 |
الفصل الخامس
استيقظ رعد قبل العصر بقليل علي صوت الباب فقام وخلع قميصه وارتدي البورنس وحمل عشق للسرير وغطها ثم فتح
الخادمه : صباحيه مباركه يا بيه..... اتفضل الوكل بالهنا والشفا
رعد : شكرا...... واخذ الصنيه منها وقفل الباب
تململت عشق في الفراش وقامت
عشق : صباحوا
رعد : صباح الفل علي عشقي
عشق : مين جابني علي السرير
رعد : كنا نايمين هناك والخادمه خبطت واكيد مش هطلعلها بالتيشيرت والبرموده وانتي نايمه هناك
عشق : اه ماشي
خلع رعد البورنس وظهرت عضلاته
عشق : عاااا انت بتعمل ايه
رعد : هلبس التيشيرت
عشق : يابارد مش قدامي
رعد : انا بارد
عشق : وغلس ومش بتتكسف
اقترب رعد منها وحاوطها بذراعه وهي شمت رائحته وبعدت ايديها وفتحت اعينها سرحت في عيونه الخضراء
رعد : كنتي بتقولي ايه
عشق : بارد وغلس و......
اقترب رعد منها اكثر ولكن احدهم خبط علي الباب.....اغمض رعد عيناه وتركها وذهب ليفتح بدون ارتداء شئ ليجد هدير
رعد : نعم
نظرت له هدير لنفسها : يخربيت الجمال يا حظك يا عشق مز وبعضلات انا اللي استاهل ضرب الجزمه
رعد : عايزه ايه
هدير : هاااه كنت عايزه اديكم القهوه
رعد : هاتيها ومتنسيش دا شغل الخدم
وقفل الباب في وجهها ودخل لم يجد عشق فعلم انها داخل الحمام فتنهد
رعد لنفسه : منك لله يا بعيده قطعتي اجمل لحظه في حياتي...... ايه الهبل اللي انا بقوله ده هي جات في الوقت المناسب ايه يا رعد هتضعف قدام بنت
وقاطع تفكيره خروج عشق
عشق : مين اللي جيه
رعد : قريبتك البارده
عشق : هدير...... خرجت ادامها كده
رعد : كدا ازاي........وانا بقول كانت مبحلقه ليه
عشق : مي ايه ياخويا
رعد : هههه اي والله
عشق : رعد غور من وشي
رعد بحده : الفاظك يا عشق
عشق بدموع : اسفه متزعلش
رعد : وليه الدموع
عشق : خايفه لتزعل مني
رعد : هششش مسمعش منك كلمه خوف تاني
عشق : حاضر يا........ رعود
رعد : شاطره يا عشقي
ودخل الحمام واخذ شاور وخرج
رعد : عشقي
عشق : نعم
رعد : بتصلي
عشق : ايوه
رعد : صليتي
عشق : لسه......رعد بتعرف تقرأ القرآن بالتجويد
رعد : ايوه
عشق : ممكن تعلمني وتبقي امامي في الصلاة
ذهب رعد اليها وقبل جبينها
رعد : اكيد يا عشقي.......سبحان الله
عشق : في ايه
رعد : هبقي اعرفك علي حد نسبه التشابه بينكم كبيره اوي
عشق : مين
رعد : ماما نورهان
عشق : مامتك
رعد : لا مش اللي ولداني انا اللي ولداني ماما عليا بس ماما نورهان اتعرفت عليها في القاهرة وهي عاملتني زي ابنها وانا بنديلها ماما مع انها ماشاء الله باين عليها اصغر مني
عشق : هههههه زي بابا احمد
رعد : صحيح عوضتني عن مامتي
عشق : الله يرحمها
رعد : امين........ باباكي متجوزش ليه
عشق : هو محسسناش بفقدان امي وطلبت منه يتجوز عشان نفسه بس كان بيرفض ويقول دايما مستحيل حد ياخد مكان نور
رعد : الظاهر بيعشقها
عشق : بابا تعدي العشق انا في حياتي مشوفت حد بيعشق حد للدرجادي......يلا نصلي
رعد : اوكي
وصلوا سويا وجلسوا ليأكلوا
رعد : كلي
عشق : مش عايزه
رعد : مش حابه الاكل
اومأت برأسها
رعد : امال بتاكلي ايه من يومين
عشق : مهو......
رعد : مكالتيش من يومين...... بتحبي تاكلي ايه
عشق : بيتزا وبيبسي
رعد : البسي هننزل ناكل في الحديقه
عشق بفرحه : بجد
رعد : اممم البسي يلا
لبست عشق بنطلون تلجي وبلوزه بيضاء يصل كمها لبعد الكوع
رعد : البسي حجاب وحاجه واسعه واحنا في الصعيد
عشق : مش عايزه
رعد بعصبيه : مبحبش حد يكسر كلمتي..... واقترب منها وجدها تضع يداها علي وجهها فشد يديها بهدوء
رعد : ليه الدموع دي
عشق بدموع تنزل : خايفه تضربني زي ما عاصم كان بيعمل اما برفض
حضنها رعد وقبل جبينها واغمض اعينه
رعد : انتي تعملي اللي عايزاه ومش عايزك تعيطي فاهمة
تشبثت به عشق واومأت برأسها ونزلوا سويا وهو ممسك بيديها فزهل الكل مما رأي
كان عتمان وجلال واحمد وجمال وابراهيم وعاصم ويوسف وعمار وعم رعد واولاد عمه والفتيات علي الطعام
عتمان : تعالوا اتغدوا يا ولاد
رعد : لا مش الوقتي
احمد : عامله ايه يا عشقي
ذهبت اليه وقبلته من وجنته
عشق : كويسه اوي يا ابو حميد اطمن على عشقك
احمد : رعد مش هوصيك
رعد : عشقي في عيوني
عمار : نحن هنا اجيب اتنين ليمون
عشق : ههه ظريف وبعدين مبحبوش
رعد : تصدق فكره بس خليها قهوه
عاصم : ايه اللي انتي لبساه
رعد : يخصك
كانت عشق ستذهب ولكن مسك عاصم معصمها بيده وضغط عليه بقوه ولكن رعد مسك يده بقوه وخبطها بشده
عاصم : ااااه انت غبي
رعد : انت اللي غبي عشان فكرت تمسك ايد مرات رعد الشافعي والمره الجايه اتأكد اني هقطعها
عاصم : بس دي بنت عمي
رعد : ومراتي....... مسك عشق من يديها وهي مبتسمه وسعيده من هذا الرعد
وخرجوا
************************************
في القاهرة
الدكتوره : مدام جمان بقت كويسه انا اديتها مهدئ
برق : هي حصلها ايه
الدكتورة : اتعرضت لصدمه
مازن : شكرا يا دكتوره تعبناكي معانا
وذهبت الدكتورة وتركتهم في حاله زهول
نورهان : مين نور وعشق
يارا : عشق البنت اللي في الصورة كانت شبه حضرتك اوي حتي تحسيها بنتك بس نور معرفهاش
لارا : چيلان انا متأكده انها اللي هتفهمنا كل حاجه
برق : يارا رني علي چيلان وقوللها جمان عايزاها وانت يا جاسر ابعت السواق يجيبها
جاسر : حاضر
وبعد وقت جاءت چيلان واستقبلها الجميع ماعدا نورهان وجلست في الصالون
برق : اهلا ازيك يا چيلان
چيلان : كويسه الحمد لله......فين جمان يارا رنت عليا وقالت انها عايزاني
برق : بصراحه مش جمان اللي عايزاكي انا اللي عايزك
چيلان : اختي فين انت كلكم موجودين الا هي
يارا : جمان كويسه بس عندنا سؤال
چيلان : ايه
برق : مين عشق ونور
چيلان بتوتر علي اختها : ايه حصل ايه
برق : جمان يوم المستشفى كانت بتهلوس باسم عشق وحتي بتعيط دايما والنهارده اما شافت عمتي قالت ماما نور وعشق واغمي عليها
اغمضت چيلان عينها ودموعها نزلت لتذكرها ل نور
چيلان بتنهيد : م. م. ممكن اشوف عمتك
لارا : اكيد هناديلها وذهبت لكي تنادلها
چيلان : عشق اخت جمان بالرضاعه واختي وبنت خالتنا ونور ام عشق خال.........
انصدمت حين رأت نورهان وبكت وضحكت في ان واحد تمنت ان تستيقظ من هذا الحلم
چيلان ببكاء : انتم بتهزروا صح......انتي...اقتربت منها ووقفت امامها ومسكت وجهها وقالت ماما نور لا انت عايشه صح ههههه قولوا انكم بتهزروا بالله عليكم لا
لارا : چيلان اهدي وفهمينا هشش خلاص
وبعد وقت استطاعوا تهديئة چيلان
برق : چيلان اهدي واتكلمي
چيلان : انتي مش ماما نور صح
نورهان : مامت مين انا مامت ادهم وهمس ورعد
چيلان : نور خالتنا انا وجمان الله يرحمها
تنهدت بقوه وهي تشعرت ان كلما تحدثت عن نور انها حولها واكملت قائله : ماما كانت تعبانه جامد في ولادة جمان وجمان كانت ضعيفه بس الحمد لله بعد ولادتها بشهرين خالتو نور اللي هي ماما التانيه ولدت بنت وهي عشق.........ماما نور حبت تساعد ماما فخدت جمان ترضعها مع عشق ساعات او معظم الاوقات لأن حالة ماما كانت بتدهور واللي زود الموضوع سوء اني جيت بعدهم علي طول فماما سابت تربيه جمان لماما نور وكانت بتربيني لاني كنت متعلقه بيها.......جمان كانت بتحبها اكتر من ماما ثناء وكانت بتحب بابا احمد اوي يمكن اما كانت تخاف كانت تروح لبابا احمد قبل بابا محمد وانا اتربيت علي كلمه ماما لماما نور ومن سبع سنين..... كان جد عشق مش بيحب امها فقالها لو عايزه تثبتيلي انك تستحقي تكوني مرات احمد ابني تخليه يتجوز عليكي....ماما نور كانت مريضه بالسرطان وعرفت بس اما قال كده رفضت تقول لحد وفي يوم رفض بابا احمد نهائي الجواز وراح عشان يقولها كده دخل لقاها نايمه فبدأ يصحي فيها مصحتش وقعد يصرخ فيها ومقامتش انا فاكره يومها كنت انا وجمان وعشق بنلعب وسمعنا صوت صراخه باسمها وجرينا عليهم والكل اتجمع دخلت عشق وجمان وقعدت تهز فيها وتسأل بابا احمد مش بتصحي ليه وكان يصرخ ويقولها قومي عشان بناتنا وابننا بس مقامتش عشق فضلت خرسه مش بتتكلم او تعيط لسته شهور وجمان فضلت حابسه نفسها تصرخ وتنادي عليها اسبوع لغايه ما اغمي عليها ومن يومها مش بتستحمل اي حاجه وكل اما تفتكرها تعيط واحيانا تصرخ
صمتت چيلان وبكت وكان الكل يبكي نورهان يارا لارا همس جاسر مازن وحتي برق فرت منه دمعه ولكن مسحها فورا وبعد وقت ليس بقليل هدأت چيلان وطلبت رؤية اختها
ذهبوا جميعا لجمان ووجدوها تجلس وتبكي وهي تحمل صوره والالبوم وتنظر لهم فدخلت چيلان فقط تحت انظارهم
چيلان بدموع : جمان
جمان ببكاء : چيلان انا شوفت ماما..... حاسه اني كنت بحلم بس بتمني تكون حقيقه..... ماما وحشتني اوي........انت عارفه اخر مره جمعتني انا وعشق قالتلنا انها هتفضل معانا دايما لو مش بجسمها هتبقي في قلبنا وكانت امنيتها انها تشوفني انا وعشق بفستان الفرح بس هي محاربتش........طيب سابتنا احنا بس سابت بابا احمد ليه دا كان بيعشقها وهي بتعشقه...... عارفه انها بتزعل لما انا وعشق بنروح نعيط عند قبرها بس مش بإيدينا........هي سابتني وعشق سابتني هو انا مش كويسه للدرجادي
چيلان ببكاء : لا مش انتي دايما بتقوليلي اذا احب الله عبدا ابتلاه وربنا ابتلاكي انتي وعشق وبعدين ماما نور في قلب بابا احمد هي الأكسجين بتاعه ازاي تقولي سابته هو بيعشق عشق لانها قبل ما تكون بنته هي بنت ماما نور
جمان : عشق ماما قالتلي في حياتي ماافترق عن عشق لانها اختي بس افترقنا..... قلبي بيوجعني اوي
چيلان : عايزه اوريكي حاجة بس اوعديني تهدي ومش تتعبي
جمان : ايه
چيلان : اتفضلي يا طنط نورهان
***************************
كده الفصل الخامس خلص
بقلمي / جميله احمد
الفصل السادس
في سوهاج
عشق : وااااو بيتزا
رعد : طفله طفله مش اي كلام
عشق : منا عارفه......يلا ناكل انت مكلتش
رعد : مش بحب انواع الاكل دي
عشق ممسكه بقطعه : كل دي بس والله جميله
رعد : لا مش بحبها
عشق : بلييز يا رعود
اخذها رعد وبدأ في اكلها
عشق : ايه رأيك
رعد : حلوه
عشق : مش قولتلك......وبدأوا يأكلوا سويا حتي انتهوا وجاء يوسف وزينه وايمان وعمار
يوسف : الله الله الاخت سيبانا ناكل جوا وطالعه تاكل بره
عشق : انا ندله بقي يا جو
ايمان : ندله بس
عشق : قلبك ابيض يا ايمي......رعد اعرفك دي ايمان بنت عمي وزينه بنت عمي التاني ومرات او خطيبه يوسف لان كتب كتابهم مكتوب ويوسف اخو ايمان ودا عمار اخويا
رعد : اتعرفت عليهم كلهم......اتشرفت بمعرفتكم
ايمان : واحنا كمان......قاطع كلامهم رنين فون ايمان فخجلت
عشق : سولوم مش كده
ايمان : احم ايوه
زينه : هههههه ايه الفراوله دي ردي يا بنتي.....وبعدين مش هتتنيلوا تتجوزوا بقي
ايمان : كله منك انت وجو بتاعك
يوسف : خلاص انا كمان حاسس اني هفضل خاطب كتير عشان كده في اقرب وقت هتجوز العسل دي
زينه بخجل : يوسف
عشق : ههههه ايه الفراوله دي
ايمان : هروح ارد عليه عن اذنكم
عمار : يلا يا بتاعة اسلام
يوسف : مفيش مكان يا رعد اخد العروسه ليه هنا
رعد : في ارض فواكه جميله ايه رأيكم نروح
يوسف : اشطااا يلا
عمار : لا انا هكلم اصحابي مش رايح
عشق : وايمان كمان هتفضل تكلم اسلام ساعه
رعد : خلاص نروح احنا الاربعه
يوسف : هدخل اقولهم جوا
ودخل هو وعمار ليخبرهم
يوسف : عمي انا هاخد زينه ونروح ارض هنا
ابراهيم : لوحدكم
يوسف : لا رعد وعشق معانا
عاصم : هاجي معاكم
جلال : انت هتروح ليه هما كل واحد ومراته ملكش دخل روح يا يوسف
يوسف : تمام وذهب وترك خلفه عاصم وهدير يموتوا غيظا
************************************
چيلان : اتفضلي يا طنط نورهان
دخلت نورهان وصدمت جمان ميت سؤال يدور ببالها
چيلان : دي عمت برق مش ماما نور
جمان : مكنش حلم
چيلان : لا وبرق رن عليا وانا جيت واما شوفتها فهمت
جمان : اهلا وسهلا يا طنط......اسفه ان اول لقاء مكنش لطيف وقامت واحتضنتها
نورهان : اهلا بيكي يا جمان
چيلان : كدا كله تمام اطير انا
برق : يالماضه استني هتتعشي معانا
چيلان : عشا ايه يا عم اجري كأن بعد الدراما دي هقعد وهاكل معاكم تاني دا انا واحده من شله المجانين ودموعي نزلت ودي حاجة شبه مستحيله
لارا : شله ايه
چيلان : متخديش في بالك دي شله عشقي
يارا : عشقك ليه بتحبي حد
چيلان : حب بس دا انا بعشق او تجاوزت العشق لعشق
جاسر : للدرجادي
چيلان : تخيل بقي
كان مازن يموت غيظا ويود ضربها والقول لها انها له فقط وعيونه تحولت للاحمر.......ضحكت جمان وكانت رائعه
همس : بتضحكي علي ايه......انت مش شايفه بتقول ايه اوعدنا يا رب
ادهم بعصبيه : همس
چيلان : اسكت يا اخ لو شوفت اللي شوفته كنتم عزرتوني ااااه يا عشقي لقد عشقتك يا عشق عشق لم يعشقه معشوق في تاريخ المعشوقين
نورهان : هههههه انا فهمت
چيلان : قولي والله
جمان : هههههه محدش مركز خالص
نورهان : بتقول تجاوزت العشق لعشق وبتقول عشقتك يا عشق
چيلان : ايه ده انتم ركزتوا ازاي دا كلهم صدقوا
لارا : يعني بقالك ساعه بتتكلمي عن عشق
چيلان : تخيلي بقي هههههه
برق : انتي فظيعه
چيلان : انا دانا طيبه وقلبي ابيض مش اوي بس ابيض
ضحك الكل
جمان : بس بقي بالعه راديو محدش ملاحق عليكي
چيلان : ايه ريحه الدم اللي بيتحرق ده
جمان : مستفزه
چيلان : اي نو
يارا : والله دمها خفيف
چيلان ورمشت بعينها عده مرات : ميرسي وبالمناسبة دي هقولكم نكته
جمان : وحياة عيالك لا كل الا دي
لارا : في ايه
جمان : نكته عشق
چيلان : وهو في غيرها
جمان : لا يعني لا
نورهان : خليها تقول
چيلان : بس محدش يضرب اشطاا
جاسر : اشطااا قولي
چيلان : مره واحد ضحك بيين سنانه
جمان : هاهاهاهااا بارده طحن
ضحك الكل لسخافه النكته
چيلان : ايه ده اخدتي معاكي كل صور عريسي يا بارده
جمان : الالبوم بتاعي لوحدي فاهمه
چيلان : احياة عيالك صوره لعريسي ومراته
جمان : لا وبعدين بابا حبيبي مش عريسك
لارا : بس بطلوا ايه توم وجيري
چيلان : امال لو شوفتيني انا وعشق دا وصلنا لدرجه ان جمان بتصرخ في الجامعه مننا
همس : يعني انتي اللي بتشاكلي الكل
چيلان : امال اسيبهم يشاكلوني يعني
مازن : لا طبعا لازم تكوني المشكالجيه
چيلان : اكيد.....وامسكت الالبوم واشارت لصوره لنور واحمد وكان يقبل جابينها وفتاتان ذو الثالثه عشره يصفروا حولهم......المهم عايزه الصوره دي لاني انا اللي مصورها
لم يري احد الصوره سوا لارا
جمان : مستحيل دي احلي تغفيله في حياتي لا
لارا : سبحان الله دي شبه ماما خالص
چيلان : عسل اوي بابا مش كده يا لارا
لارا : ههههه اي والله ليكي حق دا اوسم من توم كروز
ادهم بعصبيه وهمس : لمي لسانك وحسابنا بعدين
لارا بهمس : ملكش دعوه بيا ولا بكلامي فاهم يا.....ادهم بيه
اغمض ادهم عينه وتزكر عندما كانت تقول له حبيبي وتصرخ وتقول بحبك
ادهم : ادهم بيه ورحمه ابويا لعرفك ازاي تقولي كده تاني وبرضاكي او غصب عنك هتقولي حبيبي
لارا : نجوم السما اقربلك
ادهم : هنشوف يا بنت المهدي
لارا : ماشي يا بن الاسيوطي
برق : بس بقي يلا ع الاكل كلكم.....صحيح فين جدي
نورهان : هيجي كمان يومين
مازن : يعني مجاش
ادهم : لا
يارا : الحمد لله يلا بينا
چيلان : يلا يا باشا
وذهبوا جميعا لتناول الطعام وتفاجأوا بطريقه اكل چيلان وجمان كأنهم من ارقي العائلات
*****************
في سوهاج في احدي الاراضي الزراعيه
كانت عشق تاكل كريز هي وزينه
يوسف : بس بقي ايه كل ده
عشق : بس يا بابا
يوسف : تعالوا نلعب
رعد : انت بتهزر
زينه : قوله والنبي
رعد : ازاي مقولتش كده من ساعتها بدل ماحنا بنتفرج عليهم
يوسف : بتحب تلعب ايه......ايه رأيك نلعب ملاكمه
رعد : بلاش اخاف عليك
يوسف : عليا دانا واخد مادليات
رعد : اما نشوف
عشق : بصراحه عارفه طريقه لعب يوسف وانه موهوب بس هشجع رعد
يوسف : ندله
عشق : عارفه يا جو
زينه : انا هشجع يوسف
يوسف : هو انا قولتلك اني بحبك
زينه : احم يلا ابتدوا
عشق : استنوا الفريق اللي يكسب يعزم التاني علي بيتزا
زينه : موافقه
رعد ويوسف : موافقين
وبدأوا اللعب وتفادي رعد يوسف ببرود ولكمه مره واحده وقع يوسف ارضا
عشق : يخربيت كده
يوسف : ايدك مرزبه يخربيتك
رعد : اصلي زهقت بسرعه
زينه : يوسف انت كويس
يوسف : كويس......يلا خلينا نروح عشان الحق احط تلج قبل ما الخبطه تظهر
عشق : ههههه منظرك مسخره يا جو
يوسف : اسكتي خالص انتي وجوزك
وقرروا الذهاب للمنزل
************************************
وصل رعد ويوسف وعشق وزينه للمنزل وكانوا في الليل
احمد : ايه اللي عمل فيك كده يا بني
عشق : هههه اطاول علي اللي اكبر منه
يوسف : متتلمي يا بت انتي
رعد : بتقول حاجه يا جو
يوسف : بدعيلك يا صاحبي
زينه : ههههههه منظرك وحش
يوسف : حتي انتي يا زينه
زينه : بهزر والله
يوسف : ولا يهمك يا جميل
ابراهيم : متتلم يالا احنا قاعدين
يوسف : خلاص تعالي يا زينه اعاكسك بعيد
امنيه : هههههه انت اتهبلت
يوسف : انتم اللي هبلتوني يا جماعه عايز اتجوز الله
عشق : مسكين يا جو جوزوه بقي
جمال : اما تقول مين عمل فيك كده
رعد ببرود : انا
عاصم : وبتقولها ببرود كده
رعد : يشغلك في حاجه
يوسف مهدئا للوضع : كنا بنلعب ملاكمه انا ورعد وبعدين معرفش انه بالقوه دي فكسبني
رعد : ليه هو انا ضابط بالاسم
عشق : ضابط
رعد : في المخابرات.......فين البيتزا يا جو
عشق : هههههه صح
يوسف : اتضرب واجيب بيتزا
رعد : صعبت عليا هاجبها انا
عشق : احلي رعود في الدنيا
رعد : طيب يلا عشان تغيري هدومك اللي كلها تراب دي
عشق : حاضر ابابا
رعد : شطوره يا طفلتي
وذهبوا لغرفتهم بينما ابتسم احمد وشعر بالطمأنينه اتجاه ابنته
***********************
في القاهرة
چيلان : شكرا ع العشا هطير انا
لارا : خليكي يا چي چي معانا
چيلان : عشان الحاج محمد يطلقني
نورهان : ههههه مين ده
چيلان : دادي
يارا : يخربيت اللماضه
مازن : او الغلاسه
چيلان : ارش ملحتي ليه يا اخ
جمان : چيلان
جاسر : معاها حق
چيلان : والله ماحد ارش ملحتي غيرك
برق بابتسامه : سيبك منهم كلهم
چيلان : امرك يا برق باشا......سلام انا
برق : السواق هيوصلك
چيلان : تمام......شكرا
نورهان : رعد فين بقي انا جيت وميجيش يشوفني
ادهم : كتلة نداله الرعد ده
لارا : بصراحه رعد.......راح يتجوز
حزنت نورهان ودموعها تجمعت
نورهان : من غير مايقولي
برق : غصب عنه جده جبره
نورهان : رن عليه يا برق
رن برق علي رعد وفتح الاسبيكر لكي يتحدث الكل ووضع الفون علي المنضده
************************************
رعد : سلام عليكم
برق : وعليكم السلام ازيك يالا
رعد : احسن منك خلص عايز ايه
برق : بقي كده هو انا هعوز منك ايه مامتك اللي عايزه
رعد : وحياة امك اوعي تكون
نورهان : كده يا رعد
رعد : والله ياماما كله جيه بسرعه
نورهان : هاعتبك اما تيجي بس الوقتي عامل ايه بتاكل كويس
كانت عشق قد خرجت من الحمام بعد شاور
رعد : لا ياماما جدي جوزني لواحده مش بتاكل غير اكل مضر وبس
عشق : كده يا رعد وبعدين محدش غصبك وانا معتش هكلمك هاااه......
************************************
كدة الفصل السادس خلص
بقلمي / جميله احمد
اللي عاوز تكملة الروايه يعمل متابعه من هتاااااااا
تعليقات
إرسال تعليق