 |
رغبة ملعونة
الجزء السابع
للكاتبة...حنان حسن
بعدما صعقتني المعلومات
الي عرفتها من عبد القادر...
واتاكدت ... ان البيت عند الباشمهندس (مسكون)
فضلت اكلم نفسي بصوت عالي
واقول..
معني كده؟
ان الحمل الي في بطني ده من ال....
وقبل ما اكمل جملتي
سمعت صوت جاي من ناحية السلم
وبيسالني
وبيقولي...
هو انتي؟ ...حامل يا صابرين ؟
وفي اللحظة دي
وجهنا نظرنا انا وعبد القادر ناحية الجهة الي جاي منها الصوت
وفي اللحظة دي
شوفت ادامي (شهاب بية)
الي كان واقف يبصلي انا وعبد القادر
وكان باين عليه
انه ناوي...
يعملنا فضيحة في العمارة
ولقيتة بيسالني
و بيقولي ...
مش ده الاخ بتاع الدليفري؟
واكيد طبعا الحمل
الي في بطنك منه؟
واكيد كمان ده تم...
لما كنتوا بتتقابلوا في العمارة هنا
طبعا محنا خلاص فتحنا لكم العمارة.....
وفي عز ما كان شهاب بية ثائر
وقرب يطلبلنا بوليس الاداب
صرخ عبد القادر في شهاب بية
وقالة...
استني يا باشا قبل ما تظلمني
عايز اقولك حاجة
فا بصلة شهاب بية بغيظ
وهو منتظر يشوفة عايز يقول ايه؟
فا راخ عبد القادر يؤدي
مشهد تمثيلي بارع
وقالة...
انا مفيش بيني وبين صابرين اي علاقة
كل ما في الامر
اني لقيتها بتثتغيث بيا ...
ولما جيتلها ..
لقيتها بتقولي...
تعالي ساعدني عشان
الباشمهندس تعبان شوية
ولما جيت...و دخلت اتفاجئت
بجثة....
ولما اتحققت منها
لقيتها جثة الباشمهندس
ولما سالتها
ليه عملتي فيه كده؟
قالتلي
انا قتلتة لما اكتشفت اني حامل منه
وهنا برقت عنيا بعدما سمعت
الي يتشك في كبده
عبد القادر
وهو بيلبسني في مصيبة جديدة
وقبل ما احاول اكدب عبد القادر
لقيت شهاب بية بيسالة
وهو (مزهول) ...
وقالة...
بتقول جثة الباشمهندس ؟
هو الباشمهندس مات؟
فا رد عبد القادر
وقالة...ايوه يا بية...ما الجثة ورا الباب اهية
ولو مش مصدقني ادخل بنفسك وشوف الجثة
وفعلا دخل شهاب بية
عشان يشوف الي حصل للباشمهندس ؟
وبمجرد ما دخل شهاب بية من باب الشقة
دفعة عبد القادر فجاءة
بكل قوتة ...لداخل الشقة
وخرج هو
ولاز بالفرار...
يعني شهاب بية بقي جوه الشقة
وعبد القادر قدر يخرج من الشقة ويهرب
بعدما قفل علينا باب الشقة
المهم...
بعدما عبد القادر خرج يجري وهرب من العمارة
فهمت ساعتها دماغة
واتاري عبد القادر
لما شعر ان شهاب بية قاطع عليه طريق الخروج..
اخترعلة حدوتة الجثة
عشان يستدرجة بيها لداخل الشقة
عشان يقدر يهرب من الفضيحة
الي كان شهاب بيه هيعملهلنا حالا
المهم
بعد ما
لقيت نفسي انا وشهاب بية
في الشقة لوحدنا
طبعا مكنتش اقدر ابرر له الي شافة وسمعة....
ولا حتي اقول نصف كلمة
لاني دلوقتي
شهاب بية اتاكد اني
بت منحرفة ....وحامل من الحرام
وعشيقي كان جاي عندي في مكان شغلي
يعني خلاص
مفيش حاجة...
ممكن تغير فكرتة الطين عني
حتي لو حصل ايه
بس انا كان كل همي ساعتها
اني كنت خايفة لا يفضحني
ادام خالتي.... والباشمهندس
عشان كدة...
قررت اصارحة بالحقيقة كلها
والي يحصل يحصل
اصل هيحصل ايه؟
اكتر من الي انا فيه ده ؟
واثناء ما كنت واقفة سرحانة
وببص لشهاب بية
لقيتة بيتكلم عن عبد القادر بغيظ
و بيقولي..
ده مطلعش (دليفري عاشق) وبس
لا..
ده طلع ممثل كمان..
بس وحياة امة لاجيبة
واخلية يعرض موهبتة دي
في مديرية الامن
ووقف شهاب بية يبصلي باحتقار
وهو بيستعد للخروج
وقالي..
اما انتي بقي...
فا حسابك معايا عسير
فا لطمت علي وشي
وقبل ما شهاب بية يخرج من عندي
نزلت علي ايدة ابوسها
وقلتلة...
ارجوك يا شهاب بية
اسمعني الاول
قبل ما تفضحني
وبعد كده اعمل الي انت عايزة
فا شد ايدة بعيد عني
وقالي...
اية؟
ناوية تالفيلي كدبة انتي كمان زي عشيقك ؟
ريحي نفسك مهما قولتي مش هصدقك
وسابني شهاب بية وخرج من الشقة
وبعدما ما شهاب بيه خرج
بصيت عليه وانا بعيط
وقلت لنفسي..
انه رايح لخالتي ...وبنت خالتي وهيفضحني عندهم
لكن... الي حصل
ان شهاب بية مرحش علي شقتة
ولما لقيتة نازل و خارج ع الشارع
نزلت وراه
عشان احاول اترجاه تاني
وفضلت ماشية وراة لغاية ما
وصل لعربيتة
وبعدما شغل العربية
دخلت وقعدت جنبة
وقلتلة...
انا مش هنزل من العربية
غير لما حضرتك تسمعني
وتعرف حكايتي كلها
وبعدها...
ابقي اعمل فيا الي انتي عايزة
فا بص شهاب بيه
حوالية
علي المكان الي احنا فيه
ولقي ان الجيران ممكن يشوفوني معاه في العربية
وساعتها هيفهموا غلط
فا طلع بالعربية وانا راكبة جنبة
واول ما وصلنا لمكان هادي
ومحدش يعرفنا فيه
وقف العربية
وقالي..
قبل ما تتكلمي ولا تتعبي نفسك في نسج الاكاذيب
لازم تعرفي..
اني مش هصدق كلمة واحدة من الي هتقوليها
قلت..معلش برضوا اسمعني ابوس ايدك
فا بصلي بزهق
وقالي
اخلصي
وقولي... الي عايزة تقولية
بس اختصري لاني معنديش وقت
وفي اللحظة دي
بدات احكي حكايتي
من الاول
وقولتلة ...
عن جوازتي من الراجل العجوز...
وقسوتة
الي قتلت طفولتي
وكرهني في الجواز من قبل ما اجربة
وقولتلة كمان....
علي قادرة الي ظهرت وانقذتني منه
وحكيتلة برضوا...
علي جوازتي التانية..
الي اتزليت فيها....
واتخنت... واتبهدلت... واتجلطت
وكانت سبب في كسرة نفسي
وبعدها ...حكيتلة علي عبد القادر ...
وازاي قابلني؟
ولية كان بيظهرلي كل شوية؟
و حكيتلة عن العفاريت
الي شوفتها في شقة الباشمهندس
من اول عفريت ابن الباشمهندس ...
وعفريت مراتة
لغاية عفريت الراجل المشوة
الي الي صحيت لقيتة جنبي
ع السرير
وااخيرا فهمتة موضوع
الحمل
الي اكتشفتة ....وانا معرفش حصل ازاي ؟
ولا من مين؟
وبعدما خلصت كلامي
لقيتة بيبصلي وهو ساكت شوية
وبعدين قالي...
بصي..
مش عارف لية انا
مصدقك
في كل الي قولتية
عن معاناتك في جوازاتك و حياتك
قبل ما تيجي القاهرة
لكن....
موضوع العفاريت..
و انك تلاقي نفسك حامل
ومش عارفة من مين؟
فا ده مش داخل دماغي
فا قلتلة...
انا عارفة ان حضرتك صعب تصدقني...
بس اقسملك ان هي دي الحقيقة
فا سكت شهاب بية شوية
وبعد ما فكر ثواني
قالي..
انا هحاول اصدقك
لاني اتاثرت بحكايتك
بعد ما عرفت اد ايه انتي اتبهدلتي في حياتك
وعشان كده..
انا هتغاضي عن الي شوفتة...
وعرفتة النهاردة
ويمكن كمان احاول اني اساعدك
انك تعرفي مين هو ابو الجنين الي في بطنك
وده مش معناه اني اقتنعت
بموضوع العفاريت
لكن...انا بيتهيالي ان في لغز في الموضوع
وانا هحاول احل اللغز ده
عموما...انا هتكلم مع الباشمهندس
وهحاول اوصل للسبب الي خلاه ينكر وجود الطفل الصغير..
ولو حسيت انك كنتي بتحوري عليا ..انا هسود عيشتك
وهدفعك تمن كدبك علبا غالي
قلت...وانا موافقة
قال..
خلاص
مش عايزك تقابلي عبد القادر ده تاني
ولا تخلية يجي البيت
هنا ابدا
لاني لو شوفتة هسلمة للبوليس
وهسلمك انتي كمان معاه
فا هزيت راسي بحماس
وقلت...حاضر
وبعد ما انتهي شهاب بية من كلامة
بصلي ...
وقالي..
ودلوقتي انا هرجعك ع البيت
وهنسي اني عرفت عنك اي حاجة
لغاية ما اوصل لحل اللغز
ومش عايزك انتي كمان..
تقولي لحد انك قولتيلي علي حاجة
قلت...حاضر
وبعدما شهاب بية خلص كلامة
اخدني معاه...
ووصلني لغاية العمارة الي ساكنين فيها
لكن ....
لسؤ الحظ
بسنت بنت خالتي كانت واقفة في الشباك
و شافتني وانا نازلة من عربية جوزها
وطبعا...
انا كنت متاكدة
ان بسنت بنت خالتي
مش هتعدي الحكاية دي علي خير
وهتخرب الدنيا
ولقيتني بقول لنفسي
يارب هو انا كل ما اصلحها من ناحية؟
تخرب من ناحية تانية؟
وانتظرت لما شهاب بية يدخل علي شقتة في الاول
وفضلت واقفة في المدخل
احاول اسمع هيحصل ايه؟
والي كنت خايفة منه حصل
لان بعدما شهاب بية دخل لشقتة
سمعت صوت بسنت ....
وشرشحتها لجوزها
من وانا علي السلم
وهي بتزعق و بتقولة ..
ازاي تركب الخدامة معاك في عربيتك
ورحتوا فين مع بعض
وكنتوا بتعملوا ايه انتوا الاتنين؟
وفجاءة
الصوت سكت
ومسمعتش هو رد عليها قالها اية
وفضلت واقفة في مدخل العمارة شوية
لغاية... ما باب الشقة بتاعتهم اتقفل
وبعدها...
طلعت بسرعة علي شقة الباشمهندس
وانا قلبي بيدق ...لاني كنت خايفة من الفضيحة
الي ممكن تعملهالي بسنت
المهم....
بعدما دخلت لشقة الباشمهندس
ملقتوهوش
لسة رجع من بره
فا حمدت ربنا
انه مكنش هنا وبسنت بتزعق
وبتجيب سيرتي
وفضلت في شقة الباشمهندس وانا
متدارية ورا باب الشقة
عشان اتابع من خلال العين السحرية
واشوف بسنت هتعمل اية؟
واطمنت لما لقيتها سكتت وحسها اتكتم
فا رجعت لاوضتي وانا بعيط
وبدعي ربنا ...
انه ميحكمش عليا بالفضيحة ابدا
عشان الباشمهندس ميطردنيش واترمي في الشارع
وكنت كل ما اتخيل...
ان بسنت...
ممكن تقول للباشمهندس علي حاجة
كان جسمي يتنفض والدنيا تلف بيا
ولقيتني دايخة
ومش قادرة اقف
فا قعدت علي الكرسي الي جنب باب الشقة
وشوية...
ولقيت المفتاح بيدور في الباب
وبعدها...
لقيت الباشمهندس داخل بيقولي...
قاعدة كده ليه يا صابرين؟
قلت...
مفيش ....
اصلي زهقت من الرقدة
فا قلت احاول اتمشي شوية
فا ابتسم الباشمهندس
وقالي...
طيب خليك قاعدة مستريحة
لغاية ما اعمل حاجة ناكلها
وبمجرد مادخل الباشمهندس للمطبخ ..
سمعت جرس الباب بيرن
فا قمت فتحت
وبمجرد ما فتحت باب الشقة
اتفاجئت ب بسنت ادامي
وكانت ماسكة في ايدها مضرب خشب
اشبة بالشومة
وقبل ما اسالها..
واقولها..
عايزة اية؟
لقيتها فاجئتني
وانهالت عليا بالمضرب
ونزلت فيا ضرب
بكل غل.... وغيظ ...
لغاية ما لقيتني وقعت ع الارض
وانا بصرخ
عشان حد يغيثني
قبل ما اموت في ايديها..
ولولا ...
ان الباشمهندس خرج من المطبخ ...
ومنعها تكمل ضرب فيا
كان زمانها خلصت عليا..
ولما الباشمهندس صرخ فيها
وزقها بكل قوتة
وقالها ...انه هيبلغ البوليس عنها
فا ردت عليه بغيظ
وقالتلة...
ومالة ... بلغ البوليس
عشان ابلغ فيك انا كمان
واتهمك بانك بتدير شقة مشبوهة
و بتجيب بنات شمال من الشوارع
وبتقول عليهم خدامين
في اللحظة دي
ظهر شهاب بية
وواضح انه سمع كل الي بسنت قالتة...
لاني لقيتة بينادي علي خالتي
وبيقولها..
تعالي اتفرجي
علي الفضايح الي بنتك عملاها في العمارة
عشان لما اتصرف معاها بطريقتي متبقيش تلوميني
فا ردت بسنت
وقالت...وانا جاهزة للعقاب
بس قبل ما تعاقبني
قول للباشمهندس انا عملت فيها كده ليه؟
وبصت بسنت للباشمهندس
ول خالتي
وقالتلهم...
البت دي شمال ...و زبالة
وانا شوفتها من العين السحرية اكتر من مرة
وهي واقفة عريانة علي باب الشقة
وشوفتها رامية نفسها في احضان راجل
كان واقف معاها علي السلم
ولو مش مصدقين اسالوا شهاب بية
اهو كان واقف جنبي وشافها معايا
وفي اللحظة دي
بص الباشمهندس لشهاب بية
وسالة
وقال...
الكلام الي بتقولة مراتك ده حصل فعلا يا شهاب بية؟
فا بص شهاب بية لمراتة بغيظ
وقال...لا محصلش
وانا بعتذر نيابة عن المدام بتاعتي
اصلها تعبانة نفسيا ...
وبتتعالج بالمهدئات بقالها فترة
عشان كدة ...
تلاقيها بتشوف... وتسمع حاجات مبتحصلش
في الواقع
فبصلة الباشمهندس
وسالة
قال..
وحق صابرين...
الي غرقانة في دمها دي اخده من مين؟
فا ردت خالتي
وهي بتعيط علي منظري... وبهدلتي
وقالت...
حق صابرين انا هجيبهولها
فا رد الباشمهندس
وقال...
بنتك يا حاجة...
خاضت في عرض انسانة شريفة
واعتدت عليها بالضرب
وانا مش هسيب حقها
وعموما انا هوديها للمستشفي..
واعملها كشف طبي
وهيبقي فيه بوليس.. ونيابة
وساعتها بنتك هتتحبس
عشان تبقي تعرف تتهم الناس الاشراف في شرفهم
وتسبهم في اعراضهم
فا ردت خالتي
وقالت..
ارجوك يا باشمهندس...
بلاش توصلها للبوليس ...وحبس ...وبهدلة...
انا فهمتك ان بنتي حالتها النفسية تعبانة
يعني لما اتصرفت مع صابرين بالقسوة دي
مكنتش في وعيها
ارجوك يبني
اديني فرصة
وانا هتصرف وهعالج صابرين...
وهجيبلها حقها
وحق الخوض في عرضها من بسنت بنتي
وبسرعة اتصلت خالتي بالدكتور
بتاعها..
ولما الدكتور وصل
طلب منهم يدخلوني غرفتي
عشان يكشف عليا براحتة
وبعدما الطبيب كشف عليا... وضمدلي جراحي
خرج بعدها يقولهم...
علي الخبر الي فاجئ الجميع
ولبسني انا شخصيا في الحيط
لما الدكتور
قالهم......
لازم تعمل اشعة عشان نطمن ان مفيش كسور في جسمها
وكمان محتاجة تتعرض علي طبيب امراض نسا
عشان نطمن ان الحمل الي في بطنها متاثرش
من الي حصلها
في اللحظة دي
الجميع سلطوا نظراتهم عليا
وهما بيسالوا بزهول
وقالوا...
حمل ؟
فا رد الطبيب
وقال..
ايوه المدام حامل
ولا زم يفحصها دكتور متخصص امراض نسا وبسرعة
وفي اللحظة دي
صرخت بسنت
وكانها مسكت حرامي
وقالت...
جالكم كللامي؟
عرفتوا بقي اني كان عندي حق
لما قلتلكم انها منحرفة...
و سلوكها بطال؟
وبعدها بصت بسنت لجوزها شهاب بية
وقالت...
انا عايزة اعرف دلوقتي
الحمل الي في بطنها ده ابنك ولا ابن مين؟
فا اتوتر شهاب بية
ووقف مصدوم من كلامها
وطلبت بسنت من الدكتور ياخد عينة
من شهاب بية عشان تعملة تحليل
دي ان اية
فا صرخ فيها شهاب بية
وقالها..
انتي اتجننتي في عقلك ولا ايه؟
وهنا وقفت خالتي في صف بنتها بسنت
وردت خالتي
وقالت...
بسنت عندها حق
صابرين تبقي بنت اختي
ولازم اعرف مين الندل الي عمل فيها كده؟
ولازم الي عمل كده
يصلح غلطتة و يتجوزها
والتحليل مش هيتعمل لجوز بنتي لوحده
لا...
ده الباشمهندس كمان لازم ناخد منه عينة
ويتعملة تحليل..
ولغاية ما نتيجة التحليل تظهر
صابرين هتفضل عندك يا باشمهندس..
وهتبقي ملزومة منك
فا استغربوا الرجالة من كلام خالتي
لكن هي قالتلهم ...
انا عارفة ان طلبي ده صعب لكن....معلش
لازم من التحليل
عشان كل واحد فيكم يثبت برائتة
ويبعد عن مجال الشك
فا وقف شهاب بية يبص لخالتي
بدهشة
وسالها؟
وقال...
بتقولي صابرين تبقي بنت اختك؟
قالت...
ايوه صابرين بنت اختي شقيقتي
فا رد شهاب بية
وسالها؟
وقال... بسنت كانت عارفة ان صابرين بنت خالتها؟
قالت...ايوه
فاازادت دهشتة
وقالهم...
وازاي تسيبوا قريبتكم الي من دمكم تتبهدل...
وتشتغل
في بيوت الناس؟
فا صرخت فيه بسنت
وقالت...
اولا ...
دي مسالة عائلية
تخصني انا وامي بس
يعني ... انت ملكش فيها
وبعدين.. مش دي قضيتنا دلوقتي
وااستغرب الباشمهندس من المفاجئة
الي فجرتها خالتي
وقال....
يعني صابرين كانت صادقة فعلا
لما قالتلي ان ليها خالة في العمارة هنا ؟
امال لية فعلا عملتوا نفسكم متعرفوهاش؟
فتجاهلت خالتي وبنتها الرد علي الباشمهندس
ولما محدش رد ع الباشمهندس
بصلهم ...وقالهم
علي العموم انا موافق اني اعمل التحليل
وفي اللحظة دي
وافق..شهاب ...ووافق الباشمهندس
علي عمل التحليل
وبالفعل اخد الطبيب العينات منهم هما الاتنين...
واخدواء عينة من السائل الي حوالين الجنين
الي في بطني
واتعمل التحليل
ولما الدكتور
جاب نتيجة التحليل
مش هتصدقوا
النتيجة كشفت عن اية........؟
تكملة الروايه بعد عمل متابعه من هنااااااا
تعليقات
إرسال تعليق