مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-الراجل مبيحبش الست اللي معندناش كرامة يا كاميليا وانتي معندكيش كرامة مجرد واحدة فارضة نفسها عليا وانا مش بحبك ولا عايزك اصلا ...

رجعت لورا وعيونها دمعت ...كنت عارف اني جر*حتها بس هي اللي ق*للت من نفسها ... كاميليا تبقي بنت خالتي الصغيرة ....عمرنا ما كنا قريبين من بعض ...لكن من سنتين بدأت تهتم بنفسها وتحاول تلفت انتباهي ...كانت بتجري ورايا في كل مكان ...تفرض نفسها عليا ...بتغير عليا لو اي حد كلمني لحد ما تعبت منها وقررت اواجهها ...قررت اني مسكتش علي تصرفاتها ..مش مضطر استحمل التصرفات المراهقة دي خصوصا اني هخطب خلاص ...

-أمير ..

قالتها كاميليا وهي مصدومة فرديت بقوة:

-كاميليا انا مكنتش عايز أذ*يكي بس انا فعلا تعبت ...أنا بحب واحدة تانية وهخطبها قريب وانتي ربنا يوفقك بس كفاية بقا بلاش تق*للي من نفسك اكتر من كده انا عشان انتي تهميني بقولك كده مش قصدي اضايقك ولا اجر*حك ...

رجعت كاميليا لورا وقالت:

-انا اسفة ...اسفة بجد ...

دموعها كانت بتنزل ..شفقت عليها وقربت عشان أهديها بس بعدت عني ...رفعت عيونها الخضرا وقالت:

-اسفة يا أمير أنا مش هزعجك تاني ...خلاص اوعدك..

دموعها نزلت فمسحت دموعها بسرعة وقالت:

-اوعدك اني مش هزعجك تاني ابدا ...ومش هجري وراك تاني ...انت من النهاردة بالنسبالي ابن خالتي وبس ...أنا مش هضايقك تاني ابدا ...

وبعدين جريت من قدامي وهي بتبكي ...كنت زعلان عليها بس هي اللي عملت في نفسها كده ...عصبتني لحد ما انفج*رت فيها.  ...

...

مرت الايام وانا حاسس بالذ*نب بسببها ...من وقت آخر كلام لينا وهي فعلا اتجنبتني خالص ...مبقتش تيجي اي تجمعات  عائلية ...ولو حصل وجات مبتبصش عليا اصلا ...كنت شايف قد ايه هي بتنفذ وعدها ليا...هي فعلا بطلت تزعجني ...بس اللي مكنتش أتوقعه أنها لما بطلت تهتم بيا انا بقيت انزعج بس حاولت اطر*د الفكرة من دماغي وقررت اني أتقدم للبنت اللي بحبها واخطبها ...

....

في يوم كان فيه تجمع عائلي وكانت كاميليا برضه قاعدة فقولت فجأة:

-انا قررت اتقدم لماهيتاب يا بابا ...

بصيت بطرف عيني لكاميليا عشان اشوف عليها أي انفعال بس لقيتها عادي وده ضايقني  اووي ..بابا ابتسم وقال:

-اكيد يا أمير ..دي خطوة انت كنت مأجلها أنا لاحظت حبك للبنت دي وكمان ابوها صديق ليا مظنش أنه هيمانع هكلمه واطلب منه ميعاد اتفقنا ؟

-تمام 

قولتها وانا ببتسم ...

قامت فجأة كاميليا وقالت:

- طيب انا استأذن بقا يالا يا ماما ...

بصتلها امها بحزن وهزت رأسها وابتسمت لينا :

-مع السلامة يا جماعة ...

.... 

ابويا طلب ميعاد من والد ماهيتاب وقبل مقدما...

....

كنت قاعد متوتر قدام والد ماهيتاب بعد ما طلبنا ايد ماهيتاب وقولتله ظروفي ...

ابتسم الراجل وقال:

-بصراحة يا امير انت شاب كويس ووالدك صديق ليا بس ده مش كفاية اني اقدملك بنتي ...بنتي عايشة في مستوي معين انت متقدرش عليه ...أنا كنت فاكر أن شغلك كدكتور بيجبلك فلوس اكتر لكن بتقول انك عامل عيادة وبتعالج الناس اللي ممعهاش مجانا والباقي بأسعار رمزية  ده شئ نبيل طبعا بس كمان لازم كنت تفكر في نفسك ..أنا بنتي مش هر*ميها كده وخلاص ...

اتصدمت من كلامه ...وقولت:

-انا معايا شقتي وقبضي يقدر ياكلنا يا عمي أنا مش همو*تها من الجوع بالعكس هصونها و...

-ده مش كفاية يا ابني ...قولتلك ماهي ليها مستوي معين انت متقدرش عليه ...نورتنا ...

....

كنت طالع مصدوم من عنده ...كان قلبي مك*سور اووي ...ابويا حاول يهديني بس انا بعدت وروحت اقعد لوحدي علي البحر ...اتصلت بماهي وفين لما ردت عليا ..

-ابوكي رف*ضني ...جيتلك وك*سر قلبي يا ماهي ...

اتنهدت وقالت:

-انت اللي غلطان قولتلك مليون مرة أن عيادتك دي ممكن تطلع منها كنز ..انت رفضت تبقي زي الدكاترة التانيين متوقع ايه يعني ...محدش هيقبل يجوز بنته لواحد مستواه أقل ...بصراحة كده بابي عنده حق ...

اتصدمت من كلامها ...كلامها ده خلاها تتغير في نظري ...

...

مرت الايام ومحدش عارف يخرجني من اللي أنا فيه لحد ما قربت مني امي وقالت وهي بتديني دعوة:

-اتفضل اهي السنيورة اللي عار*ضتني عشان تتقدملها هتتخطب ...خطوبة ماهيتاب الاسبوع اللي جاي !!!!

يتبع 

#أميرها

#سولييه_نصار

الجزء التاني♥️شكرا علي تفاعلكم السكر♥️بقلم سولييه نصار♥️

-يعني ايه هتتخطب ؟!

قولتها وانا محر*وق ...كنت مصدوم بجد ...ازاي اللي حبتها وحبتني راحت لحد تاني ...بسهولة باعت حبنا !!!اخدت الدعوة من امي وطلعت برة البيت ...فضلت ماشي وانا تايه...عيوني مدمعة بفتكر وعودنا لبعض ...بفتكر ازاي استحملت عصب*يتها بسبب اني بعالج الناس بأسعار رمزية ...دايما كانت تقولي اني مش طموح وساذج ...بس عمري ما تخيلت أنها تسيبني بالشكل ده ...غمضت عيني بأ*لم وقعدت علي الرصيف كنت حاسس بنا*ر جوايا ...كان نفسي اروح واقت*لها ...اسألها ليه عملت فيا كده ....

طلعت موبايلي واتصلت بيها بس مردتش ...اتصلت مرة واتنين وعشرة لحد ما زهقت وردت 

-خير عايز ايه ؟!

-ماهي قابلينا في المكان بتاعنا ...

-لا يا أمير مينفعش خلاص أنا خطوبتي الاسبوع اللي جاي ايه موصلتلكش الدعوة ؟! 

زعقت فيها لأول مرة وقولت:

-اقسم بالله لو مجتيش هوريكي الوش التاني...خليني اقابلك لآخر مرة بعدها هسيبك كده كده انتي مينفعش حد يتمسك بيكي.

بعد مشادات بيننا وافقت اخيرا ...

....

روحت المكان اللي بنقعد فيه استنيتها بفارغ الصبر ...لقيتها جات ....ربعت ايديها وقالت:

-خير عايز ايه ؟!

اتأملتها لثواني كانت شيك اكتر من كل مرة ...لابسة اسورة الماظ ...يعني هي غنية بس مش للدرجادي ...ابتسمت بسخرية وقولت:

-ايه لحقتوا تقعدوا مع بعض ويديكي هدايا...

اتوترت فابتسمت اللي حسبته طلع ...كانت بتقابله وانا معاها ...هي مؤخرا بدأت تتغير ...تشتكي من قصة الشغل بتاعي بطريقة اوفر بس دلوقتي فهمت قد ايه طلعت غب*ي ...

ضحكت وقولت:

-بجد انا غب*ي ...أنا ذنبي ايه عشان تضحكي عليا بالشكل ده يا رخ*يصة ...

قولتها وضر*بتها قلم ...صرخت وقالت:

-انت مجنون ...

مسكت ايديها وزعقت وقولت:

-انا هوريكي الجنان دلوقتي يا رخي*صة ...كنتي بتقابليه وانا معاكي ...

زق*تني ماهي وقالت:

-انت اللي غلطان يا أمير ...انت اللي ضيعتني من ايديك ...انت دكتور وشاطر واحد زيك كان ممكن يكون ثروة ويعيش ملك لكن انت بتحب ضيق التنفس مشيت ورا قلبك وشفقت علي الناس وبدأت تعالجهم بأسعار رمزية بسبب عاطفتك الغب*ية ...انا ليا مستوي معين ولما لقيتك مش هتعيشني فيه قولت اشوف نصيبي وده حقي ....

-فعلا رخي*صة وهتفضلي طول عمرك رخي*صة ...

مدت ايديها عشان تضر*بني بالقلم بس مسكت ايديها وقولت:

-بقول حقيقتك متتضايقيش كده وانا الحمدلله مش ندمان اني عملت خير علي الاقل ربنا خلصنا من واحدة رخي*صة زيك ...

بعدين ز*قيتها ومشيت ....

....

مرت الايام وهي اتخطبت وانا قلبي اتك*سر ...كنت بشتغل زي المجن*ون في العيادة عشان انسي ...اهلي حاولوا يخرجوني من اللي أنا فيه بش مقدروش ...في يوم كنا في تجمع عائلي وطلعت برة في البلكونة ... طلعت ورايا كاميليا ...اتنهدت فقالت:

-مش جاية اضايقك ولا حاجة ..أنا دلوقتي بعتبرك اخويا مش اكتر وجاية اقولك أن هي اللي خ*سرانة والله ...

بصيت لكاميليا فابتسمت وقالت:

-ربنا هيعوضك بإذن الله ..

بعدين مشيت ...

ابتسمت لما مشيت واقتنعت أن عندها حق اكيد ربنا هيعوضني...أنا معملتش غلط مع حد ..أنا واحد حاولت اتقي ربنا في شغلي ...من سنين لما اختي التوام ما*تت واحنا في ابتدائي بسبب أنها كان عندها مش*اكل كبيرة  القلب ومكانش مع ابويا فلوس العملية وحتي التأمين مغطاش مصاريف العملية وكانت حالتها ح*رجة  ..حاول يستلف ويدبر نفسه بس مقدرش ...وصلت أنه يترجي الدكتور يعمل العملية بفلوس أقل بس رفض ...وقتها اختي اتو*فت عارف ان ده قدرها بس كنت مقه*ور أن الدكتور رفض يساعدنا وده اللي اداني دافع ابقي دكتور  واعالج الناس بفلوس رمزية واخفض في سعر العمليات كنا مصمم أن مفيش مريض عندي يع*اني من اللي عا*نته اختي ...

......

اول ما روحت كاميليا البيت لقت امها في وشها وقالت:

-برضه عملتي اللي في دماغك وروحتي هناك؟!

-ماما أنا بحبه

ضر"بتها امها بالقلم وقالت:

-خلي عندك كرامة بقا وانسيه لأن خلاص جالك عريس وانا وافقت عليه!!!

يتبع

#أميرها

#سولييه_نصار

الجزء التالت♥️شكرا علي تفاعلكم السكر♥️بقلم سولييه نصار♥️

-لا أنا مش موافقة ..مش موافقة ...

قالتها كاميليا بغضب ...مسكتها امها من شعرها وقالت:

-نعم يا روح امك ...اومال عايزة ايه ....عايزة تستني الاستاذ أمير لما يقرر يعطف عليكي ويتجوزك ...للدرجادي معندكيش كرامة ..

عيون كاميليا دمعت وقالت:

-انا بطلت الاحقه يا ماما وبعدت عنه بس مقدرش اتجوز واحد أنا مبحبهوش...اديني فرصة انسي امير ...بعدين انتي دايما كنتي بتقولي هعمل المستحيل عشان اجوزك امير ...انتي وخالتي وعدتوني بكده ...

ضحكت امها بتريقة وقالت:

-نعملك ايه انتي اللي خ*ايبة بقالك سنتين مش عارفة تو*قعيه لحد ما ماهي قدرت تجذبه ليها بس اهو ربنا ك*سر قلبه ويستاهل ...

دموع كاميليا نزلت وقالت؛

-حرام عليكي أمير معملش حاجة غلط ومش ذنبه أنه محبنيش وبعدين القلوب بإيدين ربنا هو مش هيختار هيحب مين ...

-عليكي نور واهو امير مش بيحبك افهمي هو مبيحبكيش !خلاص سيبيه في حاله يا كاميليا وشوفي حالك ...العريس جاي بكرة وانتي هتقابليه...

-قولت لا يا ماما مش هرتبط بحد وانا بحب حد تاني وبعدين مين العريس ده اللي انتي متمسكة بيه اوووي كده ...

-جمال ابن المعلم سلطان ...

-نعم!!! ملقتيش الا جمال اتجوزه ده عنده أربعين سنة 

-وانتي عندك سبعة وعشرين مش فرق جامد يعني ....

اتصدمت كاميليا وقالت:

-بجد انتي امي ولا واحدة عايزة تر*ميني كده وخلاص !!!جمال ده سمعته زي الز*فت ...واحد بيشرب وبتاع بنات ...هو انا حمل تقيل للدرجادي عايزة ترميني لأي حد ...

ربعت امها ايديها  وقالت:

-الراجل مرتاح ماديا وبعدين ده كان وهو صغير دلوقتي الراجل اتعدل بس انتي عارفة الناس مش بتسكت ولو فيه حاجات وح*شة فيه تصلحيها  انتي اللي هتبقي مراته!!

-اصلح ...اصلح ايه ده مفيش امل فيه يا ماما ده.واحد مش مضبوط الشارع كله ماسك في سيرته تقومي تجوزيه ليا أنا أنا بجد مش مصدقاكي ...انتي لو عد*وتي مش هتعملي فيا كده ...علي الاقل جوزيني واحد محترم ...أنا مش هصلح حد ...أنا هستني نصيبي اللي هيكون احسن من كده بكتير ...

ضحكت والدتها بسخرية وقالت:

-ايه مستنية حبيب القلب .....يا بت ده  رفضك خلاص وانتي مش في باله لو بيحبك كان جالك بعد ما البنت دي سابته لكن هو مش بيفكر فيكي وانتي بتكبري مش بتصغري مش هنستني  أمير طول العمر ...

خلص الكلام هتقابلي جمال يعني هتقابليه  ....

بعدين سابتها ومشيت....

دخلت كاميليا اوضتها وبقت تع*يط مسكت صورة باباها وقالت:

-ياريتك كنت عايش يا بابا ...ماما بتق*سي عليا اووي بتعا*قبني عشان مقدرتش الفت انتباه امير وعايزة تجوزني واحد حيو*ان زي ده ...

نامت كاميليا علي السرير وفضلت تعي*ط...

.....

-فيه عريس اتقدم لكامي ...

قالتها امي فجأة لأبويا بس انا كنت عارف ان الكلام متوجهلي أنا ...عملت نفسي مطنش وانا بقرأ الكتاب ...حاولت مفكرش كتير وحاولت افرح ليها واتمني أن اللي يتجوزها يصونها لأنها طيبة وتستاهل ...فرحت أنها هتشوف حياتها خلاص ومش هتوقفها علي اي حد ..كنت عارف ان كاميليا قوية وهتقدر تتخطي مشاعرها ليا أنا بجد بتمنالها السعادة ...أو يمكن ده اللي كنت بحاول أقنع بيه نفسي ...

بصتلي امي بغي*ظ وقالت:

-مش عايز تعرف مين العريس ؟!

-المهم أنها مرتاحة ليه يا ماما أنا اعرفه ليه ...

ابتسمت وقالت:

-دي طايرة من الفرحة يا حبيبي العريس يبقي جمال سلطان اللي ساكن في حارتهم...

قومت بعص*بية وقولت:

-نعم !!!مستحيل اخليها تتجوز البني ادم ده !!!!

يتبع

#أميرها

#سولييه_نصار

اللي عاوز البارت الأخير يعمل متابعه من هناااااااا 

تكملة الروايه من هنااااااا