 |
الفصل الثالث:
من رواية صغيرة درغام بقلمي سندريلا انوش💋💋❤..
سامر بكره:درغام اعداءه كتير..ودا في صالحنا..ثم ه سنه اي بس!
ثم دخل بها فوجد ديلان تنظر اليه والشر في عيناها..
ديلان:هو دا اللي ناقص يا درغام.
درغام وهو يتخطها ويصعد:خاليكي في حالك.
ركضت خلفه ديلان وقالت:انت حالي يا درغام..لي بتعمل كدا..منا موجوده!!
وقف درغام وقال:انت فاهمه اي!
ديلان بغضب:فاهمه انك دلوقت طالع بيها علي اوضتك!! وانها شكلها صغير!
درغام بتهكم:لي هو كل البنات بتبيع نفسها زيك!!
صدمت ديلان من رده فاكمل درغام سيره ودلف بها الي إحدى الغرف..
ديلان بصدمه:بتبيع نفسها؟؟
عند درغام..
وضعها درغام في فراشها..ونظر الي وجهها بتفحص..
ورفع نفسه الي اعلي فشعر بدوار نتيجة ضربتها القويه..
درغام بضيق:افوقها ولا اخليها مخموده..الله يسامحك ياعم ابراهيم.
وبدء في هزها بحنق..حتي بدءت في التململ بطريقه مضحكه..
فجر بنعاس:بابا فكك من شغل كل يوم دا انا معايا صداع في رقبتي ومش هقدر اروح المدرسه.
درغام بصوت عالي:قووووومممييي.
نهضت فجر بفزع وقالت:الهكسوس احتلوا المغرب تاني ولا ايييي؟؟
درغام بتهكم:هكسوس!! ومغرب!!
نظرت فجر بعد فهم حتي تذكرت ما حدث فتجمعت دموعها في مقلتيها..
درغام:افتكرني!
هزت رأسها ثم انفجرت في البكاء وهي تقول:عمي هياخدني..هيجوزني لابنه..انا مش عاوزه اتجوز..انا عاوزه بابا وخلاص.
جلس درغام علي حافه الفراش ونظر امامه بشرود..
**فلاش بااك**
عندما بلغ درغام سن الخامسه عشر قرر الرحيل عن تركيا..
وهاجر الي مصر بطريقه غير شرعيه..وعندما وصل مصر وضعوه في دار للايتام..
وهناك قابل ابراهيم والد فجر..واعتني به حتي بلغ السن القانوني للخروج..
وبعد خروجه ساعده ابراهيم في الحصول علي وظيفه وهنا..
قابل امجد الديب الذي كان في نفس عمره..
وتدرب علي كيفية حمل السلاح وتعلم القنص حتي اصبح امهر قناص فالعالم..وبدء في تأسيس شركته وهو في عمر العشرين..
وبحث عن ابراهيم الطودي حتي وجده وعينه سكرتيره الخاص..
والباقي انتم تعرفونه..
**باااك**
نظر درغام الي فجر وجدها تبكي كما هي فنهض وقال:هتلاقي الباب خبط كمان شويه..هتاخدي منهم شنطك.
فجر وهي تمسح دموعها:بس انا مجبتش شنط ولا هدوم!
درغام وهو يغادر:خدي الحاجه وانت ساكته.
واغلق الباب خلفه..فسقطت ودفنت رأسها في الوساده وهي تقول:بابا مشى!
ذهب درغام الي غرفته واخرج ملابسه فوجد ديلان تخرج من مرحاضه..
وهي شبه عاريه فقال وهو يتخطها:مش فاضى.
ديلان باستنكار:من امتى يا درغام!
درغام وهو يغلق الباب خلفه:من انهاردا.
نظرت ديلان في ظله وقالت:بدءنا يا درغام.
فتح درغام صنبور الماء عليه ونظر امامه بشرود..
**فلاش باك**
درغام بتعجب:ايي؟؟ عاوزاني ابعد ازاي يعني!
ميرا:تبعد بعمني تسيب يا درغام كل القرف دا انا عاوزه نعيش مع بعض بهدوء.
درغام وهو بضم خصرها اليه:طب ماحنا في هدوء اهو!
ميرا بضيق:لا يا درغام احنا طول مانت في المافيا وبتسافر وتقتل..فقاطعها قائلاً:عمرنا ما هنرتاح عاارف.
ميرا:طب مانت عارف كلامي اهو!
درغام:يا حبيبتي دا شغلي.
ميرا:لا مش شغلك..شغلك هي شركتك والحمدالله فيها دخل كبير جدا..لكن القرف التاني دا بلاش.
قبل درغام رأسها وقال:يعني دا يرضيكي!
ميرا:اه.
ابتسم درغام واخرج سلاحه من بنطاله..واعطى ايها وقال:من انهاردا مفيش ديغو..في درغام وبسس.
وبالفعل ابتعد درغام كل البعد عن جماعته..واعتزل قتل الاخرين..ولكن لم يعلم ان ذلك الاعتزال سيتسبب في مقتلها..مقتل زوجته!!
**بااك**
وضع كلتا يديه علي الحائط والمياه تتدفق..علي جسده بغزاره
فمسح علي شعره بالماء وقال:اااه يا ميرا..يارتني فضلت قتال قتله..بس ورحمتك ماهسيب حقك..وحق عم ابراهيم.
ثم تذكر وجه فجر..فابتسم وقال:اما المجنونه التانيه هعرف اتعامل معاها.
في الليل...
كان العزا في قاعة المناسبات الخاصه بالشركه..فكانت فجر تجلس بصمت والدموع لا تفارق صدغيها..بينما درغام هو من كان يتولي امر المعزيين..
نظرت فجر حولها وجدت النساء يرتدون الاسود ولكن بالكاد ملابسهم تصل اعلي فخذهم..
فجر في سرها:عزا دا ولا كباري!
فقالت احدي النساء بجانبها:بتقولي حاجه.
نظرت فجر الي تلك المرأة من اعلي الي اسفل وربتت علي فخذها العاري وقالت:خاليكي في فخادك يا حبيبتي.
فوقعت عيناها علي ذلك الواقف بشموخ ويصافح الرجال بقوه..
شعرت فجر بارتجاف قلبها عندما تقابلت اعينهم فقالت بداخلها:لا شغل المراهقه والهرمونات..دي مش عليا.
نظر درغام اليها فشعر بأن قلبه اهتز من الداخل..تلك الهزه يعرفها جيدا ولكنها كانت اقوى من ذي قبل..
درغام لنفسه:انا بيحصل اي..دي عيله!!
ثم ادار وجهه عنها..
شعرت بالضيق من تصرفه هذا فنهضت واتجهت اليه..
وقفت امامه واشارة اليه كي ينخفض قليلاً وتستطيع الوصول الي اذنيه فانحني بجذعه حتي وصل اليها فقالت بصوت هامس:عاوزه اعرف حاجه صغيره قد كدا.
رجع الي وضعه واشار اليها بالتحرك امامه وقال لانور:خمس دقايق وهرجع.
انور:تمام.
ذهب درغام بها الي مكان بعيد عن الحضور..ووقف امامها ينتظر سؤالها..
فجر ببلاه:انت اسمك اي!
درغام بسخريه:نعمم! انت جيباني من وسط العزا اللي هو بتاع ابوكي عشان تعرفي اسمي اي!
فجر بضيق وحزن:علي فكره مش عشان اسمك بس! الستات اللي برا دول مش جاين عزا دول داخلين كباريه! وبعدين في واحده شبه هانا موتانا بتبوصلي اكني قتلالها قتييل! هتاكلني بعينها.
ابتسم درغام رغماً عنه وقال:شكلها اي؟
فجر وهي تشير بيدها في الهواء بطريقه مضحكه:بص هي شعرها احمر كدا ولابسه فستان اسود غريب كدا عريان من فوق ومن تحت وفي حاجات باظه من فوق وباظه من تحت.
حاول درغام كبح ضحكته وقال:اااه دي ديلان.
فجر بشهقه:يا ساتر يارب ديداااان!
انفجر درغام ضاحكاً حتي ادمعت عيناه وقال:ديلاان ديلاان مش ديداان.
فجر:مش هتفرق الدال من اللام المهم انها بتبوصلي بصات غريبه!
درغام:ولا اكنك شيفاها اعتبريها هوا.
فجر:يعني مش مراتك!
درغام:لا.
فجر:اومال لابس خاتم في ايدك الشمال لي؟
درغام بصدمه من قوه ملاحظتها:بت انت مركزه معايا كدا لي انا لسا شايفك الصبح.
فجر:ياعم هو انا اعرف عنك حاجه!
درغام:يعني لاحظتي الخاتم ومعرفتيش اسمي!
فجر بحنق:شوفت بقي!
ابتسم بهدوء وقال:اسمي درغام أتاتورك.
فجر:درغام.
لم يدرك لماذا خفق قلبه بشده عندما نطقت اسمه من بين شفتيها فنظر الي شفيتها وهي تكمل:اسمك شرير جامد.
درغام:شرير!
فجر:اه درغااااام..اسم شرير..بس أتاتورك دا مش مصري!
درغام:منا مش مصري!
فجر:شنو!
درغام:انا مش مصري..انا تركي من اسطنبول!
قفزت فجر وقالت:يالهوي يالهوي تركي! وانا اقول الجمال عدي الكلام.
فتح فمه بصدمه وقال:جمال مين وكلام اي؟؟ انت طبيعيه يا بت.
فجر:لا قيصريه!
اغلق وفتح عيناه وهو يجاريها في حديثها..
فجر بتفكير:وانا اقول الستات باصه نحيت الرجاله لي! اتاريهم بيعاكسوك.
درغام بصدمه:في ستات بتبص عليا؟
فجر:اه والله حتي ست هانا موتانا بردو..بص لما ندخل ركز كدا من نحيت الستات هتلاقيهم بيبصوا عليك.
درغام:اممم وبعدين.
فجر:لا كفايه..ولا اقولك علي فكره انت لازم تتجوز.
درغام وهو يهز راسه بتفاهم مصتنع:لي بقي!
فجر:عشان انت فتنه علي الار..قاطعها صوت ضجيج يأتي من عند قاعه العزاء فمسكت ذراعه بخوف..
نظر درغام اليها وقال:في اي اهدي.
فجر في سرها ولكن سمعها درغام:يارب ما يكون اللي في بااالي.
درغام:طب ممكن تنزلي من علي دراعي!
نظرت فجر اليه فوجدت نفسها علي وشك ان يحملها فابتعدت وقالت:اسفه.
ثم أتى صوت شاب وهو يقول:انا عاوزاهاا حالاا.
ضربت فجر صدرها بيدها وقالت:احييه عبدو!
درغام:عبدو مين!
فجر برعشه في صوتها:ابن عمي فتحي..عاوز يتجوزني..متخلهوش ياخدني معاهم البلد ونبييي.
درغام:يعني مش عاوزه تروحي معاهم!
فجر بنفي وهلع:لالا ارجوك متخلهوش ياخدني.
درغام وهي يغلق سترته ويتقدم باتجاه القاعه:بس كدا عنيا.
ركضت بجانبه فجر حتي دخلوا مجدداً فهمست فجر:بص بص الستات بيبصوا عليك.
زفر الهواء بضيق حتي وصل الي هؤلاء الرجال الذين يرتدون العباءات الرجاليه..ووقفت فجر خلفه مباشرة..
درغام:البقاء لله يا حج فتحي.
فتحي بصرامه:البقاء لله وحده يا درغام باشا.
درغام وهو ينظر الي رجال فتحي:خير ان شاء الله لي الدوشه دي!
عبدو:عشان عاوز مراتي.
درغام ببرود:اللي هي!
خرجت فجر من خلف درغام وقالت بغضب:مراتك في عينك.
فتحي بصرامه:اختشي..ويلا معانا من غير دوشه او حديد!
تمسكت فجر بدرغام فقال:فجر مش هتتحرك من هنا.
عبدو:تقصد اي بكلامك دا.
درغام بهدوء:اللي فهمته.
فتحي:درغام باشا احنا مقدرين وقفتك جنب ابراهيم أخوي لكن ان بتنا تجعد اهنه وبعيد عن سراية عمها..دا اللي مش هسمح به وااصل.
درغام:تمام..ثم استدار الي فجر وقال:فجر تروحي مع عمك ولا تفضلي هنا؟!
فجر:هفضل هنا.
درغام ببساطه:شوفت البنت عاوزه تقعد هنا.
فتحي بقوه:معندناش حرمه بناخد رأيها.
مد فتحي وعبدو يدهما ليسحبوا فجر معاهم بالقوه..
فمسك درغام يدهما بقوه وقال بشرار يتطاير في عيناه:قولت فجر مش هتتحرك من هنا.
ثم ابعد يد فتحي وقام بلكم عبدو بقوه حتي سقط علي الارض...
يتبععععع...
#رواية_صغيرة_درغام
#درغام_فجر
#سندريلا_انوش
الفصل الرابع:
تفاعل حلو بقا يا شباب ☺️🖊️
من رواية صغيرة درغام بقلمي سندريلا انوش💋💋❤..
فمسك درغام يدهما بقوه وقال بشرار يتطاير في عيناه:قولت فجر مش هتتحرك من هنا.
ثم ابعد يد فتحي وقام بلكم عبدو بقوه حتي سقط علي الارض.
فزع الجميع..بينما فجر تمسكت في درغام بقوه..
ديلان بصراخ:ادلهم البنت يا درغاام.
التف برأسه اليها وتحولت اعينه الي الحمره وقال:علي جثتي.
نهض عبدو كي يرد الضربه ولكن ابيه مسكه من يده ومنعه..
عبدو:ابوي!
فتحي بتحذير:اكتم..ثم وجه حديثه الي درغام وقال بتهديد:بتنا مش هنسبها يا درغام باشا.
غادر فتحي ومن معه فقال ابنه:احنا هنسبها يابوي بجد!
فتحي بغضب:انت اغبي من جواميس الزريبه!
عبدو باستنكار:لي يابوي عاوزني اسبها..دانا ما صدقه انها كبرت.
فتحي:عاوز تقنعني انك هتضرب الرجل وسط رجالته وفي ارضه!!
عبدو بكره:هعمل اي حاچه بس فچر تكون چنبي وفي حضني.
ضيق فتحي عيناه وقال:وانا بت اخوي هتكون في بيتك قريب بس الصبر يا ولدي الصبر.
عند درغام..
ديلان بغضب:انت متمسك بيها ليه ما تسبها لاهلها.
خرجت فجر من خلف درغام وقالت:انت مالك يا امو سحلول انت!
درغام:اهي قالتلك وانت مالك!
نظرت ديلان اليها بحقد واتجهت بعيداً..
اقترب انور وقال لدرغام:انت بتعلن الحرب يا درغام..سيب البنت ليهم دول اهلها!
درغام بلا اهتمام:انور..فجر مش هتسيب المكان هنا..ولا هتتجوز اللي اسمه عبدو دا..علي الاقل تكبر شويه.
انور بضيق:درغام..مانت طول عمرك عايش من غيرها..مش معقول تكون اتعلقت فيها دانت لسا شايفها الصبح!!
نظر درغام بغضب ثم نظر الي تلك التي تقف وتتحسس شعر احدى النساء وقال:ومين قالك اني شوفتها الصبح بس!
انور بعد فهم:اي؟
جلس درغام وقال:لما كان عندي عشرين سنه..او بالاخص لما فتحت الشركه بكام شهر...
**فلاش باك**
درغام:عم ابراهيم..انت عارف اني مبحبش البنات اديها لاي حد من الموظفين!
ابراهيم:هما تلات ساعات بس هخلص حاجه ورقها عشان اقدملها فالمدرسه.
درغام:خدها معاك طيب!
ابراهيم:مينفعش يابني الدنيا زحمه وممكن تتوه مني..وانت عارف ماليش حد هنا.
تنهد درغام وقال:عندها ست سنين!
ابراهيم:خمسه ونص.
جلس درغام علي مكتبه وقال:دخلها طيب وروح انت شوف اللي وراك.
ابتسم ابراهيم وقال:واه اسمها فجر..وخرج من المكتب..ثم فتح الباب فنظز درغام لم يجد احد!
درغام بضيق:مين!
لم يرد احدي فظن انه قد نسي ابراهيم غلق الباب فنهض واغلقه ولكن بمجرد ان استدار..وجد تلك الشيطانه تجلس علي كرسيه وتتأرجح وترتدي فستان من اللون الازرق النيلي..
نظر درغام الي الباب ثم اليها وقال:وصلتي لهنا ازاي؟؟
فجر:مالكش دعوه.
درغام:اه بدءنا..ثم اتجه اليها وحملها من ملابسها واجلسها علي الارض بجانب كرسيه وجلس هو عليه..
درغام:بصي عشان منزعلش من بعض انا لا بحب البنات ولا بطيقهم فانت اقعدي ساكته وشاطره كدا عشان نعدي يومنا.
فجر بضيق:مبتحبش البنات لي بقي؟؟
درغام:عشان رغايين زيك كدا..ولو اتجوزت بعد الشر وجبت بنت هدفنها حيه تحت الارض بأمها كمان.
شهقت فجر..ونظرت حولها ثم عبث وجهها وقالت بحنق:شيلني.
درغام:اشيلك..اشيل مييين.
فجر بصراخ:شيييلنييييي.
حملها درغام واجلسها علي قدميه وقال بضيق:اتهدي بقي.
سحبت ورقه وقلم من امامه..وبدءت في الرسم..
كان درغام يتابعها باهتمام وقال بدون ان يشعر:بترسمي اي؟
فجر:بابا..وانا
درغام:امممم ومين دا؟؟
فجر بضيق:دا عبدو.
درغام:ومالك زعلانه لي؟
فجر بحنق طفولي:اصل كل ما يشوفني يقولي هتجوزك لما تكبري..وانا مش بحبه اساسا.
درغام:بس مش انت لسا صغيره علي الكلام دا.
فجر:اه.
درغام بأبتسامه جذابه:خلاص يبقي متفكريش في الموضوع الوحش دا تاني..وهقولك تعملي اي لما يقولك كدا تاني..ثم قال لها في اذنها ما ستفعله معه..
ثم ابتعد فقالت بفرحه:هيه هيه خلاص ماشي.
طبعت قبله صغيره علي صدغه..فنظر درغام اليها وقال:مش كل البنات وحشه بردو.
ضحكت بقوه وقالت:هرسمك.
درغام بتفاجئ:ابهريني.
بدءت فجر في رسم درغام..وكل دقيقه تنظر اليه كي تحفر ملامحه في عقلها..
حتي انتهت فقال درغام:هو انا حلو كدا؟
ضحكت فجر وقالت:مش اوي.
شهق درغام وقال:يعني انا وحش!
فجر:لا احلي من عبدو بكتييييير.
درغام:حيث كدا بقي هتجوزك لما تكبري.
شهقت فجر وقالت:انت كمان!
ضحك درغام بقوه وقال:خلاص لو مش موافقه هشوف عروسه غيرك.
فجر بتفكير:اممممممم انت قولت مفكرش فالحاجات الوحشه دي تاني.
درغام:شاطره يافجر.
نظرت فجر امامها وقالت:هو انت معندكش اخوات!
درغام:لا.
فجر:ولا ام زي!
درغام ببسمه حزينه:ولا اب برود..ماتوا في حادثه بس ماكنش عندي اخوات..بس ابن عمتي موجود..اسمه انور.
فجر بضيق:اه ابو عيون زرقا..دا رخم اوي خد مني الشكولاته بتاعتي وقالي مقولش لحد!
درغام:اومال لو كان قالك قولي لحد كنتي هتعملي اي.
نظروا الي بعضهم ثم انفجروا ضاحكين..في تلك الاثناء دخل إبراهيم قائلاً:درغام خلاص ها...اي دا؟؟
درغام وهو يتمالك ضحكاته:خ..ير يا..اعم ابراهيم.
ابراهيم بتفاجئ:انت بتضحك! ومع مين مع بنت! وصغيره!!
درغام:دي مش بنت دي عسل.
ابراهيم:ااااه يا مغلاباني..ضحكتي الجبل.
درغام:عملت المستحيل..شكلي هحب البنات علي ايدها.
ابراهيم:اسيبك مع الراجل عشر دقايق ارجع الاقيه فصل ضحك..وحب البنات لا كدا كتير.
ثم قال بجديه:فجر الورقه اللي اديهالك وقولتلك خاليها في جيبك معاكي!
فجر:اه اهيه ثم اخرجتها من جيب فستانها فتقدم ابراهيم واخذها منها..
**باااك**
انور بصدمه:انت بتهزر صح!
درغام بغضب:فين الهزار في كدا.
انور:طب وميراا مراتك!
درغام بحزن:ميرا انا اه حبيتها بس ماكنتش اول حب..بس مش زي فجر.
انور بصدمه:درغام انت واعي..دي عيله!
درغام بعصبيه:مش عيلله..ثم نظر اليها وقال لانور:مش عيله انا مش شايفها عيله.
انور باستنكار:طالما كنت بتحبها للدرجة دي اتجوزت ميرا لي؟؟
درغام:لاني ماشوفتش فجر بعدها..غير مره وخوفت عليها من اللي حوليا يا انور خوفت حد يشوفها معايا تتأذي..لكن ميرا كانت عارفه حياتي عامله ازاي.
انور:ايوا يعني وبعدين..اخرتها.
نظر درغام اليه وهي تتفحص خاتم احدى النساء وقال:هستناها تكبر واتجوزها او اتجوز دلوقت عرفي.
انور بصراخ لفت انتباه الجميع:انت مجنون!!
نظر درغام حوله ونهض وقال بغضب:انتم اللي مجانين..مش انا.
ثم سار باتجاهها وقال:يلا من هنا كفايه كدا.
فجر:طب استني بس.
سحبها درغام من يدها فقالت:في عرايس عظمه ليك هنا.
وقف درغام ونظر اليها قائلاً:عرايس!
فجر بتفاخر:اه طبعا..في واحده شعرها ناعم واي بص قمرر.
مسح درغام وجهه وقال وهو يجز علي اسنانه وينزل الي وجهه بوجهه:يعني انت قاعده في عزا ابوكي وبدوريلي علي عروسه..انت اي يابت!
فجر بحنق:اي ياعم انا غلطانه اني عاوزه اجوزك واسترك!
درغام بصدمه:تستريني!..لا بقي كدا كتير..يا حج فتحي تعالي خد بنت اخوك.
مسكت فجر يده وقالت بخوف:خلاص والله خلاص.
درغام:امشي قدامي.
فجر وهي تتخطاه بحنق:حاضر ياخويا..بس علي فكره بقي خساره فيك البت.
دفعها درغام بيده للامام..
صعدت فجر سيارة درغام وتحرك بها وخلفه سيارة حراسه فقالت هي:وزير الدخليه لو هقطع تركيزك عن الطريق بس ممكن طلب.
درغام وهو ينظر الي الطريق:امممم.
فجر:عاوزه اروح بتنا اللي هو بتاع بابا وكدا.
درغام بهدوء:مفيش مرواح هناك تاني..من هنا ورايح هتعيشي في الفيلا معايا.
فجر بضجر:علي فكره مينفعش.
درغام:لي يا فجر هانم!
فجر:عشان عيب مينفعش وشكرا علي كل حاجه..ثم فتحت الباب السياره وهي تتحرك تود القفز منها فصرخ درغام ومسك يدها..
ثم اوقف السياره وقال بصراخ:انت مجنونه يا بت انت!
ضيقت فجر عيناها وقالت:انا عارفه الجمله دي كويس اوي..ثم شهقت وقالت:انت!
درغام بعد فهم:انا؟
فجر:اه ابن المجنونه اللي كان هيدوسني الصبحح.
نظر درغام اليها بعد فهم..ثم تذكر ما حدث في الصباح وقال بتوجس:انا ابن مجنونه صح!
فجر بتوتر:مين اللي قال كدا.
درغام:انت!
فجر بدرامه:انا يابني!!
درغام بتهكم:ابنك!
ظل درغام ينظر في عيناها فقال:هتروحي تعملي لي هناك.
فجر بحزن:عاوزه اقعد في اوضة بابا شويه.
درغام:بس مينفعش تقعدي بعدها لوحدك يا فجر ممكن في اي لحظه عمك يجيلك.
نظرت فجر أمامها بشرود ثم قالت بنبره مرتعشه اثر كتم البكاء:هقعد يوم بس حتي اخد حاجتي الدراسيه..وهعيش معاك.
و آة من تلك الدموع التي تحرقني..كفي عن البكاء يا صغيرتي..فدموعك مثل الجمر يحرقني!!
نظر درغام الي دموعها بألم فكم يود ان يحضتنها ولكن يمنع ذاته عن لمسها..
نظر درغام حوله فوجد علبة المناديل التي ضربته بها من قبل فسحبها واعطها اليها..
درغام بمزاح:فكراها!
نظرت فجر اليها وضحكت من بين دموعها وقالت:خلاص بقي ميبقاش قلبك اسود.
درغام وهو يقود السياره مجدداً:نفسي اعرف كنتي بتفكري ازاي ساعتها.
اخبرته فجر بعنوانها حتي وصل الي المبني التي تقيم فيه ونزلت من السياره فوجدت اهل المنطقه ينظرون اليها بحزن..
احدي الجيران:البقاء لله يا فجر.
فجر بحزن:حياتك الباقيه.
ثم دخلت الي بيتها فنزل درغام خلفها ونظر الي الجميع بحذر ثم صعد خلفها حتي وقف خلفها وهي تفتح الباب..
فسمعوا صوت بكاء قوي..استدار درغام وجد امرأه ترتدي عباءه سوداء وكأنها جلد ثاني لها..
السيده ببكاء:الله يرحمك يا ابراهيم أهئ أهئ.
فجر بضيق:كفايه دموع التماسيح دي ياسكر.
سكر ببكاء:انت عارفه ان ابوكي كان غالي عليا اوي يا فجر انا مش مصدقه.
نظرت فجر اليها بضيق ففتح الباب وقالت:عن اذنك يا سكر.
فمسك درغام الباب قبل ان يغلق وقال:بت انا معاكي انت ناسيه ولا اي؟
فجر:اسكوزمي بس انت هتدخل معايا!! لوحدنا!! انت عبيط!!
درغام بصدمه:انا عبيط!!
فجر:لا.
سكر:خلاص يا باشا تعال عندي انا البيت ياخد من الحبايب ألف.
مسكت فجر درغام من يده وقالت:اي يا درغام انا بهزر ادخل ادخل يا جدع..ثم سحبته بقوه للداخل وقالت:خفي جمايلك يا سكر.
ثم اغلقت الباب في وجهها فقالت سكر بضيق:ورحمة ابوكي لو ماكنتش خرجتك من هنا بفضيحه ماكونش انا سكر.
دلف درغام وتفحص منزلها المتواضع وقال:لي عم ابراهيم كان مصمم يعيش فالمكان دا مع اني مرتبه كان يخليه يشتري بيت كامل في منطقه راقيه.
جلست فجر علي الاريكه وقالت بحزن:عشان دا البيت اللي جمعه مع ماما وليهم ذكريات مع بعض فيه فمحبش يسيبه.
جلس درغام بجانبها وقال:اه فهمت.
فجر بضيق:بس الحربايه اللي كانت برا دي كانت عاوزه بابا يتجوزها..لما انا رفضت بقيت تكرهني..وحاولت تمثل انها بتحبني بس فشلت.
درغام:اممممم عشان كدا اول ما قالتلي تعال عندي دخلتيني!
فجر بتوتر:هه..اه حاجه زي كدا.
جلس درغام براحه وقال:شكلي هحب سكر دي جدا.
نظرت فجر بعدم فهم وقالت:انا هدخل اوضة بابا..لو هتقعد كتير عندك عصير فالتلاجه واكل سخنه.
درغام:مش هتاكلي!
نهضت فجر وقالت بحزن وهي تذهب الي غرفة والدها:لا ماليش نفس..عن اذنك.
ثم اغلقت الباب خلفها..فنظر درغام في ظلها وقال:هعوضك عن كل دا يا فجر بوعدك.
دلفت فجر الغرفة واخرجت ملابس لابيها من الخزانه واحضتنتها وظلت تبكي..
حتي تذكر عندما قال والدها...
**فلاش بااك**
فجر بقلق:بابا بعد الشر عليك.
ابراهيم بضيق:فجر كلنا هنموت..بس لو حصلي حاجه في صندوق في دولابي لونه اسود..لما اموت افتحيه ضروري فاهمه.
هزت فجر رأسها واحضتنته بقوه وظلت تبكي..
**بااك**
جحظت عيناها بلهفه وقالت:الصندوق الاسود!!
يتبععععع...
جماعه في حاجات فالروايه مبهمه بالنسبالك فكل حاجه هتتوضح فالفصول اللي جايه متقلقوش..
#رواية_صغيرة_درغام
#درغام_فجر
#سندريلا_انوش
تعليقات
إرسال تعليق