مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار ♥️

-قومي يا بت نضفي البيت اللي زي الز*ريبة ده واعملي الاكل عشان اخواتك لما يجوا من الشغل ...

قومت وانا تعبانة وبيص لأمي وبقول:

-انا تعبانة يا ماما عندك ملك خليها تعمل شوية...

اتعصبت امي وشدتني من أيدي وقالت:

-وتسيب مذاكرتها يعني ...انتي كده كده مش وراكي حاجة ...قومي فزي انتي هتعملي نفسك بتم*وتي ولا ايه ...ايه القر*ف ده ...

عينيا دمعت وكنت هبكي معرفش هي ليه بتكر*هني كده ...قومت بصعوبة وانا بتأ*لم بصتلي امي بسخرية وقالت:

-مش كفاية انك لحد دلوقتي باي*رة ومتجوزتيش كمان عايزة تأكلي وتشربي ببلاش ...معرفش ايه الغلطة اللي عملتها عشان ربنا يبل*يني بيكي يا شيخة ...يارب يأخدك عشان ارتاح واخلص من قر*فك ده ...

كتمت دموعي كالعادة ...اصلي اتعودت أن أتعامل كده ...من انا وصغيرة وفيه تفريق واضح بيني وبين اخواتي ده مش مش موضوع جواز أنا لسه عندي اتنين وعشرين سنة ...ك*ره غريب من امي وابويا ليا ....حتي اخواتي الاصغر مني مش بيحترموني وبيت*ريقوا عليا ...لدرجة اني شكيت اني مش بنتهم وسألتهم كذا مرة ...اتنهدت بأل*م وانا واثقة أن في يوم هقدر اتخلص من العذ*اب ده ...رغم كل حاجة ثقتي في ربنا كانت أكبر من يمكن ...

....

بدأت في شغل البيت وخلصته في وقت قياسي ...روحت بسرعة اعمل الاكل ...أنا وبعمل الاكل فجأة حلة الشوربة وقعت عليا..سببتلي حر*ق جامد لحد ما في رجلي ...

كنت بتأ*لم لما امي جات وصرخت فيا ...

-حسبي الله ونعم الوكيل ...هتفضلي طول عمرك غب*ية 

قالتها امي وهي بتصرخ وشايفاني ببكي بسبب رجلي المحر*وقة ...راحت امي تلم الحلة وهي بتز*عق:

-انتي غل*طة عمري يا ريتني ما خلفتك لو عرفت انك هتكوني بالغ*باء ده ...يا متخل*فة....اخواتك هياكلوا ايه ...

-يا ماما رجلي اتحر*قت 

قولتها وانا بتألم وبعيط...

-ما تتح*رق ولا تم*وتي انا مالي ...أنا دلوقتي في الاكل اللي بو*ظتيه ...اطلعي من المطبخ يا فا*شلة  ..هتفضلي طول عمرك ف*اشلة وغب*ية وانا اللي اتبليت بيكي حسبي الله ونعم الوكيل ...يا شيخة يارب اي حد يجي يأخدك من هنا ويخلصنا منك ان شالله شحات هجوزهولك عشان مشوفش وشك تاني ...

قومت بصعوبة وروحت اوضتي وانا بعيط ...مكنتش مصدقة اللي امي بتعمله معايا ...

.......

مرت الساعات وكنت في اوضتي بعيط من الا*لم وسامعاهم برة بيضحكوا ويهزروا ...حتي مفيش حد فيهم كلف نفسه وجه يسأل عليا !!!!

...

مرت الايام وهي هي نفس المعاملة الباردة من اهلي كلهم ....امي مبتحبنيش وابويا بيحت*قرني...واخواتي كلهم بيتر*يقوا عليا ويتكسفوا مني ...وصلت القصة أن اخويا خطب ومحدش سمحلي احضر خطوبته ولا هو ولما سالت عن السبب قالوا إنهم بيتكسفوا مني واني مشرفهومش ....كلامهم كسر خاطري جامد وقررت اني استقل عنهم يمكن لما اشتغل الوضع يتحسن ....

........

خرجت من اوضتي اخيرا ... كانت رجلي بقت تمام بعد شهر  من الا*لم ...

كانوا كلهم قاعدين بيهزروا طبعا لما شافوني كشروا كانهم شافوا عفر*يت ...وقفت وانا بستجمع شجاعتي وبقول:

-انا قررت اشتغل ...

ثواني وكلهم بدؤا يضحكوا ...مكنتش فاهمة مالهم ...لحد ما اتكلم ابويا وقال:

-كان علي عيني يا سلمي...بس يا حبيبتي مينفعش تشتغلي حاليا ...لانك اتكتب كتابك خلاص ...

-افندم ...اتكتب كتابي ...اتكتب كتابي ازاي مش فاهمة ...

قام ابويا وقال :

زي الناس ...مروان  باشا طلبك وكتبنا كتابك امبارح وبكرة هتاخدي شنطتك وتسافري معاه بلده !!!!!

يتبع 

الجزء التاني♥️شكرا علي تفاعلكم السكر♥️بقلم سولييه نصار ♥️

-نعم انتوا بتهزروا مين مروان ده ... وبعدين الجواز ده با*طل وانا مش هسمح ليكم تجوزوني للي عايزينه ...أنا ممكن ابل*غ عنكم ...واه ...

صرخت بأ*لم لما ابويا ضر*بني بالقلم لحد ما وقعت علي الأرض ...ش*د شعري وقال بغ*ل:

-اقسم بالله لو نطقتي وقولتي الكلام ده قدام مروان بيه لأقت*لك خالص ...فاهمة ولا لا ...هتروحي معاه وهنعمل فرح هناك في بلده وانتي هتحطي لسانك في بوقك والا والله اقت*لك وادف*نك ومحدش هيعرف عنك حاجة ...صدق ما جه حد يخلصنا منك ومن قر*فك ...

دموعي نزلت وانا بقول بصوت مقهور:

-بس الجواز ده باطل ...لو عشت معاه ممكن ابقي زانية مينفعش ..مينفعش يا بابا ...انتوا ايه معندكوش دين ...

الكلمة دي عصبت بابا وبعدين بدأ يض*رب فيا بعن*ف ...كان بيضر*بني علي جسمي عشان ميشو*هش وشي وانت كنت ببك*ي وبص*رخ ومفيش حد فيهم قرر يساعدني حتي ....

..........

بعد ما خلص ض*رب فيا دخلني اوضتي وقفل عليا ...نومت علي السرير وانا بعيط جامد كان قلبي واج*عني اكتر من جسمي بحاول افتكر أنا عملت ايه عشان يعملوا معايا كده ...ليه مبيحبونيش ...عمري ما حسيت بحبهم أو حنانهم ...عمري ما حسيت انهم عيلتي ...حتي جدي وجدتي واعمامي وعماتي وخالاتي  بيكر*هوني ...مفيش الا واحد بس اللي مهتم بيا...واحد بس متعاطف معايا وهو خالي  الصغير واللي هو من سني وفاهمني كويس ...خالي اللي حاول يقف في وشهم اكتر من مرة بس مقدرش ...كذا مرة يهد*دهم بس كان الكل يقف في وشه لحد ما هو كما يئس زيى بالضبط...خالي قالي قبل كده أنه بس يلاقي شغل مناسب برا مصر  ويستقر هياخدني ويسفرني  بعيد عنهم ويجوزني للي يقدرني بس مظنش دلوقتي هو هيقدر ينقذني من المصيبة دي بسبب أنه برا مصر بيشتغل ....مكنتش اعرف هعمل ايه في الم*صيبة دي ...اعمل ايه وانا ممكن اكون هعيش من اللي اهلي باعوني ليه في الحر*ام ...دوول حتي نسيوا دين ربنا عشان يخ*لصوا مني ... قومت بصعوبة وطلعت روحت الحمام بسرعة واتوضيت وصليت وانا بدعي ربنا يساعدني ...بدعي أن اقدر اقاوم ومخليهومش يتحكموا فيا .....

.......

تاني يوم ....

صحيت لقيت وعلي غير العادة اخواتي وامي هما اللي روقوا البيت ...كانوا مبسوطين بشكل غريب ...دوول حتي صبحوا عليا عادي وامي حضنتني وهي بتقول بإبتسامة غريبة :

-يالا يا عروسة اجهزي عريسك جاي ...أما انتي وقعتي علي حتة عريس يا سلمي يا حظك والله مش هتصدقي دفع فيكي كام لابوكي ولا الهدايا اللي بعتها لينا ولا ...

غمضت عيني وانا بتمني مسمعش باقي الكلام ...اهلي كانوا بيب*عوني رسمي ونسيوا الدين ...حسيت أن مخي اتش*ل ...أنا هعمل ايه في الم*رار ده ياربي....

....

بعد ساعتين كان العريس جه ...امي خلتني البس بالعافية فستان واطلع أقابله ...

.....

أيدي كانت بترتعش وانا ماسكة صينية العصير وداخلة للي مفروض جوزي وانا معرفش شكله اصلا ...دخلت وانا حاطة عيني علي الأرض رفعتها فجأة وبهت وانا بشوف اوسم راجل شوفته في حياتي ...حطيت عيني في الأرض بسرعة ووشي احمر من الكسوف ...حطيت الصينية بإرتباك فقالت امي :

-هنسيبكم تقعدوا مع بعض شوية ...

وبعدين طلعوا ...

بصلي مروان ولسه هيتكلم قولت بسرعة:

-جوازنا ده با*طل ...أنا مش موافقة عليه !!!

يتبع

الجزء التالت♥️شكرا علي تفاعلكم السكر♥️بقلم سولييه نصار♥️

-نعم ...

قالها مروان ووقف كان باين عليه الصدمة ...قومت وقولت بتوتر :

-انا عرفت امبارح أنه اتكتب كتابي ...محدش استأذني رغم اني اقدر أبل*غ ...

هز رأسه وقال؛

-انا معرفش الكلام ده ..قالولي أن الجواز برضاكي 

هزت راسها وقالت:

-لا الجواز مكانش برضايا ولا حاجة ...هما حتي مينفعوش يجوزوني عشان أنا بلغت السن القانوني ...

وشه بهت وقال:

-انتي عندك كام سنة؟!

-اتنين وعشرين ..

قعد بصدمة وقال:

-بس اهلك مقالوش كده ...حتي الورق مكتوب فيه انك عندك ١٧سنة وبعد شهرين هتكملي ١٨سنة...

اتصدمت من كلامه ...اهلي زو*روا في الورق عشان بس يخلصوا مني ...طب ليه ...عملت ايه لده كله ...هيعملوا ايه بعد كده فيه ...كنت منه*ارة وبدأت ابكي قدامه ...مكنتش قاصدة اني احصل علي تعاطفه بس مقدرتش استحمل اكتر من كده ...أنا تعبت من كتر اها*نتهم ليا ..تعبت وهما بيعملوا المستحيل عشان بس يتخلوا عني حتي لو ده هيض*رهم ...أنا مش قاصر وتز*ويرهم ده ممكن يس*ببلهم مش*اكل كبيرة ...بدأ الشي*طان يلعب بعقلي .

.ليه مأذ*يهومش زي ما اذو*ني ...اخليهم يترجوني عشان محبسه*ومش ...هما عمرهم ما حبوني ابدا ..ولا اهتموا بيا ...يبقي ليه اخاف عليهم ...بس من جوايا عرفت مقدرش اعمل كده ...أنا مقدرش احب"س اهلي ...قام مروان من مكانه وطلع بره بغضب ...بس لأبويا وقاله:

-هي بنتك عندها كام سنة يا حاج ...

اتوتر ابويا فراح مروان مسك فيه وقال بغي*ظ:

-يا راجل يا ناقص ...تخد*عني وتز*ور عشان تتخلص من بنتك ..ده انا هوديك في ستين دا"هية ...هبل*غ عنكم البول*يس ...انت بنفسك قولت أنها راضية.بس دي غلطتي اني متكلمتش معاها قبل ...

اتر*عب ابويا من رد فعل مروان ...ولأول مرة اشوف حد قدر يك*سر ج*بروتهم علي قد ما كنت متشفية فيهم جزء مني اتضايق عليهم ومعرفش أنا ليه بحبهم لحد دلوقتي رغم أنهم معملوش ولا حاجة حلوة تخليني احبهم  ... دايما كا*سرين قلبي ومب*هدليني ...ده الغريب دافع عني وهما لسه ...بصيت ولقيت نظرات الك*ره في عينيهم بس محدش فيهم قدر يعملي حاجة بسبب وجود مروان اللي مش عارفة أشكره ازاي أنه دافع عني رغم اني يعتبر غريبة ...الخوف بقا لما يمشي من هنا ايه اللي هيحصل وهيعملوا ايه فيا ...

لقيت مروان اتنهد وقال،:

-من غير كلام كتير احنا نجيب مأذون ونسأله حكم اللي عملتوه ايه ولو هنكتب عقد جديد معنديش مانع المهم ميكونش فيه اي حاجة مش مضبوطة ...أنا مش ناقص فاهمين.  

هزوا رأسهم بخوف فكمل،:

-وياريت المرة دي تطلعوا الاوراق الحقيقية والا وديني وما أعبد اخليكم تعف*نوا في السجن ...

....

بصلي مروان بعد ما خلص معاهم وقال ؛

-حابب اتكلم معاكي عشان نحط النقط علي الحروف

هزيت راسي بالموافقة..

.....

كنا قاعدين فبصلي وقال:

-اولا انتي ليكي الحق انك ترفضي تتجوزيني وانا مش هجب*رك ...بس يجي المأذون ويقولنا ايه اللي نعمله عشان تبقي حياتنا صح ...

هزيت راسي بصمت 

بصلي بتوتر وقال:

-ثانيا لازم احكيلك ظروف جوازي منك ...

اتوترت من كلامه فكمل:

-انا عايز جوازي منك يبقي صوري ومؤقت !!!

يتبع

#عروس_منبوذة

#سولييه_نصار

تكملة الروايه من هنااااااا