مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

شيء من الماضي ( احببت مجنونة 2) 

البارت 10_11

جودي بترجي_ رودينا اقفلي الباب بسرعه الله يخليكي 

رودينا بقلق_ طيب  انا  هطلع بس استعجلي وبتطلع وتقفل الباب

مراد _ اهي مشيت قوليلي ليه عملتي كده 

جودي_ مراد الله يخليك امشي وانا هكلمك وافهمك علي كل حآجه

مراد _ لا مش همشي غير لما اعرف وافقتي ليه من الاول، 

جودي  _ بحبه ومش هلاقي احسن منه 

مراد بانفعال_ كد'اابه امال كنتي بتبكي ليه من شويه انا سمعت كل حآجه 

جودي ببكاء_ علشان خاطري امشي والله هكلمك واقولك بس كده ممكن حد يجي 

مراد بزعيق _ همشي يا جودي، همشي وهستناكي تكلميني لو مردتيش عليه هجيلك هنا تاني انتي فاهمه 

جودي _ فاهمه والله فاهمه يلا الله يخليك 

مراد بدون ادراك يشدها لحضنه ويحضنها بقوة،

وهي تستلم وتضمه  وكانه اخر لقاء بينهم،، بينسو نفسهم لغيت 

رودينا ماتدخل عليهم وبهمس_ يلا امك جايه هتفضحو'نا

جودي تبعد عنه _ يلا امشي الله يخليك 

مراد _ نازل وهستناكي تكلميني 

ينزل من الشباك و عينه عليها مش قادر يبطل يبصلها وهي واقفه مستنياه ينزل وبتستمر في وقفتها لغيت ما بيختفي عن عنيها

رودينا_ ممكن افهم انتي ازاي تحضنيه بشكل ده 

جودي ببكاء تترمي في حضنها _ انا تعبانه يا رودينا معرفش مالي حاسه روحي بتتسحب مني 

رودينا بحنية_ خلاص حبيبتي اهدي

بيت ياسين 

ياسين  بيتكلم في التليفون _ ايه الاخبار 

الطرف التاني _ مفيش جديد بس شكله  كده  هيكون  في  الايام  الجايه 

ياسين _ شكلو ازاي  يعني ماهو لا فيه لاما مفيش 

الطرف التاني _ البنت اللي معاه في المكتب بدأت تقرب منه وهو كمان مبيقدرش يشتغل من غيرها 

ياسين _ ايوه ودي هتفيدنا ب أيه 

الطرف التاني _ معرفش انا قولت اقولك علي الجديد يمكن ينفعك في حآجه  

ياسين_ مين البنت دي طيب قريبته يعني ولا ايه 

الطرف التاني _تبقي بنت سليم اللي ممشي الشغل كله 

ياسين _ سليم ده ابو يوسف صحيح 

الطرف التاني _ ايوه وهي تبقا اخت يوسف وانا حاسه انها تعرف كتير عن مراد 

ياسين ببسمه شيطا'نيه _ يعني هي اخت يوسف وعلى حسب كلامك تخص مراد وفي بينهم حاجه 

الطرف التاني _ بظبببط 

ياسين _ طيب ابعتيلي صورتها وكل المعلومات عنها 

في مكان اخر 

مراد قاعد علي مقعد في الشارع في نص الليل. وماسك تليفونه وبيبعت لجودي اللي اتاخرت في الرد 

مراد بغيظ _ بتكد'بي عليه علشان امشي طيب ايه رايك اني جاي تاني وخلي اللي يشوفني يشوفني،  خلاص هيقوم لكن بتوقفه رساله 

جودي _ مراد!

مراد _ اتاخرتي ليه 

جودي _ معلش 

مراد _ اتكلمي انا مستني 

جودي _ عاوزني اقولك  ايه يعني،  عريس كويس وانا وافقت 

مراد  _ عريس كويس يعني وانا روحت فين لما تاخدي قرار زي كده لوحدك 

جودي  _ انت مكنتش بترد كنت مشغول مع  غيري بعتلك كتير واستنيت  رساله منك بس  انت بردو معبرتنيش برغم اني مكنتش قادره اقول كلمه غير لما انت تقولي اقول ايه    

مراد _ بس قدرتي اهو ومن غيري كمان،  

جودي _ اللي  حصل بقا 

مراد بتحذير_ جودي عارفة لو مش عاوزاه و وفقتي عند في حد او غصب والله لا هروح اجيبك من عنده في اي وقت دا لو مبوظتش الجوازة من دلوقتي

جودي_ وانت يخصك ف ايه.. يوسف راجل كويس وكمان بيهتم بيه ومسبنيش لما كنت تعبانه مش زيك 

مراد_ متعصبنيش محدش بيهتم بيكي قدي، انا اللي مربيكي على ايدي يعني مش عيل اهب'ل زي يوسف يا'كل عقلك من اول موقف... 

جودي _ انت عاوز ايه دلوقتي يعني

مراد _ عاوز ايه؟!  هي بقت كده

جودي_ اعمل ايه يعنى انا خلاص وافقت ومستحيل احرج بابا معاهم واقول خلاص دا مراد مش عاجبه العريس

مراد بانفعال_ ولا عاجبك انتي كمان هتكد'بي عليه ولا ايه 

جودي_ هو كويس مفهوش حآجه تترفض 

مراد_ مش كفايه انتي لازم تكوني بتحبيه عشان تعيشي معاه 

جودي_ انا عمرى ما حبيت واكيد هحبه بسهوله 

مراد _ تصدقي فعلا انا معاكي من صغرنا عمرك ما قولتيلي بحب حد، ايه السبب 

جودي بشرود_ مش عارفه 

مراد بتردد _  انا لما كنت واقف ومستني رودينا تمشّى سمعتها بتسالك اذا في حد تاني ولا لا وسالتك اذا كنتي بتحبيني، انتي مردتيش ليه 

جودي بحيره_ معرفش يا مراد يمكن عشان كنت زعلانه 

مراد باهتمام _ اكيد؟! 

جودي _ اكيد 

مراد _ طيب  انا  عاوز اعرف الجواب دلوقتي 

جودي بارتباك _ يعني ايه تعرف الجواب هو احنا مش اخوات؟!  

مراد بتردد _ ايوه اخوات انا بس كنت بطمن 

جودي تشرد بتفكيرها ومتردش 

مراد _ سكتي ليه؟!  

جودي _ مش عارفه اقول ايه،  

مراد _ طيب سؤال وتجاوبي بصراحه 

جودي _ ايوه  

مراد _ انتي عاوزة سي ز'فت يوسف بجد ولا  وافقتي علشان سبب تاني 

جودي _ عاوزاه وهو كمان شاريني 

مراد بانفعال _ بطلي كد'ب امال كنتي  بتبكي ليه بعد ما وافقتي دا منظر واحده هتجوز برضاها

جودي _ ايوة  عادي وفيها ايه كل  البنات  كده  

مراد _ جودي علشان  خاطري لو في حآجه قوليلي محدش هيساعدك ولا يفهمك قدي

جودي _ عارفه بس خلاص اللي حصل حصل 

مراد _  انتي لازم ترفضي 

جودي _ ارفض ليه ما تفهمني انت عاوز ايه بظبط 

مراد _ مش  عاوزك تجوزيه هو او غيره وبجد معرفش ليه 

جودي بتنهيده _ علشان خايف اختك تسيبك وتستغني عنك،  بس ده عمره ما هيحصل مفيش اقرب منك بنسبالي 

مراد _ للأسف  لو انتي اتجوزتي مش  هينفع نتكلم تاني 

جودي  _ لا طبعا لازم يعرف اني مقدرش ابعد عنك ولازم يوافق علي وجودك في حياتي، مراد انا مقدرش اتخيل نفسي وانت مش  موجود،  انت متعرفش حصلي ايه لما بعدت يومين 

مراد  _ انا كمان مش هقدر مكلمكش كل يوم واحكيلك علي  كل  حآجه انتي حآجه اساسيه حياتي متكملش من غيرها، الله يخليكي ارفضي مالك بجواز انتي 

جودي_ ههههه لدرجة دي يا مارو،

مراد_ واكتر 

جودي_ معلش، سامحني مش هينفع، اقولهم رفضت ليه طيب 

مراد_ قوليلهم انك فكرتي ورفضتيه او سيبيني انا اقولهم انك مش عاوزاه 

جودي _ خلاص يا مراد مبقاش ينفع، وزي ما قولتلك انا عاوزاه ومش هلاقي زيه 

مراد بانفعال_ انتي حره اتجوزيه يا جودي، مع السلامه وبيقفل 

جودي_ مراد انت ياز'فت 

رودينا تبصلها برفعة حاجب _ قولتيلي اخوااات 

جودي بشرود_ انتي شايفة ايه 

رودينا _ شايفه انكم اهبل من بعض مش عارفه بتعاندو علي ايه 

جودي_ تصدقي اول مره احس اني تايهه بشكل ده، بس ازاي يعني يا رودينا انتي متخيله يعني ايه تحبيه اخ ليكي، صعب جداً مش هقدر اواجهه تاني 

رودينا_ ودا اعتراف بانك بتحبيه صح

جودي_ مش عارفه انا مبقتش فاهمه انا حاسه ب ايه 

رودينا_طيب وهو مش حاسه بانه بيحبك فعلا ولا البعيده عمية البصر والبصيره

جودي_ اسكوتي بقا انا مش قادره افكر في الحته دي طيب تصدقي لو عرف ان مشاعري ممكن تنحرف عن مسارها الطبيعي ممكن يبعد عني علشان هو بيعتبرني اخته ومستحيل يفكر فيه بشكل تاني

رودينا_ مش يمك..... 

جودي_ ااابل'يس بطل وسو'سه واتخمد كفاية الدوشه اللي في عقلي

رودينا _ طيب  ما تقوليلوه علي الدوشه دي صدقيني هتلاقيه مدوش اكتر منك بس مش عارف يقول ايه 

جودي _ مش هينفع يا رودينا الله يخليكي بطلي زن علي دماغي ونااامي بقا 

رودينا _ انتي حره خليكي كده لغيت ما يبقا صعب تصبحي عليه حتي،  وبتشد البطانيه وتنام 

جودي لنفسها _ مش عارفه جايبه الثقه دي كلها منين اني بحبه يعني  انتي هتفهميني اكتر من نفسي،،،  ايوه تعاملنا ممكن يتفهم كده بس  بردو هما غلطانين،  .  انا  ومراد طيب  ازاي

تاني يوم 

مراد بيكون نايم علي السرير ومش قادره يقوم،،  وبتعب بيغمض عنيه 

مراد لنفسه _ مكنتش اتخيل اني ممكن ازعل بشكل ده لو اتجوزت، بدال ما افرح باختي اللي مربيها،

انت بتضحك على نفسك مفيش اخ ممكن يزعل لو اخته اتجوزت الحقيقة انها مش اختي وطول عمري بحبها بس مكنتش فاهم،  

لكن للأسف فهمت متأخّر،  ودلوقتي مستحيل اقدر اقولها اني حبيتها،،

جاتني الفرصة انها تكون ليه بس انا ضيعتها بغبائي،  دلوقتي  مش  قدامي غير اني افرحلها واقدمها لعريسها زي ما وعدتها وكمان اكون مبسوط 

في مكان قريب من الشركه 

بتيجي جني زي كل يوم وهي بتعدي الشارع،  حر'امي بيخ'طف شنطتها ويجري 

جني _ الحقوووو'ني حر'امي وبتجري وراه علشان تلحقه وفجاه بيوقف بطلنا الهمام ياسين ابن تمام ههههه مسمهوش كده انا بهزر بس 

ياسين بيمسكه ويضر'به وياخد منه الشنطه وبذوق بيقربلها ويقولها _ انتي كويسه 

جني _ اه انا كويسه، متشكره اوي 

ياسين بإبتسامة_ متقوليش كده دا واجبي يا انسه.... 

جني_ اسمي جني 

ياسين_ عاشت الاسامي، تحبي اوصلك لاي حته شكلك خايفه

جني_ لا خالص، انا اصلا رايحه هنا 

ياسين_ قصدك الشركه دي 

جني_ ايوه هي 

ياسين بإبتسامة_ ماشي خلي بالك من نفسك، اتفضلي وانا هقف يكون دخلتي علشان اطمن 

جني_ هه 

ياسين_ هه ايه مقدرش امشي واسيبك لازم اطمن ان الحر'امي مش هيرجع تاني 

جني بإبتسامة_ متشكره اوي مع السلامه وبتمشي 

ياسين_ مش بطاله اكيد هتنفعني 

التليفون بيرن 

ياسين_ ايوه يا انور 

انور_ صباح الورد علي الملك بتاعنا 

ياسين_ ابو ام التطبيل علي الصبح في ايه 

انور_ انا جبتلك الطلب اللي قولتلي عليه ايه مش هتيجي تعاين 

ياسين_ قصدك الموظفين 

انور_ الموظفات 

ياسين_ ياخي عليك يا انور ما تشوف انت ولا تخلي رياض يشوفهم

انور_ خلاص انا هقوم بالمهمه دي 

في شركه ياسين 

انور _ دخلهم واحده واحده 

المساعد_ حاضر وبيدخله اول واحده، بتكون بنت محجبه وجميله وشكلها بتخاف شويه 

انور يبصلها من تحت الفوق _ انتي بقا جايه تشتغلي ايه بحجابك ده مش شايف الموظفات لبسهم عامل ازاي.. في اللحظة دي بيدخل رياض ويوقف يبص عليهم 

صبا بتوتر _ بس الطلب مكنش مكتوب فيه شرط بعدم الحجاب 

انور بتقليل منها_ اهو اللي حصل انتي متنفعيش اتفضلي

صبا تمسك شنطتها وتمشي باحراج 

رياض يبص ل انور باستحقا'ر _ استني انتي اسمك ايه 

صبا_ اسمي صبا 

رياض _ صبا هتشتغل معايا، انا محتاج حد في القسم بتاعي 

انور _ بس دي متنفعش مش شايف لبسها 

رياض_ هي اللي هتشتغل مش لبسها  

انور_ والله ياسين موكلني بالمهمه دي وانا شايف انها متنفعش، اتفضلي يابنتي مفيش شغل 

رياض باصرار _ قولت هتشتغل، وسيبلي ياسين انا هكلمه، اتفضلي معايا وبياخدها ويطلعو 

انور بغيظ_ زودتها اوي بس ماشي كله هيتكوم وهحاسبك واحده واحده

صبا_ انا شكلي عملت مشكله بينكم، انا همشي في كتير غيري يشتغل هنا 

رياض_ اششش وريني الورق ده 

صبا بخوف_ اتفضل 

رياض بجدية_ اول درس تتعلميه هنا انك متبقيش خايفه انتي شكلك كده جبا'نه اتشدي شويه 

صبا بخوف_ ح حاضر مش هخاف 

رياض بانفعال_ بطلي خووف قولت

صبا ببكاء_ حاضر 

رياض _ اوف خلاص خلاص متعيطيش تعالي ورايا اوريكي مكتبك 

صبا_ بس حضرتك لسه مشوفتش الورق بتاعي 

رياض لنفسه_ مهما كان مؤهلاتك انا مسكت فيكي علشان الزفت اللي جوه بس شكلك كده هتتعبيني 

صبا_ يافندم

رياض_ نعم في ايه 

صبا_ مشفتش الورق 

رياض_ مش هشوفه خلاص تعالي وانتي ساكته 

صبا تمشّى وراه من غير ما تتكلم 

في شركة مراد 

جني بقرف_ صباح الخير يا طنط هو مراااد جه

زينه بقرف_ لسه مجاش يا طنط انتي 

جني _ اتأخر ليه كل ده 

زينه بقرف_ معرفش 

جني_ امال سكرتيره ازاي طالما ماتعرفيييش 

زينه _ ملكيش دعوه يلا امشي من هنا مش ناقصين عطله 

جني_ يادمك، وبتمشي 

زينه تسرح شويه وشكلها ناويالها علي حآجه 

جني بتتصل ب مراد 

مراد _ ايوا يا جني

جني_ ناموسيتك كحلي اتاخرت ليه 

مراد_ مش جاي النهارده

جني_ لا ازاي لازم تيجي مستر سليم هيجي ويقول فينه 

مراد_ قوليلوه تعبان ياستي ايه اللي هيحصل يعني

جني_ ايه تاعبك سلامتك

مراد_ مصدع 

جني _ لا الف سلامه عليك خلاص ارتاح،... ايه ده 

مراد _ في ايه 

جني_ الراجل اللي كان معاك هنا من يومين واقف بيبص من بعيد 

مراد_ مصطفى؟! 

جني_ تقريبا كده بس واقف كده ليه 

مراد_ طيب سلام سلام وبيقفل معاها ويتصل بيه لكن بيديلو مغلق 

مراد_ قافل تليفونك ليه  .. انا هكلم جني تديلو التليفون اكلمه 

بيتصل بيها تاني 

جني_ في ايه تاني 

مراد_ الراجل لسه واقف 

جني_ استنا كده،، لا مش موجود شكله مشي 

مراد_ طيب اطلعي كده شوفيه لسه برا ولا لا بسرعه يا جني 

جني_ حاضر حاضر، 

بتطلع وتبص يمين شمال بس مبتلقهوش _ لا دا مشي 

مراد_ طيب ماشي يلا سلام... يعني هو كان مستنيني طيب متصلش ليه ايه حكايتك يامصطفي 

مي_ مالك يا مراد 

مراد_ مش عارف يا ماما بس مصطفى كان واقف جمب الشركه شكله كده كان عاوز يشوفني، 

مي بارتباك_ ط طيب ومتصلش بيك ليه لما هو عاوز يشوفك 

مراد_ مش عارف حتي انا كلمته تليفونه مقفول، غريب اوي الراجل ده اول مره قابلته ساعدني في مشكله وتاني مره بردو ساعدني، معقول يكون كان قريب من بابا لدرجة انه يخاف عليه او يراقبني من بعيد

مي _ جايز 

مراد_ انتي مشفتهوش خالص مع بابا قبل كده 

مي _ لا انا عرفت ابوك فتره صغيره واول ما حملت فيك هو ما'ت مكنش يعرف بحملي كمان

مراد بشك _ ماما مصطفى قالي ان بابا كان نفسه يشوفني، يبقي ازاي مكنش يعرف بحملك 

مي بارتباك_ يمكن قصده انه كان نفسه يشوف ابنه اللي لسه هيجي بعدين

مراد _ اممم ماشي تمام 

مي بتهرب_ مش هتروح الشغل النهارده ولا ايه 

مراد _ لا 

مي _ مالك ياحبيبي

مراد _ كنتي تعرفي ان جودي هتتخطب 

مي بتتفاجاء_ جودي هتتخطب ازاي وامتي 

مراد_ غريبه انك متعرفيش

مي_ معرفش والله، اخص عليكي يا ياسمين كده متقولليش طيب دا احنا متفقين من صغركم انكم لبعض

مراد بتنهيده_ وهي هتستنا لامتي، مش احنا كنا رافضين 

مي_ خساره والله يابني عمرك ما هتلاقي زيها 

مراد _ خلاص مبقاش ينفع الكلام دلوقتي 

مي _ مالك انت زعلان انها هتتخطب 

مراد _ ازعل ليه دا انا حتي فرحتلها اوي وغصب عنه دمعه بتنزل من عينه 

مي _ حبيبي طيب ليه كنت بترفض طالما عاوزها 

مراد يحضنها وبخ'نقه_ مكنتش عارف محستش غير لما لقيتها هتروح مني 

مي _ طيب خلاص انا هكلم ياسمين واقولها وهما اكيد هيرفضو العريس ده ويوافقو عليك 

مراد_ لا متكلميش حد، خلاص الموضوع انتها 

مي_ ليه بس لسه منتهاش خليني اكلمهم قبل ما العلاقه بينهم تطور

مراد_ خلاص يا ماما مبقاش ينفع

شيء من الماضي ( احببت مجنونة 2) p11

يوسف بيروح بيت هشام علشان يقابل جودي وبتفتحلو رودينا 

رودينا_ اهلااا بالعريس 

يوسف_  اهلا بيكي، انا شفتك قبل كده 

رودينا_ ايوه حصل شوفتني لما كنت هنا انت وباباك واختك 

يوسف_ تشرفنا، اسمك ايه

رودينا_ اسمي رودينا وياريت تقولي يا رورو عشان مبحبش حد يندهلي باسمي من غير الالقاب 

يوسف لنفسه_ باينها مجنونه 

رودينا_ اااه عارفه اكيد بتقول مجنونه بس الله يسامحك

يوسف بتردد_ لا يافندم مقولتش كده حضرتك لطيفه

رودينا_ ربنا يخليك يا جو 

يوسف باستغراب_ جو 

رودينا_ ايوا دلع يوسف انت عمرك ما حد دلعك 

يوسف_ كتير بس مش من اول مره يعني 

رودينا_ قصدك ان انا قليلة الذوق وبدلعك من غير ما اعرفك ربنا يسامحك عن اذنك 

يوسف باستغراب_ استني انا مقولتش كده، يابنت استنى

ملك _ ههههه اتفضل، متخدش عليها دي هي كده لما تحب تفتح كلام مع حد  

يوسف _ ربنا يحفظها هي لطيفه  فعلاً امال فين عمي و طنط 

ملك _ جوه اتفضل هندهملك

يوسف متشكر.. بتدخل ملك وفجاه بيسمع حد بيقول بسبس بيبص الجهه التانيه يلاقي رودينا بتعمله بايدها علي رقبتها ك نوع من التهد'يد 

يوسف _ نعم ودا معناه ايه 

رودينا_ تبصله بغد'ر وتمشي تروح عند جودي 

جودي_ ههههه يخرب عقلك عملتيله كده ليه 

رودينا بثرثره_ اختبار قدرات ذهنيه وعصبيه وانفعاليه لازم نختبر قوة تحمله مش احسن ما تجوزيه ويطلع عصبي ويطلقك،،  احنا لازم نعصبه من دلوقتي علشان لو قفش وعمل حآجه وحشه لا سمح الله، احنا نفركش من الاول،، واحنا علي البر مش احسن ما تطلقي وانتي وراكي عيلين

جودي_  اممم مفهمتش منك كلمه بس انا  جاتني  فكره  

رودينا _ ايه 

جودي _ انتي  عارفه  طبعا  ان انا مش متحمسه للجوازه دي ما تيجي  نطفشه او بالاصح انتي   تطفشيه وكمان تخليه هو  اللي  يرفض يتجوزني ايه رأيك 

رودينا _ حرام عليكي نطفشه ليه ده  شكلو  كيوت،  ايه رأيك  تدهوني طالما  مش  محتاجاه  

جودي _ بتتكلمي جد  

رودينا _ ايوه خساره هو  حد  لاقي عرسان  دول شحو خالص  من السوق  

جودي _ ههههه  اتفقنا 

رودينا _ خروبيتك انتي  صدقتي بقا انا اخد فضلتك 

جودي _ انتي  رز'له يابت مش  انتي  قولتي  خساره 

رودينا _ بصراحه  هو  خساره بس مش لدرجة اخده يعني 

جودي _ طيب  خلاص  متخدهوش بس ممكن  تطفشيه بس هو اللي يرفضني ويقول مش عاوزها

رودينا _ بسسسس لقيتها  انا  ابينله حته من مفصل الكتف واخليه يجي ورايا وبعدين امسك فيه زي حميده لما مسكت ابن حميدو في  المطبخ  واصر'خ واقول حاول يسر'ق اعز ما املك 

جودي _ ههههههههههههههه يارب بقا همو'ت لا مش لدرجة دي وبعدين هو ميعملهاش 

رودينا_مين ده اللي ما يعملهاش حبيبتي دا راجل يعني يعمل اي حآجه عاتشي 

جودي_ لا لا يا رودينا انا عرفاه ده بيتكسف من خياله 

رودينا_ لا ياشيخه بقا بيتكسف من خياله، بت انتي متخلنيش احلف اني او'قعه 

جودي_ صدقيني، ايوه انا مش قابله اتجوزه بس هو محترم 

رودينا بتحدي_ اااه طيب بس خليكي فاكره كلامك ده كويس يا حلوه يا بلحه يا مقمعه 

جودي_ ههههه ماشي خلينا نشوف رهان علي 100 جنيه بس لو خسرتي  ساعتها هخليكي تغسلي المواعين أسبوعين 

رودينا_ ماشي تلاته ياستي وسعي كده 

جودي_ رايحه فين

رودينا _ ملكييش دعوه اتفرجي وانتي ساكته وبترمي شعرها لورا بغرور مصتنع وتروح  عند يوسف 

في  شركة ياسين  

انور _ ياسين انت لازم تشوف حل مع رياض علشان زودها اوي 

ياسين _ في  ايه يا انور 

انور_ الاستاذ اختار بنت ملها'ش لازمه  عشان  تشتغل معانا، برغم اني انا قولتلها تمشي 

ياسين _ ملهاش لازمه ازاي يعني مالها 

انور_ محجبة ياسيدي وشكلها لخمه وبتتكسف وبتخاف تتكلم حتي 

ياسين _ طيب  خلاص  اهدا انت وانا هشوف الموضوع ده 

انور _ تمام انا قولتلك وانت تتصرف  

ياسين _ خلاص  روح  انت وانا هكلمه يجي وافهم الموضوع ده 

انور _ تمام يا King 

ياسين بيطلب رياض يجي  عنده  

بيت مراد  

مراد قاعد وماسك التليفون ومتردد يبعتلها ولا لا 

مراد لنفسه _ انسا مبقاش ينفع انت كلامك معاها بقا غلط دلوقتي 

جودي ماسكه تليفونها وبتفتح الشات تلاقيه نشط 

جودي _ فاتح اهو مبيكلمنيش! طبعا تلاقيه بيكلم السكرتيرة ابومعرفتك امممم انا هضايقه 

جودي _ مراااد بتعمل ايه  

مراد تترسم علي وشه ابتسامه ويرد بسرعه _ ولا حآجه  عاوزة ايه 

جودي _ اصلي زي ما انت عارف مبعرفش اختار لبس بنفسي 

مراد بإبتسامة _ وبعدين 

جودي _ هصورلك كام طقم وتقولي البس ايه 

مراد _ ليه كده رايحه فين 

جودي _ اصل جو عندنا وانا عاوزاه يشوفني حلوه 

مراد بتنهيده _ انتي بتكوني  حلوه باي لبس 

جودي بإبتسامة _ رايك كده يعنى 

مراد _ اكيد

جودي بتردد_ انت خلاص اقتنعت بجوازي انا ويوسف 

مراد بوجع _ لا 

جودي _ ليه طيب  انت مبتحبهوش؟! 

مراد _ واحبه ليه المهم انتي تحبيه 

جودي بشرود _  مش عارفه بحبه ولا لا،  بجد انا محتاره وحاسه اني تايهه 

مراد _ امتي لحقتي تتعاملي معاه علشان تكوني في الحيره دي علي حد علمي انكم مكنتوش صحاب 

جودي تقصده بالكلام _ طول عمره صاحبي وقريب مني،  بس انا ولا مره فكرت ان ممكن  اكون  بحبه دايما شيفاه صاحب واخ وبس

مراد _ غريبه المفروض تكوني فاهمه انتي حاسه بايه لا اخ لأما حبيب

جودي _ مش عارفه كل اللي اعرفه انه لما يبعد عني انا بكون ضايعه من غيره     وبدموع،  تفتكر انا حبيته؟!

مراد بوجع _ وتضيعي ليه ماهو عندكم روحي اقعدي معاه علشان تكوني مرتاحه وتعرفي تحددي ده حب ولا لا ،  يلا سلام انا مشغول  دلوقتي وبيقفل ويرمي التليفون علي الكنبه 

بقهر_ بضيع من غيره وبتحبه ومش  عارفه  تحدد بتحبه ولا لا؛ لدرجة دي تأثيره عالي كده،  براحتك تحبيه تكرهيه براحتك خالص 

جودي بدموع _ ايه اللي انتي قولتيه ده دا كلام يتقال،  حصلك ايه من امتي بقيتي كده

رودينا قاعده مع يوسف هي وياسمين وهشام وملك وعماله تبص بنظرات موجهه ليه ومبتسمه ابتسامه خفيفه 

يوسف يحاول يبعد نظره عنها بتوتر ويرجع يبصلها تاني 

يوسف لنفسه _ مالها دي بتبصلي كده ليه 

هشام _ مشربتش قهوتك ليه 

يوسف بتوتر_ ح حاضر هشربها 

رودينا بإبتسامة_ اشرب وقولي ايه رايك انا عملاها بايدي وتغمزله بعنيها 

يوسف يبرق بعنيه من الصدمه _ ج جميله ممتشكر 

ياسمين _ تسلم ايدك القهوة فعلاً حلوه يا رودينا

ملك_ طول عمرها شاطره في  القهوه ودي الحاجه الوحيده اللي بتعرف تعملها ههههه 

رودينا _ ظلماني والله يا مامي انا شاطره في كل حآجه وتبص ل يوسف بإبتسامة 

يوسف بتوتر_ امال فين جودي 

هشام _ بتجهز ياسيدي 

ياسمين _ جووودي ايه هتقضي طول اليوم بتجهزي نفسك هو يوسف غريب 

جودي بتيجي _ اسفه علي التأخير ازيك يا يوسف وبتمد ايدها تسلم

يوسف _ الحمدلله انتي عامله ايه  

جودي _ بخير الحمدلله

رودينا _ تعالي تعالي انتي واقفه ليه وبتشد ايدها منه 

يوسف يبصلها بنرفزه وميقولش كلمه وهي تبصله بقرف من فوق لتحت

رودينا _ اصلها تعبانه ولازم تقعد ترتاح 

يوسف بانفعال مخفي_ كتر خيرك خايفه عليها 

رودينا بإبتسامة _ متشكره اوووي 

ملك تلاحظ تصرفاتها _ رودينا خدي عاوزاكي 

رودينا بإبتسامة _ حاضر يا مامي 

بتاخدها وتدخل جوه وتمسكها بشده_ ايه اللي بتعمليه ده يقولو عليكي ايه 

رودينا _ الله انا عملت ايه يعني  

ملك _ عملك اسو'د ومهبب عماله تبصيله بطريقة مش كويسه اتلمي عيب كده دا خطيب بنت خالك 

رودينا بلوي بوز_ خلاص انا مش رايحه عندهم طالما طلعت وحشه 

ملك _ احسن بردو خليكي هنا 

رودينا لنفسها _ مش هسيبه وربنا لا اطفشه واخليه يحلم بيه بالليل ويهرب وميجيش هنا تاني في حياته البت مبتحبهوش هتجوزه ازاي 

شركة ياسين 

ياسين _ في أيه يا رياض مالك انت وانور كل شويه شكاوي 

رياض _ وشكالك قالك ايه ان شاءلله 

ياسين _ قالي علي البنت اللي انت خلتها تشتغل معانا وهي مش  مناسبه 

رياض _ مش مناسبه من اي اتجاه،  انت عارف كان ممشيها ليه 

ياسين _ علشان محجبه ولخمه دي متنفعش يا رياض انت عارف شغلنا لازمله شكل قبل ما تكون شاطره في شغلها 

رياض _ لا بقا البنت حلوه اوي كمان بس هو مش بيحب غير البنات الما'يعه 

ياسين _ طيب خلاص خليها بس بلاش عند في بعض كده مش هنشتغل وهنقضيها تصالح 

رياض _ انا بختصره علي طول هو اللي مستفز 

ياسين _ اييي خلاص بقا مش معقول كده.  خلينا في شغلنا 

رياض _ تمام  ماشي  استاذنك هروح اجيب الملفات من المكتب وراجع 

ياسين _ تمام اتفضل،  

بيت مراد 

مي بقهر _ لدرجة دي مش عاوز تشوفني عملتلك ايه عشان تقسا عليه كده،  زمان  سبتني ودلوقتي اختفيت تاني،  وبتراقب ابنك من بعيد طب وانا مش عاوز تشوفني  عملتلك ايه يا مراد غلطت في  ايه بتعاقبني علشانه 

مصطفى في مكان اخر  

مصطفى _ هتعمل ايه دلوقتي،    هتهرب منهم،  لامتي ،  انا مش قادر اتحمل تاني، عشت طول عمري لوحدي ونفسي اعيش الباقي من عمري معاكم، 

وحشتيني يا مي كان نفسي لما اشوفك تاني يكون لقائنا احسن من كده،  بس  انتي معذوره ويحقلك تعملي اكتر من كده....

باصرار' _ انا هرجع ومراد لازم يعرف اني ابوه ومي هتسامحني لو هعمل ايه مش هارتاح غير لما نتجمع مره تانيه

تاني يوم 

بيت مراد 

مراد _ مش هفطر انا اتأخرت علي الشركه 

مي_طيب اقعد كل لقمه واحده مش هينفع تمشي على لحم بطنك كده  

مراد _ هفطر في المكتب 

مي _ طيب يا حبيبي لما توصل كلمني 

مراد _ حاضر  مع السلامه وبيمشي  

ومي بتشيل الاكل وتنضف وفجاه الجرس يضرب 

مي _ انت رجعت  تاني، يا مراد  ،  ايوه  جايه اهو.  بتفتح الباب وتلاقي مصطفى علي الباب 

مي بارتباك _ مراد مش هنا 

مصطفى _ انا جايلك انتي 

مي _ اتفضل امشي  لما يجي مراد ابقا تعاله 

مصطفى يدخل ويقفل الباب _ انا مش داخل علي واحده غريبه انتي مراتي  

مي _ انا معرفكش جوزي مات من زمان 

مصطفى _ قدرتي تقوليها 

مي _ دي الحقيقه انا جوزي مات انا معرفكش اتفضل امشي 

مصطفى بتنهيده _ مش همشي يامي، انتي وحشتيني ومتعرفيش السنين اللي عدت كانت صعبه عليه ازاي وانا بعيد عنكم 

مي ببكاء _ وبعدت ليه من الاول،  انت فاكر انك هتغيب كل ده وترجع تلاقيني مستنياك وفرحانه برجوعك 

مصطفى _ ايوه واديكي استنيتيني ومحاولتيش ترفعي قضية عشان تطلقي و تعيشي حياتك 

مي بانفعال _ عشان غب'يه مبفهمش انا ضيعت عمري وانا على زمة واحد ميت بس طالما طلعت عايش طلقني يا مراد 

مصطفى يقربلها وميفصلش بينهم غير سنتيميترات قليلة وبندم_ والله وحشتيني 

مي _ من فضلك ابعد عني انا معرفكش  

مصطفى _ وحشتيني 

مي بتنهيده _ ابعد عاوزه امشي 

مصطفى بتركيز في ملامحها اللي متغيرتش وعنيها الخضره اللي لسه بنفس جمالهم _ لسه زي ما انتي وكأن ممرش يوم واحد 

مي بدموع_ انا مبقتش مي القديمه انت دمر'تني وعجزتني بدري

مصطفى يحط ايده على خدها ويمسح دموعها _ مستعد اعمل اي حآجه عشان انسيكي اللي عدا بس اديني فرصه واحده 

مي بارتباك_ تمشي من هنا دا اللي انا عاوزاه 

مصطفى يبصلها بتركيز من غيركلام 

مي تبص للارض بارتباك _ يلا امشي

مصطفى بتنهيده _ انتي مش عاوزاني امشي ، عارف اني وحشتك وكنتي مستنياني ارجعلك، عشان كده مهما تقولي انا مش هسيبك 

مي ببكاء_ مبقاش ينفع خلاص، اقول ايه لمراد 

مصطفى_ اقوله انا لازم يعرف ان ابوه عايش 

مي بترجي _ لا اوعا 

مصطفى بأصرار_ لازم يعرف، متخافيش انا هقوله علي كل حآجه ولازم يعرف انك.غصب عنك كدبتي عليه 

مي ببكاء_ مش هيسامحني

مصطفى _ اكيد هيسامحك بس يمكن ميقدرش يسامحني انا 

مي تبعد عنه _ انت متعرفش هو عاش ازاي طول عمره بيسألني عليك برغم انه مشفكش بس انت بنسباله حآجه كبيرة  

مصطفي_ عرفت من اهتمامه بانه يعرف عني كل حآجه، وصعب عليه اني اعترفلو، مش عارف هقدر اواجهه ازاي بعد ما يعرف

مي _ تستاهل الي انت فيه دلوقتي انت مش صعبان عليه قد كده 

مصطفى_ عارف اني استاهل واديني بدفع التمن 

مي _ دوق شويه من اللي انت دوقتهولي 

مصطفي يقربلها ويبصلها بإبتسامة_ اللي عيشتيه ميجيش واحد في الميه من اللي انا عشته وانتي بعيدة عني 

مي ببكاء_ مش مصدقاك لو كلامك صح كنت رجعت 

مصطفى _ كنت بحميكي مني 

مي _ بتحميني منك ليه هو  انت كنت  هتق'تلني يعني  ولا  ايه 

مصطفى بدموع _ ايوه 

مي _ ايه 

مصطفي _ ايوه  كنت  هق'تلك 

مي بذهول _ انت  بتقول  ايه 

مصطفى بخن'قه_ صدقيني ده اللي  كان  هيحصل،  انا  اخر  فترة كنت خطر علي اي حد 

مي بارتباك وخوف _ ي يعني انت  اللي 

مصطفى ببكاء _ ايوه  انا 

مي تحس الدنيا  بتلف بيها وترجع خطوات للخلف 

مصطفي ببكاء _ غصب عني انتي  عارفة  هو  عمل معايا ايه 

مي  تكمل للخلف وهي مصدومه وبتترعش

مصطفى يقرب منها_ انا  عارف  انك  خايفه  منى  بس خلاص  انا  اتعالجت والله يعني  مستحيل  اعملك  حآجه  وحشه 

مي ببكاء _ بعد  ايه ابويا اتعدم بسببك انت ازاي  قدرت تضحك علي الناس كلها،  انت كنت  في  المصحه يومها،  يبقا ازاي عملت  كده 

مصطفي _ دفعت للممرض علشان يساعدني

مي ببكاء وانفعال_ ياريتك ما رجعت يا شيخ،  انت جاي تاني  ليييه امشي يلا  ارجع  مطرح ما جيت  وبتذقه لبرا 

مصطفى يمسك ايديها ويكتفها وبترجي_ هسلم نفسي صدقيني بس مش  دلوقتي 

مي _ سيبني يا مراد احسن  والله  اصوت،  ولا اقولك  اقت'لني احسن، ما انت قت'لت ابووك 

مصطفى _ كان يستاهل اللي  حصله،  بس انتي  مستحيل  اقدر اعمل فيكي  كده،  انتي الوحيدة اللي حسيت معاها  بالامان بعد موت امي 

مي بانهيار_ يا فرحتي احمدك يارب مش  هي'قتلني عشان كنت كويسه  معاه زي امه،  انت مجنو'ن ولازم تتعالج يا مراد فاهم يعني  ايه مجنون ابوك كان  عنده حق  لما رماك في المصحه 

مصطفى بانفعال يضر'بها بالقلم _ قولتلك كان يستاهل اللي  حصله ولو انا معملتش كده  كان  غيري  هيعمل فاهمه  

مي ببكاء _ اي حد  غيرك انت مينفعش  تعمل  كده ازاي  قدرت 

مصطفى _ الي شفته منه مكنش قليل ده كان سبب انت'حار امي فاهمة،  حبسني في المصحه وخلا الدكاترة يعمل  كل  حآجه  علشان اطلع مجنون واخيرآ حبسك عشان تخلفي مني غصب وعارفه يعني  ايه واحد شحط طويل يخاف من الضلمه وتيجي بنت تقعد معاه عشان ميخفش وكانه عيل،  كل ده هو  اللي  عملو 

مي _ امشي يا مراد  متحاولش ترجع تاني،  وابعد عن ابني الله يخليك ابعد عنه  

مصطفي بوجع _ مي انا  لو بقيت  لوحدي  تاني  انا  هنت'حر 

مي ببكاء _ تبقا صلحت غلطتك 

مصطفي بوجع _ عندك حق،  وفجاه بيطلع مسد'س ويصوبه تجاه راسه 

مي بذهول _ لا يا مراد،  الله  يخليك  اوعا انا معرفش قولت  كده  ازاي، 

مصطفى ببكاء _أنتي  صح انا  مينفعش  اعيش تاني  

مي بترجي_ مراد هات المسد'س،  خلاص  بالله  عليك  هننسا اللي  حصل  ونرجع نعيش مع  بعض  

مصطفي يغمض عينيه ويبتدي يضغط علي الزيناد لكن مي بتمسك ايده  بسرعه والر'صاصه تروح بعيد 

مي بانفعال وايد بتترعش  _ انت تستاهل بس انا مش هقدر اشوفك ميت 

مصطفى _ ولا انا هقدر ابعد عنك،  بيمسك ايديها ويكتفها ويقبلها قبله طويلة كادت أن تقطع انفاسها، وهي تستسلم له وكأن شي لم يحدث وكأن ما مرت بها تبخر مع احتضانه لها

،

"  استغفر الله العظيم نروح  لابطالنا التانين ونسيبنا من دول عشان عيب يلا بينا "

قدام الشركه مراد

بتيجي جني  زي كل يوم  ف بتلاقي  ياسين واقف مكان ما قابلها امبارح 

جني تروحلو _ انت 

ياسين بإبتسامة _ ايوه 

جني _ خير واقف كده  ليه

ياسين  بابتسامة _ تصدقي لو قولتلك ان رجليه جابتني هنا  ومعرفش ايه السبب  

جني بتوتر_ ط طيب عن اذنك 

ياسين _ جني 

جني _ نعم 

ياسين بإبتسامة_ مفيش خلاص  اتفضلي  

جني بارتباك تمشي  من غير ما ترد 

وياسين واقف وراها يبصلها بصات شيطا'نيه _ سهله طالما هعرف ذوريق مراد منك برغم انك باين عليكي غلبانه بس مش مشكلتي 

مراد في المكتب قاعد علي الكرسي وماسك تليفونه  وبيتفرج على  الشات بتاع جودي بتأمل واكنه بيقراه لأول مره،  وفجاه بتوصله رساله منها 

جودي _ مراد 

مراد بفرحه و وجع في  نفس اللحظه_ صباح الخير 

جودي بتنهيده _ مراد  انت وحشتني اوي هترجع امتي 

مراد _ مالك 

جودي بدموع _ انت بقيت بعيد عني خالص وانا متعودتش انك تبعد بشكل ده 

مراد _ وهفضل كده علي طول 

جودي _ ليه طيب ايه اللي جد 

مراد_ اللي  جد انه مبقاش ينفع خلاص 

جودي ببكاء _ علشان هتخطب يعني  

مراد بتنهيده_ وده سبب قليل؟! 

جودي _ بس يوسف  عارف  اننا زي اخوات واكيد مش  هيزعل من الموضوع  ده 

مراد بوجع _ بس احنا مش  اخوات يا جودي،  انتي  مش  اختي انا من اهل وانتي  من اهل تانين خالص 

جودي بدموع _ يعني  ايه 

مراد _ يعني متكلمنيش تانى

يتبع 

تكملة الروايه من هنااااااا