 |
غرام الفهد
الفصل الثامن عشر
في قصر المهدي
ذهبت لارا لابنتها فوجدتها نائمه فقلقت
لارا : ماسه....ماسة
ماسه : اممم
لارا : قومي يا حبيبتي
ماسه وهي تغمض اعين حتي لا تفر الدموع : بيبرس فين
لارا : انا مشفتوش انا هجيب الاكل هنا عشان شكلك تعبانه
ماسه : مش جعانه
لارا : بس انتي مش اكلتي
ماسه : مش جعانه يا ماما
نزلت لارا وفتحت ماسه اعينها ونزلت دموعها بغزاره ومسكت فونها وحاولت ان ترن عليه ولكن فونه مغلق
ماسه ببكاء : بيبرس ارجع مقدرش اعيش من غيرك انا مسمحاك
وظلت ترسل له رسائل صوتيه وكتابه
*****************
ايسيل بصدمه : فهد
مسك يداها بعصبيه وضغط بقوه مما المها
فهد : عشق نور تعالوا
وركبوا اربعتهم وتوجههوا للقصر
نزل فهد ومسك يد ايسيل وسحبها لغرفتهم ودفعها بناحيه السرير
فهد بعصبية وصوت عالي جدا : ازاي تطلعي وتمشي من غير حراس
كانت دموعها تنزل فقط فهي لم تفعل شئ لكل هذا
مسك يداها السليمه بقوه المتها
فهد بصراخ : اما اكلمك ابقي ردي فاهمه
اكتفت بنزول دموعها
فهد بصراخ : ردي
ايسيل ببكاء : بس انا معملتش حاجة لكل ده
فهد بعصبية : لا عملتي اياكي ثم اياكي تمشي او تتحركي من غير اذني
ايسيل وهي تمسح دموعها : كل ده عشان اتمشيت
تحرك فهد ووقف واعطاها ظهره وكور كفه بالم لما سيقول
فهد : لا عشان بتتصرفي من دماغك مانتي اتعودتي علي كده لو انتي كنتي قولتيلي ان غيث اخوكي مكنتش هخسر ابني وهقتله بايدي كل ده بسببك ابني مات بسببك
نظرت له بصدمه ثم اعادت نظرها ليده ووقفت ورأه ومسكت يداه
في الاسفل
كانت نور وعشق وعشق ورزان وشغف يجلسون بقلق فقد اخبروا عشق ورزان وشغف بكل شيء وجاء اسد ورعد ورعد وعدي
رعد الكبير مقبلا جبين عشق : مالك يا عشقي
حكت لهم ما حدث
عشق : رعد ارجوك اطلع ليه الموضوع مش مستاهل
رعد : ايسيل وعشق متهورين بس انتي يا نور كان المفروض تمشوا علي الاقل بحرس
نور : واللهي يا بابا ايسيل كانت مخنوقه اوي وبعدين احنا مكناش هنتأخر
رعد بتنهيد : اه منك يا فهد سبوهم هما هيتكلموا وهيهدوا
في غرفه فهد
ايسيل ممسكه يده المتكوره : ع الاقل اجرحني وانت عينك في عيني عشان اصدقك مفكرني مش هعرف امته بتمثل وامته بتتكلم بجد
التفت فهد ومسك احدي التحف وخبطها بالارض بقوه
فهد بصوت عالي جدا : ابعدي عايزه ايه
عادت خطوة للخلف خوفا منه
فهد : ردي عايزه ايه
ايسيل : انت اللي عايز ايه رد عليا بتعمل كده ليه انا مش غبيه
جلس فهد علي الارض
فهد : اي بمثل عايزك تكرهيني وتطلبي الطلاق فهمتي
نظرت له بصدمه وقالت بهمس الطلاق
فهد : اي انا بأزيكي كل مره كده انا مستهلكيش..... وبما انك عرفتي فكده هنتطلق بسهوله
ايسيل : هههههه نتطلق عايزنا نطلق ههههه
مسكت احدي زجاجات البرفان والقتها في المرأه والاباجوره بالحائط وشدت فرش السرير علي الارض وصرخت بقوه متألمه ليس فقط من يداها بل من قلبها
نظر لها بحزن ولم يقدر علي الوقوف ليوقفها فقط اكتفي بالنظر اليها
ايسيل : انت اناني انا بكرهك عايزنا نطلق انا علي الرغم من المي وحزني علي ابني مرضتش ابين ليك عشان متشيلش نفسك ذنب سمحتك ونسيت عشان عشقتك وانت رديت عليا بايه الطلاق ههههه للدرجادي بتكرهني انا كنت غبيه اما صدقت انك بتحبني مبفهمش انت في حياتك ما حبتني ليه وهمتني ليه رد عليا
فهد : انا فعلا حبي.....
ايسيل مقاطعه اياه : اسكت كذاب انت بتكذب يا فهد ثم صرخت كذاب بكرهك
وتركته وفتحت بابا الغرفه ونزلت بهدوء لاسفل
عشق : انتي كويسه يا بنتي
ايسيل : اي اوي عن اذنكم
وتركتهم وخرجت خارج القصر وفور ذلك ظلت تركض وتركض ودموعها جعلت رؤيتها تشوش وجدت سياره امامها ستدهسها فوضعت يداها علي اعينها و.........
*
********************
في احد العيادات كانت تجلس فتاة تبلغ من العمر السادسه وعشرون تتميز باعينها العسلي وشعرها البني الفاتح وبشرتها البيضاء
كارمن : اوف الحمد لله خلصت النهارده
نظرت لفونها وجدت الكثير من الاتصالات فرنت علي الرقم
كارمن : اسفه يا زوزو واللهي الفون كان صامت.... حاضر هاجي حالا..... لا مفيش داعي هاجي لوحدي... سلام يا زوزو
ونزلت ركبت سيارتها واتجهت لمنزلها وكانت تشعر بالارهاق فاغمضت اعينها وفتحتها وجدت فتاه امامها فتحكمت بالسياره باخر لحظه ونزلت مسرعة وجدت الفتاه تضع يدا علي اعينها والاخري بجانبها محاطه بالجبس
كارمن بخوف : انا اسفه واللهي ما اخدت بالي
رفعت ايسيل يداها ونظرت لكارمن بدموع تنزل
كارمن : ايسيل مالك انتي بتعيطي ليه حاجة بتوجعك تعالي معايا نروح علي اي مستشفى
حركت رأسها بلا
كارمن : طيب تعالي نروح مكان هادي
كانت تبكي وتشهق فقط فاخذتها كارمن لسيارتها وذهبا لمكان هادئ
ظلت كارمن تهدئ فيها حتي سكتت
كارمن : احكيلي مالك ليه بتعيطي اوي كده
ايسيل بدموع تنزل : قلبي بيوجعني اوي هو جرحني مش بيحبني
كارمن : اصدك علي فهد
ايسيل : لم تجب
كارمن : نتكلم بعدين طيب فين عنوانك عشان اوصلك
ايسيل : عنواني مش عايزه ارحله
كارمن : طب بصي يا ستي انا يتيمه ماما وبابا ماتوا عايشه في بيت دورين الاول فيه مرات عمي الله يرحمه وابنها والتاني انا وفي مفتاح لشقتي تيجي تقعدي معايا
نظرت لها ايسيل بخوف
كارمن : متخافيش واللهي ما هأزيكي واسمي كارمن وانا دكتوره وعيوني عسلي وانا من ضمن الفريق اللي عملك العمليه واللهي مموتكيش
ضحكت ايسيل بخفه
كارمن : هتيجي
اومأت ايسيل واخذتها كارمن لمنزلها
نظرت ايسيل للمنزل فهو محاط بسور وجميل وراقي من الخارج فدخلت مع ايسيل بعدما مسحت دموعها وغسلت وجهها من زجاجة ماء كانت بسيارة كارمن ورنت كارمن الجرس
فتحت سيده في منتصف الخمسينات يبدو عليها الطيبه ودخلت كارمن وفي يداها ايسيل
زينب : كدا يا كارمن تقلقيني عليكي
كارمن : اسفه يا زوزو واللهي كان في كشوفات كتير
زينب : يا بنتي كفايه المستشفي ليه العياده
كارمن : غلاسه بقي يا زوزو
زينب بابتسامه : مين دي
كارمن محتضنه زينب : دي ايسيل صاحبتي هتقعد معايا كم يوم ودي بقي يا ستي زوزو او زينب مرات عمي وامي اللي مربياني
ايسيل : اهلا وسهلا
زينب وهي تحتضنها : اهلا بيكي يا بنتي
كارمن : الدكتور الفاشل بتاعنا فين
زينب : اه لو سمعك...لسه مجاش
كارمن : طيب يا زوزو ممكن العشا اصل زي مانتي شايفه البت ايسيل هتموت من الجوع وشمه ريحة اكل حلو اوي
زينب بضحكه : ايسيل بردك
كارمن : اي وشوفي عصافير بطنها بتصوص
ضحكت ايسيل علي هذه الفتاه المرحه
زينب : واكرم
كارمن : بلا اكرم بلا بطيخ سيبك
ضحكوا بشده وجلسوا ليأكلوا ولم تاكل ايسيل مع اصرار زينب اكلت القليل
****************
كان يتحدث في الهاتف
رعد بعصبيه : ازاي كانت هتعمل حادثه
ا
لرجل : رعد بيه هي كانت بتجري وحضرتك قولت اننا مش نبين ليها اننا بنرقبها
رعد : بس مقولتش اما تشوفوها بتموت تسبوها
الرجل : اسفين يا فندم
رعد : هي فين
الرجل : راحت مع البنت اللي كانت هتخبطها
رعد : كل المعلومات تيجي ليا عن البنت دي وعيلتها وبيتها يبقي مراقب عشان ايسيل وفهد مهما يحاول ميوصلش لحاجة ليها
الرجل : حاضر يا بيه
قفل رعد معه ونظر لعشقه التي كانت اتت لتوها
عشق : رعد ايسيل فين
رعد مقبلا جبينها : انا رعودك وايسيل كويسه بس فهد لازم يحس انه خسرها بجد
عشق : معاك حق هي اتعذبت منه كتير انا معاك بس قولي مكانها
رعد : هتضعفي يا عشقي وهتقولي لفهد
عشق : يمكن او اكيد اقولك اهم حاجة تطمني عليها
رعد : حاضر يا قلبي يلا ننام
اومأت برأسها فاخذها واتجه للفراش ونام وهي بحضنه
***********
اخذت كارمن ايسيل لشقتها ودخلا سويا كانت شقه جميله بديكور طفولي كأنها لطفله والوان تدل علي البهجه
كارمن : الاوضه دي بتاعتك من النهارده زوزو دايما بتنضفها وذهبت لغرفتها احضرت ملابس لها ودي بيجامه مقاسي زيك خدي شاور والبسيها ونامي
ايسيل : ممكن اسدال
كارمن : بتصلي
اومأت برأسها فاحضرت كارمن لها ودخلت ايسيل اخذت شاور وتوضأت ولبست الاسدال وظلت تصلي وتبكي كثيرا
بينما خلدت كارمن للنوم وقامت بعد الفجر لتشرب سمعت صوت بكاء فنزلت دموعها علي هذه المسكينه
وجاء الصباح وهي لم تنم فقط تصلي وتبكي وتتذكر كلامه
كارمن وهي تخبط : ايسيل صباح الفل يلا عشان نفطر
فتحت ايسيل الباب وابتسمت بخفه
كارمن : اوضتي هناك اختاري احلي طقم والبسيه وتعالي ننزل نفطر وبعدين هنروح نطمن علي دراعك تمام
ايسيل : مفيش داعي
كارمن : بس ابت انتي بقيتي اختي
ايسيل : انا اخت كتير اوي لدرجه مش عارفة مين اهلي اللي بجد فايزه وسامي ولا كرم وسيلا ولا رعد وعشق
كارمن : انا متأكده انك ليكي معزه في قلب الكل
ايسيل : يمكن ممكن تجبيلي اي حاجة البسها
كارمن : روحي نقي اللي يريحك
ايسيل : هاتي اي حاجة مش بهتم بالحاجات دي
ذهبت كارمن واحضرت لها بنطلون اسود ضيق وبلوزه نبيتي بكوم ورفعت ايسيل شعرها بعشوائيه ونزلت مع كارمن
في الاسفل
كانت زينب تضع الفطار علي المنضده فجأتها كارمن وهي تحضنها
زينب بخضه : عمرك ما هتعقلي
كارمن : وانتي عمرك ما هتبطلي تتخضي
ابتسمت ايسيل وتذكرت عشق وغنائهم وضحكهم وجلسوا ثلاثتهم علي الفطار
زينب : كلي يا حبيبتي اكيد مامتك هتزعل لو عرفت انك مبتكليش حلو
ايسيل بابتسامه : حاضر يا طنط
كارمن : فين الدكتور الفاشل يا زوزو اكيد صايع لما الصبح مع اصحابه وهتلقيه جاي وش الفجر سكران اه يا خساره تربيته فيه وشقي عمري
زينب : ههههه حاسبي ليسمعك
كارمن : ولا يقدر يعمل حاجه دانا كار.....
اكرم من ورأها : لا يقدر يا كركر
كارمن : ايه ده انت هنا دانا لسه كنت بدعيلك
ضحك اكرم بكل صوته ولفت انتباهه ايسيل وايضا لفت انتباهها
اكرم : ايسيل
ايسيل : دكتور اكرم
كارمن : انتوا تعرفوا بعض.....دا اكرم ابن عمي ودي ايسيل صاحبتي
اكرم : ازاي صحبتك وايسيل اصغر
كارمن : ايسيل كانت مريضه عندي وبعدين اتصحبنا وهتقعد معايا كم يوم
فرح اكرم بشده وحاول اخفاء فرحه وجلس ليأكل معهم ولم يخلوا الجو من مزاح اكرم وكارمن
**************
استيقظت ماسه وتذكرت ما حدث فنزلت مسرعه علي امل وجوده في الاسفل وجدت الكل يجلس على الفطار
ماسه : بيبرس فين
عدي : محدش شافه من امبارح
ماسه : بتهزروا مش كده
ادهم : ماسه
مسكت الفون وحاول الاتصال به ولكنه مازال مغلق فبكت وجلست علي ركبتيها
ماسه ببكاء : بالله عليك رد عليا انا مسمحاك بس ارجع يا بيبرس
وقف الكل حولها باستغراب
ليث وهو يحتضنها : مالك يا ماسه
ماسه : عايزه بيبرس يا ليث
ليث بعصبيه : فين بيبرس
لارا بدموع تنزل علي ابنتها : مش موجود من امبارح
ماسه بصراخ : قوليله يجي انا بحاجته سابني ليه طلقني ليه قوليله اني مسمحاه يا ماما
مالك وهو يقترب منها : اهدي يا ماسه
ماسه بصراخ : محدش يقول اهدي انا بموت اااااه سيبوني بيبرررررس وبكت بصوت عالي جدا واغمي عليها
**************
حينما دخلت الشمس غرفته وقف واخذ شاور توضأ لبس ملابس عمله وادي فرضه اخذ مسدسه ووضعه في بنطلونه ونزل اعتقادا انها مع الكل ونامت مع شغف وجد الكل يجلس على الفطار ماعدا هي
فهد : صباح الخير
الكل : صباح النور
عشق : اقعد افطر
فهد : لا اتأخرت علي الشغل وتركهم وذهب وهو يود ان يسأل عليها ولكن كبريائه منعه
جاء فون لرعد فوقف وذهب بعيدا وتكلم
رعد : جبت المعلومات
الرجل : ايوه يا رعد بيه واخبره كل ما يخص كارمن وعيلتها
رعد : بس تفضلوا متابعين تحركات ايسيل ولو احتاجت مساعده تتدخلوا
الرجل : حاضر يا بيه
قفل رعد السكه وذهب الي عمله بعد توديع الكل هو وابنائه
******************
خرجت الطبيبه من عندها وكان الكل ينظر لها بلهفه يستمع لما تقول
الدكتوره : مدام ماسه بتتعرض لضغط نفسي ودا غلط عشانها وعشان الجنين
ادهم : جنين ايه
الدكتورة : مدام ماسه حامل في الاسبوع الثامن وبعد اللي اتعرضت ليه امبارح حاولت اقول لبيبرس بيه بس الوقت مكنش مناسب وامبارح انا اديتها حقنة مسبت لانه مهدد بالنزول
عدي : ايه اللي حصل امبارح
الدكتوره بكذب : احم المدام اغمي عليها والدوا اللي عطيته لمدام لارا امبارح تخده بانتظام والافضل تروح لدكتور نفسي
ليث : حاضر شكرا يا دكتوره يحيي ممكن توصلها
يحيي : اكيد اتفضلي
دخل الكل لها وجدوها تنام في ثبات فقترب اخوها وقبل جبينها
ليث بحزن : مالك يا ماستي فوقي يا حبيبتي
جودي : يلا نسبها ترتاح
لارا : انا هقعد جنبها
خرج الكل وتركوا لارا معها وظل عدي يرن علي بيبرس ولكن فونه مغلق
عدي : الحيوان ده فين وسايب مراته ليه
ادهم : معدتش مراته يا عدي ماسه قالت طلقها
مالك : انا معدتش فاهم حاجة
جاسر : يعقوب شوف بيبرس فين وهاته هو اللي هيفهمنا ايه اللي حصل
يعقوب : حاضر يا بابا
*****************
اخذت كارمن ايسيل للمستشفى التي تعمل بها وكانت ايسيل كالاموات تتحرك حتي لم تنتبه لاسم المستشفى
كارمن : اقعدي هنا هنادي لمدير المستشفى نفسه يطمن عليكي بنفسه هو اصلا اللي عملك العمليه
ابتسمت ايسيل وجلست بهدوء
ذهبت كارمن له
كارمن : دكتور احمد
احمد : نعم يا كارمن
كارمن : ممكن حضرتك تيجي تتطمن علي مريضه هي كانت عامله حادثه وحابه اطمن عليها وحضرتك كنت عاملها العمليه
احمد : انا كنت مروح عشان كنت مطبق هي تخصك
كارمن : اي
احمد : خلاص اتفضلي
وذهبوا اليها
احمد : ايسيل
ايسيل : احمد
كارمن : انتم تعرفوا بعض
ايسيل : اي
كارمن : صحيح حضرتك كنت عملها العمليه
احمد : حركي دراعك كده.....ايسيل دراعك تثبتيه ومعتيش تحركيه واسبوع كده ونشتال الجبس
اومأت برأسها
احمد : فهد مجاش معاكي ليه
ايسيل : هو ميعرفش ولو سمحت متقولوش
احمد : ايسيل في حاجة
ايسيل : لا بس دا طلب
احمد : ماشي......تيجي اوصلك
ايسيل : شكرا مفيش داعي
احمد : امال هتروحي ازاي انتي جايه مع السواق
ايسيل : لا
احمد : ايسيل في ايه انتي جايه من غير فهد ولا حتي سواق وطنط والبنات فين
كارمن : دكتور هي تعبانه
ايسيل : احمد انا وفهد هنتطلق وانا مش راجعه البيت ولا ساكنه هناك تمام
احمد : ايه بتقولي ايه انتي بتهزري فهد بيحبك
ايسيل بدموع تنزل دون اراده : مش كل اللي بنشوفه حقيقه احمد لو سمحت مش عايزه حد يعرف اني جيت هنا
احمد : يا ايسيل
ايسيل : ارجوك
اومأ برأسه بتفهم
ايسيل : احمد عايزه رقم غيث
احمد : مش معايا
ايسيل : ممكن تجيبه من اي حد
احمد : استني
رن احمد علي رعد
احمد : ازيك يا انكل
رعد : اهلا يا احمد اخبارك
احمد : تمام وحضرتك
رعد : تمام
احمد : انكل ممكن رقم غيث لان كان قال انه هيصدرلي اجهزه للمستشفي
رعد بهدوء : اعطي الفون لايسيل يا احمد
احمد : انكل بس ايسيل مش
رعد : مش بتعرف تكذب اديلها الفون
احمد : رعد الشافعي وذكائه امسكي كلميه
رعد : ايسيل يا حبيبتي انا هفضل باباكي لحد اخر يوم في عمري واما تعوزي حاجه اطلبيها مني عارف انك زعلانه من فهد حقك عليا انا جنبك علي طول ووقت اما تحتاجيني هتلقيني
كانت ايسيل تستمع له وتبكي وكارمن نزلت دموعها عليها اما أحمد فنظر لها بحزن
ايسيل ببكاء : بابا انا بحاجتك
***********************
كده الفصل التمنتاشر خلص
بقلمي / سماء أحمد
************
غرام الفهد
الفصل التاسع عشر
كان رعد في سيارته متجه للمستشفي ووصل وسأل علي الغرفه التي بها فاخبروه بغرفة كارمن فذهب اليها
رعد : انا اهو يا ايسيل
جرت وحضنته وبكت
ايسيل ببكاء : يا بابا بتعذب اوي
رعد : اللي عايزاه هعمله ليكي
ايسيل : ابعدني عنه طلقني منه يا بابا
رعد بحنان : حاضر
جعلها رعد تجلس وتهدأ وطمأنه احمد عليها وذهب بعدما طلبوا منه عدم اخبار احد
رعد : انتي كارمن
كارمن : اي انا
رعد : خلي بالك منها ايسيل امانه في رقبتك وهعوضك
كارمن : لا يا انكل تعويض ايه هي ذي اختي
رعد : حبيبتي هبعتلك الكتب عشان امتحانتك هتبدأ كمان اسبوع
ايسيل : حاضر
رعد : احم لسه مصره علي الطلاق
ايسيل بدموع تنزل : اي ومتقلقش فهد هيوافق بسرعه
رعد : مش هسأل ايه اللي حصل عشان دي حاجة تخصك بس ليه تسيبي البيت بليل افرضي كارمن كانت خبطتك او اتخطفتي
ايسيل : حسيت نفسي مخنوقه ومكنتش اقدر اقعد معاه في مكان واحد
رعد : طيب وانا وعشق هنزورك قريب وهو مش هيقرب اوع.....
ايسيل : هههه مين قالك انه هيقرب هو هيبعد عن واحده مفروضه عليه
رعد : ايس...
ايسيل : بابا ارجوك مش عايزه اتكلم عليه تاني
رعد : حاضر انا همشي الوقتي وهبقي اكلمك خدي الفون ده غير بتاعك وفيه شريحه جديده ودي بطاقة ائتمان روحي اشتري هدوم جديده وكل اللي يلزمك تمام ودا مفتاح شقتك انتي وسحاب لو حابه تسكني فيها تمام
اومأت برأسها فقبل جبينها وذهب فجلست كارمن بجانبها
كارمن : لولا اني اعرف رعد الشافعي ومعندوش غير بنت واحده وفي المدرسه كنت قولت انك بنته وكمان فهد ابنه كان قاعد معاكي وكان هيموت عليكي كأنك روحه دي اكتر من حب اخ لاخت ده معناه انك مراته
ايسيل بصوت مخنوق : اي انا مرات فهد
كارمن : اوعي تقولي ابو عيون سودا دا شيطان ملامحه قاسيه اوي علي الرغم انه وسيم اوي بس لايقين علي بعض
ضحكت ايسيل وظهرت غمزاتها
كارمن : يخربيت الغمازات
ايسيل : اتفضلي
كارمن : لو ينفع مكنتش هسبهم
ايسيل : موركيش شغل
كارمن : لا انا فضيالك احكيلي
ايسيل بتنهيد : كان قاعد في عربيته ملامحه قاسيه عينه السودا بتنطق بالشر فجات بنت خرسا عملت اموشن خلت سنانه يبانوا واختفت هي راحت لاختها المتوحده وقصت لها كل شئ بالتفصيل حتي انتهت
كارمن : استحملتي كل ده
ايسيل بتنهيد : انا جعانه
ضحكت كارمن واخذتها ليأكلوا وذهبوا للمول لتشتري ملابس ثم للمنزل وكان رعد ارسل لها الكتب وبدأت تدرس
*****************
كان الكل يجلس سويا ويظهر عليهم القلق بعدما عادوا من عملهم وجاء فهد وجلس بجانب اخاه
فهد : مالكم كده
عشق بخبث : فهد ايسيل فين انا رنيت علي سحاب مش عندها ورعد رن علي غيث كلمه عادي وسأله عليها وبعتنا حارس يشوفها في بيتها ملقنهاش
وقف فهد بخوف
فهد : يعني ايه مش لقينها
رعد : يعني احنا فكرناها هتروح بيتها القديم او لاخوها لكنه مختفيه وانا عينت حراسه ترقبها وقالوا انها تاهت منهم لانها كانت بتجري وتعيط
فهد بصوت عالي : داده يا داده
الداده : نعم يا فهد بيه
فهد بعصبية : قولي لرئيس الحرس يجمعهم
الداده بخوف : حاضر
رعد ببرود : هتعمل ايه هتضربهم عشان ضيعوها ولا خلوها تتطلع بليل وهي بتعيط وتجري ويا عالم يمكن اتخطفت او عربيه خبطتها او ناس حاولوا يتهجموا عليها
فهد بنفاذ صبر : ايسيل فين يا بابا
رعد ببرود : مش عارف وحتي لو عارف مش هقول ليك يا فهد انت عملت فيها ايه
جلس فهد امام والده علي ركبتيه فانسحب كل واحد ومعه زوجته حتي شغف ولم يبقي سوا عشق ورعد وفهد
فهد بحزن : بحبها بس بعذبها كل مره هي اللي بتتأذي هبعد عنها هي تستاهل حد احسن مني
رعد : وياتري هتقدر تشوفها مع حد غيرك مين قالك انها كده هتبقي كويسه اما تبعد لا يا فهد هي بتتعذب بالبطئ انت غلطت المفروض تعوضها مش تبعدها
عشق : البعد مش الحل يا بني انا اما جرحت باباك مبعدش عني حتي لو عرف اني مش بحبه بس عارف انه قوتي هو زي النفس اللي بتنفسه
فهد : هي فين
رعد بكذب : معرفش الحراس قاله ان في واحده كانت هتخبطها بالعربيه وبعدين خدتها ومشت وملحقهاش
وقف فهد : لازم القيها هعوضها واللهي يا بابا ومش هبعد عنها
رعد : دور عليها بقي
جاءت الداده : الحراس كلهم اتجمعوا في اوضه المراقبه
فهد : تمام جاي
وذهب اليهم امرهم بان يبحثوا عنها وهو سيأتي بالمزيد ولكن رعد كان له رأي اخر وهو انه لا يجب ان يراها حتي يعرف قيمتها
************
في صباح يوم جديد استيقظت ماسه وجدت امها بجانبها وتذكرت انها لا تعرف مكانه
ماسه : بيبرس وبدأت دموعها بالنزول
في ذلك الوقت دخل اخاها ليطمن عليها وجدها هكذا
ليث : مالك يا ماستي
ماسه ببكاء : ليث عايزه بيبرس هو فين
ليث : اهدي يا قلبي هيجي
ماسه : بجد
ليث : اي يا حبيبتي
استيقظت لارا وسمعتهم وبكت بصمت وجاء الكل ليطمن عليها
احمد : ايه ماسه كده تقلقينا عليكي
ماسه : اسفه
جودي : خدي بالك من نفسك ع الاقل عشان الجنين
ماسه : جنين ايه
ادهم وهو يحتضنها : طفلتي هتبقي احلي ماما
ضحكت ماسه ودمعت
عدي : مش عايز اشوف دموع
ماسه : حاضر يا تري بيبرس هيفرح لما يعرف
يعقوب : اكيد يا حلوه انتي
احمد : ماسه تعالي النهارده المستشفى معايا نطمن علي الجنين وهعرفك علي حد
ماسه : حاضر
خرج الكل وتركها فأخذت شاور وارتدت ملابسها وخرجت للكل وذهبت مع احمد للمستشفي واطمنت علي جنينها ثم اخذها احمد مكان اخر
ماسه : احمد ايه ده
احمد : دي عياده ذميله ليا هي دكتوره نفسيه و..
ماسه : انا مش مجنونه
احمد : مش قصدي يا ماسه بس انا عارفك مش بتحكي لحد حاجه ودا يعذبك جربي بس تتكلمي معاها
ماسه : بس يا احمد انا مش عايزه احكي لحد حاجة تخصني
احمد : جربي ومش هتخسري
ماسه : حاضر
وذهبوا سويا لهذه الطبيبه ودخل احمد لانها رن عليها قبل ذلك فور اخبار ليث له
احمد وهو يصافحها : ازيك يا اسيل
اسيل (دكتورة بيبرس نفسها) : تمام اخبارك
احمد : تمام احب اعرفك ماسه بنت عمتي ودي اسيل صديقتي
ماسه : اتشرفنا
اسيل : الشرف ليا ع فكره انا اكبر منه اي اوعي تقولي اده
احمد : اصدك اصغر مني
اسيل : بس يا بابا
ضحك احمد بشده
احمد : اسيل انا حكتلك علي ماسه ماسه هستناكي بره تمام
اومأت ماسه وذهب احمد فجلست ماسه تسترخي
اسيل : انا هعمل نفسي مسمعتش من احمد حاجة وعايزاكي تحكيلي
ماسه : متعودتش احكي لحد
اسيل : طيب اقولك اعتبريني مش موجوده وبتحكي مع نفسك استرخي واتكلمي
ماسه : كنا صغيرين وبنتشاكل دايما علي اتفه الاسباب واما كبرنا شويه كنا في المدرسة سوا بس هو كان سبقني بمرحله كان دايما يدافع عني في كل حاجة يفهمني علي الرغم ان الفرق شهور بس كنت بحسه سنين حبيته من اول ما عرفت الحب كنت بتمني اقوله بس بخاف منه بخاف يزعقلي ونزلت دموعها بخاف منه اوي بخاف اعمل الغلط بسببه كان دايما بعدني عن اي واحد بيضرب ذميلي الصبيان لو حاولوا يكلموني متحكم
اسيل : بس هو كده بيحبك
ماسه : وانا كمان بحبه بس كان بيتعامل معايا ببرود لو حاولت اكلمه يعاملني بقسوه
اسيل : كنتي بتسمعه كلامه محاولتيش تعصيه
ماسه : مره وضربني بالقلم اما كنا صغيرين واما كبرنا نزلت دموعها بغزاره
اسيل : اهدي يا ماسه
مسحت ماسه دموعها وهدئت
ماسه : فضلت مستنياه كتير اوي يقولي بحبك حتي اني تجاوزت التمانيه وعشرين سنه ولسه متجوزتش بيجيلي عرسان كتير اوي وولاد اصحاب بابا وانا رافضه وفي يوم واحد جيه يتكلم معايا استنيت يجي يضربه بس لقيته واقف ببرود حسيت اني خلاص مش في باله وبابا نادي عليا وقالي ان جايلي عريس بصيت عليه لقيته نفس البرود متغيرش فوافقت وابتسمت بعدين لقيه شدني وقالي اني ملكه طلع بيحبني كنت فرحانه اوي واما اتقدملي كانوا احلي فترة خطوبه في حياتي وسكتت
اسيل : كفايه عليكي كده النهارده
ماسه : هاجي امته
اسيل بابتسامه : وقت اما تعوزي تحكي
ماسه : تمام انا اول مره احكي لحد حاجه
اسيل : ومش اخر مره ان شاء الله
ماسه : عن اذنك
اسيل : اتفضلي
وذهبت ماسه واوصلها احمد للقصر وذهب هو
************
مر اسبوع وبدأت امتحانات ايسيل واليوم اول يوم لامتحانات ايسيل
ماسه ذهبت لاسيل مره واحده فقط
ايسيل تحدثت مع عشق ورعد وسحاب وغيث فقط
***********
في قصر الشافعي
فهد يتحدث في الفون : يعني ايه مش لقينها..... دوروا في القاهرة كلها عايزها في اقرب وقت..... غيث وسحاب يتراقبوا...... وقفل السكه
في الاسفل
عشق الصغيره بحزن : النهارده اول يوم وايسيل مش باينه
نور : انا خايفه متجيش
رعد الكبير : فهد نازل كله يسكت
نزل فهد وجلس بعصبيه ولم يأكل فستأذن ومشي
عشق الكبيرة : رعد
رعد : معلش يشرب
عدي : انا مش فاهم حاجة
شغف : بس انا فاهمه....ايسيل فين يا بابا
رعد : في القاهرة
رعد الصغير : قول والله ما احنا عارفين انها في القاهره لان فهد مراقب مخارج القاهره كلها ودور وملقهاش
رزان : حرام يا بابا دا مش بياكل خالص ودايما عصبي
اسد ببرود : لا يستاهل عشان يبقي يحافظ عليها
نور : قلبك قاسي يا اسد اوي
اسد : ههههه عارف يلا ع الكليه
عشق : هيه يلا دا معناه هشوف ايسيل يس
رعد الصغير : مش عايز تربيني انا كمان وتبعد عني المجنونه دي
رعد : واللهي ما مجنون الا انت
نظرت له عشق بحزن وذهبت مع نور واسد ولم تتكلم طول الطريق
شغف : واللهي غبي ع فكره انت جرحتها
رعد الصغير : انا كنت بهزر مش معقول بقت بتاخد كل حاجه جد
عشق : انت عارف كده متجرحهاش بقي
رعد الصغير : حاضر ووقف وذهب الي الكليه وراء اسد
************
استيقظت ايسيل واخذت شاور وتوضأت ولبست ملابسها وادت فريضتها وخلعت الاسدال
كانت ترتدي فستان اخضر فوقه جاكت وحذاء اسود ارضي وتركت لشعرها العنان
كارمن : ايه الجمال ده
ايسيل : شكرا يا كارو....عارفه اني تقلت عليكي اوي عشان كده انا حبيت اقولك هنقل مع اخويا
كارمن : لا مستحيل
ايسيل : انا قعدت هنا عشان مكنتش جاهزه اشوف فهد ولو صدفه خصوصا ان بابا قال انه بيدور عليا انما الوقتي بقيت احسن
كارمن : ايسيل خليكي معايا بلييز واللهي اتعودت عليكي ع الاقل اما الامتحانات تخلص
ايسيل : لا كده هأفور اوي كفايه ك....
كارمن : ارجوكي بليييز ايسيل لو سمحتي
ايسيل : هههههه مجنونه
كارمن وهي تصفق : وافقتي صح اهو هيه
ايسيل : ههههههه مش قادره ههههههه
ونزلوا سويا فطروا
اكرم : ايسيل اوصلك للجامعه معايا
كارمن : لا انا هوصلها يا اكرم
اكرم : انا كده كده......
كارمن : خلاص بقي انا نفسي اصلا اشوف مكان شغلك
اكرم : تمام يا مجنونه يلا قدامي
كارمن : اشطات كتير
وذهبت كارمن وايسيل في سيارة كارمن امام سيارة اكرم ووصلوا
كارمن : انزلي هنا هركن واجيلك
ايسيل : تمام
نزلت ايسيل ونظرت للوراء وجدت سيارة أسد وعشق ونور ينزلوا بسرعه وجروا عليها وحضنوها مجرد رؤيه كارمن نزلت وكذلك اسد واكرم
عشق : وحشتيني يا بارده
ايسيل بدموع وابتسامه : وانتي اكتر يا مجنونتي
نور : كده يا ايسو تسبينا قلقنين عليكي
اسد : انتي يا بت هحبسك شهر كامل علي اللي عملتيه
ايسيل : واللهي برئ يا بيه
اسد : عامله ايه يا ايسيل
ايسيل : كويسه....انت عامل ايه وصحيح المزعج عامل ايه
كان رعد متجها للكليه فوجدهم يتحدثوا مع احد فنزل ورأه فذهب ومسكها من جاكتها بطريقه مضحكه
رعد : عامل عمايل يا جزمه يا خسارة تربيتي فيكي
ايسيل : سيب الشاكت
ضحك الكل عليهم
رعد : وحشتني يا غلسه
ايسيل : مش هرد الا اما تسيب الجاكت
تركها رعد : كنتي فين
ايسيل : في الهدوم
رعد : يلا يا بارده تلج يا ولاد
ايسيل : ميرسي ارعود....اعرفكم كارمن منقذتي صديقتي اختي اي حاجة...ودول اسد الشافعي وزوجته نور ورعد الشافعي وزوجته عشق
كارمن : هما اتنين رعد وعشق
ايسيل : اجل
اكرم لنفسه : اسد ورعد اي ولاد رجل الأعمال المشهور طيب ايسيل تقربلهم ايه هو عنده بنت واحده بس التانيه في المجله مكنتش شبه ايسيل انا كده دماغي وجعتي
ايسيل : ودا دكتور اكرم ابن عم كارمن
رعد : اتعرفنا قبل كده
اسد : اهلا وسهلا
اكرم : اهلا بيك
ايسيل : رعد انت جيت وراهم ليه هو اسد عينك حارس ولا ايه.....لا بجد يا اسد يا زين ما اخترت
أسد : ههههه ضحكتني
كارمن بهمس سمعته نور : ايه ده هو اسد الشافعي بيضحك زي البشر دا مفيش ولا صوره ضحك فيها لا هو ولا اخوه ابو عيون سود
ضحكت نور بشده
نور بهمس : ابو عيون سود بيضحك بس للملاك دي واشارت علي ايسيل
كارمن : انتي سمعتي
نور : هههههه اي
رعد : لا ياستي زعلت عشقي ع الصبح وجاي اصالحها
عشق : احم يلا اتأخرنا اوي ووقفتنا مش لطيفه
رعد : عشق
عشق : انا ماشيه وذهبت وتركتهم
ايسيل : افورت المره دي
رعد : الظاهر انا ماشي
ايسيل : رعد خليني اشوفك وبلاش حد يعرف انك قابلتني ومتزعلش عشقك
رعد : الحد ده بيعشقك وهيلقيكي
ايسيل : مش كل اللي بنشوفه صح
رعد : معاكي حق بس الكلام ليكي سلام
ايسيل : سلام
نور : ايسيل فهد.....
ايسيل : نور مش عايزه اسمع حاجة عنه تمام
أسد : معاكي حق انا رايح الشغل سلام يا اميراتي
نور وايسيل : سلام يا اسدنا ونظروا لبعض وضحكوا
كارمن : نور دا جوزك طلع بيضحك زينا وانتي يا ايسيل جو.....
ايسيل : واللهي عنده احلي ضحكه بس مش بتظهر كتير
كارمن : اكرم فين مكتبك اكرم
كان اكرم فقط يفكر في علاقة ايسيل بعائله الشافعي وفاق علي صوت كارمن
اكرم : هاااه
كارمن : مكتبك
اكرم : تعالي يلا
وذهبوا سويا وذهبت نور وايسيل للامتحان
************
في مكتب اكرم
كارمن : مالك يا اكرم
اكرم : احم مفيش
كارمن : لا في يا اكرم
اكرم : ايه علاقه ايسيل بعيله الشافعي
كارمن : بتسأل ليه
اكرم : كارمن ردي وبس
كارمن : انت حبيتها يا اكرم
اكرم : انا مش...... عارف
كارمن بقلب مكسور : رد وحسب الرد جوابي
اكرم : مش فاهم بس اي حبيتها
كارمن : ايسيل تبقي مرات فهد الشافعي وهيطلقوا
اكرم بصدمه وحزن : متجوزه بس مفيش دبله في ايديها
كارمن : في خاتم يا اكرم ولو بتحبها هما هيطلقوا قريب
اكرم : بجد
كارمن : اي
اكرم : كارمن قوليلي اما يطلقوا عشان هتقدملها
كارمن : حاضر
اكرم وهو يضمها : شكرا يا احلي دكتوره في العالم هروح انا بقي
كارمن : حاضر
وذهب وتركها بينما هي جلست علي الكرسي ونزلت دموعها بغزاره وظلت تشهق وتبكي
**********
كده الفصل التسعتاشر خلص
بقلمي / سماء أحمد
*************
تكملة الروايه من هنااااااا
تعليقات
إرسال تعليق