 |
الفصل الثالث
في صباح الباكر جدا ليوم جديد
كان الجميع يتجهز للذهاب لسوهاج وخرجوا
جلال : فين عشق يا احمد
احمد : معرفش
جلال : ايمان اطلعي ناديلها
ايمان : حاضر
ذهبت ايمان لعشق ولم تجدها
ايمان : جدو عشق......
جلال : فين عشق
ايمان : مش في شقتهم ولا حتي فأي شقه
جمال : هتكون راحت فين يا بابا
جلال : احمد بنتك فين
عاصم : اكيد هربها يا جدي
احمد : مستحيل تكون هربت
يوسف : ياريت تكون هربت من جبروتكم
ابراهيم : جمال لم ابنك
زينه : يلمه ليه يا بابا هو قال ايه غلط انتم فعلا كده وبتأذوها حد يرد عليا مين حطوا نفسكم ولو للحظه مكانها
ايمان : انا لو مكانها كنت دمرتكم كلكم وخاصه انت يا بن عمي تستاهل الحرق
عاصم : اتلمي احسن يا ايمان والا
يوسف : والا ايه هاااه رد متقدرش تعملي حاجه
جلال : بس بنتك فين يا احمد
احمد : معرفش بس اللي اعرفه انها مهربتش لاني امبارح طلبت منها اهربها وهي رفضت
هدير : انت بتكذب يا عمي
صفعه قويه تلقتها من عشق لدرجه انها وقعت
عشق : قطع لسانك انتي وكل اللي يوجه كلمه غلط لبابا من ما كان يكون فهمتي قالتها بصراخ
جلال : كنتي فين
عشق : انت ملكش تسألني لانك ولا حاجه زيرو بالنسبالي بس هرد عليك رأفتا بحالتك كنت بودع امي اللي ماتت بسببك كنت عند قبرها ومهربتش ومش ههرب وهتجوز اللي اختارته لسبب واحد وبس ودي تحقيق لاخر امنيه لجدي قبل ما يموت بالنسبالي انما انت ولا حد فهمت يا استاذ جلال... وقسما بالله لو حد وجه كلمه لابويا قدامي لغايه مغور لقطع لسانه واللي مش مصدق يجرب والكلام موجه ليك يا عاصم انت واستاذ جلال قبل الكل مفهوم ويلا
اغمض جلال عينه ليستوعب ان عشق التي كانت تحبه تتهمه بموت امها وتكره اضعاف ما كانت تحبه وتعتبره مات
عاصم : ولا والقطه طلعلها لسان
عشق : لا دا عقرب وبيقرص ومش بيرحم
جلال : بس يلا خلينا نمشي
وذهبوا جميعا متجهين للصعيد
في السيارات كان احمد وجلال وعاصم وعشق في سياره'ايمان وزينه ويوسف وعمار وهدير في سياره'جمال وزوجته وابراهيم وزوجته في سياره
في سياره
عاصم : احنا رايحين الصعيد ايه مش ناويه تتحجبي
عشق : لاء
عاصم : انا قول.....
احمد : هو انا مت عشان تمشي كلامك على بنتي هي مره اللي عملتها متفكرش بقا انها كل مره
جلال : اعتذر يا عاصم من عمك
عاصم بغضب : اسف يا عمي
وبعد عده ساعات وصلوا للصعيد
كانت عشق ترتدي بنطلون اسود ضيق وڤيست اسود لفوق الركبه ضيق يتوسطه حزام فضي وتركت شعرها للخلف مفرود ولم تضع مستحضرات تجميل
استقبلهم الكثير من الناس يترأسهم عتمان
نظر الجميع باستغراب لهم فكانوا الفتيات محجبات الا عشق لكنها الاجمل بالتأكيد
عتمان : اهلا اهلا سوهاج كلها منوره
جلال : نورك يا عتمان
اخذهم عتمان للداخل ودخلوا وجلسوا
عتمان : والله وماليكم عليا حلفان منورين
جلال : دا نورك
عتمان : جهزي الوكل يا وليه......العريس اكيد هينزل الوقتي
عشق : احم ممكن حد يقولي فين الحمام
احدي الخدم : اكيد اتفضلي يا ست هانم
عشق : اسمي عشق عشق وبس
وذهبت في نفس وقت نزول رعد ولم يراها وكان يرتدي بنطلون چينس اسود وتيشيرت اسود ضيق يبرز عضلاته وكان يظهر عليه الجديه التامه
رعد ببرود : سلام عليكم وذهب وجلس بجانب عمار
الكل : وعليكم السلام
نظر رعد للفتيات الثلاثه ووجد اثنين مخطوبين والثالثه لا تمني ان لا تكون هي لانها تلبس حجاب وتخرج شعرها وترتدي ضيق وتضع مستحضرات تجميل فتضايق من منظرها
عتمان : اعرفك دا جد عروستك ودول اعمامها ودول اولا اعمامها ودا ابوها
رعد : ليه العروسه في الحضانه ولا الابتدائي
ضحك الكل علي كلامه
نظره واحده من رعد كانت كفيله بإخراس الجميع
جلال : لا في الكليه بس احمد مش بيبان عليه سن او اصلا مش كبير
رعد : اهلا يا...... مش عارف اقولك ايه الصراحه
احمد بالرغم من ضيقه من طريقه زواج ابنته لكنه ضحك علي كلام رعد
احمد : قول احمد
عمار : او ابو عمار
رعد : انت ابنه بجد
يوسف : لا لقيه علي بابا المعبد اليهودي
ابتسم رعد مما زاد وسامته
هدير لنفسها : انا كنت غبيه في واحده يجيلها ده وتهرب يا ريتني ما هببت اللي هببته دا احسن من مليون محمود
عاصم : مش تعرفنا بنفسك ولا عواطلي
رعد بسخريه : لا عواطلي.....او بيقولوا ضابط في المخابرات
عمار : واااو ظابط انا كمان عاوز اكون ضابط ماما الله يرحمها كان نفسها كده
رعد : انا كمان امي كانت عايزه كدا وبابا كان عايز ابقي رجل أعمال
عمار : وبقيت ايه
رعد بهمس : الاتنين من وراهم قدامهم ظابط بس دا سر
عمار بهمس : وااااو مش هقول لحد
رعد : شاطر
عاصم : بتتهامسوا في ايه
رعد : وانت مالك
يوسف : احم اسمك ايه
رعد : رعد آدم الشافعي
عمار : وانا عمار أحمد الشرقاوي.......اتشرفنا
رعد : الشرف ليا يا حلو
عمار : ايه دا انت شكلك بتحب اللون الاسود
رعد : اكيد
عمار : زي اختي
احمد : انت عايش هنا يا رعد اصل لبسك وطريقه كلامك مش صعيدي
رعد : انا عايش في القاهرة
عتمان : رعد عنده قصر في القاهرة عايش هناك بيجي زيارات
ايمان بهمس : هروح اشوف عشق
زينه : استني هاجي معاكي
وذهبوا سويا ودوروا وجدوها تقف في شباك تتأمل الحديقه ودموعها تنزل بغزاره
ايمان : مش هتبطلي عايط
عشق : مش بعيط علي حظي
ايمان : امااال
عشق : علي جمان مش قادرة اروح وانقذها من اللي هي فيه
زينه : هي كمان في مشكله
عشق : اممم
مسحت زينه دموع عشق وقالت عسي ان تكرهوا شيئاً وهو خير لكم وعسي ان تحبوا شئ وهو شر لكم
وفات اليوم وجاء يوم كتب الكتاب لكل ابطالنا
************************************
في صباح يوم جديد استيقظت جمان والاصح لم تنم واستيقظت چيلان ايضا
چيلان : صباح الخير يا عروسه
جمان : صباح النور
چيلان : يلا اليوم طويل قومي نطلع
جمان : حاضر
وقامت ودخلت الحمام وأخذت شاور وتوضأت وادت فريضتها وخرجت
جمان : صباح الخير
محمد : صباح النور يا قلبي......اقعدي افطري لان اخوات عريسك زمانهم جاين
جمان : حاضر
ثناء : مالك يا جمان حساكي هتقعي يا بنتي
جمان : مفيش يا ماما بس مصدعه شويه
چيلان : من كتر العايط بليل
نظرت لها جمان ولم تبدي اي رد فعل
الكل يعتقد ان ما حدث لعشق فقط هو السبب ولكن لم يعرفوا السبب الاخر وبعد وقت جاءوا اقارب برق
لارا (21 سنه فتاه جميله جدا بشره بيضاء بعيونها الزرقاء كالبحر وشعرها الذهبي المتوسط الطول طويله القامه بنت عم برق واخت مازن وجاسر )
همس (15 سنه فتاه جميله بعيون عسليه وشعر بني طويل بنت عمة برق واخت ادهم خطيب لارا ومكتوب كتابهم)
يارا : اذيك يا جمان
جمان بابتسامه : الحمد لله
لارا : احم اعرفك بنفسي انا لارا بنت عم برق سوري اني مش جيت في الخطوبه لاني كنت مسافره
همس : وانا معروفه حسب ما اعتقد
جمان بإبتسامه : ايوه
وجلسوا الفتيات سويا وجاءت بنات البيوتي وبدأوا بتجهيز جمان
في المساء تم تجهيز جمان وارتدت فستان ابيض بسيط وحجاب ابيض بسيط ومستحضرات تجميل قليله فكانت بسيطه وجميله
جاء برق مع مازن
(مازن المهدي 27 سنه شاب جميل بعيون رماديه وشعر اسود كثيف وبشره بيضاء طويل القامه اخو لارا وجاسر )
وجاسر(26 سنه شاب جميل بعيون زرقاء وبشره بيضاء وشعر اسود طويل القامه)
استقبل محمد برق واولاد عمه افضل استقبال وكان معهم المأذون وجلسوا
مازن بهمس : ادهم وعمتك وجدك مجوش ليه
برق بهمس : انا قولتلهم بس اتفقت مع ادهم ميخلهمش يجو عشان جمان فقيره وانت عارف جدك
مازن : اه لو جيه وشاف البيت بس كانت الجوازه هتبوظ
برق : لا بس مش عاوز مشاكل
مازن : صحيح مبتخفش من حد
نظر له برق وابتسم بلا مبالاه
برق : يلا نادو العروسه معاد كتب الكتاب
محمد : ثناء هاتي جمان
ثناء : حاضر
خرجت جمان مع الفتيات وفرح برق كثيرا انها لا تشبه فتيات المجتمع الراقي ولا حتي اختها التوأم فهي بسيطه
مازن بهمس : برق هي مراتك معندهاش اخت
برق : ليه
مازن بهمس : ما شاء الله قمر
نظره واحده من برق جعلته يسكت ويسحب كلامه
وتم كتب الكتاب ولم يبقي سوا اهل برق واهل جمان
مازن : مبروك يا مدام جمان مبروك يا برق
جمان : الله يبارك فيك
چيلان : عدي يا اخ عايزه ابارك
مازن بزهول : بتكلميني انا
چيلان : بالعقل هو في غيرك قدامي يعني
مازن بغباء : لا
چيلان : يبقي انت خدلك جنب بقي
مازن بزهول : خدلك جنب......انتي سخنه يا حاجه
چيلان : حاجه في عينك يا جدو......استاذ برق انت جايب الاشكال دي منين
محمد : چيلان
چيلان بمرح : اسفين يا ريس
جمان : بطلي طريقه كلامك دي
چيلان : عشق مأثره
حزنت جمان
چيلان : اسفه والله مش قصدي افكرك
جمان بتنهيد : ومين قالك اني نسيت او بنسي
چيلان : مبروك يا استاذ برق...... مبروك يا جوجو
برق : الله يبارك فيكي.....بلاش استاذ انتي زي يارا
چيلان : يشرفني اكيد
جمان : عقبالك يا حلوه
چيلان : بعيد الشر يا اختشي انا لسه صغننه
جمان : نو كومنت
ثناء : بطلي يا بت كلامك ده
چيلان بمرح : مش عجبك طلقني
محمد : اسكتي يا بت رفعتيلي الضغط
چيلان : ليه بس يا حلو انت دانا حتي سكر
يارا بضحك : دانتي مش سكر دانتي مشكله
چيلان : مشكله حلوه عارفه
جمان : مغروره وهبله
لارا : واضح اوي دا حتي من الصور علي الحيطه
كانت هناك صوره لفتاه غير محجبه وهي عشق وچيلان وهي تحملها علي ظهرها ويضحكون واخري لعشق وچيلان يقبلان جمان من كلتا وجنتها واخري تغفيله لجمان وعشق وهم ينظروا للغروب واخري واخري
چيلان : عااا بابا ازاي مشلتهمش
محمد : ههههه نسيت
جاسر : ايه دا حضرتك عندك بنت تالته ومش محجبه
ثناء : ايوه هي بنت اختي واخوات البنات في الرضاعه
جاسر : واضح ان بنت اختك حلوه مش عايزه عريس
محمد : هههه عشق
لارا : عشق اسمها جميل
چيلان : حاولت اقنعها تغير اسمها الوحش ده بس اعمل ايه عريسي اللي سماها
يارا : انتي مخطوبه
چيلان : اي من 19 سنه
همس : ليه انتي عندك كم سنه
چيلان : 19 سنه
محمد : هههههه بس بقي.......عشق اتجوزت اصلا فمش محتاجه عريس
جاسر : يا خسارة
يارا بغيره : فعلا يا خساره
مازن بغيره : هي انسه چيلان مخطوبه بجد
چيلان : اي وايه مز اخر حاجه
ثناء : يخربيت الفاظك.....ههههه اصدها جوز خالتها اصلها متعلقه بيه من صغرها ولانه باين عليه صغير من وهي طفلة بتقوله هتجوزك حتي قبل ما اختي تم........
بدأت الدموع تظهر في اعين جمان حقا لما يتحدثوا اليوم فهي ليست بها قوه نزلت الدموع تدريجي ولاحظ الجميع
محمد : جمان الرحمه
جمان : ممكن نمشي
برق : ماشي
جمان : چيلان هاتي حاجاتي
دخلت چيلان وجلبت مزكرات وصوره والبوم صور
وبعد وقت وذهبوا الي القصر
************************************
في سوهاج ظلت عشق علي التراس طوال اليوم وجاءت لها هدير
هدير : يا هدؤك يا شيخة
عشق : عايزه ايه
هدير : ولا حاجة شوفتي العريس
عشق : ميهمنيش اشوفه
هدير : هههه طيب متعرفيش العادات هنا وان الراجل بياخد اللي عايزه غصب عن الست هههههه يا حظك يا بنت عمي
حاولت عشق ان تبقي قويه وان لا تتهز امام ابنه عمها
عشق : ماعاش ولا كان اللي يكسر عشق الشرقاوي
هدير : قويه اما اشوفك بكره
وتركت هدير عشق وذهبت
في المساء جهزت عشق ولم تري عريسها بعد
بدأ كتب الكتاب ويد رعد في يد أحمد حتي قال أحمد : موكلتي البكر الرشيد عشق أحمد جلال الشرقاوي
ابتسم بسخريه فحقا الإسم جميل لا يليق بتلك المحجبه
تم كتب الكتاب ودخل اباها يسألها عن رأيها وجعلها تمضي واصبحت عشق ملك لرعد
اخذوا الفتيات عشق لغرفة رعد وكانت خائفه جدا جلست في زاويه من الغرفه وضمت ارجلها لجسدها ووضعت رأسها بين ايديها وترتعش وتشهق ودموعها تنزل بدون بكاء حقا القول سهل لكن الفعل صعب وجدا
عند رعد
رعد لنفسه : يا نهار لو طلعت البنت اللي كنت شايفها اوف بجد انا مش عارف ايه اللي وقعني الواقعه دي يا ربي انا اللي جبته لنفسي يلا اهو نتفق ووقت اما تزهق وعايزه تتطلق هطلقها وتمام
ودخل غرفته ووجدها مظلمه ففتح نور بسيط و......
************************************
كدة الفصل الثالث خلص
الفصل الرابع
في القاهرة في غرفة برق
برق : بصي احنا قدامهم متجوزين من وراهم هدفعك تمن القلمين والشتيمه فاهمه
جمان : سبني في حالي لو عليهم هعتذر بس اطلع من حياتي
برق : مش بمزاجك وانتي هنا زيك زي الحيطه متسأليش تمام
جمان : حاضر
برق : روحي غيري ونامي
جمان : حاضر
وذهبت الي الحمام وابدلت ملابسها وخرجت وكانت ستنام علي الاريكه
برق : تعالي نامي علي السرير
جمان : وانت
برق : هنام معاكي ع السرير
جمان : بس
برق بعصبيه : مبسش......يلا
جمان : حاضر
وذهبت الي السرير ونامت هي وبرق الذي ابتسم رغما عنه الا انه كلما تذكر ضربها يشتعل لكنها تعجب هذا المغرور وكثيرا وناموا الاثنان سويا
**********************************
دخل رعد غرفته ووجدها مظلمه ففتح نور بسيط ووجد فتاه ووجهها غير ظاهر بسبب يدها وشعرها الطويل جالسه في زاويه الغرفه وتشهق وترتعش
رعد : احم
رفعت عشق عيناها وهو رأي تلك الاعين البنيه الجميله وهي رأت شاب وسيم جدا قاطع تلك السكوت رعد
رعد : انتي قاعدة كده ليه......خايفه
اومأت عشق برأسها موافقه
رعد : مني
اومأت برأسها بتأكيد
رعد : بس انا مبخوفش.... متخافيش مش هعمل فيكي حاجه
عشق :بجد.... احلف
رعد بضحكه لا تظهر لاحد : ههههه والله ما هعمل فيكي حاجه قومي
قامت عشق وظهر جمالها اكثر وشعرها الاسود المنسدل
عشق : احم ا. ا. انت العريس
رعد : بيقولوا..... انت العروسه
عشق : بيقولوا
رعد : ههههه بس انا فكرتها واحده من التلاته التانين
عشق : وانا فكرتك من الرجاله اللي تحت وهدير قالت اني هتجوز واحد متجوز ومخلف وصعيدي اصلي ومن دور بابا اما كنا في المنصورة
رعد : منا من دور باباكي......انتي مشفتيش باباكي عامل ازاي انا اما شوفته قولتله العروسه في الحضانه ولا الابتدائي
عشق : ههههههه
رعد : مين اللي قالك كل ده
عشق : هدير بنت عمي اللي كانت لبسه اصفر وقالتلي انهم هنا بيتبعوا اساليب مخيفه اوي
رعد : هههههه الحمد لله انا فكرت دي هتكون مراتي فحمدت ربنا الوقتي
عشق : المفروض كانت تبقي هي بس هي مثلت علي جدي وعيطت وجدي قال خلاص هجوز عشق
رعد بإبتسامه : ويا تري مين عشق
عشق : انا
رعد : منا عارف اتشرفنا يا عشق
عشق : الشرف ليا يا.....اسمك ايه
رعد : رعد
عشق : رعد فكرت صعيدي يبقي هريدي فزاع
رعد : هههههه لا رعد
عشق : اسمك حلو بس اسمي احلي طبعا
رعد : مغروره
عشق : منا عارفه
رعد : تعالي نقعد
وذهبوا وجلسوا على الاريكه سويا
عشق : احم انت ايه اللي خلاك تتجوزني
رعد : قله ادب
عشق : ايه
رعد : هههههه بهزر.......جدي قالي انه هيقطع علاقته بيا ومش عارف ايه لو متجوزتش
عشق : يعني انت مجبور
رعد : رعد الشافعي محدش بيجبره
عشق : مغرور
رعد : عارف.....وانتي اتجوزتي ليه
عشق بتنهيد : هحكيلك وبدأت تحكي له عن هدير وما فعلته وعن عذابهم وحتي عن اتفاقها ان تستغله
رعد : انتي عارفه اني حلفت لجدي ان لو كنتي مجبوره انا اللي هقطع علاقتي بيه بس الصراحه فرحان
عشق : يا رب دايما بس ليه
رعد : عشان انتي مختلفه وصادقه اوي حظي حلو
نظر لعينه وابتسمت لتتوه بها من هذا هل لأحد ان يخترق القلوب هكذا قاطع هذا الصمت رعد
رعد : احكيلي عن نفسك يا مراتي
عشق بضحك : تمام.... انا عشق الشرقاوي 20 سنه بحب الحياه مولوده في المنصورة امي ميته بمرض خبيث من سبع سنين وبابا كل حياتي وقالولي هتجوز واحد عنده 44 سنه من سن بابا...... وانت
رعد : 4وايه ياختي.......انا رعد الشافعي 27 سنه مش 44 هاااه ياناس ياظلمه
عشق : ههههههه والله ماكنت اعرف
رعد : ولا تعرفي......قومي خدي شاور شكلك تعبانه ومعيطه..... مين فيهم اللي جرحك من جبينك
عشق بدموع : عاصم ابن عمي ضربني عشان كنت رافضه اتجوزك وكان عايزني ارفض
رعد : اي واحد
عشق : اللي كان لابس نبيتي
رعد : حسب رؤيتي ان بيحبك لاني مكانش طيقني
عشق بدموع تنزل : اي بس انا بكرهه واما رفضت اتجوز كان يضربني ويقولي ارفضي اكتر انتي ملكي وكلام من ده
رعد : هشش متعيطيش فاهمه ولو متضايقه بكره هخدلك حقك
عشق : هههه ازاي
رعد : هتشوفي..... المهم اصحاب
عشق : اول مره اصاحب شاب غير جو هتبقي مميز...اصحاب
رعد : وانتي كمان مميزه يلا قومي خدي شاور شكلك تعبانه
عشق : اوي يا رعود
رعد باستغراب : رعود
عشق : ايوه اصحابي بدلعهم كلهم
رعد : تمام يا...... عشقي
عشق : بابا بيقولي كده كمان يبقي انت وبابا وااااو
رعد : هههههه مجنونه
ذهبت عشق الي الخزانه لكي تأخذ ملابس ووقفت مصدومه
رعد : مالك في ايه
عشق : كلها هدوم قليله الادب
رعد : هههههه هدوم ايه
عشق : انت بتضحك اهي والله حتي شوف
اخرجت عشق قميصان للنوم عاريان ثم ادركت الوضع فادخلتهم فورا انفجر رعد ضاحكا علي تلك المجنونه
عشق : بس بقي يا رعد الله
رعد بضحك : هههههه مش قادر هموت هههههه مجنونه هههههه
عشق : بارد
واخذت بيجامه عباره عن برموده ضيقه بعد الركبه بقليل وبلوزه بكت رفيع فوقها بلوزه بنص كوم ستاره اما هو كان مستغرب من نفسه ومن افعاله وهزاره معها
خرجت عشق بشعرها مفرود ويتناثر منه الماء
رعد لنفسه : ياربي في جمال كده هتهور عليها صبرني اول مره ابقي كده
عشق : ملقتش محترم عن كده
رعد : مفيش مشكله هدخل انا
وخرج وكان يرتدي برموده رمادي وتيشيرت نص كوم رصاصي ضيق يبرز عضلاته
عشق : فين كرشك
رعد : هههههه بتقولي ايه
عشق : انت بجد هتتجنني مش انت صعيدي ليه بتلبس لبس ماركات وع الموضه ومهتم ولا احسن رجل أعمال وعندك عضلات ما شاء الله وعيون خضرا وشعر بتصففه بطريقه روعه وبتتكلم عادي بعد كل ده متقولش صعيدي
رعد : هههههه مين ضحك عليكي وقالك اني صعيدي انا عايش في القاهرة
عشق : يعني انت مش صعيدي
رعد : هههه اي ولا يعني انا صعيدي اسم من القاهره فعل دا اولا ثانيا مين قالك ان شباب الصعيد مش حلوين وبيهتموا بجسمهم بالعكس دا هتلاقي فيهم كتير احسن من عندكم
عشق : يا بنت ال البت بتستغفلني وتقهرني ماشي يا هدير الكلب
رعد : ههههه هدي اعضائك
عشق : ماشي...... انا زهقانه
رعد : ايه رأيك نتفرج علي فيلم
عشق : اشطااا
رعد : ههههه ايه دي
عشق : فكك
رعد : نو كومنت
عشق : هو ده
رعد : اسكتي اسكتي
عشق : اوكي
وجلسوا وشاهدوا فلمين وجلسوا مستيقظين حتي الفجر ثم ناموا علي الاريكه سويا
**********************************
في الصباح
استيقظت جمان من النوم ودخلت الحمام وأخذت شاور وتوضأت ولبست ملابسها وادت فريضتها وجلست تقرأ في كتاب الله ثم قفلته بعدما انهت وردها وتذكرت عشق فبكت وجاءها صوته
برق بإستفزاز : تؤ تؤ مسكينه بتعيطي من اول يوم
جمان : لو مفكر اني بعيط عليك تبقي غلطان انت بالنسبالي زيرو ولا حاجه فهمت وبقيت اصلا بكرهك اكتر
ذهب اليها وشدها من حجابها
برق بعصبيه : لا يا روح امك انا كل حاجه وانتي ملكي
جمان : انا ملك للي خلقني مش ليك يا..... سيدي المنتقم
برق : هوريكي سيدك المنتقم هيعمل ايه
وصفعها علي وجنتها ومزق ملابسها وتركها
برق : دا كفيل انه يبينلك واحد في الميه من اللي هعمله ياريت تكوني فهمتي
وصفع الباب وذهب خارج الغرفه لغرفه تمارينه
جمان ببكاء : ياريت انت اللي تفهم اني عشقتك من اول مره
وتذكرت أول مره رأته وكيف دق قلبها لو لاحظ لكان رأها وهي تلتفت تراه حين ذهب دائما تسمع انه عندما يعشق القلب يدق بعنف الآن عرفت العشق علي يده ربما يوجد شخص معك لسنين ولا تشعر بشيء وشخص في لحظات تشعر بكل شيء
غيرت جمان ملابسها وكانت ستنزل من الدرج ولكن وقعت من اوله لاخره تحت نظرات يارا
يارا بصراخ : جمااااان
جاء الجميع علي صوتها واولهم برق الذي ما ان رأها شعر وكأن قلبه خرج من مكانه فذهب اليها وضمها وحملها الي غرفتها
برق بزعيق : مازن رن علي الدكتوره
مازن : رنيت وهي في السكه
برق بلهفه : جمان قومي جمان
يارا : اكيد فقدت الوعي لان الواقعه كانت صعبه
لارا : حس نبضها
حس برق نبضها وجده ضعيف وشعر ان كل شيء اسود امامه
برق بعصبيه : رن علي الدكتوره تاني نبضها ضعيف
وبعد وقت جاءت الدكتورة وضمدت جروحها
الدكتورة : حمد لله علي سلامتها
برق : هي عامله ايه يا دكتوره
الدكتوره : الحمد لله الواقعه جات بسيطه بس خودوا بالكم منها انا اديتها مسكن وهاتوا الادويه دي
مازن : هتيها هبعت حد من الحراس يجيبها
الدكتوره : اوكي عن اذنكم
برق : اتفضلي
ودخل برق ويارا ولارا وهمس لجمان
يارا : حمدلله على سلامتك يا جوجو
جمان بخوف : الله يسلمك
همس : مش تحاسب يا جميل
جمان : مأخدتش بالي
برق : ابقي خدي بالك المره دي جات بسيطه الله اعلم بعدين
جمان : ايه اقصي هتحصل هموت مش تفرق
لارا : مازن وجاسر اكيد هيجوا يطمنوا اعدلي حجابك
جمان : حاضر......ممكن ترني علي چيلان عايزاها
يارا : في حاجه
جمان بهمس : في حياتي...... لا بس عايزاها في موضوع مهم
وبعد وقت دخل مايز وجاسر
مازن : حمدلله على سلامتك يا جمان
جمان : الله يسلمك يا استاذ مازن
مازن : استاذ ايه انا ضابط فقوليلي يا حضره الاستاذ ضابط باشا
جمان : هههههه كل ده
مازن : مازن وبس
جاسر : جاسر وبس..... واكيد ادهم وبس ورعد وبس
جمان : مين ادهم ومين رعد
لارا بخجل : احم ادهم ابن عمتنا واخو همس وهو مسافر امريكا مع جدو وعمتو
يارا : ورعد صديق برق المقرب وشريكه وصديق مازن في الشغل واخونا كلنا بس هو مسافر اليومين دول
جاسر : برق رعد سافر ليه صحيح
برق : جده دبرله جوازه فراح يتجوز
الكل : ايه
برق : في ايه
همس : ابيه رعد يروح من غيرنا
لارا : انا بجد زعلت منه
يارا : انا معتش مكلماه
جاسر : صدقتنا واخوتنا انا هقطعها محدش معاه مقص
نظرت لهم جمان باستغراب لحبهم لهذا الرعد وضحكت علي جاسر
مازن : بقي انا معاه اربعه وعشرين ساعه وفي الاخر يتجوز من ورايا ماشي
برق : خلصتوا
الكل : ايوه
برق : بقول جواز مدبر وانا ذات نفسي مروحتش وقفلوا بقي
جمان لنفسها : يا تري يا عشق عامله ايه الوقتي وحشتيني انتي وعمار وبابا احمد اوي ماما نور قالتلي انك توأمي واننا المفروض نحمي بعض بس مقدرتش احميكي ودموعها نزلت ولم تدري
لارا :جوجو انتي بتعيطي
جمان : .........
برق : جمان
جمان : نعم
يارا : انتي بتعيطي ليه
جمان : بعيط!........... عشق.......مفيش
مازن : في ايه مالك
جمان : احم الجرح وجعني شويه انما انا تمام
جاءت احدي الخادمات واخبرت مالم يودوا سماعه
الخادمه : برق بيه
برق : في ايه
الخادمه : ادهم بيه ونورهان هانم وتقريبا علي بيه
جاسر : علي مين ياختي
الخادمه : علي بيه
جاسر : ابقوا اقروا عليا الفاتحه هنتحر
جمان : احم ادهم وعرفته مين الباقي
برق ببرود : تعالي ننزل وهعرفك علي الباقي......اكيد سبب رجوعه معرفته الحقيقه
ونزلوا سويا واسند برق جمان حتي نزلوا فوجدوا ادهم ونورهان هم من يجلسون فقط
نورهان (43 سنه والده ادهم وهمس زوجها متوفي وهي سيدة اعمال تزوجت وهي صغيره بسبب شغل والدها اي جواز مصلحه وهي بالسابعه عشر ولا يبدو عليها السن وبعد قليل سنعرف شكلها)
ادهم (24 سنه شاب وسيم جدا بأعين رمادي وشعر اسود كثيف وعضلات ويبدو عليه القسوه فهو مثل برق ويحب واحده سنعرفها)
مازن : اهلا اهلا بالحلوه بتاعتي
نورهان : بكاش...... وحشتوني كلكم فين مرات برق
برق : احنا اهو يا نونو
رأت جمان نورهان وانصدمت فاليوم يبدو انه يوم الكوارث والآن اكتمل
جمان بدموع : ماما نور دي انتي
نورهان : اهلا بالقمر انا.......
جمان بصدمه ودموع : انتي ماما نور......عشق
اجل نورهان نسخه طبق الأصل من نور ام عشق وزوجة احمد.........
************************************
كدة الفصل الرابع خلص
بقلمي / جميله احمد
تكملة الروايه بعد عمل متابعه من هناااااااااا
تكملة الروايه من هنااااااا
تعليقات
إرسال تعليق