 |
#بنت_الرعد.
#الفصل_الرابع.
برق بحنية: اي انت نسيت اخوك ولا اي يا رعد.... الف مبروك يا حبيبي عرفت انك اتجوزت.
رعد بحب: انا اقدر انساك يا حبيبي.... الله يبارك فيك عقبال ما افرح بيك.
برق: امال فين عروستك مجبتهاش معاك ولا اي.
رعد: لا اكيد تعال اعرفك عليها... ملك دا برق اخويا الكبير... ودي ملك مراتي.
برق بخب*ث: اتشرفت بيكي يا استاذة ملك... الف مبروك معلش جت متاخر.
اسيل: ولا يهمك والله يبارك فيك.
برق: بس عروستك حلوة اوي يا رعد... جدك عرف يختارلك صح.
رعد بغض*ب: انت عارف الجوازة دي حصلت ليه..... واللي في بالك مستحيل يحصل.... هي فترة وهطلقها.
برق باستغراب: ليه يعني يا رعد.... البنت حلوة مش وحشه.... اي اللي مش عجبك فيها.
رعد: انا مستحيل اوافق اني اتجوز بالطريقة دي مهما حصل.
كان رعد وبرق بيتكلموا بعيد عن اسيل وهي قاعده علي الترابيزة زهقانه فجاه قرب منها شاب.
الشاب: تسمحيلي يا انسة بالرقصة دي لو سمحتي.
اسيل: اسفه بس انا مبعرفش ارقص.
الشاب بابتسامة: مش مشكلة انا هعلمك لو تقبلي يعني.
اسيل كانت خايفه تقوم وقبل ما تمد ايدها جه رعد: خير يا استاذ في حاجه.
الشاب: هرقص مع الانسة في حاجه.
رعد بغض*ب: في انك عايز ترقص مع مراتي.
الشاب باستغراب: مراتك... اسف مخدتش بالي اصلها لوحدها ومش لابسه خاتم في ايديها.
رعد: طب اتفضل هي مش هترقص.
بعد ما الشاب اعتذر ومشي... اسيل: هو في اي مش انت راميني ومش بتسال فيا... وانا زهقت بصراحه.
رعد: عايزة ترقصي ماشي من عيني الاتنين.
اسيل بخو*ف: استنا يا رعد انا اصلا مبعرفش ارقص والله خلاص هفضل قاعده.
*رعد مسمعش منها وشدها وبداء يرقص معاها وهو باصص في عينيها والكل من حواليهم بعدوا وبقوا بيرقصوا لوحدهم واسيل بتتمايل علي انغام رعد بكل بساطة زي ما تكون حرفية رقص وكل تركيزها في عيونه اللي اسرتها وفجاه بداء رعد يغني مع الاغنية اللي شغاله واللي خلي اسيل تسرح خالص مع صوته اللي يخطف اي حد.
يا اميرتي يا جميلتي
يا سيدة كل النساء
لا تتركيني فى وحدتي
فالابتعاد عنكي ابتلاء
يصعب علي تحمله
وحان وقت الانتهاء
ساكون معكي برغبتك
وكما مولاتي تشاء
يا حور عين قد اكتفيت من العذاب
الله رحيم فكيف انتي لا ترحمي
سؤالي انتي وانتي الرد والجواب
حني على قلب قد بات مغرم.
&خلصت الاغنية والكل سقف بانبهار واسيل بسرعه بعدت عن رعد بكسوف وهي مش عارفه اي حصلها عشان تسرح معه كدا.... وعدي الوقت والحفلة انتهت.
رجع برق البيت وبسرعه ملك جريت عليه: طمني يا برق اسيل عامله اي.... هي كويسه رعد عمل فيها حاجه.... كشفها ولا حاجه.
برق: اهدي يا ملك في اي.... اختك كويسه والله.
ملك: انا حاسه بالذنب ناحيتها.... جدك لو كشفها مش هيسكت.
برق: متخفيش رعد شكله مهتم بيها ومش هيسمح لحاجه تحصلها.
ملك باستغراب: ليه اي اللي حصل عشان تقول كدا.
برق وراها الفديو بتاع الرقصة: شايفه بيبصلها ازاي.... رعد وقع خلاص.
ملك: ربنا يسترها... بس انت ناوي علي اي يا برق.... هو انا هفضل مستخبيه كتير.
برق: استحملي شوية يا ملك.... اللي في دماغي يحصل وساعتها هتطلعي للعالم كله وانتي مراتي.
ملك: يارب يا حبيبي.
*في شقة مايا كانت قاعده متعصب*ة بعد ما شافت فديو رقصة اسيل ورعد دخلت عليها امها.
الام: وبعدين معاكي يا مايا.... انتي رجعتي ليه... رعد خلاص مبقاش ليكي.
مايا بغض*ب: متقوليش كدا تاني.... رعد طول عمره ليا انا وبس.
الام: دا كان زمان قبل ما تقبلي عرض جده وتسافري وتسيبه يا مايا.... انتي اتخليتي عنه عشان خاطر الفلوس.
مايا: كان جده هيدم*رني لو مكنتش قبلت.... قولت استفيد وبعدها ارجع وانا قوية.
الام: واديكي خسرتي كل حاجه.... وانسي انك تعرفي توصلي لرعد.
مايا بخب*ث: انتي متعرفيش حاجه.... قريب اوي رعد هيكون ليا.... وبرغبته كمان ومش بعيد يتحايل عليا.
الام: مش مطمنالك يا بنت بطني.... بتمني تخالي بالك من نفسك.... احسن ما تخسريها هي كمان.
مشيت امها وهي مسكت التلفون واتصلت بشخص غامض: بقولك اي خلينا نتقابل النهارده في الكافيه بتاع زمان.... بس بلاش تتاخر فاهم.
قفلت مايا وهي بتقول: ما هو يا انا يا انت يا رعد.... قولتلك مش هسمحلك تكون لغيري لو اي حصل.... وهتشوف مايا هتعمل اي عشان تبقي ليها من تاني.
*وصل رعد واسيل البيت وقبل ما اسيل تطلع اوضتها.
رعد: استني عندك انتي راحه فين.... احنا لسه متحسبناش.
اسيل باستغراب: نتحاسب علي اي مش فاهكه.
رعد: ازاي كنتي هتسمحي لنفسك ترقصي مع راجل غريب.... هو انتي متجوزة رجل كرسي.
اسيل وهي بتحاول تكتم ضحكتها: متقولش علي نفسك كدا انت رجل سفرة.
رعد بغض*ب: انتي كمان بتهزاري.... ملك اتظبطي واعرفي انتي متجوزة مين.... عشان متزعليش مني.
اسيل بغض*ب: بقولك اي انت بنفسك مش قابل بالجوازة دي.... يعني انا حره اعمل اللي انا عايزاه.... وانت كمان حر.
رعد مسك دراعها بعصب*يه: ملك بلاش تستفزيني.... عشان انتي اللي هتندمي في الاخر.
اسيل بتحدي: اعلي ما في خيالك اركبه... انا طالعه اوضتي.
اسيل جريت علي اوضتها من نظرات رعد اللي كانت هتاكلها ورعد طلع وراها وشغل المرايا عشان يشوفها والفكرة ان هو ممكن يسمع اللي هي بتقوله لكن هي متسمعش ولا تشوف.
اسيل قعدت علي السرير وهي بتقول: فاكر نفسه مين عشان يتحكم فيا كدا.... عم الديناصور دا.... وبعدين دا غلطه حد يتجوز من غير خاتم.... وجاي يحاسبني.... عيل رخم والله.
رعد ضحك وحس ان عندها حق.... الغلط مش عندها... وقرر انه يعاقبها برضو علي تصرفها.
*مايا وصلت الكافية واول ما وصلت ابتسمت: اهلا اهلا بي برق بيه......
$استوووووووب...
ياتري اي علاقة مايا بي برق.... وعايزة منه اي.... ورعد هيعاقب اسيل ازاي.... 🤔🤔🤔
*بعتذر جدا علي التأخير امبارح بس كان عيد ميلاد ماما ومعرفتش افتح عشان كونا بنحتفل بيها بتمني الكل يعيد عليها.... ولو البارت جاب تفاعل حلو هنزل واحد كمان بليل.... يلا شجعوني بقي يا قمرات.... ❤❤❤
#رحمه_سامي
#بنت_الرعد.
#الفصل_الخامس.
برق بضحكة: عاش من شافك يا مايا.... خير طلبتي تشوفيني ليه.
مايا بخب*ث: انا عارفه اللي انت عايز توصله... واظن انت هتحتاج مساعدتي.... اي رايك نتعاون سوي.... انت توصل لغرضك وانا كمان اوصل لغرضي.
برق: اللي هو رعد طبعا مش كدا.
مايا: بالظبط كدا.... فأنا عايزاك تتصرف ودخلني الشركة عشان اقدر ابقي قريبة من رعد... واقدر ساعتها اوصلك كل المعلومات اللي انت عايزاها.
برق: وانا اضمن منين انك متلغيش الاتفاق عشان حبيب القلب.
مايا: الشغل شغل معايا اطمن.... دا اللي اتعلمته من جدك يا استاذ رعد.
برق: ماشي يا مايا... بس دخولك الشركة مش هيكون سهل.... وانا هقولك تقدري تدخلي ازاي.... بس انتي نفذي كلامي بالنص.
مايا بخب*ث: اتفضل سمعاك وبتمني فكرتك تنفع.
$تاني يوم اسيل صحيت وهي مضايقة ودخلت اخدت دش ونزلت تحت كان البيت هادي خالص وزي ما يكون رعد مش موجود.
اسيل: داده سعاد امال رعد فين هو وزياد.
داده سعاد: زياد في المدرسة يا بنتي.... ورعد بيه قال ان عنده مشوار مهم وطلب مني اجهزلك الفطار.
اسيل: انا مش جعانه عايزة بس كوباية نسكافية عقبال ما البس عشان خارجه.
داده سعاد: هتخرجي تروحي فين يا بنتي.... وازاي من غير ما تعرفي رعد.... كدا هتحصل مشكلة كبيرة.... اتصلي عرفيه افضل يا حبيبتي.
اسيل بغض*ب: هو مش ولي امري عشان اعرفه حاجه عني.... انا ورايا مشوار مهم لازم اروحه.... حضرتك ابقي عرفيه لما يرجع.
داده: بس يعني يا بنتي.
اسيل: من غير بس يا داده معلش اعمليلي نسكافية بسرعه عقبال ما البس.
$اسيل طلعت لبست وشربت النسكافية وخرجت وهي في دماغها تروح لصديقها الوحيد في البلد هنا..... في مطعم فخم وصلت اسيل واول ما زين شافها جري عليها وحضنه*ا.
زين: انتي كنتي فين يا ملك.... وحشتيني اوي.... ازاي وافقتي علي الجوازة دي.
اسيل: زين بس سبني انا مش ملك انا اسيل.... اي مش عارف تفرق بينا.
زين بحزن: معلش يا اسيل.... انا اوقات بتلغبط فعلا.... بس انتي بتعملي اي هنا.
اسيل: دا موضوع طويل اوي خلينا نقعد وهحكيلك كل حاجه.... انا مش بثق في حد غيرك.
قعدت اسيل وحكيت كل حاجه لزين: ودلوقتي انا عايزة اوصل لمكان ملك.... انا قلبي مش مطمن عليها.... ومحدش هيساعدني غيرك.
زين: بس هي هربت ليه يا اسيل.... وياتري راحت فين.... اختك ملهاش علاقة بحد غيرنا.
اسيل: مش عارفه وخايفه يكون حصلها حاجه.... ساعدني عشان اطمن عليها يا زين.
زين مسكها من خدودها وقال: اطمني يا لمضة هانم.... اكيد هنوصلها في اقرب وقت.
في نفس الوقت كان رعد داخل وشافها وهي بتضحك وزين ماسك خدودها قرب وشدها بغض*ب: اي اللي بتعمليه دا.... وازاي تخرجي من غير اذني.... ويطلع مين دا.
زين: انت اللي مين وازاي تمسكها كدا ابعد عنها.
رعد بغض*ب: انا ابقي جوزها يا حيوا*ن... امشي قدامي يا هانم.
اسيل: استني يا رعد وانا هفهمك والله انت فاهم غلط.
رعد بش*ر: انتي تفضلي في العربية هنا لحد ما اخلص الاجتماع المهم اللي عندي.... لو اتحركتي من هنا يا ملك يومك مش هيعدي علي خير.
اسيل بخو*ف: بس.
رعد بتحذير: انا مش هكرر كلامي مرتين مفهوم.
$اسيل سكتت ورعد ساب الحراس معاها ودخل يخلص الاجتماع وبعد كدا ركب العربية واتحرك هو واسيل لوحدهم وامر الحراس انهم يمشوا وراه بالعربية التانية.
$في بيت العاصي وصلت مايا ودخلت بكل غرور بعد شوية دخلت مكتب العاصي.
العاصي: خير يا مايا.... اي رجعك تاني.
مايا: انا جاية اعرض عليك تعاون هيكبر اسم العاصي في السواق.... واظن انت هتبقي حابب دا.
العاصي بشك: ودا هيحصل ازاي.... واي اللي هستفاده من التعاون دا.
مايا بابتسامة: الصفقة اللي حضرتك مستني تكسبها... اللجنه لو عرفت اننا متعاونين سوي.... هيبقي سهل تكسبها... واظن دي ضربة قوية لشركة العاصي.
العاصي باعجاب: حلو اوي دا.... تمام يا مايا قبلت التعاون معاكي.... تقدري تروحي الشركة لرعد وانا هبلغه موافقتي.
مايا بخب*ث: بس انا عندي شرط وحيد.
العاصي بشك: اي هو الشرط دا.
مايا: رعد هو اللي يكون مسؤال عن الصفقة دي كلها.... وانا يبقي ليا مكتب في الشركة لحد ما الصفقة تتم وتنجح.
العاصي بخب*ث: تمام موافق بس متنسيش ان دا شغل.... وان رعد متجوز.
مايا بخب*ث: متقلقش انا مبنساش حاجه.
$وصل رعد البيت وطلع باسيل علي اوضته وزقها علي السرير.
اسيل بخو*ف: رعد اسمعني انت فاهم غلط.... زين دا يبقي صديق قديم.
رعد بغض*ب: انتي لازم تعرفي انتي متجوزة مين.... والحركات الزبال*ة دي متحصلش وانتب شايله اسمي..
اسيل: انا مسمحلكش انت فاكر نفسك مين.... انا محترم*ة غصب عنك... قولتلك دا صديق قديم.... ولو مش مصدقني ممكن تطلقني ونخلص.... انا اصلا مش عايزة اعيش معاك.
رعد بغض*ب مسك ايديها: بي عينيك يا ملك.... انتي هتفضلي علي ذمتي حته لو غص*ب عنك.... مش هسمحلك تروحي لحبيب القلب بتاعك.... ولو انتي اهلك معرفوش يربوكي انا هعيد تربيتك من جديد... لان شكلك متعرفيش يعني اي احترام شر*ف جوزك واسمه.
اسيل بدمو*ع: انا بكر*هك يا رعد بكر*هك ومش عايزة اعيش معاك ابعد عني بقي.
رعد حس بوج*ع في قلبه لمجرد ما سمع الكلمتين دوال وقال: ميفرقش معايا حبك او كرهك يا ست ملك... واعملي حسابك مفيش خروج من البيت غير باذني... واياك تخرجي ساعتها مش هيحصل طيب.
$رعد سابها ومشي واسيل جريت علي اوضتها وهي بتعيط وحاسه ان طاقتها كلها خلصت............. في بيت برق اول ما رجع دخل ودور علي ملك ملقهاش.... واول ما وصل لاوضة النوم شاف اللي صدمه وشل حركته.....
$ياتري اي اللي حصل.... واسيل هتستلم لتحكم رعد.... ورعد ليه حس بوج*ع من كلامها.... وياتري اي اخرة القساوة والعناد اللي بينهم... 🤔🤔🤔
#رحمه_سامي
#بنت_الرعد.
#الفصل_السادس.
$برق اتصدم اول ما شاف ملك مرميه علي الارض والد*م حواليها بسرعه شالها حطها علي السرير واتصل بالدكتور الخاص بيه وجه في اسرع ما يمكن وبعد ما كشف عليها.
برق: طمني يا دكتور اي اللي حصل وهي فيها اي واي سبب كل الد*م دا.
الدكتور: انا مش قادر اديك تشخيص نهائي المدام لازم تيجي المستشفي وتعمل شوية تحاليل واشعة وبعدها هقدر اقولك عندها اي.
برق بخو*ف: حضرتك قلقتني.... هي ممكن يكون عندها اي.
الدكتور: استاذ برق المدام ممكن يكون عندها كان*سر.... لازم تعمل التحاليل والاشعة دي في اسرع وقت... عشان نعرف هي في المرحلة الكام.
برق بصد*مة: انت بتقول اي يا دكتور لا مستحيل... ملك مستحيل تروح مني.
الدكتور: ان شاء الله يطلع معندهاش حاجه.... او تكون في مرحلة اولي.... ساعتها هنقدر نلحقها.... بس حضرتك متاخرهاش.... وكمان عشان الطفل اللي في بطنها
برق بحزن: طفل ملك حامل... متقلقش يا دكتور في اسرع وقت هنعملهم ونيجي لحضرتك.
مشي الدكتور وبرق دخل قعد جانب ملك ومسك ايدها: انا مش هسمح يحصلك حاجه يا ملك.... مش بعد كل دا تسبيني.... انا بحبك ومقدرش اعيش من غيرك.... انا ضحيت بكل حاجه عشان نكون سوي.... وانتي وعدتيني نكمل حياتنا كلها سوي.... قومي يا ملك لازم تقفي علي رجلك عشاني وعشان ابننا.
&عند رعد رجع البيت في وقت متاخر....
رعد: داده هي ملك نزلت اكلت ولا لا.
داده سعاد: لا يا ابني مخرجتش من اوضتها خالص... ولا حته رضيت تنزل تاكل مع زياد.
رعد: طيب يا داده جهزي الاكل وانا هجبيبها وهنزل علي طول.
طلع رعد الاوضة وبص من المرايا شاف اسيل قاعده علي السرير بتعيط راح خبط علي الباب: انا عارف انك صاحي افتحي الباب.
اسيل: انا عايزة انام لو سمحت.... نتكلم بعدين.
رعد: بقولك افتحي الباب بدل ما افتحه انا يا ملك.
اسيل: ملك ملك ملك.... ربنا يسامحك يا ملك انتي وبابا.... حاضر جاية.
رعد: ما كان من الاول.... يلا انزلي عشان ناكل سوي.
اسيل: انا مش جعانه روح كول انت واشبع.
رعد: انا سبق وقولتلك مش بحب اكرر كلامي مرتين.... يلا عشان ناكل.
اسيل: رعد انا عايزاك تطلق*ني.... انا منفعكش صدقني.
رعد: انا قولتلك مش هنطلق.... اقفلي الموضوع دا ويلا انزلي قدامي بقي.
اسيل: بس انا مش عايزة اعيش معاك هو بالعافية يا اخي.
رعد: صوتك ميعلاش تاني ويلا قولتلك خلينا ناكل.
اسيل: يووه طب انا عايزة انزل شغل.... انا مس بحب قاعده البيت دي... وعشان انا بحب الطبخ هشتغل مع زين في المطعم.
رعد بزعي*ق: انا قولتلك متجبيش سيرة راجل تاني علي لسانك انتي مبتفهميش.... ومفيش شغل.
اسيل: قولتلك مش بحب قاعده البيت دي.
رعد: يبقي هتشتغلي معايا في المكتب من بكره.... غير كدا معنديش كلام تاني.
ومسك ايدها ونزلوا تحت اكلوا ولما خلصوا... اسيل: طيب يا رعد انا موافقة لما نشوف اخرنها.
رعد ابتسام: الساعه سته الصبح تكوني جاهزة.
تاني يوم الصبح وهما في العربية رعد طلع علبة وقال: البسي الخاتم دا.... انا نسيت ادهولك امبارح.... وياريت تلتزمي بحدودك مع الموظفين.
اسيل: خاتم جواز.... كنت فكراك مش بتهتم بالحاجات دي.
رعد: دا بس عشان شكلي قدام الناس.
وصلنا الشركة واول ما دخلنا المكتب دخلت مايا: انا بقالي كتير مستنياك يا رعد اتاخرت ليه.
رعد: انتي بتعملي اي هنا يا مايا وعايزة اي.
مايا بخب*ث: هو جدك مقالش اني هشتغل معاك علي الصفقة الجديده باسم شركتي.
رعد: لا مقاليش.... انتي مش هتبطلي حركاتك دي.... عموما تمام نورتي الشركة... ملك روحي هاتيلي نسكافية.
اسيل بغض*ب: انا جاية استلم شغلي مش جايه اعمل نسكافية... اتفضل قولي هشتغل اي.
رعد بابتسامه: انتي السكرتيرة الخاصة بتاعتي ومكتبك هنا مع مكتبي اتفضلي نفذي اللي طلبته منه.
مايا بعد ما قعدت وحطيت رجل علي رجل: وانا كمان عايزة نسكافية بلاك.
اسيل: انا سكرتيرة جوزي مش خدامه عندك... هبقي ابعتلك الفراش يشوفك تشربي اي.
رعد وهو فرحان من كلمة جوزي ابتسام: يلا يا ملك ومتتاخريش.
خرجت اسيل ومايا قالت: انت مستحمل الشئ دا ازاي بجد.
رعد: ياريت تتكلمي عنها باحترام.... دي مراتي وغيرانه عليا فيها اي دي.... خلينا نشوف شغلنا.
مايا بحق*د: ماشي يا رعد.
اسيل وهي بتعما النسكافية دخلت منه وقالت: اي دا هو انتي حقيقيه ولا عروسة لعبة.
اسيل: اي في اي مالك.... ايوة يا حبيبتي انا ملك سكرتيرة مستر رعد.
منه: نورتي الشركة يا حبيبتي... وانا منه سكرتيرة مستر مراد.... قوليلي هي مين الحلوة اللي مع مستر رعد.
اسيل: دي انسة مايا شغاله علي المشروع الجديد.
منه: انا سمعت انها كانت حبيبته زمان ورجعت دلوقتي عشان تسرقه من مراته.
اسيل بغيرة: قولتيلي بقي... ماشي يا منه هروح لمستر رعد عشان متاخرش.
اسيل اول ما دخلت قربت من مايا عشان تديها النسكافية راحت موقعه عليها: اوبس سوري يا حبيبتي مكنش قصدي.
مايا: انتي غبيه اي اللي عملتيه دا بوظتي الفستان انتي عارفه بكام.
اسيل: هو مش بسعر الفستان... دا باللي لابسه يا حبيبتي... القالب غالب.
مايا: انا همشي يا رعد وهاجي بكره نكمل كلامنا خلاص يومي اتقفل.
خرجت مايا وجت اسيل تخرج شدها رعد: ممكن اعرف اي اللي عملتيه دا.
اسيل: عملت اي قولتلها مكنش قصدي محصلش حاجه يعني.
رعد: والله دا انتي الغيرة باينه عليكي اوي شكلك وقعتي يا ملك ولا اي.
اسيل: غيرة اي انت بتحلم.... انت اصلا مش زوقي خالص... سبني بقي خليني اشوف شغلي.
رعد اتغاظ وراح مقرب وباسها وبعدين قال: تقدري تروحي تشوفي شغلك.
اسيل اتغاظت وبسرعه راحت قعدت علي مكتبها.
$عند برق حاول يقنع ملك تروح تعمل الاشعة والتحاليل بس هي كانت رافضة وبقي مجبور ياخد عينه من دم*ها.... وراح هويد يعمل التحاليل عشان لو اتاكد ساعتها ليه كلام تاني معاها.
ملك: برق مالك يا حبيبي راجع مضايق ليه من بره... انا كويسه اهو والله.
برق: ملك انتي خلاص هتم*وتي.
ملك بصد*مة: برق بطل هزار اي اللي بتقوله دا انا مش بحب المقالب دي.
برق بدموع: انتي لازم تتعالجي او هتروحي مني عشان ابننا يا ملك وافقي.... انتي عندك كان*سر في مرحلة متاخرة
ملك مكنتش مصدقة وراح مغمي عليها من الصدم*ة... برق بسرعه شالها وطلع بيها المستشفي.
*عند اسيل كانت شغاله علي مكتبها وفجاه دخل واحد المكتب ورعد مكنش موجود واول ما شافها قرب منها بش*ر وفجاه.......
ياتري مين الشخص دا وعايز اي من اسيل.... ومايا ناوية تعمل اي..... واي هيحصل مع ملك وبرق...... 🤔🤔🤔
اللي عاوز يعرف يعمل متابعه من هناااااااا ااااا
#رحمه_سامي
تكملة الروايه من هنااااااا
تعليقات
إرسال تعليق