 |
البارت التالت
#دوار-العمده
داليدا بعد ما دخلت اوضتها
داليدا.ايه ده في فوقي لنفسك انتي ناسيه إن ده جواز مؤقت وكل واحد هيروح لحاله وكمان هو بيحب زهره وعمره ماشافني زوجه ليه يارب ماتخلنيش أفكر فيه أو اني اتعلق بحد مش ليا
نور.بسم الله انتي بتكلمي نفسك يا بنتي وكنتي فين
داليدا.ها مافيش كنت بشرب وجيت يلا نامي انتي بس علشان عندنا مشاغل بكره
نور.طب تصبحي على خير يا ديده
داليدا.وانتي من اهله يا قلب ديده
جاسر.ايه ده شكلك هتقع يا ابن المنشاوي لا فوق لنفسك واوعا تنسي بنت خالك
في الصباح
جلال.صباح الخير يا ولاد
الجميع.صباح النور
أحمد.ازيك يا خوي يلا نفطر علشان نلحق نسافر عالقاهره
داليدا.ايه ده حضرتك مسافر يا اونكل
جاسر.وانتي عايزه ايه منه يسافر ولا لا ايه دخلك في الأمور دي
جلال.وانت ايه دخلك تسأل زي ما هي عايزه اسمع يا واد انت داليدا دي لو زعلت أو دمعت بس قسماً بالله لهكون موريك النجوم في عز الضهر
جاسر.وانا مالى يا أبوي اشبع بيها أنا رايح على المزرعه
أسر.استني يا جاسر جاي معاك
جلال.كنتي عايزه حاجه يا بنتي
داليدا بحرج.احم كنت عايزه اجي مع حضرتك لأن في حاجات نسيتها في البيت فكنت محتجاها
جلال.خلاص البسي وتعالى معانا
داليدا بفرحه.حاضر
اسر.ايه يا عم مالك مضايق منها كده ليها
جاسر.ماخبرش بس هي في حاجه بتخليني إني لازم اناكشها في الكلام بحب إني اضايقها
اسر.العب يبقي ده الحب يا ابن عمي اصبر انت بس
جاسر.حب ايه وكلام فاضي ايه انت عارف إني بحب زهره
وعمري ما حب غيرها
اسر.زهره مين انت بتشبه دي بدي طب والله لو عمي قال اتجوزها لمن الصبح هتلاقيني متجوزها
جاسر.اهي هناك اشبع بيها يلا
اسر.ماتزعلش بس يا بيضه ههه ايه ده اعوذ بالله ايه اللى جاب دي هنا
زهره.السلام عليكم
جاسر.عليكم السلام ازيك يا زهره
اسر.طب امشي أنا بقي
زهره بضيق.زعلانه منك خلاص من وقت ماعرفت إنك هتجوز وأنا ما بشوفكش
جاسر.وانا اعمل ايه يعني ابوي هو اللي غصبني بس وحياتك عندي لخليها هي اللى تطلب الطلاق من أول أسبوع
زهره بفرحه.بجد وهكون ليك تعرف اني نفسي اجيب البت دي من شعرها بس مستحمله علشانك
جاسر.اصبري نتجوز واعملى اللى عايزاه فيها إن شاء الله تشغليها خدامتك
زهره بمكر.تعرف يا جاسر إن داليدا سافرت مصر
جاسر بضيق.مين اللى قالك وازاي يحصل ده من غير اذني
زهره.ماخبرش كنت عند عمتي ولقيت العمده واخدها معاه عالقاهره وهتعاود معاه بكره
ولم تكمل حديثها حتى تركها جاسر وذهب
زهره.احلى حاجه فيك يا جاسر إنك مابتحبش حد يتجاهلك وأنا هلعب على الجزء ده لأني مش هسمح إني اللى حصل بالليل يحصل تاني معاها
اسر من بعيد.اعوذ بالله حريقه واحده بارده
في الدوار
جاسر.اما اما
زينب.في ايه يا ولدي مالك
جاسر.داليدا فين
زينب.سافرت مع ابوك يا ولدي في ايه بس
جاسر.مافيش حسابها معايا لما ترجع
زينب بفرحه.اهدي يا ولدي بس ولما ترجع اعمل اللى عايزه
نادين.في ايه مالكوا صوتكوا عالى كده
زينب.مرت اخوكي طلعت من غير إذنه
نادين.اولا مابقتش مراته وعادي تطلع زي ماهي عايزه وطالعه مع بابا
جاسر.نادين انتي مالكيش دعوه بالموضوع ده خالص سامعه
نادين بخوف.حاضر
داليدا.عمي أنا مش عارفه أنا اللى عملته صح ولا لا خايفه يكون في حد مراقبني من رجاله عمي ممكن تطلع معايا فوق
جلال.ولو يا بنتي تعالى أنا في ضهرك ماتخافيش أحمد خليك في العربيه عقبال ما نرجع
مجهول.الو يا باشا البنت اللى مديني صورتها لسه طالعه قدامي معاها راجل
حازم.راقبها لحد ماتنزل وصورلى اللى معاها وامشي وراها انت سامع من غير ما ياخدوا بالهم
بعد دقايق
داليدا.الحمد لله الورق كان في مكانه ماحدش شافه
جلال.وده ورق ايه يخص ايه يعني
داليدا.ده ورق نصيبي في ورث امي بس عمي ما يعرفش حاجه عنه
جلال.عمك ده حسابه تقل معايا وقريب هنخلصه
داليدا.ربنا يخليك ليا يارب مش عارفه من غيرك كنت عملت ايه هو ممكن اطلب منك اني بلاش اتجوز جاسر وممكن أفضل في البيت معاكوا لحد أما اقدر إني اهرب من عمي
جلال.لا ماينفعش انتي ناسيه انهم هما الوصاه عليكي بعد كده جوزك فأنا تأمين لحياتك إنك تجوزي جاسر وبعدين لو حابه تسيبيه سيبيه
داليدا بحزن.اللى تشوفه
بعد ساعتين
جلال.نورتي البيت يا بنتي
داليدا.بنورك يا عمو
نور.الحمد لله إنك جيتي قبل مايجي
داليدا.في ايه
نادين.جاسر قلب الدنيا عليكي وقال ازاي تطلع من غير اذني كده وشوح بإيده
داليدا بفرحه..الحفي إنه شوح
نور.انتي في ايه ولا ايه تعالى بسرعه نطلع قبل ما يجي
زهره.الله الله شكلها هتحلو يا بنت البندر
داليدا.انا هفضل محبوسه لحد ما سبع البرمبه يطلع ينام أنا مش خايفه منه وهطلع اوريه نفسي
خديجه.متأكده يعني مش خايفه من صوته ده جاسر مسمينه عندنا في البلد الغوريلا يا بنتي
داليدا بتوتر.ههه اذا كان هو غوريلا فأنا كينج كونج
رقيه.يا جماعه سيبوها يلا اطلعي واراهنك إنك هتطلعي جري علينا تاني
داليدا بتكبر.هتشوفوا يلا سلام
على السلم
زهره.اومال كنتي فين يا دالدوله
داليدا.ايه قولتي اسمي إزاي حبيبتي أنا ما يهمنيش إذا كنتي جاهله أو ما بتعرفيش تنطقي الكلام كل اللى يهمني إنك مالكيش دعوه بيه
زهره.مين اللى ليه دعوه بالتاني يا خرابه البيوت انتي ناسيه نفسك يا بت انتي مين أو الله أعلم مين اللى رماكي علينا بس تعرفي جاسر عمره ما هيحبك وكمان لو تعرفي ايه الكلام اللى بيقوله عليكي ليا ده زمانك كنتي دفنتي نفسك
داليدا.ما يهمنيش كلامك وامشي من قدامي علشان انتي عارفه ممكن اعملك ايه كويس
زهره بتمثيل.اعا اعا الحقوني سيبيني يا داليدا هقع ابعدني عني
داليدا بعدم تصديق وهي تنظر إليها
ثم دفعت لنفسها لتقع أمام قدم جاسر
جاسر وهو ينظر لداليدا اعلى السلم وزهره الملقاه امامه
زهره.جاسر الحقني رمتني من على السلم اه مش قادره
جاسر بغضب وهو ينظر لها
#دوار -العمده
#بقلمي إنچي محمود
البارت الرابع
#دوار-العمده
داليدا.جاسر أنا ما عملتش حاجه صدقني هي اللى وقعت والله مالمستها
جاسر بغضب.ازاي واحده هتوقع نفسها انتي حسابك تقل معايا أوي وقريب هعرفك قيمتك
جلال.في ايه يا ولاد الصوت العالى ده وانصدم من شكل زهره
زينب.مالك يا حبيبتي ايه جرالك مين عمل فيكي كده
زهره بتمثيل.داليدا هي اللى وقعتني من على السلم اه مش قادره يا عمتي
زينب بكره.انتي مش عارفه انتي عملتي ايه إزاي تلمسيها اصلا انتي نسيتي نفسك إياك
نادين.ماما ما حصلش حاجه داليدا كانت لسه معانا في الاوضه فوق مش ممكن تعمل كده
داليدا ببكاء.انا ما وقعتش حد ولو مش مصدقين براحتكوا اونكل جلال أنا همشي من هنا دلوقتى وشكرا جدا علشان اللى عملته معايا أنا مش عايزه مشاكل أكتر من كده
جلال.المشاكل دي انتي مالكيش ذنب فيها وكمان أنا لا يمكن اسيبك انتي وصيه ابوكي الله يرحمه وعلشان نخلص من الموضوع كله أنا موافق إنك تتجوزي اسر ابن أخوي واظن ما حدش عنده مانع
رغد بصدمه.ايه اشمعنا اسر طب ما مهران اهو وجاسر
زهره بفرحه.واخيرا هنخلص منك
جلال.واحنا من ميتا بنقول اشمعنا يا رغد أنا قلت كلمه وخلاص
جاسر بغموض.وكلمتك يا بوي إن أنا اللى هتجوزها وفرحنا الخميس الجاي ومش العمده اللى يرجع في كلمته
جلال بفرحه مخفيه.لا يا ولدي أنا غصبت عليك وادي زهره اهي موجودة
جاسر.ومين جال إني مش هتجوز زهره أنا هتجوز الاتنين
الجميع في صدمه.ايه
جاسر.اللى سمعتوه وهو ينظر إلى داليدا
جلال.انت بتجول ايه انت اتجننت إزاي الاتنين انتي بتحطم مشاعرهم
جاسر.خلاص علشان المشاعر اتجوز داليدا وبعدها بأسبوع زهره علشان مشاعر السنيوره على حسب كلامك إنه جواز مؤقت
ثم حمل زهره من على الكرسي وذهب
زهره كانت تنظر لداليدا نظرات غيظ وكره
جلال. بنتي أنا آسف بإيديك إنك ترفضي
داليدا.لا موافقه وهي تتوعد لجاسر
في الأعلى
زهره.انا مش مصدقه نفسي يا حبيبي أخيرا هنتجوز أنا فرحانه اوي
جاسر.مش اكتر مني حاسه بأي تعب ابعتلك الدكتور
زهره.كل تعبي راح خلاص أنا بحبك اوي يا جاسر
جاسر بشك.انا اكتر يا زهره
في اوضه داليدا
داليدا ببكاء.عمري ماحسيت إني متهانه زي النهارده
نور.يا داليدا علشان خاطري ماتعيطيش ولو عايزه نمشي من هنا يلا اهم حاجه انتي انتي ناسيه إنك تعبانه وماينفعش تزعلى
داليدا.انا الزعل عمره ما سبني اهلى ماتوا وأنا مريضه قلب وممكن اموت في أي لحظه ليه ماليش نفس افرح زي بقيت الناس
نور ببكاء.لا يا حبيبتي هو مرض مؤقت والدكتور مدينا العلاج وفتره بسيطه وهتخفي ونعمل اللى عايزاه
نادين بدخول مفاجئ.مالها داليدا ومرض ايه اللى بتتكلموا عنه
نور.ها أبدا مافيش حاجه
نادين أنا سمعتكوا غصب عني بس لازم اعرف
داليدا.عندي عضلات القلب ضعيفه هو مرض مؤقت مع العلاج هيروح بس اهم حاجه اواظب على العلاج علشان ما يضاعفش
نادين بطيبه.يا حبيبتي ما تخافيش أنا معاكي وإن شاء الله هتخفي وصدقيني جاسر هيحبك
كانت رغد تنزل من على السلم
اسر.احم ألا صحيح الناس قطاعه الأرزاق عامله ايه
رغد بعصبيه.الحمد لله يا سخيف ايه كنت عايزاها اوي كده عالعموم احنا لسه فيها
اسر.لااصل أنا بحب واحده جوي جوي بس البعيده طرشه
رغد.وه مين دي بقي
اسر مش من هنا من مصر قابلتها في الجامعه
رغد.والله طب اشبع بيها بقي واحد بتاع بنات
وكادت أن تمشي إلا أن مسكها اسر من ايديها
اسر.ههه والله بحب طفله ايه يا بت عمرك شكيتي في حبي ليكي
رغد بفرحه.بجد يا اسر انت كمان بتحبني وما طلعتش لوح ثلج صحيح
اسر.بموت فيكي من صغرنا وقريب هفاتح عمي عادي في الموضوع ده
رغد.انا مبسوطه أوي وجرت على الخارج
اسر.بحب طفله والله
زينب.ليه ما وافقتش على جواز البت من جاسر البلد كلها عارفه إن زهره لجاسر وحرام نقطع رزقها أنت عارف هي بترفض كام عريس كل يوم
جلال.مالكيش دخل في الموضوع ده وياريتها توافق على الجواز من أي حد أنا مش عايز اناسب اخوكي واصل
زينب.ليه ماله اخويا عاد انت طول عمرك كاره أخوي مش عارفه ليه
جلال بعصبيه.اجولك أنا ليه علشان خد الانسانه الوحيده اللى حبيتها وبلاني بيكي ابوكي علشان عمي غصب عليا إني اتجوزك ودي كانت أكبر غلطه في حياتي وبنته جايه تعمل نفس اللى أبوها عمله
زينب.يعني انت بتحب صابرين لسه ما نسيتهاش
جلال.ولا عمري نسيتها الله يرحمها اخوكي خليها تموت بحسرتها في شبابها قبل ما تفرح حتي واتجوز واحده بعدها بشهر علشان يغيظني وده نفس اللى ابنك هيعمله وأنا عمري ما وافق على كده
زينب ببكاء.كده يا جلال أنا اللى عشت عمري كله بحلم بيك تقوم تحطمني كده
تركها جلال وخرج للجنينه
في الجنينه
كان يجلس جاسر
جلال.ازيك يا ولدي
جاسر.الحمد لله يا بوي كيفك
جلال بحزن.تعبان جوي يا ولدي وفي ايديك علاجي
جاسر بصدمه.انا افديك يا بوي بروحي جولى انت بس وأنا تحت امرك
جلال.داليدا يا ولدي عمرك ما هتلاقي زيها مش عايزك تندم زي ما ندمت فكر بقلبك يا جاسر وشوف الموضوع من ناحيه تانيه وانسي زهره دي واصل
جاسر.هشوف يا بوي واللى فيه الخير يقدمه ربنا
كانت داليدا جالسه في البلكونه
داليدا.امتي هخلص من الموضوع ده بقي عمي ياخد الورث كله بس ارتاح من اللى أنا فيه ده
جاسر.بسس بس انتي يا بت ايه اللى موجفك كده بشعرك
داليدا بتذمر.مالكش دعوه بيه انت ده حتي شويه الهوا اللى بشمهم طالعلى فيهم
جاسر.قسما بالله انتي لو ما دخلتي لاطلعك يا دالى
داليدا بغضب.ايه دالى مين انت اتجننت يا ياض انت
جاسر.ياض! طب والله لهطلعلك
داليدا.اطلع ونشوف
يالهوي ده طالع بجد استخبي فين
جاسر.اطلعي يا حلوه يلا فين المرأه الحديديه اللى كان واقفه بره دي
خرجت داليدا من الدولاب وهي تعدل خصلاتها
داليدا.احم عايز ايه ودخلت هنا ازاي والا هصوت وألم الناس عليك
جاسر بضحك.انتي بتعملى ايه في الدولاب مستخبيه مني يعني
داليدا.لا كنت بس بطلع هدوم علشان أنام يقوم الدولاب الليئم يعمل ايه يشدني فيه غصب عني
جاسر.يعني ما كنتيش خايفه مني
داليدا.تؤتؤ الدولاب هو اللي ليئم
جاسر اقترب منها ببطء
جاسر.انا قلت ايه على شعرك اللى مطلعاه ده فرحانه بيه يعني بتحسبي نفسك أنجلينا جولى ياك
داليدا بدلع.انجلينا جولى وانت مين براد بيث مثلا أنا احلى من أي واحده
قاطعها جاسر.ماانا عارف إنك احلى واحده شفتها عيني
داليدا بخجل.انت مركز بتقول ايه يعني مش هتيجي تقول زهره حياتي وحب عمري
جاسر.انا من وقت ما شفتك في المطار وأنا نسيت نفسي مش هنسي زهره يعني انتي ملكه جمال قدامي بعيونك الجميله وشعرك الطويل اللى قريب هنغطيه بالحجاب وضحكك وهزارك كل حاجه فيكي حلوه ومش بحب أشوفك زعلانه او بتبكي واصل
داليدا.يا ربي أنا بحلم ولا ايه خايفه اقوم على خازوق جامد اوي
جاسر بحب.الايام هي اللى هتثبتلك حبك ليا يا دالى
داليدا.تاني دالى
جاسر.خلاص احلى ديده في حياتي سلام بقي لازم امشي وما تفتحيش البلكونه تاني علشان بغير عليكي
داليدا بفضول.جاسر لو كنت اتجوزت اسر كنت عملت ايه
جاسر بغضب.كنت قتلتك وقتلته
داليدا.يا باي عليك انت واحد خنيق ما كنا ماشين كويس
جاسر.سلام يا ديده
داليدا.سلام يا جسورتي
في الصباح
جاسر.ابوي أنا هطلع أنا علشان اجهز كل حاجه وكمان علشان نلحق ندعي الناس البلد كبيره
جلال.ماشي يا ابني خد اخوك وولاد عمك معاك ومهران هيطلع مع البنات علشان يجيبوا الفساتين
داليدا.صباح الخير يا بابا عامل ايه
جلال.احلى بابا سمعتها منك
نادين.الله الله ده الحب كله بقي ولا ايه جرا ايه يا ديده هتاخدي القمر بتاعي مني
جلال.كلكوا حبايبي وولادي ونفس المعزه في قلبي ربنا يحفظكوا كلكوا
الجميع.امين
داليدا.انا كنت سمعت إن مهران هياخدنا نجيب الفساتين من رأي نطلب اورد وخلاص بالفساتين وكمان في اتيليه مشهور اعرفه وكمان اخترت فستان حلو أوي ليا
نادين.وريني كده
داليدا.اهو
نادين بمكر.متاكده مش قصير شويه
داليدا.لا خالص
جاسر.وريني كده عايز اشوفه
نادين.اهو يا جاسر
جاسر.نعم يا روح امك ايه ده ده قصير هو السؤال أنا عايز اشوف الفستان بس هو فين أنا كل اللى شايفه خلجه بتعري اكتر ما بتستر
داليدا.ايه يا بيبي ماهو حلو اهو علشان الحنه هتبقي حريم بس زي ما نادين قالتلى
جاسر.لو ما احلفتيش بس خلاص ممكن تلبسيه بس تغيري في اللوك او تزودي قماش فيه
الجميع.ههههه لا مسيطر يا جاسر
زهره بغيظ.عمتي ايه اللى بيحصل ده جاسر من امتي بقي كده من ليله
زينب.ماليش صالح بالموضوع ده ابني اللى عايز يختاره يختاره أنا مافيش حاجه تخصني
زهره بغضب.اكده ماشي اما وريتك يا داليدا
جلال.يلا يا ولاد كل واحد يشوف المشاغل اللى حواليه
زهره.الو يا أم الزفت انتي خلاص هيتجوز اهو واخر حاجه ادتهالى مش جايبه مفعول
المجهول.يا ست زهره أنا ماخبرش أنا عملت اللى عليا واديتك العمل
زهره.عمل مطين فوق رأسك أنا غلطانه إني مشيت ورا واحده كذابه زيك اقفلى لإما انهيكي من على وش الدنيا
زينب من خلفها.انتي بتعملى لابني عمل يا بت أنتي انتي عارفه انتي بتعملى ايه لا أنا طوعتك كتير بس لحد هنا كفايه أنا هفضحك قدام الكل انتي فعلاً ما تستاهليش ابني
زهره ببكاء مزيف.خلاص يا عمتي أنا أسفه والله آخر مره وصدقيني مش هقرب من جاسر ابدا بس ما تقوليش لحد أنا ممكن انتهي
زينب بغضب.تكرما لاخويا هسامحك بس نفسي حاجه تحصل تاني
ثم تركتها وذهبت
زهره.عمتي أنا بحبك بس مش أكتر من نفسي ولو حصلت إني اقتلك هعمل كده ومش هفكر لحظه جاسر ده يبقي ليا أنا
مهران.يلا يا بنات نخلص بسرعه ومش عايزين تأخير
داليدا.من أولها كده روح انت وتعالى خدنا احنا هنخلص على باليل كده
نور.بالظبط كده وكمان لسه هناكل ونتلكع يعني بص انسي اننا نخلص بدري
مهران.خلاص ادخلوا خلصوا وأنا مستني
خديجه.تعالوا الاول نختار فستان كتب الكتاب وبعد كده نخلص الباقي
رقيه.بصوا الفستان الابيض ده حلو أوي
رغد.ادخلى شوفيه يا داليدا واحنا مستنين
داليدا.اشطا
نور.جاسر ايه اللى جابك
جاسر.لازم أكون مع مراتي المستقبله في يوم زي ده
ويلا اطلعوا شوفوا حالكوا عقبال ما نخلص
البنات.تمام
خرجت داليدا وهي ترتدي فستان أبيض طويل ضيق من الخصر وواسع قليلا من أسفل
داليدا.ايه ده البنات فين اه جاسر ايه اللى جابك هنا
جاسر.تعرفي إنك جميله جدا
داليدا بخجل شكراً
حازم .ديده حبيبه قلبي تصدقي وحشتني وماكنتش اتوقع اشوفك هنا
داليدا.ح حازم
جاسر.مش تعرفيني يا حبيبه قلبي
داليدا بخوف.ده حازم ابن عمي
حازم.وخطيبها
رأيكوا
#دوار-العمده
#بقلمي إنچي محمود
تكملة الروايه من هنااااااا
تعليقات
إرسال تعليق