 |
راويه. (مكتوب بدمي )
بقلم. (مني سليم )
الفصل. الثالث عشر
بتكلمي مين ..........؟
هنا : حاتم!
عواطف: اوعي ياحاتم اشوف البت
صباح: ألف سلامه عليكي يا هنا
عواطف: الجميل إللي إنتي عملتيه فوق راسي يا ضي عيني
هنا : متقوليش كده دا اخويا
وفاء من عالباب بس إنتي راديتي ليا روحي
واتجهت لهنا ولسه هتبوس ايدايها هنا شدتها
هنا : بتعملي ايه
وفاء: ابوس ايدك سامحيني إنتي رديتي المكر والخبث بمعروف
هنا : اهدي يا مراات دا اخويا وحدي الله
اهم حاجه هو كويس
حاتم بحده: مش عارفين ان كان كويس ولا لا عالعموم خدي الأكل ده
هنا : بس انا .....
حاتم: انا رايح عند عبده
عواطف: معلش يا حبيبتي هو قلقان على إبن خالته
صباح: خدي يا حبيبتي كلي
هنا : ماليش نفس
صباح: طب اشربي العصير علااقل
هنا : حاضر
يا ترى شكلي إيه ف عينك شايفني مجرمه ومعنديش قلب يارب انا تعبت تلك الكلمات كانت ف ذهنها
🍂🍂🍂🍂🍂🍂🍂🍂🍂🍂🍂🍂🍂
الحق يا دكتور المريض حالته ف خطر
ليسرع الدكتور إليه وبعد ساعتين متواصلين
يخرج ، والكل واقف مرعوب واسرعوا ا ليه
شريف وهو يبكي بحرقه: في ايه يا دكتور
الدكتور : للأسف الشديد المريض دخل في غيبوبه
مصطفى: يعني ااااااايه شوف إبني لو حصله حاجه هوديكو ف مصيبه
الدكتور: بعد إذنكوا
مصطفى: انت رايح فين استنى
وفاء: اابني اعمل حاجه يا مصطفى ابني هيروح مني
حاله من الحزن تسود على كل العيله وشلالات من الدموع
راحت هنا عندهم ورأت شكلهم اترعبت بقت تقدم رجل وتاخر رجل كانت خايفه تسمع ما يقتلها وبتدعي ربها ان تكون الامور بخير
مشي عليها حاتم ومسكها من ايدها بشده
ومشيت معاه هنا دون اي مقاومه
🍂🍂🍂🍂🍂🍂🍂🍂🍂🍂🍂🍂
ف المخزن
سعيد: إيه اللي عملتوه ده يا بهايم
راشد : لو ما كناش عملنا كده كان موت حد فينا
سعيد: ادعوا ربكم ميحصلش للواد حاجة
وإلا هنا هتوديكوا ف داهية
راشد : قولها حتى لو حد فينا اتقبض عليه اسمها مش هيجي ف اي حاجه
سعيد: انتوا متقدروش تعملوا حاجة غير كده
وصح هنا بتقولكم لو حصل حاجه هتعمل حاجه مش هتعجبكم وانت عارفينها
وافتكر الحوار إللي دار بين هنا ورئيسهم
فلاااش باك"
جاسم: إنتي بتطلبي عدد رجاله مستحيل اديه لحد
هنا : يعني مش موافق
جاسم: ايوا انا مبتفقش مع حريم
هنا : براحتك انا ماشيه يالا ياعم سعيد
ليأتي رجل ألحق يا كبير الحكومه هاجمه علينا
راشد: يا كبير احنا عندنا بضاعه بملايين هتعمل ايه
جاسم: ابعت حد يكلم المرشد بتاعنا وشوفهم فين
راشد: طب والبضاعه
هنا : انا ههربها واكيد محدش هيشك فيا
جاسم: احنا هنصرف امشي انتي والراجل اللي معاكي خطر عليكوا هنا
هنا : براحتك انا كنت عايزه اساعد سلام
راشد بهمس: كلمته مافيش نص ساعه ويكونوا عندنا يا كبير مافيش حد هيقدر يطلع البضاعة غيرها ناديلها احسن ما نروح ف حديد
جاسم : لاع انا مطلبش من حريم مساعدة واصل
راشد : انا هقولها يا ست هنا .....احنا موافقين
بصت هنا لجاسم: اسمعها منه
راشد : يالا يا كبير سلامتك اهم عندنا يالا عشان خاطر ربنا
جاسم : موافق
هنا : طب بسرعه انقلو البضاعه لعربيتي
سعيد: إنتي بعملي ايه
هنا : اهدا يا عم سعيد
وفعلا هنا خدت العربيه وعدت لانها شافت ف الكمين اخو نيفين ده ساعدها كتير
جاسم : ايوا فين البضاعه
هنا : لازم نتقابل الأول
جاسم: ده إللى كنت عامل حسابه وكنت عارف انك هتعملي كده
هنا : طب كويس وفرت نتقابل بعد ساعه
هنا : هتساعدني اخد حقي هرجعلك البضاعه
جاسم : وانا موافق بس مش عشان البضاعه البضاعه معايا.
هنا : انت بتقول ايه
جاسم : انا شوفت الغدر ف عينك وبعت واحد واراكي والبضاعه الوقت
ف الحفظ
هنا : امال موافق علي إيه
جاسم: بعد ما تخلصي من انتقامك نتجوز
هنا : انت بتحلم
جاسم: والحلم هيبقى حقيقة
هنا : انا وانت مش هننفع مع بعض انت مجرم
جاسم: اصملى عليكي
هنا ف نفسها مافيش حل تاني هو حطك ف دماغه وانتي لازم تحققي هدفك
انا موافقه بس بعد ما دمر مصطفى وبيته
جاسم: ع البركه مبروك يا عروسه
بااااك"
ورطتي نفسك ياهنا انا حذرتك وانتي مسمعتيش الكلام بس مش هسيبك تدمري نفسك انا لازم اتصرف الامور زادت عن حدها
🍂🍂🍂🍂🍂🍂🍂🍂🍂🍂🍂🍂🍂
ف بيت حاتم
ادخلي ف ايه مستغربه ممعاملتي معاكي
اخر حاجه كنت اتوقعها انم تكوني بالجبروت دا انت شيطان متنكر ف ملاك انا كنت مستعد اضحي بحياتي عشانك ساكته ليييييه ومسك الفازه وخبطها ف الحيطه
كل ده وهنا متكلمش
اتكلمي عبد الله بين الحيا والموت
نظرت له بكسره
هنا : ه" ه"هو لسه عايش....
استنوني بكره الحكايه هتسخن عالاخر دمتم بخير وصحة وسلامة يارب 😗😗😗😗
هستنى تفاعلكم وتعليقاتكم 🤔🤔🤔🤔🤔
مكتوب بدمي 💣💣💣💣
منى سليم ✍✍✍✍
راويه. (مكتوب بدمي )
بقلم. (مني سليم )
الفصل. الرابع عشر
اخذت هنا نفسا عميقا وحمدت ربها انه خاب ظنها
حاتم: إيه البرود إللى انتي فيه ده
هنا : خلصت
حاتم: لو ع الكلام كتير......انتي مين فين هنا إنتي مكنتيش كده
هنا : اسمعني كويس مالكش دعوة بيا
حاتم: والله واللي بين الحياة والموت ده ....ازاي طاوعك قلبك
هنا : دي حاجه بيني وبين عمي مالكش فيه
حاتم: طب وحبي ليكي
هنا : سيبني ف حالي ما قولتش تحبني انت إيه مش بتحس
حاتم ضرب الحيطه بايده ونزف شلالات من الدم انتفضت هنا ولسه هتمشي عليه
شاور بايده ان تتوقف مكانها
حاتم : من النهارده حبيبتي ماتت إنتي واحده معرفاش امشي ....مش طايقك
ولو حصل لعبدالله حاجه انا بنفسي هبلغ عنك
هنا بضحكه مكبوته بالم: مش هتعرف تعمل حاجه انا واخده بالي ابعد عني وماتدخلش في مالكش فيه انا ماشيه
بعد ما مشيت
ااااه ازاي يعني دي طول عمرها احن من الحنيه يااااااالله ساعدني
ف الشارع هنا ماشيه زي التايهة ليييييه مكتوب عليا الكسرة وحرقه القلب هما ليه عملوا كده واتفاجئت بعربيه ماشيه باقصى سرعه باتجاها وهنا كانت مستسلمة ليها ووقفت امامها وقفت السيارة امامها مباشرة ونزل منها جاسم
جاسم: إنتي كويسه
هنا: والله مانا عارفه
جاسم: انا حاسبت إللي غلط الغلطه الكبيره دي
هنا: انا اتفاقي كان واضح
جاسم : قصدك ايه
هنا : انا عند كلامي وده وقت الضربه الاخيرة
جاسم:متخليش نار الانتقام تحرقك انتي زي الصفحة البيضه متلونيش نفسك بالدم
هنا بغل : هما إللي بتدوا والبادي اظلم وحق ابويا واختي لازم يجي
جاسم: تعالي يابت الناس نبعد عن المشاكل ونعيش حياتنا
هنا : خايف عليا من مين
جاسم: طول مانا عايش محدش يقدر يقربلك انا خايف عليكي من نفسك خايف لا تكملي عمرك ف ندم
هنا : جاسم علي ابو طالب اكتر واحد مسجل خطر ف مصر بيتكلم عن الندم
جاسم: انا اتولدت ف الجبل ابويا كان من المطاريد أمي خافت عليا خدتني وهربت علمتني لحد ما دخلت طب وخدت شهادتي وبعدها ابويا عرف مكاني انا وامي وخطفنا وطلب مني اكون سنده ف كل حاجه يملكها وأعماله الاجراميه واكيد رفضت وحط السكينه على رقبه امي وكان هيدبحها اضطريت اوافق وبعد كام شهر لما مسكت السلاح بقيت الكبير امي اترجتني اهرب وانا رفضت ومن وقت مماتها وانا ندمان إني مسمعتش كلامها بس يفيد بايه الندم والحسره بعد فاوات الاوان عشان كده
مش عايزك تبقي زيي
هنا : والمفروض دلوقتي اعيط وا قولك خلاص إللي تشوفه اسمع مافيش حاجه هتوقفني غير الموت
جاسم: ياريت لو تفهمي اني خايف عليكي
هنا: هي هانت جهز الرجاله وكلمني انا رايحه المستشفى
جاسم: تعالي اوصلك
هنا: تيجي فين يا مجنون الدنيا ملغمه حكومه
جاسم: خايفه عليا
هنا : اكدب عليك لو قولت ايوا انا خايفه تتمسك والمصلحة متكملش
جاسم: يخرب بيت لماضتك ماتخافيش يالا بينا
امام المستشفى حاتم كان واقف وهنا نازله من العربيه مشي عليها وسألها مين ده إللي كانت معاه سابته ومشيت ولسه هيمسك ايداها لقي جاسم قصاده
هنا طلبت من حاتم انه يدخل المستشفى وهو رفض
حاتم: انا فهمت
جاسم: كويس إنك فهمت
هنا : حاتم لو سمحت ادخل جوه
حاتم: تصدقي إنك نزلتي من نظري بقيتي واحده حقيره
هنا بصراااخ: بس بقا انت ايه مبتزهقش
حاتم: ياخساره ،ومشي
جاسم: لولا انك منعتيني كا هيبقى ليا تصرف تاني
هنا : انا ...انا
فقدت هنا وعيها ولسه هتقع بس ايده حاوطت خصرها وحملها ودخل المستشفى
الكل ف حاله زهول من اللي شافوه
موظف الاستقبال
حضرتك دي تبقى مين
جاسم بحده: دي مراااتي اندهوا الدكتور
حاتم:مراااااتك
صدمه حاتم مش سهله على فكره دا اصعب فصل اكتبه دمتم بخير وصحة وسلامة 😗😗😗😗
عايزه تفاعل حلو زي القمر إللي بيقرأ😎😎
مكتوب بدمي 💣💣💣💣💣
منى سليم ✍✍✍✍
تكملة الروايه من هنااااااا
 بقلم. (مني سليم ) الفصل. الثالث عشر بتكلمي مين ..........؟ هنا : حاتم! عواطف: اوعي ياحاتم اشوف البت…){kind=link}
تعليقات
إرسال تعليق