مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-انا حامل .

قالتها البنت  الجميلة اللي قدامي ...كنت قاعدة في النادي لما جات واحدة وقعدت جمبي وقالت ده من غير مقدمات ... بصتلها بحيرة فقالت بإرتباك:

-عارفة ان الموضوع صادم وانتي متعرفنيش بس أنا اعرفك كويس يا مدام هنا لان  جوزك يبقي ابو اللي في بطني.!!!

قومت بصدمة وانا بقول:

-بتقولي ايه يا ست انتي ...انتي مجن*ونة ...ازاي ابو ابنك ...تعرفيه من فين جوزي...

عيطت وقالت:

-انا اعرف دكتور  انور كويس اووي يا مدام هنا وهو والله ابو اللي في بطني ....بعد ما غلط معايا رما*ني بسهولة كده ...أنا طالبة عنده في  الكلية وللاسف حبيته وهو قال انه حبني ...وقالي كمان انه هيطلقك ويتجوزني ...بدأنا نطلع سوا لحد ما في يوم ...

عيطت ومقدرتش تكمل ...فضلت شوية تعيط بندم وقالت:

-في يوم روحت المكتب بتاعه ...كنا آخر اليوم ومعظم الطلبة مشيت وحصل اللي حصل  ...معرفش عملت كده ازاي...بس أنا ندمت والله المصيبة اني اكتشفت اني حامل ولما قولتله بدأ يتهرب مني .. ...

مسكت ايدي وقالت:

-مدام هنا ابوس ايديك ساعديني...اهلي لو عرفوا هيمو*توني والله أنا مرعوبة وخايفة ...مفيش حد معايا ومش عارفة أعمل ايه ..ابوس ايديكي خليه حتي يكتب عليا يومين ويطلقني أنا هتف*ضح ...والله أنا غلطت بس ندمت ومرعوبة أنا اهلي مي*تين وعايشة مع اخواتي ومراتاتهم وهما بيكر*هوني اصلا ولو عرفوا مش هيرحموني ...

دموعي نزلت وقومت وقولت:

-انتي كدا*بة ...مستحيل اصدق ان جوزي يعمل كده ...حرام عليكي ...انتي عايزة تخربي بيتي !!!

بكت وهي بتقول:

-الاثبات اللي انتي عايزاه اعمليه ...لو حابه تعملي تحليل DNA أنا موافقة ...بس بالله عليكي ساعديني .... أنا فعلا ممكن امو*ت بسبب الفض*يحة دي ...جوزك هر*ب مني وانا اللي هتحمل الغلط لوحدي ...

مكنتش قادرة اصدقها ...ولا اكذبها ...خوفت اسد وداني واكذ*بها اشيل أنا ذ/نبها ...اتنهدت وقولت :

-تعالي معايا ...

...

في البيت ...

اديتها عصير وقولت:

-ده هيهدي اعصابك ..عصير لمون ...

اخدته وبدأت تشربه بهدوء ...

قعدت جمبها وانا دماغي بتودي وبتجيب ...قلبي واج/عني ...لو كلامها صح يبقي انور خا*نني...أرتكب ذنب وزنا !!!...مرضتش اسبق الاحداث يمكن تكون البنت كد*ابة ...بس لو كانت صادقة انور حسابه هيكون عسير معايا !....

بعد شوية ...

دخل انور البيت وبهت وقال :

-رانيا بتعملي ايه هنا؟!

ابتسمت انا وقولت:

-انت تعرف رانيا يا انور ...

اتوتر انور وقال:

-ايوة طبعا .رانيا طالبة عندي في الكلية و...

-ام ابنك صح 

كملت ببرود ...هو راسه بعنف وقال:

-لا الكلام ده كد*ب والله ما لمستها اصلا ...ده بتتبلي عليا يا حبيبتي...

هزيت راسي وقولت:

-بسيطة يا حبيبي هنعرف مين فيكم الكد*اب لما نعمل تحليل الDNA ..

وشه بهت لثواني بعدين اخدني من ايدي لبعيد وقالي :

-حبيبتي انتي هتكذ*بيني وتصدقي دي ...دي واحدة رخ*يصة حاولت كتير تلفت انتباهها ليا وانا صديتها ... ولما صديتها راحت تشوف فر*يسة تانية ليها ولما التاني خ*لع جايبة تلبسني انا في ابنها ده ...

هزيت كتفي وقولت:

-انا واثقة فيك ...بس مفيش ضرر من أننا نتأكد يا حبيبي ولا أيه؟!..

....

وتحت ضغط مني عملنا تحليل الDNA للجنين اللي كمل تلات شهور لحسن الحظ... واستنينا نتيجة الاختبار ....

...

بعد ايام ...

اتفقنا مع رانيا أننا نروح سوا واخدت انور معايا اللي كان مر*عوب....قلبي كان بيدق وانا قاعدة مستنية النتيجة ....جه دكتور المعمل واداني النتيجة وقال:

-العينات متطابقة بنسبة تسعة وتسعين في المية...استاذ أنور يبقي والد الطفل!!!!

يتبع

#خيانة_زوجي

#سولييه_نصار

الجزء التاني♥️شكرا علي تفاعلكم السكر♥️بقلم سولييه نصار♥️

-طلع ابنك.

قولتها وانا بعيط واديته التقرير وخرجت بسرعة من المعمل وانا بعيط ...كنت بمشي وانا بعيط وحاسة اني همو*ت وانا بتخيل ان اللي قدمتله حياتي كلها خا*نني بالطريقة دي ...

فجأة حسيته مسك دراعي وقال:

-ممكن بس تديني فرصة اشرحلك ...ابوس ايديكي يا هنا متض*يعيش حياتنا عشان نزوة ...

ضحكت وانا بقول :

-لما ابقي اخو*نك واطلب السماح هقول انها نزوة يا محترم ....

زقي/ته ومشيت ...مرضيتش اروح لأهلي عشان متكبرش الم*شكلة ...قررت اروح عند اختي حنان المتجوزة ...

........

وقفت قدام الباب وانا متوترة وماسكة دموعي بالعافية بس قررت اخبط...

فتحت اختي الباب وقالت بدهشة:

-هنا ايه...

قاطعتها وانا بقول:

-جوزك والولاد.هنا ؟!

هزت راسها بلأ ولسه هتتكلم حضنتها وانا بعيط ...

حضنتني حنان جامد وهي مرعوبة ...مكنتش فاهمة ايه اللي بيحصل بالضبط ...بس سابتني ابكي وافضي حز*ني وقه*ري ...

......

بعد شوية بعد ما حكتلها كل حاجة بالتفصيل ...

-يا مصي*بتي وحامل منه كمان؟!

هزيت راسي وانا بعيط وقولت:

-جوايا نا*ر يا حنان ....أنا مقصرتش معاه عشان يعمل كده ...ده حتي لما عرفت اني مش هخلف قولتله اتجوز ده حقك ومش هزعل وهقبل ان واحدة تشاركني فيك ...بس هو أرتكب الز*نا يا حنان اختار يعص*ي ربنا  ...أنا مقه*ورة عليا وعليه وعلي البنت الصغيرة دي اللي لو اهلها عرفوا هيق*تلوها ...ده د*مر مستقبلها خلاص ...قض*ي عليه ..مش عارفة أعمل ايه انا تعبانة ومحتارة ومقه*ورة ...

حضنتني حنان وقالت:

-طيب اهدي وارتاحي دلوقتي ...فكري في نفسك بس مش فيهم هو الاتنين زبا*لة ميتساهلوش تقلقي عليهم ...جوزك خا*ين والتانية رخي*صة عرفت انه متجوز بدل ما تبعد وافقت تبقي علي علاقة معاه ...هو الاتنين من طينة واحدة ...

هزيت راسي  وانا بقول:

-ممكن ابقي عندك النهاردة ...انتي قولتي جوزك. الاولاد راحوا لبيت جدهم وهيباتوا صح ..

هزت حنان راسها وقالت:

-اه يا روحي هيباتوا هناك يومين كمان ...اقعدي واهدي لحد ما تشوفي هتتصرفي ازاي ...

هزيت راسي وانا موافقة كلامها بس قولت :

-معلش يا حنان بلاش تقولي لأمي وابويا  اللي حصل بالله عليكي ...لحد ما أنا أعرف هحل المش*كلة ازاي ..

هزت حنان راسها وسكت وانا دماغي بتودي وبتجيب ...حطيت ايدي علي قلبي وانا بسأل نفسي ليه عمل كده ؟!ده أنا بنفسي قولتله اتجوز عشان أنا مبخلفش ...عمري ما قصرت معاه ...ولا رفضتله طلب ...يبقي هو ده جزائي ...هو غر*ق نفسه وغر*ق بنت صغيرة وابنه اللي لسه هيجي ...الله يسامحك يا انور لاني عمري ما هسامحك ...

.....

تاني يوم صحيت علي رنة تليفوني ...رديت علي التليفون من غير من اعرف مين اللي علي التليفون واتجمدت وانا بسمع صوت رانيا وهي بتقول:

-الحقيني يا مدام هنا ابوس ايديكي أنور بعد ما مشيتي امبارح قالي انه مش هيتحمل مسؤولية الطفل ده واداني فلوس عشان انزله...ابوس ايديكي ساعديني أنا خايفة انزله تحصل حاجة واخواتي  يعرفوا   ...ساعديني أنا مليش بعد ربنا حد غيرك ...استري عليا ...

مقدرتش اتجاهلها رغم ان كنت متعصبة منها لانها غلطت في حقي زي انور ...هي البنت اللي جوزي خ*انني معاها...كان مفروض أقل حاجة اقولها تروح في ستين دا*هية واقفل السكة  في وشها بس مقدرتش ...اتنهدت وقولت:

-تمام هلبس واتصل بيكي واقولك تقابليني فين.

.....

بعد شوية فتحت باب شقتي ولقيت انور قدامي كان نايم علي الكنبة وحاضن صورتي...كان شكله فعلا تعبا*ن بس أنا مقدرتش اتو*جع عشان لان الو*جع اللي في قلبي كان اقوي بكتير ...

-انور 

قولتها بصوت عالي عشان يقوم ...فتح هو عينه وصحي أول ما شافني اتنفض ومسك دراعي وقال:

-حبيبتي انتي هنا ...هنا بالله عليكي سامحيني أنا .

قاطعته وقولت:

-عايزني اسامحك؟!

هز رأسه وقال:

-ايوة طبعا ...ده أنا همو*ت من امبارح عشانك..

ابتسمت وقولت:

-تمام عايزني اسامحك يبقي تتجوز رانيا!!!

يتبع

#خيانة_زوجي 

#سولييه_نصار

الجزء التالت♥️شكرا علي تفاعلكم السكر♥️بقلم سولييه نصار♥️

-انتي بتهزري صح؟!

قالها بصدمة فرديت ببرود:

-انت شايف اني بهزر يعني؟!رجوعي ليك بشرط تتجوز البنت دي !

-انا اتجوز الرخي*صة دي؟!!

زعق بعنف فرديت بهدوء:

-لما هي رخي*صة انت ايه ؟!!مش انتوا الاتنين اللي زن*يتوا ولا ايه؟!!

احمر وشه وقال:

-انا راجل ...

هزيت كتفي وقولتله ببرود:

-ابقي قول لربنا كده أنك زن*يت عشان راجل ...يا دكتور يا محترم الز*نا عقابه واحد عند ربنا ...والبنت حامل في ابنك انت يبقي ملزم تتجوزها او اسيبك...

بصلي بصدمة وقال:

-انتي بتساوميني عشان اتجوز عليكي انتي مجن*ونة يا هنا ؟!

اتنهدت وقولت:

-لا مش مجنونة انت او هي متهمونيش بربع جنيه بس فيه طفل في النص ... وانا مش هسمح  انها تجه*ضه واقف اتفرج ...لان ده حرام عشان كده تتجوزها  وانت اللي تشيل مسؤولية ابنك يا أنور ...هي مش هتشيل المسؤولية لوحدها ...ده غل*طكم انتوا الاتنين ولازم تتحملوا النتيجة مهما كانت ...

بصلي انور وقال :

-لما عرفت أنك مبتخلفيش مرضيتش اتخلي عنك رغم ان ده حقي وكان حقي اتجوز عليكي كمان بس مقدرتش اك*سرك ...انتي دلوقتي مش راضية تسامحيني علي غ*لطي وانا اللي رضيت بعي*وبك ...

كان بيجر*حني بكلامه بس رغم كده تماسكت ورفضت ابين اني اتجر*حت وقولت ببرود:

-لا يا انور دور الض*حية مش لايق عليك أنا مظ*لمتكش لما عرفنا اني مبخلفش أنا بنفسي قولتلك اتجوز وقولت أي قرار هتاخده هيبقي من حقك مش عشان أنا عندي عيب لان عقمي مش عيب دي ارادة ربنا اللي.بحمد ربنا عليها عشان مخلفتش من واحد زيك بس عشان عارفة غريزة الاب وعارفة ان من حقك تتجوز او تطلقني حتي ...فلا متلعبش دور الض*حية خالص هنا ...انت مش ضح*ية انت اللي جان*ي وخر*بت بيتك بإيدك وعملت ذن*ب عظيم ...ها قولت ايه تتجوز البنت ولا نطلع أنا وانت علي المأذون ونطلق وساعتها هعرف عيلتي كلها وهما أكيد هيقفوا في صفي ...

عيونه دمعت ومسك ايدي وقال:

-متخر*بيش بيتنا انتي والله اغلي حد في حياتي أنا بحبك ..

قاطعته وانا بقول بصوت مخنوق:

-اللي بيحب مش بيخون يا انور ...وقولتلك مش هسيبك ...بس البنت دي لازم تتستر البيبي يتولد وسط ابوه وامه...هو ملهوش ذنب في ع*ككم انتوا الاتنين ..

بعد وقال بتعب:

-اللي انتي عايزاه هيحصل .

ابتسمت وقولت:

-هنروح دلوقتي نقابل رانيا وهناخد رقم تليفون اخوها الكبير وانا هروح معاك ونتقدم 

-صدقيني يا هنا هي متستاهلش التض*حية اللي انتي بتعمليها ...هي كانت عارفة اني متجوز ورغم كده ...

قاطعته ودموعي نزلت وقولت:

-وانت كنت عارف أنك متجوز ورغم كده ...الغلط مشترك...

سكت وهو شايفني مصرة اتنهدت بو*جع علي حالي بس شكرت ربنا علي كل حال ...أنا عارفة انه هيعوض صبري خير ...

.....

اخدنا رقم اخوها واتفقنا نتقدم بعد اسبوع ...طبعا كل الوقت ده عايشة مع جوزي بس رافضة تماما انه يقرب منه ...طلبت منه يديني وقت وهو وافق ...

قبل ما نروح نتقدم بيوم جالي انور وقال:

-هنا فيه حاجة اتفقنا عليها انا ورانيا وبكده كل الاطراف هتكسب ...

بصيتله بحيرة فقالي:

-ايه رأيك اجوز رانيا لواحد صاحبي ...طبعا هديله قرشين حلوين وبعدين لما تولد الطفل احنا ناخده ونديلها قرشين كمان  وتبقي انتي امه..وبكده أنا مش هتجوز واحدة رخي*صة زيها ومش هتبقي ام لابني!!!!

يتبع

#خيانة_زوجي 

#سولييه_نصار

الأخير من هنااااااااا