 |
#روايه_كبرياء_اسيا_وغرور_اسر
#بقلم_بسمله_صالح
#البارت_23_لاحول_ولا_قوه_الا_بالله_العلي_العظيم
في البدايه حابه اشكر كل فانزاتي المسكرين علي توقعاتهم الصح✌️👏🤗♥️ بارت طويل جدا تفاعل بقا.
الممرضه زمره دمها B- ولو في حد تعرفه خاليه يجي يتبرع.
اسر: تمام انا اعرف اثنين ممكن يتبرعوا.
الممرضه: طيب استعجل شويه لو سمحت يا دكتور.
وضع اسر يده على كتف والده.
وقال :ما تقلقش يا بابا انا عارف اثنين هيقدروا ان هما يساعدوا ماما.
الاب بدموع :طب بسرعه يا ابني
ثم اخرج اسر من جيبه الفون.
وقال في نفسه"هاتصل على سيف ثم تذكر ان سيف خارج البلد وقال اسيا هي اللي هتيجي تتبرع.
ثم اتصل على اسيا فردت اسيا.
وقالت: الو يا اسر.
اسر بلهفه: اسيا تعالي بسرعه على مستشفى السيوفي ماما محتاجه دم وزمره دمها نفس زمره دمك ارجوكي تعالي بسرعه.
اسيا بصدمه: حاضر انا جايه حالا واغلقت الفون.
ثم ارتدت ملابسها بسرعه.
كانت ولادتها تجلس في الصالون.
فقالت اسيا :ماما انا رايحه بسرعه اتبرع للدم لمامت اسر لان مامته عملت حادثه و محتاجه دم.
الام :طب يلا يا بنتي استعجلي واحنا هنيجي وراك انا واخواتك.
فتحت اسيا الباب ثم ركبت المصعد ونزلت وركبت سيارته اتجهت الى المستشفى.
في مستشفى السيوفي، دخلت اسيا المستشفى وتحديدا في الطابق الذي يوجد فيه اسر حتي شافت اسر يقف بعيد.
فقال بصوت عالي: اسر.
نظره اسر لمصدر الصوت وجد اسيا فجرى عليها ومسك يديها.
وقال بدموع :اسيا، اسيا انقذي ماما بسرعه بالله عليكي.
اسيا :اهدى يا اسر خلاص انا داخله اتبرع
ثم نادى اسر على الممرضه.
وقال :لو سمحتي يا مس خذي اسيا اهي هتتبرع بالدم.
جاءت الممرضه ومسكت يد اسيا ودخلت اسيا خلفها.
وقالت: لو سمحتي اتفضلي ارتاحي على السرير علشان اتأكد ان زمره الدم مطابقه.
تسطحت اسيا علي السرير.
وبدأت الممرضه أن تسحب الدم منها.
ووجدت أن زمره الدم مطابقه.
الممرضه: زمره دمك مطابقه لها، فلذلك هناخذ الدم منك علشان ننقله للمريضه.
وبدات الممرضه ان تسحب منها الدم، واسيا تضغط علي شئ وتقبض عليه حتى انتهت الممرضه من سحب الدم.
وقالت الممرضه: حضرتك خليكي مستريحه يا دكتوره.
و بدأ نقل دم اسيا لمني.
دخل اسر على اسيا ووجدها متسطحه على السرير فمسك يديها ،وجلس علي الكرسي.
وقال: شكرا يا اسيا لولا انك ما كنتيش جيتي.
فقاطعته اسيا.
وقالت اسيا: اسر ان بساعد اي حد محتاج مساعدتي .
ابتسم اسر لها.
ثم قال :شكرا لك.
اسيا : الشكر لله.
ثم نادى اسر علي الممرضه فجاءت الممرضه.
الممرضه: نعم يا دكتور اسر.
ادلها اسر فلوس.
وقال لها : هاتي بسرعه كيسين عصير لاسيا.
الممرضه : حاضر ثم خرجت.
اسيا: ما فيش داعي يا اسر.
وضع اسر اصبعه على فمه.
وقال: هششششش.
اسر: انتي اتبرعتي بدم ولازم تشربي عصير عشان تعوضي الدم اللي انت اتبرعت به شكرا لكي.
بعد مرور ساعتين كانت اسيا تقف جنب اسر ودكتور محمود امام غرفه العمليات خرج الدكتور.
وهو يقول : الحمد لله المدام عدت مرحله الخطر يا دكتور وما تقلقش وهي هتفضل 24 ساعه تحت الملاحظه، علشان اطمئن عليها ،وبعد كده هننقلها غرفه عاديه وتقدروا تشوفوها بعد كده.
محمود واسر واسيا في نفس الصوت: الحمد لله.
في انجلترا وصل الزعيم ونزل من الطائره هو وملك.
قال زعيم لملك: دلوقتي بقى يا صافي هنروح قصر الزعيم الكبير.
ملك :طب والمقابل اللي انتم بتبيعوني وتشتروا في الاخر ما ليش مقابل.
قهقهه الزعيم قال : اكيد لكي فلوس لانك لما هتضبطي الزعيم الكبير، هيظبطك فلوس ويخليكي ملكه في القصر وانا برده هكسب منك واهو نفع واستنفع.
واقف الزعيم امام القصر فوجد حرس كثير.
فقال حارس ضخم بصوت غليظ باللغه الانجليزيه:
Who are you and what you want?
الترجمه: من انت وماذا تريد؟
الزعيم بهدوء:
I am Chief John, who is in Egypt, and I tell everything to the greatest leader,Sir Arkoun
الترجمه:انا الزعيم جون الموجود بمصر وابلغ كل للشئ لي الزعيم الاكبر سيدي اركون.
الحارس بحده:
Well, I will go up to me, tell Sir Arkoun about your talk and make sure that you are telling the truth. Wait
الترجمه: حسنا صأصعد لي ابلغ سيدي اركون عن حديثك واتاكد انك تقول الحقيقه انتظر.
ملك بتمثيل وبراءه وهي تفهم ما الذي يقولونه: يا زعيم انتوا بتقولوا ايه انا مش فهمه حاجه.
الزعيم ببتسامه: مش لازم تعرفي.
صعد الحارس علي الدرج وبقى على باب جناح اركون.
فقال اركون: Enter
الترجمه: ادخل.
دخل الحارس وانحني وقال بهدوء.
Sir, there's a man at the palace door called Chief John with a girl and John wants to meet you?
الترجمه: سيدي يوجد شخص علي باب القصر يدعي الزعيم جون ومعه فتاة وجون يريد مقابلتك اسمح له بالدخول؟
اركون: This is my friend John, who came from Egypt with the girl he told me about.
الترجمه: هذا صديقي جون جاء من مصر ومعه الفتاة التي أخبرني عنها حسنا حسنا اسمح له بالدخول وقل له إنني في انتظاره.
الحارس: .All right, Sir
الترجمه: حسنا سيدي.
ثم نزل الحارس على باب القصر وقال: Sir, I'll be waiting for you in the suite
الترجمه: سيدي اركون في انتظاركم في الجناح.
مسك جون يد ملك وصعد علي الجناح.
فسمع جون صوت يقول:
Come in, my friend, I've been waiting for you
الترجمه: ادخل يا صديقي كنت في انتظارك.
دخل جون وسلم وحضن اركون وبادله اركون الحضن.
ثم احتضن اركون ملك وقال وهو محتضنها:
I was waiting for you my dear
الترجمه: كنت انتظرك يا عزيزتي.
جزت ملك علي أسنانها واطضرت أن تبادله الحضن وقالت : انا مش فهمه انتوا بتقولوا ايه فهموني.
ضحك جون واركون بصوت عالي.
قال اركون باللغه العربيه: انتي حقا جميله غضبك يجعلكي اجمل يالهي انها جميله.
لم ترد ملك عليه ثم قالت : يعني انت بتتكلم بالعربي اهه اومال بتتكلموا بالانجليزي وقرفني ليه.
ضحك اركون.
وقال : لا تغضبي عزيزتي سأحدثك باللغه العربيه نعم أنا اجيد اللغه العربيه والانجليزيه.
ثم وجه اركون كلامه لجون وقال: هذه الفتاه جميله للغايه وساعطيك مبلغ جميل لانك احضرت لي فتاه بهذا الجمال.
انحنى جون لاركون .
وقال :شكرا سيدي.
ثم اخرج اركون من جيبه شيك وكتب عليه مبلغ كبير واعطاه لي جون، اخذ جون المبلغ.
جون: حسنا سأخرج واتركك تتمتع مع هذه الفتاه، لكن مهلا هذه الفتاه تدعى صافي.
اركون : يا الهي حقا اسمها جذاب مثل شكلها،ولكن يا صديقي لا ادعك ان تخرج خارج قصر ستبقى معنا هنا في القصر يومان وبعد اليومين ،ارجع الى مصر مره ثانيه، وابحث لي عن فتاه مثل هذه الفتاه الرائعه ولكن انا لا اظن انني سأمل منها بعد يومين ،لانها اثارت اهتمامي بها كثير.
خرج جون من الجناح ثم اقترب اركون من ملك واصبحت ملك تبعد.
ملك : ابعد عني انت هتعمل ايه ثم امسكت فازا بجانبها.
وقالت: لو قربت مني هكسر الفازه في دماغك.
ضحك اركون وقال :انا احب هذا النوع من النساء انت قطه شرسه.
( للتوضيح اركون في عمر ٣٠)
ملك : قلت لك ابعد عني ما تقربش.
اركون: انا عنيد للغايه عزيزتي و سأقترب منك وانت لا تستطيعي ان تفعلي اي شيء معي؛ لانك ضعيفه.
وبدأ يفك ازرار قميصه ويخلع القميص واصبح عاري الصدر ،واقترب منها ودفعها فوقعت على الفراش، وبدا ان يقترب منها ،وبحركه سريعه من ملك ضربته لكمته في ذقنه ولكمته مره ثانيه في انفه ورفعت رجليها وضربته تحت الحزام، فابتعد عنها اركون بسرعه.
وقال :يا الهي من الذي علمك هذا الضرب انكي حقا اعجبتني جدا جدا وانا سانتظر كي امتلكك بفارغ الصبر ،وانهي هذه الكلمه بغمزه.
ثم لبس القميص.
وخرج وهو يقول : عزيزتي ستبقي في غرفه لوحدك وانا سأبقى في الجناح ،وسأرسل الخادم لكي ليدلك على مكان غرفتك ،ثم خرج.
واخبر الخادم بكل شيء وجاء الخادم.
وقال :اتفضلي عزيزتي ومشيت ملك خلفه حتى وصلت ملاك الى غرفه، ودخلت وجلست فيها واخذت تفكر يا ترى هذا هو الزعيم ام لا.
دخل اركون مكتبه واخذا يفكر معقول هذه الفتاة تستطيع ان تضرب في الثانيه الواحده ، كل هذا الضرب لكنها اعجبتني كثيرا.
وصل مراد امام القصر وكان يراقب كل شيء من بعيد ويسمع ملك في غرفتها وكلم ملك من السماعه.
وقال : ايه الاخبار ،ولكن ملك لم ترد خوفا من ان يوجد في الغرفه كاميرات مراقبه، تكشفهم وهم على وشك انهم يمسكون الراس الكبيره.
فهم مراد.
وقال: ما تقلقيش انا باراقب كل حاجه وهاتصل بقصي وسلين، وقوه تيجي هنا علشان احنا على وشك النهايه.
اتصل مراد بقصي وسيلين.
وقال له: قصي اخبارك ايه دلوقت.
قصي: الحمد لله يا حضره الرائد.
مراد: انا هادخل في الموضوع على طول انا عايزك انت وسلين وماجد واياد تيجوا على انجلترا ،وانا هاقبلكم في المطار ،بس عايزكم تيجوا في طياره خاصه و اسر صديقي عنده طياره خاصه وانا هاكلمه واخليه يديكم الطياره، وفي كمان في طياره لذلك ما تقلقوش ،ولازم توصلوا النهارده عارف ان القرار ده مفاجئ، بس احنا لازم نمسك الزعيم بأي طريقه.
قصي : اوامرك يا حضره الرائد، ثم اغلقها مراد الهاتف.
واخذ يراقب القصر من بعيد.
في قصر اركون اتصل اركون بشخص وقال له..
في منزل اسيا اتصل جاسر برقيه
جاسر : ازيك يا قلبي عامله ايه.
رقيه: الحمد لله.
جاسر: انا عايزك في موضوع ضروري، هاقابلك في المطعم اللي جنب البيت.
رقيه: تمام ثم لبست رقيه ونزلت وقابلته في المطعم.
قال جاسر: انا بحبك وانت بتحبيني ،فلازم ناخذ خطوه جد واتقدم لك للجواز ،تقبلي تتجوزيني يا رقيه.
ابتسمت رقيه بخجل وصمت قليلا.
مد جاسر يده وهو يقول: تقبلي تتجوزيني؟!
مدد رقيه يدها في يده .
وقالت :اقبل اتجوزك.
جاسر: خلاص انا هاجي اتقدم لك بس ممكن الاسبوع الجاي ،لان دلوقت خالتو في المستشفى ولازم اطمئن عليها.
رقيه: الف سلامه عليها ،اسر برده اتقدم لاسيا والخطوبه الاسبوع الجاي.
جاسر الف مبروك يا روحي عقبالنا احنا بقى اوعدنا يا رب.
ضحكت رقيه.
وقالت : على فكره الكلمه دي بتاعتي.
ابتسم جاسر ثم قال: انا دلوقتي هاروح اشوف خالتو في المستشفى.
رقيه: تمام طب انا هاجي معك اسيا هناك هي كمان.
جاسر : يلا قومي يلا ، فوقفت رقيه وركبت معه السياره، واتجهت السياره الى مستشفى السيوفي.
في مستشفى السيوفي.
دخل محمود علي مني وقال: الف سلامه عليكي يا حياتي ،انا اسف لو انا زعلتك في كلمه انتي كنت هتروحي مني، وانتي عارفه انا بحبك قد ايه.
مني بدموع: ما تزعلش انا فعلا كنت غلطانه وهتغير لاني بقيت انانيه ووحشه لما حسيت اني هموت وشوفت الموت كنت أتمني اعيش علشان اصلح اخطائي.
مسح محمود دموعها.
ثم قال: تعرفي مين الي اتبرعلك بالدم لما كنتي بين الحياه والموت.
منى باستغراب :مين.
محمود: اللي انتي ما بتحبهاش ومعتبراها من الطبقه الوسطى واللي قلت عليها كلام وحش جدا ،واتهمتيها في سرقه قبل كده ،وبالرغم من كل ده الا انها جت وما ترددتش لحظه ان هي تتبرع لك بالدم.
منى بصدمه: اسيا.
نزلت دموع منى.
وقالت بتعب : لو سمحت يا محمود هات اسيا نادي ليها.
خرج محمود وقال اسيا تعالي.
وقفت اسيا وقالت : حاضر يا دكتور ، دخلت اسيا لتجد منى تبكي ، فاقتربت منها.
اسيا : حضرتك بتعيطي ليه دلوقتي.
مني: انا عاملتك وحش، اسفه علي كل حاجه قولتهالك أو عملتها ،زعلتك سامحيني يا بنتي.
مسكت اسيا يديها ومسحت دموعها.
اسيا: انا مسمحاكي والله.
ابتسمت مني ونظرت لتجد اسر يقف علي الباب ويستند ،لتفتح الام يديها ويتجه اسر نحوها ويحضنها اسر.
وتمسك مني رأس اسر وتقبلها وتمسك يد اسر وتضع يده في يد اسيا.
مني: ربنا يحفظكم انا موافقه علي الجواز يا اسر.
احتضنها اسر.
وقال: تسلميلي يا احلي ماما.
وصلت ريناد المستشفى ودخلت لتجد اسر محتضن والدتها.
فقالت : وانا ما ليش في الحضن ده ولا ايه؟
فتحت منى زراعتها بتعب
قالت : لا يا حبيبتي ليكي طبعا ،فجريت ريناد وحضنت والدتها واخوها.
وقالت منى :تعالي يا اسيا وحضنتهم منى
مني : ربنايحفظكم يا حبايبي.
خرج ياسر من حضن والدته.
وقال : انا بقى لازم ارتب بقى لترتيبات الفرح واجهز اللازم علشان انا مستعجل قوي، وغمز لي اسيا
فخجلت اسيا ،واصبح وجهها احمر.
جاء لاسر مكالمه من مراد، ففتح اسر الفون.
اسر: مراد حبيبي عامل ايه واحشني يا راجل.
مراد : الحمد لله يا ياسر انت عامل ايه.
اسر : الحمد لله كنت عايز منك طلب.
اسر : اتفضل يا حبيبي
مراد: كنت عايز الطياره الخاصه بتاعتك، هيركبها الضباط علشان عايزين نخلص المهمه في اسرع وقت ونقدر نقبض على الزعيم الكبير.
اسر: طبعا يا مراد بدون تردد يا حبيبي اما يوصلوا ياخذوها، خليهم يروح الفيلا وهيلاقوا الحرس وهيسلمهم الطياره.
ومراد: تمام شكرا جدا.
اسر : انا عملك الحراس ، بس خلص بقى المهمه بسرعه، انت وملك علشان تحضروا الخطوبه بتاعتي انا واسيا اخر الاسبوع.
مراد بفرحه: الف مبروك يا صاحبي اخيرا اخذت خطوه جد واخيرا هنشوفك عريس ، بس صدقني مش هنعرف نيجي انا وملك؛ لان المهمه اللي احنا فيها من اصعب المهمات اللي ممكن نشوفها دي مهمه صعبه جدا.
وأكمل مراد: بس في الفرح ان شاء الله هنكون موجودين ،وزعلان جدا ان شاء الله موجود.
اسر بحزن : ولا يهمك كل الخطوبه هتبقي متصوره وهتشوفها كل حاجه فيديو واتفرج عليها، وسلم لي كثير على ملك ،وربنا يحميكم ويحفظهم ويوصلكم للي انتم عايزينه ،وعقبالك يا صاحبي.
مراد : وانت طيب.
ثم اغلق اسر الفون ونادي على جميع الموجودون بالمستشفى.
اسر: لو سمحتم كل الموجودين بالمستشفى هنا يجمعوا حالا.
وفي هذه اللحظه وصلت رقيه وجاسر.
اجتمع الجميع ليروا ليه دكتور اسر بيطلبهم.
فوقف اسر امام غرفه والده ونادي على اسيا ومسك بيدها.
وقال اسر: خطوبتي انا واسيا الخميس الجاي ان شاء الله، ولكل معزوم على الخطوبه وهتبقى في اكبر قاعه في المدينه، قاعه موناليزا والجميع معزوم.
كل اللي بالمستشفى بقوا بيهنوا اسر واسيا.
يقولوا لهم: الف مبروك واقتربت رنا من اسيا وحضاناتها.
رنا بفرحه : الف مبروك يا عمري.
اسيا : الله يبارك فيكي يا حبيبتي عقبالك.
ابتسمت رنا وقالت: انا متحمسه جدا بقى انا هانزل بقى السوق بقى وادور على اجمل فستان عشان البسوا في خطوبه اجمل عروسه اسيا حبيبتي.
سلم جاسر علي اسر واحتضنه.
جاسر: الف مبروك يا حبيبي
اسر: الله يبارك فيك،عقبالك
جاسر: خلاص احنا قربنا ونظر برقيه وغمز لها.
ابتسم اسر ومسك جاسر من ودنه وقال :ياولد ياشقي.
جخلت رقيه.
ثم احتضنت اسيا وبادلها اسيا الحضن.
دخل جاسر ورقيه علي مني
جاسر وهو يسلم علي مني: الف سلامه عليكي يا خالتو.
مني: الله يسلمك يا حبيبي.
سلمت رقيه عليها وقالت: الف سلامه عليكي يا طنط.
نظرت مني لجاسر بستغراب.
جاسر: رقيه يا خالتو اخت اسيا وخطيبتي المستقبليه.
سلمت مني عليها: الله يسلمك يا قمر.
في نهايه الاسبوع وتحديدا يوم الخميس.
كانت اسيا في البيوتي سنتر ،وكانت معها رقيه ورنا وريناد وامنيه
(لو فاكرينها اللي ظهرت في البارت الرابع بس امنيه كانت حامل)
كانت اسيا لابسه فستان جميل جدا وكانت في منتهي الجمال والرقة وكانت فرده شعرها الطويل الأسود كالفحم،وكانت واضعه مكياج سيمبل جدا و كانت وقمر بجد وتخطف الأنظار ولبسه هيلز ابيض.

فستان رنا كان ازرق، وكانت رنا حاطه ميكب تحفه وعمله شعرها كيرلي ولبسه هيلز ذهبي

رقيه كانت قمر اوي بفستانها الاسود عاري الاكتاف وشعرها عملاه فورمه جميله ولبسه هيلز اسود

ريناد القمر كانت جميله للغايه وعمله شعرها مموج وفستانها كاشمير المطرز يصل الي الركبه ولبسه هيلز فضي

امنيه طبعا حامل بس كانت جميله جدا وفردت شعرها ولبس فستان طويل روعه ❤️

عند الشباب كان جاسر في فيلا اسر هو ومعتز وسيف وزياد ، وكانوا الاربع شباب يرتدون بدل رائعه.
وكان اسر اجمل ما فيهم ببدلته السوداء التي زادته وسامه، ولحيته الثقيله والسوداء وصفف شعره بطريقه جذابه.
وذهب الاربع شباب الى البيوتي سنتر عند البنات.
ونزل اسر ودخل البيوتي سنتر ،وكانت اسيا مدياله وظهرها ،وهو كان في يده بوكيه ورد ،ووضع يده على كتف اسيا، فنظرت له اسيا واعطى لها الورد.
وقال بنبهار: ايه الجمال ده.
ابتسمت اسيا بخجل.
دخل معتز بيوتي سنتر ووجد ريناد في منتهى الجمال.
قال: يا خراشي على الجمال اخبيك بس فين.
دخل سيف وابتسم لرنا ،ورنا ابتسمت له.
جاسر ما لقاش رقيه وبقي بيور عليها.
فلا حد وراه وبيضربه على كتفه.
رقيه: انا جيت .
يضحك علىها جاسر.
جاسر: مجنونتي ايه القمر ده.
رقيه وهي ترفع حاجبها: ده انت اللي قمر لابس بدله وماسكه على جسمك، عشان تبين عضلاتك عشان البنات يعكسوك ،ده انا عارفه اللي بيدور في دماغك يا لئيم.
ضحك جاسر.
وقال : اسم الله عليكي انتي لابسه فستان اسود ومبين بياض جسمك وعاري الاكتاف كمان، ومش عايز بقى اقول، ها وانهي كلمته بغمزه.
رقيه بخجل : خلاص بقي.
ثم ماسكه كل شخص حبيبته وركبوا كل شخص سيارته.
ركب جاسر ورقيه ومعتز وريناد في سياره، وقاد جاسر السياره.
واسيا واسر في سياره وسيف ورنا فسياره وذهبوا الى القاعه وكانت القاعه جميله جدا جدا في منتهي الروعه ،والجميع ينتظرهم عائلتهم وأقاربهم واصحابهم.
وبعد وقت وصلوا الى القاعه، ودخلوا وكانوا الجميع ينظر لهم باعجاب شديد وكان اسر مأنجچ اسيا ودخلوا واشتغلت الاغاني ، ثم جلسوا في الكوشه.
وبعد دقائق بداوا في الرقص ،ورقص اسر مع اسيا رقصه فب منتهى الروعه ،سلو علي اغنيه بيهم كلهم.
وكانت اسيا بتردد هي واسر كلمات الاغنيه.
قُل حبيبي إنك معايا وجنّب منِّي
دي الحقيقة ولا حلم وطال شوية
والكلام الحلو ده بتقُوله عني
يعني فعلا دُنيتي رضيت عليّ
قُل حبيبي إنك معايا وجنّب منِّي
دي الحقيقة ولا حلم وطال شوية
والكلام الحلو ده بتقُوله عني
يعني فعلا دُنيتي رضيت عليّ
وَعد مني تعيش معايا سنين مَعِشتش زَيُهم أحلامك اللي حلمتهم
انسَى الحياة والدنيا دي وتعالى نِهرب منهم
ما بقتش عايز ناس خلاص جاء لي اللي بيهم كلهم
وَعّد مني تعيش معايا سنين مَعِشتش زَيُهم أحلامك اللي حلمتهم
انسَى الحياة والدنيا دي وتعالى نِهرب منهم
ما بقتش عايز ناس خلاص جاء لي اللي بيهم كلهم
يا اللي سايب ليّ رُوحك ومأمني
اللي فَاتك من الحياة هتعيشُه بيّ
وفي عيونك ألف حاجة مفرحني
والحياة بتزيد جمال لو بَصُوا ليّ
يا اللي سايب ليّ رُوحك ومأمني
اللي فَاتك من الحياة هتعيشُه بيّ
وفي عيونك ألف حاجة مفرحني
والحياة بتزيد جمال لو بَصُوا ليّ
وكانوا بيقولوا مع الاغنيه وعيونهم تدمع اسر واسيا وهم ينظرون لبعضهم بحب، وانتهت الاغنيه ورفع اسر اسيا و لف بحيبته تحت تصفيق الجميع وفرح الجميع.
وحان الان وقت تلبيس الخواتم فجلست اسيا على الكرسي وجلس اسر بجانبها واشتغلت اغنيه يا دبله الخطوبه عقبالنا كلنا.
وبدا اسر ان يدخل الخاتم في اصبعها والجميع يصفق لهم، ويصفرون ورقيه بتزرغط لولولولولييييييي.
ومسكت اسيا يد اسر وادخلت فيها الخاتم .
ولبسها اسر السلسه وبقيت الشبكه.
وفجأه انقطع النور لمده خمس دقائق وبعد خمس دقائق اشتغل النور لينظر اسر بجانبه ولم يجد اسيا فقال بصدمه وفزع : اسياااااا...
و لحد هنا انتظروني في البارت القادم طبعا ده كان بدايه المفاجآت ويا حلاوه المفاجآت الجايه تفاعل يا قمرات توقعاتكم يا ترى ايه اللي حصل لي اسيا وممكن هلا يكون لها علاقه في الي حصل مع اسيا؟؟! واسيا اختفت فين؟؟
ويا ترى الزعيم اركون هيكشف ملك؟؟!
توقعاتكم🤔
هنطلع من البارت ده بمعلومه حلوه هي لما منى حكمت على اسيا من غير ما تشوفها ولا تعرفها وسمعت كلام هلا.
_والمقوله هي اللي تحكم علي بكلام البشر،عندما تحكم على شخص يجب ان تعرفه جيدا ثم تحكم عليه.✌️🙏
اخيرا وليس اخيرا عايزه اقول لكل حبايبي ان ومتابعين القمرات ان روايه كبرياء اسيا وغرور اسر نزلت يوتيوب مسلسل كرتوني بس بجد حلو اوي اوي على قناه حكايات ميرو ورنا ،يلا اللي ما شافهاش يخش يشوفها ويحط لايك وكومنت جميل زيه ويشترك في القناه فضلا وليس امرا
عايزه اأخذ رأيكم تحبوا اكتب مقولات في نهايه البارت ونصائح ولا بلاشها ورايكم يهمني.
تفاعلتكم وتوقعتكم ورأيكم✌️🖤🌹
بقلم بسمله صالح🙏
يتبع.....
تعليقات
إرسال تعليق