 |
استاذ ياسر: مي متجيش متأخر تاني كدا هضطر اخصم منك
مي: حاضر ي استاذ ياسر والله الطريق كان واقف
استوب
انا مي محمد عندي 23 سنه في كليه فنون جميله اخر سنه شغاله ف مطعم علشان حالتنا الماديه مش حلوه اوي يعني عندي اخ أصغر مني عنده 17سنه ف 1 جامعه بابا متوفي وعايشين مع ماما انا اللي بصرف ع البيت
نكمل
كانت مي تقدم الطلبات وتشعر بالتعب ف هي خرجت من الجامعه وأتت مسرعه إلى مكان عملها
شخص: لو سمحتي
مي: اتفضل طلبك اي
استوب
انا ادهم الألفي عندي 27 سنه عيلتي من أشهر العائلات في مصر خاطب بنت صاحب ابويا مفيش بينا حب بس زي صفقه عمل كدا
نكمل
ادهم: اتفضلي اطلبي اللي عايزاه ي شاهي
شاهي بدلع: اوكاي ي بيبي بصي ي اسمك اي انا عايزه سموزي مانجا
ادهم:مش هتاكلي الاول؟
شاهي بدلع: لا ي بيبي عامله دايت
ادهم بملل: ماشي وهاتيلي انا قهوه
مي: حاضر ي فندم
ظل ادهم ينظر إلى هذه الفتاه الجميله
شعرها يميل إلى اللون الأحمر والكعكه المبعثره التي في شعرها وينسدل منها خصلتان على وجهها لا تضع مساحيق تجميل سوى احمر شفاه هادئ وبعض الماسكرا ترتدي بنطال باللون الأسود ويعتليه يونيفورم العمل تيشرت باللون الأبيض بشرتها بيضاء
سرح بها فكم هي جميله
إلى أن قطع سرحانه شاهي: مالك ي بيبي سرحت ف اي
ادهم: مفيش حاجه
ونظر لها ف هي ترتدي تنوره قصيره تظهر فخذيها وتيشرت قصير وتظهر بعض الأماكن من بطنها وتضع مساحيق التجميل جميعها من احمر شفاه وايلاينر وماسكرا وكل شئ لم تترك شئ لم تضعه على وجهها
شاهي بدلع: مالك ي بيبي
ادهم: قولت مفيش وبعدين انا قولتلك كام مره وانتي خارجه معايا تطولي لبسك دا شويه هو انتي ماشيه مع خروف ولا اي
شاهي ببرود: دا استايلي والله ي بيبي مش عاجبك متبصش عليا أتت مي واحضرت طلباتهم ووضعتها على الطاوله
مي بهدوء:اتفضلوا
شاهي: اتفضلي انتي امشي
مي: اوامرك ي فندم
وغادرت مي
ادهم: بتكلمي البنت كدا لي؟ هي عملتلك حاجه؟
شاهي: بكره الفقراء يععع بحسهم جربانين كدا اتخلقوا للذل وبس
نظر لها ادهم بإشمئزاز: انتي مجنونه
ونظر في الجهه الأخرى وارتشف بعض القهوه ونظر لها بعصبيه
ادهم في نفسه: الله يسامحك ي بابا بجد
شاهي بدلع: بيبي انا خلصت ياللا نمشي من المكان المقرف دا
ادهم بحده:المكان المقرف دا انتي اللي جبتينا فيه
شاهي:مكنتش اعرف انه ب السوقيه دي
ادهم: امشي قدامي
وغادروا وقبل ان يغادر نظر إلى مي بإبتسامه
اوصل شاهي إلى منزلها وذهب إلى شركته
دخل إلى مكتبه وصفع الباب
دخل وراءه ابن خالته وصديق طفولته جاسر:مالك ف اي داخل مش طايق نفسك
ادهم: زهقت ي جاسر زهقت يعني اي ابقا راجل عندي 27 سنه وابويا يخطبلي واحده غصبن عني ومش شبهي دي بتبقا ماشيه قالعه واكلمها تقولي مش عاجبك متبصش عليا
جاسر: معلش ي ادهم معلش انت عارف والدك مش بيتفاهم
ادهم: اووف زهقت
جاسر: ركز بس ف شغلك احنا عايزين سكرتيره لحضرتك ومش لاقيين
ادهم: نزل في الجرايد
جاسر:وفي حاجه كمان؟
ادهم: اي هي ي وش الفقر
جاسر: مامتك كلمتني وعايزه شغاله جديده
ادهم: اوفففف نزل ف الجرايد
جاسر:حاضر وتركه وخرج
في المطعم
استاذ ياسر: انا اسف ي مي صاحب المطعم طلب نمشيكي
مي بحزن: لي انا عملت اي؟
استاذ ياسر:في واحده بنت صاحب مدير المطعم هتيجي مكان معلش ي بنتي
مي بحزن: ماشي ي استاذ ياسر وغادرت
في منزلها
مي بحزن: ماما طردوني من الشغل
والدتها: لي ي بنتي
مي: بنت صاحب مدير المطعم عايزه تشتغل ف مشوني
والدتها: خير ي بنتي متزعليش
مي: هقوم احضر الاكل
صباح يوم جديد
ذهب ادهم مبكرا إلى المطعم ليرى هذه الفتاه التي سلبت عقله فلم يجدها ف غادر مره اخرى واستغرب عدم وجودها فجأه
وذهب إلى شركته
مي: ماما في إعلان نازل ف الجرنال انهم عايزين شغاله في بيت الألفي اروح اشوف؟
والدتها بحزن: هتروحي تشتغلي خدامه يبنتي؟
مي:الشغل مش عيب ولا حرام ي امي هنزل اشوف الشغل وقبلتها وخلي الواد حازم يذاكر
والدتها بإبتسامه:حاضر ي حبيبتي
ارتدت مي ونزلت إلى قصر الألفي
يتبع....
#_صدفه
ل #Naglaa_E_Mohamed
فكره #_Gerges_shenouda
الثاني
مي تقف أمام القصر
وسمح لها الامن بالدخول
دخلت مي وهي تنظر ارضا حتى دخلت
ثريا والده ادهم: اهلا ي بنتي انتي اللي جايه تقدمي ع الشغل؟
مي بخجل: ايوا ي هانم
ثريا: اسمك اي
مي: اسمي مي
ثريا: بتدرسي؟
مي: اه انا ف كليه فنون جميله اخر سنه وعندي 23
ثريا:ربنا معاكي ي حبيبتي تصدقي انك مختلفه
مي: مختلفه ف اي؟
ثريا: كل اللي جم قبلك كانوا بيبصوا ع القصر وقعدوا يقولوا كل دا ومش عارفه اي لكن انتي مرفعتيش عينك حتى يسلم اللي رباكي والله
مي: بابا الله يرحمه علمني عيني تبقا مليانه والحمدلله مش ناقصني حاجه علشان ابص على القصر
ثريا: الله يرحمه ي بنتي بصي المطبخ من هنا داده امينه
أتت داده امينه: نعم ي هانم
ثريا: خدي مي وريها المطبخ
داده امينه:حاضر ي هانم اتفضلي ي بنتي
اتي ادهم من العمل مبكرا
ادهم: ماما ي ماما
ثريا: نعم ي حبيبي
ادهم بخنقه: م تشوفي بابا مصمم يعزم شاهي وابوها النهارده انا..
وقاطع حديثه دخول مي
مي: اعمل اي تاني ي ست هانم
ادهم بصدمه: انتي
مي: حضرتك تعرفني
ادهم: انا اللي جيت المطعم امبارح مع خطيبتي
مي بحرج: اسفه مش فكراك انا مش ببص ف وش الزباين وتركته وعادت إلى المطبخ
ثريا بحده: بص ي ولد انت ملكش دعوه ب البنت ولا تحتك بيها اصلا مش عايزين ابوك يعملها مشكله وانت عارف لما بيحط حد ف دماغه
ادهم: حاضر ي ماما المهم انا مش عايز شاهي تيجي
ثريا: لي؟
ادهم: لبسها يقرف طريقه كلامها مقرفه بقولها اعدلي لبسك بتقولي مش عاجبك متبصش
ثريا: انا مش بحبها اصلا ي ادهم بس دا قرار ابوك ودي صفقه مهمه انا مليش دعوه
حتى دخل عز الألفي والد ادهم: ملكيش دعوه ب اي ي ثريا؟
ثريا: لا ولا حاجه انت عازم شاهي وأهلها لي
عز: كدا عشا عائلي وهنتكلم ف الشغل
ادهم بتأفف: انا طالع انام
عز بحده: الساعه 7 تكون قدامي هنا ي ادهم
صعد ادهم إلى غرفته وصفع الباب
في الأسفل
ثريا: ابنك مبقاش صغير ي عز دا عنده 27 سنه مش كفايه خطبتله غصب عنه
عز بحده: متدخليش ف تربيتي ي ثريا
ليكمل جبتي شغاله؟
ثريا بحزن: اه جوا ف المطبخ
عز: طب اندهيلها علشان اعرف اسمها واجيب تفاصيل عنها مش اي حد نشغله عندنا
ثريا: طيب
مي ي مي
مي بهدوء:اوامرك ي ثريا هانم
ثريا: تعالي عز بيه عايزك
ذهبت مي إلى عز لينظر لها عز من أسفل لأعلى
عز: انتي بقا الشغاله الجديده؟
مي: ايوا انا
عز: اسمك وسنك ساكنه فين وتفاصيل كدا
مي: اسمي مي محمد 23 سنه كليه فنون جميله اخر سنه بابا متوفي وعايشه مع ماما واخويا الصغير
عز: طيب ماشي بصي الشروط هنا متمديش ايدك و....
قاطعته مي: انا الحمدلله مش ناقصني حاجه ي بيه علشان أمد ايدي او بص لحاجه مش بتاعتي مرتبي بس اللي هاخده وشغلي هخلصه واروح
عز: شاطره اتفضلي على شغلك
خرجت مي والدموع تملأ عينيها تلعن الظروف والحياه التي اجبرتها ان تعمل خادمه مسحت دموعها وذهبت الى المطبخ
في المساء
أتت شاهي ووالديها وشقيقها الاكبر شاهي تبلغ من العمر 23 عاما واخيها يبلغ من عمره 29 عاما
جلسوا لتقدم لهم مي بعض المشروبات حتى ينتهي تجهيز الطعام والسفره
شاهي بقرف: انتي بتعملي اي هنا
مي: نعم؟؟
يتبع....
Thanks 1k♥️♥️♥️♥️
#_صدفه
ل #Naglaa_E_Mohamed
فكره #_Gerges_shenouda
تكملة الروايه من هنااااااا
تعليقات
إرسال تعليق