مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

Part:13

"بحبك

*نعم

"اسف والله عارف انه حرام بس انا...

*بس بس انت جاي تتوب دلوقتي قولت اي دلوقتي 

"قولت بحبك والله العظيم واسف اني مكنتش فاهم مشاعري 

واسف كمان اني قولتلك دلوقتي

عارف ممكن تقولي اي يجبرني علي كده 

اي يخليني اعلق قلبي بواحد ارمل

عايز اقولك انتِ اول حب واول حاجة تغيرني 

انتِ الشخص الوحيد الي قدر يحببني في نفسي وفيكِ.....

عارفة بطلت اعيط بليل في صلاة الفجر بلعكس لقيت نفسي تلقائي ببقي مطمن وبدعيلك بقيت بحس ان كل حاجة حلوة قريبة مني لقيتك انتِ الناس والله العظيم كنت يتيم من غيرك حسيت بقساوة الدنيا فعلا كنت كل ما اشوف القفل علي بابك قلبي انا كمان كان بيتقفل 

كنت ضايع تايه وتعبان ده كله لمجرد انك غبتي عني

مسحت عيني

*بص اثيت مكانك ثانية واحدة

الو اه يابابا كنسل علي العريس

قصدي قولهم انا مش موافقة عايزة اتعلم

ها كمل بقي

"اكمل اي اعتقد كل حاجة كانت باينة حتي من رعشة صوتي في الكلام

انا اسف يانور ولو ليا رجااء عندك ف انا برجوكي متسبنيش تاني وتبعدي يكفي انك جنبي بس وانا والله العظيم مش هفرض عليكي حبي ليكي 

انتِ مش مجبرة عليا

*هات تلفونك

"هاااا لي 

*هديك رقم بابا ابقي كلمه واتفق معاه علي معاد كتب الكتاب وياسلام لو فرح علي طول لاني لا اطيق الانتظار

"😂😂😂😂😂😂والله انا كنت واثق من كده

كنت واثق من لمعة عينك وبحبحة صوتك في الكلام معايا

خلصي امتحناتك الاول وبعدين هاخد العنوان

نور نسيت اقولك  حاجة

*قول 

"كنت عاملك مفاجأة قبل ما تمشي بس مكنتيش موجودة

*مفاجأة اي

"انا لقيت شغل بشركة محترمة جدا ومرتب كبير وكنتِ اول حد يعرف علي فكرة 

*لله الله ياربي اي اليوم الجمر ده طب والمقابلة امتي

"بكرة كنت بحضر او بشغل نفسي وانتِ مش موجودة 

طب هو ممكن تيجي معايا بكرة

*اكيد بأذن الرحمن 

^ممكن اعرف في اي وقفلتي فونك لي ابوكي رن عليا ست تلاف مرة بيقول انك كلمتيه ومش عارفة قولتيله اي 

*فااااطمة انا فرحانة فرحااااانة عارفة نفسي اسجد سجدة طوييييلة اوي احمد ربنا علي لطفه بياا

^ايوة هرمونات دي ولا اي

*فاااطمة ادم طلب ايدي

^.........

*والله يافاطمة 

^طب والي فتحتك اتقرت عليه دا اي

*لا مخلاص بطلت هو اصلا عايز واحدة يتجوزها علي طول 

فهقول لبابا  اني عايزة اكمل وهفشكل وبس

صحيت تاني يوم ولبست احلي طقم واحلي خمار عليه

وطلعت كان واقف مستنيني 

"اااحم دي اخر مرة نطلع او نتكلم فيها لغاية كتب الكتاب مش ناقص ذنوب اللهي تتستري

*هههههههه حاضر

روحنا الشركة كانت في منتهي الفخااامة اي ده اي الروعة دي

قعدنا في مكان الانتظار  كان في شباب كتير زيه بدأ عليه التوتر خاف ميتقبلش 

*ادم "قل لن يصيبنا الا ماكتب الله لنا"

" صدق الله العظيم 

شوية ودخل وانا فضلت منتظراه وبقرأ ليه سورة يس 

بجد دي من معجزات القرأن حرفيا

"نور

بصتله وانا قلبي مقبوض وخايفة 

"قبلوني يانور

*اللهم لك حمدا كثيرا طيبا مباركا فيه مبارك يا ادم مبارك عليك عوض ربنا 

"والله انا مش مصدق بس الحمد لله  اي ده انتِ كنتِ بتقرائي قرأن

*كنت بقرأ ليك يس عشان ربنا ييسر لك امرك

اي رأيك لو نزور الاولاد غي الدار هيتبسطوا اوي

"فعلا انا مفصر معاهم اوي من وقت ما مشيتي وانا مزورتهمش

*طب يلا...

#رب_صدفة_خير_من_الف_معاد💙💙🥀

Part:14

ادم اخد سكن بعيد عننا وكان دايما بيروح شغله وحياته انتظمت ولما كان يحب يطمن عليا كان يكلمني من

فون عم محمد حاولنا بقدر الامكان الالتزام وبعدنا عن اي حاجة ممكن تغضب المولي عز وجل 

بدأت امتحانات كليتي والحمد لله كانت مُيسرة 

عدي حوالي شهر ونص وانا بمتحن لغاية ما نفسي اتقطع ههه بهزر معاكوا ده انا بقيت بمتحن بالسنس

خلصت وكنت بحضر شنطي عشان همشي 

^يلا يانور لسه فاضل الهدوم محطنهاش في الشنط

*حاضر يافاطمة اديني شغالة

بقولك اي انا هطلع اشم هوا شوية عشان اتخنقت وتعبت

طلعت وانا واقفة سمعت صوته

"ااحم مش المفروض تكوني بتجهزي حجاتك دلوقتي

*بسم الله اتخضيت والله

من بدري شغالين والله بس قولت اطلع شوية الحمد لله اني طلعت وشوفتك

"انا كنت جاي اشوفك اصلا قبل ما تمشي 

*مبسوطة انك جيت 

هامل اي في الشركة يا ادم مرتاح

"الحمد لله بفصل ربنا ودعواتك انا مبسوط جدااا هناك

*وانت عرفت منين اني بدعيلك بقي

"لاني انا كمان بدعيلك برضه

*يا سلام واي للعلاقة بقي 

"ده باستي احساس يعني اقدر احس بيكي لو متضايقة او زعلانه وبنائاً علي احساسي ده بدعيلك

*ااااه حاجة زي التخاطر كده انا سمعت عن الموصوع ده وقريت عنه كتير اني ممكن ابعتلك رسايل بدماغي وحاجات كده

غالبا عشان كده كنت حاسة بيك يا ادم 

"ايوة حضرتك افضلي ارغي وضيعي في الوقت ادخلي يلا عشان تلحقي تلمي حاجتك 

وخودي ده رقم فوني الجديد اتصلي بيا بس لما اهلك يحددوا معاد يقابلوني فيه 

*حاضر

ولفيت ادخل الاوضة بس نده عليا تاني

"نور.....

*نعم يا ادم

"خلااص

كانت نظراته غريبة كنت حساه قلقان من حاجة 

*ادم انت كويس حاسة انك متغير

"مش عارف بس حاسس بقلق وخوف مش فاهم سببه 

*استعيز بالله اكيد عشان بقالك فترة بطلت تصلي بالناس اي رأيك لو تصلي بيهم العشاء النهاردة وانا كمان هنزل اصلي وراك

ابتسم بحنية ورد

"حاضر يانوري

*يا اي؟؟؟

"لا طب سلام انا

نزلت فعلا اصلي في الجامع وبعد الصلاة قابلت ماما سعاد هناك روحت سلمت عليها وحضنتها

*ماما سعاد وحشتيني اوي ياحببتي

وانتِ كمان يابنتي وحشتيني اوي

مبارك يابنتي ربنا يسعد قلبك 

*الله يباركلي في عمرك يارب بس اكيد هتيجي انتِ وعمو محمد

-بأذن الله لو محضرتش خطوبة بنتي هحضر خطوبة مين

لقيتها شددت علي ايدي واتكلمت

-حصني قلبك بانور يابنتي حصني قلبك من اي مخلوق ومتتعلقيش بحد خلي قلبك وربنا ربنا يابنتي مش بيخذل ابدا

*مش فاهمة لي الكلام ده دلوقتي يا امي انتِ حاسة بحاجة

*والله يابنتي ده كلام جي في بالي فقولته يلا بقي هستناكي تتصلي بيا لما تحددوا المعاد

*حاضر ياحببتي بأذن الرحمن 

سافرت رجعت البيت وطبعا بابا غسلني علي الي عملته بس في الاخر وافق علي رغبتي وبعد ما الموضوع هدي فاتحته في موضوع ادم

*اااحم بقولك اي باحجوج

-حجوج،!!!!يبقي اكيد في مصيبة يا اما عايزة فلوس خييير

*ههههه طب والله انت ظالمني لا المرة دي الموضوع مختلف

أخدت نفس واتكلمت

حكيتله علي كل لحظة وكل خطوة حصلت بيني وبين ادم وان قلبي اتعلق بيه واني رفضت العريس لما لقيت قلبي ممكن يظلمه

*انا يا بابا حكيتلك كل ده لانك صاحبي واول حبيب ليا في حياتي

عارفة انك اكيد زعلان مني بس والله يابابا انا معملتش حاجة تغضب ربنا ابدا 

-طب وسي ادم ده ناوي يشرف ولااا

*لا والله يابابا ناوي يجي ده حتي لما بقي ناوي انه يتقدملي مشي من العمارة واخد سكن بعيد ومكنش بيحاول يتواصل معايا خالص

-رقمه معاكي

*اه

-طب هاتيه

اديت بابا الرقم وكلمه وحدد معاه معاد كمان لبعد اسبوع

عدي الاسبوع وادم جي بابا الاول مكنش حابه بس اخدوا اتكلموا لوحدهم وبعدها حسيت معاملة بابا اتغيرت معاه للاحسن ١٠٠مرة

اخد بسرعة علي العيلة كلها اخواتي الصغيرين حبوه جدا (حتي العيال كتر خيري انا والله)

بابا مرديش يخليه يقعد في فندق وخلاه يقعد فش شقة لينا برضه في شارع تاني وحددنا الخطوبة بعد ٥ايام اكون جهزت نفسي وكده

يوميا كنت بتزل انا وفاطمة انقي فستان كويس بس مكنش في حاجة عدلة وكنت يأسة جداا 

*****

كنت متوقعة ان اهلها ناس طيبين زيها وكمان اهل كرم  اكرموني وحبوني كمان 

وانا لاول مرة في عمرري احس ان ليا عيلة اخوتها الشباب اللهم بارك محترمين جدا وبدأت احفظهم قرأن في الوقت الي كنت قاعد فيه

كانوا دايما معايا لفوا معايا لغاية ما لقيت بدلة وكمان حجزت عند حلاق كويس 

سمعت بالصدفة منهم ان نور لغاية دلوقتي ملقيتش فستان والخطوبة بكرة

*******

يارب والنبي افرجها من عندك مش عارفة اعمل اي يارب دبر لي امري

^ان شاء الله الله هتتحل متقلقيش

*مقلقش ازاي يافاطمة الخطوبة بكرة متخيلة 

-يااانووور تعالي بسرعة

*خير في اي ياماما

-تعالي شوفي العلبة دي لقيتها قدام باب الشقة وعليها اسمك

اخدت العلبة فتحتها لقيت فيها فستان اقل حاجة اقدر اقولها عليه انه جميل لانه كان ميتوصفش حقيقي

^وااااو الله اكبر يانور يابت اي الجمال ده 

ده ادم طلع زوقه قمر اوي مشاء الله 

*مش يمكن ميكونش ادم 

(كان قلبي حاسس بكده)

^ومين مثلا هيعبرك بفستان زي ده وبعدين محدش كان عارف انك لسه بتدوري علي فستان لغاية دلوقتي غير اخواتك واكيد هما قالوله

حاولت اقنع نفسي بكلامها

صحينا الصبح بدري البيت كله كان زحمة الي بيدور علي بدلته والي مش لاقي فردت الشرا

سبتهم وطلعت علي الكوافير زي زي اي بنت مصرية اصيلة

وفاطمة كانت معايا 

خلصنا حوالي العصر وجي سي ادم عشان ياخدني

انا بصراحة كنت مذهولة بشكله ا القمر ده اي الجمال والكريستال ده ياناس

*ادم الله اكبر انت حلو اوي كده لي 

"...........

*ادم مالك شكلي وحش ولا اي 

"نور انا اسف مش هقدر  اكمل والله العظيم اسف 

ارجوكي سامحيني.......

#رب_صدفة_خير_من_الف_معاد💙💙🥀

 

الاخير من هنااااااا