 |
#البارت التالت
_انتي! انتي اي الي جابك هنا ودلوقت احيه!!
*وحشتني اوي يا احمد وانت بتتهرب مني بقالك فتره ف قولت اكيد هتبقي في البيت
_لا ما شاء الله ناصحه
طلعت ووقفت قدامهم وربعت أيدي
*مين دي يا احمد؟
_دي ، دي دي ، امل امشي دلوقت وبعدين هفهمك
=متقولها مين دي يبابا
*بابا !!!
_بابا ! اه بابا ، دي بنتي ايوه
*بنتك أي يا احمد انت اصلا مش متجوز وبعدين دي شحطه ! انت هتشتغلني ولا اي
مسكت شعرها = أنا بقي هوريكي الشحطه دي هتعمل فيكي ايي
قعدت اضربها وطردها برا
=اشوف وشك هنا تاني بقي وانتي هتشوفي هعمل فيكي أي
قفلت الباب وبصتله وانا بعيط
=حرام عليك ، انت بتعمل فيا كده لي ، أنا عمري مأذيتك، دا انت اكتر انسان حبيته في حياتي ، بس للاسف حبيت واحد خاين عمره محبني ولا اتجوزني عشاني ، لا دا اتجوزني عشان واحده محترمه مش زي الزباله الي بتعرفهم ، لي بتعمل كده؟ لي كرهتني في نفسي وخلتني اصحي من حلم جميل علي كابوس ، لي عمرك محسستني ب لحظه واحده من الأمان ؟ لي يا احمد لي !
_مريم !!
مسكت راسي ومثلت اني أغمي عليا ، شالني وحطني علي السرير واتصل ب الدكتور ، كنت بحاول اكتم صوت عياطي لا ياخد باله اني فايقه ، الدكتور جه وكشف عليا وقاسلي الضغط
_دكتور هي كويسه؟ دي شكلها رجعت تاني في العقل ، من شويه اتكلمت كلام كبار كده وعرفت اني جوزها مش باباها
=ايدا بجد؟
_اه والله
=يبقي العلاج جاب تأثير
_جاب تأثير في تلت ايام؟
=ها ، الف سلامه عليها سلامو عليكم أنا بقي
مشي وهو فضل باصصلي ومربع أيده
_الهانم مش ناويه تفوق؟
فتحت عيني بالراحه= حصل ايي؟
_انا الي عاوز افهم حصل أي
=محصلش حاجه تصبح على خير بقي
_بتشتغليني يمريم ؟ دا انا عمر ما واحده ضحكت عليا
=واتضحك عليك يا احمد واقولك علي حاجه كمان؟ طلقني
_انا عمري معملت حاجه غصب عني وانتي عارفه
=للاسف اني عارفك ، يا رتني معرفتك
_مش انتي عامله فيها طفله ؟ أنا بقي هربيكي
=ربي نفسك الاول بتهيقلي انت أولي ب التربيه دي
_متعصبنيش يمريم
=يا رتني متجوزتك يا رتني فضلت طول عمري بعيده ، يا رتني منولتك يا احمد
قرب مني ف قومت من علي السرير بسرعه
=لو قربت هصوت ألم عليك العمارة
_لا وانا بخاف اوي
مسكني من ايدي وشدني نحيته ف شهقت
_انا هوريكي ازاي تلعبي معايا اللعبه دي
=أنا بكرهك
زقني بعيد _ أنا فعلا هخليكي تكرهيني
سابني ومشي وانا قعدت علي الارض وعيطت ، هو انا مستهلش اتحب من راجل يصوني؟ مستهلش؟
الباب رن ف وربت الباب عشان اشوف مين وأحمد فتح طلع محمود ابن الجيران
_مريم هنا؟
=وانت إن شاء الله عاوز مريم لي؟
_نست معايا العروسه بتاعتها
شد منه العروسه =طيب وبالسلامه بقي
شافني ف قفلت بسرعه باب الاوضه، جه ووقف قدامها
_عاجبك الي انتي عملاه دا ؟
=أنا حره اعمل الي انا عوزاه
_لا مش حره ، طول منتي مراتي ف انتي مش حره
=طلقني يا احمد ، طلقني وعيش حياتك زي منتا عايز
_وانا مش عاوز اطلقك
=وانا مش عاوزك
فتح الباب ف بعدت بعيد عنه
=اطلع برا
_انا سايبك بمزاجي مش شطاره منك ف لو عدتي تطلبي الطلاق هتشوفي الي هيحصلك يمريم
=هيحصل أي اكتر من كده ؟
اتعصب وسابني وخرج هو انا قولت أي ؟ هيحصل أي اكتر من كده فعلا !
قفلت الباب ونمت ، صحيت الصبح ولبست عبايه وفتحت الباب لقيته مش بيتفتح ، دخلت متعصبه
_تسمح !
=صباح الخير
_تسمح المفتاح؟ عاوزة امشي
=هتروحي فين
_هروح ل بيت جدي
=علي اساس انك متجوزة فاظه؟
_لا متجوزة نسوانجي
=اه غلط علي الصبح ومن غير غيار الريق حتي
_اي قولت حاجه غلط
=مش عاوزة أمد أيدي عليكي يمريم
_متقدرش
وقف قدامي = لا انتي عارفه كويس اني اقدر
غمضت عيني بقوه وفتحتها بعدها ب الراحه لقيته واقف بيبصلي وكاتم ضحكته
_يوووه اعملي الي انا عوزاه
=مش ينفع تروحي دلوقتي
_لا ينفع
=بقولك أي مش عشان عشتيلك يومين طفله يبقي انتي فعلا طفله! لا انتي مش داخله حياه الكبار اول امبارح !
_طب احترم رغبتي
=أنا مش عاوز اطلقك يمريم
_ولي بقي؟
=كيفي كده انا حر
فونه رن ورد عليه
=تمم تمم جاي حالا
راح ناحيه الدولاب وجاب بدله
=أنا معنديش مانع تفضلي علي فكره
جريت من ناحيته وطلعت قعدت علي الركنه ، كمان شويه طلع ، فضلت بصاله هو فعلا بقيت مع الي كنت بحلم بيه كل يوم؟ بس مش كل حاجه بنتمناها بتبقي الاحسن لينا !
فوقت علي صوت فتح الباب وقفله بسرعه
_افتح يا احمد
=أنا رايح الشغل شويه وجاي متعمليش دوشه بقي
_يا احمد افتح أنا عاوزة امشي
=لما اجي هنشوف الكلام دا بقي
سمعت صوت خطوات رجله وهي بتختفي ، غيرت العبايه ولبست بيجامه ودخلت أوضته
اوضته حلوه اويي ، دافيه وهاديه ومنظمه ، فونه رن ! هو نساه؟ لا لا اكيد مش هفتحه
_ايوه مين؟
طبعا يجماعه انا مليش كلمه اصلا
=احمد موجود
قلدت صوتها _لا مش موجود
=امال هو فين
_معرفش
=وانتي بقي مين؟
_برا عنك
قفلت الفون وانا متعصبه ، بير نساء ! اهو هرتاح منه قريب
لقيت الباب بيتفتح ف جريت نحيته ووقفت وانا مدياه ضهري
_احمد أنا والله معتش قاعده هنا ، لو سمحت ابعد بقي عشان امشي و.. انت مين !!!!!!
#احببت طفله💙
#البارت الرابع
_احمد أنا والله معتش قاعده هنا، لو سمحت ابعد عني بقي عشان امشي و.. انت مين!!!!!
=انتي الي مين؟ بتعملي أي هنا ؟
_ايوه انت مين بردو معرفتش؟
=اكيد انتي جو من بتوع احمد لكن غريبه عمره مجاب واحده البيت !
_ياااه دا طلع عظيم اويي كفايه بقي قطعت قلبي ، دا طلع محترم جدا وانا ظلماه
=انتي مين يشاطره؟
_انا مراته وانت مين يشاطر ؟
=أنا صاحبه و.. ثواني مرات مين؟
_احمد
=احمد مين؟ الي بشوفه كتير دا ؟
_هتلاقيه قليل الادب ايوه هو دا
=مقالش لحد يعني أن هو اتجوز !
_عشان ميتحسدش
=لا وانتي الصادقه عشان يفضل مقطع السمكه وديلها
_اسمع مني عشان ميتحسدش ، انت جاي هنا بقي بتاع اي؟
=ها
_ها ايي؟ ومعاك مفتاح الشقه لي؟
=..
_لا أنا بنام بدري ، اخلص
جه يجري مسكته من ياقته
_لا لا عيب كده ، ولا انت جاي هنا تعمل اي ؟
=نزلي ايدك
_ولو منزلتهاش؟ اخرك هاته
زق أيدي =لا دا اتجوز مجنونه
_اخرك فين بردو؟ هتقول جاي هنا لي ولا اطلب الشرطه
=شرطه!!
_بوليس؟ هي الاحسن شرطه ولا بوليس؟
بصلي ونفخ ومشي ، ثواني انت هتمشي بجد؟ يعم انت جاي لي يعم ، انت قليل الادب وعيل جبان ايدا هو فتح الباب؟ انت اشهم واحد انا شوفته في حياتي
غيرت ولميت هدومي وروحت بيت جدي ، مليش غيره بعد ما اهلي اتوفوا ، هو أقرب حد ليا
_ازيك يجدو
=اهلا يمريم ، تعالي يبنتي ، عامله أي
بوست أيده _ الحمد لله يحبيبي
=اي الشنطه دي يمريم؟ انتي وجوزك متخانقين ولا اي؟
_لا يحبيبي متقلقش ، أنا الي جيت اقعد معاك يومين عشان هو مشغول في شغله اليومين دول
=تنوري يحبيبتي
عملت الغدا وقعدنا كلنا ودخلت اوضتي وجدو طلع الجنينه
بليل الباب خبط ف فتحت
_كل دا يجدو برا و.. انت !
لقيت احمد ساند جدو وبيبصلي وهو متعصب بس بيداري
*اتفضل يا ابني ، البيت بيتك
ابتسمت ابتسامه ساذجه _اتفضل
قعدنا احنا التلاته علي الركنه ومبصتلوش خالص
*طب أنا هقوم اعملكم شاي بالنعناع
_خليك يجدو هروح اعمل أنا
*لا خليكي أنا بعمله احسن منك
دخل وانا فضلت باصه قدامي
_انتي قولتيلي انك ماشيه؟
=لا
_مدام لا مشيتي لي!
=الفيو عندك مش عاجبني ، ابقي وديني السخنه
_عشانك بارده يعني؟
=لا لا مسمحلكش انت في بيتي يعني تحترمني
_اتجري يبت قدامي
=اتجر ! بت ! لا يحبيبي أنا مش ماشيه من هنا ومستنيه ورقتي يا احمد
_ورقه اي؟
=طلاقنا ، اهو ترتاح مني وتبقي حر
_وانا قولتلك قبل كده وهقولها تاني مش مشكله أنا مش هطلقك
=الخلع ب كام النهارده؟
_معرفش اسألي دكتور اسنان
=لا هخلعك انت
_لا دا انتي اتجننتي رسمي
قام من مكانه ووقف قدامي وهو متعصب ، فجاه جدو جه
*انتوا بتتخانقوا يولاد؟
حضني فجاه ف شهقت دا انت عيل مش محترم اقسم بالله
بعد عني وبص ل جدي وابتسم ، لا لا احضني تاني يلا !
_ابدا يعمي دا انا بصالحها
*انتوا كنتوا شادين مع بعض؟
_بتتقمص بسرعه اويي
*بس قلبها طيب والله وبنت حلال
بصلي وضحك _لا دا احنا نصالحها تاني بقي
بعدت عنه =لا خلاص مش زعلانه
_يعني هتروحي معايا صح؟
=لاء ، هفضل مع جدي شويه
*روحي مع جوزك يمريم ، مينفعش يبنتي تسيبي بيتك وجوزك
=حاضر يجدو حاضر
جدو تعبان عنده السكر أي زعل ممكن يأثر عليه ، مش عوزاه يحس ب أي حاجه ف مضطره اعمل كده لغايه متطلق منه ب هدوء وارجع هنا تاني
ودعت جدو
*حطي جوزك في عينك يمريم
_قولها يعمي قولها
شوف المفضوح ؟ ، نزلت معاه وركبنا العربيه كنت باصه في الشباك ومبصتش نحيته خالص
_تحبي نتعشي سوا؟
=لا محبش
_طب تمم تاكلي أي بقي؟
=لا دي ودنك بعافيه مفيش حاجه
_مقولتيش بردو عاوزة تاكلي اي؟
=مش جعانه تسمح بقي تروحني؟
وقف العربيه وبصلي
_مريم بصي أنا آسف حقك عليا
=اسف؟ علي اي يا احمد ، علي خيانتك وعدم تقديرك ليا ؟ انك محسستنيش في مرة انك بتحبني ؟ ولا عشان الامان الي مفقداه معاك؟ يااه اسف ! معتش ينفع يا احمد والله معتش ينفع
_اسف علي كل دا ، بس انا مش عاوزك تبعدي يمريم ، انتي النقطه البيضا في حياتي ، أنا حياتي كلها غلط غيريني انتي ، أنا عارف انه صعب بس انا فعلا عاوز اتغير ، مش حابنني كده ولا انتي حباني كده ، أنا بغبائي كنت بدور برا مع أن أنا معايا أعظم واجمل ست في الدنيا ، حقك عليا والله متزعليش مني ، اديني فرصه واحده بس ، والله واحده ولو اتعوجت بعد كده انا فعلا الي هتطلقك عشان مرضاش واحده زيك تعيش معايا ، متسبنيش يمريم لو سمحتي افضلي أنا عاوزك
بصتله ودمعت، اكيد عيونه دي مبتكدبش صح؟ اثق فيه تاني؟
=مش بعرف اواسي ف هات حضن
_اي؟
=متنحش هات حضن
حضني وانا طبطبت عليه لغايه مهدي
=حاضر يا احمد هفضل ، أنا واثقه انك هتتغير
_يا رب يمريم ، ومش هعرف اعمل كده غير وانتي معايا
=طب سبني بقي عشان لو حد شافنا هيقول شاقطني رسمي
ضحك وساق العربيه ووصلنا البيت
_طب بص بقي ، معتش فيه شرب خالص ، ولا ستات طبعا ، هتشتغل احسن من الاول إن شاء الله
=جو امهات اويي
_لو شربت سجاره تانيه هعلقك
ضحك =واي كمان
_اه صحيح انت عاطي مفتاح الشقه ل صاحبك لي؟
=صاحبي مين؟ أنا مدتش مفاتيح الشقه ل حد
_نعم ؟
=متعرفيش اسمه اي؟
_مرضاش يقولي
=انتوا اتسامرتوا ؟
_اه حكينا حبه حلوين كده
=ويتري مشروبه المفضل اي؟
_لا مقالش
=مريم متعصبنيييييييش معتيش تتكلمي مع حد
_حاكم أنا ممكن اعيط وقتي ولا يفرق معايا حاجه
=لا لا خلاص ، هبقي اشوف حوار صاحبي دا
_اه يا ريت
الباب خبط وأحمد فتح
_هو دا ، هو دا يا احمد !
*هو دا أي ! مين دي يا احمد أنا أول مره أشوفها!
_اييي!
#احببت طفله 💙
#مريم سمير 💙
تعليقات
إرسال تعليق