 |
سكريبت♥️بقلم سولييه نصار♥️
-انتي عانس مفروض تقبلي بأي حاجة !!
قالتها مرات عمي صفية اللي كانت قاعدة مع اهلي اللي بيحاولوا يقنعوني بالعريس اللي عنده ستين سنة ...
بصيت ليها بك*ره فكملت وهي بتغيظني :
-يا حبيبتي انت في نص التلاتين اللي قدك قرب يبقي جد ..ده انا بناتي اتجوزوا وهما بنات تمنتاشر ...
بصيت لها وقولت؛
-والله بناتك اتجوزوا بس الاتنين اهم رجعوا مطلقين يا مرات عمي علي الاقل أنا مفشلتش زيهم أنا بختار بعقلي مش هختار واحد بتاع أمه يعذ*بني ولا واحد بيشرب ويخ*وني ويض*ربني ...بناتك اتجوزوا بدري بس اتطلقوا يا مرات عمي فاللي بيته من قزاز ميرميش الناس بالطو*ب يا مرات عمي ...
كان لهجتي قوية حسيت مرات عمي وشها جاب الوان وخرست خالص ولسه هكمل حسيت بقلم صعب علي وشي ...بصيت ولقيت ابويا ...مسك ابويا أيدي وقال:
-اتكلمي بأد*ب مع امك ...
بصيت لأبويا ببرود فضر*بني بالقلم تاني وقال:
-اياكي تبصيلي كده ويالا علي اوضتك يالا وهتتجوزي الحاج عمران ورجلك فوق رقبتك انتي فاهمة ...
عيوني دمعت بس مرضتش ابكي قدامهم ...روحت علي اوضتي بسرعة وانا بفكر هعمل ايه .
.اول ما دخلت قعدت علي السرير ودموعي نزلت ...طلعت صورة ماما من تحت المخدة وبصيتلها وانا ببكي ...كنت تعبانة ومقه*ورة من اللي بيحصل ...أنا كنت سعيدة قبل ما هي تمو*ت كانت كل حاجة كويسة ...بابا كان بيحبني بس من وقت ما ما*تت بابا انك*سر وانعزل عن العالم وبعد شهور اتصدمت لما لقيته اتجوز صفية مرات عمي حسن المتوفي وقتها معاملة ابويا اتغيرت ...بقا يضر*بني ويهي*نني وشغلني خدا*مة والانيل لما بناتها الاتنين اتطلقوا ورا بعض وجه يعيشوا معانا وبقيت أنا الخد*امة ليهم وطبعا بسبب أن سني كبر ومتجوزتش بدأت اتعرض لمضايقات وكلامهم كان زي الس*م وكله معايرة عشان كده قررت أني ابقي زيهم ...اقول كلام زي الس*م ...الكلمة بتتردلهم بعشرة ...مكنتش يهتم اني اجر*حهم ...زي ما كانوا بيعا*يروني كنت بعا*يروهم بس بعدين كنت بتضايق من نفسي لأن مش دي تربيتي بس مكانش قدامي حل تاني ما هو لإما اسكت وانق*هر لاما ارد الكلمة عشرة ....ودلوقتي مرات عمي ...اتعودت اقول عليها مرات عمي لاني متقبلتهاش أنها مرات ابويا وبصراحة كنت بعصبها لما اقولها كده وكنت بصراحة قاصدة اني اقولها كده ...وهي وقتها اتعندتني اكتر لدرجة أنها قلبت ابويا عليا وخليته يوافق علي الحج عمران عشان يتجوزني ....ودلوقتي ابويا خلاص صمم بس انا مستحيل أقبل أن حد يرسملي حياتي ...مستحيل اسمحلهم يد*مروا حياتي بالشكل ده ....
.....
تاني يوم كنت بعملي فطار وقررت معملش للباقي خلاص كنت بايعة كل حاجة ومش مهم ابويا هيعمل ايه ...بس الغريب أن بابا متكلمش لا ده خلي مرات عمي تعمل الفطار كنا قاعدين كلنا علي السفرة وانا بأكل بهدوء لما بابا قالي:
- فرحك علي الحاج عمران الاسبوع اللي جاب يا رؤى !!!!!
يتبع
#حبيبتي_المتمردة
#سولييه_نصار
الجزء التاني♥️شكرا علي تفاعلكم السكر♥️بقلم سولييه نصار♥️
-افندم ... فرح ايه انا مش موافقة ؟!!
قولتها بعصبية ...مرات عمي ابتسمت فرد ابويا ببرود:
-انا مش بستأذنك ...أنا ببلغك يا رؤى ...فرحك الاسبوع اللي جاي علي الحاج عمران ...انتي خلاص بقيتي رسمي خطيبته وبكرة هتلبسوا دبل ...
قومت ورميت الطبق من قدامي وقولت:
-انتوا مجا*نين صح ...الكلام ده علي جث*تي ...
الكل بصلي بصدمة قام بابا جابني من شعري وقال:
-اه يا قليلة الر*باية
وبعدين ضر*بني بالقلم وزق*ني علي الأرض لحد ما وقعت ...ولسه هيضر*بني فقالت مراته:
-متضر*بهاش علي وشها يا حسين عشان خطوبتها بكرة ...
-اه ..
صر*خت بألم لما ضر*بني في بطني وبعدين بإيده قعد يضر*ب في كتفي ...كنت شايفة من وسط دموعي مرات عمي وبناتها بيضحكوا ....
......
كنت علي السرير نايمة زي المي*تة ...دموعي بتنزل وحاسة قلبي هيوقف من كتر الو*جع ...اتمنيت اللحظة دي أن ربنا ياخدني عنده لاني خلاص تعبت ...تعبت من معاملتهم ليهم وضر*بهم ليا ...والاسوأ من كده خلاص حددوا خطوبتي اللي هي بكرة ...بس لا مش أنا اللي استسلم ليهم ...أنا مستحيل اخليهم يتحكموا في حياتي ....ابويا ومراته مش هيكسبوا الجولة دي أنا اللي هكسب وهما هيشوفوا أنا هعمل ايه فيهم ....
......
بقية اليوم قضيته في اوضتي ...اتصلت بالشغل واعتذرت اني مش هاجي لاني تعبانة واتفهموا الأمر...بس لما كنت في اوضتي مكنتش ببكي كنت بخطط هعمل ايه عشان ابو*ظ الفرح ده ...مكنتش خايفة من اللي هيحصل كنت بس حابة اوريهم ان مش أنا اللي يتلوي دراعي وهيشوفوا رؤى هتعمل ايه ....
دخلت مرات عمي عليا وقالت بقسوة:
-قومي يا بت يالا عشان تحضري لينا العشا ...
بصيت لها بإستفزاز وقولت:
-وهو ده يصح يا امي العزيزة ينفع عروسة تحضر العشا تؤتؤ مينفعش أنا دي اخر ايامي في بيت ابويا لازم اتدلع بس بناتك كده كده قاعدينلك خليهم هما يحضروا ...
وعشان اقه*رها حطيت راسي علي المخدة وقولت:
-اقفلي النور والباب وانتي خارجة ...
اتعصبت بس رغم كده محبتش تكتر في الكلام لأنها عايزة الخطوبة تمشي من غير مش*اكل ....
......
تاني يوم طلعت علي شغلي قبل ما اي حد يصحي وقفلت موبايلي وانا قاصدة اخليهم يلفوا حوالين نفسهم ......
....
مرت الساعات وانا اختفيت عن الأنظار والبيت كان قايم حر*يقة ...الحاج عمران وعياله جم عشان يخطبوني وابويا كان شكله وح*ش وهو مش عارف يوصلي ....
....
بعد ساعة ...
قربت صفية من حسين وقالت:
-بنتك الفل*تانة هربت وفض*حتنا ...سيرتنا هتبقي كل كل لسان يا حسين ...
كان حسين متوتر وهو باصص للحاج عمران وهو متض*ايق ...شاف بناته بيتوشوشوا بينهم وبين بعض ...رؤى عملتها ...حطت رأسه في الطين ...
قرب حاج عمران منه وقال بصوت قاسي:
-فين بنتك يا حاج حسين هو ينفع عروسة تتأخر كده وهي هتتخطب ...هو انت معلمتش بنتك الأصول ولا ايه ...
لسه حسين هيرد اتفتح الباب ...
ابتسمت وانا بشوف الكل بيبصلي بصد*مة ...مسكت ايد على وقولت:
-اعرفكم يا جماعة ..علي جوزي !!!
يتبع
#حبيبتي_المتمردة
#سولييه_نصار
الجزء التالت♥️شكرا علي تفاعلكم السكر♥️بقلم سولييه نصار♥️
-نعم !!!
ز*عق ابويا فهزيت كتفي وقولت ببرود:
-للاسف يا بابا انا اتجوزت ...
بصيت للحاج عمران وقولت:
-لا مؤاخذه بقا يا حاج مينفعش تخطب بنت متجوزة ...يالا ملكش نصيب ...بس ممكن ارشحلك مي بن مرات ابويا مسكينة ومطلقة وملهاش لا قريب ولا حبيب ولا غريب حتي ...
-بس اخ*رسي ..
قالتها صفية بفز*ع وبعدين كملت:
-عايزاني اجوز بناتي لراجل كبير زي ده ...
ربعت أيدي وقولت:
-بس كنتي عايزة تجوزي بنت جوزك لراجل زي ده عادي ...
وشها اتقلب فابتسمت وقولت:
-بس الحق مش عليكي ...
بصيت لبابا وقولت بنبرة مك*سورة :
-الحق علي ابويا اللي سمع كلام مراته وكان هيبيعني بالرخ*يص...
هزيت كتفي وكملت:
-بس أنا غف*لتكم واتجوزت علي زميلي عرفي ...مش كده يا بيبي ...
أتوتر علي وقال:
-ايوة ... أيوة ...
اتعصب الحاج عمران وقال:
-هو احنا جايين نته*ان هنا ولا ايه يا حاج حسين ....مادام مش قادر تلم بنتك وافقت اخطبها ليه ؟!!
قرب مني علي وقال:
-بقولك ايه الموضوع خرج عن السيطرة ايه رايك نقولهم الحقيقية.
.-شششش بطل غبا*ء يا بني آدم انت عايز تبو*ظ اللي أنا عملته والنعمة لو فتحت بوقك لأقط*ع راسك واعلقها علي باب بيتنا انت فاهم ؟!!
-فاهم يختي فاهم ....أنا مني لله اني وافقت اساعد واحدة مج*نونة زيك ...
بعد مش*اكل وكلام كتير من الحاج عمران مشي وهو غضبان أما أنا استنيت انف*جار ابويا اللي قرب مني ورفع أيده عشان يضر*بني بس علي مسك أيده وقال:
-لا يا عم رؤى تبقي مراتي دلوقتي يعني ملكش حق تمد ايديك عليها ....وبعدين انت زعلان ليه كنت عايز عريس ولقيت عريس اهو ...
-اطلعي برة ...
قالها ابويا فجأة وشي شحب فلقيته دخل الاوضة وفضل فيها دقيقتين وبعدين خرج و رمي شنطة هدومي ومسك أيدي وقال:
-اطلعي برة انتي لا بنتي ولا أنا اعرفك....خلاص انتي متي مع امك ..وانا مت بالنسبالك وياريت مشوفش وشك هنا تاني ....
دموعي نزلت وانا بشوف ابويا بيط*ردني ...قلبي وج*عني ...للحظات كنت هترجاه يسيبني بس مقدرتش ...حسيت لساني اتربط ...
.....
كنت ماشية في الطريق أنا وعلي شغالة ابكي وأبكي ...علي اتنهد وقال:
-خلاص بقا يا رؤى متزعليش كل حاجة هتتحل ...يومين وهتشوفي أنه بنفسه هيجيلك ...
هزيت راسي وانا بعيط وقولت:
-مستحيل ابويا بيكر*هني وما صدق أن ده يحصل ...هي هتفضل تزن عليه عشان تكر*هه فيا اكتر من كده ...خلاص ابويا اتخلي عني مبقاش ليا مكان اروحله دلوقتي ...
قولتها وبعدين قعدت علي الرصيف وانا ببكي فقرب علي مني وقال:
-وانا روحت فين يا فرنسا انتي هتيجي معايا ...
-نعم يا اخويا انت عايز تست*غل الوضع ..
-يخربيت دماغك الشمال يا شيخة ...انا عايش مع امي واختي وانتي عارفة كده قولتها ميت مرة ...
-يا سلام وهتقول لامك ايه وانت جايبلها واحدة غريبة البيت بالليل ..
-ملكيش دعوة ...
....
-ماما احب اقدملك رؤى مراتي اتج...
ولسه هيكمل أمه ض*ربته بالطاسة في رأسه اغمي عليه ...بصيت وقولت:
-غب*ي والله غب*ي انا قولتلك خلينا نتكلم في الصالة !
يتبع
#حبيبتي_المتمردة
#سولييه_نصار
الجزء الرابع♥️شكرا علي تفاعلكم السكر ♥️بقلم سولييه نصار♥️
-والله يا طنط هفهمك الموضوع بلاش تتعصبي ...
قولتها بخ*وف وانا بلاقي الست بتقرب مني بعد ما اغمي على علي ....
-انتي مين ولفيتي علي ابني المسكين ازاي ..انطقي ...
زع*قت في جملتها الأخيرة واتنفض جسمي وانا برجع لورا وقولت:
-والله يا طنط ..ما لفيت ولا مشيت حتي واقولك سر أنا متجوزتش ابنك حتي ...أنا بنت غلبانة ابويا كان عايز يتجوزني لواحد ستين سنة وابنك ساعدني وعشان كده ابويا طر*دني من البيت ...
الست هديت وقالت:
-طب مامتك فين يا حبيبتي ...
عيوني دمعت وقولت :
-االه يرحمها ما*تت ..
-يا حبيبتي يا بنتي ...
قالتها الست وبعدين حضنتني جامد ...بصيت علي علي الواقع على الأرض وقولت:
-هو احنا مش هنفوقه.
-سيبك منه ...
........
بعد نص ساعة كان علي حاطط تلج علي رأسه وهو قاعد معانا ...أمه كانت قاعدة معانا وقالت:
-رؤى قالتلي علي كل حاجة يا علي ...وانا موافقة تعيش معانا زي ما هي عايزة ..
-شكرا يا امي ...
كملت وقالت:
-لو حد سأل عليها هنقول أنها قريبتنا من البلد. مفهوم ..
-حاضر يا امي ...
اتنهدت والدته وقالت؛
-حاجة أخيرة انت هتنزل تعيش في الشقة اللي تحتنا يا علي ..ميصحش تبقي وفيه بنت هنا اكيد هتتكسف ...رؤى هتبقي مع اختك وانا وانت تيجي تتطمن عليها. ..او ممكن تقضي اليوم هنا بس تنام تحت ...
-طب والشغل
قالها علي فقولت بسرعة :
-انا ناوية اخد إجازة منه يومين ..وبعدين بصيت لام علي وقولت:
-والله ما عارفة اقولك ايه ...شكرا ليكي ...أنا جيت حمل عليكي فجأة بس اضبط اوضاعي وامشي .
طبطبت علي ايدي وقالت:
-يعلم الله حبيتك زي بنتي رشا اللي نايمة جوا دي يا رؤى ..متشليش هم يا حبيبتي احنا معاكي لحد ما تتحل ...
عيوني دمعت وانا بفتكر معاملة ابويا ومراته ليا كأني عد*وتهم ...ابويا اللي حتي حب بنات مراته اكتر مني
......
دخلت الاوضة لقيت في بنت مراهقة نايمة ... ابتسمت دي اكيد رشا...قعدت علي السرير وبدأت دموعي تنزل وانا بفتكر كل الإها*نة وكل الضر*ب اللي اتضر*بته ...نومت علي السرير وقولت:
-وحشتيني يا ماما ....
فجأة صرخت لما لقيت حاجة بتنط عليا ...
-حر*امية يا ماما ..حر*امية !
لقيت رشا مسكاني وهي شغالة تز*عق...جات والدتها بسرعة وهي بتشيلها من عليا وبتقول :
-انتي يا بت بطلي تخ*لف وابعدي عنها ...دي ضيفة عندنا ..
بعدت رشا شوية وقالت:
-لا مؤاخذة يا ختي مكنتش اعرف ...
ضحكت وانا بحط راسي علي المخدة وفكرت اني مفتقدة الجو ده
.....
تاني يوم ....
كنا بنفطر سوا ...كنت ببص على علي ووالدته واخته ازاي حياتهم مثالية ...مشاعرهم دافية وبيحبوا بعض وافتكرت ابويا اللي بيكر*هني ...مراته اللي شغلتني خد*امة وبناتها اللي بيتكلموا عليا وعرفت اني استحملت كتير بس ربنا عوضني واهو لو عوض لمدة بسيطة مش مهم المهم أن انا حاسة بالامان هنا اكتر من بيت اهلي ....
......
مرت الايام وانا اندمجت مع العيلة دي ..كنت مبسوطة اوووي معاهم كنا طالعين وخارجين سوا حتي الكل لاحظ وللأسف بسبب خروجي مع علي دايما للشغل الناس بدؤا يتكلموا ....
لحد في يوم ...
كنت قاعدين في البيت لما جات جارة الست انتصار ام علي...
-خير يا ام مدحت فيه حاجة
قالتها الست انتصار لأنها عارفة أن ام مدحت مبيجيش من وراها اي خير ....
بصتلنا أم مدحت انا وعلي وقالت:
-والله يا اختي اللي بيحصل ده ميصحش ..
-ايه هو اللي ميصحش يا ست انتي
قالتها الست انتصار ببرود فردت ام مدحت:
-يعني قريبتك دي داخلة خارجة مع علي الناس بدأت تتكلم علي شرف...
مكملتش ام مدحت كلامها فوقفت الست انتصار وقالت:
-قط*ع لسان اللي يتكلم علي رؤى نص كلمة يا ام مدحت ...دي.بنت محترمة وبنت ناس فبطلوا المر*ض اللي جواكم ده ...وعشان ترتاحي رؤى مش غريبة ...خطوبة رؤى وعلي هتبقي الاسبوع اللي جاي!
.........
-امتي جوزك هيسافر شغله ...
صوت عمار جالها في التليفون غض*بان ...اتوترت صفية وقالت:
-يا عمار افهم الدنيا دلوقتي قايمة قاعدة عشان الفل*تانة بنت حسين مشيت من البيت ...اصبر شوية ..
-لا مش هصبر يا صفية ..
بعدين لين صوته وقال:
-وبعدين هو انا مش وحشتك ولا ايه ...
ابتسمت صفية بحب ..وهي بتفكر أن عمار هو الجزء الوحيد الحلو من حياتها ...صحيح اصغر منها بعشر سنين لكن هو اللي محلي حياتها كلها....علاقتهم بدأت من سنة وقدرت بمك*رها أنها متتكشفش ...كانت احيانا بتجيبوا هنا لما حسين والبنات ميكونوش موجودين ويقضوا وقت مع بعض ...
-بكرة هجيلك يا حبيبي حاضر...عشان انت كمان وحشتني ...
ومن بعيد كان واقف حسين مصدوم وهو بيسمع مراته بتخ*ونه!!!
يتبع
#حبيبتي_المتمردة
#سولييه_نصار
الجزء الخامس♥️شكرا علي تفاعلكم السكر♥️بقلم سولييه نصار♥️
-انا مش موافقة ...
قولتها بعناد لعلي اللي قاعد قدامي وبعدين بصتله وقولت:
-علي اتصرف في حوار الخطوبة ده انا مش ناقصة ...
بلع علي ريقه وقال:
-هو انتي للدرجادي مش طا*يقاني ...
بصتله بحزن ...أنا عارفة أنه بيعمل كده عشان محدش يتكلم عليا ...علي ساعدني كتير وانا مستحيل اور*طه في حاجة زي دي ميستحقش مني كده ...كده انا ابقي أنا*نية صحيح اني اعجبت بيه ...حبيت شجاعته ووقوفه جمبي هو وعيلته بس كفاية كده الموضوع دخل في الجد يبقي خلاص ابعد عنهم ...انا قررت ابعد عنهم وامشي من هنا ...
-رؤى ردي انتي للدرجادي مش طا*يقاني ....أنا معجب بيكي وموافق علي الخطوبة دي انتي بقا ايه قرارك أنا مش هجبرك علي حاجة ....
-انت بس شفقان عليا ...
-واشفق عليكي ليكي انت سلحفة مثلا ..أنا معجب بيكي وحاسس انك انتي البنت اللي بدور عليها ..
قرب علي وكمل:
-انا بعد ما ما*تت خطيبتي الاولانية قفلت قلبي وقولت مش هحب تاني لكن بعد ما اشتغلت في نفس الشركة اللي احنا فيها سوا كنت مبسوط اووي ...انتي كنتي دايما بتفرضي حضورك علي المكان ...احيانا مكنتش اقدر مبصش عليكي ..
كنتي قوية واي حد يحاول يحر*جك بتخليه يخ*رس ...مكنتيش مستنية.حد ياخد حقك كنتي انتي بتاخديه ....صحيح احيانا لسانك كان عايز ق*صه بس رغم كده لقيت نفسي بقول محظوظ اللي هيتجوزك بس لما قربت منك قولت في نفسي ليه مكونش أنا المحظوظ ده يا رؤى ليه منتجوزش ونكون مع بعض ....
اتنهدت فقال بسرعة:
-خدي وقتك مش بضغط عليكي ولو رفضتي هنعمل بس خطوبة مزيفة وبعدين هسيبك لكن لو قبلتي هنعمل خطوبة حقيقية وبعدين نحدد ميعاد جوازنا ...
حسيت قلبي وج*عني وقولت
-بس بابا ...بابا دلوقتي اتخلي عني نهائيا ...
-متفكريش في الموضوع ده بس يجي وقت الجواز يحلها الف حلال ...
.......
فتح حسين الدرج بتاعه وخرج المس*دس المترخص اللي اشتراه قبل كده حط فيه رصا*صتين وقرر يروح ويقت*لها الخا*ينة دي ...استني لما مشيت ومشي وراها ...لقاها دخلت بيت بسيط ...استني شوية وهو حاسس بن*ار جواه...الخا*ينة دي اللي أداها كل حاجة وهي خا*نته ...ك*سر بنته عشان خاطرها ...حب بناتها اكتر من بنته ...الغ*شاوة كانت عامية عينيه هو اذ*ي بنته عشان خاطرها هي ...كان هير*ميها لراجل عجوز وده جزاته الخ*يانة ...قرر يتحرك ناحية البيت وبعدين بقوة خبط الباب فاتفتح ...دخل ببطء وهو داخل اوضة النوم ولقاهم سوا ...صفية اول واحدة شافته واول ما شافته صر*خت وهي بتقول :
-حسين ..حسين ...اسمعني ابوس ايديك ...
لسه عمار هيتحرك عشان يهرب ...حسين ضر*به بالنا*ر في رأسه فوقف مي*ت علي السرير ...قعدت صفية تصرخ وهي بتقول:
-ابوس ايديك سامحني...
-انتي فا*جرة أنا بسببك خ*سرت بنتي وجه الوقت تتعا*قبي. .
وبعدين رفع مسد*سه وضر*بها عشان تمو*ت جمب عشي*قها !
...
طلعت من الاوضة وانا مقررة است*غل الفرصة دي ...أنا كمان ليا حق افرح ...بصتلهم في الصالة وقولت:
-انا موافقة علي الخطوبة الحقيقة ...خلاص يا علي قررت اديك فرصة يارب يطم*ر فيك
يتبع
#حبيبتي_المتمردة
#سولييه_نصار
الجزء الاخير♥️شكرا علي تفاعلكم السكر♥️بقلم سولييه نصار♥️
-كنت عارف انك هتوافقي يعني انتي هتلاقي زيي فين ..شاب وسيم ومحترم وصاحب اخلاق ...يا بنتي ده انتي حظك من السما ....
قالها علي بتك*بر مصطنع وهو بيعدل قميصه فضحكت...ضحكت أمه واخته كمان وقالت:
-انا دلوقتي مبسوطة اووي أن اخيرا ابني قرر يتجوز ...وأنه قرر يبقي سعيد ...
قربت الست انتصار مني ومسكت ايدي وعيونها فيها دموع وقالت:
-شكرا يا بنتي انك جبتي السعادة لينا ...علي بعد سهام الله يرحمها قفل قلبه ورفض يتجوز بس لما شوفت معاملته معاكي حسيت أنه فتح قلبه مرة تانية. كنت نفسي انتي توافقي عليه والحمدلله يا رؤى شكرا يا بنتي انك قررتي تسعدي ابني مرة تانية وانا عليا اني هعملك فرح كبير اووي وكل طلباتك اوامر ...علي ليه شقته اللي تحت لو حابة تسكني فيها وتبقي جمبي براحتك لو حابة تاخدي شقة بعيد برضه براحتك دي حياتكم ...
عيوني دمعت ومسكت ايديها وبوستها وقولت:
-مفيش بنت بتختار ابدا أنها تبعد عن أمها صح ...
ضحكت الست انتصار ودموعها نزلت وحضنتني جامد وقالت:
-ومفيش أم عايزة بنتها تبعد عنها وانتي بنتي زي رشا ولو في يوم علي زعلك انا هقف جمبك انتي ...
-اي ده يا ست انتصار بعتيني حالا كده ...طيب لو هي غل*طت في حقي ..
بعدت الست انتصار وقالت:
-هقف في صفها برضه لان مفيش ست بتغ*لط
-انا اللي جبته لنفسي ..كان مالي ومال الجواز ..
كلنا ضحكنا عليه ....
.....
بعد ساعات كنت بنخطط لحفلة الخطوبة لما جالي اتصال ....واللي سمعته صد*مني ...وقع مني التليفون بصتلي الست انتصار وقرب مني علي وقال:
-فيه ايه يا رؤى ؟!
بصتله وقولت:
-ابويا ق*تل مرات عمي ...قت*لها ودلوقتي في مركز الشر*طة ...
...
كنت قاعدة علي الانترنيه ...دموعي محبوسة في عيني مش راضية تنزل بس قلبي واج*عني هو صحيح آذ*اني بس اكتشفت أن لسه بحبه وفي مح*نته ودي مفتكرتش الا الحلو اللي عمله ليا ...افتكرت ابويا ...
قومت بسرعة وقولت:
-انا عايزة اروح له ....
.....
روحت بسرعة لأبويا مركز الشر*طة ...واخدت محامي وطلبت أقابله ولأن موقفه كان قوي لأنها جريمة شر*ف المحامي قال سهل يطلعه وجابلي إذن زيارة....
اول ما بابا شافني انها*ر وفضل يع*يط ...قرب مني وكان هيبوس أيدي وانا حضنته وقولت:
-لا اوعي تعمل كده يا بابا ..
-سامحيني يا بنتي سامحيني ...ابوس ايديكي أنا طلعت اب ظا*لم ...ظل*متك وك*سرتك عشان واحدة متسواش !....
-خلاص انساها يا بابا هي راحت لربنا وهو يحاسبها المهم دلوقتي انت أنا كلمت المحامي وقال إنه يقدر يطلعك لأنها قضية شر*ف ...اطمن هفضل معاك لحد ما تطلع من منها ...مش هتخلي عنك...
باس ابويا راسي وهو بيعيط وقال:
-والله مستحقش ده ...والله أنا أقل من انك تقفي معايا ...
-انت ابويا اللي كان بيحبني واللي رباني ...
-ولسه بحبك وبس اطلع هعوضك عن اللي حصل ...
......
وفعلا بعد اربع شهور ابويا طلع وعملنا أكبر فرح ليا أنا وعلي ...ولما كتبنا الكتاب بابا فضل يعي*ط وحضني وطلب من علي أنه يسمحلي أزوره ..علي استغرب من طلبه لأن محدش يقدر يم*نع بنت من ابوها ...
حضنت بابا وانا لابسة فستان الفرح وباس راسي وقال:
-تخيلي اول مرة اخد بالي انك شبه امك ...
عيوني دمعت ولسه هع*يط قال:.
-لا لا متبكيش زمانها فخورة بيكي عشان رغم اللي عمله ابوكي قدرتي تسامحي يا رؤى ....روحي ارقصي مع جوزك ...
مسك علي أيدي وقال:
-حمايا عنده حق يالا نرقص شوية...
...
كنت برقص مع علي ...كنت حاسة أني طايرة...يااه اخيرا كل حاجة اتضبطت ابويا بقا معايا واتجوزت راجل يجنن وبقا معايا ام زي ست انتصار واخت زي رشا ...اللي مزعلني كان بنات صفية اللي اتك*سروا بعد اللي حصل وراحوا يعيشوا مع خالهم ...رغم اللي عملوه معايا بس فعلا كنت بشفق عليهم ...
بصيلي علي بإبتسامة وقال:
-بتفكري في ايه ..
ابتسمت وقولت :
-تعرف يا علي ماما الله يرحمها كانت بتقولي ان بإذن الله نصيبي في الحب هيكون كبير كانت متيقنة أن هيجيلي الفارس الابيض اللي هيخطفني وانت كنت الفارس الابيض ده ..انا بحبك اووي علي فكرة♥️
-وانا كمان بحبك يا حبيبتي المت*مردة♥️
تمت
#حبيبتي_المتمردة
#سولييه_نصار
تعليقات
إرسال تعليق