 |
صعيديه امتلكت قلب الاسد ❤️❤️❤️❤️❤️.
رنا احمد عماد ✍️✍️✍️✍️.
بارت 5...
في الاداره ...
كان يجلس اسد ومراد مع اللواء جلال .
جلال بابتسامه /سلمتك ي اسد حمد لله على السلامه ي مراد .
اسد بابتسامه /الله يسلمك ي سياده اللواء .
مراد بابتسامه/شكرا سعادتك .
جلال بجديه /ايه اخبار موضوع امجد البحيري ي اسد .
اسد بجديه/متقلقش سعادتك انا مراقبه كويس اوي وبنته تحت ايدي وان شاء الله هقدر اوصل للي بيخططله في اسرع وقت .
جلال بجديه/تمام بس فيه مهمه لازم تقوموا بيها انتوا الاتنين لأنها هتاخد وقت بس انا عارف انكم هتنفذوها علي اكمل وجه.
مراد بقلق /خير سعادتك .
جلال بجديه/وصلنا أن فيه جماعه ارهابيه اجنبيه هتوصل سيناء وتستقر فيها علي أنهم سياحه .
اسد بغيظ وتوعد/بس طبعا هما بيخططوا ل حاجه تانيه تفجير مكان مهم في البلد أو قتل ولادنا الي علي الحدود.
مراد بغضب/نهايتهم هتكون علي أيدينا سعادتك متقلقش .
جلال بثقه /تمام انا واثق من كده ربنا معاكم واي اسئله هتلاقوها في الملف ده .
في الخارج ...
في سياره اسد ...
مراد بمرح /ايه اخبار الشطه .
اسد بضحك/هههههه كانت هتموتني وانت الصادق .
مراد بابتسامه/حور صح هي الي وراء الي حصل .
اسد بغيظ/هو فيه غيرها من ساعه مجت البيت وهي عامله زي مرات ابويا ومش نازلها من زور واخرتها كانت الشطه علشان تجيب اجلي.
مراد بضحكه عاليه/هههههه بنت فظيعه بس عايز افهم انت اوي محستش بالشطه دي وكالتها كده ازي.
اسد بابتسامه /طبعا حاسيت ي ابني وكنت هموت عليها كالتها ومصدقتش مانت عارف اني بحبها اوي لولا موضوع الحساسيه ده مصدقت انهم نسوا وكالت مكنتش اعرف ان المجنونه دي عملالي فخ .
مراد بابتسامه وخبث/اه ي عني الموضوع جيه علي هواك بس قولي بقا ي كبير التلفون الي خلتني لفيت القاهره كلها علي محل موبيلات فاتح علشان اشتريه لمين .
اسد بارتباك شديد/ها ابدا ده ل حور أصلها غلبانه انت كسرت التلفون بتاعها كان لازم اعوضها .
مراد بخبث استشعره اسد /اوكي وماله .
اسد بغيظ/ده بدل مانت عامل عليا محقق شوف تليفونك ده الي صداعنا .
مراد وهو يرد علي سما بارتباك /ايوه اوكي بعد ساعتين حاضر سلام .
اسد باستغراب /ايه المكالمه العجيبه دي .
مراد بقلق /ابدا دي رنا عيزاني انزل اشتريلها حاجات.
اسد بشك /ماشي ي مراد .
في فيلا اسد .
حسان وهو يضغط علي رأسه بالم شديد من ذلك المجنونه /قسما بالله انا الي استاهل ضرب الجزم اني جبتك هنا ي وش الفقر .
نيرمين بصداع رهيب/ي بنتي حرام عليكي دماغي هتنفجر مالك بس .
حور بغيظ شديد وصراخ/اه الواطي الدون خادني علي خوانه سرق مني اغلي ما املك وقهرني.
حسان بغيظ/وايه هو الي غالي عندك ي اختي انتي حيلتك حاجه اساسا .
حور بغيظ وخبث /شرفي شرفي الي راح في الهواء شوفت شوفت اهي النهايه المؤاساويه اهي .
حسان بغيظ شديد وهو يمسكها من شعرها /ده انا الي هخلي نهايتك مأسوية بجد وادفنك هنا.
اسد بجديه /صباح الخير.
حور وهي تمسكه بغيظ /انت جيت ي ندل عملتها ي واطي استغلت طيبتي ودمرتني حسبي الله ونعم الوكيل فيك.
اسد بحده/فيه ايه ي بت انتي ايه جو الدراما الهابط ده الي انتي عملاه مالك .
حور بغيظ شديد/ايوه أيوة خودوهم بالصوت انت فاكر انك هتفلت بعملتك السوده دي عظيم بيمين ابدا لكون طالعه علي القسم وهم هيتصرفوا معاك .
نيرمين بفزع وغيظ /ي بنتي حرام عليكي قولي فيه ايه.
حور بدموع مصتنعه والم /ابنك ي هانم اكمني
غلبانه وفقيره وماليش حد كسرني وقهرني اغتصبني ي هانم وخاد شرفي حسبي الله ونعم الوكيل .
اسد بسخرية/طيب معذبتكيش بالمره وطفيت السجائر في وشك مثلا .
حور بمرح /لا ده كان لسه المره الجايه .
حسان بغيظ شديد/تتغتصبك حيه تلوشك ي بعيده هيسيب جميلات العالم ويبوصلك انتي .
حور بغيظ شديد/وانا مالي ي خالي ده انا موزه الصعيد كلها ولا ناسي مين هي حور .
حسان باعتزار واسف /انا اسف ي هانم اسف ي اسد بيه دي مجنونه وبنت مجانين .
نيرمين باباسامه بعدما أدركت أن الأمر مزحه/انتي فعلا مجنونه.
اسد بغيظ /ايه أن شاء الله الفيلم الهابط ده مش كفايه الي عملتيه انبارح .
حور بغيظ شديد//افهم بجا عاد برغم كل الي عملته انبارح ليه طلعتني فوق في الأوضه وليه جبتلي التلفون ده .
اسد بتننهيده/اولا طالعتك فوق لاني انسان وبحس والدنيا كانت برد ثانيا التليفون لاني كسرتلك بتاعك كان لازم اعوضك بغيره .
حور بغرور وثقه/أكده عاد خوفت عليا من البرد ي عني متعترف وتقول كده .
اسد باستفزاز ومكر/لا خالص ماهو الواحد لما بيجيب جاموسه لازم ياخد باله منها ويدفيها ولا ايه.
ليذهب اسد وعلي وجهه ابتسامه ساحره لتمتم هي بصدمه /جاموووسه عرف منين الموضوع ده أن امي الله يرحمها وخالي كانوا دائما يقوللي انتي والجمواسه اخوات مفيش حاجه بنستخبا في البلد دي ولا ايه.
في عياده دكتور القلب ..
كانت تمسك سما ذلك التقرير وهي تتمنا من الله عز وجل أن ينجيها لتاذن لها الممرضه للدخول .
الدكتور بجدية/الوضع زي ماهو متغيرش .
سما بقلق /ازي ي دكتور بعد كل الادويه دي مفيش حاجه اتغيرت .
الدكتور بتوضيح /انسه سما حضرتك عندك القلب من زمان نشكر ربنا أن لحد دلوقتي الموضوع متطورش الاسؤاء.
سما بدموع ووجع/ي عني انا خلاص مش هقدر اتجوز ولا اخلف .
الدكتور بجدية/والله هو ممكن جواز وهيكون بالتنسيق مع جوزك وقوانين لازم انتوا الاتنين تمشوا عليها لكن حمل مستحيل قلبك مش هيتحمل ابدا.
سما وهي تمسح دموعها سريعا بالم ووجع/شكرا ي دكتور عن اذن حضرتك.
في الخارج ....
كانت تمسك سما ذلك التقرير بدموع لتتحدث بالم قد زايد الم قلبها لتتحدث بهمس والم.
/مراد مش هيعرف حاجه هنتجوز ونخلف كده كده خلاص حياتي هتنتهي يبقا علي الاقل اسيبله حته مني تفكره بيا ساعدني يارب ساعدني .
في العين السخنه...
عند زين وسليم ...
سمير بخبث واستفزاز /ايه ده ههههه بجد مش مصدق معقول خدتوا قرار لوحدكم وقدرتوا تيجوا الرحله بجد برافوا.
وين بغيظ شديد/احنا رجاله ي سمير مش عيال .
سليم بضيق /ومن هنا ورايح معاكم في أي حاجه.
سمير وهو يتوعد إليهم بالشر /حلو اوي تعجبوني تعالوا ننام شويه علشان بليل السهره هتبددي يلا .
في فيلا اسد ....
كانت تجلس حور بابتسامه وهي تمسك هاتفها تحادث ساره ..
ساره بدموع واشتياق /توحشتك جوي جوي ي حور حاسه الدنيا سجن من هنه من غيرك .
حور بحنان /وانتي والله ي خيتي اتوحشتك اوعي يكون الزفت ده بيضايقك ولا حاجه.
ساره بوجع وكسره/هيضيقني ليه ي حور ماخد الي هو عاوزه خلاص .
حور بغيظ شديد/واه عاد قفلي بقا علي الموضوع ده ربنا ياخده البعيد .
ساره برجاء وتوسل/بقولك ايه عاد ي حور شوفيلي اي شغلانه عندك انا مش طايقه البلد هنه واصل .
حور بابتسامه /من عنيا ي خيتي أن شاء الله هشوف واقولك .
ساره بابتسامه وسعاده/تسلمي ي خيتي مع السلامه .
جاكلين بغيظ شديد/ممكن توسعي شويه علشان ندخل .
حور بغيظ شديد منها /ي قاعدين يكفيكوا شر الجاين جرا ايه ي بت انتي هو مفيش فايده فيكي انا مش قولتلك متجيش هنه واصل ولا كلامي مش مفهوم .
جاكلين بغيظ وتوعد /بقولك ايه انا علي أخري ومش ناقصه قرف اوعي من وشي لاني مش هسكتلك زي كل مره اتفضل ي دادي .
حور بغيظ وتوعد/اقف مكانك ي راجل انت فين الكمامه.
امجد بغيظ /كمامه ايه هو انا داخل المطار هو فيه ايه.
حور بهمس وغيظ /بقولك ايه ي راجل انت انا الصوت العالي مبيجبش معايا خالص هتجيب الكمامه هتتدخل مش هتحيبوا وروني عرض اكتفاكم وخود السحليه دي معاك .
امجد بغضب /ايه التهريج ده يلا ي جاكي .
جاكي بهمس وغيظ /بابي مضيعيش مني الفرصه دي ده خلاص وصلت للنهايه علشان اجيب اسد .
امجد بغيظ شديد بعدما ارسل الحارس الخاص به لجلب الكمامات .
امجد بغيظ شديد /ها نقدر كده ندخل ي سياده المضيفه.
حور بانتصار ودلع لاستفزازهم /ايوه كده اتفضلوه جوه لما انده اسدي .
في غرفه اسد ...
كانت تتطرق حور علي الباب لكن لا يأتيها رد لتفتح الباب ببطئ لتتحدث باستغراب .
/واه عاد هو وراح فين ده .
اسد وهو يخرج من الحمام وهو يرتدي تيشرت ابيض وبنطلون اسود وقطرات المياه تتساقط علي وجه لتجعله أكثر وسامه.
حور وهي تقف بصدمه وهي تحدث ذاتها /لا وكتاب الله ده النهايه هتتقلب خالص وانا الي هغتصبه مش هو يخربيت جمال امك ي شيخ .
اسد بغيظ /حور حور .
حور بانتباه /نعم .
اسد باستغراب /بقالي ساعه بنده عليكي سرحانه في ايه.
حور سريعا وبدون وعي /في عنيك احمم قصدي مفيش حاجه البت الشمال الي انت خاطبها وأبوها مرزوعين تحت.
اسد بفرحه وخبث /مش ممكن امجد البحيري عندي هنا اهلا وسهلا .
حور بلهفه/هتبوظ الجوازه دي صح .
في العين السخنه...
كانوا يجلسون زين وسليم مع أصدقاء السؤء .
سمير بشر وخبث وهو تجلس معه فتاه ترتدي ملابس فاضحه /اوووه ي ساتر احلا حاجه الرحلات بلا مذاكره ولا هم .
زين بابتسامه /والله عندك حق ي سمير .
سالي بشر وخبث /وين متيجي ترقص معايا .
زين بغمزه ومرح/ارقص ي عسل مرقصش ليه .
سمير بشر وخبث/امسك ي سولي السيجاره دي هتخليك فوق وتنسا الدنيا والي فيها .
سليم بقلق /لا ي سمير مخدرات لا .
سمير بخبث ومكر/توتو انتوا هترجعوا عيال تاني ولا ايه انا مبحبش كده وبعدين ماحنا كلنا اهو بنشرب ومفيش حاجه امسك ي عم امسك .
وبالفعل قد بدأ سليم بأخذ ذلك السيجاره المسمومه ليدخنها باستمتاع تحت نظرات ذلك المنحط الذي ينظر إلي زين الذي يرقص مع الفتاه بطريقه غير أخلاقية ليبتسم بشر فهو دائما كان ي غار منهم ومن علاقتهم باسد أخيهم فهو يشعر بالغيرة لانه يفتقد كل ذلك للاسف من إهمال الاهل ...
في أحدا الكافيهات الفاخمه.....
مراد بابتسامه/ممكن اعرف الجميل طلب يشوفني ليه .
سما بابتسامه وعشق /علشان اقولك علي احلا خبر في الدنيا كلها انك تروح تطلبني من اسد ودلوقتي حالا.
مراد بعشق وسعاده لاتوصف /انتي بتتكلمي جد ولا بتهزري .
سما بابتسامه تخفي الما وحزنا/مبهزرش ي مراد انا عيزاك جنبي .
مراد بقلق بالغ/نبره صوتك بتقتلني قوليلي فيكي ايه ي سما ليه عايزه تموتي فرحتي ليه لسه كنتي رفضه الموضوع ودلوقتي موافقه فيه ايه.
سما بابتسامه /عيزاك جنبي وخلاص مش عايزه حاجه تاني ي مراد .
مراد وهو يقبل يدها بعشق/وانا جنبك ومعاكي وعمري كله ملك ايديكي.
كانوا ينظرون لبعض بعشق وسعاده لما يعايرون بمن تقف وهي تصورهم بعدما كانت جالسه مع اصدقائها لتتحدث بخبث ومكر هبه /وعمالالي فيها شريفه وفاهمه كل حاجه ي ست سما اما نشوف اخواتك هيعملوه ايه بعد الفيديو ده ..
في فيلا اسد ...
في غرفه الصالون ....
اسد بخبث ومكر/اهلا اهلا امجد بيه.
امجد بغيظ شديد/اهلا ي اسد ممكن اعرف ايه الي بيحصل ده مين البنت دي الي عماله تتحكم فينا وعامله ولكنها صاحبه البيت .
حور بغيظ وتوعد /وليه الغلط ي راجل انت مانا دخلتك اهو انت والعقربه دي بس انا الي استاهل كان لازما اسيبكم بره لحد مايبنلكم صاحب.
جاكلين بدلع ودلال/أسدي عامل ايه ي حبيبي وحشتني .
حور بغيظ واستفزاز/جرا ايه ي بت انتي ماتحترمي ال اريل الي واقف ده لمواخذه ي حاج انت ملكش اي لازمه .
اسد وهو يكتم ضحكاته بصعوبه/حوور كفايه كده وشوفي الضيوف يشربوا ايه .
حور بغيظ مكتوم /حاضر هتتطفحوا ايه عاد .
جاكلين بغرور وثقه/انا عايزه هوت شوكلت .
امجد بجديه/وانا كابتشينو معلقه واحده سكر .
حور بغيظ شديد وهي تسير للخارج/هو شاي متعيشوا عيشه اهلكم هتعملولي فيها من مارينا ده الي يدور وراكم يلاقكم جاين من تحت الكبري حاجه هم .
اسد وهو يحدث ذاته بإعجاب /بت مجنونه بس عسل .
في المطبخ ...
كانت تقف وهي تنظر لازازه زيت الخروع بمكر وخبث لتغني بمرح/انا طبعي كده 😂😂وبحب كده وبحب اعيش ومعنديش الا كده 😂😂😂ههههه استنا عليا ي نفتلين انتي وابوكي مبقاش انا حور لو مخليتكم تقضوا اليوم كله في الحمام .....يتتتتتتبع ...
❤️❤️❤️شكرا ليكم يا غالين علي كلامكم الحلو هستنا تعليقاتكم وتفاعلكم الكبير وتوقعاتكم للي جاي دمتم بخير وعافية ❤️❤️❤️❤️❤️❤️.
انشاء الله بارت بنات مهران هينزل بعد شويه ...
صعيديه امتلكت قلب الاسد ❤️❤️❤️❤️
رنا احمد عماد ✍️✍️✍️✍️✍️✍️.
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️✍️.
بارت 6.....
في فيلا اسد ..
في المطبخ ..
كانت تقف وهي تتضع زيت الخروع في الشاي وعلي وجهها ابتسامتها الماكره لتقع عين عنيات عم ماتفعله لتتحدث بهمس وغيظ/بتعملي ايه ي حور ايه الي حطتيته في الشاي ده .
حور بفزع وغيظ /جرا ايه ي وليه خضتيني بعمل مع السحليه دي وأبوها الواجب الصح .
عنيات بجديه/ي بت مش كفايه موضوع الشطه انت شكلك ناويه علي قطع عيشك من هنه .
حور بغيظ شديد/موضوع الشطه يختلف عن كده ي خالتي البت دي هي وأبوها بيلعبوا علي اسد انا حاسه بكده وبعدين انتي مش شايفه نيرمين هانم بتكرهم كده ايه انا عايزه اخلص علي الموضوع علشان خاطرها انتي عارفه انا بحبها جوي .
عنيات بخبث /لا ي شيخه بتحبي نيرمين هانم ولا ابنها.
حور بارتباك وغيظ /بقولك ايه ي عاشقه حسان انتي ابعدي عني خلينا اشوف الهم الي انا فيه.
عنيات وهي تتبع أثرها بمكر وخبث/اقطع دراعي لو مكنتي وقاعه في حب اسد ي حور.
في غرفه الصالون ...
حور بغيظ وتوعد وهي تتضع الشاي /اتفضلوا الشاي .
جاكي بغيظ /انا طلبت هوت شوكلت .
حور بغيظ واستفزاز/ابقي خالي ابوكي يجبلك من اي صيدليه هو ده الي موجود هنه وبعدين عيشه عيشه ابوكي .
امجد بغيظ شديد/اسد يابني اظن كفايه لحد كده انا سمعه بنتي عندي بالدنيا .
حور بغيظ وهي تضع رجل علي رجل وتتحدث كأنها والده اسد /سمعه بنتك دي زي الطين كده كده اصلا ده كفايه الي لبساه واحنا بقا مش عايزين الجوازه دي مفيش نصيب .
اسد بغيظ وتوعد/حووور قولتلك اسكتي بقا .
حور بغيظ شديد/انا الي غلطانه سكت .
اسد بخبث ومكر/حضرتك عايز توصل لايه .
امجد بهبث ومكر /انت لازم تتجوز جاكي بقا كفايه كده الموضوع طول.
حور بغيظ شديد/ايوه ايوه الموضوع طول ماهي بتبددي بكده طبعا عايز تخلصوا الموضوع قوام قوام قبل الفضيحه متبان طبعا مانتوا لقيتوا الحمار الي هيشيل شيلتكم.
اسد بصدمه وغيظ /حمار.
امجد بجديه وغيظ /اسد بيه فرحكم بعد بكره انا رتبت كل الترتيبات وهيبقا في فيلتي لاني دي كانت وصيه امي جاكي الله يرحمها.
حور بغيظ وهمس /الله يرحمها ويبشبش الطوبه الي تحت رأسها ارتاحت من اشكلكم العره .
اسد بخبث /بس انا بقا شايف أنه اخر الاسبوع احسن .
حور بغيظ وغيره /انا شايفه أن الموضوع مالوش لازمه اصلا والله.
امجد بارتباك وقلق/لا مش هينفع لاني هسافر هو بعد بكره والموضوع انتهاء وانا رتبت كل حاجه.
اسد وهو يحدث ذاته بخبث /يبقا كده تفكيري صح اكيد هو ده اليوم الي هينفذ فيه المهمه علشان يبين للكل أنه موجوده ويشيل من عليه أي شبهات واخيرا وقعت ي امجد .
حور بغيظ شديد/ي عني ايه ي عني انتوا هتحدوداو علي مزاجكم ولا ايه احنا مش موافقين .
اسد بحماس واخيرا قد وقع امجد في الفخ /انا موافق ي امجد بيه تمام بعد بكره الفرح .
جاكلين بخبث واستفزاز /بجد ي بيبي كنت عارفه انك ملهوف عليا اكتر مني كمان .
حور بغيظ وغيره وهمس /اللهي يتلهف عليكي القطر يحضنك كده ويخلصنا منك ي بعيده .
امجد بابتسامه وقد شعر بأنه انتصر /تمام عن اذنك ..
جاكي وهي تنظر إليه بدلال ودلع/هتوحشني ي حبيبي.
حور بغيظ شديد وهي تمسكها بحده/جرا ايه ي بت انتي ماتحترمي النطع الي واقف ده ولا هو مركب الدش وبعدين تمشوا فين والله مايحصل الا لما تشربوا الشاي ده هيكفيكم جوي جوي .
بعد مرور الوقت ..
كانوا يصرخون بشده من بطونهم لتبتسم بخبث ومكر ليبتسم هو بسخريه فلافائده من ذلك المجنونه .
حور وهي تغلق الباب في وجوههم بحده /يلا ي اخويا انت وهي من هنه جاتكم الهم مليتوا البلد .
اسد بحده مصتنعه /ممكن اعرف ليه الي عملتيه ده وازي تكلميهم بالطريقه دي .
حور بغيظ وغيره /اولا اشكال زي دي مينفعش معاهم غير كده ثانيا انت فعلا هتتجوز البت دي .
اسد بخبث /بحبها وعايزها تفتكري ممكن اسبيها .
حور بعصبية تخفي الما /بس هي متستهلكش مش لايقه عليك واصل متستهلكش .
اسد بثقه وعيناه تتفحصها بدقه /وانتي تعرفيها منين علشان تقويلي كده ولا تعرفيني أنا منين علشان تقولي أنها متستهلنيش .
حور وهي تخفي وجعها ببراعه لتتحدث بصوت مهزوز/انا بعرف اشوف الناس وافهم كويس جوي ولعلمك الجوازه دي مش هتم واصل .
اسد بخبث /ومين الي هيوقفها أن شاء الله انتي .
حور بعصبية وتصميم /ايوه انا نرمين هانم مش عايزه الجوازه دي وانا هنفذلها الي هي عيزاه وهتشوف ..
لتصعد الي الاعلي تحت نظراته الساحره فمن الواضح أن تلك الصعيديه المجنونه ستستحوذ علي قلب الاسد ....
في غرفه زين وسليم...
كانت تقف نيرمين وهي تحاول الاتصال بيهم مرارا وتكرارا ولكن لما يجيبوا .
نيرمين بغيظ وخوف /كد برضه محدش بيرد اعمل فيكم ايه اقول ل اسد ايه انا اصلا غلطانه من الاول اني سمحت بالمهزله دي .
اسد باستغراب وحده /ايه ي امي هما مش هيرجعوا
من عند صاحبهم النهارده كمان ولا ايه.
نيرمين بارتباك /ها ايوه ي اسد سببهم قاعدين شويه ايه المشكله اهم بيذاكروا .
اسد بجديه /طيب ي امي ألمهم فرحي انا وجاكلين بعد بكره انا أنفقت مع ابوها.
نيرمين بغيظ شديد/نعم بالسرعه دي وانا ايه ماليش كلمه ي عني برضه مصمم علي الجوازه دي ي اسد .
اسد وهو يقبل يدها بحنان/اسمعي بس ي ست الكل الموضوع ده خاص بشغلي وقريب اوي هتفهمي انا بعمل كده ليه بس ارجوكي تقبلي الموضوع لآخر .
نيرمين بابتسامه حنونه/ماشي ي حبيبي حاضر .
في المطبخ ...
كانت تجلس بضيق شديد فماذا حدث لها لماذا تكره من تقترب منه لماذا تود أن تخنقها بيدها كأنه خلق لها فقط ليقترب منها حسان بابتسامه .
/عامله ايه ي بت ي حور مش عوايدك ساكته كده بتخططي لايه .
حور بضحك ومرح/هههههه والله جيت علي الجرح ي خالي من ناحيه بخطط فانا بخطط لحاجه هتعجبك جوي جوي .
حسان بضحك ويأس منها/هههه ربنا يستر .
اسد بجديه/حسان جهز العربيه .
حسان بابتسامه/امرك ي اسد باشا .
حور بغيظ شديد/رايح فين كده وانت متشيك كده .
اسد وهو يحاصرها بين يديه بمكر /ايه رايك عجبتك.
حور بارتباك شديد/ها وانا مالي اصلا .
اسد بابتسامه ساحره /ماتيجي معايا المشوار ده انا رايح اجيب فساتين وشويه مكياجات ل جاكي بس سما مش فاضيه متيجي معايا .
حور بخبث ومكر/واه وماله اجي معاك طبعا انا احب دايما اعمل خير يلا بينا .
اسد وهو يكتم ضحكاته بصعوبه فهو يعلم ماتخطط لها ومستمتع بيه /يلا .
في الصعيد ....
كانت تسير ساره الي بيتها ليعترضها شريف بحده .
ساره بكره وغيظ /انت عايز مني ايه عاد .
شريف بحده /حور فين ي بت .
ساره بغضب جحيمي/وانت عايز منها ايه ي عره الرجاله .
شريف بغيظ شديد/ي بت انا مش فاهم انتي شايفه نفسك علي ايه مش كفايه الي عملته فيكي ولا مقصرش لسانك ده شويه .
ساره بوجع ومراره وهي تود قتله بيدها /حسبي الله ونعم الوكيل فيك يا شيخ انا نفسي اقتلك بايديا دول .
شريف بحده /مش وقته ي اختي قوليلي حور فين وبعدين ابقي اقتليني .
ساره بغضب شديد/مش هقولك هي فين وأبعد عن حور واصل بدل ماقسما بالله هقتلك بايديا دول .
في شقه مراد ....
كان يجلس بسعاده فهو واخيرا هيجتمع مع معشوقته .
رنا بابتسامه /ايه الابتسامه الساحره دي ي مراد .
مراد بابتسامه وسعاده /اصللي خلاص قررت أخطب سما ونتجوز .
رنا بسعاده كبيره/بجد الف مبروك ي حبيبي امتا بقا ها امتا.
مراد بغيظ /ي بت اهمدي كده ورانا بس مهمه نخلص منها وبعدين هفاتح اسد علطول .
رنا بغيظ شديد/اوووف انتوا مهماتكم مش بتخلص اصلا .
مراد وهو يحتضنها بحنان/هتخلص يروحي وكله هيبقى تمام أن شاء الله عقبال مافرح بيكي ي رنا .
رنا بدعاء وتمني وهمس لمن تعشقه /يارب ي مراد يارب.
صفيه بغيظ /ايه الي بيحصل ده ي مراد نيرمين بتقول أنهم اتفقوا علي فرح اسد.
رنا بصدمه وهي تشعر بانفاسها تتوقف /فرح اسد.
مراد بصدمه/اسد مقاليش حاجه انا لازم أقابله ليسرع الي الاسفل تاركا ذات التي ينزف قلبها الما.
في منزل امجد البحيري.....
جاكلين وهي تنشر الخبر في كل مواقع التواصل الاجتماعي الخاصه بها لتبتسم بغرور ومكر لتفاعل الفتيات ومنهم من تنظر إليهم باستفزاز وغرور فهي ستتزوج من اسد الجوهري ....
امجد بجديه وهو يحدث أحدا رجاله في الهاتف /ايوه اسمع العمليه هتننفذ بعد بكره ده انسب وقت هيكون فرح بنتي ي عني مهمها هيحصل محدش هيشك فينا هو المتحف الاسلامي ده المهم وهيكون صدمه كبيره وقاضيه لمصر والحبايب الي بره هيفرحوا اوي يلا سلام...
في العين السخنه...
في غرفه زين ..
كان يحاول فتح عيناه تتدريجيا ليشعر بالم شديد في الرأس لينظر بفزع الي هيئته هو ذلك الفتاه الذي تغفا جانبه شبه عاريه ليشعر برعب شديد .
وين بفزع وصراخ/سالي سالي فوقي .
سالي وهي تتملل في الفراش بدلع/صباح الخير ي روحي .
زين بحده وصراخ /ايه الي حصل بينا ده ازي ده حصل ازي .
سالي بفزع وخوف /هو ايه الي ازي ي زين احنا جينا هنا علي الأوضه وكنا شاربين وحصل الي حصل .
زين بجنون وصراخ /ي عني ايه دي مصيبه مصيبه .
سالي بدموع مصتنعه وصراخ /ي عني ايه ي زين هتسببني بعد الي حصل ده ده بابا ممكن يقتلني .
زين بوجع وكسره/نرجع بس القاهره وبعدين نشوف هنعمل ايه.
في غرفه سليم ...
كان يشعر سليم بوجع مميت في الرأس ليسرع الي غرفه سمير لأخذ ذلك المخدر اللعين .
في غرفه سمير ...
سليم وهو يصرخ بشده من الالم /سمير ارجوك هات حقنه بسرعه .
سمير بخبث وشر /توتو مانا قولتلك ي سليم مش مره واحده كده .
سليم بصراخ والم شديد /بقولك مش قادر اتصرف اعمل اي حاجه هموت .
سمير بشر وهو يعطيه المخدر /بجد صعبت عليا امسك .
ليمسك سليم المخدر سريعا من سمير الذي ينظر إليه بانتصار فأخيرا قد استطاع واخيرا اللاطاحه بيهم في نفس ذلك اللحظه قد اسرع زين الي سليم ليحكي له ماحدث لينصدم من ذلك المشهد المؤلم ليضع رأسه أمام الحائط بالم فقد انتهوا فذلك عقاب من الله بسبب اضطهادم لمن رسخ حياته لهم ليكون لهم السند والضهر والاخ فالعقاب الآتي سيكون صعبا للغايه ....
في أحدا الكافيهات الفاخمه.....
يوسف بابتسامه /ممكن اعرف الجميل طلب يشوفني ليه النهارده.
هبه بخبث ومكر/بصراحه فيه حاجه عايزاك تعرفها بس انا مكنتش هقولك بس انا بجد بحب سما زي اختي وخايفه عليها ومش عيزاك انت وأسد تتخدعوه ويعمل صاخبكم وهو من وراكم بيحاول يكسركم .
يوسف بحده وقلق/فيه ايه ي هبه انا مش ناقص اتكلمي علطول.
هبه بخبث ومكر وهي تعطيه الفيديو /امسك وانت هتعرف كل حاجه بنفسك .
مراد بغضب جحيمي/اه ي واطي ي حقير نهايتك علي ايدي ي كلب ..
في أحدا محلات الاكسسوارات الفاخمه ....
كانت تسير حور مع اسد وهي تتفحص المكان بغيظ شديد يمتلكها لتقترب منهم الفتاه ..
/تحت امركم محتاجين حاجه معينه .
اسد بابتسامته الجذابه /محتاجين شويه مكياجات للعروسه .
حور بغيظ وهمس /عروسه الشوم والندامه تبقا تقبلني لو الفرح ده تم .
الفتاه وهي تنظر إلي حور بصدمه واستغراب /هي دي العروسه .
حور بغيظ واستفزاز/تقدري تقولي كده فيه عندك مانع ي حلوه تعالي وريني الي عندكم هنه .
اسد بضحك وهمس /ربنا يسترها عليكي ي بنتي دخلتي ليفل الوحش هههههههه .
في ركن المكياج والعطور..
كانت تتفحص حور الاشياء بغيظ فهي تود شراء اسوء شي لعدوتها اللدوده لتقع عيناها علي ذلك الكرتونه الذي تحتوي علي عدد كبير من علب المكياج الذي توحي هيئتها بأنها قديمه بعض الشئ .
حور بتصميم /انا عايزه من الكرتونه دي .
الفتاه بضيق /ي هانم دي حاجات اكس باير .
حور باستغراب /ايه اكس فاكتر دي .
الفتاه بنفاذ صبر /يةعني حاجات منتهيه الصلاحيه مينفعش تستعمل هدمر البشره وتشوها.
حور بابتسامه واسعه ماكره وهي تتخيل جاكلين وهي تصرخ من تشوه وجهها لتتحدث بحماس /ايوه كده هو ده بقولك ي حلوه انا هاخد حاجات من دي .
الفتاه بعصبية/بقولك لحضرتك دي حاجات منتهيه الصلاحيه مينفعش تستعمل.
حور بغيظ وهمس /بقولك ايه عاد انا فيا الي مكفيني وانا العروسه وبقولك هاخدهم ماشي محلكيش صالح هاتي كيس بلاستيك احط فيه اخلصي.
بعد مرور وقت بسيط ..
كانت تمسك حور الكرتونه وتجلس وهي تتضع بها ماتريد لتتحدث الفتاه بهمس وهي تنظر إلي اسد بإعجاب شديد ..
/انا التانيه وجعه دماغي معاها ليه يعني الحاجات دي هتشوه ايه اكتر من الي متشوه شكلها تقرف كلب وهتتجوز قمر يحل من علي الحبل المشنقه وهي شبه المعزه ..
لترفع رأسها وهي تنظر إليها بغيظ لتتمتم بغيظ وصراخ /معزه طب انا هوريكي المعزه دي هتعمل معاكي ايه عاد لتنقض عليها كالوحش الكاسر ليسرع إليها اسد بفزع يحاول تخليص الفتاه من يدها .
اسد وهو لم يستطيع تمالك نفسه من الضحك /ههههه عملتلك ايه الغلبانه دي ي مفتريه سبيها .
حور بغيظ شديد/بقا انا معزه لما انا بقا معزه يبقا انت خروف .
اسد بصدمه /خررروف ......يتتتتتبع .
❤️❤️❤️❤️🤭🤭🤭🤭إن شاء الله لو التفاعل لحد الساعه عشره بليل عجبني هنزلكم واحد تاني أما أن شاء الله حبايب قلبي متابعين بنات مهران 💪😉 أن شاء الله هنزل بليل بارت طويل لاني عارفه اني مقصره في الروايه دي هستنا تعليقاتكم وتفاعلكم الكبير وتوقعاتكم للي جاي دمتم بخير وعافية ❤️❤️❤️❤️❤️❤️❤️.
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️✍️.
تكملة الروايه من هنااااااا
تعليقات
إرسال تعليق