غرام الفهد
الفصل الثاني وعشرون
ذهب الكل ليطمنوا علي ايسيل ماعدا رعد الكبير وحتي سحاب وجاسمين فخبطوا ودخلوا وجدوا فهد يطعمها
ايسيل : بالله عليك كفايه واللهي شبعت
فهد بعند : لا وهتخلصي كل الاكل
ايسيل وهي تصفق كالأطفال : هيه العيله كلها جات
فهد بهمس : مجنونه
ايسيل : سمعتك وربنا يسامحك واخرجت لسانها
رعد الصغير : حمدلله على سلامتك يا ايسو
ايسيل : الله يسلمك يا غلس باشا
اسد : اذيك يا مجنونه
ايسيل : كويسه يا عاقل
عدي : الف سلامه عليكي انشالله رعد اخويا وانتي لا
ايسيل : ههههه الله يسلمك
رعد : بااااردين
رزان : حمدلله ع سلامتك
ايسيل : روزه هههههه......بابا فين
عشق بحزن : احم وراه اجتماع بس هيجي
ايسيل : ماما هو زعلان مننا
اومأت برأسها بهدوء فحزنت ايسيل ولكنه وجدته يخبط ويدخل
رعد مقبلا جبينها : الف سلامه عليكي يا ايسيل
ايسيل بفرحه : الله يسلمك يا بابا
رعد : لو عوزتي حاجه رني عليا.....همشي وهبقي اجيلك بعدين
اومأت برأسها وابتسمت
فهد بحزن : بابا
مشي رعد دون سماع كلامه
عشق : هو انت واخوك خاليتو فيها بابا
اسد : خلاص يا ماما احنا عرفنا غلطنا وهنعتذر منه الدور والباقي عليكي انتي يا عشقي
عشق : مين قالكم اني سمحتكم عشان اخلي رعد يسامحكم انتم غلطوا وانا مش هقنعه ولا هسامحكم
ايسيل : خلاص انا هقنع بابا
فهد : واللهي بحبك
خجلت ايسيل بشده وسكتت
شغف : نحن هنا يا انكل
فهد : اسكتي يا بت
عشق : يلا ايسيل تعبانه ومينفعش نفضل كلنا
جاء احمد ليطمن عليها
احمد : حمد لله علي سلامتك يا ايسيل
ايسيل : الله يسلمك يا احمد
احمد : بصي انا كتبتلك علي علاج وتقدري تخرجي النهارده
ايسيل : بجد
احمد : اي
فهد : طيب هناخدها الوقتي
احمد : تمام.....واي عشق ونور بيبرس رجع
عشق ونور : بجد
احمد : ههههه اي وخالتو عازمه الكل ع العشا هي كانت هترن بس اما عرفت ان ايسيل هنا قالتلي اقولكم وجاسمين انتي اكيد هتيجي وضروري يعني
جاسمين : ما بيصير هي جامعه عائليه
احمد بضحكه : مانتي من العيله شكلك نسيتي
ايسيل بغمزه : بس انا فاكره
جاسمين بهمس : هي راح تفضحني
عشق : مش فاهمة
ايسيل : هفهمك يا ماما بس بلاش علني
احمد : هههههه هستأذن انا ومش تتأخروا بليل
وذهب احمد وبالفعل خرجت ايسيل واخذها فهد للقصر مباشر واصرت علي ذهاب جاسمين معها بينما عادت سحاب للقصر وكان الكل يستقبلهم ماعد رعد الكبير
******************
في قصر المهدي
جودي : لارا انا هرن علي عشق وعدي قال هيقول لرعد
لارا : ماشي وبالمره نعزم حور خطيبه احمد وجاسمين بنت جو
جودي : ماشي هرن علي عشق وانتي رني علي حور وجاسمين
ورنت جودي علي عشق
جودي : الو
عشق : واللهي كويس انك فاكره ان ليكي اخت تسألني عليها ولا عشان انتي وچيلاتي سوا نستوني
جودي : هههههه فكرتيني بجو
وهنا نزلت دموعهم الاثنين
عشق : الله يرحمه
جودي : امين ومسحت دموعها واكملت احنا عزمينكم كلكم ع العشا عشان بيبرس رجع
عشق : احمد قالي
جودي : منا عارفه وكنت بأكد عليكي
عشق : اوكي
جودي : متتأخريش فهمتي
عشق : حاضر يا ماما جودي
جودي : شطوره يا حبيبة ماما
ضحكت عشق وقفلت معها وجلست تتذكر سيلا وكرم وزينه ويوسف ودموعها تنزل
فلااااش بااااك
في احدي زيارات يوسف لعشق كانت حزينه
يوسف : زعلانه ليه يا عشق
عشق بحزن : عمار يا جو مش راضي يرجع من امريكا هو وهمس
يوسف : متسبيه براحته
عشق : هو سندنا يا جو بعد بابا الله يرحمه
يوسف بحزن : وانا اثرت معاكي يا عشق
عشق : ربنا ما يحرمني منك يا جو مش قصدي بس هو ليه مش بيفهم اننا بحاجته اكتر من الفلوس
يوسف : سبيه براحته يا عشق وانا جنبك
عشق : انت يا جو فعلا اخويا اللي ماما ماجبتهوش انت اول واحد بفكر فيه اول ما اقع في مصيبه
يوسف بغمزه : طب ورعد
عشق : دا اللي في القلب يا بني
يوسف : هههههه الحب ولع في الدره
عشق : بارد ههههه
يوسف : ربنا يديم ضحكتك يا عشق واللهي العظيم انتي عندي اغلي من اخواتي اللي من ام واب
عشق : جو بالله عليك متعملش زي عمار وتسيبني
يوسف : هسيبك واروح فين يا هبله انا هفضل لحد اما شعرك الجميل ده يبقي رمادي وتقلبظي
ضحكت عشق بشده وهو ايضا
بااااك
عشق ببكاء : بس انت مفضلتش يا جو
وجدت فونها يرن برقم اخاها عمار فنظرت له بحزن وردت
عمار : عشقي
عشق : واللهي كويس انك فاكرني
عمار : ليه بتقولي كده يا عشق
عشق : كده وخلاص في حاجه
عمار : مالك يا حبيبتي
عشق : مليش يا عمار متضايقه وخلاص
عمار : قوليلي يا حبيبتي فيكي ايه
عشق : قولت مفيش
عمار : عشق احكيلي يا حبيبتي
عشق بصراخ : احكيلك ايه ولا ايه اقولك اني بعد بابا حاسه ان مليش حد بس جو عوضني عنك واما هو كمان مات معتش ليا حد اقولك اني بحاجتك ونفسي احضنك واعيط بس مش بلقيك اقولك اني بقعد ابص علي البوابه في كل مناسبه علي امل انك تيجي بس لا مش بتيجي اقولك اني نفسي اشوفك واحضنك واحس ببابا بس مش بلقيك اقولك اني مخنوقه ونفسي ع الاقل جو يبقي جنبي اقولك ايه رد قالت اخر كلامها بصراخ اشد ورمت فونها في الحائط وجلست تبكي كان قد جاء الكل علي صراخها ورعد الذي دخل ودب الخوف في قلبه عليها وهي تبكي فجروا ناحيتها
عدي بقلق : ماما بتعيطي ليه
كانت فقط تبكي فشدها رعد لحضنه وهي مسكت في ثيابه وبكت اكثر
رعد : هشش اهدي يا عشقي
وهدأ بعد وقت فبعدها ومسح دموعها وقبل جبينها
رعد : مالك يا عشقي
عشق بحزن ودموعها تتجدد : مفيش بس اتشاكلت مع عمار
رعد : تاني يا عشق مش قولنا نسيبه براحته
عشق : معاك حق انا معتش هقوله ارجع انا اتخنقت فكرته هيبقي سندي بعد بابا بس ملقتوش وجو عوضني بس جو كمان سابني وهو مرجعش
رعد : وانا والاربع حيطان ع رأي شغف مش معوضينك
عشق : انا عايشه عشانكم اصلا ربنا يخليكم ليا
ايسيل بمرح : ياااه ع الرومانسية انا هقر مش هحسد تمام
عشق : هههههه
رعد الصغير : رجعنا لايسو وجزر وازعاج
ايسيل : مشطشط ليه يا رعد بيه
رعد : انا يا فشاره بتفشري فشار اهو
ايسيل : باااارد
رعد : مش ابرد منك....كان الكل يضحك ماعدا رزان التي تبكي وتضحك......روزه مالك
رزان : بعيط عشان ماما وبضحك عشانكم
ايسيل : قولي واللهي
رعد : لا يا ايسو متستغربيش دي ماشيه مع اللي ماشي وقاعده مع اللي قاعد
ضحك الكل بشده
رزان : باااارد
رعد : نيهههه
ايسيل : دي ضحكه
رعد : اي دي ضحكه شريره
ايسيل وهي ترميه بمخده من علي الاريكه : شريره ماشي ووقفت فجري وجرت وراه والكل يضحك بشده حتي ادمعت اعينهم وكانت جاسمين تنظر لهم وتتمني ان تكون جزء من مثل هذه العائله وفجأه وقفت ايسيل وشعرت بدوار فجري فهد ومسكها
فهد : انتي لسه تعبانه يا قلبي
ايسيل : انا احسن ثم اكملت بهمس تعالي نصالح بابا هو قاعد الوقتي بعد كده مش هنعرف
فهد بهمس : يلا
ذهب فهد وايسيل وجلسوا علي ركبتهم امام رعد الذي بعد وجهه عن فهد وبعدت عشق عن حضنه
ايسيل : ليه بس بتبعد وشك عنه واكملت بهمس له سمعته عشق وفهد دا حتي مز بعيونه السود
ضحكت عشق وابتسم رعد بينما فهد تصرف كأنه لم يسمع
فهد ولم يخجل من احد : بابا انا اسف واللهي غصب عني انا مش عارف بس مجرد التفكير ان ايسيل مش جنبي بيموتني انا بعشقها يا بابا مش عارف بتصرف بطيش ليه بس هو كده من غيرها
كانت وجنتي ايسيل تشتعل خجلا وانزلت اعينها لاسفل بينما الكل يفكر كيف لهذا الفهد القاسي يعترف بحبه ويعلن استسلامه
رعد : بشرط
فهد : ايه هو
رعد : اوعي تزعل ايسيل
فهد : اكيد
جاء اسد وركع بجانب ايسيل امام رعد وعشق
اسد : انا كمان اسف يا بابا
ايسيل : الله فهد واسد بيعتذروا دانا هسجلها في التاريخ
رعد : واللهي مجنونه
ايسيل : ميرسي يا دادي كده هتغرغر في نفسي
رعد : هههههه مجنونه
ايسيل : كده كتير اوي عليا
فهد واسد : بابا سامحتنا
ايسيل : بابا قولهم لا
نظروا لها فنظرت لهم وجدت عيني اسد سارت ازرق غامق وفهد سوداء كاليل
ايسيل : يا ماما سامحهم خلاص وبعدت عنهم فضحكوا عليها
جاسمين : مجنونه
ايسيل : هو كل اللي يكلمني يقول مجنونه انا بدأت اشك في نفسي
رعد الصغير : تشكي مش متأكده
ايسيل : مش هرد عليك عشان انا عاقله
رعد : انتي هتقوليلي
ايسيل : شغف معتش حد بيسمع صوتك ليه
شغف : مفيش بس بفكر في الامتحانات
ايسيل : ناويه علي ايه
شغف : مش عارفة
رعد : متفكريش يا حبيبة بابا والكليه اللي عايزاه هتدخليها
شغف : مش بالطريقه دي انا عايز اعمل كيان مش عايزه حد يقول دي شغف الشافعي بنت رعد الشافعي واخت عدي وفهد واسد ورعد انا اسفه يا بابا مش بتبري واللهي بس عايزاهم يقولوا دي شغف رعد وبس
رعد : انا فخور بيكي يا حبيبة بابا
الاخوات الاربعه : واحنا كمان
ايسيل : وانا كمان يا بت بس بردك مقولتيش حلمك
شغف : نفسي اخد الدكتوراه في الاقتصاد الامريكي
نظروا لها بزهول
عشق : بتهزري صح
شغف : لا يا ماما عارفه هتقولي دا مش شغلي بس لا انا عايزه كده وهثبت نفسي بكده
رعد : عشقي سبيها براحتها هي شايفه مصلحتها بكده
عشق : انتي حره يعني اول مره تاخدي قرار من دماغك
شغف : يا ماما
عشق : يلا كل واحد يجهز نفسه عشان هنروح بيت عدي
فهد : ماما اهدي ع فكره الكليه مش وحشه وعندك صقر مثلا خدها والوقتي هو من سني وماسك شركات عمار وشركات خاصه بيه
شغف : اهو صقر ده سمعت انه سافل بس في حياتة العمليه هاخده قدوتي
رعد الصغير : دا مش سافل دا صايع وبتاع نسوان
رعد الكبير بحدة : بس بقا غلط تستغيبوه
فهد : يعني هو قال حاجة غلط ما صقر فعلا كده هو اي اقرب واحد ليا بس بتاع نسوان ومقضيها
ضحك الكل
رعد : طيب يلا روحوا غيروا هدومكم عشان نمشي
الكل : حاضر
وذهب كل منهما ليجهزوا للذهاب الي قصر المهدي
*******************
في احدي احدي المنازل التي يظهر علي اهله الثراء في امريكا كان يجلس يأكل هو وزوجته واثنين من ابنائه احدهم في العشرين من عمره والاخر في الثامن عشر وكان دائما يسعي ليجعل اولاده يتحدثوا عربي ويزيد الزيارات وهم اطفال لذلك حتي نجح
همس : مالك يا عمار
عمار بتنهيد : عشق زعلانه اوي مني يا همس
ريان الاصغر : عمتي ليه يا بابا
قص عمار ما حدث
رماح الاكبر : معاها حق يا بابا حضرتك بقالك اكتر من خمس سنين منزلتش اجازه
عمار : الشغل يا رماح
ريان : يا بابا الشغل مش هيحصله حاجه لو سبته اسبوع وبعدين ممكن تعتمد علي لويس هو مدير اعمالك وشاطر اوي
عمار : همس
همس : انا شايفه الولاد معاهم حق وبعدين عدي وبيبرس واسد ويعقوب وفهد ورعد اتجوزوا ومحدش فينا راح
عمار : يعني ننزل مصر
الكل : اي
عمار : خلاص هرن علي اخوكم اقوله
رماح بهمس سمعه ريان : الشيطان دي ينزل مصر يا خوفي ع المصريين دا ناس طيبين
ريان بنفس الهمس : اي واللهي انا شاكك اصلا ان ده بشر زينا
فضحكوا الاخوين وكان عمار انتهي من حديثه مع ابنه
همس : قالك ايه
عمار : انا متأكد ان الولد ده دعوة حد عليا
همس : هههههه ليه يعني دا حبيب ماما
عمار : رماح ريان عدو معايا صفات حبيب ماما
الاثنين بضحك : حاضر
عمار : شيطان بيخوف الكبير قبل الصغير وبتاع نسوان وكل يوم سهران يشرب وكل يوم والتاني منزل اسهم شركه في الارض ومدمر عيل
رماح بهمس : بابا ميعرفش انه بيقتل كمان
ريان : اسكت الله يخربيتك مش ناقصة
همس : معلش يا عمار بكره يتغير المهم هننزل مصر امته
عمار : بكره بليل عشان نوصل هناك ع بالنهار انتي ناسيه الفرق ست ساعات دا غير الوقت اللي هنقعده في الطياره
همس : معاك حق يلا كل واحد يجهز شنطته
رماح وريان : تمام
******************
كده الفصل الثاني وعشرون خلص
بقلمي / سماء أحمد
غرام الفهد
الفصل الثالث وعشرون
في قصر المهدي
وصل الكل وجرت الفتيات علي اخاهم وحضنوه وبكوا فاردفت ايسيل بمزاح
ايسيل : ايه دا عشق ونور بيعيطوا ابغي ابكي لكني استحي
ضحك الكل وبعدت الفتيات
عشق : بس يا بت بيبرسي رجع دا العشق واكتر واحد حنين علينا
تذكرت ايسيل غيث وانه سافر مره اخري وكان يحثها علي الذهاب معه لكن امتحاناتها منعتها
رعد : اما هو العشق انا ايه ياختي
عشق : هاااه
ايسيل : هههههه منظرك تحفه ياعيني
فهد : اهدي يا ماما اقعدي انتي تعبانه وبطلي مشاغبه قدام الناس
ايسيل بتزمر طفولي : حاضر
عدي : سيبها يا فهد براحتها
ايسيل : قوله يا اونكل والنبي دا ارش ملحتي
فهد بزهول : ارش ايه
ضحك الكل
سحاب : يخربيت كده اسكتي يا ايسيل
ايسيل وهي تضع يداها علي فمها : سكتنا اهو
رعد الكبير : محدش ليه دعوه ب ايسو تتكلم براحتها
ماسه : لا كده هزعل يا رعود انت منحيز لغيري انا اسيبك شويه يحصل كده
ايسيل : لا ميصحش يا رعود حقك يا مسمس
ماسه : هههههه مجنونه
شغف : هههههه فهد خد ايسيل اكشف عليها اصل كل اللي يشوفها يقول مجنونه
ضحك الكل وتزمرت ايسيل بطفوليه
جودي : ربنا يخليلكم ايسيل بتسعد المكان اللي هيا فيه
عشق : فعلا ربنا يخليها لينا
كان ليث ينظر لجاسمين وهي تنظر اليه بخجل وتضع عينيها ارضا
لارا : جاسمين تعالي جنبي يا حبيبتي
ذهبت جاسمين بجانب لارا واعادت شعرها خلف اذنها ورفعت اعينها الخضراء لليث الذي غمز اليها فلاحظت لارا وابتسمت علي خجلها
لارا : انتي في كليه ايه
جاسمين : طب
لارا : ما شاء الله برافو عليكي يا جيسي
چيلان : مش طالعه فاشله زي جو
جودي : هههههه بس يا چيلاتي
چيلان : بس يا بت جو بس اللي بيقول كده
يارا : ههههه دا كان مجنون رسمي
جاسر : اي دا خلاني الف ورا نفسي عشان خاطر حضرتك
عشق : احححم بطل فضايح يا جاسر يارا متعرفش
يارا : معرفش ايه
ادهم : اي ان عشق هانم ولارا هانم وجودي البريئه اتفقوا معاه يجي يشعللها بين يارا وجاسر
نظر الكل للثلاثه بأعين متسعه
جودي ببرأه : حد يصدق ان يطلع مني كده دا لارا
لارا ببرأه : وانا سعتها مكنتش اعرف جو دا عشق
عشق : هههههه قلبتوا بطه ليه اي انا ومش ندمانه بصراحه وجو مخزلنيش اصلا هو في حياته ما خزلني هو كان دايما اخويا اللي بجد عمل اللي عمار معملوش
تجمعت الدموع في اعينها واخفضت بصرها وغفلوا جميعا عن تلك التي تمزق قلبها لذكر اباها
جاسمين : طنط وينو الحمام
لارا : داده خدي جاسمين للحمام
فذهبت مع الداده ودخلت وقفت امام المرآه تبكي وجدته فتح الباب ودخل وشدها لحضنه
جاسمين ببكاء : اكتير اشتاقتلوا ليث......ليش تركني هو وامي
ليث : هشش اهدي يا قلب ليث ربنا يرحمه
وبعد وقت هدأت جاسمين وادركت الوضع وحاولت تبعد عنه لكنه كان محاوطها
جاسمين : ابعد ليث ما بيصير
ليث : انا عجبني كده
جاسمين : راح يلحظوا غيابنا
ليث : عادي مبخفش
جاسمين : ليث بترجاك
بعد ليث قليلا ولكنه ظل محاوطها واقترب منها
جاسمين : ليث
ليث : عيون وقلب وروح ليث
جاسمين بتوهان : ابعد
ليث وانفهم يتلامس : لا
جاسمين : ما بيصي.....
قاطعها حين لامست شفتاه شفتاها وقبلها وبعد عنها
ليث : جاسمين انا بعشقك
جاسمين بخجل : وانا متلك
ليث : متلي ايه
جاسمين : بعشقك
ليث مقبلا جبينها : اطلعي وهحصلك
خرجت جاسمين بعدما غسلت وجهها وجلست مع الكل وبعد قليل جاء ليث
الداده : الاكل جاهز
عدي : يلا
وذهب الكل ليأكل وكانت منضده كبيره جدا جدا فكان كل واحد وامامه زوجته ويترأسها عدي ورعد وعندما انتهوا عادوا للجلوس سويا وظلوا يتمازحوا ويضحكوا حتي قاطعهم
ليث : احم بابا اونكل رعد
رعد وادهم : نعم
ليث : اونكل حضرتك الوقتي مسئول عن جاسمين تمام
رعد : تمام
ليث : بعد اذنك يا بابا انا بحب جاسمين وعايز......
شغف بشهقه : اوعي تكون عايز تشقطها
نظر لها الكل وانفجروا ضاحكين بينما نظر لها ليث بتوعد
شغف : ههههه اسفين يا ريس والنبي ما تبص كده اصلي رقيقه وبخاف
رفع ليث حاجبه وضحك الكل
رعد : كمل يا ليث
ليث : انا طالب ايد جاسمين
شغف : ايدها بس متخدها كلها ولا يرضيك تمشي من غير ايد ترضيها على نفسك
رعد الصغير : لا معاكي حق يا شغف
ماسه : وانا معاهم ارفض يا رعود بقي لانه عايز ايديها
مالك : وانا مع الولاد يا رعد
يارا : اي وانا كمان
ليث بصوت عالي : بسسس ايه انتوا هتحفلوا عليا انتوا مش هتيجوا الا بالعين الحمرا زي ما بيبرس عمل
عدي الصغير بتهكم : عمل ايه
وقف ليث ومسك يد جاسمين ووقف امام رعد وقال اقسم بالله لو ما جوزتهالي لكون خاطفها ومتجوزها واللي يفكر يقرب منها هقتله بدم بارد وبس ودا اللي عندي
ايسيل وهي تصفق كالأطفال : شطور يا ليث جوزهالوا يا بابا
رعد بضحكه : معنديش اعتراض بس لازم اكلم ايمان واسلام واخد رأيهم
يحيي : لولولولي وهتجوز هتجوز
ماسه بشهقه : الحقي يا سحاب جوزك هيتجوز عليكي
ضحك الكل عليها
رعد الصغير : احنا نحبس ماسه وايسيل في اوضه ونرتاح
وظل كثيرا يمزحون ويضحكوا حتي اخذ رعد جميع العائله وذهب واصر علي جاسمين البقاء معه حتي يسلمها لزوجها
***************
في غرفه فهد
دخلوا سويا وابدلوا ملابسهم وجلس فهد وشدها لتجلس علي قدمه وقبل وجنتها
فهد : وحشتيني اوي
ايسيل : وانت كمان
فهد : بحبك
ايسيل : وانا كمان
اقترب فهد منها وقبلها من شفايفها وقاطعه فونه
ايسيل : رد يا فهد
فهد : سيبك
ايسيل : رد انا مش هطير
فهد : يبقي يرن بعدين
ايسيل : فهد
فهد بتنهيد وضيق مسك الفون ونظر باستغراب ثم رد
فهد : الله يحرقك يا صقر الشرقاوي
صقر بضحكه : ويحرقك يا فهد الشافعي
فهد : عايز ايه وبعدين مش المفروض تكون بتجهز لنسوانك الوقتي
صقر : لسه الليل في اوله عندنا
فهد : وفي اخره عندنا اقفل بقي
صقر : مش اما اقول انا رنيت ليه
فهد : اخلص يا صقر
صقر : عمار وهمس ورماح وريان نزلين مصر وهيوصلوا على بعد بكره الصبح وعملنها مفاجأه بس بما ان عشق زعلانه روح قولها
فهد بصوت عالي : الله يحرقك الف مره يا صقر انت واللي يطيقك
صقر ببرود : منتا بطقني يبقي يحرقنا سوا
فهد : هتيجي
صقر : لا
فهد ببرود : ومش هتيجي ليه
صقر : ارشيني وانا اجي مثلا عندكم بنات ليل
فهد : يا بتاع النسوان انضف يالا
صقر : لا انا كده عاجبني نفسي مش عايز اقع في الشبكه اللي وقعت فيها
فهد وهو ينظر لايسيل التي تنظر له بضحكه علي كلامه مع هذا الصقر : احلي شبكه يا صقر لما تحب هتفهم يعني ايه ملاك ليك لوحدك يلا سلام واي صقر تيجي مصر مع عمار انت مجتش من حوالي 11 سنه وانا عايزك
صقر : مع ان قولت لعمار لا ومش عايز انزل عشان
فهد مقاطعا : انزل يا صقر وبطل هبل
صقر : هحاول يا فهد
فهد : هتيجي يا صقر سلام
صقر : سلام
صقر لنفسه : آسف يا صاحبي بس لا
نظر فهد لايسيل التي تجلس واضعه كلتا يداها علي خديها وتنظر بتساؤل
فهد : اتكلمي يا قلبي
ايسيل وهي تعد كالأطفال : مين صقر وليه الفاظك وحشه معاه وليه بتقوله بتاع نسوان هو مش كويس ومين عمار وبعدين انت بتقوله صاحبك يعني انت مصاحب بتاع نسوان ثم اكملت بشهقه يكونش انت زيه يا لهوي الطيور على أشكالها تقع يعني كنت بتخوني من قبل ما تعرفني ياختاااي
لم يتمالك فهد نفسه وانفجر ضاحكا وذهب اليها شدها لحضنه ونام وسند رأسها علي صدره
فهد بهدوء : اولا عمار يبقي خالي وهو متجوز بنت مرات باباه اللي هو جدي تمام
ايسيل : تمام
فهد : وهي همس اخت ادهم وزي اخت بابا
ايسيل : يعني هي اخت اونكل ادهم اي تمام كمل
فهد : اما جدي مات حصل مشكله وسافر عمار وهمس واتجوزوا وهي حملت بالغلط وكانوا لسه في الجامعه وجابت صقر
ايسيل : صقر ياماما
فهد : ههههه بابا اللي سماها هو من سني انا ورعد انا اكبر منه بشهر همس جات هنا وهي بتولد وولدته وبابا سماه صقر وهو صقر فعلا
ايسيل : زي مانت فهد فعلا
فهد : ههههه اي.......بعدين يا ستي كانوا بيجوا اجازات وانا وصقر اتصاحبنا اوي زي ما قولتي الطيور على أشكالها تقع واحنا كنا لسه عندنا عشر سنين كانوا كل الاطفال بيلعبوا الا احنا كنا بنتدرب علي فنون القتال وهو اما كمل 15 سنه فضل في امريكا ومعتش بينزل اجازات من ساعتها
ايسيل : وايه بتاع نسوان دي
فهد : لانه كل يوم مع واحده وصايع بالرغم من كده فهو من اوائل رجال الاعمال في نيويورك ع الرغم انه اصغر واحد لانه لسه مكملش السته وعشرين......احنا هنقضيها كلام علي صقر ولا ايه وحشتيني يا ايسو
ايسيل بدلع : وانت كمان يا قلب ايسيل وروحها
اقترب فهد منها و...............
*******************
في صباح يوم جديد تجمع الكل علي الفطار وعند الانتهاء جاءت الداده
فهد : داده قولي للخدم ينضفوا تلاته من اوض الضيوف واوضتي القديمه
عشق : ليه يا فهد
فهد : جايلي ضيوف بكره يا ماما
رعد : ضيوف مين
فهد : متعرفهمش يا بابا هما يخصوني انا وايسيل
شعف : ايسيل ؟!
ايسيل : اي اتعرفنا عليهم في في
فهد : انا اتعرفت عليهم في اخر مهمه وعرفت ايسيل عليهم
رعد : طيب هيجوا امتي
فهد : هيوصلوا بكره الصبح ممكن الكل يبقي في انتظارهم وياريت يا ماما انتي اللي تعملي الفطار ع زوقك بقي
عشق : اي اكيد
رعد : جاسمين
جاسمين : نعم
رعد : انا هبعت حد يجيب هدومك لانك هتبقي مسئوله مني لحد ما اسلمك لعريسك
جاسمين : اونكل ما بيصير
رعد : انا قولت اللي عندي هتنزلي كلامي الارض
حركت رأسها علامه الرفض وفرحت ايسيل وصفقت كالأطفال
ذهب كل واحد لعمله
****************
في امريكا تحديد نيويورك
دخل صقر وجد امه واباه واخويه يجلسون سويا فتنحنح
عمار : شرفت بجد نورتنا يا صقر باشا
صقر ببرود : هدي نفسك يا عمار باشا ليطقلك عرق
همس بعصبيه : صقر
صقر : همس هانم قولي لحد من الخدم يجهز شنطتي عشان.......
همس بفرحه : هتنزل مصر معانا
صقر : لا هسافر لندن الفرع اللي هناك في مشكله وبعدين هدي محاضره هناك
عمار : اي ما الباشا كلمته مش بتنزل الارض
صقر ببرود : اكيد
وتركهم وذهب دون سماع رد
ريان : ماما انتي متأكده انو ابنكم
همس : واللهي بدأت اشك يكونش بدلوه برعد ابن رعد اصله مرح زينا مش زي القفل ده بس رعد اتولد قبله بشهر وبعدين رعد شبه عشق اوي وذي عدي اخوه
ضحك عمار والاولاد عليها
********************
كده الفصل الثالث وعشرون خلص
بقلمي / سماء أحمد
تكملة الروايه من هنااااااا
تعليقات
إرسال تعليق