مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت ♥️بقلم سولييه نصار♥️

-انا عايزة اتجوزه بصراحة لما اعمله سح*ر اسود 

قولتها بصراحة تامة اقرب للبجاحة ...بصتلي امي وقالت:

-شوفي البت البجحة عايزة اعرف كنتي فين وانا وبربي اخواتك ...دول اخواتك الرجالة يتكسفوا ما يقولوا كده ...

-الله يا حاجة كوثر يعني اخبي عليكي مثلا واتجوزه من وراكم واجيبلكم الع*ار ...واهر*ب واخواتي يط*اردوني ويفضلوا يقولوا التا*ر ولا العا*ر!!

-بس...بس اخ*رسي ايه الخيال الواسع بتاعك ده ...بعدين يعني انتي بترفضي الرجالة الورد اللي بجيبهوملك وماسكالي في مديرك ده ...عايزة اعرف مديرك ده احسن من زيكو ابن خالتك في ايه...

هزيت راسي وانا بضحك وقولت:

-ده كفاية أن اسمه زيكو ..ده سبب كفاية اني ارفضه تخيلي اجيب لولادي اب اسمه زيكو دوول لا هيسامحوني دنيا ولا آخرة!!!وبعدين زيكو ده مناخيره كبيره ...

بصتلي امي بإستغراب وقالت :

-بس الواد مناخيره صغيرة حرام عليكي ..

-لا يا امي كبيرة ...بيحشرها في حياتي بدل ما يخليها في وشه  ...ده سألني في مرة بقبض كام ...وانا ليا خصوصياتي !!

ضحكت امي بتريقة. وقالت:

-خصوصيات ايه يا ام خصوصيات ...ده العيلة كلها تعرف بتأخدي كام من شركتك دي..دوول هما خمس تلاف عمي قا*رفانا بيهم  ...

-يووه يا ماما قصره زيكو ده لو اخر راجل مش هتجوزه !!عارفة لو هخلل كده ويأكلوني جمب الرز والبامية برضه مش هتجوزه امين !

وبعدين سبتها ومشيت ....

......

تاني يوم ...

كنت قاعدة في المكتب اللي بشتغل عليه بس بصراحة مكنتش بشتغل كنت ببص علي اسر مديري وانا مبتسمة زي الهبلة....

-فاتحة بوقك زي الجح*ش ليه ؟!!

اتنفضت وانا بسمع رأفت زميلي في الشغل وهو بيكلمني ...بصيتله بقر*ف وقولت:

-اه انت رجعت من اجازتك وهتقر*فني شكلك ...فين مراتك تأخدك وتحل عني ...

ضحك رأفت وقال:

-يا بت بطلي الدبش اللي انتي بتحد*فيه ده يخربيتك ..مش هتتجوزي ...

بصيتله بفزع وقولت:

-بجد تفتكر المدير مش هيتجوزني واضطر البس في زيكو اللي حاشر مناخيره في حياتي ...

ضحك رأفت وقال:

-انتي لحد دلوقتي مقدرتيش تعملي حاجة افتكرته معجب بيكي ...

هزيت كتفي وقولت:

-فعلا هو معجب بيا بس شكله مكسوف اروح اعترفله أنا 

-يا بت اتهدي ...

-طب اقولك اخليه يعترف هو ...

-ازاي 

قالها بحيرة فقولت:

-بص أنا هروح واقوله اني هتجوز وهو يتلحلح ايه رأيك ...

-وافرص متلحلحش هتعملي ايه ...

اتنهدت بتعب وقولت:

-هعمله سح*ر

-نعم يختي 

صرخ رأفت فيا فكملت :

-ايوة اعمله سح*ر سفلي واخليه خاتم في ايديا اليمين ...بس عايزة حاجة من قطره تفتكر لو اخدت القلم بتاعه ينفع ...

-انتي مجن*ونة يا نسرين صح؟!

-لا

-يبقي اكيد عب*يطة بالوراثة ؟!

-معتقدش معندناش في العيلة مخه لاسع هما بيحشروا مناخيرهم في اللي ملهومش فيه بس ...

-يبقي اكيد وق*عتي علي راسك وانتي وصغيرة...

-لا برضه انت ليه بتسأل ..

ضحك وهو بيهز رأسه وقال:

-اصل متقنعنيش انك طبيعية يا نسرين اكيد عندك جينات تخ*لف وحابب اعرف ايه السبب ...طب شربتي لبن فا*سد ...

-انت بتتريق صح ...

-اومال اتكلم جد ...سحر ايه الله يخربيتك ابعدي عن الع*ته ده واشتغلي يختي بدل ما يط*ردك من الشركة ...

وبعدين مشي وسابني ...

هزيت رأسي وانا بقول:

-كل ده عشان قولت هعمله سح*ر اومال لو عرف اني بفكر اه*دده بصوره وهو صغير وأمه بتحميه في طشت الغسيل عشان يتجوزني هيعمل ايه ...حكم ...

فجأة لفت انتباهي واحدة جميلة داخلة الشركة ...وقفت عند السكرتيرة بهدوء ...قربت أنا منها وسمعتها بتقول:

-قولي لأستاذ أسر اني عايزة أقابله ...

بصتلها السكرتيرة بحيرة وقالت:

-طيب اقوله مين ؟!!

-انا الهام الشريف ... خطيبته....

لط*مت علي وشي وقولت :

-المدير اتشقط !!!

وفجأة اغمي عليا !!!!!

يتبع

الجزء التاني♥️شكرا علي تفاعلكم السكر♥️بقلم سولييه نصار♥️

-المدير اتشقط ...المدير اتشقط 

قولتها وانا قاعدة جمب رأفت ووسام ...كنا قاعدين في كافيه بعد ما اغمي عليا أصروا يطلعوني برة ... كنت منها*رة تماما وانا بشوف الشخص اللي بحبه اتأخد يعني هي البنت الحلوة دي ملقيتش الا اللي بحبه عشان تتخطبله ...حسبي الله ونعم الوكيل فيها ...أنا هم*وت ...قعدت اتنفس بصعوبة فرأفت اداني العصير وقال؛

-وحدي الله بس يا نسرين خلاص راح قر*د هيجي غزال بإذن الله ...

زعقت وانا ببكي فيه :

-بس انا عايزة القرد مليش دعوة مش عايزة الغزال بعدين ما صدق لقيت حد أطول مني احبه ...افرض ملقيتش حد أطول مني بعد كده وانا طولي ١٧٦ سنتي ...قولي يا رأفت هلاقي حد أطول مني فين ...ده حتي زيكو اللي لازق في حياتي أقصر مني بخمسة سنتي ...قولي هرقص سلو ازاي معاه يوم الفرح ده ...أنا خلاص هعنس ...هعنس ...

ضحك رأفت فصرخت فيه :

-انت بتضحك علي ايه ؟!

قالي رأفت :

-اتخيلت منظر لو اتجوزتي زيكو وجيتوا رقصتوا سلو هيكون شكلكم مسخرة ....

فضلت ابكي فراحت وسام ضر*بت رأفت علي أيده وقالت:

-يا خي خلي عندك د*م مش شايف حالتها ايه !!!

-عندك حق ...

بصلي وقال:

-بصي يا نسرين عايزة اقولك بس ان الطول مش عائق ...ايه رأيك تتجوزي زيكو مادام شاريكي وكده كده فيه صاروخ شقطت المدير بتاعك ...

بصيت لوسام وقالت:

-وسام خلي جوزك يمشي من هنا انا مش ناقصة !سيبوني في همي خلاص الراجل ضا*ع مني وشكلي هلبس في زيكو ...

-والله حاسس من كتر تنم*رك علي زيكو هتلبسي فيه فعلا ..

قالها رأفت وهو بيضحك ...بصتله بغضب فمشي بسرعة ....قعدت وسام تطبطب عليا وقالت:

-متقلقيش هنلاقيلها حل ...

بصتلها وقولت :

-مفيش الا حل واحد

-ايه هو؟!!!

قومت وقولت :

-هروح اعترفله بحبي واطلب استقالتي. ..

وبعدين مشيت ...

-يا مجنونة استني 

قالتها وسام بصدمة بس انا تجاهلتها ومشيت ...الراجل الطويل هيروح من أيدي لازم اتصرف ...

......

كان أسر قاعد في مكتبه متضايق وهو بيبص لإلهام وهو متضايق وقال:

-الهام انتي مش خطيبتي فبطلي تقللي من نفسك اكتر من كده ...

-بس انا بحبك يا اسورة

-حبك برص

قالها بغض*ب وبعدين كمل:

-الله يسامح ابويا اللي غلط ووعد ابوكي واحنا صغيرين يا بنتي افهمي أنتي اختي مش اكتر من كده ...

-مش يمكن لما تتجوزني تحبني ادي نفسك فرصة انت هتلاقي احلي مني فين يعني...

اتنهد وقال:

-الهام حبيبتي 

-نعم يا روحي 

-اطلعي برة بدل ما اجيب الأمن يطر*دوكي ...

قامت الهام وقالت:

-هيجي يوم وتحبني وتشوف يا ابو طويلة انت

وبعدين مشيت ...

.....

طلعت الهام من المكتب وبصت ولقيتني قدامها بصتلي بقر*ف ومشيت ... 

-اومال لو كنتي تخينة شوية هتتعملي ايه وانت شبه سلاكة الاسنان كده ...

وبعدين دخلت المكتب ...

قلبي دق وانا بشوف المدير بيشتغل . ابتسمت زي العبيطة وانا بفكر أن ربنا اداله كل حاجة ...فاضل بس يبقي جوزي عشان تبقي حياته مثالية ..

قولتها  في  نفسي ...بصلي فجأة وحسيت بالارتباك لمعت عينيه فجأة وقام بسرعة وقال:

-نسرين انتي الوحيدة اللي هتساعديني دلوقتي ...

-اؤمر يا مدير ..

-انا عايزك تتجوزيني 

اتصدمت في الاول بس بعدها بثواني زغرطت وقولت :

-اللهم صلي علي النبي شقطت المدير .

يتبع

الجزء التالت♥️شكرا علي تفاعلكم ♥️بقلم سولييه نصار♥️

-ايه اللي انتي بتعمليه ده يا مج*نونة !!!

قالها بصدمة وهو بيبصلي ...كان مصدوم ومش مستوعب اللي قولته  وعملته ولا انا والله كنت مستوعبة ...كنت حاسة اني هب*لت وعملت حاجات هبلة  وقولت كلام اهب*ل زي عادتي ....

ضحكت وقولت:

-بهزر معاك ....

وبعدين صدرتله الوش الخشب وقولت:

-وانا اصلا مش عايزة اتجوزك ...أنا هتجوز واحد وسيم عيون زرقا انت عيونك رمادي متنفعنيش ...

- أنا مش هتجوزك حقيقي دي لعبة ...

-ايه لعبة؟!!

قولتها بخيبة أمل ...يعني مقدرتش أشقط المدير ...هز هو رأسه وقال:

-تعرفي ألهام اللي جات هنا ؟!

-تقصد البنت اللي شبه سلاكة الاسنان ...

-بطلي تن*مر يخربيتك هتخلفي فيران من كتر تن*مرك ده ..

قالها بغضب ...هزيت كتفي وقولت:

-اسفة يا مدير ...

شاور علي الكرسي وقال:

-اقعدي عشان افهمك كل حاجة....

قعدت وانا مستنية يفهمني الموضوع ...

اتنهد وقعد وقال:

-الهام تبقي قريبتي ابويا وأبوها واحنا صغيرين قالوا هيجوزونا لبعض وانا لما كبرت شوفتها مجرد اخت بس هي مش قادرة تشيل الفكرة دي من دماغها ولازقت فيا وانا قفلت منها فأنتي عليكي ايه انك تعملي انك خطيبتي كدب يعني ...

-وليه كدب يا فقري ما تتجوزني وتخلص أمة لا اله الله عرفت اني بحبك وانت تو*ر ولا بتفهم ..

قولتها بصوت واطي فرد وقال:

-بتقولي حاجة يا نسرين ...

-لا يا مدير مبقولش...

اتنهدت وقولت:

-بصراحة يا مدير ده طلب صعب ...خصوصا أن ليا معجبين وانت كده هتوقف حالي ..

-معجبين 

-اه طبعا معجبين وبيجروا ورايا عشان يتجوزوني بس رغم كده هض*حي وابقي خطيبتك كد*ب يعني ...بس طبعا ليا طلباتي ...

-اطلبي يا اختي ...

قربت وانا بقول :

-عايزة الف جنية زيادة علي مرتبي ..

-نعم يا اختي !!!

-انت هتردحلي يا آسر ...

حط أيده علي قلبه وقال:

-آسر حاف ...

-اومال بالجبنة يعني ...

خبط علي الترابيزة وقال :

-انا المدير بتاعك يا هانم 

-كنت المدير ...انت دلوقتي خطيبي ...وهتبقي قرة عيني ولازم استفاد من الموقف أيوة والا والله اقول لأستاذة الهام كل حاجة ...

-انتي يا بت بتب*تزيني ..

-ايوة 

قولتها من غير كسوف وكملت :

-ركز معايا بقا ...أنا هخلصك من البنت دي وانت تزودلي ألف بس 

اتنهد وقال:

-تم خلاص فيه حاجة تاني ساعدتك ...

-اه تجيبلي دبدوب كبير ويكون اطول مني ...

-هو أنا بتكلم من بنت اختي يا نسرين متجننيش امي ...

-يا مدير أنا هخلصك منها ... صدقني ملكش غيري ...

اتنهد بغيظ وقال:

-حاجة تاني ...

-لا خلاص كده 

اتنهد وقال :

-تمام كده بكرة هاخدك واعرفك علي اهلي بإذن الله ...وهنعمل خطوبة مؤقتا فترة كبيرة كده عشان تحل عني ...

-تمام ...

ابتسم ليا ابتسامته كانت حلوة اووي وقال:

-مش عارفة اشكرك ازاي ...

-اتجوزني ويبقي كتر خيرك ..

قولتها بصوت واطي فقال:

-بتمرطمي تقولي ايه ؟!!

ز*عق فرديت بسرعة :

-بقول ولا يهمك يا مدير احنا اخوات ...يالا عايز حاجة أنا همشي دلوقتي ...

....

طلعت من مكتبه وانا ماشية كأني طايرة...ياااه هتخطبله ونرقص سلو ...

وقفتني وسام وقالت:

-ايه اعترفتيله

-لا ...بس هنتجوز...

-نعم 

صرخت وسام بصدمة ...

......

بالليل ...

كنت قاعدة في الصالة لوحدي امي راحت زيارة لقرايبنا وانا كنت بتدرب ازاي هقولها علي الكار*ثة اللي عملتها ...والله شفقانة علي الست دي كل يوم اجيب في أيدي كار*ثة من برة واصدمها ... خايفة تحصلها حاجة بسببي ...

-ماما أنا كبرت دلوقتي قربت أتم التلاتين وان الاوان ...لا. ..لا 

كنت بتمرن قدام مرايا الصالة علي اللي هقوله بس أول محاولة محستهاش نافعة ...اخدت نفس وقولت:

-ماما أنا هتجوز....لا لا لاحسن تجيلها جل*طة لا قدر الله ...

غمضت عيني وانا بقول بصوت عالي :

-ماما انا اتجوزت المدير بتاعي وجبتلكم العا*ر!!

فجأة فتحت عيني ولقيت امي واخواتي الولاد واقفين عند باب الشقة بيبصولي بصدمة ...

-يا مرك يا نسرين!!!!!

يتبع

الجزء الرابع♥️شكرا علي تفاعلكم السكر♥️بقلم سولييه نصار،♥️

-يا جماعة والله متجوزتش أنا كنت بهزر ...

قولتها وانا ببكي لامي واخواتي بيربطو*ني في الكرسي ...

امي بصتلي وقالت:

-انتي هتجيبلنا العا*ر والله ...خلاص لو معملتش كده معاكي هتجلطيني فلازم اتصرف ...

-وحياتك عندي يا امي متجوزتش ..

-متحلفيش بحياتي ..

اتنهدت وقولت :

-والله متجوزتش ...اقسم بالله كنت بهزر انتي عارفة هزاري تقيل ...

-مش مصدقاكي ...

بصلي اخويا وقال:

-اقت*لها يا امي ...

اتعصبت وقولت:

-,تق*تل مين يا عب*يط فاكر نفسك في فيلم هندي فكوني بدل ما احب*سكم كلكم ....

ضر*بتني امي علي راسي وقالت :

-وليكي عين تتكلمي ...

-ايوة ليا عين وودن وهتكلم عشان انتوا اوفر بصراحة أنا متجوزتش وفكوني عشان افهمك والا والله اصر*خ والم أمة لا اله الا الله عليكم !!

بصتلي امي بغضب وبعدين جابت بلاستر وحطته علي بوقي وقالت:

-ودوها الاوضة واقفلوا عليها كويس ....

وفعلا اخواتي شالوني...كان نفسي اصرخ بس كانوا كاتمين بوقي ...معرفش هما ليه متعص*بين كده .....المهم اخواتي دخلوني الاوضة وقفلوا عليا الباب ..

بصت امي لأخواتي وقالت :

-البنت دي متطلعش من البيت والا هتجيبلنا فض"يحة واحنا مش ناقصيين ...

وبعدين مشيت وسابتهم...

.....

مر يومين وطبعا مقدرتش اروح الشغل ...كانت امي تجيبلي الاكل وتخليني اروح الحمام قصاد عينيها حاولت كتير اهر"ب منهم لكن كانوا بيكتفوني ...ماشي بس اطلع من هنا هب*لغ عنهم البو*ليس ...هي فو*ضي يعني !!!

.....

من جهة تانية ...

آسر كان قلبه وأكله علي نسرين بيتصل بيها ومبتردش ...ميعرفش هو قلقان بالطريقة دي ليه الموضوع اكبر من الهام هو فعلا افتقدها.و افتقد جنونها ...يا تري قررت تبعد عنه ...فكر بفزع اكبر وقال:

-او ممكن يكون حصلها حاجة ...

قالها ووقف وكمل:

-لا لا أنا مش هفضل حاطط ايدي علي خدي بالطريقة دي أنا هروح بيتها وأشوف القصة ايه ...

وبعدين طلب بسرعة من السكرتيرة تجيب رقم نسرين ...

......

كان سايق عربيته في اتجاه بيتها وقلبه بيدق جامد يومين غابت عنه وكان هيتج*نن ...هي البنت دي عملته ايه بالضبط احيانا يغير عليها. احيانا يفتقدها ويتج*نن لما تغيب عنه لفترة بسيطة بس.... وقف عربيته فجأة وابتسم وهو بيفتكر كل مواقفها الطريفة...عندها قدرة تخليه يضحك وهو في عز حزنه ...مش هينسي يوم وف*اة صاحبه لما كان منعزل عن العالم وبيشتغل وبس هي بكلمة منها خلته يفوق ويرجع للحياة ...قد ما كانت بتعمل حاجات  تج*ننه كانت الوحيدة اللي تقدر تتكلم معاه وتجا*دله لحد ما يخرج من اللي هو فيه ...

ابتسم وفكر أنه معرضش عليه عرضه عشان الهام ...هو قادر يتخل*ص من إلهام ...هو لقيها فرصة يقرب منها ...فرصة يعرف مشاعره وجنا*نه لما غابت يومين اثبت صدق مشاعره فعلا ...وقرر أن كده كفاية هيكون صريح معاها....خرج وجاب ورد وبعدين ركب عربيته وراح ناحية بيتها وهو بيضحك بسعادة وعينيه مليانة قلوب...مين كان قادر يصدق أن حضرة المدير يقع في غرام واحد عقلها مفوت زي نسرين ...

.....

وصل اخيرا آسر للبيت وهو مبتسم ومتحمس أنه هيشوفها ....رن الجرس وهو مستني أنها تطل بوشها الجميل بس ابتسامته اختفت لما ظهر شاب شبه نسرين شوية...ومن وراه كانت ست كبيرة ...

-انا آسر رضوان مدير ...

قاطعته الست بسخرية و قالت:

-هو انت مدير الندامة ..

وبعدين شاورت لعيالها وقالت :

-كت*فوه وار*موه جمبها.  ...

وقبل ما يستوعب جه تلات شباب ودخلوه البيت بالعافية!!!

يتبع

الجزء الاخير♥️شكرا علي تفاعلكم السكر♥️بقلم سولييه نصار ♥️

-حضرة المدير ...أنا اسفة للي بيحصل ده ...

قولتها للمدير اللي فجأة لقيته مكت*فينه علي كرسي ومقعدينه جمبي ... بصلي بخوف وقال:

-انتي مخط*وفة ولا ايه ...فيه ايه يا نسرين ...

-لا يا مدير دوول اهلي متقلقش...بس هما عندهم جينات إجر*امية شوية  ...

بلع ريقه وقال:

-وهما رابط*ينك ليه ؟!!

بصيت له بتوتر وقولت بكدب :

-كان عليا حكم الشايب ...

-نسرين مش وقت هزارك ده !!!!

-انا هقولك ...

قالتها ماما وهي داخلة بسا*طور كبير ...فصرخت فجأة :

-امي أنا بنتك متنسيش ...اقولك اقت*ليه هو ..هو اللي اغو*اني ..أنا بريئة .  

وبدأت ادعي اني ببكي ... بصلي هو بصدمة وقال :

-اغو*يتك؟!!!يخربيتك ناوية تلبسيني مصيبة !!!يا مدام أنا معملتش حاجة والله 

-يعني متجوزتش بنتي عرفي...

-ايه عرفي ...لا والله ابدا ...أنا كلمتها في خطوبة بس وكان يتق*طع لساني قبل ما اكلمها  في كده ...

-ايوة يا ماما والله ده اللي حصل ...لكن احنا متجوزناش والله ما اتجوزنا ..خلاص بقا فكي المدير فض*حتيني الراجل هيقول علينا مجا*نين ...

بصلي المدير وقال:

-لا يا حبيبتي انا اقتنعت فعليا انكم مجا*نين فعلا مش لسه هقول !

بصيت لماما بغضب وقولت :

-عاجبك كده طف*شتي المدير !! 

بص المدير وقال:

-عموما أنا كنت ناوي اتقدم لنسرين بس يظهر أن الوقت غير مناسب ...

-لا لا مين قال كده 

قالتها امي وبعدين ندهت لاخواتي؛

-ايمن فك خطيب اختك وشيله وديه الصالة وخلي مروان يعمله كوباية عصير ليمون....

جه اتنين من اخواتي وشالوا آسر بالكرسي فزعقت ماما فيهم:

-فكوه الاول يا بها*يم يا بها*يم !!!

هزوا رأسهم وفكوه ....

...

وبعد ما طلعوه بدأت امي تفكني وقالت:

-يالا عشان اذوقك يا عروسة !

-والان انتوا عيلة مجنو*نة معرفش واحدة عاقلة زيي عايشة معاكم ازاي !!!

.....

بعد ساعة تقريبا ..

كنت قاعدة جمب آسر وامي واخواتي قاعدين حوالينا ...بدأ اخويا الكبير يتكلم ويقول:

-ها يا استاذ آسر قول جاي هنا ليه ...

بصلي أسر بخوف وقال بصوت واطي:

-انا شاكك والله اعلم أنكم عيلة عب*يطة ..

-شاكك مش متأكد يعني 

قولتها وانا بضحك فبعدين بصلي وبصلهم وقال:

-انا في الحقيقة يا عمي جاي اطلب ايد الآنسة نسرين ...

-عمي

قالها اخويا بصدمة فرد آسر :

-عديها يا عم ... المهم كنت جاي اخل*صكم من نسرين انا عارف ان محدش طايقها فيكم ...

قالوا اخواتي بصوت واحد:

-والان فعلا ياريت تخلصنا منها خالص ...

-نعم الإخوة. .

قولتها بغضب ...وبعدين كملت :

-اولا مفروض تأخدوا رأي  العروسة اللي هي أنا ...

ضر*بتني امي علي كتفي وقالت:

-اتنيلي كلنا عارفين انك واقعة...

وشي احمر من الكسوف وأسر قالي وهو بيغمز:

-وانا كمان عارف ...

قومت ووقفت وقولت:

-انا ليا شروط عشان اقبل الجواز ...

وقف أسر ورد:

:وايه هي شروط الهانم ؟!

ابتسمت وقولت:

-عايزة عرض جواز يكون كريتيف كده ....زي القصص الخرافية والروايات ...مش حابة حاجة تقليدية..لاما كده لاما طلبك مرفود يا حضرة المدير 

....

من اول ما طلبت الشرط ده من آسر وهو بيحاول بكل الطرق يبهرني ...بس ولا طريقة نفعت وانا قعدت اتدلع شوية عليه ...لحد ما في يوم ....

...

كنت قاعدة بشتغل لما لقيت واش دهبي بيطير ...قومت وانا مصدومة وبحط ايدي علي بوقي ...ازاي ..ابتسمت وعيوني دمعت ...مسكت الواش وفتحته ولقيت خاتم وبعدين لقيت الكل بيصقف وآسر قرب مني وقال:

-لما عرفت انك بتحبي هاري بوتر للدرجة دي فضلت اسبوع وانا بشوف سلسلة أفلامه ولقيت مفيش طريقة احسن من دي اتقدملك بيها ...موافقة يا نسرين نكمل كل حياتنا سوا ...

هزيت رأسي وانا بعيط ...

ابتسم ولبسني الخاتم فقولت :

-بس ازاي خليته يطير ...

هز كتفه وقال:

-واحد صاحبي صممهولي كده..

ابتسمت بحب ليه وقولت:

-انا اسعد إنسانة في العالم اخيرا شقطت المدير ♥️

ضحك آسر وقال:

-,وهترقصي معاه سلو كمان يا مجنونة♥️

....

بعد اسبوع ...

كنت برقص معاه سلو في خطوبتنا وانا طايرة من الفرحة وبقول :

-ايه اللي خلاك تقع مع عيلة مجن*ونة زينا 

-الحب ♥️

قالها بإبتسامة وهو بيرفعني لفوق ويلف بيا 

تمت 

#حضرة_المدير

#سولييه_نصار

بنات ده هو الواش الدهبي مش فاكرة كانوا بيقولوا عليه ايه في الفيلم

واعتذار ♥️في البارت اللي قبله نسرين حلفت وقالت وحياتك يا ماما وده حرام لا يجوز الحلفان الا بالله سامحوني علي الغلط ده🥰