 |
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️.
بارت 3.....
في فيلا اسد ...
كان ينظر إليها باستمتاع واستفزاز أما هي فكانت معلقه تحرك قدميها بعشوائية وهي تنظر إليه بغيظ شديد وتوعد ..
حور بغيظ وتوعد /انت فاكر عاد أن الي عملته ده هيعدي بالساهل لا انت متعرفنيش ده انا حور ي عني حقي هجيبه هجيبه.
اسد وهو يكتم ضحكاته بصعوبه ليتحدث بحده افزعتها/وانتي فاكره أن الي حصل ده هيعدي كده بقا الرجاله المفروض تاخد بالجزمه ده انا الي هديكي ستين جزمه علي دماغك ي سحليه انتي .
حور بغيظ شديد/راجل ها راجل ابوك جايبك راجل وكاتب في البطاقه دكر نزلني وشوف هعمل معاك ايه .
اسد بغمزه ووقاحه لم يعلم من اين اتت /لا انا راجل اوي تحبي تشوفي بنفسك.
حور بخجل وارتباك وغيظ /انت فعلا ناقص ربايه.
اسد بحده/مين ده ي بت الي ناقص ربايه هو انا علشان باخد وادي معاكي في الكلام ده ليلتك مش معديه.
حور بتجاهل واستفزاز/ولا تقدر تعمل حاجه واصل الي عملته ده اخرك .
نيرمين بفزع /ايه ده ي اسد ايه الي انت عمله ده .
حسان بفزع وغيظ /بت ي روح يخرب مطنك عملتي ايه ي وش الفقر .
زين باستغراب /هي مش دي البنت الي خبطها بره .
سليم بضحك /ههههه ايوه هي.
نيرمين بحده /ايه الي عملته ده ي اسد نزل البنت .
حور باستفزاز وغيظ/اسد ههههه طب وقاعد هنا ليه ماتروح جننت الحيوانات .
اسد بغضب جحيمي/كل الحكايه ي امي انها بنت ناقصه ربايه وانا بقا الي هربيها .
حور بغيظ شديد/اتكلم عن نفسك ي أمور بقا معقول قمر زي حضرتك كده تخلف الشحط ده .
حسان بغيظ وتوعد /اكتمي نفسك ي بنت النتن انتي مش عارفه بتتكلمي مع مين .
حور بغيظ شديد/هكون بكلم مين ي عني عيل توتو بيعتمد علي فلوس ابوه واكيد مقضيها وأقطع درعاتي من هنهه أما كان بيضرب حشيش ماهو باين اهو علي شكله .
حسان بفزع ورعب وهو يلطم علي وجه بحسره /ياختتتتتتي ياختتتتي اكتمي نفسك ي بنت المحروق ابوس يدك ي اسد باشا نزلها دي هبله بعيد عنك ومفهماش حاجه واصل .
نيرمين بجديه /اسد انت من امتا بتعمل حركات التهريج دي نزل البنت ي حسان .
زين بضحك وهمس /البت دي الله يرحمها .
سليم بانتباه /البنت دي حكايتها هتكون طويله مع اسد وهتقول سليم قال .
حور وهي تعدل هياتها بغرور وثقه وهي تنظر إليه بغيظ /لولا أنهم ادخلوا وانقذوا الموضوع كان هيكبر جوي جوي بس نفد مني المره دي .
اسد بغيظ وتحدي /ي بت انتي اخفي من وشي انتي مش قدي هفرمك .
حور باستفزاز وغيظ/افرمني حته حته وأرميني لاي قطه يلا ي خالي علي المطبخ .
جاكلين بابتسامه ودلع وهي تقترب من اسد /هاي سوري ي حبيبي نسيت الهديه الي جبتهالك قولت لازم اجبهالك .
اسد وهو يكتم غيظه وغضبه /شكرا ي جاكلين .
حور وهي تتفحصها بغيظ شديد/ي حول الله ي رب ي عني الهديه دي مكنتش تستنا للصبح بدل مانتي طلعلنا من الحمام علي هنه علطول.
جاكلين بغيظ /وات .
حور بغيظ شديد وهي تقلدها /وات امك في العشه ولا طارت.
زين وسليم بضحك /هههههه .
حسان بغيظ شديد وهو يمسك ذراعيها /امشي قدامي بدل ماهنتطير انا وانتي من هنه ي وش الفقر .
اسد بغيظ /خلاص ي جاكلين جبتي الهديه امشي بقا لو سمحتي .
جاكلين وهي تقترب منه بدلع وجراه /ي عني مش هتوصلني ي بيبي .
حور بغيظ شديد وهي تدفعها بحده وتقف بينهم /لا عاد كده كتير بقولك ايه ي حرمه انتي الزمي حدودك كده بلا قله حياه فاضيه بعينك القويه دي الي تندب فيها رصاصه .
جاكلين بغيظ شديد/وانتي مالك ي بتاعه انتي مين دي ي اسد .
حور بغرور وثقه /انا حور ي حلوه تحبي تشوفي بطاقتي .
اسد وهو يكتم ضحكاته بصعوبه لا يعلم لما هو مستمتع بحديثها وذلك التحدي الذي ولد بينهم /بقولك ايه خليكي في حالك دي خطيبتي الموضوع ميخصكيش شوفي شغلك .
جاكلين وهي تمسك ذراع اسد بدلع لاستفزازها /سمعتي يلا بقا شوفي شغلك .
حور وهي تمسك ذراع اسد الآخر بحركه جريئه منها وهي تنظر بتحدي وغيظ /وانا بجا مش منقوله من هنه الشيطان شاطر والبيت ده طاهر اه .
اسد وهو يدفعهم الاثنان بحده /بقولكم ايه انتوا الاتنين اخفوا من وشي انا مش ناقص هم ايه الجنان ده ليصعد الي الاعلي .
جاكلين بغيظ شديد/عجبك كده مين دي ي طنط وبتعمل ايه هنا .
حور بغيظ وتوعد وهي تمسكها من خصلاتها /بجولك ايه ي ام شعر احمر انتي أن شوفتك هنه تاني بلبس المسخره دي في ثانيه هتلاقيكي خارجه من هنه بملايه وعلي البوليس عدل وانا مجنونه واعملها فاهمه .
لتسرع جاكلين برعب من تلك المجنونه .
حسان بغيظ شديد وإحراج /انا اسف ي هانم اسف بس اوعدك لعلمها الادب واربيها .
نيرمين باستمتاع لما حدث فهي تكره جاكلين بشده ولا تعلم لماذا اسد مصمم علي الارتباط بها /مفيش حاجه حصلت ي حسان هي مقالتش حاجه غلط هي قالت الي انا دائما أقوله .
حسان بغيظ وتوعد /يلا ي بت علي المطبخ علشان تساعدي الست نعمات يلا ي اختي .
حور بزفر وغيظ /حاضر عن اذنك يا هانم .
زين بجديه /ماما لو سمحتي كنا عايزينك في موضوع مهم .
سليم بجديه /ايوه ي ماما .
نيرمين بقلق/ربنا يستر تعالوا معايا فوق .
في غرفه سما ....
كانت تحاول مرارا وتكرارا الاتصال عليه لكن لايوجد رد لتتالا الدموع في عيناها ولكن تمسحهم سريعا عندما عاود هو الاتصال بها .
سما بعصبية /كده ي مراد كل ده علشان ترد رعبتني عليك .
مراد بضيق وشعور بالذنب اتجاه اسد /معلش ي سما انا في العربيه راجع القاهره.
سما بفرحه وسعاده/بجد ي حبيبي راجع النهارده .
مراد بجديه/ايوه ي سما .
سما باستغراب /مالك ي مراد بتكلمني كده ليه .
مراد بعصبية وضيق /علشان كل مابكلمك بحس أن واطي وندل وبخون صاحبي .
سما بعصبية /يووووه بقا ي مراد مش معقوله انت ليه مش قادر تفهمني .
مراد بغضب/عيزاني افهم ايه ها كلامك مش مقنع قولتلك اني مش هحرمك من حاجه وهتكملي دراستك وطموحك براحتك قولتلك حتي نخليها خطوبه انتي مش موافقه انا مش فاهم انتي عايزه ايه بالظبط .
سما بدموع والم /عايزاك ي مراد وبحبك وانت عارف بس ارجوك متتغطش عليا من فضلك .
مراد بعصبية /سما انا ساعات بحس أن مش بس موضوع الطموح ده هو الي مخليكي رافضه الجواز مني فيه سبب تاني صح .
سما وهي تخفي الما يكفي العالم /مفيش ي مراد صدقني بس ارجوك اقف معايا لحد ماحقق حلمي انا بعشقك ي مراد بعشقك .
مراد بهدوء وعشق /وانا بموت فيكي ي روح قلبي خلاص اهدي ي مجنونه بحبك هكلمك ونتقابل سلام .
سما بدموع ووجع/سلام ي روحي .
كانت تمسك ذلك الملفات بدموع وقهره فهي تعشقه تود الزواج به في اقرب وقت لكن ذلك المرض اللعين هو الحاجز بينهم ......
في المطبخ ...
كانت تجلس نعمات وهي تقطع الخضروات والفواكه.
حسان بهيام وغمزه /ايه ده بس فاكهه بتقطع فاكهه ده كلام .
نعمات بخجل وكسوف /سي حسان انت جيت امتا .
حسان بابتسامه/جيت من شويه ي قمر .
حور وهي تراقبهم بغيظ شديد/جرا ايه ي خالي هو هنا نعمات وهناك شربات متخف علي نفسك ي حاج متولي انت .
حسان بغيظ شديد/دي حور ي نعمات بنت اختي وجايه تساعدك في الشغل .
حور بغيظ واستفزاز/طبعا لازما اساعدها هي الست هتلاحق عليه ولا ايه .
نعمات بضحك /ههههه ماشي ي ام لسان ونص خودي طلعي دول في الاوضه الي في الوسط دي ل الست سما.
حور بجديه /ماشي هاتي ي خالتي .
نعمات بضيق /ايه خالتي دي شيفاني عندي كام سنه .
حور بغيظ /انا الي غلطانه ده انا مكرماكي كمان ده انا قد جدتتي ده مرار طافح.
حسان بابتسامه/ولا يهمك ي قلبي.
علي الدرج ....
كانت تصعد حور للتفاجا بذلك الجسد الصلب الذي يقف أمامها فكان اسد يقف وهو يرتدي برموده وعاري الصدر ويضغ فوطه علي رقبته كان متجها الي صاله الالعاب الرياضيه الخاص به .
حور بخجل وارتباك وهي تنظر الجهه الاخرى /ايه قلع الحياه دي مش فيه بنات في البيت كيف تتطلع كده .
اسد وهو يلتفت يمينا ويسارا لاستفزازها .
حور بغيظ شديد/انت بتبص علي ايه.
اسد باستفزاز وخبث/ببص هما فين البنات دول .
حور بغيظ شديد/انا اهو ي اخويا ولاانت فاكر أن نفاتلين بتاعتك دي بنات .
اسد باستفزاز ومكر /ومالها جاكي دي متفجره الانوثه .
حور بغيظ شديد/لا وانت الصادق دي متفجره نفخ وكلها كاوتش لو دوست علي الزرار كل ده هيفش .
اسد بضحكه عاليه وساحرة أيضا وهو يتجه للاسفل/هههههه علي العموم عرفتيني هبقا اشوف موضوع النفخ ده .
حور باستمتاع وهي تشم رائحه برفانه /الله ايه الريحه الحلوه دي اكيد جايبها من السعوديه.....
في الصعيد ....
في منزل العمده هارون ...
كان يجلس شريف بغيظ شديد فهو لم يعلم أين ذهبت حور .
هارون بغضب شديد/جرا ايه ي واكل ناسك هتفضل كده سايب حالنا ومحتالنا ومورناش غير بنت الغفير.
شريف بغيظ شديد/فيه ايه عاد ي ابوي انت عارف زين اني بحبها ومش لاقي معاها حل واصل .
هارون بغيظ شديد/حبك برص ي اخويا انا عارف بتحب فيها ايه دي ام لسان ونص دي مش بطيقك اصلا .
شريف بغيظ شديد/اعمل ايه ي ابوي بحبها ومجدرش اذيها لولا أكده كنت اغتصبتها وذليتها وكسرت مناخيرها الي رفعاها عليا دي .
هارون بغيظ شديد/ايوه مانت خلاص بقيت واخد علي كده مش كفايه بنت عماد ومصيبتك معاها ولولا أني رضيت ابوها بقرشين كنا اتفضحنا في البلد كلها .
شريف بغيظ /والله هما الي كانوا هيتفضحوا مش احنا وبعدين مش هتنسا الموضوع ده ولا ايه عاد .
هارون بغيظ شديد/لما تنسا انت بنت الغفير ونشوف شغلنا الي واقف ي سي شريف .
شريف بعشق وتملك /عمري مهسيبها ي ابوي عمرك مهتكوني لغيري ي حور ..
في فيلا اسد ...
في غرفه سما ...
كانت تجلس سما وهي ترسم لوحاتها لتاذن للطارق بالدخول.
حور بابتسامه /العوافي عليكي .
سما بابتسامه /اهلا وسهلا اتفضلي انتي مين .
حور وهي تتضع الاكل/انا حور بنت اخت حسان .
سما بابتسامه وارتياح إليها /اهلا وسهلا تشرفنا ي حور .
حور بمرح وسعاده/تسلمي يارب اول مره حد يحترمني كده انتي زينه.
سما بابتسامه وهي تتداري ذلك الالم /الحمد لله ي حور تسلمي علي الاكل .
حور بابتسامه عذبه /تسلمي بس لو احتاجتي حد انا موجوده وصدقيني كلامك في بئر عن اذنك .
في منزل مراد ...
كانت تجلس رنا وهي تذاكر دروسها لتبتسم بسعاده وهي ترا اخيها يفتح الباب ويسير للداخل لتسرع الي أحضانه بحب وحنان.
رنا بسعاده وهي تحتضنه /أبيه مراد وحشتني اوي اوي.
مراد بحنان /وانتي اكتر ي حبيبتي فين ماما .
رنا بابتسامه/بتصلي تعال قولي بقا عملت ايه واحكيلي علي كل حاجه.
في فيلا اسد....
في غرفه نيرمين ...
نيرمين بغضب /لا طبعا انتوا اتجنتتوا ولا ايه رحله ايه الي عايزين تروحوها في وسط الامتحانات.
زين بغيظ /وايه المشكله ي ماما نريح اعصابنا شويه ايه الغريب .
سليم بعصبية/وبعدين ي ماما كل زمايلنا رايحين اشمعنا احنا.
نيرمين بحده /انا ماليش دعوه روحوا اتكلموا مع اسد .
زين بحده /احنا مش صغيرين ي امي مش لازم اسد يكون هو صاحب القرار في حياتنا.
سليم بعند /ايوه ي امي احنا هنروح زي كل زمايلنا.
في المطبخ ....
عنيات بجديه /رتبي الاطباق كويس ي حور وخودي بالك ده طبق سي اسد مبنحطش عليه شطه لاحسن عنده حساسيه جامده منها .
حور بمكر وخبث /لو مكنتش انت تولعني مين هيولعني شطه نار شطه نارهههههه طيب ي اسد استنا عليا 🤭🤭🤭🤭🤭يتتتتتبع .
انتظروا القادم لأن الي جاي إن شاء الله هيبقا أقوا ❤️❤️❤️❤️❤️❤️❤️هستنا تعليقاتكم وتفاعلكم الكبير وتوقعاتكم للي جاي دمتم بخير وعافية ❤️❤️❤️❤️❤️❤️.
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️✍️.
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️.
بارت 4....
في المطبخ ...
كانت تقف حور بخبث ومكر وهي تخطط لذلك المخطط .
حور بخبث ومكر/اها شطه نار شطه نار هههه الله يرحمك ي اسد ..
في الخارج ...
علي مائده الطعام...
كانت تقف عنيات وهي تتضع الاطباق أمامهم بحزر اما تلك المجنونه فكانت تخفي تحت نقابها ابتسامتها الماكره وهي تمسك طبق اسد بعدما وضعت به كميه كبيره من الشطه لتتضعه أمامه وهي تكتم ضحكاتها علي مايحدث بصعوبه لتنتظر النهايه .
نرمين بغيظ شديد/ساكتين ي عني اتفضلوا قلولوا لاخوكم الي انت اتفقتوا عليه ي بهوات .
اسد بجديه/خير فيه ايه.
زين بارتباك وقلق /اسد أحنا هنسافر مع اصحابنا بكره العين السخنه.
اسد بحده/نعم ي حبيبي انتو اتهبلتوا ولا ايه سفر ايه في وسط الامتحانات.
سليم بغيظ /كل زمايلنا رايحين ي اسد ايه المشكله.
اسد بغضب جحيمي/انا ماليش دعوه بحد فاهمين خليكم في مذاكراتكم يلا قرف .
زين بهمس وغيظ/عجبك كده انا عارف أنه مش هيوافق.
سليم بعصبية/اسد بيتعامل معانا زي العيال الصغيرين كأننا ملناش شخصيه وان فضلنا كده طول عمرنا عمره مهيخلي لينا شخصيه قدام حد احنا هنطلع الرحله دي ي عني هنطلعها .
زين بضيق /طب وهنجيب فلوس منين .
سليم بعصبية/هنتصرف متقلقش .
حور بخبث ومكر/وحدوا الله ي جماعه كلو الاكل قبل مايبرد .
سما بابتسامه /تسلم ايدك ي حور الاكل حلو اوي .
حور بابتسامه /تسلمي ي ست البنات.
اسد باستفزاز وغيظ/ده اكل داده نعمات هي البومه دي تعرف تعمل حاجه مش فالحه غير في الكلام الفاضي .
حور بهمس وغيظ/اهو يارب اهو شايف عمايله علشان تعرف الي هعمله فيه ده يعتبر عمل بطولي استاهل عليه التكريم استنا عليا لما الشطه تعمل عمايلها.😂😂😂😂.
بعد مرور الوقت....
في غرفه اسد ....
كان يصرخ اسد بشده والم يكاد يفتك بمعدته اثر ذلك الشطه أما حور فكانت تقف باستمتاع وتشفي .
نيرمين بفزع /اسد مالك ي حبيبي فيه ايه.
اسد بالم شديد وصراخ /اه ي امي مش قادر بطني بتتقطع .
حور بغيظ واستفزاز/شوفت شوفت اخرت العنتظه كنت لسه من شويه لسانك كان زي الحيه اديك هتموت اهو في ثانيه اتقي الله بقا واعمل لاخرتك .
اسد بغيظ وتوعد فهو متاكد ان هي السبب /حيه لما تاخد روحك ي بعيده اقوم بس وانا هوريكي الي عمرك ماشوفتيه ي بومه .
حور باستفزاز /ي عم قول يارب ده انت بينك وبين الموت شعره .
حسان بغيظ/لمي نفسك ياللي ماتتسمي اقطع دراعي أما كنتي انتي السبب .
اسد بالم شديد وصراخ بعدما ظهرت علي جسده اعراض الحساسيه /خودي البت دي من هنا علشان قسما بالله لو قومت هقتلها.
حور بغيظ شديد/ليه أن شاء الله فرخه ولا ايه.
مراد بفزع وقلق /فيه ايه ي اسد مالك .
حور باستفزاز /متقربش منه كده ي استاذ عنده جرب زي مانت شايف ربنا يشفيه يارب .
مراد باستغراب /اسد مين البت دي .
اسد بصراخ وهو يتلوي من الالم /اه مصيبه مصيبه واتحدفت علينا بس والله مهسيبها .
حور ببراءه مصتنعه/لا حول ولا قوه الا بالله هو الظلم كده داء في الناس بقولك ي خالي انزل الصعيد
هات المرهم الي كنا بنحطه للبهايم لما يجيلها جرب اهو هو والبهيمه واحد .
مراد بضحك /ههههه والله انني دمك زي العسل .
اسد بصراخ والم /هو ده وقته هاتويلي دكتور هقتلك ي حور هقتلك .
حور بغيظ /سجل ي استاذ الاعتراف علشان لو جرالي حاجه هيشدوه علي القسم قلمين ويقر بكل حاجه.
نيرمين برعب علي اسد /الدكتور جيه ي حبيبي اتفضل ي دكتور .
الدكتور بعد الكشف عليه بحده /ايه التهريج ده ي جماعه انتوا مش عارفين انه عنده حساسيه من الشطه ازي ياكل شطه بالطريقه دي .
نيرمين باستغراب /دي حاجه غريبه ي دكتور احنا طول الوقت بنحطله الاكل من غير شطه خالص.
حسان بغيظ وهمس /اقطع دراعي أن مكنتي انتي الي وراء الحكايه دي وقعتك سوده .
حور بغيظ وهمس /ياه الظلم ي ناس ياه الواحد شبع ظلم .
حسان بغيظ شديد/وحياه امك هتعمليلي فيها رابعه العدويه ي وش المصايب.
الدكتور بجدية/انا عملتله غسول للمعده بس خوده بالكم أنه هيسخن بليل ولازم حد يحطله من المرهم ده عن اذنكم .
جاكلين بفزع مصتنع/اسد حبيبي مالك .
حور بغيظ شديد/الله يخربيت ام الدبان والحشرات الي ملت البيت .
جاكلين بغيظ /وبعدين معاكي ي حشره انتي اخرجي علشان اقعد مع خطيبي شويه .
حور بغيظ وغيره /قصدك جثته ي اختي الواد بيتشاهد زي مانتي شايفه .
اسد بالم شديد/افوق بس من الي انا فيه وانا الي هتشاهد علي روحك باذن الله ي وش الفقر .
حور وهي تمسكها بغل وغيظ/بقولك ايه ي بت انتي انا مش قولتلك مش عايزه اشوف وشك هنا تاني ولا مقولتش .
جاكلين بغيظ شديد/ طيب ماشي انا هقول ل بابي واخليه يبهدلك .
حور بغيظ وغضب / ي امي ي امي خوفتيني ي بت وريني ياختي ابوكي ده وانا احطه رأسه في قاعده الحمام علشان معرفيش يربي أشكالك يلا ي بت غوري من هنا .
لتنظر بقلق حقيقي الي اسد الذي غفا الي النوم من شده الالم لتتنهد بضيق فمن الواضح أنها أخطأت بشده ...
في الشارع ...
من امام أحدا المولات الفخمه..
كانت تقف هبه وهي تمسك بيد يوسف وهي تنظر إلي ذلك الفستان المعلق بخبث ومكر.
/جميل اوي الفستان ده بيبي مش كده .
يوسف بابتسامه/فعلا يروحي حلو اوي .
هبه بخبث ومكر/بس للاسف غالي ده ب 2000جنيه بحالهم .
يوسف بعشق /وايه ي عني انا عندي كام هبه حالا هيكون عندك .
هبه بخبث/بجد ي بيبي بجد .
يوسف بابتسامه/طبعا بجد يلا ي روحي ندخل.
هبه وعي تحدث ذاتها بخبث /ايوه كده صحيح مبحبكش ي يوسف بس كفايه انك هتخلصني من الفقر الي غرقانه فيه ده ...
من امام فيلا اسد ...
مراد بابتسامه وعشق /وحشتيني .
سما بخجل شديد/وانت اكتر ي مراد كل ده تأخير ي مراد .
مراد بابتسامه /معلش ي حبيبتي كان عندي مهمه وخلصت خلاص.
سما بقلق ورعب عليه /خلصت بجد ولا بتتضحك عليا .
مراد بتننهيده وابتسامه /حبيبتي الظباط الي زي وزي اسد شايلن روحهم علي كفهم مش كل شويه هتقلقي كده .
سما بخوف وقلق /هو انا عندي اغلا منك اخاف عليه ي مراد .
مراد بابتسامه عشق /طب نتجوز بقا وتنامي في حضني بدل بعدك عني ده وخوفك كده .
سما وهي تشعر بألم شديد في قلبها /أن شاء الله ي روحي إن شاء الله بحبك ي مراد بحبك اوي.
مراد بقلق من هياتها المتالمه/مالك ي سما فيكي ي يروحي.
سما بابتسامه حزينه /مفيش حاجه ي حبيبي انا بخير اطمن .
يوسف بضيق /مراد ايه الي موقفك كده مدخلتش ليه.
مراد بابتسامه /ازيك ي يوسف عامل ايه لا انا شوفت اسد وكنت خارج عن اذنكم .
يوسف بحده/ايه المنظر الي انا شوفته ده .
سما بضيق /خير ايه الي شوفته واقفين نتكلم بكل احترام.
يوسف بحده /والله كل التسبيل ده وكان باحترام ي هانم.
سما بغضب /يوسف الازم حدودك معايا قولتلك مفيش حاجه تصبح علي خير ي اخويا .
يوسف بغيظ شديد/ماشي ي سما اما اشوف اخرتها انتي والندل ده الي بيستغفلنا.
في المطبخ ...
حسان بحده وغيظ/انت كده زودتيها اوي ي يبت .
حور بغيظ شديد/واه عاد ي خالي مانت شوفت عاد الي عمله فيا كان لازما اخاد حقي منيه .
حسان بغيظ /جرا ايه عاد ي بت هي حرب ولا ايه خلينا نشوف شغلنا الي جاين علشانه وبطلي هبل فاهمه ي بت .
حور بغيظ شديد/حاضر ي خالي حاضر .
في غرفه زين وسليم ...
زين وهو يعد الشنط للسفر /خلاص كده ي سليم .
سليم بجديه /كل حاجه جاهزه ي زين بس يلا علشان منتاخرش سمير كلمني وقالي البص هيتحرك كمان ساعه .
زين بحده /يلا خلينا نخلص من سجن سي اسد شويه الواحد اتخنق .
سليم بضيق /علي رايك ده احنا ولا البنات واحنا عرفناه وخلاص يلا بينا ..
في شقه هبه....
كان يجلس والدها وهو يدخن الشيشه بفوضويه .
/حمد لله على السلامه ي برنسيسه اخيرا شرفتي ي اختي .
هبه بزهق/فيه ايه ي بابا عايز ايه.
حمدان بغيظ /جرا ايه ي بت من ساعه مارتبطي بالواد ده والحالة ناشفه فيه ايه ي بت هو بخيل ولا ايه.
هبه بغيظ وطمع/مش لدرجه دي ي بابا انا مش عايزه ابان قدامه اني طمعانه ده حليتهم فلوس تملأ بلد بحالها بس شويه شويه وهقش كل الي حلته واديله سكه .
حمدان باستغراب /ليه ي بت هتسبيه ليه طالما الحال كده متتجوزيه وتعيش في العز ده علطول ي بنت الفقريه.
هبه بحزن شديد/مش هينفع ي بابا لاني هبقا عايشه مع وجعي وحبي الي مهما عملت مش هعرف اطوله ابدا .
في شقه مراد ....
كانت تقف رنا بابتسامه وهي تعلق الزينه ليستغرب مراد .
/فيه ايه ي بت ي رنا ليه الزينه دي .
رنا ببراءه وابتسامه وهي تمسك يده /علشان بكره عيد ميلاد اخويا حبيبي كل سنه وانت طيب ي أبيه .
مراد وهو يقبل رأسها بحنان/وانتي طيبه ي روحي يعني بكره الكل هيتجمع زي كل سنه .
صباح والدته بغمزه /وطبعا سما حبيبه القلب .
رنا باندفاع /وأسد قصدي ويوسف وكلهم ي عني .
صباح بحزن وهمس /ربنا يوفقك من الوهم الي انتي فيه ده ي بنتي.
في المطبخ ..
حسان بغيظ /ي بت قومي نامي في الاوضه الي الهانم قالت عليها .
حور بغيظ شديد/يابووي خالي انا واخده علي نومه الأرض ومش هنام غير هنه .
حسان بغيظ /اتخمدي ي اختي نامت عليكي الحيطه .
لتتذكر حور ماقاله الدكتور بخصوص اسد لتلبس نقابها وتاخد الادويه والمياه وتصعد الي الاعلي ..
في فيلا امجد البحيري....
كانت تجلس جاكلين بغيظ شديد.
/بابا انت لازم تشوف حل في البنت دي دي هتضيع اسد مني .
امجد بغيظ /اوووف من مشاكلك ي جاكي انا مش فاضي للمواضيع دي انا ورايا هم مايتلم العمليه الي هنعملها في مصر اليومين دول مش ساهله وقولتلك ابعدي عن احتكاك بالناس مفيش فايده فيكي فيه مليون واحد عايزين يوقعوني وممكن تكوني انتي الشوكه الي يكسروني بيكي .
جاكي بضيق وزهق /وبعدين ي بابا هو مفيش غير الكلام ده وايه علاقه اسد يشغلك اسد انسان هايل وسيم وغني وجنتل وانت عارف أن جوازي منه رهان مع اصحابي الي من ساعه مشافوه اتهبلوا عليه وانا هكسب الرهان ي عني هكسبه ي بابا ..
في غرفه اسد ....
كانت تجلس حور أمامه بحزن شديد لحالته كانت تتضع له الكمدات وهي تتحدث بغيظ .
/سوفت عجبك كده ي عني لو مكنتش كسرتلي الموبايل كنت زمانا طلعتك لايف دلوقتي ولمتلك تبرعات قد كده بس تعرف نفسي طول عمري في موبايل ايفون بس يكون سعره مش اقل من 150جنيه تفتكر ممكن يكون فيه يلا بقا انا هروح انام وانت انشاء الله هتكون كويس الصبح انا اسفه ي اسد ..
لتذهب الي الاسفل ليفتح عيناه تتدريجيا بابتسامه تعب بعدما سمع حديثها بالكامل ..
فجرا ....
كان يغفا اسد في ثبات عميق ليقاطعه رنه هاتفه ليفتح عيناه بانزعاج ليرد سريعا ..
/خير ي مراد .
مراد بجديه/ايوه ي اسد اللواء جلال كلمني وعايزنا حالا في الاداره انت كويس ي صاحبي.
اسد بجديه وهو يتحامل علي ذاته /لا انا جاي حالا بس بقولك ي مراد فيه حاجه مهمه عايزك تجبهالي حالا وتيجي تاخدني .
بعد مرور الوقت ...
في الخارج ...
مراد بابتسامه/حمد لله على سلامتك ي مراد امسك ي سيدي التلفون الي طلبته .
اسد بابتسامه/تسلم ي صاحبي ثواني وهاجيلك.
في المطبخ ...
كان يسير اسد الي الداخل ليصعق من الذي تنام علي الارضيه في ذلك البرد القارس ليحملها سريعا الي غرفتها ...
في غرفه حور ...
كان يضعها اسد بهدوء علي السرير وهو يضع عليها الغطاء لتنكمش به من شده البرودة ليضع اسد الهاتف بجانبها ليبتسم ابتسامه حانيه لينزل الي الاسفل للذهاب الي الاداره.
صباحا...
كانت تحاول حور فتح عيناها تتدريجيا لتنصدم من ذلك الغرفه لتنفزع بشده لتصعق عندما رأت علي السرير بجانبها بطاقه اسد الذي سقطت منه وهو يضعها علي السرير لتنفزع بشده وهي تتفحص ذاتها لتصرخ بفزع وخوف .
/عملتها ي اسد اغتصبتني علشان تشفي غليليك شرررررررررفي ...يتتتتتبع .🤭🤭🤭🤭🤭.
تسلمولي يارب غلي كلامكم الحلو ❤️❤️❤️❤️هستنا رايكم وتعليقاتكم دمتم في حفظ الله ورعايته ❤️❤️❤️❤️.
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️.
تكملة الروايه من هنااااااا
تعليقات
إرسال تعليق