مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#رواية_مجنونةة

البارت الاول  🍀 🥀

قال لى انا ما راجل بالواضح كده عشان تعشمى فى شى وانا مشتريك ما معرسك يعنى تقعدى هنا وانتى ساكته وتتصلى لى اهلك على اساس اننا عرسان عاديين وشهر عسلنا زى شهر عسل اى اتنين متزوجين وحركات الافلام الهنديه والدرامه دى كلها ما بتركب راسى عشان ما تحاولى تنزلى ليك دمعتين تلاته شكلك زوله متعلمه وبتفهمى ما تخلى الامور تجوط لى فى راسى واتعصب لانى مافضى شكشكة النسوان دى فاهمه ولا اعيد ليك؟؟انا بعاين ليهو وفاتحه خشمى وما مصدقه انو حاجات الافلام دى حصلت معى وبعاين ليهو زى الهبله وبفكر ده مالو يا ربى؟؟بعد شويه ضرب التربيزه شلوت لمن اتقلبت قال لى طرشه انتى ولا شنو؟؟قولته ليهو سمعتك سمعتك طبعا رديت ليهو بكل برود وانا بفك فى دبوس التوب ولا مهتمه بالموضوع هو اكيد استغرب من ردة فعلى بس ما كان واضح عليهو الاندهاش ولا حاجه المهم رزع الباب وطلع امنته باب الغرفه بى جوه وجريت جرى على المرايه  وبتفرج على مكياجى وحنتى عاجبانى اشيل واصور فيها واتجدع بى القرمصيص وهاك يا صور جريت الدرج حق التوليت لقيت سشوار ومكوة شعر وجهاز بتاع توريد شفايف وجهاز ازالة شعر وحاجات من الله خلقنى ما شوفتها الا فى قناة سيتروس_TV واااى انا معقوله الانا فيهو دا ولا بحلم لالا اكيد بحلم طبعا نسيت كلام محمد القالو داك كلو دخلته الحمام لقيت المرايا من بداية الحيطه لى نهايته والحمام كله من غزاز وكلو انوار ملونه و ورد احمر حاجات كده فى الاحلام مافى طوالى فتحته الدوش اخدته لى حميمه ظابطه كده يجى نظام تلاته ساعه بمرش فى ضهرى واشيل فى الشامبو واكب فى راسى قولته احتمال اموت لحدى بكره لازم استمتع بالحاجات دى الليله ما شامبو ما جربتو ولبسته الارواب كلهم واتصورته بيهم نظام عارضة لانجرى وكده طعبا مهووسه بمجلات الموضه عشقى الابدى شغاله مره اتصور فى الحمام ومره فى الكنبه ومره فى سرير النوم ما باقى الا اتصور فى مقعد المرحاض لمن نسيت نومته فى السجاده بى روب النوم.

صحيت لقيت نفسى نايمه فى الارض قومته جسمى كلو واجعى فتحته الباب لقيت المكان فاضى قولته احتمال يكون جا ولقى الباب قافل قفلته الباب ونسيت ما امنتو من جوه دخلته الحمام غسلته وشى واتسوكته ورفعته شعرى فى نص راسى نسيت ما وصفته ليكم نفسى انا اسمى زينب عمرى 21سنه طولى متوسط جسمى ظاابط يعنى شايله لمن مايله ولونى بيضه عديل حواجبى مقرونه وشعرى طويل وضع اسرتى متوسط ومحمد زوجى ده ولد صاحب ابوى طبعا ابوى انصارى السنه قااطع وحته صاحبو ابو محمد ده انصارى ومحمد كمان على اساس انو امام جامع بس بعد العرس تما وجيت معاهو دبى لقيتو غير كده خالص هو ما نزل السودان بعد العرس تما انا جيت ليهو فى  مصر ومن مصر سافرنا دبى سوا 

المهم انا كنته فى الحمام ومحمد جا وفتح الباب بالمفتاح انا طلعته من الحمام لقيتو قاعد فى الكنبه وبلعب بى تلفونو كنته لابسه روب قصييير لونو كبدى على اساس انى قاعده براى وكده كنته حفيانه ولابسه حجل فضى معى حنتى غايتو عامل شغل عجيب لقيتو فى وشى لمن اتخلعته كان لابس فنيله داخليه وجسمو كلو وشم زى المصارعين طبعا ناسيه انى لابسى لبس عريان قولته فى سرى لكن يا انصار السنه طلعتو ابطال كمال اجسام لقيتو بعاين لى بطريقه غريبه كانو عايز ياكلنى بعاين لى من فوق لى تحت اتزكرته انى لابس روب جريت على الحمام باب الحمام ابا يفتح بقيت بقاوى فى الباب وكرعينى برجفو من التوتر قام جا وقف وراى ومسك يد الباب ويدى معى بعض وفتح الباب بكل سهوله انا اتجمدته فى مكانى بقيت مغمضه شديد من الخجل وكنته حاسه بى جسمو ملصق فى ضهرى كان قريب منى شديد حاسه بيهو بشم فى ريحة شعرى ولسه ماسك يدى بعد شويه مسكنى من نصى شديد وانا قربته اغمر من الخوف دخلته دخلته الحمام وقفلته الباب لا عرفته اضحك ولا ابكى قلبى حاسه بيهو فى بطنى بعد شويه دقه الباب بعصبيه قال لى نومتى فى الحمام ولا شنو اطلعى انا عايز استخدم الحمام طبعا ما عندى حاجه البسا فى الحمام وما بقدر اطلع كده قدامو قولته ليهو ادينى حاجه البسا قال لى ما شغال عندك انا قولته ليهو لو سمحته يعنى وبقيت احنس فيهو جاب لى توب الجرتق فتحته الباب براحه شلته التوب وقفلتو اتلفيت بالتوب وطلعته دخل الحمام وانا بفكر ده اكيد مجنون بعد طلع قال لى بعدين جايينى ضيوف جهزى نفسك ما دايرك تلبسى توب واوعك تحرجينى قدامهم ولا اقول ليكى بعدين خليكى فى الغرفه ما تطلعى وانا بقول ليهم انك تعبانه شويه عشان ما تخجلينى قدام اصحابى اوعك تطلعى صوت فاهمه كلامى ده قربته ابكى من الزعل قولته كويس قال كل شى فى التلاجه اوعك تتصلى لى انا طالع بجى المسا نضفى المكان انا بجيب معى العشا والمشروبات لانك ما بتعرفى الحاجات البحبوها ناس البلد دى وضحك ضحكة استهتار وطلع فات اخدته لى لكيه طويله كده وقومته نضفته دخلته المطبخ لقيت كل شى متوفر قولته كويس عشان اوريهو انا بعرف ولا لا عملته كيك مشكل وعملته تحليه وعملته بسكويت وعملته مشروبات منوعه غيرته رصة الهول اتزكرته شغل العيد معى ناس البيت قعدته ابكى تانى قومته دخلته غرفة النوم كويت شعرى وظبطه لى مكياج سهره لبسته فستان التوب طبعا ضيق لمن بغادى لبسته لى كعب عالى واتصلته ليهو قال لى انا قبيل قولته ليكى شنو قولته ليهو اشتريت حاجات العشا قال لى بعد شويه بمشى بشتريهم قولته ليهو انا جهزته حاجات تعال شوف الناقص شنو وجيبو من بره بقى يضحك قال جهزتى شنو بس ما تقولى لى ملاحات وحاجات المتخلفين دى قولته تعال شوفوهم وقفلته الخط بعد نص ساعه جا فتح الباب اتفاجئ بى... يتبع ❤

 

بقلم #الكاتب_أيمن_ياسر

تكملة الروايه من هنااااااا