدها : ياااه اخيرا اعوذ بالله وحشتينى امتى اخلص من اللزقه دى
سما : هههه انت الا حاطت نقرك من نقرها وهى ما بتصدق
كريم نزل بجسمه : وطى تعالى اقولك كلمه سر
سوزى فتحت الشباك مره واحده : احمممم تشرب ايه ياكيمووو
كريم : يخربيتك على بيت كيمووو وشال لعبه بلاستك حدفها بيها دخلت جوا وهى بتضحك
سما : ههههههه كيمووو
كريم : ما تقوليش كيمو بقى بيعصبنى وادى ايدك وسابها
سما : خلاص بقى ..انت كمان وحشتنى
كريم ابتسم : لو مش الرخمه دى كان الواحد عرف يوصلك احساسه بس هانت خلاص ياقمرى .. انتى حابه اى حاجه اتكلم فيها مع اهلى
سما : لا مفيش اى حاجه غير الشقه وانت حققت رغبتى فيها
كريم : القاعه بتاعت الفرح اى التزمات من ناحيتى تجاهك لانى راجع الشغل وصعب تشوفينى طول الفتره الا جايه وطلع مبلغ دا يا ستى بينى وبينك كدا خارج اى اتفاق عشان لو نفسك فى حاجه تجبيها انتى ملزومه منى حاليا
سما بكسوف : ملوش لزوم بابا بيدينى كل الا بحتاجه
كريم : لا خلاص انتى مراتى وملزومه منى انا أمسكى وقولى تعيش وتدينى اعملى اى منظر
سما مدت ايديها خدتهم : شكرا يا حبيبى تعيش وتفضل معايا القلب الكبير على طول
كريم : انا ها اقوم عشان تخلصو الا وراكو وها اجى معاهم بقى
سما : ماشى اوعى تتاخر انا عملالك اكلنا بإديا .. يعنى جوووع
كريم ابتسم : عنيه مش ها ادوق الاكل غير وانا هنا ومن ايدك وبعت لها بوسه فى الهوا وخارج سلم على عزت ومامتها ومارديش يسلم على سوزى ورخم عليها ونزل
💗💗💗💙💙💙💚💚💚
للمتابعه اترك تعليق
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تعليقات
إرسال تعليق