 |
Part:10
عدت الايام وكان قربي من ادم بيذيد تقريبا يوميا بيجي ياخدني من الدار خوفا لاتعرض لموقف المرة الي عدت كان كل حاجة فيه حنينة ومختلفة حلق دقنه الكبير وشعره وبقي شكله مهندم اكتر بقي متفاعل مع كل سكان الحارة والعمارة الناس بقيت بتحبه جدا
اقترحت عليه مرة يحفظ الاطفال الصغيرين قرأن في الجامع وفرح بالفكرة ونفذها احيانا كان يلعب مع شباب الحارة كورة
بقي شخص جديد وجميل الشخص الي قلبي عرفه قبل كل الناس
الشخص الي كذبت عقلي وصدقت كلام قلبي ليه
الناس هنا بقيت متعلقة بيه اوي
^طب وانتِ يانور متعلقتيش بيه
كان صوت فاطمة
*اتعلقت بمين مش فاهمة يا فاطمة
^ب ادم يانور وانتِ فاهمة كويس
*اتعلق بمين انتِ هبلة
^لا نور انتِ الي هبلة لي مش مصارحة نفسك لي بتعملي كده
*عشان مينفعش غير كده يافاطمة عشان ده شخص مخلص لزوجته وبستحيل يشوف غيرها حتي لو بنات حوا كلهم جريوا وراه مستحيل هيبص لحد بدالها
ولأني مهما حبيته واثقة انه مش هيحبني زيها
يبقي لي ادخل نفسي وقلبي في معادلة خسرانة مينفعش يافاطمة مينفعش
^طيب مش يمكن نسيها مش يمكن حبك انتِ
*يافاطمة افهمي انا مش هفضل عايشة في يمكن واعذب قلبي
^اعملي الي يريحك يانور وربنا يهديلك قلبك
الايام كانت بتعدي شبه بعضها من اخر نقاش ليا مع فاطمة وانا كنت متجنباه بتهرب منه او يمكن من نفسي ١٥يوم مكلمتهوش فيهم كلمتين علي بعض
حتي كنت بطلع بدري من الدار عشان مشفهوش
وكانت طالعة في يوم لقيته واقف
"ازيك يانور
*الحمد لله بخير
"علي فكرة كنت مستنيكي
*لي في حاجة ولا اي
"انا الي عايز اسألك السؤال ده انا ضايقتك في حاجة
*لا لا خالص والله بس..
"طب عنيكي بتهرب مني لي
*ازاي يعني لا انا عادي
"علي فكرة مش يتعرفي تكذبي
*بس انا مش بكذب
"انا ملاحظ انك بقيتي تتجنبيني عنيكي دايما بتهرب مني حتي الدار بقيتي متعمدة تطلعي قبل ما اوصل لي كل ده معتقدش اني عملت حاجة تستاهل المعاملة دي منك
عيوني بدأت تدمع واتكلمت
*احم انا اسفة لتصرفاتي اسفة اوي
سبته وجريت علي الاوضة انفجرت في البكي
بكيت عشان بعذب نفسي بمجهول
بكيت عشان مش هينفع يعرف حبي لي
مش عايزة ابقي مجرد سد خانة لمجرد اني شبه مراته
^نور مالك
*ماليش يافاطمة لمي شنطنا عشان هنمشي الصبح بدري
#رب_صدفة_خير_من_الف_معاد💙💙🥺
Part:11
^نمشي فين يانور في اي مالك
*هنسافر البلد بابا تعبان ولازم اروحله
^لا حولا ولا قوة إلا بالله طب طب هنمشي ازاي وشغلك
*متشغليش بالك اخدت منك اجازة وانتِ ابقي كلمي الدكتور صاحب الصيدلية استأذنيه
جهزنا حاجتنا وفعلا الصبح بدري مشينا وكان علي عيني امشي بس مينفعش افضل حتي لفترة
***
صحيت الصبح وكنت ناوي اتكلم مع نور قبل ماتروح الدار عشان افهم مالها ولي تصرفاتها اتغيرت معايا كده
اكيد في حاجة مزعلاها وانا مش بحب اشوفها كده....قصدي يعني مش بحب يووووه مش فاهم مالي
طلعت كنت مستنيها قدام بابا اوضتي لغاية ما تطلع بس مطلعتش طولت
كنت كتردد اروح اخبط عليهاا لانه عيب وميصحش مهما كان دول بنات لوحدها
نزلت وقررت اكلما بليل لما ارجع
النهاردة اصلا كنت عاملها مفاجأة وكنت واثق اني هشوفها فرحانه قصدي يعني كانت هتفرح
اليوم كان طويل عليا بس كنت مبسوط مبسوط اوي وكنت عايز اشاركها انبساطي ده
****
وصلنا البلد حوالي العشاء كنت تعبانة ومرهقة بس مش تعب سفر لا كان تعب تفكير ووجع قلب وحيرة كنت مخنوقة من نفسي وعليها
^نور يااانوووور
*اي يافطمة
^انا هروح بقي وانتِ كمان روحي علي طول
*ماشي يافطمة وسلميلي علي طنط وعمو
^ماشي يوصل وانتِ كمان سلميلي عليهم
كنت ماشية في الشارع زي الغريبة رغم انها بلدي ومهما بعدت بحبها بس كان بالي مشغول ياتري لاحظ غياب طب ياتري غيابي هيأثر فيه
وصلت البيت واهلي كانت فرحتهم ببيا متتوصفش طبيعي م انا الكبيرة وعمري ما اتغربت عنهم
******
العشاء خلص وصليت بالناس في المسجد اصلهم بقوا متعودين علي صوتي من اول رمضان وبقوا بيحبوني جدا حتي الاطفال الصغيرين بقيت بحفظهم قرأن واتعودوا عليا وانا كمان اتعودت عليهم وعلي حجات كتيرة هنا
بعد الصلاة طلعت وكنت منتظر اشوفها مع الناس زي ما يتعمل بس لقيت كل الناس الا هي وكأنها كانت الناس
-بتدور علي مين يابني
"احمم لا ابدا ياعم محمد مش بدور علي حد بس اصلي كنت جايب حاجة لنور كانت قايلالي عليها بس مش لاقيها بس خلاص هي اكيد فوق
-والله يابني منا عارف اقولك اي
"تقولي اي ازاي في اي ياعم محمد
-نور مشيت يابني
"مش مشيت ازاي يعني مش فاهم
-والله يابني طبعت خالتك سعاد تخبط عليهم لقيت الباب مقفول بالقفل ولما اتصلت بيهم قالولها سافروا البلد
"طب طيب محددوش هيجوا امتي
-لا والله يابني علمي علمك
ازاي مشيت ومشيت لي ولي من غير ما تقولي
سبت الناس وطلعت شكل الباب وهو مقفول بالقفل قفل قلبي من حاجات كتير او من الحياة اصلا دخلت اوضتي وحاولت انام اه حاولت انام بعد العشا هصحي لي اصلا
بس النوم فارقني زيها
****
سبت اهالي الي بقالي٤شهور مشوفتهمش ودخلت لاوضتي الي يتحتوني وهتحتويني
طفيت النور وحضنت مخدتي وفضلت اعيط اعيط كتير لغاية ما روحت فس النوم
-نور يانور اصحي ياينتي ده الضهر علي اذان
*حاضر ياماما اديني صحيت
-يلا ابوكي عايزك برة اطلعيله
طلعت اشوف بابا
بابا طول عمره حنين عليا الحمد لله دايما بيعاملني ك اصدقاء مش اب وبنته
*نعم يانور عيوني هاات بوسة ياخي وحشتني
-اه يابكاشة تعالي اقعدي عايزك في موضوع
*ايوة بقي شوقني في عتريس ولا اي
-هههههه اه ياستي في عريس المرة دي بجد
للحظة اتصدمت والكلام وقف في حلقي انا كنت بهزر معاه زي ما متعودة
-اي سكتي لي
*لا عادي بس مين ده يابابا
-شاب محترم وابن ناس ومشاء الله عليه متخرج من هندسة معمارية السنة الي فاتت واتعين معيد
ابوه راجل صاحبي من زمان ومحترم كلمني من يومين وطلبك لولده
*اااحم طب وانا اعمل اي دلوقتي
-ههههههه هتعملي اي يعني شوفي لو حابة تشوفيه هما عرفه انك جيتي من يومين وطلب مني احدد معاد اليومين الي موجودة فيهم هنا
واتفقنا علي الخميس بأذن الله
*الخميس الي بعد بكرة ده!!!
-ايوة يادوبك تشتريلك طقم وتظبطي حالك وحوارات البنات دي
دخلت اوضتي وانا علي اخري مش عارفة اتعصب ولا ابكي ولا اصرخ ولا اعمل مع نفسي الغبية دي اي
*****
يومين عدوا يومين وهي مش موجودة رجعت يتيم ووحيد تاني بطلت كلام زي الاول حتي الضحكة بطلتها تجنبت كل حاجة
-ااادم
"نعم ياعم محمد
-مالك يابني حالك مش عجبني بقالك يومين في حاجة مضيقاك
"لا ابداً ياعم محمد تسلم بس معلش كنت عايز اسأك هس خالة سعاد مكلمتش نور تاني يعني معرفتش هترجع امتي
-لا والله يابني اصلا خالتك سعاد تعبانة ادعيلها يابني في صلاتك ربنا يشفي عنها اصل مليش غيرها في الدنيا دي
"ربنا يشفي عنها وميحرمكش منها يارب
طلعت علي اوضتي كنت مخنوق اوي وتلقائي افتكرت كلام عم محمد وهو بيقولي انه ملهوش غيرها
انا فعلا بقي مليش غيرها من وقت ما جات بس هي مشيت
بس اكيد ان شاء الله هترجع
****
عدي اليومين في حيرة وخوف وجي يوم الخميس
-نور ابوكي هينده عليكِ تخرجي بصنية العصير ماشي
*حاضر ياماما
علي عكس اي ينت في يوم زي ده بيمتلكها التوتر والقلق
بس انا كنت خاسة قلبي بارد بس خايف من الي بعمله فيه
بابا نده وخرجت بالعصير
دخلت الاوضة سلمت علي الي موجودين تقريبا مشوفتش وشوشهم
قعدت خمس دقايق وطلعوا سابونا لوحدنا
بدأ يتكلم عن نفسه وانجازاته وتاريخه مكنش حاجة من الي بيقولها داخلة دماغي اصلا
-احمم مش حابة تسأليني حاجة
*لا بعد اذنك
خرجت ودخل بابا وبعد شوية مشيوا
-هاا يانور اي رأيك يابنتي
*في اي يابابا
-في شبشب الحمام مثلا في العريس يانور
*ااه كويس
-عمتا انا قلتلهم هبقي ارد عليكم استخيري ربنا وفكري براحتك وردي عليا بس قبل ما تسافري تاني
*حاضر يا بابا عن اذنك
دخلت الاوضة وسبت دموعي تتحرر افتكرت كل ذكرياتي هناك ازاي طلعني وازاي اتغير صوته وهو بيرتل القرآن كل حاجة
عدت الايام وكانت كلها شبه بعضها
-نور فاطمة جات تسأل عليكي
*ماشي ياماما دخليها
^الواتيه الي هتتجوز من ورايا طب مش تقولي ومهندس كمان اخص
اي ده اي ده انتِ بتعيطي لي يانور
*مفيش يافاطمة مخنوقة بس شوية
^لا لا اجمدي كده ده انا جاية اقولك ان الفينل اتحدد نهاية الشهر يعني لازم نسافر خلال اليومين دول
وبعدين انتِ مش قلتي عمو طارق تعبان لس انا لما شوفته بره كان كويس
*......
^نور في اي سكوتي مش مطمني هو هو انتِ مشيتي بسبب ادم؟؟؟
*.....
^نور انتِ حبيتيه
خرجت وسبتها
*بابا
-اي يانور
*انا فكرت واستخرت وموافقة يابابا علي العريس........
#رب_صدفة_خير_من_الف_معاد💙💙
Part:12
-متأكدة يابنتي فكرتي كويس
*اه يا بابا متأكدة بس معلش خطوبة لما ابقي ارجع عشان امتحانات الكلية اتحددت ولازم اسافر
-خلاص علي بكرة يجوا نقرأ فاتحة حتي
*براحتك يابابا الي تشوفه
^نور فيكي اي لي بتعملي كده حرام عليكي لو مش خايفة علي نفسك خافي انك تظلمي واحد ملهوش ذنب معاكي
*روحي يافاطمة انتِ دلوقتي عشان تجيلي الصبح بدري
^مش جاية ولا رايحة ولو فضلتي مصرة علي الي في دماغك ده اعتبري نفسك متعرفينيش سلااام
مشيت وسابتني واقفة لوحدي حتي انتِ يافاطمة لي مش راضية تفهمني لي مش عايزة تحس بيا واني مينفعش
مش عايزة اعلق قلبي بواحد عايش علي الماضي ومش عايزة ابقي بديله لحد
جي تاني يوم ولبست دريس بسيط بدوم ميكاب اصلا مش فارقة
وعليه خمار هادي وفاطمة طبعا جات رغم عصبيتها مني بس كنت واثقة انها مش هاتسيبني في يوم زي ده
مكنش في اليوم حدث يُذكر
يمكن عشان مكنتش مركزة او حتي مش شايفة حاجة حاسة اني في حلم كل حاجة بتحصل بسرعة مش مستوعبة حاجة من الي عيشاه بس كل الي حاسة بيه وجع قلبي والفراغ الي جواه
عدي يوم قراية الفاتحة الي حتي مش حساها كانت فاتحتي اصلا
وسافرنا تاني يوم
****
صحيت ومكنتش مستني اي حاجة من يوني كنت عارف انه يوم عادي بطئ زي بقيت الايام الي عدت من وقت ما مشيت بقيت فعلا يتيم
انا بقيت حاسس احساس محستهوش حتي لما فقدت تقى
لبست وكنت خارج من الاوضة وببص بالصدفة علي بابا اوضتها ملقتش القفل مش قادر اوصف احساسي انا
انا كنت مبسوط وفرحاااان اوي كان نفسي اخبط عليهم والله وكنت هعمل كده فعلا بس تداركت نفسي وقررت اني لما ارجع اكيد هكلمها وهاعتبها واتخانق معاها كمان وفي الاخر هقولها علي المفاجأة الي كنت عايز اقولهالها بقالي اسبوع
نزلت لاول مرة وانا متحمس ومبسوط كده
-خير يارب مالك يا ادم يابني اي الإبتسامة الي واصلة لودانك دي
"اصل اصل نور جات لقيت ملقتش القفل علي الباب ووو
انت بتبصلي كده لي ياعم محمد
-ههههه لا ابدا مفيش حاجة
ادم يابني انا زي ابوك انت حبيتها يا ادم
"مش مش عارف ياعم محمد بس انا كنت عامل زي اليتيم من غيرها كانت ايامي بطيئة انا انا كنت احيانا بفضل محوش تفاصيل يومي عشان لما تيجي احكلها كنت ببقي مخنوق كل ما الاقي القفل علي بابا الوضة
بس بس انا مش عارف اي الي بعيشه ده انا عمري ما حصلي كده
-هههههههه كل ده ومش عارف ادم يابني انت عديت مرحلة الحب دي متقاوحش مع نفسك يا ادم يابني
استفتي قلبك يابني وهو هيوجهك
مشيت وكان كل كلام عم محمد بيتردد في عقلي هو ممكن فعلا اكون حبيتها هو ده حب بجد
بس انا لي مكنتش بحس بكده مع تقي
يمكن عشان مكنش حب اصلا ممكن اكون اتعودت علي تقي وهقلي خلاها مكان ماما
****
كنت متعمدة اطلع بعد ماينزل
^اي ياست نور خايفة
*انااا!!وهخاف من اي
^خايفة من المواجهة خايفة تقابليه وتضعفي
*بالله يافاطفة بلاش كلام الروايات ده انا بس كنت مُرهقة من السفر فقولت هنزل متأخر
^براحتك يانور ضيعي نفسك بأيدك
نزلت علي الدار بصراحة الولاد وحشوني اوي ووحشني اللعب معاهم وحشني حنيتهم وبرأتهم
وانا في الطريق قابلت عم محمد
-اهلااا بالغدارة الي مشيت ولا سألت عليا ولا كلمتني حتي
*اسفة والله ياعمو حقك عليا بس كنت بسأل عليك من ماما سعاد هي صحيح خفت ولا لسه
-ادعيلها يابنتي لحسن صحتها مش عجباني
قابلتي ادم؟
*ااحم لا لا مقبلتوش لي في حاجة
-ده في حاجات الواد ياعيني كان متيتم من غيرك وبطل يصلي بينا حتي الولاد بطل يحفظهم وحاله اتقلب خالص
*لي كده هو حصلتله حاجة
-اسألي نفسك
*ازاي يعني مش فاهمة
-بصي يابنتي انا اه راجل كبير بس بفهم الي قدامي
امشي ورا قلبك متحتريش كتير اختاري الي يسعد قلبك ويبسطه وسيبي عقلك شوية حكمي قلبك المرة دي ياينتي
كلام عم محمد كان لامس قلبي كنت حاسة انه عايز يوصلي حاجة ضميري كان بيأنبني من الي هعمله في ادم عارفة اني هضايقه بس ده احسن لينا
عدي يومي وروحت هلكاانة بس لقيته واقف
وبأبتسامة فيها حنية الدنيا اتكلم
"انا مستنيكي بقالي كتير وعايز اكلمك في حاجة مهمة
*انا يا ادم الي لازم اقولك علي حاجه
ادم انااا اتخ
"نور انا بحبك
#رب_صدفة_خير_من_الف_معاد💙💙🥀
تكملة الروايه من هنااااااا
تعليقات
إرسال تعليق