 |
#بنت_الرعد.
#الفصل_السابع.
قرب الجد بش*ر من اسيل: انتي بتعملي اي هنا.... ورعد فين وازاي ينزلك الشركة من غير ما ياخد اذني.
اسيل بخو*ف: عاصي بيه انا هنا بشوف شغلي... ورعد اللي صمم اني اشتغل هنا... حضرتك تقدر تتكلم معه هو.
العاصي بش*ر: انتي مكانك البيت وبس... انا جوزتك رعد عشان تجبيلي حفيد يشيل اسم العيلة... مش عشان تشتغلي وتقعدي بين الموظفين.
اسيل: بس الست مش عيب تشتغل وانا اقدر اجيب الحفيد واشوف شغلي.
العاصي: انتي كمان بتردي عليا... شكلي اخدت قرار غلط في الجوازة دي.
اسيل بقوة مصطنعه: حضرتك فعلا غلطان.... مكنش ينفع تجبر حفيدك علي حاجه مش عايزها.... وطبيعي تكون النتيجة مش حلوة... وبتمني ظني يخيب.
العاصي بزعي*ق: انا كلامي مش هيكون مع عيله زايك... رعد فين اتصلي ليه حالا.
مسكت اسيل التلفون وبلغت رعد ان جده موجود نهي رعد الاجتماع بسرعه وجه لجد: خير يا جدي حضرتك معرفتنيش ليه انك جاي.
الجد: رعد انا عايز اتكلم معاك لوحدنا... اطلب من مراتك تخرج بره لو سمحت.
رعد استغرب: وفيها اي لما تتكلم قدامهم يا جدي.... ملك مش غريبة دي مراتي... واظن انها اختيارك قول اللي انت عايزوت قدامها عادي.
الجد بغض*ب: بقولك خليها تخرج بره عايز اتكلم معاك لوحدنا... مش بحب اعيد كلامي مفهوم.
اسيل قامت: انا هنزل الكافتيرا اشرب حاجه.... تكونوا خلصتوا كلام.
اول ما خرجت رعد قال: في اي يا جدي انا مش فاهم حاجه... انت ليه متعصب كدا وليه خرجت ملك بره.
الجد: انت مين سمحلك تشغلها هنا.... هو انت مش عارف متجوزها ليه.... وبعدين شكلها متنفعكش وهخليك تسيبها.
رعد وهو مصدو*م: جدي انت بتقول اي.... هو الجواز برغبتك والطلاق كمان برغبتك... كفايه كدا... انا مش هسيب ملك.
الجد بغض*ب: يبقي معاك شهر واحد يا رعد... لو مبقتش حامل.... هتسيبها او هتتجوز عليها اللي انا اختارها برضو.
رعد بزعي*ق: كفايه بقي يا جدي انا تعبت من تحكماتك دي.... انا دي حياتي وانا ليا حرية التصرف فيها.... ارجوك كفايه.
الجد: انا اللي عندي قولته ومش هغيره... هو شهر يا رعد.... واه ياريت تعامل مايا كويس... دي دلوقتي مهمه للشركة.
رعد بتريقة: سبحان الله دلوقتي مايا بقيت مهمه.... ماشي يا جدي اللي انت عايزوا.
مشي الجد ورعد قعد وحط ايده علي راسه بتعب دخلت اسيل عليها: رعد انت كويس... تحب اجبلك مسكن.
رعد: لا يا ملك مش عايز حاجه.... بس لو سمحتي الغي كل الاجتماعات وخلينا نروح... انا مبقتش قادر اشتغل خلاص.
اسيل بخوف واضح عليه: حاضر يا رعد... ارتاح بس لحد ما اعرف السواق... انت مش هينفع تسوق في حالتك دي.
&في المستشفي وصل برق هو وملك وهو مرعوبة عليه دخل الدكتور وبداء يعمل باقي الاشعة والتحاليل المطلوبة.
برق: طمني يا دكتور هي كويسه.... انا بمجرد ما عرفتها انها مريضه وهي اغمي عليها ومش راضية تفوق خالص.
الدكتور: متقلقش يا برق هي كويسه... هي بس من الخضة مستحملتش... احنا دلوقتي هنقدر نحدد هي في انهي مرحلة.
برق: بس حضرتك قولتلي انها في مرحلة متاخرة..... هي ممكن تكون لسه في البداية.
الدكتور: ايوة يا برق بيه.... اديني بس شوية وقت... وانت تقدر تدخلها دلوقتي.
جري برق علي جوه وحضنها: كدا تخضيني عليكي.... انتي عارفه اني مستحملش الهواء يقربلك يا حبيبتي.
ملك: انا خلاص همو*ت يا برق.... ليه تعلق نفسك بيا.... انت لازم تسبني... ولازم اعرف رعد كل حاجه وابعد اسيل عنه.
برق: بس بقي بلاش الكلام دا.... انتي ان شاء الله تبقي كويسه.... واسيل بخير صدقيني.
ملك: نفسي اعرف جايب التفائل دا منين... انا خلاص بودع.... وهسيبلك ابني تخالي بالك منه يا برق كويس... وتعرفه اني بحبه اوي.
برق رجع حضنها: بلاش كلامك دا يا ملك عشان خاطري بقي.... انتي هتبقي كويسه وهتقومي وهنرابي ابننت سوي.
$في مطعم زين جاله تلفون من رقم غريب رد وهو خايف يسمع خبر وحش علي حبيبته ملك.
زين: الوو... ايوة انا زين مين حضرتك.
شوقي: انا اللي حضرتك واصيته يعرف مكان انسة ملك... وانا عندي معلومه جديده عنها.
زين بخو*ف: خير طمني.... ملك فين وفيها اي.
شوقي: انسة ملك لسه موجوده هنا في البلد واخر مره اتشافت كانت من ساعه في المستشفي العامة ولسه مخرجتش.
زين: انت متاكد من المعلومات دي... انا لو لاقيتها هناك هيبقي ليك مكافاة كبيرة اوي.
شوقي: عيب عليك يا بيه.... انا عارف شغلي كويس... هي لسه موجوده هنا مع راجل.
زين باستغراب: راجل.... طيب تمام شكرا هروح واول ما الاقيها فلوسك هتوصلك.
زين قفل بسرعة واخد الجاكت بتاعه وخرج وطول الطريق بيرن علي اسيل وهي قاعده جانب رعد ومش بترد عليه.
رعد: في اي يا ملك متردي علي التلفون بقاله ساعة بيرن.
اسيل: لا دي مكالمه مش مهمه متشغلش بالك انت... يلا احنا وصلنا.
نزلت اسيل هي ورعد وطلعته الاوضة: هنزل اعملك شوربة سخنه كدا هتظبط معاك الدنيا.
سايبت اسيل تلفونها جانب رعد ونزلت في نفس الوقت بعت زين رساله مكتوب فيها: انا مستنيكي في المطعم ضروري... عندي ليكي خبر حلو متتاخريش.
اتعصب رعد اوي بس حاول ميظهرش دا وساب التلفون مكانه واستني يشوف اسيل هتعمل اي.
وصل زين المستشفي وفي نفس الوقت خرجت ملك هي وبرق من الباب التاني.... بسرعه زين سال علي غرفة ملك بس اتصدم لما عرف ان مفيش حد بالاسم دا هنا... قلب المستشفي كلها وبرضو مفيش اثر ليها.
نزل اتصل بشوقي: انت بتضحك عليا.... انسي انك تاخد جنيه مني.... لما تلاقي ملك فعلا كلمنس... وياريت يكون معاك اثبات انها هي المره الجاية.
قفل زين في وشه وركب عربيته واتحرك علي البار وفضل يشرب لحد ما فقد الوعي.
*اسيل عملت الشوربة وطلعت لرعد وبداءت تاكله ولما مسكت التلفون اتصدمت بالرسالة.
رعد: اي يا ملك مالك.... في حاجه حصلت.
اسيل بتوتر: هو في مشوار مهم لازم اروحه... ولو اللي في بالي حصل هحكيلك كل حاجه صدقني.
رعد: مشوار ي دا وليه متعرفنيش دلوقتي.
اسيل: مش هقدر يا رعد صدقني... بس عايزاك تثق فيا.
رعد: انا بثق فيكي بس برضو مشوار اي... واي اللي مخبيه عليا.
*فجاه دخل شخص صدم اسيل وهو بيقول: انا هقولك مخبيه اي....
ياتري مين الشخص دا.... وحقيقه اسيل هتتكشف ولا لا.... 🤔🤔🤔🤔
#رحمه_سامي
#بنت_الرعد.
#الفصل_الثامن.
اسيل بصدم*ة: ماما انتي عرفتي مكاني منين... اقصد يعني حمدالله علي السلامه يا حبيبتي.
رعد باستغراب: مامتك.... هو مش المفروض ان ابوكي ارمل... انا مش فاهم حاجه.
اسيل: لا ماما عايشه بس هما من ساعة ما اطلقوا وكل واحد معتبر التاني متوفي.
الام: طب اي يا جوز بنتي مش هتسلم عليا ولا اي... انا اسفه اني جيت اوضة النوم بس حبيت اعملها مفاجاه لي..
قطعتها اسيل بسرعه: لي ملك حبيبتك يا ماما... دي احلي مفاجاه والله.... انتي كنتي وحشاني اوي والله.
رعد: طب واي اللي ملك مخبيه وانتي كنتي هتقوليه يا حماتي.
الام: انها مش بتحب الراجل الشكاك يا رعد.... هي بدام قررت تقولك لما ترجع يبقي لازم تثق فيها يا ابني... لان اي علاقة مبنيه علي الثقه.
رعد بشك اكبر: تمام عمتا نورتي يا حماتي يلا يا ملك ننزل تحت اكيد مش هنفضل في اوضة النوم كدا.
اسيل: اكيد طبعا يلا بينا... تعالي يا ماما نسبقه احنا علي تحت.
نزلت بسرعه اسيل مع امها: ماما عشان خاطري اوعي تقولي قدام رعد اني اسيل مش ملك... او تقولي ان ليا اخوات اصلا.
الام بزعيق: انتي ازاي تعملي كدا وتاخدي مكان اختك.... افرضي اتكشفتي الراجل دا هيعمل فيكي اي... وبعدين اختك فين دلوقتي.
اسيل: معرفش يا ماما بس اظن زين قدر يوصلها... انا لازم اروح اشوفه.... خالي بالك انتي من رعد عشان ميخرجش ورايا وانا مش هتاخى.
الام: ماشي يا اسيل لما ترجعي لينا كلام تاني مع بعض.... يلا متتاخريش.
خرجت اسيل بسرعة ورعد شافها من البلكونه وقرر يخرج من الباب الخلفي ويشوفها مخبيه اي.
$وصل برق بملك البيت واول ما دخل جوه قالها: خليكي يا حبيبتي مرتاحه بقي... وانا هدخل اعملك حاجه تاكليها اكيد جعانه.
ملك: برق انت ليه خرجتني من المستشفي... مس الدكتور قال لازم نبات يومين.
برق: انتي عارفه لو حد شافك هيحصل اي يا ملك... وانا مش عايز اخسرك... انا حته حطيت اسم غير اسمك... عشان اكيد ابوكي لسه بيدور عليكي.
ملك: برق انا خايفه امو*ت قبل ما اشوف اسيل.... انا لازم اتاسفلها وافهمها ليه عملت كدا.
برق: ممكن تهدي وتبطلي الكلام دا... انتي هتعيشي قولتلك كدا مية مره.
ملك: خلاص يا حبيبي اهدي... ممكن تروح تجبلي اكل بقي.... انا فعلا جعانه اوي.
خرج برق وملك ابتسمت بخب*ث ومسكت تلفونها طلبت حد وقالت: كله ماشي تمام اوي الخطة بتتنفذ بالحرف.
الشخص المجهول وصوته مش متحدد هو راجل ولا ست: حلو اوي اهم حاجه انه يكون مصدق انك مريض*ة... لازم عيلة العاصي تدفع تمن كل اللي عملته قبل كدا.
ملك: بس انا خايفه برق لو كشفني هتبقي مصي*به.... هو مش غبي اوي كدا اينعم بيحبني بس برضو.
الشخص المجهول: متقلقيش كل حاجه معمول حسابها كويس اوي.... هي بس مسالة وقت... انتي دلوقتي لازم تلعبي في دماغه انه يسرع في تنفيذ خطته ضدد العاصي ورعد.
ملك: بس كدا من عيني حاضر... كل المطلوب هيتنفذ... انا عمري ما هنسي الظلم بتاع عيلة العاصي.
المجهول: ايوة كدا خليكي دايما فاكرة ظلمهم وساعتها الخوف هيختفي.... بس انتي حامل فعلا ولا دا انتي زودتيه من دماغك.
ملك بش*ر: مين دي اللي حامل ومن برق... لا طبعا مستحيل.... انا بس قولت ازود العيار شوية.... يلا انا هقفل عشان مياخدش باله.
قفلت ملك وهي بتضحك بش*ر وبتقول: هانت وكل واحد هياخد حقه وزيادة الصبر حلو يا احفاد العاصي.
*وصلت اسيل البار بسرعه ودخلت واول ما شافت زين وهو سكرا*ن جريت عليه بخوف.
اسيل: زي اي اللي انت عامله في نفسك دا.... انت ازاي شربت بالشكل دا... قوم معايا كفايه.
زين: ملك انتي جيتي يا حبيبتي.... انتي ليه بتعملي فيا كدا... ليه مش عايزاني اوصلك... انتي عارفه كويس اني بحبك.
اسيل: اي اللي بتقوله دا يا زين... انا اسيل مش ملك.... اللي بتعمله دا غلط حرام عليك نفسك قوم معايا.
زين: ايوة فعلا انتي اسيل.... رغم انكم شبه بعض بس مستحيل تبقي ملك في يوم من الايام... انا تعبت هي ليه مش عايزاني اوصلها... مين اللي بتعمل عشانه كل دا.
اسيل: مش وقته يا زين قوم معايا بقي.... انت لازم تروح مش هينفع اسيبك في الحاله دي.
زين: بحبك صدقيني بحبك.
وصل رعد علي الكلمتين دوال وقرب بش*ر من اسيل وقال: هو دا اللي مخبيه عني... بقي بتسيبي البيت وتمشي عشان خاطر عشيق*ك.
اسيل بصدم*ة: انت بتقول اي يا رعد لا انت فاهم غلط... زي يبقي اخويا وبس والله.
زين: وانت مالك بيها.... انت سبب كل دا هي مش بتحبك ولا عمرها هتحبك... سيبها في حالها بقي وابعد عن حياتنا.
رعد اول ما سمع كدا اتجنن وراح ضارب زين بالبوكس: انت اللي ابعد عن مراتي... المره الجاية لو فكرت تقربلها همحيك من علي وش الدنيا.
اسيل: حرام عليك يا رعد كفايه ابعد عنه هو معملش حاجه لكل دا.
رعد مسكها من ايديها جامد وشدها: امشي معايا عشان مفرجش عليكي امة لا اله الا الله.
خرجوا بره المطعم وهي قالت بدموع: رعد عشان خاطري هو مش في واعيه وكمان متعور... ارجوك خلينا نوصله بيته بس.
رعد ميعرفش ليه ضعف قدام دموعها وقال للسواق: لو سمحت في شاب جوه وصله بيته وانا هاخد عربيتي وتقدر تروح انت بيتك بعد كدا.
رعد قال كدا واخد اسيل ومشيوا علي البيت وبمجرد ما وصلوا.
الام: في اي يا ابني انتوا كنتوا فين... ومالك يا ملك بتعيطي ليه يا حبيبتي.
رعد: بعد اذنك يا حماتي انا محتاج مراتي في كلمتين البيت بيتك طبعا.
رعد شد اسيل علي الاوضة فوق واول ما قفل الباب بقي بيقرب منها بش*ر.... وفجاه...
ياتري رعد هيعمل اي في اسيل بعد ما سمع اعتراف زين بحبه.... وملك كانت بتكلم مين وليه بتعمل كدا في برق رغم حبه ليها... 🤔🤔🤔
#رحمه_سامي
#بنت_الرعد.
#الفصل_التاسع.
*اسفه جدا علي التاخير بس كنت تعبانه والتفاعل بقي وحش اوي لو زهقتوا منها قولوا واخلصها علي طول...ولو البارت دا جاب تفاعل حلو علي الساعه 10 هنزل بارت كمان يا قمرات...😊❤
اسيل بخو*ف: انت بتقرب كدا ليه يا رعد... اعقل بالله عليك... اللي هتعمله دا مينفعش.
رعد بغض*ب: وانك تقربي لشاب غريب وتسمحي انه يلمسك دا عادي يا محترمه.
اسيل بدموع: قولتلك الف مره زين زي اخويا ومتربين سوي.... بطل تخلف بقي.
رعد: انا دلوقتي هوريكي التخلف بي عينيه يا ست ملك.... انتي مش مراتي... يبقي اخد كل حقوقي منك.
رعد بقي يقرب بوحش*ية علي اسيل وهي خايفه ومش عارفه تعمل اي لانه مهما كان جوز اختها مش جوزها رعد قرب ولسه هيلمسها نزلت اسيل عند رجله بانهيا*ر.
اسيل: رعد بالله عليك متعملش كدا... ايوة انا بحب زين ومش هقدر اسمحلك تقربلي... انا مستحيل احبك لو اي حصل.... خليك راجل ومتجبرش واحده عليك.
رعد اتصدم من كلامي ومعرفش ازاي قولت كدا ولاقيته زقني وقال: انتي اصلا مش زؤقي... ظا انا اقر*ف اقرب منك... غوري من وشي وزين دا انسيه خالص.
اسيل مقدرتش تستحمل وجريت علي اوضتها بانهيار ورعد بقي يكسر كل اللي في اوضته وهو منها*ر وقعد علي الارض وهو بيعيط وبيقول: كلكم صنف واحد.... مفيش حد فيكم ليه امان.... كنت فاكر انك غيرهم عشان قدرتي تحركي قلبي.... بس انتي طلعتي ازبل منهم كلهم.... والله لاندمك يا ملك علي كل حرف قولتيه.... وهوريكي مين هو رعد العاصي.
اسيل كانت في اوضته بسرعه دخلت الحمام ووقفت قدام المرايا وقالت: انا اي اللي عملته دا.... وازاي قدرت اقول كدا اصلا... وبعدين وفيها اي مش انا عايزاه يسبني.... طب ليه قلبي وجعني عليه بالمنظر دا... انا اي اللي بيحصل ليا... فوقي يا اسيل رعد يبقي جوز اختي وبس.
غيرت اسيل هدومها ودخلت نامت ورعد نزل المكتب وفضل يشرب لحد ما بقي مش في وعيه خالص وبعدين طلع الاوضة ودخل عند اسيل وهو بيتوح يمين وشمال قرب منها وقعد جانبها علي السرير وبقي يهز فيها.
رعد: قومي يا ملك انتي هتقضيها نوم... قومي ردي عليا انا عايز اعرف حاجه واحده بس.
اسيل بخضه: انت بتعمل اي هنا يا رعد... وازاي تدخل عليا وانا نايمه كدا... وبعدين انت شارب اي.
رعد: مش مهم كل دا.... انا عايزاك تردي عليا.... هو فيه اي احسن مني.... اي اللي يخليكي تحبيه هو وانا لا.
اسيل: مش وقته الكلام دا يا رعد.... روح اوضتك نام وبكره نتكلم.
رعد: لا مش هقوم انا عايزاك تردي عليا.... ليه بتحبي زين وانا لا.... دا انا مصدقت قلبي رجع يدق تاني... انتي ليه بتعملي فيا كدا.
اسيل بدموع: مش هينفع يا رعد.... مش هينفع تحبني... انت متعرفش حاجه خالص... اللي بتقوله دا مستحيل ينفع.
رعد بنوم: خليني انام جانبك النهارده يا ملك.... انا خايف انام لوحدي.... النهارده بس لو سمحتي.
اسيل اتنهدت وخدته جانبها وغطته كويس وهي بتقول: ياريت كونا اتقابلنا في وقت غير دا.... كان حاجات كتير اتغيرت يا رعد... بس انا اسفه اننا نجتمع سوي دا مستحيل.
$اتنهدت اسيل ونامت هي كمان.... تاني يوم برق صحي وملك مكنتش موجوده اتخض عليها وفضل يدور عليها في كل مكان في الشقة ومكنش ليها اثر بعد شوية دخلت ملك من باب الشقة.
برق بخو*ف: انتي كنتي فين يا ملك.... وازاي تخرجي من غير ما تعرفيني.... انتي مش عارفه ان في خطر عليكي لما تخرجي.
ملك: في اي يا برق... انت عارف كويس اني بكرهه حبسة البيت دي... وبعدين انا روحت السوبر ماركت وجيت علي طول... اهو افك عن نفسي شوية.
برق بحنيه: يا حبيبتي انا مش بحبسك... انا بس خايف عليكي حد يشوفك... او لاقدر الله تتعبي..
ملك: متخفش انا كويسه اهو.... انت مش عندك مشوار مهم... منزلتش ليه لحد دلوقتي.
برق: كنت مستني اطمن عليكي.... ادخلي خدي العلاج ونامي شوية لحد ما ارجع.
ملك: برق هو جدك ليه بيكرهه امك اوي كدا.... ومتقوليش بسبب فرق الوضع الاجتماعي.
برق بحزن: لا يا ملك مش بسبب كدا بس... بسبب ان جدي كان بيحب جدتي اوي وهي رفضته لانه كان حبه للفلوس اكتر بكتير.
ملك باستغراب: يعني جدك محاولش تاني واختار الفلوس... ولما ابوك حب امك جدك مقدرش يقبل العلاقة دي.
برق: بالظبط كدا... وعشان كدا مش قادر يتقبلني انا شخصيا.
ملك: ان شاء الله كل حاجه تتصلح.... يلا روح مشوارك انت.
$خرج برق وملك ضحكت بخبث وبعتت رسالة لنفس الشخص اللي كانت بتكلمه وبعدين غيرت هدومها ونزلت هي كمان..... في البيت صحيت اسيل علي صوت تلفونها بصيت جانبها لاقيت رعد لسه نايم بصتله بحب ولسه هتقوم.
لاقيت رعد بيقول: انتوا ليه كلكم بتتخلوا عني.... ليه كل اللي بحبهم بيسبوني.... حسوا بيا بقي شوية... نفسي شخص واحد يكمل معايا.
اسيل بدموع: رعد رعد.... قوم يلا هنتاخر علي الشغل.... يا رعد قوم بقي.
قام رعد وهو مصدع: اي في اي صوتك عالي علي الصبح كدا ليه.... وبعدين انا اي اللي جابني هنا.
اسيل: اسال نفسك بسبب القرف اللي شربته بليل انت مكنتش في وعيك... يلا قوم في احتماع مهم هنتاخر.
رعد ببرود: عشر دقايق وتكوني جاهزة.... والسواق تحت هيوصلك يا مدام.
اسيل باستغراب: هو احنا مش هنروح مع بعض زي امبارح.
رعد: لا مش حابب وجودك جانبي في نفس العربية... يلا متتاخريش.
اسيل اضايقت بس حاولت متبينش دا ودخلت لبست ووصلوا الاتنين الشركة بس رعد وصل قبلها دخلت المكتب من غير ما تخبط واتصدمت اول ما شافت مايا واقفه جانب رعد وهو قاعد وايديها علي كتفه.
اسيل بغضب: هو اي اللي بيحصل هنا بالظبط.... دا مكتب مش كافيه.
رعد بغض*ب: ملك يلا علي شغلك ومتدخليش في اللي ملكيش فيه... ومتنسيش القهوة بتاعتي.
اسيل اضايقت انه كسفها وهي خرجت ابتسمت مايا وقالت: انتوا متخانقين ولا اي يا رعد... بس تعرف مش مهم مبسوطة انك كسفتها كدا.
رعد زق ايديها وقال: روحي اقعدي مكانك.... وبعد كدا متتخطيش حدودك معايا يا انسة مايا.
مايا بخب*ث: ماشي يا بيبي مفيش مشكلة... احنا ايامنا سوي لسه طويلة.
$في بيت العاصي وصل برق ودخل فضل مستني كتير لحد ما العاصي وافق يقابله.
العاصي: اي اللي جابك هنا يا ولد انت.
برق: جدي لو سمحت انا تعبت من الحال... حضرتك مش ناوي تحن وتقبل بيا.
العاصي: الكلام دا انت مش بتزهق منه... قولتلك رايي مش هيتغير... وانت مستحيل تكون من عيلة العاصي.
برق بغض*ب: بس انا مش هسكت وهاخد حقي غصب عنك.... انت هيفضل الطمع عميك... وبسببك الاحفاد هتاكل في بعض.
العاصي: رعد قدك وزيادة.... واللي عندك اعمله يا برق.... لكن انسي انك تاخدي اسمي او جنيه مني.
$خرج برق بغض*ب من عند جده وهو مصمم ينفذ اللي في باله..... رعد استغرب تاخير اسيل وعمل نفسه رايح الحمام ولما خرج اتصدم باللي شافه.....
ياتري رعد شاف اي.... واسيل هتعمل اي في مشاعرها ناحية رعد.... وملك نزلت راحت فين تاني.... وبرق ناوي علي اي.... 🤔🤔🤔
#رحمه_سامي
تعليقات
إرسال تعليق