 |
° إسكريبت 3 °
مليكة بتنهيدة : بصراحة يعني أنا عارفه كل حاجة ..
سارة بتوتر : ع..عارفة إيه إحنا كويسين سوا
مليكة بهدوء : سارة متخبيش بابا اللي ضغط علي فارس ييجي يتقدملك وكلو بسببي أصلا
سارة بصتلها بصدمه وثواني وضحكت بصوت عالي وقالت : بطلي هزار مبحبش كدة
مليكة بجدية : لما فارس سابك بعد ما كان بيجري وراكي علشان بيحبك ويتمني الرضا ترضي لما سابك وراح كلم ميرا وإنتي كنتي بتكلميني ومنهاره في مره وساعتها أنا عيطت علي عياطك لما قفلت معاكي بابا دخل الأوضه وبيقولي..
فلااش بااكك
عبدالله بقلق وهو بيحضن مليكه : مالك يا مليكة بتعيطي ليه حد زعلك الواد فارس عملك حاجة ؟
حضنت عبدالله أكتر وإنهارت في العياط وقالت بدون قصد : ساب صاحبتي يا بابا
بعدها عبدالله عن حضنه وقال بتساؤل : مين اللي ساب صاحبتك وصاحبتك مين ؟
مليكه بتوتر واضح : إيه لأ أنا مقولتش كدة مفيش حاجة يا بابا
عبدالله بهدوء وهو مغمض عينه : مليكه حبيبتي إهدي وإحكيلي وأنا هساعدك صدقيني
مليكة بدموع : سارة صاحبتي فارس كان بيجري وراها علشان بيحبها وكان دايما يفضل يزن علي دماغي علشان أكلمها وأعرف هي بتحبو ولا لا ولما إتعلقت بيه وحبتو أوي سابها وراح عرف واحده إسمها ميرا عقر_بة كدة ومش سهله يا بابا وصاحبتي منهارة أوي بسببو لإنها بتحبو أوي وسابها من غير سبب من غير ما يعرفها هو سابها ليه عرفت بالصدفه إنو بيحب واحده إسمها ميرا وطالع بيها السما ولما واجهتو قالها أنا مش بحبك وكان نصيب
عبدالله بعصبيه : يا إبن ال**** بقا فارس يعمل كدة طب أنا هتصرف
مسكت مليكه إيده وقالت بقلق : صحبتي ممكن أخسرها لو عرفت إن حضرتك عرفت بابا أرجوك متعملش حاجة
عبدالله باس راس مليكه وقال بحنية : ثقي في بابا يا حبيبة بابا ومتقلقيش أنا هتصرف وتصرف صح لمصلحة صاحبتك
بااااكك
سارة بدموع وحزن : ليه يا مليكة ليه كدة
حضنتنها مليكه وقالت : والله العظيم مكانش قصدي
سارة بإنهيار : أخوكي متجوزني وهو مش طايق وجودي حتي معاه علي السفرة ناكل سوا مع ذلك عمري ما كرهتو أنا لسه بحبو ..بحبو أوي والله حتي إمبارح كنت فاكره إن زي أي عروسه نمت علي الكنبة من كتر العياط لما صدمني بكلامو وصحاني لما إنتو جيتو علي الباب علشان أقوم أغير الفستان وألبس هدوم لأ وكمان هددني محكيش حاجة .. ليه يارب كدة أنا عمري ما أذيتو أنا عمري ما زعلتو مني في يوم ليه يعمل فيا كدة ليه
شدت مليكه علي حضنها لساره وقالت والدموع نازلة من عينيها : إستقوي يا سارة لازم نربيه ويقول إن الله حق متحسسوش إنك بلا كرامه كدة إستجدعي كدة وإستقوي وأنا وبابا في ضهرك
بعدت سارة عن حضن مليكة وقالت بشرود : بس لو بدأت أوريلو حقي برقبتي من دلوقتي هيعرف إنك قولتيلي حاجة لازم أتعامل بطبيعة سارة اللي متعود عليها لفتره بعد كدة بجد هوريلو حقي برقبتي
مليكة بشك : سارة إنتي ناويه علي إيه ؟
سارة بخبث وهي بتمسح دموعها : ناوية علي كل خير فعلاً هندم أخوكي علي كل حاجة عملها فيا وأنا مليش ذنب فيها وخلي ميرا تنفعو بقا
مليكة إبتسمت ومسحت دموعها وقالت : أيوا كدة إرجعي صحبتي اللي إعرفها
إبتسمت سارة وقالت وهي بتبص في ساعة الحيطه : طب قومي نلحق نعمل غدا لفارسي قصدي لفارس علشان لما ييجي يلقي أكل ياكل
▪︎ بعد مرور تلت ساعات ▪︎
دخل فارس الشقة علي ريحة أكل حلو أوي
إبتسم وقال : إحم سارة
طلعت سارة مع مليكة من المطبخ وقالت مليكه : عن إذنكم هنزل أنا
نزلت مليكه ووقفت سارة باصه في الأرض متوترة وحزينه..
فارس ببرود : خير واقفه مكانك ليه؟
سارة بتوتر : أغرفلك الأكل تاكل ولا تاخد شاور الأول؟
فارس ببرود وهو داخل أوضة النوم : هاخد شاور الأول
دخلت وراه الأوضه وقالت وهي بتفتح الدولاب : هطلعلك ترنج تلبسو علي ما تدخل تاخد شاور
بعدها فارس ببرود عن الدولاب وقال ببرود : أنا مش عيل وأقدر أطلع هدوم لنفسي خصوصاً مبثقش في ذوق واحدة ست وبالذات إنتي
بصتله بحزن وعتاب وطلعت من الأوضة بهدوء من غير ما ترد عليه..
دخلت المطبخ وبدأت تغرف الأكل وهي بتعيط في صمت
أخدت الأكل وحطتو علي السفرة وهي مبتسمة إن الأكل اللي بتعملو هو اللي بيحبو..
طلع من الأوضة وهو لابس تيشيرت نص كم كحلي علي بنطلون بيتي كحلي
قعد علي السفرة وهي واقفه قدامه وبصاله بتأمل وحزينة جداً..
فارس ببرود وهو بياكل : بقيتي من الأصنام يعني ولا إيه واقفه ليه؟
سارة وهي بتفرك في إيديها قالت : هتعوز حاجة تانيه غير العصير ؟
فارس ببرود : لأ والمفروض العصير يتجاب مع الأكل مش بعده
سارة بإبتسامة : إنت بتحب تشربه بعده
ساب الشوكة بعصبيه وقال : هتفضلي بقا كل شوية بتحب إيه ومبتحبش إيه أنا اللي عاوزو يتعمل
إنتفضت سارة من صوتو وجريت علي المطبخ وحطت العصير في كوباية وحطتو علي السفرة..
ودخلت الأوضة فضلت تعيط كالعادة..
بعد دقايق طلعت من الأوضة لما فارس نده عليها..
وقفت قصاده وقالت : نعم
فارس ببرود : شيلي مكان ما أكلت
مشيت من غير ما ترد وبدأت تشيل في الأكل وغسلت الأطباق مكان الأكل ودخلت الأوضة..
▪︎ بعد نص ساعة ▪︎
دخل فارس الأوضة بملل وقال وهو بيمدد علي السرير : صحيني وقت العشا
هزت راسها وسكتت.. ثواني وكان فارس نام
قربت منو بحذر وحطت إيديها علي وشه وبدأت تمشي إيديها بهدوء والدموع بتنزل من عينيها في صمت..
قالت بهمس : مش عارفة ليه بتكرهني مش عارفة عملتلك إيه يخليك تكرهني كدة بس أنا بحبك أوي يا فارس وعمري ما هعرف أكرهك لإن إنت أول حب في حياتي وبقيت جوزي وكان نفسي تبقا أبو عيالي ونعيش أسرة سعيده ونحكي لأحفادنا عن قصتنا الجميلة بس كل دا إتهد وليه ؟ علشان إنت مش بتحبني بتمنالك السعاده دايما حتي لو مش معايا
باسته بوسة رقيقة من خده وقامت طلعت من الأوضة..
فتح فارس عيونه وكان سامع كل كلمة هي قالتها حس بالضيق من جواه بس إتضايق أكتر لما باسته في خده وقالتلو بحبك وإنها هتفضل تحبو..
قال بهمس وهو حاطت إيده علي خده : طب أنا هكرهها فيا إزاي دي ما بسبب كدة مش هعرف أتصرف ولا هعرف أخليها تطلب الطلاق بسبب إسلوبي
نفخ بضيق ورجع نام تاني..
▪︎ بعد كام ساعة ▪︎
دخلت سارة الأوضة وقالت بهمس وهي بتهز في فارس : فارس .. يا فارس إصحي
إتململ في نومه وقال بصوت ناعس : ميرا من فضلك عايز أنام
دمعة نزلت من عينها بسبب إنو قال إسم حبيبته بدل إسمها ، مسحت الدمعه وقربت أكتر وقالت بهدوء : يا فارس قوم الأكل هيبرد العشا جاهز
إتعدل في قعدته علي السرير وقال بغيظ : عايزه إيه مش كفايه قر_ف
قامت وقفت وقالت ببرود : والله إنت قولتلي أصحيك علي وقت العشا والعشا جاهز وهيبرد كمان
بصلها بقر_ف وقام دخل الحمام وبعدها قعد علي السفرة أكل..
دخلت هي المطبخ حطتلو عصير في كوباية وحطتو علي السفرة وقعدت علي الكنبه مستنياه يخلص علشان تشيل
بعد شويه نده عليها راحت شالت الاكل وغسلت الأطباق وقالتلو : هدخل أنام
قالها ببرود : مش هتاكلي
إبتسمت بحزن وقالت : أكلت
فارس بإستغراب : إمتي دا إذا كان مكلتيش في الغدا ولا العشا ولا الفطار كلتي إمتي؟
ردت بهدوء : أكلت لما كنت إنت نايم متشغلش بالك أنا باكل ومتقلقش مش هيغمي عليا علشان متشيلش ولا تقعد جمب حد ولا تتخنق عن إذنك
قالت كدة ودخلت نامت وبعد شويه حست بيه بينام جمبها ، دفنت وشها في المخده علشان صوت شهقاتها ميطلعش ونامت..
▪︎ في الفجر ▪︎
فتحت عينيها بنعاس لقت نفسها في حضن فارس حاولت تبعد معرفتش لإنه كان محاوطها بإيديه ورجليه ومقربها من جسمو جداً
كانت مبسوطه جداً وخايفة في نفس الوقت علشان لو صحي هيزعقلها واللي كانت خايفه منو حصل ومع الحركه علشان بتحاول تبعد فارس صحي من النوم
لقاها نايمه في حضنه زقها بعيد عنه وإتعدل في النوم وقال بزعيق : إنتي عايزه إيه يعني مش معني إن قولتلك هننام في أوضة واحده تنامي في حضني ولا تقربي مني أصلا المفروض متقربيش مني أصلا
سارة بحزن ودموع : والله العظيم قومت من النوم لاقيت نفسي نايمه بين إيديك حاولت أقوم معرفتش وإنت صحيت وأنا بحاول
قال فارس بحدة وتحذير : لأخر مره هقولهالك متتعمديش تقربي مني قولتلك هنعيش هنا زي الإخوات
نام علي السرير وإداها ضهرو
إنكمشت علي نفسها وهي قاعده وفضلت تعيط وغصب عنها صوت شهقاتها بقا عالي
نفخ فارس بضيق وزعق وقال : مش عايز صوت يا تنامي يا تطلعي تعيطي برا أنا عاوز أنام
نامت بسرعه وغطت نفسها ودفنت وشها في المخده علشان صوت شهقاتها ميطلعش وبعد شويه نامت...
▪︎بعد مرور شهرين ▪︎
° إسكريبت 4 °
▪︎ بعد مرور شهرين ▪︎
دخل فارس البيت بس إتصدم من اللي شافه..
حرف ال M♡F مش موجودين علي الحيطه ومحطوط مكانهم S ♡ F بطريقة متزخرفة إتعصب جداً ودخل الأوضة علشان يزعق معاها بس اللي شافه خلاه مش قادر يتكلم..
كانت سارة لابسه قمـ"ـيص نو*م قص*ير وواقفه بتسرح شعرها وبتدندن شافته واقف علي الباب متنح طنشته وعدت من جمبو وتعمدت بإن جس*مها يلمس لجس*مو وهي معديه ودخلت المطبخ علشان تغرفله الأكل..
مفيش ثواني وكان دخل وراها وهو واقف متوتر جداً ومش عارف يعمل إيه من دون قصد قرب منها وحضـ"ـنها من ضهرها وهو بيبو*س رقبـ"ـتها
زقته بعيد عنها وقالت بعصبيه : إياك ثم إياك تلمسني
إتكلم بجدية بيخفي بيها توتره : إنتي مراتي ومن حقي أعمل اللي أنا عايزه
حطت إيديها في وسطها وقالت بعند : والله متنساش إنك قولت إننا هنعيش زي الإخوات ومفيش أخ بيقر*ب من أخته يا.. يا أستاذ فارس * قالتها بسخريه *
أخدت الأطباق وطلعت حطتها علي السفرة
طلع وقال وهو باصص ليها بيتأملها : إحم مش هتاكلي معايا ؟
ردت بسخريه وهي بتظبط الإطباق علي السفرة : لأ شكراً أكلت مع مليكة أصل هي مبتعرفش تاكل لوحدها ف أكلت معاها
خلصت وقالت وهي ماشيه من قدامه : عن إذنك
دخلت الأوضة وهي بتبص لنفسها في المرايه برضا وقالت في نفسها : إما وريتك مبقاش أنا ساره
مسكت الفون ورنت علي مليكه..
مليكه بمرح : حبيب قلبي عملتي إيه
ضحكت سارة وقالت : إطلعيلي بس
مليكه بسرعة : في ثواني هبقا قدامك يا معلم
قفلت معاها ودقايق والباب خبط
فتح فارس الباب لقي مليكه داخله وهي بتقول بمرح : ساموعليكو فين صحبتي ياسي فارس
قبل ما فارس يرد هتطلع سارة من جوا وهي لابسه روب أحمر طويل ..
هتروح تحضـ"ـن مليكه وهتقول بمرح : وحشتيني في الساعتين دول والله
مليكه هتضحك وهتقول : حبيبتي حبيبتي تعالي نقعد جوا يابت
دخلت مليكه مع سارة أوضة النوم ومازال واقف فارس مستغرب من اللي بيحصل ف سارة من شهر وهي متغيرة تماماً مش سارة الضعيفة اللي كان من كلمة واحدة بتعيط
دخل قعد وكمل أكله ومش زي عوايدها تيجي تقف جمبو أو تستناه ينادي عليها علشان تلبي أوامره
دخل الأوضة وقال ببرود : أنا عايز أشرب قهوه
سارة ببرود مماثل : الكنكه بالبُن جوا والبوتاجاز
سند علي الباب ببرود وقال : قومي إعمليها
سارة ببرود وهي بتبص في ضوافرها : والله قاعده مع مليكة مش فاضيه وإنت مش صغير خش إعملها لنفسك
بصلها بغضب كبير وخبط الباب بإيده جامد وطلع
ضربت سارة كفها علي كف مليكه وهما بيضحكو في صمت
قالت مليكة بقلق : ناويه تعملي إيه تاني إنتي بقالك شهر كامل مجنناه
سارة برفعة حاجب : أخوكي داس علي كرامتي وأنا مش هسمحله يعمل كدة تاني ملعـ"ـون الحب اللي يهيـ"ـن كرامة الست بالطريقة دي
كان في الخارج فارس قاعد هيطق من كتر العصبيه والغضب لإن سارة إتغيرت تماماً..
طلع فونه ورن علي ميرا..
ميرا كانت قاعده في بتضحك بدلع ومرقـ"ـعة في حـ"ـضن راجل .. فونها رن بإسم فارس
أخدت الفون وقامت ردت بد*لع وقالت : عيون ميرا وحشتني
فارس بضيق : ميرا محتاج أشوفك
ميرا بخبث : حبيبي نتقابل في شقتنا وهبسـ"ـطك وهدلـعـ"ـك
فارس بإبتسامة : إسبقيني علي هناك هجيلك
قفل معاها ودخل لسارة ومليكة في الأوضة..
فارس ببرود : أنا نازل
سارة ببرود وهي بتقلب في فونها : مع السلامة
إستغرب فارس من ردها بس تجاهل دا ونزل
بصت سارة قدامها بشرود وعيطت..
مليكه مسحت دموعها وقالت : لأ لأ دموع وعياط لأ
سارة بعياط : رايحلها يا مليكه سمعتو بيقولها وأنا كنت ناويه أطلع أعمله القهوه إنو محتاج يشوفها وتسبقو علي هناك وهيجيلها
مسحت مليكه دموع ساره بإيديها وقالت بحنية : هيندم.. هيندم ندم عمره وهتشوفي..
▪︎ عند فارس ▪︎
دخل وقعد علي الكنبة بإهمال ونفخ بضيق
قربت منو ميرا بد*لع وقالت : مالك يا بيبي متضايق من إيه
بص ليها فارس ببرود وقال بخبث : ما تيجي أحكيلك مالي؟
ضحكت بمـ"ـرقعة وقامت وقفت ووقفتو معاها ودخلو الأوضة..
▪︎ بعد ساعات في بيت فارس ▪︎
دخل فارس سكـ"ـران البيت وهو بيبرطم بكلام غير مفهوم..
دخل أوضة سارة لقاها نايمه بقـ"ـميص نو*م بص ليها بر*غبة وقرب منها وقبـ"ـلها في شفا*يفها
قامت من النوم بفزع وهي بتحاول تبعد عنه بس هو كان متحكم فيها وكل ما بتحاول تبعد كل ما بيتعمق في البو*سة أكتر
بعد عنها لما حس إنها محتاجة للأكسچين
قامت إتعدلت وغطت نفسها وقالت بعصبيه: إنت إزاي تقر*بلي مش قولتلك متقر*بليش ومن هنا لحد ما تطلقني متقر*بليش نهائي إنت فاهم
إتعصب جامد لما قالت كلمة طلاق قرب منها ومسكها من شعرها ولسه هيقرب علشان يبو*سها حطت إيديها علي شفا*يفها وهي بتبصله بغضب
بعد إيده عن شعرها وقال بسخرية وهو نازال سكـ"ـران : ميرا أحسن منك علي الأقل لما بقولها متضايق أو مخنوق أو محتاجك بتخليني أقر*بلها وألمسـ"ـها مش زيك مراتي ومش مخلياني أقربـ"ـلك
بصتله بقرف وإستحقار وقالت : غلطة عمري لما حبيتك ووافقت أتجوزك أنا بك..
قطع كلامها لما راسه وقعت علي كتفها
بصت عليه عرفت إنه نام من أثر الشـ"ـرب
عدلت نومته وغطته كويس جات علشان تقوم شد*ها لحضـ"ـنه وقال بدون وعي : خل..خليكي ج..مبي س..سارة
بصتله بإستحقار وبعدها عينيها دمعت وقالت : كان نفسي تقولها وإنت في وعيك بس للأسف سارة مبقتش طايقاك أصلا
بعدت إيده عنها بغضب وقامت ونامت في أوضة الأطفال..
▪︎ صباح تاني يوم ▪︎
صحي فارس من النوم وهو حاسس بصداع شديد في راسه وأخر حاجة فاكرها إنو تقل في الشر*ب وكان عند ميرا..
طلع من الأوضة وهو بيفرك عينه من أثر النوم..
دخل المطبخ لقي سارة واقفة بتدندن وبتعمل فطار
قال بصوت ناعس : عايز قهوه دماغي هتتفرتك من الصداع
سارة ببرود وهي مدياله ضهرها : أما تفطر هعملك قهوه
سابها ودخل الحمام ياخد شاور وهو بيحاول يفتكر عمل إيه إمبارح وخايف ليكون قر*ب لسارة
طلع من الحمام لقاها بتحط أخر طبق علي السفرة
بحركة تلقائيه منو مسك إيديها وقال : أقعدي كلي معايا
بعدت إيده عن إيديها ببرود وقالت : هستني مليكه أكل معاها وبعدين ما إنت مبتحبش حد ياكل معاك مش كدة يا بشمهندس ؟
وطي راسه ومتكلمش بحرف إبتسمت بسخرية وسابته ودخلت المطبخ..
قعد هو علي السفرة وهو حاسس بضيق أكل لقمتين وقام حتي ملوش نفس في الأكل
مسك الأطباق ودخلها المطبخ ووقف متردد مش عارف ليه حاسس إنو عايز يفتح مجال للكلام معاها لإنها بقالها شهر وشويه بتتجنبو تماماً حتي الكلام بطلت تتكلم معاه
قال فارس بتوتر : إحم هو..هو أنا حصل مني تصرف إمبارح بعد ما رجعت ؟
إبتسمت سارة بسخريه لإنها فهمت هو قصده إيه فهي فاكره إنه مش عايز يتمم جوازهم لإنه مش بيحبها..
قالت بهدوء وهي بتقلب القهوه علي النار : لأ جيت نمت جمبي في الأوضة إمبارح ف سبتلك الأوضة ونمت في أوضة الاطفال
فارس ربع إديه وقال بإستغراب : أفهم بقا ليه ؟ مش جوزك المفروض ننام في أوضة واحده
طفت علي القهوه ووقفت نفس وقفته وقالت بسخرية : دا الكلام دا لإتنين بيحبو بعض وفيه ما بينهم وِد وتفاهم مش عايشين زي الأخوات مع بعض!
وأكملت ببرود : وأعتقد إن مفيش إخوات بينامو جمب بعض برضوا يا كل واحد علي سرير بس في أوضة واحده يا كل واحد في أوضة لوحدو ولا إيه يا بشمهندس
حطت القهوه في كوباية وقالت ببرود : القهوه أهيه
وسابته وخرجت من المطبخ وقعدت علي الكنبه وماسكه الريموت بتقلب في التي في
قرب فارس وقعد جمبها ونتش منها الريموت وبيقلب علي القناة وجاب الماتش..
بصتله سارة وقالت برفعة حاجب : مش قاعدة بتفرج أنا!
فارس ببرود وهو بيشرب من القهوه : عايز أتفرج علي الماتش
قامت بهدوء من جمبه ومشيت قال فارس بسخرية : ألاه رايحه فين
مردتش عليه وسابته ودخلت الأوضة ورنت علي مليكه تطلع ليها وتقول إنهم نازلين يجيبو حاجة..
وبالفعل طلعت مليكه وإتحايلت علي فارس واخدت سارة ونزلو وفارس كان قاعد في البيت متضايق جداً وقعد النهارده من الشغل علشانها نفخ بضيق وجرس الباب رن..
إبتسم وإفتكرها هي بس لما فتح الباب الإبتسامة إتشالت وإتحل مكانها الصدمه..
يتبع..
#إبتسامة_ألم
#رودي_عبدالحميد
تكملة الروايه من هنااااااا
تعليقات
إرسال تعليق