 |
شكرآ جدا جدا علي التفااعل القمر ده وبتخلووني متحمسه وناا بكتب 🥺💖💖🫶 + بحبكككم في الله ♥
طفلتي🤎
البارت التالت
رعد دخل الفيلا وكان مخنوق جداا
ناديه: مالك يارعد مالك
رعد: مفيش يانانا انا كويس بس عايز انام
ناديه: الاول كنت فين واي ريحتك دي انت مش هتوب بقا انا زهقت
رعد: مفيش حاجه يانانا كلنا بنسهر ونشرب
ناديه: ناقص تجبلي واحده وتدخل بيها هنا هيا دي وسختك
رعد: بقولك اي يانانا انا تعبان وعايز انام
ناديه: لما اكون بكلمك متسبنيش وتمشي فاهم
رعد: طب في اي
ناديه: هتبطل امتي القرف ده
رعد: معرفش ادعيلي انتي بس
وجاه يمشي ناديه مسكته وضربته بالقلم
رعد مصدوم
ناديه: انا اول مره اضربك بس لما الاقيك قليل الزوق معايا يبقا اضربك بميت جزمه
رعد: مكنتش متخيل تضربيني
ناديه بعصبيه: لا اتخيل ولما مبتلطش القرف ده همشي واشوف حته اقعد فيها لاني بجد تعبت من كل يوم تيجي بشكل ده
رعد: تمشي تروحي فين
ناديه: اي حته بس مكونش معاك كدا لاني هستعر منك
رعد الكلمه دي نزلت عليه بصمت
ناديه دخلت اوضيتها ورعد دخل اوضته
وقعد يفكر في كلام ناديه انها هتسيبه وتمشي فاقام وخد شور ونام
عند تاج نايمه علي فرشه في الارض وبردانه جداا
اخوها الصغير جاه: مالك يااتاج انتي بردانه
تاج: لا ياعز انا مش بردانه الجو حلو
عز عنده 8سنه شعره اسود وعينه سوده وبيحب تاج لان تاج كانت بتقعد بيه عشان مرات ابوها كانت بتخرج
عز: يعني انتي مش بردانه ازاي ده انا بردان
تاج: تعالي اغطيك كويس ومش هتبقا بردان
عز: نامي جمبي ياتاج
تاج: مش هينفع مش بعرف انام جمب حد
عز: ماشي ياتاج خدي بوسه
تاج: يلا تصبح علي خير
عز: وانتي من اهله
تاج خرجت من اوضة عز وهي مخنوقه وراحت علي واضيتها
تاج في نفسها: ليه مرات ابويا بتعمل معايا كده كان نفسي امي تكون عايشه وتخدني في حضنها زي اي بنت ربنا يرحمك ياامي
بعد تفكير من تاج نامت
تاني يوم عند تاج صحيت دخلت المطبخ تعمل اكل
سحر صحيت ورحت عند تاج
سحر: انتي ابت الشقه مبهدله روقي وامسحي
تاج: انا لسه مسحه امبارح
سحر مسكت تاج من درعه وهيا جسمها وجعها
وقالت: انتي ابت اي حاجه اقولك عليها تسمع الكلام فاهمه مرحش لابوكي واقوله
تاج بدموع جامد: قوليله انا تعبت
سحر: انتي عارفه لو قولتله هيعمل اي ممكن يمشيكي من هنا
تاج: ياريت انا تعبت بجد
سحر: اعملي اللي بقولك عليه وانتي ساكته ولما يجي ابوكي ليا كلام معاه انا خرجه ومفيش حد في البيت اجي الاقي الشقه بتلمع وانتي كمان انضفي شويه جتك القرف
سحر مشيت وتاج فضلت تعيط: لا انا لما يجي بابا يوديني عن ستي انا تعبت من القرف ده يارب خدني وريحني من العيشه دي بجد
في فيلا رعد
رعد صاحي واخد شور ولبس هدومه ونزل
لقه جدته قاعده
رعد: صباح الخير يا نانا
ناديه مش بترد عليه
رعد قام وباس ايديها: خلاص والله انا هسمع كلامك بس متبعديش عني خليكي معايا وهبطل اشرب
ناديه: وتقطع علاقتك بالعيال دي
رعد: هحاول
ناديه: مفيش هحاول يا اه يا لا
رعد: لا خلاص اه هبعد وطبعا انت هتعلميني امشي صح
ناديه: لما نشوف
رعد: هتشوفي مش هنفطر
ناديه: انا فطرت من بدري افطر انت
رعد: تفطري من غيري
ناديه: انت صاحي متاخر مش رايح الشركه
رعد: لا رايح عندي اجتماع بس متاخر شويه
ناديه: طيب يلا هحضرلك الفطار
رعد: بسرعه
ناديه: حاضر
عند تاج عملت الاكل وبدات تروق الشقه
تاج: انا جسمي وجعني تعبت من الترويق ده كل شويه فضلت تروق وتمسح وتغسل وبعدها قعدت في اوضيتها
تاج بعياط: يارب انا عملت اي عشان يحصلي كل ده انا حتي لسه صغيره ومش حمل اللي بيحصلي امتي ارتاح بقا
عز جاه من مدرسته: تاج تاج
تاج مسحت دموعها: اي يازوز
عز: انتي بتعيطي
تاج: لا ده دخلت حاجه في عيني وانا بروق
عز: طب انا لسه جاي من المدرسه وعايز اكل جعان اوي
تاج: طيب حاضر هحضرلك الاكل انا مش علمتك تغير هدومك
عز: اه بعرف
تاج: خلاص روح غير وانا هحضر الاكل
عز: ماشي
دخلت تاج حطت الاكل لعز
تاج: يلا يازوز عشان تاكل
عز: مش هتاكلي معايا
تاج: ها لا انا سابقتك وكلت
عز: ليه مش بتاكلي معانا كلنا
تاج: ببقا كلت الاول
عز: امم ماشي هكل انا عشان جعان
تاج: ماشي كل وانا قاعده جوه وبعد متخلص نادي عليا اشيل الاكل
عز: ماشي
في الفيلا
ناديه حضرت الفطار لرعد وفطر ومشي
ناديه: ربنا يهديك يارعد ياابني بنتي واشوفك ف احسن حال
رعد راح الشركه
رعد للسكرتيره: بقولك حضريلي الورق بتاع الاجتماع انهارده وبعتي حد كويس في البرمجه
السكرتيره: حاضر يافندم
رعد: وابعتي قهوتي
السكرتيرة: تحت امرك يافندم
رعد دخل مكتبه وفضل يشتغل شويه الباب خبط
رعد: اتفضل
السكرتيره: احمد هيجي لحضرتك بيفهم في البرمجه يافندم واتفضل قهوة حضرتك
رعد: ماشي يا سهام
سهام: عن اذنك حضرتك
رعد: اتفضلي
عند تاج مرات ابوها جات وكلهم
سحر: حضري الاكل يابت
تاج: حاضر
دخلت تاج وحضرت العشا وكانت تعبانه جداا وباين عليها التعب ومكنتش قادره تقف تعمل حاجه
وخلصت الاكل بالعافيه وحطيته ودخلت اوضيتها
سمير: اي يازوز مالك مكشر ليه
عز: عايز اخرج زهقت من المدرسه
سحر: لما تيجي الاجازه هبقا اوديك اي حته تعجبك
عز: طيب بس مش تضحكوا عليا ومنخرجش كلنا
سمير: حاضر ياعز لما تيجي الاجازه هخرجك
سحر قامت ودخلت اوضة تاج
سحر: خدي اطفحي
تاج: انا بقولك دول مش بيشبعني ونفسي اكل من الاكل الحلو اللي بتكلوا
سحر: ليه انتي فكره نفسك زينا لا انتي خدمه هنا وبس
تاج حبسه دموعها: مش هرد عليكي
سحر: لا ردي ماانتي متربتيش
تاج مرديتش عليها سحر خرجت وسابت الاكل
تاج خرجت لقت باباها قاعد لواحده
تاج: بابا
سمير: نعم
تاج: ممكن اطلب طلب
سمير: اه اطلبي في ايه
تاج: ممكن اروح عند تيته وحشتني
سمير: بس انا من يوم موت امك وانا معرفش هيا فين وانتي اللي كنتي بتكلميها
تاج: انا اخر مره كلمتها قالتلي علي العنوان وقالتلي عايزه اشوفها وانا معايا الرقم ممكن اتاكد من العنوان واروح اقعد يومين وهاجي تاني والله بس نفسي اروح هناك عشان وحشاني
سمير شاف دموع تاج في عنيها ومحبوسه: حاضر كلميها واعرفي العنوان وانا هوديكي
تاج بتبص حوليها: بس متقولش لابله سحر ونبي
سمير: اشمعنا
تاج: مش هترضه وهتزعق
سمير: مش هقولها حاضر ممكن بقا تعمليلي شاي
تاج: طبعا
سمير ابتسم حس اني تاج نفسها تخرج بس مش عارفه تقول عشان خايفه من مرات ابوها بس حبت تخرج لاهلها
سمير في نفسه: لو كنت اعرف انك هتتبهدلي كده مكنتش اتجوزت بس سحر مبهدلنا احنا الاتنين
تاج عملت الشاي لباباها وروقت الشقه ونامت
في فيلا رعد
رعد: مساء الخير
ناديه: مساء النور ياحبيبي
رعد: انا جعان جداا لاني مكلتش في الشغل
ناديه: حاضر يااحبيبي هحضرلك العشا غير وانزل ناكل
رعد: حاضر ياست الكل
رعد طلع اخد شور وغير هدومه ونزل
ناديه: يلا يااحبيبي تعالي ناكل
رعد: اي الريحه الجامده دي
ناديه: ياواد يابكاش يلا كل ياحبيبي
ناديه: يارا كلمتك
رعد: اه بس مردتش
ناديه: كلمتني وقالتلي رعد مش بيرد قولتلها هو في الشغل معرفش والله
رعد: اه طيب تمام
ناديه: تمام اي في حاجه حصلت
رعد: كانت هتحصل
ناديه: ليه فيه اي
رعد: يارا هانم فكراني مغفل هيا ومصطفي
ناديه: عملت اي
رعد: كانت عايزه تخد فلوسي بس انا قفشتهم وعرفت كل حاجه بس ميعرفوش اني عرفت
ناديه: يارا بتحب الفلوس اكتر من نفسها
رعد: يلا تغور انا عملت معاها حوار كده وقولتلها مش عايز اشوف وشك في مصر هنا خالص وعرفت انها سافرت من ساعه
ناديه: يارا كانت دخلها لينا كأنها غلبانه
رعد: يلا اهي مش هشوف وشها تاني
ناديه: ربنا يبعد الصحاب الوحشه عنك ياحبيبي
رعد: يارب يلا هطلع انام عندي شغل كتير بكره
ناديه: ربنا يقويك يارب
رعد: يارب
رعد طلع نام وناديه كمان طلعت
Walaa Ebrahim
طفلتي🤎
البارت الرابع
تاني يوم عند رعد تلفونه رن فا صحي
رعد: الوو
مصطفي: اي يسطا عامل اي
رعد: تمام كويس جدا
مصطفي: مالك
رعد: لا مفيش
مصطفي: هو انت ويارا مختفين فين كده
رعد: انا معرفش حاجه عن يارا ومش عايز اعرف
مصطفي: شكلك لسه صاحي مش فايق اكلمك وقت تاني سلام
رعد قفل مع مصطفي وقام خد شور ولبس هدومه ونزل
نزل لقه ناديه قاعده
رعد: صباح الخير ياحبيبتي
ناديه: صباح النور ياحبيبي
رعد: فطرتي
ناديه: لا مستنياك
رعد: طب يلا نفطر ورايا شغل كتير
ناديه: طيب ياحبيبي
عند تاج صحيت زي كل يوم عملت اللي بتعملو ولما تخلص بتفضل قاعده لان مفيش حد في البيت كلهم بيخرجو
عز: جه من المدرسه
تاج: حبيبي عملت ايه انهارده في المدرسه
عز: معملتش حاجه زي كل يوم انا زهقت عايزه اروح الجنينه
تاج: فعلا ياعز الواحد زهق ونفسه يخرج
عز: بابا هيخرجنا بس لما يبقي في اجازه وهخدك معايا
تاج في نفسها: ههه ده مش بيحصل امك مش بترضه ياعز
تاج: طب اي تاكل
عز: لا هنام
تاج: ماشي
في فيلا رعد
رعد: انا هروح الشركه ياحبيبتي عايزه حاجه
ناديه: تسلملي ياحبيبي خلي بالك من نفسك
رعد مشي وناديه فضلت قاعده
عند تاج
تاج دخلت اوضيتها ومعاها تلفون صغير محدش يعرف انه معاها غير ابوها
وكتبت رقم ورنت علي جدتها
تاج: الوو
جدتها: الوو مين
تاج: انا تاج ياتيته
جدتها: تاج حبيبتي عامله اي
تاج بدموع محبوسه: الحمدلله وحشاني
جدتها: وانتي كمان وحشاني عايزه اشوفك
تاج: انا كلمت بابا وقولتله بس عايزاكي انتي اللي تكلميه بليل يكون جه من الشغل وتكون ابله سحر هنا عشان تسمع انك عايزه تشوفيني واقعد معاكي يومين لاني تعبانه وعايزه اشوفك اووي
جدتها: مالك ياتاج اول مره تبقي بتكلميني وتقوليلي كده
تاج: بصي انا مش هعرف نتكلم كتير بس لما اشوفك اقولك كل حاجه
جدتها: خلاص انهارده هكلمه هو لسه رقمه زي ماهو
تاج: ايوه
جدتها: خلاص ماشي يحبيبتي
تاج: هقفل انا عشان ابله سحر قربت تيجي
جدتها: خلاص ماشي ي تاج باي
وعدا الوقت وسحر ورودي جم
رودي: انتي يابت ياتاج
تاج: نعم يارودي
رودي: ابقي اغسلي الطقم ده بكره عشان مش مغسول كويس غسيلك زي وشك
تاج: والله قعدت انضف فيها كتير مش راضيه تنضف وايدي وجعتني
رودي بزعيق: متوجعك انا مالي اهم حاجه تنضف
تاج: حاضر
سحر بزعيق: انتي يازفته
تاج: نعم
سحر: نعمله عليكي الهدوم مش حطها حلوه في الدولاب ليه
تاج: والله انا كل يوم بروقه اعمل ايه تاني
سحر بصريخ: غوري من وشي
سمير جاه وسمع صوت سحر
سمير: في اي
سحر: شوف بنتك
سمير: في اي ياتاج
تاج بدموع: يابابا انا كل يوم بروق الهدوم وبغسل وبرضو بتقولي مش بتعرفي تعملي حاجه
سمير: ابقي اعملي حلو ياتاج معلش
سحر: هو اي اللي معلش
سحر مسكت تاج من دراعه وضربتها
سمير: سحر انتي اتجننتي
سحر: جتك القرف فيكي وفي شكلك
وسبتهم ومشيت
تاج خدت بعضها ودخلت اوضتها
سمير: ممكن تتكلمي معاها براحه وهتعملك الحاجه
سحر: إن شاءلله بنتك ولا بتفهم ولا حاجه
تاج دخلت اوضيتها وقعدت تعيط وكلمت جدتها
تاج: الوو
جدتها: مالك
تاج: ونبي ياتيته كلمي بابا دلوقتي وتعالي خديني بكره انا تعبانه
جدتها: طب اهدي اهدي اي الحصل
تاج: ابله سحر عماله تضرب فيا كل شويه تعالي خديني
جدتها: حاضر خلاص اهدي هروح اكلمه وبكره الصبح هاجي اخدك
تاج: ماشي باي
سمير وسحر و رودي وعز قاعدين بيكلواا
تلفون سمير رن
سمير: الوو سلام عليكم
جدت تاج: وعليكم السلام ازيك سمير
سمير: الحمدالله ام حنان صح
جدت تاج: ايوه انا
سمير: عامله اي
جدت تاج: الحمد الله تاج عامله اي
سمير: تاج بخير
جدت تاج: طب عايزه اشوفها انا بكره هاجي اخده تقعد معايا يومين وحشاني وانت عارف انها بتفكرني بحنان عشان فيها شبه منها
سمير: هيا فعلا شبه امها طب استني انادي عليها تكلميها
سمير: تاج ياتااااج
تاج: نعم يابابا
سمير: خدي تيته عايزة تكلمك
تاج: الوو عامله ايه
جدتها: امال مين اللي كانت بتكلمني من شويه
تاج بضحك: وانتي كمان وحشاني
جدتها: خلاص كلمت ابوكي وهاجي اخدك من النجمه
تاج بفرح: بجد ماشي
جدتها: يلا باي
تاج: باي
سمير: هتروحي لجدتك
تاج: هي وحشاني عايزه اشوفها
سمير: بكره هتيجي تخدك تقعدي معاها يومين
سحر: يومين اي وشغل البيت مين يعمله
سمير: بنتك عندك او انتي ستها عايزه تشوفها اقولها لا
سحر: تيجي تقعد معاها هنا اليوم كله
سمير: لا انا مقدرش اقول لستها لا لانها من حقها تشوفها
سحر: ماشي ياسمير بصت لتاج: ابقي روقي بقا الدنيا من بليل عشان بكره هتمشي
تاج: حاضر
بعد مخلصو اكل تاج غسلت المواعين وروقت الشقه ودخلت اوضتها
تاج قعدت تطلع هدومها عشان تشوف هتلبس اي بكره
وملقتش غير طقم كان ابوها جيبهولها ملبستهوش خالص
تاج: حلو ده هلبسه وخلاص معنديش حاجه البسها طب اخد هدومي القديمه دي اللي بمسح بيها عند تيته هاخد ترنج ده برضو حلو ومش هطول هناك بقي
تاج خلصت وظبطت الحاجه ونامت
في فيلا رعد
رعد رجع من الشغل
رعد: اي يانانا صاحيه يعني
ناديه: لازم اطمن عليك وبعد كده انام
رعد: تسلميلي ياحبيبتي
ناديه: اتعشيت
رعد: اه اتعشيت بره كان عندي مقابله شغل في مطعم واتعشيت
ناديه: طب كويسه عشان انا كمان اتعشيت
رعد: ماشي يانانا هطلع انام بقا
ناديه: خدني وصلني لاوضتي
رعد: تعالي تعالي يااختي
ناديه: بتتريق ياواد عليا
رعد: فشر يااختشي
ناديه:بضحك: طب يلا يااخويا
وطلعوا كل واحد علي اوضته
عند تاج فضلت صاحيه وتعبانه خالص من كتير الضرب وكل ماتنام جسمها يتعبها وعماله تعيط
تاج: يارب يطلع النهار بقا انا عايز امشي وزهقت بجد
تاج قامت جابت ذكريتها وصورها هيا وامها وابوها
تاج: وحشتيني يااحن حد في الدنيا بجد تعبت شايفه العذاب اللي انا فيه نفسي اجيلك بجد تعبت من مرات ابويا. عارفه اني ابويا اتجوز عشان كنت صغيره وقال واحده ترعينا بس دي مش بترعي حد خديني عندك ياماما انا مفيش حد تعب قدي بجد يارب ارحمني من الناس دي تاج فضلت تتفرج على صور مامتها وبعدها شالتهم ونامت....
تكملة الروايه من هنااااااا
تعليقات
إرسال تعليق